Deosai News

24/10/2024

گلگت(پ ر) چیف جسٹس گلگت بلتستان چیف کورٹ جسٹس علی بیگ نے ضلع گلگت کی ماتحت عدالتوں کے ججز پر مشتمل اجلاس میں احکامات دیتے ہوئے کہا کہ نظام عدل میں سزا اور جزاء کا بنیادی مقصد معاشر ے کی اصلاح اور قانون کی بالادستی ہے چیف جسٹس نے مزید بتایا کہ منشیات ،ڈکیتی ،چوری اور سائبر کرائم کے مقدمات میں مجرموں کو ایف آئی کے مقدمات میں کوتاہی اور ناقص تفتیش سمیت بروقت چالان پیش نہ کرنے والے متعلقہ مقدمے کے انکوائری افسران کے خلاف تادیبی قانونی کارروائی کے لئے احکامات دیں اور انکے حکام اعلی کو تحریر طور پر آگاہ کریں مزید کہا سوشل میڈیا میں انتشار ،منافرت اور ریاست کے خلاف من گھڑت پروپیگنڈہ پھیلانے والوں کے خلاف درج سائبر کرائم کے مقدمات میں سزاؤں کو یقینی بنایا جائیگا اور فوجداری مقدمات میں ضمانت اور دیوانی مقدمات میں حکم امتناعی کے مقدمات پر فوری فیصلہ کرے اور زیر سماعت مقدمات میں لمبی تاریخ سے گریز کریں مزید کہا کہ عدالتوں پر معاشرے کی اصلاح ،قانون کی حکمرانی اور بالادستی کی زمہ داریاں بھی شامل ہیں مزید ہدایات دیتے ہوئے کہا کہ کٹیگریز کے مقدمات کو مقررہ وقت میں نمٹایا جائیں جیل معائنے کو یقینی بنائے اور درپیش مسائل پر متعلقہ حکام کو آگاہ کیا جائے اور عملدرآمد کی رپورٹ طلب کریں گلگت بلتستان کی عدلیہ آزادنہ فیصلوں پر یقین رکھتی ہے گلگت بلتستان چیف کورٹ عدلیہ میں اصلاحات کی پالیسی پر عمل پیرا ہے تمام ماتحت عدالتوں کو جدید ٹیکنالوجی سے آراستہ کرنا اور ریکارڈ کو محفوظ بنانے پر کام جاری ہے تاکہ لوگوں گھر کی دہلیز پر فوری انصاف کو یقینی بنایا جاسکے اجلاس میں ڈسٹرکٹ اینڈ سیشن جج گلگت امیر حمزہ کی سربراہی میں ایڈیشنل ڈسٹرکٹ اینڈ سیشن جج محمد شریف ،سئینر سول جج گلگت ہدایت علی ، سول جج بشراء الرحمن ، سول جج شیر باز،سول جج اجلال حسین اور سول جج آنم زہراء نے شرکت کی*

24/10/2024

لاہور۔ وزیر اعلیٰ گلگت بلتستان حاجی گلبر خان نے وزیر اعلیٰ پنجاب مریم نواز سے ان کے رہائش گاہ جاتی امرا ء رائیونڈ میں ملاقjات کی۔ وزیر اعلیٰ گلگت بلتستان حاجی گلبر خان نے ماضی میں پنجاب حکومت کی جانب سے گلگت بلتستان کے شعبہ صحت کی بہتری میں بھرپور تعاون کرنے کے اقدام کو سراہتے ہوئے کہا کہ حکومت پنجاب نے ہر مشکل وقت میں گلگت بلتستان حکومت کیساتھ تعاون کیا ہے۔ اس موقع پر وزیر اعلیٰ گلگت بلتستان نے گفتگو کرتے ہوئے کہاکہ ریجنل ہسپتال چلاس اور ریجنل ہسپتال سکردو میں 2 ایم آر آئی مشینوں کی خریداری کیلئے 1.5 بلین کی رقم درکار ہے اور گلگت میں پنجاب حکومت کے تعاون تعمیر کئے جانے والا شہید سیف الرحمن ہسپتال میں بھی ایم آر آئی مشین نصب کی ضرورت ہے اور سابق وزیر اعظم پاکستان محمد نواز شریف کی حکومت میں گلگت بلتستان کیلئے منظور کئے جانے والے 50 بیڈڈ امراض قلب ہسپتال گلگت میں اینجوگرافی یونٹ کی فراہمی بھی درکار ہے۔ وزیر اعلیٰ گلگت بلتستان نے کہاکہ گلگت بلتستان میں میڈیکل اور نرسنگ کالج کا منصوبہ ابتدائی مراحل میں ہے جس کو مدنظر رکھتے ہوئے پنجاب حکومت سے درخواست ہے کہ میڈیکل کالجوں اور جنرل نرسنگ کی سیٹوں میں اضافہ کیا جائے۔ اس موقع پر وزیر اعلیٰ پنجاب مریم نواز نے کہا کہ پنجاب حکومت ماضی کی طرح گلگت بلتستان کے عوام کی تعمیر و ترقی اور وہاں کے عوام کے مسائل حل کرنے کیلئے صوبائی حکومت کیساتھ ہر ممکن تعاون جاری رکھے گی۔ انہوں نے وزیر اعلیٰ گلگت بلتستان کی درخواست پر چلاس اور سکردو ہسپتال کیلئے 2 ایم آر آئی مشینوں کی خریداری کیلئے 1.5 بلین گرانٹ فراہم کرنے اور شہید سیف الرحمن ہسپتال کیلئے بھی ایم ار آئی مشین پنجاب حکومت کی جانب سے دینے کی یقین دہانی کراتے ہوئے متعلقہ آفیسران کو موقع پر ہدایات جاری کیں۔ وزیر اعلیٰ پنجاب مریم نواز نے امراض قلب ہسپتال کیلئے اینجوگرافی یونٹ کی فراہمی کے بھی احکامات دیئے اور کہا کہ پنجاب کے میڈیکل کالجوں میں گلگت بلتستان کے طلبہ و طالبات کیلئے MBBSکے 20اور BDS کے 10 سیٹوں میں اضافہ کیا جائے گاجبکہ BSN اور MSN نرسنگ میں 100سیٹوں اضافہ کیا جائے گا۔ وزیر اعلیٰ پنجاب نے موقع پر تمام ہدایات پر عملدرآمد کرے کی باقاعدہ منظوری دیتے ہوئے کہاکہ میاں محمد نواز شریف، میاں محمد شہباز شریف اور مسلم لیگ ن کا گلگت بلتستان کے عوام سے محبت ہے۔ صوبائی حکومت کو تمام شعبوں میں تعاون فراہم کریں گے۔ملاقات میں وزیر اعلیٰ گلگت بلتستان حاجی گلبر خان کے ہمراہ صوبائی وزیر انجینئر محمد انور، سپیشل کوارڈینٹر یاسر تابان اور صوبائی ترجمان فیض اللہ فراق بھی موجود تھے۔

21/10/2024

ڈاکٹر غلام مرتضیٰ استوری کو گریڈ 19 پر ترقی دی گئی ڈاکٹر غلام مرتضیٰ آنکھوں کے سرجن ہے اور وہ گلگت پی ایچ کیو ہسپتال میں اپنے فرائض سر انجام دے رہے ہیں ڈاکٹر غلام مرتضیٰ کا شمار قابل ڈاکٹروں میں ہوتا ہے وہ غریب پرور ڈاکٹر ہے ڈاکٹر مرتضیٰ کا تعلق استور کے گاؤں مکیال سے ہے اور ڈاکٹر عزیز اللہ کے بڑے بھائی ہیں ڈاکٹر مرتضیٰ کو ترقی ملنے پر ان کو پوری فیملی کو مبارک باد پیش کرتے ہیں Murtaza Astori Aziz ullah

21/10/2024

گلگت بلتستان کے سرحدی علاقے ضلع کھرمنگ سے تعلق رکھنے والی ہونہار بیٹی مریم بتول کا اعزاز،
پاکستان آرمی میں بطور ڈاکٹر کیپٹن تعینات،پاسنگ آؤٹ پریڈ میں والدین کی شرکت۔

19/10/2024

پیپلز پارٹی کے صوبائی صدر امجد حسین ایڈووکیٹ کا صدر پیپلز پارٹی استور کے محمد طارق کے انتقال پر ان کے لواحقین سے اظہار تعزیت
محمد طارق صاحب اچھے انسان تھے ان کی پیپلز پارٹی کے لئے گراں قدر خدمات تھے اللہ تعالیٰ ان کو جنت الفردوس میں اعلی مقام عطا فرمائے
امجد حسین ایڈووکیٹ صدر پاکستان پیپلز پارٹی گلگت بلتستان
ان کے ہمراہ پیپلز پارٹی کے صوبائی سینئر نائب صدر جمیل احمد ڈپٹی جنرل سیکریٹری ایڈووکیٹ عتیق الرحمان ہمراہ تھے

07/10/2024

استور۔
استور۔ عوامی ایکشن کمیٹی و دیگر الاٸینز کا احتجاج ۔
شٹر ڈاون ہڑتال تمام مارکیٹیں بند۔۔ AVR ویلی روڈ ٹھیکدار استور سٹی بیوٹیفیکشن ٹھیکدار مردہ باد کے نعرے۔۔۔۔

20/09/2024

صوبائی صدر پی ٹی آئی گلگت بلتستان و سابق وزیر اعلی خالد خورشید کا لاہور جلسے کے حوالے سے ویڈیو پیغام!

19/09/2024

اسسٹنٹ کمشنر شونٹر تنویر احمد نے آج کرنٹ لگنے کی وجہ سے جان بحق ہونے والے شخص کی فاتحہ خوانی کیلۓ چھاٸیں گاوں چلے گیے۔ اسسٹنٹ کمشنرنے غمزدہ خاندان سے ملاقات کی ۔ ان سے اظہار تعزیت کیا۔
اسسٹنٹ کمشنر نے واقعے کا نوٹس لیتے ہوۓ پولیس اور محکمہ واٹر ان پاور سے فوری طور پر انکوائری رپورٹ طلب کرلیا۔
اسسٹنٹ کمشنر نے کہا کہ واقع کی رپورٹ درج کرکے ۔پولیس انکوائری شروع کیا جاۓ۔جس کی نگرانی میں خود کرونگا ۔ کوتاہی میں ملوث افراد کے خلاف سخت قانونی کاروائی عمل میں لائی جاۓ گی ۔
جس پر عوام نے اسسٹنٹ کمشنر کا شکریہ ادا کیا اور مکمل تعاون کا عہد کیا۔

جاری کردہ
سراج الدین شاہ
فوکل پرسن
اسسٹنٹ کمشنر شونٹر استور

18/09/2024

استور(پ۔ر)پیٹرولیم مصنوعات میں کمی کے بعد نئے کرایہ نامے جاری کر دیا جائے ڈپٹی کمشنر استور محمد طارق کا محکمہ ایکساٸز کے ETO کو احکامات جاری اس پر عملدرآمد کا آغازکر دیا جاۓ دونوں اسسٹنٹ کمشنر اپنے مجسٹریٹ کو متحرک کرنے کے احکامات دیے مزید کہاکہ ناکے لگا کر پبلک ٹرانسپورٹ پر زائد کرایہ وصول کرنے والے ٹرانسپورٹرز موقع پر زائد کرایہ واپس کروا دیا جاۓ ۔ ٹرانسپورٹ مالکان کو چاہیے کہ وہ خود سے کرایہ ناموں پر کمی کرے تاکہ تیل کم ہونے کے ثمرات عام عوام تک پونہچ سکے ڈپٹی کمشنر استور محمد طارق نے خصوصی ہدایات دیتے ہوۓ کہا کہ دونوں سب ڈویژن کے اسسٹنٹ کمشنر پیٹرولیم مصنوعات میں کمی کے بعد تمام مجسٹریٹ کو مختلف جگہوں پر ناکہ بندی کے احکامات دے تاکہ لوکل روٹس پر چلنے والی گاڑیوں کو روکا جاۓ جس میں موجود مسافروں سے کرایے کی تفصیل لی جاۓ اور جن ٹرانسپورٹرز نے زائد کرایہ وصول کیا ان سے موقع پر ہی مسافروں کو کرایہ واپس کروایا جاۓ اور گاڑی مالکان کو جرمانے بھی عائد کیے جاٸیں، اس موقع پر ڈپٹی کمشنر استور محمد طارق نے میڈیا سے بات چیت کرتے ہوئے بتایا کہ پیٹرولیم مصنوعات میں کمی کے بعد اس کے ثمرات عوام تک ہر صورت پہنچائیں گے مصنوعی مہنگائی کسی صورت برداشت نہیں کریں گے نئے کرایہ نامے بہت جلد جاری کر دیے جاٸنگے اور اس ہر صورت عملدرآمد کو یقینی بنایا

جاری کردہ
سراج الدین شاہ
فوکل پرسن
اسسٹنٹ کمشنر شونٹر استور

13/09/2024

گلگت میں 14 جوڑوں کی اجتماعی شادی ویڈیو رپورٹ

13/09/2024

گلگت بلتستان سے تعلق رکھنے والی طاہرہ یعسوب اے آئی جی (ایڈیشنل انسپکٹر جنرل) کا عہدہ حاصل کرنے والی پہلی خاتون بن گئی ہیں۔ انہیں یہ رینک وزیر اعلیٰ گلگت بلتستان حاجی گلبر خان نے پولیس ٹریننگ سکول جی بی میں منعقدہ ایک تقریب کے دوران دیا۔ اس سے قبل، طاہرہ یعسوب گلگت بلتستان کی پہلی خاتون تھیں جو ڈی ایس پی (ڈپٹی سپرنٹنڈنٹ آف پولیس) اور ایس ایس پی (سینئر سپرنٹنڈنٹ آف پولیس) کے عہدوں پر فائز تھیں۔
اے آئی جی طاہرہ نے جی بی پولیس میں ایسے وقت میں شمولیت اختیار کی جب علاقے میں خواتین کو پولیس کی وردی پہننے پر حقارت کی نگاہ سے دیکھا جاتا تھا۔ میڈیا سے بات چیت میں اس نے بتایا کہ کئی بار وہ پولیس فورس چھوڑنے پر غور کرتی تھی لیکن والدین کے تعاون نے انہیں اس مقام تک پہنچنے میں مدد کی۔ انہوں نے مزید کہا کہ آج محکمہ پولیس میں خواتین کے لیے وہ تمام سہولیات اور مواقع موجود ہیں جو کبھی دور کا خواب سمجھا جاتا تھا۔
طاہرہ یعسوب کا یہ کارنامہ گلگت بلتستان میں صنفی مساوات اور خواتین کو بااختیار بنانے کے لیے ایک اہم پیش رفت ہے۔ اس کا سفر روایتی طور پر مردوں کے زیر تسلط شعبوں میں شمولیت کی اہمیت کو اجاگر کرتا ہے، جیسے قانون کا نفاذ، جہاں خواتین کو طویل عرصے سے سماجی رکاوٹوں کا سامنا ہے۔ اس کی کہانی نہ صرف نوجوان خواتین کو اپنے عزائم کو آگے بڑھانے کی ترغیب دیتی ہے بلکہ ایک زیادہ منصفانہ اور جامع معاشرے کی تعمیر میں صنفی مساوات کے اہم کردار کو بھی تقویت دیتی ہے۔

08/09/2024

سابق وزیر اعلیٰ خالد خورشید اسلام آباد جلسے سے خطاب کر رہے ہیں

07/09/2024

خبر غمِ
استور بونجی سے تعلق رکھنے والے برگیڈیئر (ر)برکت علی خان راولپنڈی میں انتقال کر گئے۔مرحوم کچھ عرصے سے بیمار اور سی ایم ایچ راولپنڈی میں زیر علاج تھے آج صبح انتقال کرگئے ،مرحوم کی نماز جنازہ راولپنڈی آرمی قبرستان میں ادا کر دی گئی نماز جنازہ میں سابق آرمی چیف قمر جاوید باجوہ کمانڈر ٹین کور سمیت سول افسران و عوام کی بڑی تعداد شریک ہوئی مرحوم کی ڈیڈ باڈی بذریعہ بائے روڈ بونجی روانہ کر دی گئی جہاں آج آبائی قبرستان میں تدفین کردی جائے گی مرحوم انتہائی نیک اور پرہیز گار شخص تھے مرحوم کی علاقے کے لیے بے پناہ خدمات تھی مرحوم لیفٹیننٹ جنرل ہدایت الرحمان کے سسر تھے اور مرحوم پولینڈ میں پاکستانی سفیر شفقت علی خان. برگیڈیئر رفعت کے والد تھے

06/09/2024

استور
یوم دفاع کے موقعے پر کمانڈر 80 برگیڈ اور ڈپٹی کمشنر استور نے یادرگار شہداء پر حاضری دی

04/09/2024

03/09/2024

استور

پاکستان ادارہ شماریات کے زیر اہتمام ضلع استور میں ساتویں زراعت شماری 2024ء کے حوالے سے آگہی ورکشاپ کا انعقاد کیا گیا۔
اس موقع پر مہمان خصوصی ڈپٹی کمشنر استور محمد طارق نے ضلع استور میں ساتویں زراعت شماری 2024ء کا باقاعدہ افتتاح کردیا۔
ورکشاب سے خطاب کرتے ہوۓ ڈپٹی کمشنر استور محمد طارق نے کہا کہ ہمارا مستقبل زراعت کے شعبے کی ترقی پر منحصر ہے۔انہوں نے کہا زراعت کے اعتبار سے ضلع استور خود کفیل ہے۔انہوں نے کہا کہ ہمیں زراعت کے شعبے میں مزید کام کرنے کی ضرورت ہے تاکہ مقامی لوگ زراعت کے شعبے کو وسعت دیکر اپنے لیے بہتر زرمبادلہ کما سکیں۔
اس موقع پر ورکشاپ کے کنوینر نے استقبالیہ کلمات میں شرکاء کو زرعی وسائل، زمین، فصلوں، مال مویشی، زرعی مشینری کے بارے میں معلومات کے حصول اور مال مویشی کی عمر،جنس اور نسل کے لحاظ سے درجہ بندی کے حوالے سے تفصیلی بریفننگ دی

03/09/2024

بارشوں اور لینڈ سلائیڈنگ کے بعد کے کے ایچ کی موجودہ صورتحال

02/09/2024

اپر کوہستان : ریسکیو ذرائع کے مطابق راولپنڈی سے گلگت ہنزہ جانے والی نیٹکو کی بس (GLTA-7303) شکر نالہ، لوٹر، اپر کوہستان کے قریب صبح 6 بجے کے قریب لینڈ سلائیڈنگ سے ٹکرا گئی، جس کے نتیجے میں تین افراد جاں بحق اور ایک زخمی ہوا۔
ریسکیو 1122 اپر کوہستان نے بروقت کارروائی کرتے ہوئے زخمیوں کو ڈی ایچ کیو داسو منتقل کر دیا۔ جاں بحق ہونے والوں کی تفصیلات درج ذیل ہیں۔
1. امتیاز حسین، گلگت کا رہائشی (فوجی اہلکار)
2. سنگل حسین ولد نذیر خان سکنہ یاسین، غذر، گلگت (فوجی اہلکار)
3۔سلطان محمود ولد عبدالحفیظ ساکن راولپنڈی
زخمی کی تفصیلات:
1۔دلشاد قمر ولد شمس القمر ساکن راولپنڈی