16/12/2022
کوئٹہ (پ ر) پشتونخواملی عوامی پارٹی کے مرکزی سیکرٹریٹ کے جاری کردہ بیان میں آج بروز جمعہ 16دسمبر 2022جنوبی وزیرستان کے منتخب عوامی نمائندے علی وزیر کیخلاف غیر آئینی، غیر قانونی اور بے بنیاد مقدمات میں دوسال سے مسلسل قید وبند میں رکھنے کیخلاف تمام ملک،خیبر پشتونخوا کے مختلف اضلاع، جنوبی پشتونخوا کے تمام اضلاع، کراچی، لاہور،اسلام آباد کے شہروں میں احتجاجی مظاہرے منعقد ہونگے۔ کوئٹہ کے احتجاجی مظاہرے کی قیادت پارٹی کے چیئرمین محترم محمود خان اچکزئی کرینگے۔ پارٹی بیان میں تمام قوم دوست، وطن دوست اور جمہوریت پسند عوام سے احتجاجی مظاہرے میں شرکت کی اپیل کی گئی ہے۔ جبکہ پارٹی کارکنوں کو ہدایت کی جاتی ہے کہ وہ دوپہر 2بجے میٹروپولیٹن کارپوریشن کوئٹہ کے سبزہ زار پر جمع ہونگے اور وہاں سے احتجاجی ریلی نکالی جائیگی جوشارع اقبال، قندہاری بازار،مسجد روڈ سے ہوتے ہوئے باچا خان چوک پر اختتام پذیر ہوگی۔ احتجاجی مظاہرے سے پارٹی چیئرمین محمودخان اچکزئی اور دیگر مرکزی وصوبائی قائدین خطاب فرمائینگے۔
