7 Time News HD

  • Home
  • 7 Time News HD

7 Time News HD Contact information, map and directions, contact form, opening hours, services, ratings, photos, videos and announcements from 7 Time News HD, Media/News Company, .
(2)

7Time News: Where Every Second Counts"
In a world where information moves at lightning speed, 7Time News stands as the beacon of timely and reliable journalism.

24/10/2025

خاران سے پورٹ کرتے ہے محمدعیسی محمدحسنی )وزیر اعلیٰ بلوچستان میر سرفراز خان بگٹی کے خصوصی ہدایت پر پٹوار خانہ خاران میں عوامی مسائل کے فوری حل کے لیے کھلی کچہری کا انعقاد کیا گیا۔
کھلی کچہری کی صدارت اسسٹنٹ کمشنر خاران عبدالحمید بلوچ نے کی، جبکہ خاران رائفلز کے کیپٹن عمیر، ڈی ایس پی گل محمد گرگناڈی اور تمام سرکاری محکموں کے ہیڈ آفیسران بھی اس موقع پر موجود تھے۔اس موقع پر بڑی تعداد میں شہریوں نے شرکت کی اور اپنے مسائل و شکایات براہِ راست انتظامیہ کے سامنے پیش کیے۔ ضلعی آفیسران نے ایک ایک مسئلہ بغور سنیں اور متعدد شکایات کے موقع پر ہی حل کے لیے احکامات جاری کیے گئے کھلی کچہری میں امن و امان، تجاوزات، صفائی، سپورٹس اور دیگر عوامی امور سے متعلق معاملات زیرِ بحث آئے۔اسسٹنٹ کمشنر خاران عبدالحمید بلوچ نے کہا کہ عوامی خدمت ضلعی انتظامیہ کی اولین ترجیح ہے اور وزیر اعلیٰ بلوچستان کی ہدایت پر عوام کے مسائل ان کی دہلیز پر حل کیے جائیں گے۔کھلی کچہری کے اختتام پر عوام نے ضلعی انتظامیہ کے اس اقدام کو سراہا اور وزیر اعلیٰ بلوچستان کا شکریہ ادا کیا کہ عوامی شکایات کے ازالے کے لیے مؤثر اور قابلِ تحسین پلیٹ فارم فراہم کیا گیا۔

23/10/2025

مجاہد بزدار بیورو چیف
7 ٹائم نیوز حیدرآباد

سندھ سمیت ملک میں کپاس کی کاشت میں تیزی سے کمی، پیداوار میں 50 فیصد تک کمی ریکارڈ — “کاٹن میلہ 2025” میں ماہرین کی تشویش

ٹنڈوجام (پریس ریلیز) پاکستان کے ممتاز زرعی ماہرین نے خبردار کیا ہے کہ سندھ سمیت ملک کے کئی علاقوں سے کپاس کی کاشت تیزی سے ختم ہو رہی ہے، جب کہ موسمی تبدیلیوں، پانی کی قلت، اور غیر پائیدار کاشتکاری کے باعث گزشتہ پندرہ برسوں میں کپاس کی پیداوار میں 50 فیصد تک کمی ریکارڈ کی گئی ہے۔ ماہرین کا کہنا ہے کہ اب وقت آ گیا ہے کہ موسمی برداشت رکھنے والی اجناس پر مشترکہ تحقیق اور مربوط پالیسی کے تحت اقدامات کیے جائیں، تاکہ پاکستان کی معیشت میں ریڑھ کی ہڈی کی حیثیت رکھنے والی کپاس کی فصل کو بچایا جا سکے۔یہ بات سندھ زرعی یونیورسٹی ٹنڈوجام کے بزنس انکیوبیشن سینٹر میں سینٹر آف ایگریکلچر اینڈ بائیو سائنسز انٹرنیشنل (CABI) کے زیر اہتمام کپاس کے عالمی دن کے موقع پر منعقدہ “کاٹن میلہ 2025” سے خطاب کرتے ہوئے ماہرین نے کہی۔وائس چانسلر سندھ زرعی یونیورسٹی پروفیسر ڈاکٹر الطاف علی سیال نے اپنے خطاب میں کہا کہ پاکستان میں کپاس کی پیداوار مسلسل کمی کا شکار ہے، جس کی بڑی وجوہات میں موسمی تبدیلیاں، پانی کی کمی، کمیشن ایجنٹوں کی اجارہ داری، غیر منصفانہ قیمتیں، پیداوار کے بڑھتے ہوئے اخراجات، اور ایکسپورٹ کوالٹی کی خرابی شامل ہیں۔ انہوں نے کہا کہ ملتان، گھوٹکی اور سانگھڑ جیسے کاٹن بیلٹ علاقے اب گنے اور دھان کی فصلوں میں تبدیل ہو چکے ہیں، جو تشویش ناک رجحان ہے۔ڈاکٹر سیال نے زور دیا کہ کپاس کے تحفظ اور بحالی کے لیے موسمی برداشت رکھنے والی اقسام کی ترقی، جدید تحقیق، اور ادارہ جاتی تعاون ناگزیر ہو چکا ہے۔سی اے بی آئی کے پروجیکٹ منیجر ڈاکٹر ہیبت اللہ اسد نے کہا کہ گزشتہ پندرہ برسوں میں کپاس کی مجموعی پیداوار میں نصف سے زائد کمی آئی ہے، جو پاکستان کی زرعی معیشت کے لیے خطرے کی گھنٹی ہے۔ انہوں نے کہا کہ کپاس کی کاشت میں زہریلی کیمیکلز اور پیسٹی سائیڈز کا 65 فیصد استعمال ہو رہا ہے، جو ماحولیاتی آلودگی اور صحت کے مسائل کو بڑھا رہا ہے۔
انہوں نے مزید بتایا کہ سی اے بی آئی 30 ہزار سے زائد کسانوں کو قدرتی پیسٹ مینیجمینٹ کے جدید اور محفوظ طریقوں کی تربیت دے رہا ہے تاکہ کیمیکل کے استعمال میں کمی اور فصل کی پائیداری کو یقینی بنایا جا سکے۔خوراک و زراعت کے عالمی ادارے (FAO) سندھ کے کوآرڈینیٹر ڈاکٹر اشفاق احمد ناہیوں نے کہا کہ کپاس کی بحالی کے لیے بیج سے لے کر مارکیٹ اور ایکسپورٹ تک کی کپاس سپلائی چین کو ازسرِنو ترتیب دینا ہوگا۔ انہوں نے کہا کہ اس پورے نظام میں کسان کو مرکزی اسٹیک ہولڈر کے طور پر شامل کرنا لازمی ہے، کیونکہ پالیسی سازی اور منڈی تک رسائی میں اس کا کلیدی کردار ہے۔انہوں نے بتایا کہ ایف اے او سندھ بھر میں کسانوں کی تربیت، دیہی خواتین کے معاشی کردار کے فروغ، اور فوڈ سیکیورٹی کے لیے مختلف منصوبوں پر عملدرآمد کر رہا ہے۔پاکستان ایگریکلچر ریسرچ کونسل کے نمائندے جمع خان باجکانی نے کہا کہ سال 2024-25 میں پاکستان نے کپاس کی کم ترین پیداوار رپورٹ کی، جس میں سندھ کے سانگھڑ، گھوٹکی اور دیگر اضلاع بدترین متاثر ہوئے ہیں۔ انہوں نے کہا کہ ان علاقوں میں کسانوں کی تکنیکی معاونت اور جدید تحقیق کے نفاذ کی فوری ضرورت ہے۔اس موقع پر کپاس پر مبنی زرعی و ثقافتی نمائش کا بھی انعقاد کیا گیا، جس میں سندھ زرعی یونیورسٹی، سی اے بی آئی، وفاقی و صوبائی اداروں، اور نجی کمپنیوں کی جانب سے اسٹالز لگائے گئے۔اختتام پر وائس چانسلر پروفیسر ڈاکٹر الطاف علی سیال نے شریک ماہرین، ادارہ جاتی نمائندگان اور مہمانوں میں شیلڈز اور اعزازی تحائف تقسیم کیے۔اس تقریب میں فیکلٹی آف کراپ پروٹیکشن کے ڈین اور سی اے بی آئی کے فوکل پرسن ڈاکٹر عبدالمبین لودھی، پروفیسر ڈاکٹر اعجاز احمد سومرو، ویمن چیمبر آف کامرس کی چیئرپرسن شاہدہ ٹالپر، گل احمد گروپ کے کامران شعیب، ویلفیئر ڈیپارٹمنٹ کی ریشمہ تھیبو، سی سی آر سکرنڈ کے عبداللہ کیریو، زوہیب خانزادہ، رفیق احمد جمالی، آر ڈی ایف کے طالب عباسی، اساتذہ، زرعی ماہرین، کسانوں اور طلبہ کی بڑی تعداد موجود تھی۔

23/10/2025

خاران سے رپورٹ کرتے ہے محمدعیسی محمدحسنی )خاران میں فائرنگ کے واقعے میں شہید ہونے والے پولیس افیسر ایس ایچ او سٹی تھانہ خاران محمد قاسم بلوچ کی نمازِ جنازہ ادا کر دی گئی نمازِ جنازہ میں سابق صوبائی وزیر میر عبدالکریم نوشیروانی ڈپٹی کمشنر خاران منیر احمد سومرو ونگ کمانڈنٹ خاران رائفلز بلال شوکت ۔ ڈی آئی جی پولیس رخشان رینج عبدالحی ۔ اسسٹنٹ کمشنر خاران عبدالحمید بلوچ ۔ اے ڈی آئی جی پولیس داد محمد مینگل ضلعی انتظامیہ کے آفیسران خاران اور پولیس کے آفیسران اہلِ علاقہ اور مختلف مکاتبِ فکر کے افراد کی بڑی تعداد نے شرکت کی۔ اس موقع پر پولیس کے دستے نے سلامی پیش کیا جبکہ ڈپٹی کمشنر خاران منیر احمد سومرو ونگ کمانڈنٹ خاران رائفلز بلال شوکت ڈی آئی جی پولیس رخشان رینج عبدالحی نے شہید کے قبر پر پھول چڑھائیں اور دعا مغفرت کی اس دوران ایم پی اے خاران صوبائی وزیر خزانہ و معدنیات میر شعیب نوشیروانی کی طرف سے شیہد کے قبر پر تعزیتی پھول کے دستے رکھے گئے یاد رہے کہ گزشتہ رات خاران کے ڈی ایچ کیو اسپتال کے قریب سراوان کراس پر نامعلوم مسلح افراد نے فائرنگ کرکے ایس ایچ او سٹی تھانہ خاران محمد قاسم بلوچ کو دوران گشت شہید کردیا گیا تھا پولیس ذرائع حکام کے مطابق فائرنگ کے محرکات جاننے کے لیے تحقیقات جاری ہیں جبکہ ملزمان کی تلاش کے لیے سرچ آپریشن بھی کیا جا رہا ہیں دوسری جانب اس افسوسناک واقعے کے خلاف خاران میں مکمل شٹر ڈاؤن ہڑتال کیا گیا جس سے تمام کاروباری وتجارتی مراکز بند رہے مقامی تاجروں اور شہری تنظیموں نے واقعے کی سخت مذمت کرتے ہوئے حکومت سے مطالبہ کیا ہے کہ ملزمان کو جلد از جلد گرفتار کر کے انصاف کے کٹہرے میں لایا جائے اس دوران رکت انگیز مناظر دیکھنے کو ملے عزیز اقارب اہل خاران نے اہوں سسکیوں کے ساتھ شہید کو تدفین کیا گیا

23/10/2025

خاران سے رپورٹ کرتے ہے محمدعیسی محمدحسنی) خاران میں ہندو برادری کا مذہبی تہوار روایتی جوش و خروش کے ساتھ منایا گیا اور مندر کو رنگ برنگی روشنی پھولوں اور دئیے جلاکر خوبصورتی سے سجایا گیا جبکہ فضا میں خوشی روشنی اور بھائی چارے کا،پیغام نمایاں رہا دوسری جانب بچوں نے پٹاخے پھوڑ کر مٹھیاں تقسیم کرکے ایک دوسرے کو مبارکباد دے کر دیوالی کی خوشیوں کو دوبالا کردیا اس سلسلے میں ایم پی اے خاران صوبائی وزیر خزانہ و معدنیات میر شعیب نوشیروانی اور ڈپٹی کمشنر خاران منیر احمد سومرو کے خصوصی ہدایت پر اسسٹنٹ کمشنر خاران عبدالحمید بلوچ نے ڈی ایس پی گل محمد گرگناڈی کے ہمراہ ہندو برادری کے مذہبی تہوار دیوالی میں شرکت کرکے مقامی ہندو کمیونٹی سے ملاقات کی۔اس موقع پر اسسٹنٹ کمشنر خاران نے صوبائی وزیر خزانہ و معدنیات اور ڈپٹی کمشنر خاران کی جانب سے ہندو برادری کو دیوالی کی مبارک باد پیش کی اور کیک کا تحفہ پیش کیاگیا
انہوں نے ہندو برادری کے چوہدری آنند لعل۔ ایڈوکیٹ کنول کمار ۔ ڈاکٹر من موہن۔ ہری لعل۔ راجندر کپور۔ کیلاش کمار کٹاریہ چوہدری سنیل کمار۔ چندر کمار گھیرا ۔ ہنس راج۔ نریش کمار کٹاریہ ۔جتندر کٹاریہ۔ بزرگوں اور نوجوانوں سے خوشگوار ملاقات کرتے ہوئے اس امید کا اظہار کیا کہ ضلع خاران میں تمام مذاہب کے ماننے والے افراد باہمی رواداری، امن و بھائی چارے کے ساتھ اپنی زندگی بسر کرتے رہیں گے۔
ہندو کمیونٹی کے نمائندگان نے ضلعی انتظامیہ کے اس خوبصورت اقدام کو بین المذاہب ہم آہنگی کی بہترین مثال قرار دیتے ہوئے صوبائی وزیر خزانہ و معدنیات اور ڈپٹی کمشنر خاران کا شکریہ ادا کیا

23/10/2025

خاران سے رپورٹ کرتے ہے محمدعیسی محمدحسنی )انٹرنیشنل اینٹی کرپشن ڈے کے مناسبت سے گورنمنٹ بوائز ڈگری کالج خاران میں ضلعی سطح کے تقریری مقابلوں کا ایک پروقار پروگرام منعقد ہوا۔ اس پروگرام کا مقصد نوجوان نسل میں بدعنوانی کے خلاف شعور بیدار کرنا اور شفافیت و دیانت داری کے فروغ کو اجاگر کرنا تھا۔پروگرام میں گورنمنٹ گرلز ڈگری کالج خاران، انٹر کالج مسکان قلات، اساتذہ کرام، پرنسپلز، اور طلباء و طالبات نے بھرپور شرکت کی۔ تقریب میں طلبہ و طالبات نے اردو اور انگریزی زبانوں میں بدعنوانی کے خلاف مدلل اور پراثر تقاریر پیش کیں۔
پروگرام کے معزز ججز میں ڈائریکٹر بلوچستان یونیورسٹی سب کیمپس خاران عقیل احمد بلوچ ۔ وائس پرنسپل کیڈٹ کالج خاران کے بی۔ بلوچ شامل تھے، جنہوں نے تقاریر کو معیار، مواد اور اندازِ بیاں کی بنیاد پر فیصلہ کیا۔
اردو اور انگریزی تقاریر کے مقابلوں میں پہلی پوزیشن گورنمنٹ بوائز ڈگری کالج خاران اور گورنمنٹ گرلز ڈگری کالج خاران کے طلباء و طالبات نے حاصل کی، جنہیں خصوصی انعامات اور اسناد سے نوازا گیا۔پروگرام کے اختتام پر ججز اور مہمانانِ گرامی نے طلباء کی کارکردگی کو سراہا اور بدعنوانی کے خلاف مؤثر آواز بلند کرنے پر زور دیا۔ تقریب کے آخر میں گورنمنٹ ڈگری کالج خاران کے پرنسپل پروفیسر عبدالشکور گہرامزئی نے مہمانوں کا شکریہ ادا کرتے ہوئے کہا کہ انٹر نیشنل اینٹی کرپشن ڈے منانے کا مقصد اس ناسور کے خلاف جہاد کرنا ہے ہم سب کی ذمہ داریاں بنتی ہیں کہ اس کے خلاف عملی طور پر اپنا کردار ادا کرتے ہوئے ہر ادارے سے اس کو پاک کرکے ختم کی جائے

22/10/2025

سبی(سلیم گشکوری سے )کوئٹہ کے رہائشی پریمی جوڑے نے سبی کورٹ میں لو میرج کر لی ہے، ہماری ملاقات پانچ سال قبل ہوئی،ملاقات ہماری محبت میں تبدیل ہو گئی، ہم دونوں ایک دوسرے کو دل دے بیٹھے، ہم ایک دوسرے سے بے حد محبت کرتے ہیں، مجھے کسی نے بھی اغواء نہیں کیا ہے ہم نے اپنی رضا مندی سے سبی کورٹ میں شرعی طریقے سے شادی کی ہے،میرے گھر والے اس رشتے سے خوش نہیں تھے میں نے اپنی محبت کو پانے کے لئے گھر چھوڑ کر نصیب اللہ کے ساتھ کورٹ میرج کی ہے،مجھے اور میرے شوہر کو میرے کزن،والد، ماموں اور بھائی سے شدید جان کا خطرہ ہے، کوئٹہ پولیس ہمیں تحفظ فراہم کرئے ان خیالات کا اظہارشہباز ٹاون کوئٹہ کے رہائشی بی بی خل نساء دختر زبیداللہ قوم افغان نے اپنے شوہر نصیب اللہ ولد گل بہار خان لاشاری کے ہمراہ سبی میں میڈیا سے بات چیت کرتے ہوئے کیا۔بی بی خل نساء دختر زبید اللہ افغان نے کہا کہ ان کی ملاقات پانچ سال قبل نصیب سے ہوئی اور ہماری ملاقات پیار میں تبدیل ہو گئی ہے ہم دونوں گذشتہ پانچ سال سے ایک دوسرے محبت کرتے ہیں اور رابطے میں ہیں انہوں نے کہا کہ میں کنواری ہوں میرے گھر والے میری مرضی کے بغیر میری شادی /نکاح کسی بوڑھے شخص سے کرنا چاہتے ہیں جس میں میری رضامندی شامل نہیں تھی انہوں نے کہا کہ میں عاقل بالغ ہوں اور اپنی ازدواجی زندگی کے بارے میں اپنی مرضی اور فیصلہ خود کرنے کا قانونی اور شرعی حق رکھتی ہوں انہوں نے کہا کہ مجھے کسی نے اغواء نہیں کیا ہے ہم نے اپنی رضا مندی سے شادی کی ہے بی بی خل نساء نے بتایا کہ اب ہمیں جان کا خطرہ ہے مجھے اور میرے شوہر نصیب اللہ کو میرے والد زبید اللہ،کزن نعیم،بھائی اور ماموں قتل کرنے کی سنگین دھمکیاں دے رہے ہیں اور ان سے ہمیں جان کا شدید خطرہ لاحق ہے کوئٹہ پولیس ہمیں تحفظ فراہم کرنے کے لئے موثر اقدامات کریں۔ اس موقع پربی بی خل نساء کے شوہر نصیب اللہ لاشاری نے بتایا کہ میں نے خل نساء کو اغواء نہیں کیا ہے ہم ایک دوسرے سے بے حد محبت کرتے ہیں ہم نے ایک دوسرے کی رضا مندی اور شرعی طریقے سے کورٹ میرج کی ہے کوئٹہ پولیس مجھے اور میری بیوی خل نساء کو تحفظ فراہم کرئے۔

آخر میں ویڈیو
پریمی جوڑے کا کہنا ہے کہ۔۔۔۔۔۔۔۔

16/10/2025

ب رخ کرتے ہیں سبی کا
جہاں پر خانوادہ حضرت سلطان با ہو مر کزی امیر پاکستان تحریک با ہو صاحبزادہ سلطان سرمدالقادری سبی میں میڈیا سے بات چیت کررہے ہیں

15/10/2025

خاران سے رپورٹ کرتے ہے محمدعیسی محمدحسنی )ا یف سی بلوچستان (ساؤتھ) کے زیرِ اہتمام اسپیشل چلڈرن اسکول خاران کے اساتذہ کی لاہور گیریژن انسٹی ٹیوٹ فار اسپیشل ایجوکیشن (LGISE) میں خصوصی تربیت کا،اہتمام کیا گیا ۔ اس سلسلے میں ایف سی بلوچستان (ساؤتھ) کے زیرِ اہتمام،پاک آرمی لاہورکورکی معاونت سےایف سی اسپیشل چلڈرن اسکول خاران کے بچوں کی تعلیم و تربیت کے معیار کو مزید بہتر بنانے کے لیے، اسکول کے پرنسپل سمیت تین اساتذہ کو لاہور گیریژن انسٹی ٹیوٹ فار اسپیشل ایجوکیشن (LGISE) میں خصوصی تربیت دی گئی۔ تربیت کا بنیادی مقصد جسمانی معذوری کے شکار طلباء کے ساتھ کام کرنے والے اساتذہ کے لیے خصوصی مہارتوں کوفروغ دینا تھا، جس میں جسمانی معذوری سے متعلق غلط فہمیوں اور حقائق کی وضاحت، طلباء کی جسمانی و رویہ جاتی خصوصیات، پیش رفت کے ریکارڈ اور ہسٹری شیٹس کی تیاری، مختلف اقسام کے جائزے، علمی و ادراکی صلاحیتوں کے نکھارنےکی تربیت، زبان کی فہم و اظہار کی مہارتیں اور حفظانِ صحت کی تربیت کا انتظام کیا گیا ۔یہ خصوصی تربیت نہ صرف اساتذہ کی تدریسی صلاحیتوں کو نکھارنے کا ذریعہ ہے بلکہ اس کے نتیجے میں اسپیشل چلڈرن اسکول خاران کے بچے مزید بہتر اور مؤثر تعلیم حاصل کر سکیں گے۔ یوں یہ ادارہ خصوصی بچوں کو تعلیم یافتہ، بااعتماد اور معاشرے کا فعال شہری بنانے میں نمایاں کردار ادا کر رہا ہے۔

15/10/2025

خاران سے رپورٹ کرتے ہے محمدعیسی محمدحسنی)رخشان ڈویژن کے ہیڈکوارٹر خاران میں تین روزہ عظیم الشان تبلیغی اجتماع مزہبی اور دینی جوش و جذبے کے ساتھ اختتام پذیر ہوا تین روزہ تبلیغی اجتماع میں بلوچستان سمیت دیگر صوبوں سے ہزاروں کے تعداد میں فرزندان توحید شریک رہے تین روزہ تبلیغی اجتماع گاہ میں منتظمین اور رضا کاروں کی جانب سے بہترین انتظامات کئے گئے ہیں اور ساتھ ہی ضلعی انتظامیہ خاران اور خاران پولیس کی بھاری نفری تعینات تھے تبلیغی اجتماع گاہ میں جید علماء کرام نے اللّٰہ پاک کے احکامات اور حضور اکرم صلی اللّٰہ علیہ وآلہ وسلم کے تعملیمات پر روشنی ڈالی۔ تبلیغی اجتماع گاہ میں دیگر سرکاری اور فلاحی اداروں کی طرح معروف فلاحی ادارہ حاجی عبدالرحمن فاونڈیشن کے جانب سے سی ڈی سی کراچی اور فاطمہ فرٹیلائیزر لاہور کے تعاون سے تین روزہ فری میڈیکل کیمپ کا انعقاد کیا گیا جہاں پر روزانہ کے بنیاد پر معمولی نوعیت کے مریضوں کو چیک اپ کرکے مفت ادویات دی گئی اور ساتھ ہی ایمرجنسی کی صورت میں ایمبولینس سروس کے سہولیات فراہم کی گئی تھی حاجی عبدالرحمن فاونڈیشن کے سینئر میڈیکل آفیسران ڈاکٹر نوراللہ بلوچ اورڈاکٹر محبوب بلوچ اپنے ٹیم کے ساتھ صبح سے لیکر رات بھر مریضوں کا معائنہ کراتے ہوئے مفت ادویات فراہم کرتے رہے ۔تین روزہ تبلیغی اجتماع میں عبدالرحمن فاونڈیشن کے طرف سے ڈیڑہ ہزار سے زائد مریضوں کا معائنہ کیا گیا تبلیغی اجتماع گاہ کے منتظمین نے فلاحی ادارہ حاجی عبدالرحمن فاونڈیشن کے بانی رحمت اللہ بلوچ اور اس کے ٹیم کے اس جذبہ خدمت کو سراہا اور ساتھ ہی (CDC) سی ڈی سی کراچی اور فاطمہ فرٹیلائیزر لاہور کی طرف سے ادویات فراہم کرنے کی تعاون کو سراہتے ہوئے کہا کہ اس طرح کے انسانیت سے سرشار کردار کو ہمیشہ یاد کی جائے گی جو انسانیت کے خدمت میں پیش پیش رہے ہیں تبلیغی اجتماع گاہ کے منتظمین نے اس امید کا اظہار کیا کہ فلاحی ادارہ حاجی عبدالرحمن فاونڈیشن اسی طرح انسانیت کے خدمت کے ساتھ ساتھ اس طرح خدمت خلق کا سلسلہ جاری رکھے گئے

13/10/2025

مجاہد بزدار بیورو چیف
7 ٹائم نیوز حیدرآباد سندھ

کمشنر اور ڈی آئی جی پولیس حیدرآباد رینج نے پولیو مہم کا آغاز کر دیا یہ انسداد پولیو مہم
*13 اکتوبر تا 19 اکتوبر 2025*تک جاری رہیگی

کمشنر حیدرآباد ڈویژن اور ڈی آئی جی پی حیدرآباد رینج کا ایس ایس پی ٹھٹہ اور ڈپٹی کمشنر ٹھٹہ کے ہمراہ انسداد پولیو مہم کے دوران ٹرانززٹ پوائنٹس اور اسکول و ہسپتالوں کا دورا

کمشنر حیدرآباد ڈویژن فیاض حسین عباسی نے ڈی آئی جی پی حیدرآباد رینج طارق رزاق دہاریجو، ڈپٹی کمشنر ٹھٹہ منور عباس سومرو، ایس ایس پی ٹھٹہ فاروق احمد بجارانی، اسسٹنٹ کمشنر ٹھٹہ شاکر فھیم، ڈی ایچ او ٹھٹہ صفدر شاہ کے ہمراہ انسدادِ پولیو مہم کے دوران ٹرانززٹ پوائنٹس کا دوران کیا اور کانسیپٹ اسکول مکلی میں پولیو کے قطرے پلانے کے حوالے سے جائزہ لیا اور وہاں موجود پولیو ٹیم کی جانب سے بریفننگ دی گئی۔

بعد ازاں کمشنر حیدرآباد ڈویژن نے سول ہسپتال مکلی میں ٹرانززٹ پوائنٹس جائزہ لیا اس کے علاؤہ ویکسین سینٹر کا دوران کیا جہاں موجود عملے سے تفصیلات معلوم کیے۔

اس کے علاؤہ ٹائون ڈسپینسری ٹھٹہ کا دورا کیا جہاں ڈی ایچ او ٹھٹہ کی جانب سے تفضیلی بریفننگ دی گئی اور ٹائون ڈسپینسری کی بلڈنگ کا جائزہ لیا۔
کمشنر حیدرآباد ڈویژن نے 13 اکتوبر سے شروع ہونے والی انسداد پولیو مہم کے دوران پانچ سال تک کی عمر کے تمام بچوں کو پولیو سے بچاؤ کے قطرے پلانے کو ہر صورت یقینی بنانے کی ہدایت کی ہے۔

انہوں نے متعلقہ اداروں اور پولیس کو حقائق پر مبنی مائیکرو پلان کی ترتیب اور اس پر مکمل عمل درآمد کی ضرورت پر زور دیا تاکہ کوئی بچہ پولیو قطروں سے محروم نہ رہ سکے۔

کمشنر حیدرآباد ڈویژن نے ہدایت کی کہ مہم کے دوران کسی بھی بچے کو قطرے پلانے سے محروم نہ رکھا جائے، خاص طور پر ریفیوزل کیسز اور 'مسڈ چلڈرن' پر خصوصی توجہ دی جائے۔انہوں نے کہا کہ پولیو ایک خطرناک مرض ہے اور اس کے خاتمے کے لیے سنجیدہ اور مربوط اقدامات وقت کی اہم ضرورت ہیں۔

ڈی آئی جی پی حیدرآباد رینج نے کہا کہ پولیو ٹیموں کی سیکورٹی کے لیے ٹھٹہ پولیس کی جانب سے فول پروف انتظامات کیے جائیں اور مہم کی کامیابی کے لیے تمام ادارے اپنی ذمہ داریاں پوری کریں۔ اس سلسلے میں کسی بھی قسم کی کوتاہی یا غفلت برداشت نہیں کی جائے گی۔ انسداد پولیو مہم ایک اہم قومی فریضہ ہے جس میں پولیس فورس کا کردار انتہائی اہمیت کا حامل ہے۔

13/10/2025

خاران سے رپورٹ کرتے ہے محمدعیسی محمدحسنی ) خاران میں عظیم الشان تین روزہ تبلیغی اجتماع اختتام پزیر ہو گیا تین روزہ تبلیغی اجتماع میں بلوچستان سمیت دیگر صوبوں کے ہزاروں کے تعداد میں فرزندان توحید شریک رہے تین روزہ تبلیغی اجتماع میں جید علماء کرام نے اللّٰہ ہاک کے احکامات پر عمل کرنے جبکہ حضور اکرم صلی اللّٰہ علیہ وآلہ وسلم کے تعملیمات پر روشنی ڈالتے ہوتے اسلام کے سربلندی اور دین اسلام کا پیغام و حسن اخلاق عام کرنے پر تلقین کی اور مختلف بیماروں /چھوٹوں اور بڑوں و دیگر کے لئیے خصوصی دعا کی گئی دعا کے موقع مختلف مناظر دیکھنے کو ملے اور اجتماع آوں اور سیسکوں میں ختم ہو گئی اور لوگ اپنے اپنے منزل کی جانب پرامن طور پر روانہ ہو گئے اجتماع کے موقع پر منتظمین انتہائی بہتر انتظامات کئے تھے تبلیغی جماعتوں کے رضاکاروں سمیت ضلعی انتظامیہ اور پولیس کی جانب سے موثر سیکورٹی انتظامات کی گئی تھی

12/10/2025

خاران سے رپورٹ کرتے ہے محمدعیسی محمدحسنی )رخشان ڈویژن کے ہیڈکوارٹر خاران میں تین روزہ عظیم الشان تبلیغی اجتماع دوسرے دن مذہبی جوش و جذبے کے ساتھ جاری پیں بلوچستان کے دور دراز علاقوں سے ہزاروں کے تعداد میں فرزندان توحید اجتماع گاہ پہنچ گئے ہیں دوسرے دن تبلیغی اجتماع گاہ میں منتظمین اور رضا کاروں کی جانب سے بہترین انتظامات کئے گئے ہیں تاہم سکیورٹی کے حوالے سے سخت انتظامات عمل میں لائے گئے ہیں تبلیغی اجتماع گاہ میں جید علماء کرام کے بیانات کا سلسلہ جاری وساری ہیں اس دوران تبلیغی اجتماع گاہ میں محکمہ صحت اور پی پی ایچ آئی کے علاوہ فلاحی اداروں کی طرف سے فری میڈیکل کیمپ کا انعقاد کیا گیا ہیں جہاں پر روزانہ کے بنیاد پر معمولی نوعیت کے مریضوں کو فوری طور پر طبی امداد دی جارہی ہیں اور ان کے طرف سے ایمرجنسی ایمبولینس سروس بھی ہیں اسی طرح سی ڈی سی کراچی اور فاطمہ فرٹیلائیزر لاہور کے تعاون سے حاجی عبدالرحمن فاونڈیشن کے جانب سے تبلیغی اجتماع گاہ میں فری میڈیکل کیمپ لگایا گیا ہیں جہاں پر ڈاکٹر نوراللہ بلوچ اورڈاکٹر محبوب بلوچ تبلیغی اجتماع گاہ کے مریضوں کو چیک اپ کرکے مفت ادویات دی جارہی ہیں حاجی عبدالرحمن فاونڈیشن کے منعقدہ فری میڈیکل کیمپ میں دو دن کے دوران ایک ہزار کے قریب مریضوں کو چیک کرکے مفت ادویات دی گئی ہیں تبلیغی اجتماع گاہ کے منتظمین نے فلاحی ادارہ حاجی عبدالرحمن فاونڈیشن کے بانی رحمت اللہ بلوچ اور اس کے ٹیم کے اس جذبہ خدمت کو سراہا اور ساتھ ہی سی ڈی سی کراچی اور فاطمہ فرٹیلائیزر لاہور کی طرف سے ادویات فراہم کرنے کی اقدامات کو سراہتے ہوئے کہا کہ اس طرح کے انسانیت سے سرشار کردار کو ہمیشہ یاد کی جائے گی جو انسانیت کے خدمت میں پیش پیش رہے ہیں

Address


Telephone

+923447001060

Website

Alerts

Be the first to know and let us send you an email when 7 Time News HD posts news and promotions. Your email address will not be used for any other purpose, and you can unsubscribe at any time.

Shortcuts

  • Want your business to be the top-listed Media Company?

Share