سرائیکستان پالیٹکس اینڈ انقلاب" دا اے گروپ سرائیک قوم تے سرائیک کلچر تہذیب و تمدن اَتے سرائیکی وسیب دے حقوق دی پاسداری کیتے فیس بک تے سرائیکیاں دی بہترین نمائیندڳی کریندے اساکوں امید ھِ اساں وسیب ءِچ جاری ناانصافیاں دا خاتمہ کر سڳسو وسیب ءِچ حاکمانہ , جاگیردارانہ سوچ دی ,ڳدی نشیناں دے حاکمانہ طرز عمل دی اساں مذمت کر کریندے سے .اساکوں امید ھِ ایں سلسلے کیتے تمام سنڳتی تعاون جاری رکھیسِن ۔ایں گرو
پ دا تعلق سرائیکی قوم پرستی نال ھِ تے ایندا مقصد سرائیک قوم پرستی کوں اجاگر کرݨے اساکوں فخر ھِ اساں سرائیکی حیسے۔ اساں سرائیکستان دا قیام پاکستان دی حدود ءِچ چاہندے سے۔ ۔اساں پاکستان ءِچ رہاوݨ آلی ڈوجھی قوماں مثلاً سِندھی ۔بلوچ ۔پوٹھواری ۔گلڳتی ۔بروہی ۔شینا۔پختون دے حقوق دا وی احترام کریندے سے ۔اساں سرائیک ڈوجھی قوماں دے حقوق دا احترام کریندے سے بشرط سرائیک قوم دا احترام کیتا ونجے تاکہ باہمی رابطہ مستحکم تھی سڳے ۔ اساں امید کریندے سے جو پاکستان ءِچ رہاوݨ آلی قوماں ھک ڈوجھے دے حقوق دا احترام کریندے ہوئے پاکستان دی ترقی ءِچ اپݨاں کردار ادا کریسِن ۔سِندھیاں ۔بلوچاں۔سرائیکیاں ۔پوٹھواریاں ۔گلڳتیاں ۔بروہیاں ۔شینیاں ۔ پختوناں دی ترقی اصل ءِچ پاکستان دی ترقی ھِ پاکستان دی ترقی پاکستان ءِچ رہاوݨ آلی قوماں دی ترقی نال منسلک ھِ پاکستان کوں مضبوط کرݨ دا مقصد پاکستان ءِچ وسݨ آلی قوماں دی خوشحالی نال مشروط ھِ تاکہ اینجھے گروپ تشکیل نہ پاں سڳن جنھاں دا تعلق علیحدڳی پسنداں نال ہوندے ۔اساں اِنھاں علیحدڳی پسنداں دے اڳوں ٻندھ ٻَدھ سڳدے سے جائیں ویلے اساں ترقی دے یکساں مواقع اِنھاں قوماں کوں فراہم کریسو ۔ ترقی دے یکساں مواقع حیں صورت ءِچ فراہم کیتے ونج سڳدن جائیں ویلے تمام قوماں ھک ڈوجھے دے حقوق دا احترام کریسِن تاکہ ترقی دے یکساں مواقع فراہم کیتے ونج سڳن ۔آئیں پاکستان دی ترقی ءِچ اپݨا اپݨا کردار ادا کریں تمام قوماں ھک ڈوجھے دے حقوق دا احترام کریں تاکہ پاکستان ترقی دی راہ تے ڳامزن تھی سڳے ۔اساں سرائیکی کاھیں وی محب الوطن جماعت دے خلاف کائنسے غدارِ وطن دا تعلق کاھیں وی فرد نال ہوسے یاں جماعت نال ہوسے اوکوں غدار ڳݨیاں ویسے ایں گروپ ءِچ شامل تمام دوست اساڈے نال تعاون جاری رکھیں انشاء اللہ ھک ݙینھوار انقلاب آسی جو ڳند کوں صاف کریسے اینجھاں انقلاب جو غریب تے پسے ہوئے طبقات کوں ظالم جاگیردار توں سرمایہ دار توں سرداراں توں بچیسے ۔نوجوان طقبہ اینجھے انقلاب واسطے ھک ڈوجھے نال ڄڑت رکھے انشاء اللہ ھک ڈینھوار اساں اِنھاں جاگیرداراں توں سرداراں توں سرمایہ داراں توں نجات حاصل کر ڳھنݨی ھِ اساڈاں ھک ڈوجھے نال تعاون ھی ایں انقلاب دی راہ ہموار کر سڳدے ۔
سرائیک قوم اَتے سرائیکی وسیب دے حقوق دی پاسداری ۔سرائیکی وسیب وچ سیاسی اُتار چڑھاؤ۔
سرائیکی وسیب دی سیاسی صورت حال دا احوال۔
سیاسی پارٹیاں دی قلابازیاں ۔سرائیک پارٹیاں دا احوال۔سرائیکی وسیب وچ جاری نہ انصافیاں
سرائیکی وسیب وچ پُرتشدد اَتے جاگیر داری سسٹم دی پشت پناہی کرݨ آلے عناصر دے چہراں کوں بے نقاب کرݨا۔پاکستان وچ حقیقی تبدیلی دی راہ ہموار کرݨا ۔اَتے انقلاب دے حقیقی معنی کوں روشناس کراوݨا۔پاکستان دی بقا دی خاطر حقیقی عناصر کوں اُجاگر کرݨا۔
اساڈاں ووٹ اساڈی ثقافت۔زبان۔تہذیب و تمدن واسطے اساڈاں ووٹ سرائیکستان واسطے اساڈے ووٹ دا حقدار سرائیکیستان
