JK News Sehnsa

31/01/2025

سہنسہ() دفتر اسسٹنٹ کمشنر سہنسہ میں یوم یکجہتی کشمیر کو شایان شان طریقہ سے منانے کیلئے انتظامات کو حتمی شکل دینے کیلئے میٹنگ کا انعقاد کیا گیا۔ جس میں مختلف محکمہ جات کے افیسران، ملازمین، سیاسی و سماجی شخصیات اور پریس نمائندگان نے شرکت کی۔ جن میں راجہ شکیل ضیاء ایڈووکیٹ چیئرمین میونسپل کمیٹی سہنسہ، محمد اکرم چوہدری پرنسپل بوائز انٹر کالج پلیٹ، جبران افضل مہتمم برقیات سہنسہ، محمد ریاض سب انسپکٹر تھانہ سہنسہ,، محمد نواز تحصیلدار سہنسہ، ڈاکٹر قمر عباس ایم ایس تحصیل ہیڈکوارٹر ہسپتال سہنسہ ، سخی ولایت اسسٹنٹ ایجوکیشن آفیسر مردانہ سہنسہ، واجد حسین بخاری نائب مہتمم برقیات سہنسہ، خالد یوسف اللہ پراجیکٹ منیجر لوکل گورنمنت سہنسہ، محمد وقاص کمپیوٹر انسٹرکٹر بوائز ہائی سکول سہنسہ، محمد وسیم انچارج صدر معلم ہائی سکول جبری، ضیاء سوز انچارج ٹریفک پولیس سہنسہ ، عثمان ذبیر محکمہ زراعت سہنسہ، محبوب حسین رینج افیسر محکمہ جنگلات، محمد شمعویل ممبر ضلع کونسل یوسی اٹکورہ، محمد عاطف پرنسپل ہائیر سیکنڈری سکول اٹکورہ، چوہدری منشی خان اکاؤنٹنٹ زکواہ و عشر سہنسہ، عظام نصیر بوائز مڈل سکول ہولاڑ، محند رزاق روڈ انسپکٹر محکمہ شاہرات سہنسہ، عبدالرحمن جونیئر کلرک تحصیل مفتی سہنسہ، ملک عاطف جنرل سیکرٹری انجمن تاجران پوٹھہ، محمد یوسف زرگر جنرل سیکرٹری انجمن تاجران سہنسہ، عظام رفیق ممبر یوتھ کونسلر اٹکورہ، شیراز خان محکمہ ابریشم سہنسہ، مبین مشتاق ہائیر سکینڈری سکول اٹکورہ، آصف نواز صدر امن کمیٹی سہنسہ، سردار عبدالرحمن خان نامہ نگار نوائے وقت، چوہدری محمد شبیر چیئرمین JKHRF نے شرکت کی۔ میٹنگ کا آغاز تلاف کلام پاک سے ہوا۔ جس کے بعد اسسٹنٹ کمشنر سہنسہ احمد سبحانی نے یوم یکجہتی کشمیر 5 فروری کو شایان شان طریقے سے منانے کیلئے شرکاء میٹنگ کو بتایا کہ آزاد کشمیر آزادی کا بیس کیمپ ہے۔ ازاد کشمیر کے آئین میں واضح طور پر درج ہے کہ تحریک آزاد کشمیر اس کیمپ سے مضبوط کی جائے گی۔ مقبوضہ کشمیر میں بسنے والے کشمیری اس وقت ظلم و ستم کی چکی میں پس رہے ہیں۔ 5 فروری کا دن پاکستان اور آزاد کشمیر میں یوم یکجہتی کشمیر کے طور پر منایا جاتا ہے۔ یہ ایک قومی فریضہ ہے۔ جس کی انجام دہی میں لاپرواہی اور تساہل نہ برتا جائے۔ انہوں نے کہا کہ ہر سال کی طرح اس سال بھی ہولاڑ پل کے مقام پر سرکاری ملازمین سکولزو کالجز کے طلبا و سٹاف کے علاوہ عوامی نمائندگان سیاسی و سماجی عمائدین پاکستانی عوام سے ملکر انسانی ہاتھوں کی زنجیر بنائیں گے۔ میٹنگ میں 5 فروری کو شایان شان طریقے سے منائے جانے کے سلسلہ میں انتظامات کو حمتی شکل دی گئیم تقریب صبح دس بجے شروع ہو گی۔ جس میں راولپنڈی ، کہوٹہ پاکستان سے اظہار یکجہتی کے لیے آنے والے سیاسی و سماجی شخصیات ، انتظامی آفیسراں کا استقبال کیا جائے گا۔ اس کے علاوہ 5 فروری کو شہدائے کشمیر کے درجات کی بلندی کے لیے مساجد میں خصوصی دعاوں کا اہتمام بھی کیا جائے گا۔

11/01/2025

11/01/2025

سہنسہ تلاش گمشدہ 🚨
مانیا غنی ولد عبدالغنی مرحوم عمر 14 سال ساکن بھرنڈ بھٹہ حال مقیم سیکنڈ فلور ڈاکٹر عقیل ہسپتال سہنسہ سے بتاریخ 10/01/2025 صبح 7:40 سٹوڈنٹ 7 کلاس ریڈ فاونڈیشن سکول کےلیے نکلی جوکہ ابھی تک لاپتہ ہے..سکول سے معلومات کرنے پر پتہ چلا سکول نہیں آئی...تھانہ پولیس سہنسہ میں گمشدی کی درخواست دے دی گئی ...! والدہ شدید کرب سے گزر رہی ہے جس کسی کو معلومات ہو یا نظر آئے درجہ زیل نمبرات پر رابطہ کریں...
03495197218 محمد دانیال
03459763306ستار جاسم سہنسہ

11/01/2025

سہنسہ (نمائندہ خصوصی) ایڈیشنل ضلعی فوجداری عدالت سہنسہ نے قتل کے دو مختلف مقدمات کا فیصلہ سنا دیا۔ ملزمان میں سے ایک ملزم کو جرم ثابت ہونے پر عمر قید اور 40 لاکھ روپے جرمانے کی سزا اور دوسرے مجرم کو 14 سال قید اور 20 لاکھ روپے جرمانے کی سزا سنائی ہے ۔ پریس ریلیز کے مطابق گزشتہ روز ایڈیشنل ضلعی فوجداری عدالت سہنسہ کے معزز اراکین آفتاب طارق میر ایڈیشنل سیشن جج اور قیصر محمود مغل ایڈیشنل ضلع قاضی نے سہنسہ کی تاریخ کے مشہور اندھے مقدمہ قتل جو لاری اڈہ سہنسہ نزد منڈی مویشیاں میں ڈیرہ راشد خان پر سال 2022 میں ہوا تھا اور مقدمہ عنوانی "سرکار بنام جہانگیر بدر" عرصہ دو سال سے زیرسماعت تھا میں فیصلہ سناتے ہوئے ملزم جہانگیر بدر ولد سنسار محمد قوم سدھن ساکن کنجیری بلوچ ضلع سدھنوتی کو جرم APC 302 میں مجرم قرار دیتے ہوئے مقتول محمد ایوب کے قتل کے ارتکاب کے اثبات میں زیر دفعہ APC 302(B) بطور تعزیر سزائے عمر قید سنائی ہے اور مجرم ضابطہ فوجداری کی دفعہ (A)544 کی منشاء کے مطابق ورثاء کو مبلغ 40 لاکھ روپے بطور "Compensation" ادا کرنے کا حکم دیا ہے۔ جبکہ دوسرے مقدمہ قتل جو چوہدری ہوٹل بمقام رنجالی اسلام آباد تحصیل سہنسہ پر سال 2022 میں ہوا تھا اور مقدمہ عنوانی سرکار بنام ضیاء عرصہ دو سال سے زیر سماعت تھا میں فیصلہ سناتے ہوئے ملزم محمد ضیاء ولد محمد خوشحال قوم جاٹ ساکن موہڑہ اسلام آباد تحصیل سہنسہ ضلع کوٹلی کو جرائم APC 34, 302(C) , 504 میں مجرم قرار دیتے ہوئے جرم زیر دفعہ APC 34, 302(C) کے اثبات پر 14 سال قید محض کی سزا سنائی ہے۔ مجرم ضابطہ فوجداری کی دفعہ 544A کی منشاء کے مطابق ورثاء مقتول کو مبلغ 20 لاکھ روپے بطور Compensation ادا کرنے کا حکم بھی دیا ہے۔ جبکہ جرم APC 504 میں مجرم ضیاء کو 2 سال قید محض کی سزا سنائی ہے۔ عدالت نے ایک ہی دن میں دو مختلف مقدمات قتل کا فیصلہ سنایا ہے۔

10/01/2025

سہنسہ ( نمائندہ خصوصی ) صدر پاکستان تحریک انصاف حلقہ سہنسہ و ممبر ڈسٹرکٹ کونسلر یونین کونسل کٹھاڑ سہنسہ چوہدری جہانزیب ایڈووکیٹ نے تحصیل ہیڈکوارٹر ہسپتال سہنسہ میں طویل عرصہ سے غیر حاضر ڈاکٹروں پر تشویش کا اظہار کیا۔ اس سلسلہ میں گزشتہ روز انہوں نے ایم ایس تحصیل ہیڈکوارٹر ہسپتال سہنسہ کو تحریری درخواست دی۔ اس موقعہ پر ان کا کہنا تھا کہ تحصیل ہیڈکوارٹر ہسپتال میں چائلڈ اسپیشلسٹ، اینستھزیا، ریڈیالوجسٹ اور گائینالوجسٹ ڈاکٹرز غیر حاضر ہیں۔ جس سے عوام علاقہ کو علاج معالجہ کیلئے شدید مشکلات کا سامن ہے۔ ان کا کہنا تھا کہ مریضوں کو پنڈی اسلام آباد یا کوٹلی کے ہسپتالوں میں ریفر کر دیا جاتا ہے۔ تحریری درخواست کے ذریعے انہوں نے تمام ڈاکٹرز کو فوری سہنسہ ہسپتال میں حاضر کرنے کا مطالبہ کیا تاکہ سہنسہ کی عوام کو علاج معالجہ کی بہتر اور آسان سہولیات میسر ہو سکیں۔ میڈیا سے گفتگو کرتے ہوئے ان کا کہنا تھا کہ اگر ہمارا مطالبہ پورا نہ کیا گیا تو تحریک انصاف شدید احتجاج کریگی۔

27/12/2024

29دسمبر بروز اتوار
رڈہ کالونی سہنسہ ضلع کوٹلی ۔
پروگرام انشاء اللہ 10بجے شروع ہوگا اور دن 2بجے دعا ہوگی ۔

25/12/2024

سہنسہ (نمائندہ خصوصی)
حسب شیڈول پریس فاؤنڈیشن آزاد کشمیر پریس کلب وادی سہنسہ کے 2025 کے لیے عہدیداروں کے انتخابات کا مرحلہ مکمل ہوگیا تفصیلات کے مطابق الیکشن کمیشن کی ذمہ داریاں ممبر پریس فاؤنڈیشن سید اخلاق حسین نقوی ہمراہ معاون سردار عبد الرحمن خان منعقد ہوئے الیکشن کمیشن سید اخلاق نقوی کی طرف سے جاری نتائج کے مطابق تمام عہدیداران بلا مقابلہ منتخب ہوئے جس کے مطابق صدر راجہ محمد سلیم خان چوہدری محمد شبیر خان سنئیر نائب صدر محمد صابر خان نائب صدر جبکہ جنرل سکریٹری محمد ساجد مغل عدیل زاہدی ڈپٹی سیکرٹری نذیر اسلم سیکرٹری انفارمیشن اور راجہ کامران خان سیکرٹری فنانس منتخب ہوئے ہیں ایکشن کمیشنر نے تمام ممبرز پریس کلب سہنسہ کے تعاون کا شکریہ ادا کیا پریس کلب وادی سہنسہ کے تاحیات سرپرست اعلیٰ سید محمد علی نقوی سنئیر ممبر سید طالب بخاری راجہ محمد جمیل ستار جاسم راجہ محمد آصف نواز خان عرفان شبیر چوہدری اور عتیق نقاش ملدیال بھی تقریب میں موجود تھے پریس کلب وادی سہنسہ نے الیکشن کمیشن کو احسن انداز میں الیکشن کروانے پر خراجِ تحسین پیش کیا سرپرست اعلیٰ سید محمد علی نقوی سنئیر جرنلسٹ سردار عبد الرحمن خان اور ممبر پریس فاؤنڈیشن سید اخلاق نقوی نے نومنتخب عہدیداران کو مبارکباد دیتے ہوئے اس توقع کا اظہار کیا ہے وہ سب اتحاد و اتفاق سے پریس کلب کے وقار کو بلند کرنے میں کوئی دقیقہ فروگزاشت نہیں کریں گے صحافیوں کی مشکلات کو حل کروانے میں اپنا مثبت کردار ادا کرتے رئیں گے ۔

19/12/2024

بریکنگ نیوز
آزاد ریاست جموں و کشمیر حکومت کی کرپشن بالخصوص حلقہ سہنسہ کے وزیر مال چوہدری محمد اخلاق کے جاری کردہ کڑوڑوں کے منصوبوں میں لوٹ کھسوٹ اور کرپشن پر بڑے انکشافات ممبر کشمیر کونسل سردار عبدرزاق خان کی ہنگامی پریس کانفرنس ڈسٹرکٹ پریس کلب کوٹلی سے براہ راست

17/12/2024

سہنسہ( ) تحصیل سہنسہ میں پیشہ ور بھکاریوں کی بھرمار، شہر کے مختلف جگہوں، بازاروں اور دفاتر میں پیشہ ور بھکاریوں نے شہریوں کا جینا حرام کر دیا ہے۔ تاہم متعلقہ حکام شہر سے بھکاریوں کے خاتمے میں مکمل طور پر ناکام دکھائی دینے لگے۔ تحصیل سہنسہ کے تمام چھوٹے بڑے بازاروں، مساجد، سرکاری و نجی ہسپتالوں اور سرکاری و نیم سرکاری دفاتر کے باہر بھکاریوں نے ڈھیرے جما رکھے ہیں۔ یہ پیشہ ور بھکاری جوان بچیوں سے بھی بھیک منگواتے ہے جو کچھ لیے بغیر جان نہیں چھوڑتی۔ متعلقہ حکام اس حوالے سے چشم پوشی اختیار کی ہوئے ہے پیشہ ور بھکاری مختلف بیماریوں کا بہانہ بنا کر شہریوں سے پیسے بٹورتے ہیں شہر میں بڑھتی ہوئی پیشہ ور بھکاریوں کی شرح متعلقہ حکام کی کارکردگی پر بھی سوالیہ نشان ہے۔ اس ضمن میں ایس ایس پی کوٹلی عدیل احمد لنگریال نے بھی خصوصی ہدایات جاری کر رکھی ہیں دیگر علاقوں سے بھی بھکاری سہنسہ کا رخ کرنے لگے ہیں۔ ان پیشہ ور بھکاریوں کی وجہ سے مستحق افراد بھی امداد سے محروم ہو جاتے ہیں۔ شہریوں نے ایک بار پھر انتظامیہ سے پرزور مطالبہ کیا ہے کہ فی الفور اس کا نوٹس لیا جائے اور سہنسہ میں دفعہ 144 پر عملدرآمد کرتے ہوئے ان پیشہ ور بھکاریوں کی روک تھام کے لیے اقدامات اٹھائے جائیں تاکہ ہماری مشکلات کم ہو سکیں۔

15/12/2024

🍁🍁🍁
دوسگے بھائیوں کے بڑے بڑے زرعی فارم ساتھ ساتھ واقع تھے دونوں چالیس سال سے ایک دوسرے سے اتفاق سے رہ رہے تھے اگر کسی کو اپنے کھیتوں کیلئے کسی مشینری یا کام کی زیادتی کی وجہ سے زرعی مزدوروں کی ضرورت پڑتی تو وہ بغیر پوچھے بلا ججھک ایک دوسرے کے وسائل استعمال کرتے تھے .
لیکن ایک دن کرنا خدا کا یہ ہوا کہ ان میں کسی بات پر اختلاف ہو گیا اور کسی معمولی سی بات سے پیدا ہونے والا یہ اختلاف ایسا بڑھا کہ ان میں بول چال تک بند ہو گئی اور چند ہفتوں بعد ایک صبح ایسی بھی آ گئی کہ وہ ایک دوسرے کے سامنے کھڑے گالی گلوچ پر اتر آ ئے اور پھر چھوٹے بھائی نے غصے میں اپنا بلڈوزر نکالا اور شام تک اس نے دونوں گھروں کے درمیان ایک گہری اور لمبی کھاڑی کھود کر اس میں دریا کا پانی چھوڑ دیا
․․․․اگلے ہی دن ایک ترکھان کا وہاں سے گزر ہوا تو بڑے بھائی نے اسے آواز دے کر اپنے گھر بلایا اور کہا کہ وہ سامنے والا فارم ہاؤس میرے بھائی کا ہے جس سے آج کل میرا جھگڑا چل رہا ہے اس نے کل بلڈو زر سے میر ے اور اپنے گھروں درمیان جانے والے راستے پر ایک گہری کھاڑی بنا کر اس میں پانی چھوڑ دیا ہے.
میں چاہتا ہوں کہ میرے اور اس کے فارم ہاؤس کے درمیان تم آٹھ فٹ اونچی باڑ لگا دو کیونکہ میں اس کا گھر تو دور کی بات ہے اس کی شکل بھی نہیں دیکھنا چاہتا اور دیکھو مجھے یہ کام جلد از جلد مکمل کر کے دو جس کی میں تمہیں منہ مانگی اجرت دوں گا ۔
ترکھان نے سر ہلاتے ہوئے کہا کہ مجھے پہلے آپ وہ جگہ دکھائیں جہاں سے میں نے باڑھ کو شروع کرنا ہے تاکہ ہم پیمائش کے مطابق ساتھ والے قصبہ سے ضرورت کے مطابق مطلوبہ سامان لا سکیں .
موقع دیکھنے کے بعد ترکھان اور بڑا بھائی ساتھ واقع ایک بڑے قصبہ میں گئے اور تین چار متعلقہ مزدوروں کے علا وہ ایک بڑی پک اپ پر ضرورت کا تمام سامان لے کر آ گئے ترکھان نے اسے کہا کہ اب آپ آرام کریں اور اپنا کام ہم پر چھوڑ دیں․․․ترکھان اپنے مزدوروں کاریگروں سمیت سارا دن اور ساری رات کام کرتا رہا ۔
صبح جب بڑے بھائی کی آنکھ کھلی تو یہ دیکھ کر اس کا منہ لٹک گیا کہ وہاں آٹھ فٹ تو کجا ایک انچ اونچی باڑھ نام کی بھی کوئی چیز نہیں تھی ،وہ قریب پہنچا تو یہ دیکھ کر اس کی آنکھیں پھٹی کی پھٹی رہ گئیں کہ وہاں ایک بہترین پل بنا ہوا تھا جہاں اسکے چھوٹے بھائی نے گہری کھاڑی کھود دی تھی.
جونہی وہ اس پل پر پہنچا تو اس نے دیکھا کہ پل کی دوسری طرف کھڑا ہوا اس کا چھوٹا بھائی اسکی طرف دیکھ رہا تھا چند لمحے وہ خاموشی سے کھڑا کبھی کھاڑی اور کبھی اس پر بنے ہوئے پل کو دیکھتا رہا اور پھر اس کے چہرے پر ایک ہلکی سی مسکراہٹ ابھری چند سیکنڈ بعد دونوں بھائی نپے تلے آہستہ آہستہ قدم اٹھاتے پل کے درمیان آمنے سامنے کھڑے ایک دوسرے کو دیکھنے لگے اور پھر دونوں بھائیوں نے آنکھوں میں آنسو بھرتے ہوئے ایک دوسرے کو پوری شدت سے بھینچتے ہوئے گلے لگا لیا۔۔
دیکھتے ہی دیکھتے دونوں بھائیوں کے بیوی بچے بھی اپنے گھروں سے نکل کر بھاگتے اور شور مچاتے ہوئے پل پر اکٹھے ہو گئے اور دور کھڑا ہوا ترکھان یہ منظر دیکھ دیکھ کر مسکرا رہا تھا .
بڑے بھائی کی نظر جونہی ترکھان کی طرف اٹھی جو اپنے اوزار پکڑے جانے کی تیاری کر رہا تھا تو وہ بھاگ کر اس کے پاس پہنچا اورکہا کہ وہ کچھ دن ہمارے پاس ٹھہر جائے لیکن ترکھان یہ کہہ کر چل دیا کہ

❤️ اسے ابھی اور بہت سے”پُل“ بنانے ہیں ❤️

برائے مہربانی کوشش کریں کہ لوگوں کے درمیان پل بنائیں دیواریں نہ بنائیں...

12/12/2024

صدراتی مشیر راجہ طارق پریس کانفرنس کرتے ہوئے

08/12/2024

شیر لوٹ آئے کچھار میں
عرفان کشمیری سہنسہ

07/12/2024

سرساوہ و کوٹلی کا قافلہ سہنسہ پہنچ گیا سہنسہ آزاد کشمیر سے براہ راست

07/12/2024

مذاکرات کامیاب
آرڈیننس واپس لینے اور قیدی رہا کرنے پر حکومت آمادہ ہوگئی

06/12/2024

جموں چوک سہنسہ صدارتی آرڈیننس کی بینڈ بجاتے ہوئے....
سہنسہ کے نوجوان مذاحمت کے راستے پر گامزن....
کوئی آ کر دیکھے کوئی آزما کر دیکھے
میرے دیس کی جنتا زندہ ہے...