Awaz Times Mohmand

01/02/2025

*ریسکیو1122مہمند*
*01 فروری 2025*
*پریس ریلیز*

*مہمند: ریسکیو 1122 مہمند نے ماہ جنوری 2025 کی ماہانہ کارکردگی رپورٹ جاری کردی*

*ڈسٹرکٹ ایمرجنسی آفیسر انجینئر خالق داد کی سربراہی میں ریسکیو 1122 مہمند نے کل 380 مختلف نوعیت کے حادثات میں بروقت رسپانس کرتے ہوئے سروسز مہیا کئیں*

ریسکیو 1122 مہمند کو 2025 کے پہلے ماہ کے دوران مجموعی طور پر 7693 فون کالز موصول ہوئی جن میں سے 5634 غیر ضروری، فیک کالز اور 1679 معلوماتی و ادھوری فون کالز شامل تھیں.

تفصیلات کے مطابق ماہ جنوری 2025 کے دوران ریسکیو 1122 نے 322 میڈیکل، 25 روڈ ٹریفک حادثات، 18 آگ لگنے, 02 لڑائی جھگڑے، گولی لگنے کی، اور 13 ریکوری وغیرہ پر بروقت رسپانس کرتے ہوئے مجموعی طور پر 383 مریضوں کو باحفاظت ہسپتال منتقل کیا اور موقع پر ابتدائی طبی امداد فراہم کی.

اس کے علاوہ ریسکیو 1122 مہمند نے ماہ جنوری 2025 میں ضلع کے اندر 09 ریفرل سروسز کے ایمرجنسیوں پر رسپانس کرتے ہوئے مریضوں کو اندرون ضلع اور ضلع بھر کی مختلف تحصیل ہسپتالوں سے ڈی ایچ کیو غلنئی منتقل کیا جبکہ 87 واقعات میں ڈی ایچ کیو غلنئی سے پشاور منتقل کیا گیا۔

ڈسٹرکٹ ایمرجنسی آفیسر انجینئر خالق داد کی ہدایات پر ریسکیو 1122 ٹریننگ ونگ ٹیم نے مختلف تعلیمی اداروں اور محکموں میں درجنوں افراد کو ابتدائی طبی مداد اور آگ سے بچاؤ کے حوالے سے تربیت بھی فراہم کئیں.

ماہ جنوری کے دوران ریسکیو 1122 مہمند کا اوسط رسپانس ٹائم 06:30 منٹ رہا۔

*میڈیا کوآرڈینیٹر: ریسکیو 1122 مہمند*

22/01/2025

ضلع مہمند:مہمند پریس کلب کے نو منتخب کابینہ کا ڈپٹی کمشنر مہمند محمد یاسر حسن سے ملاقات ۔حلف برداری ، میڈیا کالونی ، پریس کلب اور صحافیوں کو درپیش مسائل حل کرنے کی یقین دہانی ۔ تفصیلات کے مطابق قبائیلی ضلع مہمند کے ہیڈکوارٹر غلنئی میں قائم ڈسٹرکٹ مہمند پریس کلب کے صدر سعید بادشاہ کی سربراہی میں پریس کلب کابینہ کے نو منتخب ممبران جنرل سیکرٹری فوزی خان ، سینئر نائب صدر مشترم خان خپلواک ، نائب صدر گل محمد ، جائنٹ سیکرٹری سمیع اللہ اور فنانس سیکرٹری ابوذر خان پر مشتمل وفد نے بدھ کے روز ڈپٹی کمشنر مہمند محمد یاسر حسن سے ان کے دفتر میں تفصیلی ملاقات کی۔ ملاقات میں صدر پریس کلب نے ڈی سی مہمند کو ادارے کی بیس سالہ کارکردگی پر بریفنگ دی۔ اور جنرل سیکرٹری نے پریس کلب کی ضروریات اور صحافیوں کو درپیش مسائل پر مبنی ایجنڈا بیان کیا جسمیں میڈیا کالونی ، ماہانہ گرانٹ میں اضافہ، حلف برداری تقریب میں تعاون،سرکاری وفود میں نمائندگی،پریس کلب شہداء کے بچوں کے ساتھ ماہانہ مالی تعاون اور دیگر مختلف مسائل شامل تھے۔جس پر ڈپٹی کمشنر مہمند یاسر حسن نے مکمل تعاون کی یقین دہانی کرائی ۔ڈپٹی کمشنر مہمند محمد یاسر حسن نے کہا کہ مہمند پریس کلب کا کردار سب سے منفرد اور تعمیری ہے اور انتہائی نامساعد حالات میں مہمند صحافیوں نے رپورٹنگ کرکے علاقے کی خدمت کی ہے ۔انہوں نے کہا کہ صحافی علاقے کے مسائل اجاگر کرنے اور ترقی میں اپنا مثبت کردار ادا کریں۔جبکہ ضلعی انتظامیہ ہر قسم تعاون فراہم کرینگے۔ انہوں نے ضلع مہمند میں سرمایہ کاری کرنے والے کاروباری حضرات پر بھی زور دیا کہ وہ اپنے کمائی سے پریس کلب کو بھی شئیر دیا کریں۔ملاقات میں سٹینو ٹو ڈپٹی کمشنر مہمند ہمایوں خان بھی موجود تھے۔

21/01/2025

مہمند سٹوڈنٹس یونین کے مرکزی انتخابات مکمل، عمیر ملک صدر، آیاز خان جنرل سیکرٹری اور کامران بادشاہ فنانس سیکرٹری چن لئے گئے. مرکزی کابینہ انتخابات میں پانچ کیمپس کیبنٹس اور سابقہ مرکزی کابینہ ممبران نے اپنے رائے کا استعمال کرکے مستقبل کے مشران چن لئے.
مہمند سٹوڈنٹس یونین کے مرکزی انتخابات میں دو پینلز کے مابین کانٹے دار مقابلہ ہوا جس میں عمیر ملک کے پینل نے برتری حاصل کرلی.
انتخابات کے لئے پولنگ کا عمل صبح نو بجے سے شروع ہوا جو کہ شام پانچ بجے تک جاری رہا.
مرکزی انتخابات میں وسیم مہمند نے الیکشن کمیٹی چئیرمین کے فرائض سرانجام دئے جبکہ صدام سردار اور عدنان طاہر نے بطور کمیٹی ممبران ان کا ساتھ دیا.
مہمند سٹوڈنٹس یونین مرکزی انتخابات نتائج کے مطابق صدارت کے لئے عمیر ملک اور ادریس خان کے مابین ٹاکرا ہوا جس میں عمیر ملک نے برتری حاصل کرلی، جبکہ جنرل سیکرٹری کے لئے آیاز خان اور شاد محمد نے بھر پور مقابلہ کیا جس میں آیاز خان کامیاب رہے اسی طرح فنانس سیکرٹری کے لئے کامران بادشاہ اور ظہوراحمد کے بیچ کانٹے دار مقابلہ ہوا جس میں کامران بادشاہ نے صرف دو ووٹ سے برتری حاصل کرلی.
مہمند سٹوڈنٹس یونین کے سابقہ مرکزی کابینہ و تمام کیمپس کیبنٹس مشران نے نو منتخب مشران کو مبارکباد پیش کی.
مہمند سٹوڈنٹس یونین نو منتخب مرکزی کابینہ مستقبل کے لئے مہمند سٹوڈنٹس اور مہمند قوم کے لئے پوری لگن اور خلوص کے ساتھ خدمت کا جذبہ رکھتے ہیں
#
fans

07/12/2024

ضلع مہمد:ڈسٹرکٹ بار ایسوسی ایشن مہمند کے تمام معزز اراکین بار کو مطلع کیا جاتا ہے۔کہ ملگری وکیلان کی ممبر شپ مورخہ 5-12-2024 سے شروع ھو چکی ھے جو کہ 10-12-2024 تک جاری رہے گا۔ تمام اراکین سے درخواست ہے کہ آئین اور جمہوریت کی خاطر ملگری وکیلان کی ممبرشپ کا حصہ بنے اور ملگری وکیلان کا ممبرشپ حاصل کریں۔ منجانب ولی خان مہمند ایڈووکیٹ الیکشن کمشنر ملگری وکیلان ضلع مہمند۔

31/10/2024

ضلع مہمند میں فیمیل سپورٹس گالا کا انعقاد، ڈی ای او فیمیل لیلی علی نے فیتہ کاٹ کر باقاعدہ افتتاح کیا. سپورٹس گالا میں کل 15 گرلز ہائی سکول کے طالبات مختلف کھیلوں میں حصہ لے گی. سپورٹس گالا کے افتتاحی تقریب کا انعقاد گورنمنٹ گرلز ہائیر سیکنڈری سکول غلنئ میں ہوا. جس میں ڈی ای او فیمیل مہمند سمیت گورنمنٹ گرلز ہائی سکول کے فیمل پرنسپلز شریک ہوئیں.
سپورٹس گالا ایک مہینے تک جاری رہے گا. جس میں طالبات والی بال، کرکٹ، بیڈمنٹن، اتھلیٹکس، نیزہ بازی اور رسہ کشی میں حصہ لے سکتے ہیں.
کھیل انسان کو صحت مند رکھنے کے ساتھ ان کے شخصیت کو بھی نکھارتے ہیں. سکول طالبات نصابی سرگرمیوں کے ساتھ ساتھ غیر نصابی سرگرمیوں میں بھی بڑھ چڑھ کر حصہ لیں. ڈی ای او فیمیل مہمند
مہمند کے گورنمنٹ گرلز ہائیر سیکنڈری سکول ہیڈکوارٹر غلنئ میں فیمیل سپورٹس گالا کا افتتاح ڈسٹرکٹ ایجوکیشن آفیسر فیمیل لیلی علی نے باقاعدہ فیتہ کاٹ کر اپنے ہاتھوں سے کرلیا. جس میں کل پندرہ فیمیل سکولز کے طالبات حصہ لے گی جو کہ ایک ہفتہ تک جاری رہے گی. اس موقع پر طالبات نے علاقائی رقص، خاکے، ملی نغمے اور قومی ترانے پر بہترین پرفارمنس پیش کئے اور آئے ہوئے مہمانوں سے خوب داد وصول کی. اس موقع پر ڈی ای او فیمیل لیلی کا کہنا تھا. کہ دیگر اضلاع کی طرح ضلع مہمند میں بھی ٹیلنٹ کی کوئی کمی نہیں ہے. مگر ضرورت اس امر کی ہے کہ صوبائی حکومت اور انتظامیہ سپورٹس کے مد میں طالبات کے لئے مخصوص فنڈ جاری کریں.
تاکہ پسماندہ ضلع مہمند کے باصلاحیت لڑکیاں بھی دیگر اضلاع کی طرح سپورٹس میں اپنے ملک و قوم کا نام روشن کریں

22/10/2024

تحصیل پنڈیالئ چپور کلی (گاؤں) میں سکول بچیوں کو پیٹ کے کیڑے مار دوائی کھلانے سے سات بچیوں کی حالت غیر، متاثرہ سکول بچیاں بیہوشی کے حالت میں تحصیل ہسپتال منقل کردئے گئے. مگر سہولیات نہ ہونے کی وجہ سے بعد میں گاؤں کے عطائی ڈاکٹر کے پاس لے گئے.
مہمند تحصیل پنڈیالئ کے گورنمنٹ گرلز پرائمری سکول چپور کلی میں اج صبح یہ واقعہ پیش آیا. جہاں محکمہ تعلیم کی جانب سے بچوں کی ڈی وارمنگ مہم شروع کی گئ تھی اور اساتذہ کو باقاعدہ ٹریننگ بھی دیا گیا ہے. مگر سکول کی تربیت یافتہ ٹیم مس شائستہ فاروق اور میڈم نصرت نوید کی موجودگی میں یہ واقعہ پیش آیا.
محکمہ صحت مہمند سے رابطہ کرنے پر معلوم ہوا کہ یہ محکمہ تعلیم کی جانب سے یہ ڈی وارمنگ مہم ہورہی ہے. جس کے لئے اساتذہ کو باقاعدہ ٹریننگ دے رکھی ہے.
ذرائع کے مطابق سکول میں یہ واقعہ تربیت یافتہ استانیوں کی غفلت اور لا پرواہی کی وجہ سے پیش آیا جہاں کوئی احتیاطی تدابیر اور ایس او پیز کا خیال نہیں رکھا گیا.

07/09/2024

خوشخبری خوشخبری خوشخبری
گورنمنٹ کالج آف مینجمنٹ سائنسز غلنئی میں ایک سالہ کمپیوٹر ڈپلومہ(DIT) میں داخلے جاری ہیں۔

13/08/2024

ضلع مہمند()
ضلع مہمند کے نوجوانوں کو چاہئے کہ ٹیکنیکل تعلیم کو ترجیح دیکر اپنے مستقبل کو بہتر طریقے سے گزاریں۔ مہمند کے جوانوں میں ٹیلنٹ کی کوئی کمی نہیں۔ مگر ان کو موقع دینے چاہیے۔ تاکہ آگے جا کر اپنے گھر والوں کیلئے اور اپنے ملک کیلئے کچھ کر سکے۔
ان خیالات کا اظہار اسسٹنٹ کمشنر عثمان حمزہ نے پی آر سی ایس کے زیر اہتمام گورنمنٹ کالج اینڈ منیجمنٹ سائنسزغلنئی میں انٹرنیشنل یوتھ ڈے کے موقع پر تقریب کے دوران کہا۔ تقریب سے پی آر سی ایس کے ضلعی انچارج امجد علی، یوتھ انچارج ساجد علی، کالج کے پرنسپل ظریف خان، مہمند سٹوڈنٹس یونین کے صدر رضوان مہمند ودیگر مقررین نے اظہار کرتے ہوئے کہا کہ نوجوان ہر ملک کا اہم اثاثہ ہوتا ہیں۔ اسسٹنٹ کمشنر اپر مہمند نے کہا کہ مہمند کے نوجوانوں میں ٹیلنٹ کی کمی نہیں۔ مگر ان کو موقع دینے چاہیے۔ انہوں نے نوجوانوں پر زور دیا کہ وہ اپنے والدین پر بوجھ بننے کے بجائے ٹیکنیکل تعلیم کو ترجیح دیں۔ تاکہ اس ڈیجیٹل دور میں ان کو بھی موقع مل سیکیں۔ جبکہ بیرونی ممالک میں بھی ان کو روزگار کیلئے بہتر موقع فراہم ہونگے۔ انہوں نے نوجوانوں پر زور دیا کہ وہ اسلامی زندگی کے تحت اپنی زندگی گزار سکیں۔ تاکہ اپکو بھی ذہنی سکون مل سکیں۔

08/08/2024

ضلع مہمند کے لئے اعزاز
حماد ولد ولایت نے گورنمنٹ ہائی سکول حمید خان قلعہ سے پورے ضلع مہمند کے گورنمنٹ سکولوں میں 1079 مارکس لیکر دوسری پوزیشن حاصل کی ہے۔

06/08/2024

مہمند/ طلباء کے جانب سے ڈاکٹر محمد الیاس کے کتاب " د پښتنو جینیاتی څېړنه" پشتونوں کا جینیاتی مطالعہ کتاب پر سٹڈی سرکل کا انعقاد. جس میں سٹوڈنٹس یونین، اکیڈمی طلباء سمیت مختلف مکاتب فکر کے افراد شریک ہوئیں.
سٹڈی سرکل میں عباس مہمند نے بطور مہمان سپیکر جبکہ جنرل کونسلر ملک ندیم نے میزبان کے فرائض سرانجام دئے. اس تاریخی اہمیت کے حامل ڈیبیٹ میں جہاں ایک طرف اکیڈمیز کے بچے شریک ہوئیں تو دوسری طرف مہمند سٹوڈنٹس یونین کے صدر رضوان مہمند، جنرل سیکرٹری کامران بادشاہ، مزران مومند، آیاز خان سمیت رحمت شاہ مہمند اور ملک عمیرشاہ نے بھی شرکت کی.
سٹڈی سرکل میں پشتون قوم کے حسب و نسب بارے مفصل بحث مباحثہ ہوئی. جس کے بعد ڈاکٹر محمد الیاس کے کتاب پشتونوں کے جینیاتی مطالعہ زیر بحث رہی.
شرکاء نے اخر میں پشتون قوم کے اباؤ اجداد، تاریخی نظریات کے حوالے سے مختلف سوالات کئے. جس پر سپیکر عباس مہمند نے نہایت مدلل جوابات اور تاریخی حوالے دیکر شرکاء کو مطمئین کیا.
اخر میں سپیکر عباس مہمند اور ایم ایس یو صدر رضوان مہمند نے طلباء سے درخواست کی کہ موجودہ حالات میں کتاب دوست ماحول عام کرنے کے لئے شعور و آگاہی کی ضرورت ہے. جس میں طلباء کلیدی کردار ادا کرسکتے ہیں. انہوں نے ایسے سرگرمیوں کو عام کرنے پر زور دیا، اخر میں اختتامی دعا کے ساتھ شرکاء نے گروپ فوٹو لی.
Mohmand Students Union

26/07/2024

انا للہ وانا الیہ راجعون

24/07/2024

24/07/2024

ضلع مہمند۔مہمند سٹوڈنٹس یونین کی عبوری کابینہ کے عہدیداروں کا حلف برداری تقریب کا انعقاد. تقریب کا انعقاد مہمند پریس کلب میں ہوا جس کے مہمان خصوصی اسسٹنٹ کمشنر ڈاکٹر فدا حسین، سابقہ ایم پی اے نثار مومند، ریسکیو کے ضلعی آفیسر حیات اللہ، ملک نوراجان، ضلعی یوتھ افیسر ساجد علی شاہ، فضل ہادی اور مولانا سمیع اللہ تھے.
اسسٹنٹ کمشنر ڈاکٹر فدا حسین نے عبوری کابینہ سے حلف لیا. جس میں صدر رضوان مہمند، نائب صدر محسن خان، جنرل سیکرٹری عبدالرحمان، ڈپٹی جنرل سیکرٹری عدنان طاہر، فنانس سیکرٹری کامران بادشاہ، انفارمیشن سیکرٹری ملک شاہ خالد اور سوشل ایڈوائزر رحمت شاہ مومند شامل تھے.
شرکاء سے اپنے خیالات کا اظہار کرتے ہوئے مقررین کا کہنا تھا کہ مہمند سٹوڈنٹس یونین سے طلباء و طالبات میں قائدانہ صلاحیتیں اجاگر ہوگی. نوجوانوں میں فیصلہ سازی اور تنظیم سازی کی صلاحتیں پیدا ہوگی اور اس کے ساتھ ضلعی و صوبائی سطح پر مسائل اٹھانے اور حل کرنے کا شعور پیدا ہوگی.
اس کے علاوہ محکمہ یوتھ آفئیرز کے ساجد علی شاہ، ریسکیو کے حیات اللہ اور اسسٹنٹ کمشنر ڈاکٹر فدا حسین نے طلباء کو یقین دہانی کروائیں.کہ مہمند سٹوڈنٹس یونین کے تمام پروگرامات، مسائل کے حل اور دیگر غیر نصابی سرگرمیوں کے لئے ہمارے دفاتر کے دروازے ہر وقت کھلے رہیں گے. اور ہم مسائل حل سمیت یونین کے تمام سرگرمیوں کو ہمہ وقت سپورٹ فراہم کریں گے.
حلف برداری تقریب سے سابقہ ایم پی اے نثار مہمند کا کہنا تھا، کہ موجودہ دور میں معاشرتی شعور پیدا کرنے کے لئے کتاب دوست ماحول کی اشد ضرورت ہے. اور امید ہے کہ مہمند سٹوڈنٹس یونین سٹڈی سرکلز اور کیرئیر کونسلنگ ورکشاپس کے ذریعے نوجوانوں میں مثبت تبدیلی لانے کے لئے جدوجہد جاری رکھیں گے.
پروگرام کے اخر میں کابینہ صدر رضوان مہمند طلباء کو منظم رکھنے اور طلباء کے حقوق کے لئے ہر پلیٹ فارم پر اواز اٹھانے کا وعدہ کیا اور نئے جذبے کے ساتھ آگے بڑھنے کا ارادہ ظاہر کیا۔
آخر میں مولانا سمیع اللہ نے اختتامی دعا کی اور مہمانوں نے نئے عہدیداروں کو ہار پہنا کر مبارکباد دی اور آگے بڑھنے کا حوصلہ دیا۔

18/07/2024

ضلع مہمند:ہلال احمر مہمند کی جانب سے بارودی مواد کے خطرات سے متعلق سیمینار کا انعقاد۔بارودی مواد کے خطرات سے علاقے کے لوگوں کو اگاہ کرنے میں علمائے کرام کا انتہائی اہم کردار ہے۔ مقررین
تحصیل صافی میں علمائے کرام کیلئے ہلال احمر مہمند برانچ کی جانب سے بارودی مواد کے خطرات سے بچاؤ کے حوالے سے ایک سیمینار کا انعقاد کیا گیا۔ جس میں علاقے کے تقریباً 16 علمائے کرام نے شرکت کی۔ اس موقع پر ڈسٹرکٹ پروگرام آفیسر امجد علی اور پروفیشنل والنٹیر بہلول خان نے شرکاء کو بارودی مواد کے خطرات اور ان سے بچاؤ کیلئے حفاظتی تدابیر پر معلومات فراہم کیں۔ شرکاء نے ہلال احمر کے اس کوشش کو سراہا اور اس آگاہی مہم کو تحصیل صافی کے ہر حصے میں پہنچانے کا عظم کیا۔علمائے کرام نے وعدہ کیا کہ یہ ہمارے قومی فریضہ ہیں اور اس اہم معلومات کوہم اپنے علاقے کے عوم کو ضرور پہنچائیں گے۔

08/07/2024

تلاش گمشدگی

27/06/2024

اس موقع سے ضلع مہمند کے ہر طالب علم ضرور فائدہ اُٹھائیں۔

14/06/2024

ضلع مہمند/ مہمند سٹوڈنٹس یونین کے سالانہ انتخابات مکمل. رضوان مہمند صدر، عبدالرحمان جنرل سیکرٹری اور ملک شاہ خالد فنانس سیکرٹری چن لئے گئے. انتخابات میں مختلف کالجز، یونیورسٹی کے طلباء نے حصہ لیا، رضوان مہمند کے پینل نے بھاری اکثریت سے کامیابی حاصل کرلی.
تفصیلات کے مطابق مہمند سٹوڈنٹس یونین کے سالانہ انتخابات برائے سال 2024 بالاخر طویل انتظار کے بعد مکمل ہوئیں. انتخابات میں 89 رجسٹرڈ ووٹرز نے حصہ لیا، جس میں پشاور یونیورسٹی کابینہ، ہزارہ یونیورسٹی کابینہ، عبدالولی خان یونیورسٹی کابینہ، بی زیڈ یو ملتان، سمیت گورنمنٹ کالج پشاور و دیگر یونیورسٹی و کالجز نمائندگان نے حصہ لیا، اور اپنے رائے کا اظہار کرکے مستقبل کے مشران چن لئے.
مہمند سٹوڈنٹس یونین کے انتخابات میں کل 89 ووٹ رجسٹرڈ تھے جس میں 59 ووٹ کاسٹ کرلئے گئے. انتخابات نتائج میں پینل ون کے رضوان مہمند 48، عبدالرحمان 48 جبکہ ملک شاہ خالد نے 47 ووٹ حاصل کرلئے. اس کے علاوہ مدمقابل پینل کے امیدوار برائے صدرات وسیم خان، امیدوار برائے جنرل سیکرٹری آیاز خان، امیدوار برائے فنانس سیکرٹری نعیم اللہ نے باقاعدہ گیارہ، 11 ووٹ حاصل کرلئے. اسی طرح پینل ون کو بھاری اکثریت ملنے پر کامیاب قرار پائے.
انتخاباب کے ذمہ داری رحمت شاہ مہمند، ملک عمیر شاہ اور ذبیح اللہ نے سرانجام دئے. جہاں مہمند سٹوڈنٹس یونین کے تمام ممبران نے الیشن کمیٹی کو صاف و شفاف انتخابات منعقد کرنے پر مبارکباد دی.
یاد رہے کہ مہمند سٹوڈنٹس یونین پچھلے پانچ سالوں سے طلباء و طالبات کے فلاح و بہبود کے لئے سرگرم عمل ہیں. جس میں مختلف طلباء کے داخلے، سالانہ کلچر نائٹ، سٹڈی سرکلز اور کیرئیر کونسلنگ سرگرمیاں قابل ذکر ہیں.