15/12/2023
کوشش بسیار کے بعد بھی موقعہ نہیں ملا کہ آمدہ بادلوں کا احوال ان کی آمد سے پہلے بتادیتا اگرچہ ان کے بتانے کی زیادہ ضرورت بھی نہیں تھی کہ کل تک سب کچھ پوری تفصیل سے بتا چکا تھا۔
• بادل آج صبح سویرے ایریہ میں پہنچ چکے تھے مغربی علاقے پدگ مل نوشکی عیسی چاہ ڈاک شوراوک وغیرہ میں ہلکی پھلکی برسنا شروع کرچکے تھے کوئٹہ میں 12 بجے سے قبل بارش شروع ہوئی تا حال جاری ہے اور جاری رہے گی ان شاء اللہ
• کچھ بادل صبح روشنی پھوٹنے سے پہلے ایران کے راستہ مغرب جنوب کے علاقہ تربت کے باڈر سے حملہ آور ہوئے وہاں بھی عملیات جاری کرچکے تھے
• آج کے بادل ان شاء اللہ نصف سے زائد بلوچستان کو کور کریں گے بادلوں کا زیادہ تر زور شمال کی جانب ہے قلعہ عبد اللہ چمن تا کندہار بلکہ نصف سے زائد افغانستان بادلوں کے لپیٹ میں ہے
• مشرق شمالی جنوبی علاقے جیسے ڈیرہ اللہ یار ڈیرہ مراد جمالی کھولو بارکھان لورالائی آج بادلوں سے محروم رہیں گے ژوب تک کے ان علاقوں میں آج بارش کا امکان نہیں یا اگر ہو بھی گئی تو بہت کم ہو گی البتہ ژوب خود (تحت السحاب) آرہا ہے یعنی ژوب میں بارش ہوگی ان شاء اللہ۔
• اب 2 بجے کے بعد کوئٹہ کی بارش کی اسپیڈ کچھ بڑھ جائے گی شام تاک وقفہ وقفہ سے جاری رہیگی رات کو کوئٹہ میں رک جائے گی مغربی بلوچستان کچھ پہلے فارغ ہوجائیں گے اسی ترتیب سے شمال مشرقی علاقوں سر شام بھی کچھ دیر تک جاری رہسکتی ہے
• کل بھی تھوڑی تھوڑی ہلکی بارشیں ہونگی مگر وہ بہت کم اور محدود علاقوں میں ہونگی آمدہ بادلوں کا نصف آج رات گئے چلے جائیں گے پرسوں تک یہ سلسلہ بلکل ختم ہوجائے گا
• پیچھے بہت دور کچھ مزید بادلیں بننے کے شواہد مل رہے ہیں ان کی باتیں بعد میں کریں گے جب ان بادلوں سے فارغ ہوجائیں۔
۔ 《سردی کا احوال》 ۔
سردی ویسے آج بھی شام بھی کچھ بڑھ جائے گی مگر کل کچھ بژ پکڑیں گی بادلوں کو لیجانے کیلئے وہی شمالی ہوائیں آجائیں گی ساتھ ساتھ ہمارا بھی کام کردے گی
کوئٹہ میں کل ہواوں کی اسپیڈ 30 تک جائے گی اتوار کے صبح آپ کو کوئٹہ کی حدود میں جما ہوا پانی ملجائے گا
• یہ سردی بہت زیادہ نہیں اور طویل بھی نہیں بلکہ اتوار کے دن سے دوپہر کو واپس کم ہونا شروع کردے گی سوموار سے تو ایسا اچھا موسم رہے گا جیسے کہ آج سے 4 پانچ دن پہلے تھا
• کچھ دوست فون کرکے برف کا پوچھ رہے ہیں کوئٹہ میں زمینی برف کا کوئی امکان نہیں پہاڑ تو ویسے بہانہ ڈھونڈ رہے ہوتے ان کا میں ذمہ دار نہیں قلات سائڈ میں زمینی برف بھی ہوسکتا مگر وہاں کے بادل اس بار کم زور ہیں
یہ سب کچھ ایسا اگر اللہ نے چاہا ورنہ میری باتیں ساری پاگل کا ایک بڑ بنیں گی۔
=ہ===================ہ=
ماہر فلکیات حاجی ولی محمد بڑیچ
2023۔12۔15 روزجمعہ 1:45 بجے
