JEHAD News

31/12/2024

Dubai's deadline for illegal immigrants ends today?

24/10/2024

نیشنل ہائی وے پر گاڑی چلانے والے ڈرائیوروں کے لیے بہت اہم معلومات۔
ٹول رسید کی قیمت کو سمجھیں اور اسے استعمال کریں۔
ٹول بوتھ پر ملنے والی اس رسید میں کیا چھپا ہے اور اسے کیوں محفوظ رکھا جائے؟

اضافی فوائد کیا ہیں؟ "آج بتاتے ہیں۔

1. اگر آپ کی گاڑی ٹول روڈ پر سفر کرتے ہوئے اچانک رک جاتی ہے، تو ٹول کمپنی آپ کی گاڑی کو کھینچنے اور لے جانے کی ذمہ دار ہے۔

2. اگر ایکسپریس ہائی وے پر آپ کی گاڑی کا پیٹرول یا بیٹری ختم ہو جائے تو ٹول وصول کرنے والی کمپنی آپ کی گاڑی کو تبدیل کرنے اور پیٹرول اور بیرونی چارجنگ فراہم کرنے کی ذمہ دار ہے۔ آپ 1033 پر کال کریں۔ دس منٹ میں مدد کریں گے اور 5 سے 10 لیٹر پیٹرول مفت ملے گا۔ اگر گاڑی پنکچر ہو بھی جائے تو مدد کے لیے اس نمبر پر رابطہ کر سکتے ہیں۔

3. یہاں تک کہ اگر آپ کی گاڑی کسی حادثے میں ملوث ہے تو آپ یا آپ کے ساتھ آنے والے کسی فرد کو پہلے ٹول رسید پر دیئے گئے فون نمبر پر رابطہ کرنا چاہیے۔

4. اگر کوئی گاڑی میں سفر کرتے ہوئے اچانک بیمار ہو جائے تو اس شخص کو فوری طور پر ہسپتال لے جانے کی ضرورت پڑ سکتی ہے۔ ایسے وقت میں ایمبولینس آپ تک پہنچانا ٹول کمپنیوں کی ذمہ داری ہے۔

جن لوگوں کو یہ اطلاع ملی ہے وہ اسے زیادہ سے زیادہ لوگوں تک پہنچا دیں۔

یہ میسج بتانے کا مقصد اپ میں شعور پیدا کرنا ہے دیکھیں انہوں نے تو یہ چیز ہمیں بتائی ہی نہیں کیونکہ انہوں نے شعور قوم کو دینا نہیں اپ یہ معلومات حاصل کریں تاکہ اپ کو پتہ ہو کہ ہم پر اور اداروں پر کیا ذمہ داریاں ہیں
پاکستانی قوم کو ان چیزوں سے بہت دور رکھا گیا ہے

20/08/2024

یو اے ای جانے والے پاکستانیوں کیلئے سخت پالیسی کا اعلان، نئی شرائط لاگو ... بنیادی شرائط پوری نہیں کی گئی تو انہیں ایئرپورٹ پر ہی روک دیا جائے گا، سفیر
متحدہ عرب امارات(جہاد نیوز)متحدہ عرب امارات کی جانب سے حال ہی میں ملازمت یا وزٹ ویزا پر آنے والے ایشیائی باشندوں کے لیے سخت پالیسی کا اعلان کیا ہے . پاکستان میں حکام نے امارات جانے والے اپنے شہریوں کو خبردار کیا ہے کہ اگر ان کے پاس امارت میں ہوٹل میں قیام کی دستاویز، مناسب رقم اور واپسی کا ٹکٹ جیسی بنیادی چیزیں نہیں ہوں گی تو انہیں ہوائی اڈوں سے واپس کردیا جائے گا .

عرب میڈیا کے مطابق ٹریول انڈسٹری کے ایگزیکٹوز نے کہا کہ پاکستان اور دیگر ممالک سے وزٹ ویزا پر متحدہ عرب امارات آنے والے سیاحوں کے پاس درہم 3,000 فنڈز، واپسی کا ٹکٹ اور ہوٹل میں رہائش یا خاندان کے کسی فرد کے ساتھ رہائش کا ثبوت ہونا ضروری ہے اور جو لوگ ان معیارات کو پورا کرنے میں ناکام ہوئے تو انہیں ان کے آبائی ممالک کو واپس بھیج دیا جاتا ہے .
دبئی اور شمالی امارات کے لیے پاکستان کے قونصل جنرل حسین محمد نے امارات میں مقیم تمام 17 لاکھ پاکستانیوں پر زور دیا کہ وہ مقامی قوانین کی پابندی کریں اور ان کا احترام کریں . انہوں نے زور دے کر کہا کہ متحدہ عرب امارات میں قوانین پر سختی سے عمل درآمد کیا جاتا ہے اور خلاف ورزی کرنے والوں کو خلاف ورزی پر جرمانے اور قید کی سزا کا سامنا کرنا پڑے گا .
خیال رہے کہ متحدہ عرب امارات روزگار کی تلاش کے اعتبار سے پاکستانیوں کے لیے سرفہرست مقامات میں سے ایک ہے . 2023-24 میں، 230,000 پاکستانیوں نے متحدہ عرب امارات پہنچے جو سعودی عرب کے بعد دوسرا بڑا ملک ہے .

19/08/2024

سیالکوٹ19اگست 2024سیا لکوٹ چیمبر آف کامرس اینڈ انڈسٹری میں صحافتی خدمات کے اعتراف میں شیخ امجد جمیل احمد ایڈیر جھاد کو شیلڈ سے نوازہ گیا❤️❤️

16/08/2024

15/08/2024

میجر محمد ایوب صاحب ایک عہد ساز شخصیت!

آج تاریخ اسلام کے ایک نامور مرد مجاہد و محرک قرار داد ختم نبوت میجر (ریٹائرڈ) سردار محمد ایوب خان صاحب شہید کو خراج عقیدت پیش کرنے کے لیے باغ میں ختم نبوت کانفرنس کا انعقاد کیا گیا ہے انھوں نے پچاس سال قبل آج ہی کے دن قانون ساز اسمبلی آزاد جموں و کشمیر کے اجلاس منعقدہ 29 اپریل 1973 کو زیر نظر تاریخی قرارداد پیش کر کے ایوان سے منظور کروائی جس کی بدولت مرزائیوں کو کافر قرار دے کر آئندہ ریاست کے اندر مرزائیت کی تبلیغ کو قانوناً جرم قرار دیا گیا اس قرارداد کو اسمبلی میں پیش ہونے کے ساتھ ہی اندرون اور بیرون ملک سیاسی، سماجی حلقوں میں ایک بھونچال سا آ گیا گویا۔۔ وہ پھٹ پڑے اور شدید غم وغصہ میں پیچ وتاب کھانے اور اس قرارداد کو جڑ سے کاٹنے کے لئے وفاقی وزیر قانون عبد الحفیظ پیرزادہ اپنے لاؤ لشکر سمیت مظفرآباد پہنچ گئے، جہاں وہ اس قرارداد کے سیاسی وسماجی مضمرات کا بہانہ بنا کر حکومت پر دباؤ ڈالنے لگے میجر صاحب جو اس قرارداد کے محرک بھی تھے سینہ سپر ہو کر ڈٹ گئے انھوں نے اسے اپنے ایمان کا حصہ قرار دیتے ہوئے تمام تجاویز اور پیشکش یکسر مسترد کر دیں ان کا کہنا تھا کہ حضور صلی اللہ علیہ وسلم پر نبوت اور رسالت کی تکمیل ہو چکی ہے اس کے بعد اگر کسی نے نبوت کا دعویٰ کیا تو وہ کذاب دجال جھوٹا اور کافر ہے اور جس کسی نے بھی اس کی تصدیق کی اس کو مان لیا وہ بھی دائرہ اسلام سے خارج اور مرتد شمار ہو گا، میجر صاحب کے ایمان افروز دلائل اور قرارداد پر عملی جامہ پہنانے کے پرزور مطالبہ نے سب کو ورطہ حیرت میں ڈال دیا جب ان کو اپنا ایمان خطرے میں پڑتا اور شور شرابہ بڑھتا محسوس ہوا تو وفاقی حکومت نے ہتھیار پھینک دیئے یوں یہ قرارداد آزاد کشمیر اسمبلی سے پاس ہو گئی اس قرارداد کے پاس ہوتے ہی پاکستان میں ایک سیلاب امنڈ آیا اور وہاں بھی اس نوح کی قرارداد منظور کروانے کے لئے مظاہرے شروع ہوگئے آپ کی یہ قرارداد مشعل راہ ثابت ہوئی اور پاکستان میں بھی مرزائیوں کو کافر قرار دیا گیا گویا اس قرارداد نے، طوفان نوح کی طرح ساری کثافتیں اور ناپاکیاں دھو ڈالی اور ہمیں اس قابل بنایا کہ ہم اپنا سر فخر سے بلند کر سکیں، یہ اس کے فیصلے ہیں جس کے حق میں جو بھی کر ڈالے۔۔ کسی کو در دیا اپنا، کسی کو دربدر رکھا، میجر صاحب ایک ہمہ گیر شخصیت اور اوالعزم مجاہد کے ماند تھے جو ایک لمحہ کے لئے بھی نہ تلوار ہاتھ سے چھوڑتا ہے اور نہ گھوڑے کی پشت آپ کی زندگی کیا تھی کام کام اور کام، اقتدار طاقت کا دوسرا نام ہے طاقت ایسی چیز ہے جس سے انسان سیاہ و سفید کا مالک بن جاتا ہے۔۔ لیکن وہ اس کے برعکس تھے اقتدار ہونے کے باوجود وہ درویش، غریب پرور اور منکر المزاج بن کر سیاست میں دوسروں کے لئے اعلیٰ کردار کے نمونے چھوڑ گئے، جن کی شمعیں روشن کر کے ہم راہنمائی حاصل کر سکتے ہیں جب وہ پہلی مرتبہ ممبر اسمبلی بنے تو پورا باغ خالی تھا وہ چاہتے تو پورے باغ کے مالک بن بیٹھتے لیکن انھوں نے مالک کے بجائے باغباں بننا گوارا کیا انھیں یہ پختہ یقین تھا کہ آخر دو گز ٹکڑا ہی مقدر بنتا ہے پھر وہ نہ کبھی مطلب پرست بن کر ہوا کے دوش چلے اور نہ ہی انھوں نے جیب بڑی رکھی نہ دل چھوٹا کیا ان کی زندگی بلا تخصیص دوسروں کے لئے نفع بخش بنی رہی اتحاد اور ایثار قربانی کا جذبہ ہمیشہ موجزن رہا غریبوں، مظلوموں، حاجت مندوں کے کام آنے کی اقدار اسی زمانے میں شروع ہوئیں انھوں نے کبھی کردار کی عظمت کو رسوا نہ کیا اور نہ کبھی آنکھوں کے خواب چرا کر جلسوں میں بیچے کہ تعبیر کا پوچھنے پر سو بہانے بنانے پڑیں،وہ ملک میں صدارتی نظام حکومت کے حامی تھے ان کا خیال تھا کہ پارلیمانی نظام میں وزیراعظم ممبران کے آگے بے بس ہوتا ہے، اس سے ہارس ٹریڈنگ اور کرپشن فروغ پاتی ہے جو ملکی تباہی کا باعث بنتی ہے علامہ اقبال بھی اس نظام زر کے ناقدین میں سے ہیں فرماتے ہیں، گریز از طرز جمہوری غلامے پختہ کارے شو، کہ از مغز دو صد خر فکرے انسانے نمی آید، میجر صاحب کو دینی مدارس، مساجد سے بھی بڑا لگاؤ تھا۔۔ ان کا یہ نصب العین رہا کہ دائیں سے دیں بائیں کو خبر نہ ہو، مجھے یہ کہنے میں کوئی باق نہیں کہ وہ نابغہ روزگار شخصیت اور اپنی ذات میں انجمن تھے، مجھے یہ اعزاز حاصل ہے کہ میری سروس کا ابتدائیہ ان کے ساتھ گزرا بہت کچھ سیکھنے کو ملا میں آج جو کچھ بھی ہوں ان ہی کی تربیت کا نتیجہ ہے، باغ ضلع کا قیام ہو یا ابتدائی ترقیاتی کاموں کا آغاز یہ سب کچھ اور بہت کچھ ان ہی کی کاوشوں کا ثمر ہے آپ 1985 میں دوسری مرتبہ ممبر اسمبلی منتخب ہو کر اسپیکر اسمبلی کے عہدہ جلیلہ پر متمکن ہوئے تو اسمبلی ایک طویل تعطل کے بعد معرض وجود میں آئی تھی اسلئے ایوان کے اندر پارلیمانی امور نمٹانے کے لئے مروجہ قواعد انضباط کار کو مؤثر اور پنجاب اسمبلی سے ہم آہنگ بنانے کے لئے ضروری ترامیم کرنے اور ملازمین کی فلاح و بہبود کے لئے اضافی مراعات منظور کرنے کے علاوہ سروس رولز مرتب کئے، اسمبلی کو مالیاتی خود مختاری دلوائی، اسمبلی کے اندر کبھی رولز اور میرٹ کو پامال نہیں ہونے دیا، آپ کو یہ اعزاز بھی حاصل ہے کہ آزاد کشمیر میں شریعت بل سال 1989 میں آپ ہی کی صدارت میں منظور ہوا، آپ مختلف اوقات میں قائمقام صدرِ ریاست کے فرائض بھی سر انجام دیتے رہے لیکن اپنے کام سے کام رکھا بے معنی اچھل کود نہیں کی اور نہ ہی مشتعل ہو کر انتقامی کارروائیاں کی، سال 1990 میں تیسری مرتبہ رکن اسمبلی منتخب ہو کر ڈپٹی اپوزیشن لیڈر بنے تا ہم 1991 میں یہ اسمبلی برخاست ہو گئی تو آپ بلا مقابلہ ممبر کشمیر کونسل منتخب ہو گئے جو سب سیاسی پارٹیوں کا آپ پر اعتماد کا مظہر تھا آپ نے بھی ممبر کشمیر کونسل کی حیثیت سے ممبران کے اعتماد پر پورا اترے اور اپنے حصہ کے ملنے والے ترقیاتی فنڈز سے آزاد کشمیر کے جملہ اضلاع میں بلا تخصیص ترقیاتی منصوبے مکمل کروائے۔۔میجر صاحب کی زندگی جہد مسلسل سے عبارت ہے 1947 کی جنگ آزادی میں میں بطور ایریا کمانڈر حاجی پیر اور پیر کنٹھی محاذ پر فوج کی کمانڈ کی اور ان محاذ پر دشمن کو زیر کیا جنگ کے اختتام پر آپ کی بہترین حربی وضربی صلاحیتوں کے پیش نظر پاک فوج میں کمیشن دیا گیا، 1965 کی جنگ میں بھی آپ نے ہر اول دستے میں رہ کر دشمن کو ناکوں چنے چبوائے لیکن پھر بھی ریشہ دوانیوں کا شکار ہو گئے انھیں فوج میں وہ کچھ نہیں مل سکا جسکے وہ بجا طور پر حقدار تھے لیکن رب تعالیٰ کسی کی محنت اور خدمات ضائع نہیں کرتا وہ دوسرے راستہ سے زیادہ بلندیاں عطا کر دیتا ہے، میجر صاحب نے اپنے سے زیادہ والے کے ساتھ کبھی اپنا موزانہ نہ کیا وہ ہمیشہ صابر و شاکر رہے نہ بنگلہ، نہ گاڑی، نہ بنک بیلنس وہ دل میں ندامت کا داغ لگائے بغیر اجلے ہاتھوں کے ساتھ رب کے حضور حاضر ہو گئے ،،،کئی دماغوں کا ایک انسان میں سوچتا ہوں کہاں گیا ہے، اتر گئے منزلوں کے چہرے، امیر کیا ؟کارواں گیا ہے، میں انکی سیاسی، سماجی، ملی اور عسکری خدمات کا برملا اعتراف اور نمدیدہ آنکھوں کے ساتھ انھیں خراج عقیدت پیش کرتا ہوں وہ سیاستدان نہیں بلکہ حقیقی بڑے رہنما اور سایہ دار درخت تھے۔ جو ہرس وحوص کی منڈی میں انمول رتن کی طرح کبھی نہ بک پائے۔
آسمان تیری لحد پر شبنم افشانی کرے
سبزہ نور ستہ اِس گھر کی نگہبانی کرے
تحریر: عبدالغفار صابر ایڈووکیٹ
ایڈیشنل سیکرٹری (ریٹائرڈ)

15/08/2024

جنرل سید عاصم منیر، چیف آف آرمی سٹاف (COAS)، NI (M) نے یوم آزادی کے موقع پر پاک فوج کے سابق فوجیوں کے اعزاز میں ایک شاندار استقبالیہ کا اہتمام کیا۔ اس تقریب میں ریٹائرڈ فوجی افسران اور سپاہیوں کی بڑی تعداد نے شرکت کی

سی او اے ایس نے ریٹائرڈ اہلکاروں کی خدمات کو دلی خراج تحسین پیش کیا، ان کی لگن اور قوم کی تاریخ کی تشکیل میں اہم کردار کو سراہا۔ انہوں نے چیلنجوں کے مقابلے میں اتحاد اور لچک کی بنیادی اہمیت پر زور دیا، سابق فوجیوں پر زور دیا کہ وہ پاکستان کی ترقی اور ترقی میں اہم کردار ادا کرتے رہیں۔
سی او اے ایس نے پاکستان کے عوام اور مسلح افواج کے درمیان تعلقات کو کمزور کرنے کے لئے دشمن عناصر کی جانب سے جعلی خبروں اور پروپیگنڈے کے گھناؤنے خطرے سے بھی خبردار کیا۔انہوں نے یقین دلایا کہ سابق فوجیوں سمیت قوم کی غیر متزلزل حمایت ایسی تمام فضول کوششوں کو ناکام بنائے گی۔
سابق فوجیوں نے پاک فوج کی قیادت پر اعتماد کا اظہار کرتے ہوئے اندرونی اور بیرونی سلامتی کے چیلنجوں کا مقابلہ کرنے میں اپنی حمایت کا وعدہ کیا۔یہ تقریب پاک فوج اور اس کے سابق فوجیوں کے درمیان اٹوٹ بندھن کے ثبوت کے طور پر کام کرتی ہے، جو ملک کی خوشحالی اور سلامتی کے لئے اپنے عزم میں متحد ہیں۔

‎

07/08/2024

Shout out to my newest followers! Excited to have you onboard! Rizwan Artist, Muhammad Nazam

05/08/2024