Daily Pakhtunkhwa

31/01/2025

آئی جی ایف سی خیبر پختونخواہ ساوتھ نے جنوبی وزیرستان اپر سے تعلق رکھنے والے صحافیوں کے ساتھ ملاقات کی ۔

ملاقات میں جنوبی وزیرستان میں امن امان کی صورتحال سمیت وزیرستان کی ترقی اور خوشحالی میں میڈیا کے دار سمیت جنوبی وزیرستان اپر میں نوجوانوں کے لیے روزگار کے فراہمی سمیت اہم معاملات پر بات چیت ہوئی

صحافیوں کے وفد میں کانی گرم پریس کلب کے صدر حاجی عرفان الدین برکی، ڈسٹرکٹ پریس کلب جنوبی وزیرستان اپر کے صدر ملک حیات اللہ سمیت جنوبی وزیرستان میں رپورٹنگ کرنے والے صحافی شامل تھے

اس موقع پر صحافیوں کی جانب سے جنوبی وزیرستان مکین کے متاثرین کو واپس اپنے گھروں کو باعزت اور معاوضے کے ساتھ بھیجے جانے پر ائی جی ایف سی ساؤتھ کا خصوصی طور پر شکریہ ادا کیا گیا اور اس امید کا اظہار کیا گیا کہ جس طرح سرا روغہ کے مقام پر عمائدین اور اعلی عسکری حکام کی جانب سے مل بیٹھ کر فیصلے کیے گئے اسی طرح یہ روایت جاری و ساری رہے گی

صحافیوں کے وفد نے ضلعی انتظامیہ کے جنوبی وزیرستان اپر منتقلی میں ائی جی ایف سی ساؤتھ کے کردار کو سراہا ۔ملک حیات اللہ اور ملک عرفان الدین برکی نے اس موقع پر کہا کہ جنوبی وزیرستان کی ابادکاری کے لیے اولین شرط ضلعی انتظامیہ کی جنوبی وزیرستان میں منتقلی ہے اور اس ضمن میں ائی جی ایف سی ساؤتھ کی جانب سے اٹھائے جانے والے اقدامات قابل تحسین ہے اور امید ہے کہ ضلعی انتظامیہ اس ضمن میں بھر پور کردار ادا کریں گی

ائی جی ایف سے ساؤتھ نے اس موقع پر کہا کہ صحافی کسی بھی معاشرے کے انکھ اور کان ہوتے ہیں اور جنوبی وزیرستان جیسے شورش زدہ علاقے میں صحافی کا کردار اور اہمیت زیادہ بڑھ جاتی ہے

ملاقات کے بعد ڈسٹرکٹ پریس کلب جنوبی وزیرستان اپر کے صدر ملک حیات اللہ اور کانیگرم پریس کلب کے چیئرمین حاجی عرفان الدین برکی کو ائی جی ایف سی کی جانب سے اعزازی شیلڈ سے بھی نوازا گیا

24/01/2025

جنوبی وزیرستان ( شباب باتور ) ڈسٹرکٹ یوتھ آفس جنوبی وزیرستان اپر کے زیر اہتمام ٹانک ڈی سی کمپاؤنڈ جرگہ ہال میں "معاشرے اور اچھی حکمرانی میں نوجوانوں کا کردار" کے موضوع پر تقریب منعقد ہوئی۔

ایڈیشنل ڈپٹی کمشنر جنرل فضل ودود صافی مہمان خصوصی تھے، جنوبی وزیرستان اپر یوتھ افیسر محمد فاروق محسود، چیئرمین سرویکئی شاہ فیصل غازی، چیئرمین لدھا تاج ملوک، کونسلر سمیت علاقہ معززین اور عمائدین نے تقریب میں شرکت کی۔

مقررین نے نوجوانوں کے معاشرتی ترقی میں کردار اور حکمرانی میں فعال شمولیت کو اجاگر کیا نوجوانوں، رہنماؤں اور عمائدین کے درمیان تعاون کی ضرورت پر زور دیا تاکہ ایک ہم آہنگ اور ترقی پسند معاشرہ تشکیل دیا جا سکے۔

ڈسٹرکٹ یوتھ آفیسر محمد فاروق محسود نے کہا کہ صوبائی حکومت کی خصوصی ہدایت پر ڈسٹرکٹ یوتھ آفس نوجوانوں کو مثبت سرگرمیوں کی جانب راغب کرنے کے لئے سرگرم ہیں۔ انہوں نے کہا کہ نوجوان کسی بھی معاشرے کو مثبت طریقہ سے اجاگر کرنے میں اہم کردار ادا کرتے ہیں

تقریب کے اختتام پر نوجوانوں کو تعلیم، قیادت کے مواقع اور صلاحیتوں کی تعمیر کے ذریعے بااختیار بنانے کے عزم کا اظہار کیا گیا۔

13/01/2025

پیس اینڈ ڈیولپمنٹ آرگنائزیشن (P**O) کی طرف سے تقسیم راشن میں بڑے پیمانے پر خرد برد، خواتین سراپا احتجاج، غریب عوام رل گئی
ٹانک ضلعی انتظامیہ و ڈپٹی کمشنر کے دفتری و سیاسی لاڈلوں کی راشن پر بھرمار،
درجنوں ٹوکن کی راشن کا دن دہاڑے سٹال لگا کر انہیں بے دردی سے غریب، بے بس اور لاچار عوام کے سامنے لوٹا گیا۔
ڈپٹی کمشنر کمپاونڈ ضلع ٹانک کے سامنے ٹانک ٹو وزیرستان مین شاہراہ ہر قسم کے ٹریفک کے لئے بند۔

ضلع ٹانک(ڈسٹرکٹ پریس کلب جنوبی وزیرستان اپر) سعودی حکومت کے تعاون و اشتراک اور پیس اینڈ ڈیولپمنٹ آرگنائزیشن نامی غیر سرکاری تنظیم کے ہاتھوں تقسیم کئے گئے راشن کو ڈپٹی کمشنر کے دفتری و سیاسی لاڈلوں نے خوب لوٹ لیا۔ جس کے پیش نظر خواتین سراپا احتجاج لئے ٹانک ٹو وزیرستان مین شاہراہ کو ہر قسم ٹریفک کے لئے بند کرا دیا گیا۔ (P**O) کی طرف سے تقسیم کئے گئے راشن کو مستحق و غریب عوام کے بجائے غیر مستحق، سیاسی جماعت و انصاف کے لاڈلوں اور انکے عزیز و رفقاء میں تقسیم کیا گیا۔ میڈیا کے نمائندوں سے بات چیت کرتے ہوئے متاثرین کا کہنا تھا کہ ہمیں راشن کے ٹوکن دئیے گئے مگر راشن نہیں دیا گیا بلکہ تمام راشن سیاسی جماعت کے کارکنان انکے عزیز و اقارب میں تقسیم کرا دیا گیا۔ خواتین نے گلہ کرتے ہوئے ڈسٹرکٹ پریس کلب جنوبی وزیرستان اپر کے میڈیا نمائندے سے کہا کہ ہم دو روز تک دور دراز علاقوں سے بچوں کو چھوڑ کر کرائیے لگا کر آتے رہیں مگر یہاں ہمارے ساتھ انتہائی ہتک آمیز رویہ اپنایا گیا، خواتین کو دھکے لگا کر راشن ڈسٹریبیوشن پوائنٹ سے نکالا گیا اور ہمیں راشن بھی نہیں دیا گیا، اور تو اور بہت سے بوڑھی عورتوں و بچوں سے ٹوکن زبردستی چینے گئے اور تزلیل کر کے انہیں یہ کہہ کر نکالا گیا کہ یہ ٹوکن تو جعلی ہے۔ بعض خواتین کا کہنا تھا کہ جب اس حوالے سے P**O کے کمپلینٹ سیل نمبر پر جب رابطہ کیا گیا تو انکی طرف سے کوئی خاطر خواہ جواب نہیں ملا۔ ڈسٹرکٹ پریس کلب جنوبی وزیرستان اپر کے باوثوق زرائع و تحریک انصاف کے آفیشل وٹس ایپ گروپ کے لیک وائس کے مطابق انکشاف ہوا کہ راتوں رات راشن کو ڈپٹی کمشنر کے لاڈلوں و سیاسی ورکروں نے ریڑھیوں اور رکشوں میں ڈال کر بااثر سیاسی افراد کے گھروں، اپنے عزیز و اقارب و رفقاء تک پہنچایا گیا ہے۔ اور تو اور درجنوں بغض ٹوکن کے راشن کو تھیلے بدل کر انہیں بازار میں فروخت بھی کیا گیا۔ جبکہ دوسری جانب ضلع ٹانک کے غریب و مستحق عوام جن میں بوڑھے بچے اور خواتین ہاتھوں میں ٹوکن لئے راشن پوائنٹ کے باہر ذلیل وخوار ہوتے رہے۔
اس حوالے سے ضلع ٹانک کی عوام نے P**O کے اعلیٰ حکام ، چیف منسٹر خیبرپختونخوا، گورنر خیبرپختونخوا، چیف سیکرٹری خیبرپختونخوا، ڈائریکٹر جنرل فوڈ خیبرپختونخوا و کمشنر ڈیرہ اسماعیل خان ڈویژن سے مطالبہ کیا گیا کہ تقسیم راشن کی خرد برد میں ملوث گنہگاران پر فوری جے آئی ٹی ( انکوائری کمیشن) تشکیل دی جائے، اور سخت سے سخت قانونی کارروائی عمل میں لائی جائے۔

09/01/2025

افسوسناک خبر😭😭
جنوبی وزیرستان وانا بازار امن چوک کے نزدیک زنانہ انتظار گاہ میں فائرنگ سے ایک عمر رسیدہ عورت جانبحق ہوگئی ہیں.جبکہ ایک شخص زخمی بھی بتایا جارہا ہے. فائرنگ کی وجہ ابھی تک معلوم نہیں ہوسکی.
عمر رسیدہ خاتون زمچن سکنہ شولام سے بتایا جارہا ہے۔ زرائع

08/01/2025

عصمت اللہ، عدنان اور عمران کے والد مرحوم ماسٹر عبید اللہ کنڈی محلہ محسودان والے کی فاتحہ خوانی کل سے محلہ محسودان میں انکی رہائش گاہ پر ہوگی۔

08/01/2025

07/01/2025

غم کی خبر
إِنَّا ِلِلَّٰهِ وَإِنَّا إِلَيْهِ رَاجِعُونَ
عصمت اللہ، عدنان اور عمران کے والد ماسٹر عبید اللہ کنڈی محلہ محسودان والے اس فانی دنیا سے کوچ کر گئے ہے۔ جسکی نمازِ جنازہ آج بروز منگل بتاریخ 07-01-2025 بوقت بعد نماز ظہر 2:30 بجے کو میخانی قبرستان میں ادا کی جائے گی۔

06/01/2025

جنوبی وزیرستان اپر: ڈسٹرکٹ پریس کلب جنوبی وزیرستان (رجسٹرڈ) کے صحافی ذیشان بیٹنی کو سینکڑوں آشکبار آنکھوں کے سامنے سپرد خاک کردیا گیا،
ذیشان بیٹنی تھلیسمیا (سیکل) کے مرض میں مبتلا تھا جس کے علاج کے لئے ڈسٹرکٹ پریس کلب جنوبی وزیرستان اپر نے ہر سرکاری ادارے کا دروازہ کھٹکھٹایا مگر کہیں سے بھی ذیشان بیٹنی کے علاج کےلئے مثبت جواب نہیں ملا

06/01/2025

غم کی خبر
إِنَّا ِلِلَّٰهِ وَإِنَّا إِلَيْهِ رَاجِعُونَ
ہمارے پیارے صحافی اور ڈسٹرکٹ پریس کلب جنوبی وزیرستان اپر کے نیوز رپورٹر زیشان بیٹنی اس فانی دنیا سے کوچ کر گئے ہے۔ جسکی نمازِ جنازہ آج بروز سوموار بتاریخ 06-01-2025 بوقت عصر 4:45 کو لنگر بائی قبرستان میں ادا کیا جائے گا۔

06/01/2025

غم کی خبر
إِنَّا ِلِلَّٰهِ وَإِنَّا إِلَيْهِ رَاجِعُونَ
ہمارے پیارے دوست و صحافی اور ڈی پی سی نیوز کے رپورٹر زیشان بیٹنی اس فانی دنیا سے کوچ کر گئے ہے۔ نمازِ جنازہ کا اعلان بعد میں کیا جائے گا۔

04/01/2025

دنیا کے لیئے بد صورت ترین مگر اپنے وقت کے بہترین کردار:

لیزی کو دنیا کی بدصورت ترین خاتون کہا گیا اس پر لاکھوں میم بنائے گئے اس کو یہاں تک کہا گیا کہ اتنی بدصورتی کے ساتھ جینے سے اچھا مر جاؤ
مگر اس نے ہمت نہ ہاری اور گریجویشن کے بعد تین کتابیں لکھ کر لاکھوں حسن والوں کے منہ بند کر ڈالے
اور پھر وہ دنیا کی بہترین موٹیویشنل سپیکر میں سے ایک بن گئی
اور مایوس افراد کو جینے کا ڈھنگ سکھانے والی بن گئی

اسی طرح عالمِ اسلام کی مشہور شخصیت جاحظ بھی تھے

جاحظ اعتقاداً معتزلی تھا اور انتہائی بد صورت تھا مگر انتہائی ذہین
جتنا بد صورت تھا اتنا ہی عظیم عالم تھا

جاحظ کی بد صورتی کے بارے کہا گیا

الجاحظ يقول الشاعر
لو يمسخ الخنزير مسخا ثانيا ... ما كان إلا دون قبح الجاحظ

اگر خنزیر کو دوبارہ مسخ کیا جائے تو پھر بھی وہ جاحظ سے کم بد صورت ہوگا

کسی نے جاحظ سے پوچھا آپ کبھی شرمندہ ہوئے؟

کہا ہاں ایک بار کوئی بوڑھی عورت میرے پاس آئی اور کہا مجھے آپ سے کچھ کام ہے میرے ساتھ آئیں

میں چلا گیا وہ مجھے ایک سنار کے پاس لے گئی اور سنار کے سامنے مجھے کھڑا کر کے چلی گئی

میں نے سنار سے پوچھا میرے لائق کوئی حکم؟

کہنے لگا یہ بوڑھی عورت مجھ سے تقاضا کر رہی تھی میں اسکو شیطان کی مورتی بنا کر دوں

میں نے کہا شیطان کو دیکھا نہیں میں نے تو وہ کہتی میں لاتی ہوں تم ویسی مورتی بنا دینا
پھر وہ آپ کو ساتھ لے آئی اور کہا ایسا ہوتا ہے شیطان!!!

اس سب کے باجود جاحظ علم کا پہاڑ تھا علوم اسلامیہ میں جہاں بھی بلاغت کا ذکر آتا ہے جاحظ ایک ستون کی طرح نظر آتا ہے

مگر اس نے اپنی بد صورتی کو حصول علم اور بڑا انسان بننے میں رکاوٹ نہیں ڈالنے دیا

دو مثالیں آپ کے سامنے پیش کی ہیں
ایک لیزی کی دوسری جاحظ کی کہ اتنے بد صورت کوئی ان کے پاس نہ بیٹھے نہ اپنے پاس ان کو بیٹھنے دے مگر انہوں نے ایسا کمال کیا کہ لوگ ان سے ملنے کے محتاج ہوگئے

آپ میں کیا کمی ہے؟ آپ کیوں احساس کمتری کے شکار ہیں؟ آپ کیوں مایوس ہیں؟
ہمت کریں حوصلہ کریں اور دنیا کو اپنی مرضی کے مطابق چلائیں
اور یوں کہا کریں
ھم سے زمانہ خود ہے زمانے سے ھم نہیں ۔

31/12/2024

جنوبی وزیرستان مکین میں محسود قبائل کا آپریشنوں اور مسلسل بد آمنی کے خلاف گرینڈ جرگہ کا انعقاد کیا گیا،
جرگے میں قبائلی مشران، وزیرستان سیاسی اتحاد کے علاؤہ صحافیوں اور سینکڑوں کی تعداد میں نوجوانوں نے شرکت کی۔
جرگہ شرکاء نے مشترکہ فیصلہ کیا کہ وہ مزید کسی قسم کے آپریشن یا علاقہ خالی کرنے کا متحمل نہیں ہوسکتے،

جرگے میں شرکت کرنے کےلئے آنے والے وانا لوئر وزیرستان سے تعلق رکھنے والے تین نوجوان جو ایکسیڈنٹ میں جاں بحق ہوگئے تھے کی جنازہ ادا کردی گئی، جسکی بناء پر قوم محسود نے تین روزہ سوگ کا اعلان کردیا، اور جرگہ کو دس جنوری تک مؤخر کردیا، اور دس جنوری کو ایک بار پھر ٹانک ٹاؤن ہال جرگہ طلب کرلیا گیا جس میں آگے کا لائحہ عمل طے کیا جائے گا۔

28/12/2024

ٹانک (بیورورپورٹ) ڈسٹرکٹ پریس کلب کے نومنتخب صدر ملک حیات اللہ نے یوتھ کمیٹی کے مرکزی دفتر کاافتتاح کردیا. چیئرمین یوتھ کمیٹی ہدایت اللہ برکی نے نومنتخب صدر ملک حیات اللہ اور نو منتخب کابینہ کا گرم جوشی سے استقبال کیا. ٹانک کے بنیادی مسائل کے حوالے سے بات چیت کرتے ہوئے ملک حیات اللہ نے کہا کہ ڈسٹرکٹ ٹانک کو درپیش مسائل میں پینے کا پانی، نکاس، روڈ، ہسپتال، بجلی، گیس وغیرہ ہیں جسے ہر پارٹی نے اپنے مفادات کیلئے لٹکائے رکھا جس کے آئندہ بھی ہمیشہ جاری رہنے کے زیادہ امکانات ہیں.انہوں نے مزید کہا کہ ٹانک کے بنیادی مسائل کے حل میں یوتھ کا کردار بہت اہم ہے اگریوتھ ورکر مفادات کو بالائے طاق رکھے توٹانک جیسے چھوٹے شہر میں مسائل کانام ونشان بھی باقی نہیں رہے گا. اس موقع پر انجنئیررفیق عالم نے کہاکہ ڈسٹرکٹ انتظامیہ کو ٹی.ایم.اے حدود تک تجاوزات کیخلاف ادھورا اپریشن پایہ تکمیل تک پہنچانا چاہیئے اور ضلعی انتظامیہ سابقہ ڈپٹی کمشنر ٹانک ارشد قیوم کے ریکارڈ کے مطابق لگائے گئے نشانات تک قبضہ مافیا سے سرکاری حدود چھڑوا کر روڈ کوچوڑا کرے. یوتھ کمیٹی کے چیئرمین ہدایت اللہ برکی کا کہناتھاکہ ٹانک جیسے چھوٹے شہر میں مسائل کا حل کوئی اتنی بڑی بات نہیں لیکن شرط یہ ہے کہ ہر پارٹی میں موجود یوتھ اس حوالے سے اپناکردار ادا کرے. انہوں نے نومنتخب صدر ملک حیات اللہ اور نومنتخب کابینہ کا مرکزی دفتریوتھ کمیٹی آمد پر شکریہ اداکیا.

28/12/2024

جنوبی وزیرستان : ال سیاسی اتحاد کا حالیہ صورتحال کو لے کر میڈیا کے نمائندوں سے پریس کانفرنس

26/12/2024