Zhagh News Urdu

Home
Zhagh News Urdu

A voice of deprived people of erstwhile FATA
(1)

13/04/2024

وانا / جنوبی وزیرستان لوئر کے ہیڈکوارٹر وانا میں آج پاک افغان بارڈر انگوراڈا گیٹ کو مستقل طور پر کھولنے اور اس میں حائل روکاوٹیں دور کرانے کے لئے احمد زئی وزیر کے 9 قبائل کا ایک گرینڈ جرگہ ہوا ، جسمیں قبائلی عمائدین اور علماء کرام نے کثیر تعداد میں شرکت کی۔ جرگہ میں فیصلہ کیا گیا کہ سوموار کے دن وانا بازار میں 9 قبائل کا دوسرا بڑا گرینڈ جرگہ منعقد کیا جائے گا۔ جسمیں احمد زئی وزیر کے سارے لوگ بھرپور شرکت کریں گے۔ یہاں اس بات کا ذکر کرنا ضروری ہے کہ انگوراڈا گیٹ پچھلے 5 ماہ سے بند ہے جس سے اب تک قومی خزانہ کو 100 ارب سے زائد نقصان پہنچا ہے اور تجارت سے وابستہ لوگوں کو ساڑھے پانچ ارب روپے کے قریب نقصان ہوا ہے۔ اس کے علاوہ صرف انگوراڈا گاؤں میں گیٹ کی بندش کی وجہ سے پانچ ہزار غریب افراد بے روزگار ہوچکے ہیں اور انگوراڈا کاروبار سے وابستہ مقامی ٹرانسپورٹ مکمل طور پر ختم ہوچکی ہے۔ آج کے جرگہ میں معتبر ذرائع نے بتایا کہ ٹرانسپورٹ کے علاوہ، وانا میں ہوٹلز، گودام، پیٹرول پمپ، سروس سٹیشنز انگوراڈا گیٹ پر تجارت نہ ہونے کی وجہ سے بند ہوگئے ہیں جس سے ہزاروں جنگ زدہ قبائلی نوجوان بے روزگار ہوکر تنگدستی و افلاس کے دن گزارنے پر مجبور ہوگئے۔ وانا کے بڑے بڑے کاروباری لوگوں نے انگوراڈا پر تجارت کی سرگرمیاں ختم ہونے کے بعد اپنا زیادہ تر سرمایہ طور خم، غلام خان اور خرلاچی بارڈرز پرکاروبار جاری رکھنے کے لئے منتقل کردیا ہے اور سرمایہ کی اس بے تحاشا منتقلی سے بے روزگاری کا جن علاقے میں بالکل بے قابو ہو گیا ہے۔واضح رہے کہ انگوراڈا گیٹ کی بندش کی وجہ سے جنوبی وزیرستان لوئر میں بدامنی، ڈاکہ زنی اور چوری کی وارداتیں معمول بن گئی ہیں۔ آج کے جرگے میں شامل تمام عمائدین اور علماء کرام نے میڈیا کو بتایا کہ جنوبی وزیرستان لوئر میں چوری و ڈاکہ زنی کی جو وارداتیں سرزد ہورہی ہیں ان کی بڑی وجہ مقامی نوجوانوں میں پائی جانے والی بے روزگاری ہے۔

05/11/2023

کو مدنظر رکھتے ہوئے اپنی ہڑتال کی کال واپس لیں۔

یعنی 6 نومبر بروز سوموار 9 بجے تک تمام سٹورز کھول دیں ورنہ کل سے ڈرگ ایکٹ 1976 کے تحت انکے خلاف کارروائی کی جائے گی۔

ڈرگ انسپکٹر جنوبی وزیرستان لوئر اینڈ اپر صبغت اللہ وزیر نے کہا ہے کہ آج بمورخہ 5/11/2023 کو زیر دستخطی ڈرگ یونین ساؤتھ وزیرستان لوئر کے ساتھ تفصیلی میٹنگ بموجودگی اے ڈی سی اور تحصیل وانا چئیرمین ہوئی۔
میٹنگ میں ڈرگ یونین لوئر وزیرستان کو عوام کی مشکلات سے آگاہ کیا گیا کہ ڈرگ یونین ہڑتال سے ساؤتھ وزیرستان لوئر کے عوام کو کافی مشکلات کا سامنا ہے اور عوام کو ادویات کی حصول ناممکن بنتا جارہا ہے۔
ڈرگ یونین کو یہی درخواست کی گئی کہ عوام کی تکلیف کو مدنظر رکھتے ہوئے اپنی ہڑتال کی کال واپس لیں۔ڈرگ یونین وزیرستان نے مطالبہ کیا گیا کہ ڈرگ سٹورز کے خلاف کوئی کارروائی نہ کی جائے اور انکو مزید دو سال کا وقت دیا جائے جس دوران وہ لائسنس کے حصول کیلئے ایپلائی کرینگے۔
ڈرگ انسپکٹر نے کہا کہ ڈرگ یونین کو بتایا گیا کہ انتظامیہ انکو پہلے ہی دو سال کا وقت دے چکی ہے کہ اس دوران وہ اپنے لائسنس کے حصول یقینی بنائیں اور اپنی کاغذی کارروائی مکمل کریں، لیکن ڈرگ سٹورز اس میں ناکام ہوئے ہیں،
آخر میں یہ فیصلہ کیا گیا کہ ڈرگ یونین لوئر وزیرستان کل صبح بمورخہ 6/11/2023 کو 9 بجے تک تمام کھول دینگے، اور عوام کو اپنی خدمات فراہم کرینگے۔ڈرگ انسپکٹر نے کہا کہ اگر ڈرگ یونین نے اس فیصلے پر عمل نہیں کیا تو انکے ساتھ بمورخہ ایک ایک 2024 تک جو معاہدہ ہوا ہے اسکی روشنی میں نرمی برتی جائے گی۔ اور ان سے لائسنس کا تقاضا نہیں کیا جائے گا۔اگر کل 9 بجے تک ڈرگ یونین سٹورز کھولنے میں ناکام ہوگئے تو کل بمورخہ 6/11/2023 سے انکے خلاف ڈرگ ایکٹ 1976 کے تحت کارروائی کی جائے گی۔

13/10/2023

آج وانا پولیس نے پختون تحفظ موومنٹ کے مرکزی رہنما فرمان اختر کو گرفتار کرلیا۔ فرمان اختر کی گرفتاری کا خبر علاقے میں آگ کی طرح پھیل گئی اور اس وقت علاقے کے کونے کونے سے لوگ احتجاج کے لئے نکل رہے ہیں۔
جب مظاہرین سے پوچھا گیا تو ان کا کہنا تھا کہ ہم اپنے ساتھیوں کی گرفتاری کو کبھی برداشت نہیں کریں گے۔ ان لوگوں کو گرفتار کیا جائے جو امن خراب کرنے کی کوشش کر رہے ہیں نہ کہ ان لوگوں کو جو امن کے لیے آواز اٹھارہے ہیں

09/07/2023

وانا / اسلامی جمعیت طلبہ لوئر وزیرستان نے کالج کی بحالی کے حوالے سے سیمینار کا انعقاد کیا ، جسمیں جنوبی وزیرستان لوئر کے سیاسی جماعتوں ، مشران ، نوجوانان ، وکلاء برادری و دیگر نے کثیر تعداد میں شرکت کی ، مقررین نے گورنمنٹ کالج وانا کی بحالی پر تفصیلی بات چیت کی ،

مقررین نے کہا کہ گورنمنٹ کالج وانا کی بحالی ہماری ذمہ داری ہے فعالی کے لیے مشترکہ طور پر ایک کمیٹی تشکیل دی جائیں تا کہ وہ پرنسپل سے باقاعدہ مشاورت کے بعد اس پر کام کرکے کالج وانا کو بحال کیا جائے۔

مقررین نے کہا کہ ضلع جنوبی وزیرستان لوئر صوبہ خیبرپختونخواہ پاکستان کا ایک دور دراز اور پسماندہ ضلع ہے ۔ ضلع جنوبی وزیرستان لوئر وزیر ، دوتانی اور سلیمان خیل قبیلوں پر مشتمل ہیں ۔ یہ علاقہ انتہائی خوبصورت ہے ۔ یہاں کے چلغوزے، میوے اور سبزیاں ملک بھر میں مشہور ہیں ۔ ضلع جنوبی وزیرستان لوئر اور اپر کا کل رقبہ 6619 مربع کلومیٹر ھے ۔ 2023 ء کی مردم شماری کے مطابق ضلع لوئر کی آبادی 410879 افراد پر مشتمل ہیں ۔ یہاں مردوں کی تعداد خواتین کے مقابلے میں زیادہ ہے ۔

مقررین نے کہا کہ ضلع جنوبی وزیرستان لوئر کی تمام آبادی زیادہ تر دیہی علاقوں پر مشتمل ہے ۔ یہاں کی 97 ٪ آبادی پشتو زبان بولتی ہے۔ ضلع جنوبی وزیرستان لوئر میں صرف 362 افراد کا تعلق اقلیتی برادری سے ہے ۔ یہاں کا موسم سردیوں میں سرد ترین اور گرمیوں میں معتدل ہوتا ہے ۔ جنوبی وزیرستان لوئر کے لوگ بہت محنتی اور جفا کش ہیں۔ یہ علاقہ ایک عرصہ تک جنگی حالات میں رہا ہے۔

مقررین نے کہا کہ 1947 سے پہلے اور 1957 تک جنوبی وزیرستان میں شرح خواندگی 2.9 ٪ تھی ۔ دو لاکھ بتیس ہزار پانچ سو دو (232502) پاپولیشن میں صرف 6765 افراد خواندہ تھے ۔ وزیر قوم میں صرف اور صرف 351 افراد پڑھے لکھے تھے ۔ اس وقت وزیر کی ابادی تقریباً 44344 ریکارڈ کی گئی تھی ۔ کیونکہ زیادہ تر لوگ افغانستان میں مقیم تھے یا یہ خانہ بدوش تھے ۔ 1947 سے پہلے وزیرستان میں کوئی ہائی اسکول موجود نہیں تھا صرف 8 پرائمری سکول موجود تھے ۔ 1947 کے بعد 1957 تک جنوبی وزیرستان میں 3 ہائی اسکول ، 5 مڈل سکول 64 پرائمری سکول 1 ٹیچنگ ٹریننگ سینٹر بنا دیئے گئے ۔ 1957 کے بعد پرائمری سکول کی تعداد بڑھا کر 1969 تک 800 کر دی گئی ۔ اس فیگر میں لڑکیوں کی شرح خواندگی کا کوئی ریکارڈ موجود نہیں ہیں ۔

مقررین نے کہا کہ 75 سالوں میں ابادی تین گناہ زیادہ ہو گئی مگر بدقسمتی سے شرح خواندگی میں خاطر خواہ اضافہ نہ کر سکے ۔ موجودہ دور میں خواندگی کی شرح 35 فی صد ھے ۔ مردوں میں خواندگی کی شرح 51 فی صد جبکہ عورتوں میں خواندگی کی شرح صرف 17 فی صد ھے ۔ اس وقت تقریبا 410879 ابادی کے لئے صرف اور صرف ایک گورنمنٹ ڈگری کالج اور ایک گورنمنٹ گرلز ڈگری کالج موجود ہے ۔

مقررین نے کہا کہ گورنمنٹ ڈگری کالج وانا کا قیام 1974 میں لایا گیا جو تقریباً 300 کنال پر مشتمل ھے، گورنمنٹ ڈگری کالج وانا نے پروفیسرز ، انجنیئرز، اور ڈاکٹرز پیدا کیے ہیں لیکن وار ان ٹیرر کے بعد کالج کے حالات دیگرگوں ہوگئے ہیں یہاں کے مقامی بچے دور دراز علاقوں میں تعلیم حاصل کر رہے ہیں جو والدین پر اس منہگائی کے دور ميں بوجھ بنے ہوئے ہیں ۔ آج کا تعلیمی سیمنار کا مقصد والدین اور طلباء میں گورنمنٹ ڈگری کالج وانا کی افادیت کو اجاگر کرنا ہیں تاکہ والدین اپنے بچوں کی حاضری کو یقینی بنائے اور پرنسپل اور سٹاف کے ساتھ اس حوالے سے تمام مکاتبِ فکر تعاون کریں ۔

مقررین نے کہا کہ تقریباً پانچ لاکھ ابادی میں ہر سال پانچ ہزار سے زائد طلبہ و طالبات میٹرک مکمل کرکے کالج جانا چاہتے ہیں مگر بدقسمتی سے اتنی بڑی ابادی کے لئے صرف ایک بوائز ڈگری کالج اور ایک گرلز ڈگری کالج جو مکمل ویران و غیر فعال پڑے ہیں ۔ ہم اہلیان جنوبی وزیرستان لوئر ضلعی انتظامیہ سے گورنمنٹ ڈگری کالج وانا کوفعال اور مسائل حل کرنے میں مکمل تعاون کا یقین دہانی کے ساتھ عملی اقدامات چاہیے ۔

مقررین نے کہا کہ تعلیم کسی بھی قوم یا معاشرے کیلئے ترقی کی ضامن ہے ۔ تعلیم وہ زیور ہے جو انسان کا کردار سنوراتی ہے دنیا میں اگر ہر چیز دیکھی جائے تو وہ بانٹنے سے گھٹتی ہے مگر تعلیم ایک ایسی دولت ہے جو بانٹنے سے گھٹتی نہیں بلکہ بڑھ جاتی ہے اور انسان کو اشرف المخلوقات کا درجہ تعلیم کی وجہ سے دیا گیا ہے تعلیم حاصل کرنا ہر مذہب میں جائز ہے اسلام میں تعلیم حاصل کرنا فرض کیا گیا ہے، انہوں نے کہا کہ سرکاری سکول کے اساتذہ کرام کو چاہئے کہ وہ اپنے ڈیوٹی کو اچھی طرح سرانجام دیں، تاکہ سرکاری سکولز دوبارہ فعال ہو جائیں۔

مقررین نے کہا کہ اگر کوئی بھی قوم چاہتا ہے کہ وہ ترقی کرے تو ان کو چاہیے کہ وہ اپنی تعلیمی اداروں کو مضبوط کریں ، آج تک جن قوموں نے ترقی کی ہے وہ صرف علم کی بدولت کی ہے

مقررین نے کہا کہ تعلیم کی کیا اہمیت ہے اوران کا حصول کتنی ضروری ہے۔ جو لوگ معاشرے میں تعلیم حاصل کرتے ہوں وہ دینی ہو یا دنیاوی اس انسان کا معاشرہ کے اندر اور اپنے گھر کے اندر ایک الگ مقام ہوتا ہے ایک نوجوان بچے کا قدر بزرگ لوگ صرف تعلیم کی وجہ سے کرتے ہے توہمیں چاہیے کہ تعلیم حاصل کریں اور اس کا صیح استعمال کریں اور اگر ایسا ممکن ہوا تو وہ دن دور نہیں کہ ہم دنیا کے ان ملکوں میں شمار ہونا شروع ہوجائے گا جو جدید علوم سے اگاہی رکھتے ہے۔

انہوں نے حکومت کے سامنے چند مطالبات پیش کئے۔ گورنمنٹ ڈگری کالج وانا میں تعلیمی سرگرمیاں بحال کرنے کے لیے طلبہ کی حاضری یقینی بنایا جائے ۔ گورنمنٹ ڈگری کالج وانا کو پوسٹ گریجویٹ ٹیچنگ اسٹاف دیا جائے ۔ گورنمنٹ ڈگری کالج وانا کے کلاس فور اور کلیریکل سٹاف پورا کیا جائے۔ گورنمنٹ ڈگری کالج وانا کو مکمل سولرائز کیا جائے ۔ گورنمنٹ ڈگری کالج وانا کے لئے ٹرانسپورٹ مہیاں کی جائے گورنمنٹ ڈگری کالج وانا کے نئے ہاسٹل پر کام تیز کی جائے اور پرانے ہاسٹل کومرمت کرکے سولرائز کیا جائے ۔ گورنمنٹ ڈگری کالج وانا کو جدید ڈیجیٹل لائبریری دی جائے۔

07/06/2023

ضلع لوئر وزیرستان میں غیر آئینی ، غیر جمہوری اور غیر قانونی جرمانوں کے خلاف ڈسٹرکٹ بار ضلع ساؤتھ وزیرستان نے مذمت کرتے ہوئے بیان جاری کیا کہ ضلعی حکومت ان لوگوں کے خلاف جلد سے جلد قانونی کاروائی کرے اگر ضلعی حکومت نے ٹال مٹول سے کام لینے کی کوشش کی تو ہم عدالت سے رجوع کریں گے ۔

26/05/2023

پاکستان تحریک انصاف کے قائدین و کارکنان کے چہروں سے صاف ظاہر ہوتا ہے کہ ان کو پریس کانفرنسوں کے لیے انتہائی مجبور کیا جارہا ہیں

15/05/2023

ملک بھر سے پی ڈی ایم کے کارکنوں کی ریلیاں سپریم کورٹ کے سامنے دھرنا دینے کے لیے پہنچ رہی ہیں۔

13/05/2023

میری بات سنو ڈی جی آئی ایس پی آر، جب آپ پیدا بھی نہیں ہوئے تھے تو میں نے اپنے ملک کا نام روشن کیا،عمران خان

11/02/2023

نور بادشاہ ولد احمد شاہ جس کا تعلق جنوبی وزیرستان تحصیل تیارزہ گاؤں تنگی قریش سے ہے جو کہ ذہنی معزور ہے اور بول بھی نہیں سکتا چند دن پہلے قریشی موڑ ڈیرہ اسماعیل خان سے گم ہو چکا ہے لہذا اگر کسی کو نظر ائے تو کمنٹس میں ہمیں لکھیئے یا نیچے دئیے گئے واٹس ایپ نمبر پر رابطہ کریں۔
00923059445871

10/02/2023

لوئر وزیرستان:: ڈسٹرکٹ پریس کلب وانا کی کابینہ نے متفقہ فیصلہ کرتے ہوئے آئین کے آرٹیکل نمبر 8، پیرا نمبر 8, آرٹیکل نمبر 9 پیرا نمبرز 8,9 اور 10، شق نمبر 3 پیرا نمبر 4 شق نمبر 3 پیرا نمبر 6 کی خلاف ورزی کرنے پر ڈسٹرکٹ پریس کلب وانا کے ممبر نیک محمد کی بنیادی ممبرشپ ختم کردی ہے۔
کابینہ نے اپنے آئینی اختیارات استعمال کرتے ہوئے نیک محمد کو پریس کلب کے جملہ قوانین کی خلاف ورزی کا مرتکب ٹھرایا، جبکہ پریس کلب کے آئین سے انحراف اور آئین کی سنگین خلاف ورزی پر ان کی بنیادی رکنیت ختم کرنے کا فیصلہ کیا ہے، نیک محمد مزید ڈسٹرکٹ پریس کلب وانا کا ممبر نہیں رہا۔تمام محکموں کو اس نوٹیفیکشن سے آگاہ کیا جائے اور تمام سرکاری و غیر سرکاری محکمے نوٹ فرمالیں۔

08/02/2023

۔۔
ڈسٹرکٹ پریس کلب وانا تمام اداروں کی طرح صحافیوں کی فلاح و بہبود اور عوام الناس کی دادرسی پہنچانے کا ایک ایسی مقدس جگہ ہے،جہاں سے صحافی اپنے رپورٹس فائنل کرکے ملکی و بین الاقوامی اداروں کیلئے لکھتے ہیں،علاقائی مسائل اور خبروں سے دنیا کو باخبر رکھتے ہیں۔یہ صحافیوں کا مشترکہ ایسا گھر ہے،جہاں قانون ،قاعدے اور منشور کیساتھ چلنا پڑتا ہے،اللہ کے کرم سے اب ڈسٹرکٹ پریس کلب وانا رجسٹرڈ ادارہ ہے،ڈسٹرکٹ پریس کلب وانا کے کل رجسٹرڈ ممبرز کی تعداد آئین کی منظوری کے بعد 14 تھی،ائین کے پاس ہونے اور پریس کلب کی رجسٹریشن سے قبل ڈسٹرکٹ پریس کلب وانا کے ممبرز کی کل تعداد 16 تھی،
اب چونکہ آئین میں سرکاری ملازم ممبر نہیں بن سکتا،اس بناء پر احمد نور اور حفیظ اللہ کو سرکاری ملازمت کی وجہ سے آئین نے فارغ کردیا،اور 14 ممبرز میں سے ہمارے انتہائی قابل احترام صحافی جاوید نور صاحب مرحوم شوگر،گردوں اور دیگر امراض سے کئی سال جنگ لڑنے کے بعد پچھلے سال اللہ کو پیارے ہوگئے،
اب ڈسٹرکٹ پریس کلب وانا کے کل رجسٹرڈ ممبرز 13 رہ گئے،
جن کے نام درج ذیل ہیں،
1.مجیب الرحمان وزیر۔
2.زرداد خان وزیر۔
3.ظفر خان وزیر۔
4.عرفان اللہ وزیر۔
5. شہزادین وزیر۔
6. دین محمد وزیر.
7.شہزادہ وزیر۔
8.نیک محمد وزیر۔
9.نورعلی خان وزیر۔
10.آدم خان وزیر۔
11.اعلی خان وزیر۔
12.قسمت اللہ وزیر۔
13.معراج خالد وزیر۔

اس کے علاؤہ کوئی ڈسٹرکٹ پریس کلب وانا کا ممبر نہیں،ہاں چند صحافیوں نے ممبر شپ کیلئے درخواستیں جمع کی ہیں،جس دن وہ ڈسٹرکٹ پریس کلب وانا کے آئین پر پورا اتریں گے،ائین کے مطابق ان کو ممبر شپ دے دی جائے گی۔
تمام سرکاری وغیر سرکاری اداروں،سیاسی وسماجی تنظیموں سوشل ورکرز اور عام لوگوں کو خبردار کیا جاتا ہے،کہ آئین کے مطابق ہر سال ڈسٹرکٹ پریس کلب وانا کے انتخابات دسمبر کے آخری ہفتے میں منعقد کئے جاتے ہیں،ائین کے مطابق صدر پریس کلب ،پریس کلب کے جنرل سیکرٹری کو 5 دسمبر سے 20 دسمبر تک کابینہ تحلیل کرنے کی نوٹیفیکیشن کے ہدایات دینے کے پابند ہے،اس کے بعد صدر الیکشن کمیٹی تشکیل دینے کا پابند ہے،
عین آئین پر عملدرآمد کرتے ہوئے ڈسٹرکٹ پریس کلب وانا کے سابقہ صدر ظفرخان وزیر نے 17 دسمبر کو کابینہ تحلیل کرتے ہوئے،نئے الیکشن کیلئے سہ رکنی الیکشن کمیٹی تشکیل دی،جس میں آدم خان وزیر،اعلی خان وزیر اور شہزادین شامل تھے،الیکشن کمیٹی کے چیئرمین آدم خان وزیر تھے،الیکشن کمیٹی نے 31 دسمبر کو الیکشن کرنے کا اعلان کیا،28 دسمبرتک امیدواروں سے کاغذات جمع کرانے کا حکم دیا گیا،جن میں سے صدارت اور جنرل سیکریٹری کیلئے باالترتیب مجیب الرحمان اور زرداد خان کے درخواست الیکشن کمیٹی کو موصول ہوئے،دیگر ممبرز میں سے اعلی خان نے فنانس،ظفرخان نے سینئیر نائب صدر،نورعلی خان نے نائب صدر،قسمت اللہ نے پریس سیکریٹری اور معراج خالد نے جوائینٹ سیکرٹری کے عہدے کیلئے کاغذات جمع کئے،کوئی بھی امیدوار مندرجہ بالا مذکورہ امیدواروں کے مقابلے کیلئے میدان میں نہیں کھودا،اور نہ الیکشن کمیٹی کے ہاں درخواست جمع کی،30 دسمبر کو شہزادین نے الیکشن کمیٹی سے علیحدگی اختیار کی،31 دسمبر کو امن و امان کے انتظامات سنبھالنے کیلئے مقامی انتظامیہ کو مدعو کیا گیا،الیکشن کمیٹی کے چیئرمین آدم خان اور ممبر اعلی خان نے تمام امیدواروں کی کامیابی کا نوٹیفکیشن جاری کردیا ۔جبکہ دیگر پانچ ممبران،شہزادہ وزیر،شہزادین وزیر،نیک محمد وزیر،عرفان اللہ وزیر اور دین محمد وزیر نے ڈسٹرکٹ پریس کلب کے آئین و منشور کو بالائے طاق رکھتے ہوئے غیر آئینی اور غیر قانونی کابینہ رستم بازار وانا میں تشکیل دیا،
ڈسٹرکٹ پریس کلب وانا کی کابینہ نے انتہائی تحمل اور صبر کا مظاہرہ کرتے ہوئے ان کے ان غیر آئینی اور غیر قانونی اقدام پر ان کے خلاف کاروائی اس لئے نہیں کی،تاکہ ان کو اپنے غیر آئینی اور غیر قانونی اقدام کا احساس ہوجائے،مگر مذکورہ 5 ممبران ڈسٹرکٹ پریس کلب وانا کے آئین کو مسلسل پامال کرتے رہے،اور اپنے آپ کو ڈسٹرکٹ پریس کلب وانا کے عہدیدار ظاہر کرنے لگے۔جس پر ڈسٹرکٹ پریس کلب وانا کی کابینہ نے متفقہ طور پر ان کے خلاف آئین شکنی پر کاروائی کرنے کا فیصلہ کیا،اور 13 جنوری 2023 کو شہزادہ ،شہزادین،نیک محمد،عرفا ن اللہ اور دین محمد کو شوکاز نوٹس جاری کئے،جس میں ان سے غیر قانونی اقدام پر وضاحت طلب کی گئی،لیکن اس کے باوجود شہزادہ،شہزادین،نیک محمد،عرفان اللہ اور دین محمد ڈسٹرکٹ پریس کلب وانا کے خلاف سازش کرتے ہوئے اس کے آئین کی کھلم کھلا خلاف ورزی سے باز نہ ائے،اور مزید خلاف ورزی کے مرتکب ہوتے رہے۔جس پر ڈسٹرکٹ پریس کلب وانا کی کابینہ نے متفقہ فیصلہ دے کر ان کی بنیادی ممبرشپ معطل کردی ہے۔

اس لئے،تمام سرکاری،نیم سرکاری اور غیر سرکاری اداروں کے علاؤہ تاجر برادری،سیاسی جماعتوں،سوشل ورکرز اور عوام الناس کو اطلاع دی جاتی ہے،کہ ڈسٹرکٹ پریس کلب وانا کے مذکورہ 5 ممبرز کی رکنیت معطل کردی گئی ہے،ڈسٹرکٹ پریس کلب وانا کے نام سے ان سے کوئی بات چیت نہ کرے،کیونکہ ان کی ممبر شپ معطل کردی گئی ہے،ڈسٹرکٹ پریس کلب وانا کی کابینہ نے یہ بھی فیصلہ کیا ہے،کہ ڈسٹرکٹ پریس کلب وانا کی آئین شکنی اور پریس کلب کو نقصان پہنچانے پر ان مذکورہ 5 ممبرز کے خلاف قانونی کارروائی کی جائے گی۔
منجانب۔کابینہ ڈسٹرکٹ پریس کلب وانا۔
1.چئیرمین آدم خان۔
2.صدر مجیب الرحمان وزیر۔
3.جنرل سیکریٹری زرداد خان۔
4.نائب صدر۔نورعلی خان۔
5.سینئیرنائب صدر۔ظفر خان۔
6.فنانس سیکریٹری اعلی خان۔
7.پریس سیکریٹری قسمت اللہ ۔
8.جوائنٹ سیکرٹری معراج خالد ۔

10/11/2022

وانا: تنائی چیک پوسٹ پر پولیس کا کالے شیشوں کے خلاف ایکشن
تفصیلات کے مطابق وانا سے 17 کلومیٹر دور تنائ چیک پوسٹ پر پولیس نے گاڑیوں کے کالے شیشوں کے خلاف ایکشن لیا۔ ذرائع کے مطابق ڈسٹرکٹ پولیس آفیسر عتیق اللہ کی ہدایت پر تنائی چیک پوسٹ سے گزرنے والی تمام گاڑیوں کے کالے شیشے صاف کرنے کا عمل آج سے شروع ہوا جس میں مختلف گاڑیوں کے کالے شیشوں کو صاف کرنے کے ساتھ ساتھ مالکان اور ڈرائیوروں کو سختی سے آئندہ گاڑیوں کے شیشے کالے کرنے سے متنبہ کر دیا گیا۔
ذرائع کا کہنا ہے کہ آج تنائی چیک پوسٹ کے انچارج عصمت اللہ ، عثمان اور شاہ محمد ہر آنے جانے والی گاڑی کے کالے شیشے صاف کر رہے تھے اور ساتھ ساتھ ہر مشکوک گاڑی کی تلاشی بھی لی جارہی تھی۔
واضح رہے کہ گزشتہ کافی عرصہ سے وانا کے عوامی حلقوں کی جانب سے گاڑیوں کے کالے شیشے صاف کرنے کے مطالبات دہرائے جاتے رہے لیکن کالے شیشوں میں کمی کی جگہ خراب حالات کی وجہ سے روز بروز اضافہ دیکھنے کو ملا۔

08/11/2022

وزیرستان وانه اولسی پاڅون کے زیر اہتمام احتجاج میں شامل تمام سیاسی جماعتیں ، پختون تحفظ مؤمنٹ ، سول ؤ سماجی شخصیات وکلاء اور کثیر تعداد میں شامل عوام نے سول انتظامیہ اور سیکیورٹی اداروں کو پانچ دن کا ڈیڈلائن دے دیا ھے کہ ان پانچ دنوں میں مغوی طارق کو بازیاب کروائے ۔ تمام کالے شیشوں کے گاڑیوں کے خلاف ایکشن لے لیں ۔ سول سپر میسی کو بحال کرے ، تمام غیر ریاستی عناصر کے خلاف ایکشن لے لیں ۔ عوام کو تحفظ فراہم کرے تاکہ لوگ بلا خوف کاروبار کر سکے ۔ کسی قسم مسلح لشکر یا غیر آئینی معاہدے کی کوشش نہ کریں ۔ بصورت دیگر ہم سخت اقدام اٹھانے پر مجبور ہو جائیں گے ۔
اس دوران ایک کور کمیٹی جس میں ہر مکتبہ فکر کے لوگ شامل ہیں کی بنیاد رکھ دی گئی جو پانچ دنوں میں تمام علماء کرام ، ملک صاحبان، قومی مشران ، ایم پی اے ، ایم این اے سیکریٹری اور تحصیل چیرمین کے ساتھ مشاورت کے بعد آیندہ کا لائحہ عمل طے کرے گی ۔

30/10/2022

ولي خان سے، انگور اڈہ سے وانا آتے ہوئے اپنا افغان سیٹیزن کارڈ کہیں گم ہوا ہے جس کسی کو ملے کمنٹس میں ہمیں آگاہ کیجئے یا مندرجہ ذیل نمبر پر واٹس ایپ کے ذریعے اطلاع دے، شکریہ
03059445871

21/10/2022

ضلع لوئر وزیرستان پولیس

ضلع لوئر وزیرستان پولیس تنائی چیک پوسٹ پر پولیس اور کسٹم کی مشترکہ کامیاب کاروائ،
ڈی ائی خان سے یوریا کھاد کی غیر قانونی سمگلنگ ناکام بنا دی گئی،
01 گاڑی نمبرK2528 سے 40بوری کھاد برآمد

تفصیلات کے مطابق یوریا کھاد کے خلاف جاری خصوصی مہم کی مناسبت سے ڈسٹرکٹ پولیس آفیسر جناب عتیق اللہ وزیر(PSP) کی ہدایات کی روشنی میں پولیس اور کسٹم کے اہلکاروں نےمشترکہ طورپر ایک کامیاب کاروائ کی جو کہ پولیس انچارج تنائی چیک پوسٹ عصمت اللہ ، SI عثمان خان اور ASI شاہ ولی خان نے یوریا کھاد کی غیر قانونی اسمگلنگ کے خلاف کامیاب کاروائی عمل میں لا کر چالیس بوریاں کھاد تحویل میں لے لی گئی۔
پولیس اور کسٹم کے اہلکار دوران ڈیوٹی تنائی چیک پوسٹ پر موجود تھے، کہ اسی دوران ٹانک سے لوڈ گاڑی میڈیسن سے بھری آ رہی تھی، گاڑی نمبرK-2528کو روکا گیا، جب گاڑی کو مکمل طور پر چیک کیا گیا تو گاڑی میں کھاد لوڈ تھی جس کو غیر قانونی طور پر ڈی آئی خان سے وانا سمگل ہو رہی تھی، گاڑی سے مجموعی طور پر 40 بوری کھاد برآمد کر کے محکمہ زراعت کے حوالے کر دی گئی۔
واضح رہے کہ ملک کے دیگر شہروں سے تمام قسم کی کھاد کی وزیرستان ترسیل پر مکمل پابندی عائد ہے۔

16/08/2022

آج باچاخان مرکز پشاور میں عوامی نیشنل پارٹی نے پشتون قومی جرگہ کا انعقاد کیا جس میں پشتون وطن کے تمام سیاسی جماعتوں اور مختلف مکاتب فکر لوگوں نے شرکت کی۔ باقی تفصیل رپورٹ میں

09/08/2022

وانا: وزیرستان یوتھ افیئرز ڈیپارٹمنٹ کی جانب سے گورنمنٹ ہائی سکول وانا میں تقریری مقابلے کے حوالے سے پروقار تقریب کا اہتمام،

تقریری مقابلہ کیڈٹ کالج وانا کے سٹوڈنٹ وسیم خان وزیر نے جیت لیا۔ پروگرام کے مہمان خصوصی اے سی وانا بشیر خان اور ڈی وائی او سردار علی نے پوزیشن ہولڈرز طلباء میں انعامات تقسیم کئے گئے۔

وزیرستان یوتھ افیئر ڈیپارٹمنٹ کی طرف سے ضلعی انتظامیہ جنوبی وزیرستان کے تعاون سے گورنمنٹ ہائی سکول وانا میں "تقریری مقابلے" کے موضوع پر ایک پروقار تقریب کا انعقاد کیا گیا، جس میں 12 سرکاری و نجی تعلیمی اداروں کے طلباء نے حصہ لیا۔

پروگرام کے مہمان خصوصی اسسٹنٹ کمشنر وانا بشیر خان اور ڈسٹرکٹ یوتھ آفیسر جنوبی وزیرستان سردار علی وزیر تھے۔
اس موقع پر مختلف سرکاری ونجی تعلیمی اداروں کے پرنسپل صا حبان، طلباء اور قبائلی عمائدین نے بڑی تعداد میں شرکت کی۔

تقریری مقابلے میں کیڈٹ کالج وانا کے سٹوڈنٹ وسیم خان وزیر نے فسٹ پوزیشن، امہ چلڈرن اکیڈمی وانا کے سٹوڈنٹ بلال احمد نے سیکنڈ پوزیشن جبکہ الخدمت پبلک سکول سپین کے طالب علم فرہاد خان نے تھرڈ پوزیشن حاصل کی۔
پوزیشن ہولڈرز طلباء میں اے سی وانا بشیر خان نے انعامات تقسیم کردئیے گئے۔

اس موقع پر تقریب کے مہمان خصوصی اسسٹنٹ کمشنر وانا بشیر خان نے کہا کہ آج طلباء کے مابین تقریری مقابلہ دیکھ کر بہت خوشی ہوئی، وانا کے طلباء ہر فیلڈ میں اپنی کارکردگی کو احسن طریقے سے انجام دیتے ہیں، جس طرح وانا کی زمین فروٹ اور سبزیوں کے حوالے سے زرخیز ہیں اسی طرح وانا کے طلباء میں بھی کافی ٹیلنٹ موجود ہیں لیکن انکو صحیح راہ راست پر لانے اور معیاری تعلیم دلانے کی ضرورت ہے۔
انہوں نے کہا کہ میں تمام طلباء کے تقریروں کو اپریشیٹ کرتاہو، اور داد کے مستحق ہیں۔

اس موقع پر ڈسٹرکٹ یوتھ آفیسر سردار علی وزیر نے آنے والے مہمانوں کا شکریہ ادا کرتے ہوئے کہا کہ وزیرستان یوتھ افیئرز ڈیپارٹمنٹ نے ضلعی انتظامیہ کے تعاون سے مرجر کے بعد پہلا پروگرام گورنمنٹ ہائی سکول وانا میں منعقد کیا گیا، انشاءاللہ اس سلسلے کو آگے بڑھائیں گے اور اس قسم کے پروگرامز سے نئی نسل یعنی یوتھ کی حوصلہ افزائی ہوجاتی ہے۔ تاہم وانا کے طلباء میں بے تحاشا ٹیلنٹ موجود ہے لیکن انکو سیدھا راستے پر لانے اور معیاری تعلیم دینے کی اشد ضرورت ہے۔

انہوں نے مزید کہا کہ کہ پورے ضلع میں تین مقامات پر تقریری مقابلے کیلئے فنکشز کے انتظامات کئے گئے ہیں، جس میں ایک گورنمنٹ ہائی سکول وانا شامل تھا جوکہ آج یہاں پروگرام کا انعقاد کر کے بہتر طریقے سے پایہ تکمیل تک پہنچا،

اس کے علاوہ ایک پروگرام لدھا میں کرینگے جبکہ تیسرا پروگرام جامعہ دارالعلوم وزیرستان میں منعقد کرینگے۔
ان تمام تقریری مقابلوں میں فسٹ، سیکنڈ اور تھرڈ پوزیشن ہولڈرز طلباء کو 14 اگست کیلئے سلیکٹ کرنے کا فیصلہ کر لیا گیا ہے۔ جن کو یوم آزادی کے مرکزی تقریب کیلئے بلائیں گے۔

08/08/2022

جنوبي وزیرستان/ آج وانا کے تمام سیاسی پارٹیوں کے رہنماؤں نے رستم بازار وانا میں قوم احمد زئی بلخصوص قوم زلی خیل کے ساتھ کل ہونے والے شمالی وزیرستان کے ساتھ یوم یکجہتی اور آمن احتجاج کے حوالے سے تفصیلی بحث کی ۔ قوم احمد زئی/ زلی خیل نے متفقہ طور پر کل کے احتجاج میں اپنی شرکت یقینی بنانے کا عزم ظاہر کیا ۔ یاد رہے کہ ایک ماہ ہونے کو ہے کہشمالی وزیرستان میں تمام قبیلوں نے متفقہ طور پر آمن دھرنا دے رکھا ہے جس میں وہ حکومت اور ریاستی اداروں سے دیرپا امن کا مطالبہ کر رہے ہیں۔ اس حوالے سے آج پاکستان پیپلز پارٹی کے عمران مخلص ، اے این پی کے نورزمان وزیر ، تاج محمد جماعت اسلامی کے امیر ندیم ، ممتاز اور دوسرے سیاسی وسماجی شخصیات نے جنوبی وزیرستان کے مختلف اقوام کے ساتھ نشستیں کی ہیں جس میں جنوبی وزیرستان کے تمام قبیلوں نے ماضی کی روایت کو برقرار رکھتے ہوئے اپنے بھائیوں کے ہر مشکل اور ہر تکلیف میں شانہ بشانہ کھڑے رہنے کا عزم ظاہر کیا ۔ کل جنوبی وزیرستان کی عوام نے سیاسی پارٹیوں کے وساطت سے یوم یکجہتی شمالی وزیرستان اور بدامنی کے خلاف احتجاج کا اعلان کیا ھے۔

06/08/2022

جنوبی وزیرستان: ڈی ایچ او آفس وانا میں یونیسف کے تعاون سے"ماں کے دودھ " (Breast feeding) کے حوالے سے تقریب کا انعقاد کیا گیا،

وانا: قبائلی ضلع جنوبی وزیرستان کے ڈی ایچ او آفس وانا میں یونیسیف کے تعاون سے آئی این پی خیبر پختونخوا نے " ماں کے دودھ " (Breast feeding) کے حوالے سے پروقار تقریب کا اہتمام گیا گیا،
اور واک کا بھی اہتمام کی گئی

تقریب میں ہیلتھ سٹاف کے علاوہ بلدیاتی نمائندوں، علمائے کرام اور قبائلی عمائدین نے کثیر تعداد میں شرکت کی۔

اس موقع پر تقریب سے خطاب کرتے ہوئے سنئیر میڈیکل آفیسر ڈاکٹر زین العابدین وزیر، فوکل پرسن ڈی ایچ او سجاد، ایم ایس ڈاکٹر صادق ، وی سی چئیرمین مولانا نیک محمد وزیر اور ڈسٹرکٹ نیوٹریشن منیجر وارث وزیر ودیگر نے کہا

کہ چھ ماں تک بچے کو صرف اور صرف ماں کا دودھ پلانا لازمی ہے، ماں کے دودھ پلانے سے بچے میں خود اعتمادی اور بچے کی شخصیت نکھر جاتی ہے۔

مقررین نے کہا کہ 2 سال تک ماں کا دودھ پلانا اسلام نے جائز قرار دیا ہے لہذا تمام افراد اس حوالے سے اپنے گھروں میں خواتین کو آگاہ کرے۔

تقریب سے ڈاکٹر زین العابدین وزیر اور ڈاکٹر صادق نے "ماں کے دودھ " کی افادیت کے بارے میں تفصیل سے روشنی ڈالی، اس موقع پر ڈاکٹروں نے چھ ماں تک بچے کو صرف اور صرف ماں کا دودھ پلانے اور چھ ماہ سے دو سال تک بچے کو ماں کے دودھ کے ساتھ ساتھ نرم غذائیں کھلانے پر زور دیا۔

مقررین نے مزید کہا کہ دودھ پلانے سے بچے کی صحیح نشونما اور مختلف بیماریوں سے بچایا جاسکے۔

تقریب کے آخر میں "ماں کے دودھ" کی افادیت کے حوالے سے واک بھی کی گئی۔

05/08/2022

جنوبی وزیرستان: ڈپٹی کمشنر جنوبی وزیرستان امجد معراج کی ہدایت پر اسسٹنٹ کمشنر وانا بشیر خان اور ایڈیشنل اسسٹنٹ کمشنر وانا ڈاکٹر صادق علی کی نگرانی میں 05 اگست یوم استحصال کے حوالے سے تقریب کا انعقاد کیا گیا اور ریلی نکالی گئی۔

29/07/2022

وانا: پاک افغان بارڈر انگور اڈہ کو ٹرانزٹ روٹ میں شامل کیا جائے

حکومت تاجر برادری اور مقامی لوگوں کو بارڈر پر سہولیات کی فراہمی یقینی بنا ئے، ورنہ سخت قدم اٹھائیں گے۔

سیاسی رہنماؤں کا خطاب۔

وانا: جنوبی وزیرستان میں پاک افغان بارڈر انگور اڈہ کو ٹرانزٹ روٹ میں شامل کرنے ، تاجر برادری اور مقامی لوگوں کو درپیش مشکلات
کے حل کے حوالے سے سیاسی جماعتوں سے تعلق رکھنے والے رہنماؤں نے مقامی لوگوں کے ہمراہ احتجاجی جلسہ کیا۔

اس موقع پر سیاسی رہنماؤں اور مقامی قبائلی عمائدین نے انگور اڈہ بارڈر پر لوگوں کو درپیش مسائل کے بارے میں تفصیلی گفتگو کرتے ہوئے کہا

کہ پاک افغان بارڈر انگور اڈہ پاکستان کے تمام بارڈرزسے سنٹرل ایشیاء تک 500 کلومیٹر کم فاصلے پر پڑتا ہے اور اس کے علاوہ گوادر سے سنٹرل ایشیاء تک پاکستان کے اندرونی تمام بارڈرز سے 1400 کلومیٹر کے کم فاصلے پر پڑتا ہے۔

لہذا وفاقی، صوبائی حکومت اور عسکری قیادت اسکا نوٹس لیکر فوری طور پر درپیش مسائل کا حل نکالنے کے لئے اقدامات اٹھائے۔

احتجاجی جلسے میں جے یوآئی سے سیکرٹری جنرل مولانا رفیع الدین وزیر، اے این پی سے آیاز وزیر، پاکستان پیپلزپارٹی سے عمران مخلص وزیر، پی ٹی آئی سے عجب گل وزیر، جماعت اسلامی سے سیف الرحمان وزیر، تاجر برادری سے تاج وزیر اور کمیٹی صدر خان مالک وزیر ودیگر نے کہا کہ انگور اڈہ چونکہ وسطی ایشیا کے ساتھ تجارت کا اہم اور سب قریبی گزرگاہ ہے، اس لئے اس باڈر کو نہایت اہمیت کی نگاہ سے دیکھا جائے،
انگور اڈہ بارڈر ٹرمینل کو سی پیک کا حصہ تسلیم کیا جائے۔

مقررین نے کہا کہ اس باڈر کو ٹرانزٹ کرکے کسٹم حکام کے ساتھ متعلقہ سہولیات، کشادہ سڑکیں، بجلی، موبائل نیٹ ورک بمعہ 3جی اور فور جی، ڈی ایس ایل سسٹم اور بینک کی منظوری دی جائے اور انگور اڈہ کے مقام پر پاکستان اور افغانستان اوپن مارکیٹ بنایا جائے۔

مظاہرین سے خطاب کرتے ہوئے سیاسی رہنماؤں نے کہا کہ بارڈر مسائل کے علاوہ یہاں غیر فعال تعلیمی اداروں کو فعال کرنے، غیر فعال صحتی مراکز کو فعال کرنے اور مقامی رہائشی لوگوں کیلئے نادرا سینٹر قائم کیا جائے تاکہ لوگوں کو درپیش زندگی کے بنیادی مسائل حل ہو۔

مقررین نے کہا کہ انگور اڈہ بارڈر کے دونوں اطراف آباد احمد زائی وزیر قبائل کو گیٹ پر خوردونوش اشیاء سمیت غم اور خوشی میں آنے جانے کیلئے محدود حد تک اجازت دی جائے۔

مقررین نے مزید کہا کہ احمدزائی وزیر قوم سے تعلق رکھنے والے افراد کو گھریلوں اور بازار کے سامان کسٹم کئے بغیر اجازت دی جائے۔ کیونکہ اسکا اجازت پہلے کسٹم نے دیا تھا، لہذا اس کو دوبارہ وہی پرانے طریقے سے جاری کیا جائے۔

ساتھ ہی ساتھ احمدزائی وزیر قبائل کو قومی شناختی کارڈ کے تحت بارڈر پر پیدل آنے جانے کی اجازت دی جائے۔ تاکہ مقامی شناختی کارڈ ہولڈر کو بارڈر کراس کرنے میں دشواری نہ ہو۔

آخر میں پی پی پی رہنماء عمران مخلص اوراے این پی رہنماء آیاز وزیر نے کہا کہ انگور اڈہ سے تعلق رکھنے والے لوگ بارڈر میں درپیش مشکلات کے حل کیلئے آئندہ جو بھی حکمت عملی طے کرینگے ہم ساتھ دینگے ۔
تاہم دونوں سیاسی رہنماؤں نے دھمکی دیتے ہوئے کہا کہ اگر حکومت نے بارڈر پر عوام کو درپیش مشکلات ختم نہ کیے تو سخت احتجاج کرینگے اور اس کا دائرہ کار ملک کے دیگر شہروں تک بڑھائیں گے۔

27/07/2022

، قاری تاج الدین
جنوبی وزیرستان: کمیونٹی موبلائزر افغان مہاجرین ڈی آئی خان ڈویژن قاری تاج الدین کا وانا میں موجود افغانیوں کے وفد کے ہمراہ اسسٹنٹ کمشنر وانا بشیر خان کے ساتھ انکے دفتر میں ملاقات،
ملاقات میں مولانا عبدالبصیر اور قاضی عبدالحنان کے علاوہ تاج وزیر بھی بھی ہمراہ تھے۔

وفد نے اے سی وانا کو افغان سیٹزن کارڈ ہولڈرز کو تنائی چیک پوسٹ، گرداوی، اور محسود علاقے میں مختلف چیک پوسٹوں پر اجازت نہ ملنے اور آنے جانے میں سفری مشکلات سے آگاہ کیا،
اسسٹنٹ کمشنر وانا بشیر خان نے یقین دہانی کراتے ہوئے کہا کہ آپ لوگوں کو درپیش مسائل سے ڈی سی جنوبی وزیرستان اور دیگر اعلیٰ حکام کو جلد آگاہ کرینگے اور درپیش سفری مشکلات کے حل کیلئے حکام بالا سے تفصیلی بات کر کے جلد سے جلد حائل رکاوٹیں دور کی جائے گی۔

وفد نے اسسٹنٹ کمشنر وانا کا شکریہ ادا کیا اور ملاقات کو خوش آئند قرار دیتے ہوئے اس امید کا اظہار کیا کہ لوکل انتظامیہ افغانیوں کے مسائل کو ترجیحی بنیادوں پر حل کرنے کی کوشش کریں گے ۔

دوسری جانب کمیونٹی موبلائیزر ڈی آئی خان ڈویژن قاری تاج الدین نے بتایا کہ 2015 میں ایشو ہونے والے افغان سیٹزن کارڈ کی رجسٹریشن اور ری نیول کا سلسلہ کوہاٹ چمکنی اور میانوالی اور پاکستان کے دوسرے شہروں میں قائم سنٹرز میں25 جولائی سے شروع کردیا گیا ہے،

لہذا تمام افغان بھائیوں سے اپیل یے کہ وہ جلداز جلد کارڈ کی ری نیول اور نئ رجسٹریشن کیلئے پاکستان میں قائم سنٹرز پر تشریف لے جائیں اور اپنے کارڈز کی ری نیول کو یقینی بنائے۔

25/07/2022

وانا: انگور اڈہ بارڈر پر تاجر برادری کو سہولیات فراہم کی جائے،

حکومت اور عسکری قیادت باہمی مشاورت سے تاجر برادری کو درپیش مسائل کا حل نکال کیلئے اقدامات اٹھائے اور تجارت کے فروغ کیلئے وانا گومل زام روڈ کو سی پیک میں شامل کرکے ٹرانزٹ کا درجہ دیا جائے، عمائدین، علماء کرام اور تاجر برادری کا میڈیا سے گفتگو۔

وانا: قبائلی ضلع جنوبی وزیرستان میں وانا ٹریڈ یونین کے انتخابات کے موقع پر قبائلی سرکردہ عمائدین اور علمائے کرام کا ایک مشترکہ اجلاس منعقد ہوا، جس میں تجارتی برادری کے نو منتخب کابینہ کو مبارکباد کے ساتھ ساتھ تاجر برادری کو درپیش مسائل اور مشکلات پر تفصیل سے بات چیت ہوئی۔

اس موقع پر جے یوآئی وانا کے صدر مولانا میرزاجان وزیر، مولانا نیک محمد، ملک علاؤالدین وزیر، ملک بسم اللہ خان اور وانا ٹریڈ یونین کے صدر سردار علی وزیر نے میڈیا سے گفتگو کرتے ہوئے کہا کہ تاجر برادری کو دیگر بارڈروں کی طرز پر پاک افغان بارڈر انگور اڈہ پر سہولیات کی فراہمی یقینی بنائی جائے۔

قبائلی عمائدین نے کہا کہ حکومت پاکستان نے تاجر برادری کو چمن، طورخم، خر لاچی، اور غلام خان بارڈر پر کافی سہولیات فراہم کی ہیں مگر صرف انگور اڈہ بارڈر کو ان سہولیات سے محروم رکھا گیا ہے،

لہذا حکومت پاکستان، کور کمانڈر پشاور اور آئی جی ایف سی ساؤتھ تاجر برادری کی مشکلات کو ہنگامی بنیادوں پر ٹھوس اقدامات اٹھائیں اور علاقہ کی فلاح وبہبود کی خاطر کاروبار کے فروغ کیلئے ہمارے ساتھ تعاون کی جائے۔

جے یوآئی صدر مولانا میر زاجان وزیر اور مولانا نیک محمد نے میڈیا کو بتایا کہ تاجر برادری کے مسائل کا حل اتفاق اور اتحاد سے ممکن ہے اور موجودہ اتحاد کو برقرار رکھا جائے۔

وانا ٹریڈ یونین کے صدر سردار علی وزیر اور ملک علاؤالدین وزیر نے کور کمانڈر پشاور اور آئی جی ایف سی ساؤتھ سے پرزور مطالبہ کیا کہ وانا گومل زام روڈ کو ٹرانزٹ کر کے سی پیک میں شامل کریں اور تاجر برادری کو کاروبار میں درپیش مسائل ترجیحی بنیادوں پر حل کرنے کیلئے اقدامات اٹھائیں۔

انہوں نے مزید کہا کہ حکومت اس مہنگائی کی خاطر تاجروں کی مشکلات کے خاتمے کیلئے انگور اڈہ بارڈر پر آسانیاں فراہم کرے اور حال ہی میں تاجروں کو درپیش حائل رکاوٹیں دور کی جائے۔

23/07/2022

وانا سکاؤٹس قلعہ میں کھلی کچہری کا انعقاد

شرکاء کی طرف سے شکایات کے انبار۔
ڈی سی امجد معراج نے بعض مسائل کو موقع پر حل کرنے کے احکامات جاری کردیئے۔

وانا: ڈی سی جنوبی وزیرستان امجد معراج کی ہدایت پر ضلعی انتظامیہ نے آج سکاؤٹس کیمپ وانا میں کھلی کچہری کا انعقاد کیا گیا۔

کچہری میں ڈی سی جنوبی وزیرستان امجد معراج، ایڈیشنل ڈی سی نیک محمد، اے سی وانا بشیر خان، تحصیل چئیرمین مولانا صالح وزیر، ایڈیشنل اے سی وانا ڈاکٹر صادق علی، اے سی لدھا فرحان اور ٹی ایم او وانا حمیداللہ کے علاوہ تقریبا تمام لائن ڈیپارٹمنٹس کے افیسرز، قبائلی عمائدین اور مقامی بلدیاتی نمائندوں نے کثیر تعداد میں شرکت کی اور اپنے علاقے کے مسائل پر تفصیل سے روشنی ڈالی۔

پانی کے بچاؤ کیلئے وانا میں سمال ڈیمز کی تعمیر، معذوروں کے مسائل حل کرنے، سکولوں میں اساتذہ کی حاضریاں یقینی بنانے، غیر فعال ہسپتالوں کو فعال کرنے، آٹا کوٹہ بڑھانے، 7 جولائی سے بند گومل زام روڈ کو کلئیر کرنے، بجلی کی سپلائی 6 گھنٹے کی بجائے 24 گھنٹے کرنے کے مطالبات شامل تھے۔

ڈی سی جنوبی وزیرستان امجد معراج نے کھلی کچہری سے خطاب کرتے ہوئے بعض مسائل کو موقع پر حل کرنے کے احکامات جاری کردیئے۔

اورکہا کہ میں تمام افراد کو ایک آنکھ سے دیکھتا ہو، میرے لئے سب برابر ہیں۔
کسی سے ناانصافی اور زیادتی نہیں ہوگی، ہر کام میرٹ پر ہوگا۔

ان کا کہنا تھا کہ جو ذمہ داری میری بنتی ہے وہ پورا کرکے دیکھاؤنگا جو ذمہ داری قوم کی بنتی ہے وہ قوم پورا کرے۔ مسائل تب حل یونگے جب انتظامیہ اور عوام دونوں مل کر آگے بڑھنے کی مثبت سوچ اپنائیں۔ اور اجتماعی مسائل کو باہمی مشاورت سے حل کرنء ک تہیہ کر لیں۔

ڈی سی نے کہا کہ گومل زام روڈ کو کلئیر کردیا ہے لیکن مون سون کی بارشوں کے باعث مزید لینڈ سلائیڈنگ کا خطرہ ہے اس لئے کوئی نا خوشگوار واقعہ پیش آنے کی ڈر سے سڑک کو عارضی طور پر بند کردیا ہے۔

ڈی سی نے کہا کہ خصوصی فراد کو بھرتیوں میں اپنا حصہ مقرر کیا جائے گا، اور ان کے جائز مطالبات فورآ حل کرنے کے احکامات جاری کردیئے،

ان کا مزید کہنا تھا کہ آٹے کا کوٹہ بڑھادیا گیا ہے جلد لوگوں کو ملنا شروع ہوجائیں گے۔ ہر علاقے کو ضرورت کے مطابق اپنا حصہ مل جائے گا۔

ڈی سی نے کہا کہ ٹیسکو ٹیم نے گومل زام ڈیم کے قریب علاقہ نیلی کچ کے مقام پر بارودی مواد سے اڑائے گئے 166 کے وی لائن کے دو بڑے کھمبوں پر کام تیزی سے جاری ہے جلد بجلی سپلائی بحال ہوجائیگی۔

انہوں نے مزید کہا کہ وانا میں واٹر ٹیبل روز بروز گرتا جارہا ہے اور مختلف علاقوں میں پانی کی کمی نے شدت اختیار کرلیا ہے۔ جس کو ایمرجنسی بنیادوں پر حل کرنے اور واٹر ٹیبل برقرار رکھنے کیلئے وانا میں 25 کے قریب سمال ڈیمز تعمیر کئے جارہے ہیں جس سے پانی کے مسلے پر قابو پانے میں مدد ملے گی۔

Address

Telephone

+923059445871

Website

http://www.zhagh.tv/

Alerts

Be the first to know and let us send you an email when Zhagh News Urdu posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Zhagh News Urdu:

Videos

آج وانا پولیس نے پختون تحفظ موومنٹ کے مرکزی رہنما فرمان اختر کو گرفتار کرلیا۔ فرمان اختر کی گرفتاری کا خبر علاقے میں آگ کی طرح پھیل گئی اور اس وقت علاقے کے کونے کونے سے لوگ احتجاج کے لئے نکل رہے ہیں۔ جب مظاہرین سے پوچھا گیا تو ان کا کہنا تھا کہ ہم اپنے ساتھیوں کی گرفتاری کو کبھی برداشت نہیں کریں گے۔ ان لوگوں کو گرفتار کیا جائے جو امن خراب کرنے کی کوشش کر رہے ہیں نہ کہ ان لوگوں کو جو امن کے لیے آواز اٹھارہے ہیں