Swatawam Global, Mingora (2025)

08/05/2025

سوات (بیورورپورٹ )پولیس افسران اور جوانوں کے جائز مسائل سننے کے لیے ہفتہ وار اردلی روم کا انعقاد
ڈسٹرکٹ پولیس آفیسر سوات محمد عمر خان نے پولیس افسران اور جوانوں کے جائز مسائل سننے اور ان کے حل کے لیے ہفتہ وار اردلی روم کا انعقاد کیا۔ اردلی روم میں ضلع سوات کے دور دراز تھانوں میں تعینات پولیس افسران اور جوانوں کو آن لائن جبکہ قریبی تھانوں میں فرائض انجام دینے والوں کو روبرو بلایا گیا۔ ڈی پی او سوات نے اردلی روم کے دوران پولیس افسران اور جوانوں کے مسائل سن کر فوری حل کے لیے احکامات جاری کیے۔

ڈی پی او سوات نے کہا پولیس جوانوں کو درپیش مسائل کا حل میرے اولین ترجیحات میں شامل ہیں اس لیے پولیس جوانوں کے جائز مسائل کی حل کے لیے ہفتہ وار اردلی روم کی انعقاد کا سلسلہ آئندہ بھی جاری رہےگا۔ چونکہ پولیس ایک خود مختار فورس ہے ان کے مسائل کے حل کے لیے ترجیحی بنیادوں پر اقدامات اٹھائے جارہے ہیں اور تمام پولیس اہلکاروں کے جائز مسائل ہر صورت حل کئیں جائیں گے۔ انہوں نے مزید کہا وہ پولیس اہلکار جو بیمار ہے یا دور افتادہ علاقوں میں فرائض انجام دے رہے ہیں انہیں اپنے مسائل کے لیے دفتر آنے کی ضرورت نہیں ان کے مسائل اور جائز عرض و معروضات آئندہ بھی آن لائن سنے جائیں گے۔

08/05/2025

سوات (بیورورپورٹ )تھانہ منگلور پولیس کی کامیاب کارروائی، اپنی بیوی کو بے دردی سے قتل کرنے والا ملزم( شوہر) گرفتار، آلہ قتل برآمد
گزشتہ شب تھانہ منگلور میں ایک سنگین قتل کا واقعہ پیش آیا جس میں ملزم لقمان ولد باچا خان، ساکن کس منگلور نے اپنی بیوی مسماۃ (ر) کو تیز دھار آلے سے وار کر کے بے دردی سے قتل کر دیا تھا۔

واقعے کی اطلاع ملتے ہی تھانہ منگلور پولیس موقع پر پہنچی۔ ڈی پی او سوات محمد عمر خان کے ہدایات پر ایڈیشنل ایس پی سوات غلام صادق خان کی سربراہی میں ایس ایچ او منگلور اسلم خان اور پولیس ٹیم نے ٹیکنیکل طریقے سے کارروائی کرتے ہوئے اپنی بیوی کو بے دردی سے قتل کرنے بعد فرار ہونے والے ملزم کو گرفتار کر لیا۔ ملزم کی نشاندہی پر آلۂ قتل بھی برآمد کر لیا گیا۔ مزید تفتیش جاری ہے۔

08/05/2025

سوات (بیورورپورٹ)زیتون کی کاشت و قلمکاری پر ایک روزہ تربیتی پروگرام کا انعقاد
لوئر سوات، اپر سوات، ملاکنڈ اور بونیر کے زمینداروں اور فیلڈ اسٹاف کے لیے زیتون کی کاشت، قلمکاری اور دیکھ بھال سے متعلق ایک روزہ تربیتی پروگرام کا انعقاد ڈسٹرکٹ ڈائریکٹر زراعت لوئر سوات امانکوٹ میں کیا گیا۔

پروگرام میں ڈسٹرکٹ ڈائریکٹر بونیر شاہد حسین، ڈسٹرکٹ ڈائریکٹر اپر سوات ڈاکٹر عدالت خان، ڈپٹی ڈائریکٹر لوئر سوات نجیب اللہ خان، ایگریکلچر افسر تحصیل کبل ساجد خان، ایگریکلچر افسر تحصیل بریکوٹ اسرار احمد، فیلڈ اسٹاف اور زمینداروں نے شرکت کی۔

ڈسٹرکٹ ڈائریکٹر زراعت لوئر سوات ڈاکٹر افتخار احمد نے زیتون کی کاشت کے فوائد، قلمکاری کے طریقے، کھاد کے استعمال، شاخ تراشی اور دیگر نگہداشت کے امور پر تفصیلی روشنی ڈالی۔ انہوں نے کہا کہ زیتون کا پودا مختلف اقسام کی زمینوں جیسے ریتلی، کچی، پکی، پتھریلی اور صحرائی زمینوں میں کامیابی سے لگایا جا سکتا ہے، البتہ کلر والی زمین یا ایسی زمینیں جہاں پانی کھڑا رہے، اس کے لیے موزوں نہیں ہیں

اس موقع پر ایگریکلچر افسر تحصیل بریکوٹ اسرار احمد نے زیتون کی قلمکاری کا عملی مظاہرہ کیا، جسے شرکاء نے سراہا۔ پروگرام کے دوران زمینداروں اور فیلڈ اسٹاف نے زیتون کی کاشت سے متعلق مختلف سوالات کیے، جن کے جوابات ماہرین نے تفصیل سے دیے۔

آخر میں ڈسٹرکٹ ڈائریکٹر اپر سوات ڈاکٹر عدالت خان اور ڈسٹرکٹ ڈائریکٹر بونیر شاہد حسین نے بھی زیتون کی کاشت کی اہمیت پر خطاب کیا اور زمینداروں کو اس شعبے میں آگے بڑھنے کی ترغیب دی۔

یہ تربیتی پروگرام محکمہ زراعت کی جانب سے زمینداروں کو جدید زرعی معلومات فراہم کرنے اور زیتون کی کاشت کو فروغ دینے کے لیے ایک اہم قدم ہے۔

08/05/2025

سوات ( بیورورپورٹ ) کرش انڈیا، تحریک رورولی پاکستان کے ہزاروں رضاکاروں کاپاک فوج کے ساتھ مثالی یکجہتی کااظہار ٗ ہم تیارہیں، کے واشگاف نعرے، بریگیڈئیر عامر، کرنل علی اوردیگر فوجی جوانوں کی موجودگی میں پاکستان کی سلامتی اورمادروطن کے لئے ہرقربانی دینے کاعزم، چیئرمین فیاض خان کابھارتی بربریت کے خلاف پاک فوج کے شانہ بشانہ لڑنے کااعلان ٗ تحریک رورولی کے ہزاروں افراد پاک فوج کاہراول دستہ ثابت ہوگا۔ تفصیلات کے مطابق بھارتی بربریت اورپاکستان پرحملے کے خلاف جہاں ملک کے دیگر لوگوں میں شدید غم وغصہ پایاجاتاہے وہاں خیبرپختونخوا کے ایک فعال اورمنظم تحریک جوزیادہ ترنوجوانوں پرمشتمل ہیں تحریک رورولی پاکستان میں بھی غم وغصہ پایاجاتاہے اس سلسلے میں کانجوٹاؤن شپ کے ملحقہ پہاڑی علاقہ دامن کوہ میں تحریک رورولی پاکستان کے زیراہتمام ایک گرینڈ جرگہ منعقد ہوا جسمیں تحریک رورولی سے وابستہ نوجوانوں مشران اوربزرگوں نے کثیرتعدادمیں شرکت کی اس تقریب میں بریگیڈئیر عامراورکرنل علی دیگر فوجی جوانوں کے ہمراہ خصوصی طورپرشرکت کی اوران کی موجودگی میں پنڈال میں موجود لوگوں نے بہ یک آواز پاکستان کی سلامتی اورپاک فوج کے ساتھ مکمل یکجہتی کااظہارکرتے ہوئے خبردارکیاکہ تحریک رورولی کے ہزاروں رضاکار پاک فوج کاہراول دستہ ثابت ہوگا۔ اس موقع پر تحریک رورولی پاکستان کے چیئرمین فیاض خان نے پوری دلیل اورتاریخی حوالوں کے ساتھ اپنے پرجوش خطاب میں پاکستان کی دفاع اورسلامتی کے تحفظ کے لئے آخری حد تک جائے اورہرقربانی دینے کااعلان کرتے ہوئے بھارت کو خبردار کیا کہ مودی سرکار کی مکارانہ اوربزدلانہ طریقہ کار کو پاک فوج نے منہ توڑاواردندان شکن جواب تودیدیاہے لیکن وہ بھول رہے ہیں کہ ان کامقابلہ ایک ایسے قوم سے کرناپڑا ہے جن کے بزرگوں نے اپنے بندوق کے ذریعے کشمیرکوبھارت سے آزادکراچکاہے ہماری رگوں میں ان بزرگوں کاخون دوڑرہاہے بزدل مودی جوکہ گائے کاپجاری ہے وہ ہمارے غیرت ایمانی کاکیامقابلہ کرسکتے ہیں ہم جذبہ ایمانی سے سرشار ایک غیرت مند اور محب وطن قوم ہیں جو اپنے پاک فوج کے ساتھ کھڑے ہیں انہوں نے اپنے خطاب میں نوجوانوں کالہوگرم کرتے ہوئے ان کی ترجمانی کابہتراندازمیں اظہارکیا، فیاض خان نے واضح کہا کہ ہم اس دھرتی کے تحفظ کیلئے کسی بھی قربانی سے دریغ نہیں کریں گے، ہم تیار ہیں اورپاک فوج کے شانہ بشانہ ملک کی تحفظ کے خاطر لڑیں گے اورپاک فوج کے آفیسرز نے ملک وقوم کیلئے ہرقربانی دینے کے عزم کااظہارکرے اورملک کے خاطرکسی بھی قربانی سے دریغ نہ کرنے کے عزم پر فیاض خان اورتحریک رورولی کے تمام مشران اورنوجوانوں کاشکریہ اداکرتے ہوئے ان کے محبت محب الوطنی کوسراہااوران تمام کاشکریہ اداکیااورواضح کیا کہ جس ملک میں اس طرح کے جذبہ اورملک سے وفاداری ہواس قوم کو کوئی بھی شکست نہیں دے سکتے۔ پنڈال میں موجود لوگوں نے پاکستان اورپاک فوج زندہ باد کے واشگاف نعرے لگائیں اورپاکستان کے پرچم لہراتے ہوئے ملک سے وفاداری کااظہارکیاان کے جذبہ کوموجود آفیسرز نے سراہا۔ اس موقع پر عزیز الرحمان برخانخیل اور دیگرمقررین نے بھی خطاب کیا۔

08/05/2025

سوات(بیورورپورٹ) پاکستان تحریک انصاف (انصاف ویلفیئر ونگ) آئی ڈبلیو ڈبلیو خبیرپختونخو اکے سینئرنائب صدرسابق چیئرمین عشرزکوٰۃ خیبرپختونخوا انجینئرعمرفاروق نے کہا ہے کہ بھارتی جارحیت اوربربریت نے قوم کے جذبہ ایمانی کو للکاراہے، موجودہ صورتحال کے پیش نظر حکمران یکجہتی کے طور پر پہلی فرصت میں عمران خان کو رہا کرے تاکہ پوری قوم دشمن کیخلاف یکجا ہو سکے، پاک فوج اورپاکستان کے غیور عوام اپنے دشمن بھارت کومنہ توڑ جواب دینے کی صلاحیت رکھتے ہیں کسی کوبھی پاکستان کے خلاف جارحیت کی اجازت نہیں دی جائے گی، ان خیالا ت کااظہار انہوں نے میڈیا کے نمائندوں سے باتیں کرتے ہوئے کیاانہوں نے خبردارکیاکہ پاکستان کی بقاء اورسلامتی کیلئے اپناکرداراداکرنے کاوقت آ گیا ہے،پاکستان کی بقاء مضبوط ہاتھوں میں ہے اورکسی کو پاکستان کے خلاف جارحیت کی اجازت نہیں دی جائے گی، انہوں نے کہا کہ ملک کے نازک صورتحال کے پیش نظر پاکستان کے سب سے بڑی سیاسی جماعت کے قائد عمران خان کو رہا کرکے دشمن کیخلاف مشاورت میں شامل کیا جائے، پاکستان کے خلاف بھارت کی بزدلانہ کارروائی شرمناک فعل ہے اوراب بھارت کو مزید شرمندگی کا سامنا کرناپڑے گا، انہوں نے کہا کہ پاکستان کی سلامتی ہماری سلامتی ہے اوراس ملک کے بقاء اورسلامتی کیلئے پوری قوم پرعزم اورتیارہیں انہوں نے کہا کہ ہمارے افواج ٹیکنالوجی کے ساتھ پاک فوج جذبہ ایمانی سے بھی لیس ہے جو دشمن کو منہ توڑجواب دینے کی صلاحیت رکھتے ہیں انہوں نے کہا کہ پاکستان کے غیورعوام اپنے ملک کی بقاء اورسلامتی کے لئے متحدہیں جودشمن کوبھرپور جواب دینے کے لئے ہمہ وقت تیارہیں۔

07/05/2025

بدترین شکست ہندوستان کا مقدر۔۔
(تحریرناصرعالم)

آج کل بھارت بڑی شعلہ بیانیاں اور دراندازیاں کررہاہے ، وہ اس خوش فہمی میں ہے کہ اس کے بھونکنے اورحرکتوں سے پاکستان خوفزدہ ہوجائے گاحالانکہ یہ اس کی خوش فہمی کے ساتھ ساتھ اس کی غلط فہمی بھی ہے کیونکہ اس کا مقابلہ کسی اور سے نہیں بلکہ جذبہ ایمانی اورشوق شہادت سے سرشار پاکستانی قوم کے ساتھ ہے جس کی افواج ،پولیس اور عوام اس پوزیشن میں ہیں کہ وہ نہ صرف بھارت کا وار روک سکتی ہیں بلکہ اسے دندان شکن اور منہ توڑجواب دے کرعبرتناک شکست سے دوچاربھی کرسکتی ہیں اور وہ اپنی تباہی کانظارہ خود دیکھے گا۔
بھارت ماضی میں بھی ایسی بھڑکیں مارتارہامگر جب اس نے دیکھا کہ پاکستان ڈرنے اورجھکنے والا نہیں تو بھارت بھیگی بلی بن کر خاموش ہوجاتا ،کیوں؟ کیونکہ وہ جانتا تھا کہ اس کا مقابلہ کسی اور کے ساتھ نہیں بلکہ اپنے ایک ایسے پڑوسی کے ساتھ ہے جس کی دوستی بھی دنیا نے دیکھی ہے اور اگر دشمنی پر اتر آیا توپھرکسی کو بھی خاطر میں نہیں لائے گا بلکہ کشتیاں جلادے گا ۔
ایک طرف وہ قوم جوصرف ایک اللہ کے سامنے سرجھکاتی ہے اور دوسری طرف وہ قوم جو پتھرکے سامنے ماتھے رگڑتی ہے ،موازنہ کیا جائے تو صاف پتہ چلے گا کہ یہ دونوں قومیں آمنے سامنے ہوگئیں تو فتح کس کے حصے میں آئے گی ،بھارتی عوام کو بھی سوچناچاہئے کہ اگر جنگ چھڑگئی تو اس سے سب سے زیادہ بھارتی عوام ہی متاثر ہوں گے کیونکہ بھارتی عوام پاکستانی عوام کی طرح حالت جنگ میں اپنی فوج کے شانہ بشانہ رہ ہی نہیں سکتی کیونکہ ان میں وہ جذبہ ہے ہی نہیں جو پاکستانی قوم میں ہے۔
چھپ چھپ کر گیڈروں کی طرح وارکرنے والے بھارتیو اگر تم میں غیرت ہے تو سامنے آؤ تاکہ دودھ کا دودھ اورپانی کا پانی ہوجائے، تمہاری بندوقیں گولیاں برساتی ہیں تو ہماری بندوقیں بھی آگ اگلتی ہیں،پاک آرمی اورپاکستانی قوم تمہیں ناکوں چنے چبوانے کیلئے ہمہ وقت تیار کھڑی ہیں ،بھارت کو اگراپنی ایٹمی قوت ہونے پر گھمنڈ ہے تو پاکستان بھی ایٹمی طاقت رکھتا ہے ،اگر بھارت نے جنگ مسلط کی توپاکستان کا ہر فوجی جوان اورپاکستانی قوم کا ہرفرد ا ٓگے بڑھ کرمودی کا بھارت چند لمحوں میں نیست ونابود کرکے صفحہ ہستی سے مٹا دیں گے، نقصان بھارت اوربھارتی عوام کو ہی پہنچے گاکیونکہ پاکستانی افواج اورپاکستانی قوم ایمان کے اسلحہ سے لیس اورجذبہ حب الوطنی سے سرشار ہے جن کا مقابلہ کرنا بچوں کا کھیل نہیں
کافر ہو تو شمشیر پہ کرتا ہے بھروسہ
مومن ہو تو بے تیغ بھی لڑتاہے سپاہی
بھارتی سرکار کو آخر کس چیزکا گھمنڈ ہے کہ دھڑادھڑ اشتعال انگیز بیانات جاری کرتی ہے دراندازی بھی کررہاہے؟جس کا مقصد شائد پاکستان کو ہراساں کرنا ہے جو اس کی بڑی خوش فہمی اورغلط فہمی ہے اور یہ واضح ہوچکاہے کہ یہ حرکات صرف بھارتی بھڑکیں اور گیدڑ بھبکیاں ہیں اورکچھ نہیں ۔
یہ ایک کھلی حقیقت ہے کہ پاکستان ،پاکستان ہے جو بڑی قربانیوں کے بعد حاصل ہواہے اورضرورت پڑنے پر پاکستانی قوم اپنے تمام تر سیاسی اورذاتی اختلافات کو بالائے طاق رکھ کرپاک فوج کے شانہ بشانہ وطن عزیز کی حفاظت کیلئے یکجا ہوجاتی ہے کیونکہ ہم زندہ قوم ہیں پائندہ قوم ہیں ،اور بھارتیو۔تم مردہ قوم ہو اورافسردہ قوم ہو،تاریخ میں پاکستانی قوم کے اتحاد واتفاق کی ایسی بہت سی مثالیں موجود ہیں جن سے پاکستانی قوم کے زندہ قوم ہونے کا زندہ اورمنہ بولتا ثبوت ملتا ہے۔
ہوحلقہ یاراں تو بریشم کی طرح نرم
رزم حق وباطل ہو فولاد ہے مومن
پاکستان کا ہرفرد سپاہی ہے جو پاکستان کی سلامتی وتحفظ کیلئے ہروقت اورہرلمحہ تیار رہتاہے اورکسی بھی دشمن کی جارحیت کا منہ توڑ جواب دینے اور اسے بدترین شکست دینے کے ساتھ ساتھ اس کی اینٹ سے اینٹ بجانے اور اینٹ کا جواب پتھرسے دینے کی پوزیشن میں رہتاہے ، اس محب وطن قوم اور اس وطن کی فوج کا مقابلہ کرنا مودی سرکار کے بس کی بات نہیں مگرپھربھی موجود ہ صورتحال میں پاکستان مسلسل بڑے صبر اورتحمل کا مظاہرہ کررہاہے حالانکہ بدترین شکست ہندوستان کا مقدربن چکاہے ،جنگ چھڑ گئی تو بھارتی گھنٹیاں بجائیں گے اور پاکستانی قوم و پاک فوج کے جوان مل کر بھارت کی اینٹ سے اینٹ بجاکر حب الوطنی کا ثبوت پیش کریں گے۔

07/05/2025

سوات (بیورورپورٹ)حیات ولی شاہ کو سپرنٹنڈنٹ کے عہدے پر ترقی دے دی گئی
ٹرانسپورٹ اینڈ ماس ٹرانزٹ ڈیپارٹمنٹ خیبر پختونخوا کی جانب سے جاری کردہ نوٹیفکیشن کے مطابق حیات ولی شاہ، جو کہ اسسٹنٹ (BS-16) کے عہدے پر خدمات انجام دے رہے تھے، کو ترقی دے کر سپرنٹنڈنٹ (BS-17) مقرر کر دیا گیا ہے۔ ان کی ترقی چیف سیکریٹری خیبر پختونخوا کی منظوری سے عمل میں آئی ہے۔
حیات ولی شاہ اب صوبائی ٹرانسپورٹ اتھارٹی/ریجنل ٹرانسپورٹ اتھارٹیز، خیبر پختونخوا میں اپنے نئے عہدے پر فرائض سرانجام دیں گے
یہ ترقی محکمہ کی جانب سے اعلیٰ کارکردگی کا اعتراف اور اعتماد کا مظہر ہے۔

07/05/2025

سوات ( بیورورپورٹ) سوات چیمبرآف کامرس اینڈ انڈسٹری کے ایگزیکٹیو کونسل کا اجلاس زیر صدارت صدر نورمحمد خان منعقد ہوا، اجلاس میں سوات چیمبر آف کامرس کے سینئر نائب صدر محمد خورشید اقبال، نائب صدر خالد خان کےعلاوہ ایگزیکیٹیو ممبران شریک ہوئے اجلاس میں ملاکنڈ ڈویژن میں مجوزہ ٹیکسز اور کسٹم ایکٹ کے نفاذ کیخلاف احتجاجی تحریک کے حوالے سے غور و غوص کیا گیا اجلاس میں بھارت کی دراندازی اور بزدلانہ حملے کی بھر پور مذمت کی گئی اور پاک فوج کی جانب سے موثر جواب پر ان کے جرات کو سلام پیش کیا اور ملک کی حفاظت کیلئے پاک فوج کے حق میں قرارداد بھاری اکثریت سے منظور کی گئی۔ تفصیلات کے مطابق گزشتہ روز سوات چیمبر آف کامرس اینڈ انڈسٹری کا ایگزیکٹیو کونسل کا اجلاس منعقد ہوا جس میں شریک ممبران نے ملاکنڈ ڈویژن میں ٹیکسز اور کسٹم ایکٹ کیخلاف موثر آواز اٹھانے اور احتجاجی تحریک کے حوالے سے تفصیلی گفتگو کی گئی اجلاس میں ملاکنڈڈویژن میں ٹیکسوں کے نفاذ کے خلاف عوامی شعور بیدار کرنے کیلئے لائحہ عمل طے کیاگیا تاکہ عام آدمی کو معلوم ھو جائے اس پر اتفاق ہوا اجلاس میں بھارت کی طرف بزدلانے حملے کی مذمت کی گئ چیمبر نے اس کے خلاف قرار داد منظور کی ک ہم پاکستانی افواج کے شانہ بشانہ کھڑے ہیں۔

07/05/2025

سوات(بیورورپورٹ)تحصل کبل میں بھارت کی حالیہ بزدلانہ جارحیت کے خلاف ایک احتجاجی ریلی نکالی گئی۔ ریلی میں اسسٹنٹ کمشنر کبل آفتاب احمد، ایڈیشنل اسسٹنٹ کمشنر کبل اخلاق احمد، چئیرمن لوکل گورنمنٹ تحصیل کبل، تحصیل میونسپل آفیسر کبل، وکلاء برادری، اور عوام کی بڑی تعداد نے شرکت کی۔

شرکاء نے ملک سے اظہارِ یکجہتی کرتے ہوئے گزشتہ رات بھارت کی بزدلانہ جارحیت کی شدید مذمت کی اور اپنے عزم کا اعادہ کیا کہ وہ وطنِ عزیز کے دفاع کے لیے ہر ممکن قدم اٹھائیں گے۔ ریلی کے دوران پاکستان زندہ باد اور پاک فوج کے حق میں نعرے بھی لگائے گئے۔

07/05/2025

سوات:ڈاکٹر ندا اقبال اسسٹنٹ کمشنر بابوزئ سوات تعینات اے۔سی جواد کو فوری طور اسٹبلشمنٹ رپورٹ کرنے کی ہدایات جاری۔

07/05/2025

‏🚨ایل او سی پر پاکستان کے جے 10 سی فائٹر جیٹ نے بھارت کا رافیل کے 5 طیارے مار گرائے - ہوا میں زبردست ڈاگ فائٹ کے بعد دشمن کے طیارے تباہ کر دی گئی۔

06/05/2025

سوات (بیورورپورٹ)تھانہ رحیم آباد پولیس کی فوری کارروائی، غیرت کے نام پر اپنی بہن کو قتل کرنے والا ملزم گرفتار، آلہ قتل پستول برآمد
گزشتہ شب تھانہ رحیم آباد کے دائرہ اختیار میں ایک افسوس ناک واقعہ پیش آیا، جس میں ملزم ولی خان ولد خالد خان ساکن ملم جبہ موجودہ رحیم آباد نے غیرت کے نام پر اپنی بہن مسز (ث) زوجہ عالمگیر کو فائرنگ کرکے قتل کر دیا۔

واقعے کی اطلاع ملتے ہی ڈسٹرکٹ پولیس آفیسر سوات محمد عمر خان کی ہدایات پر ایس ایچ او تھانہ رحیم آباد فضل رحیم خان نے دیگر پولیس ٹیم کے ہمراہ فوری کارروائی کرتے ہوئے جدید ٹیکنالوجی کے استعمال سے چند گھنٹوں کے اندر ملزم کو گرفتار کر لیا۔ ملزم کی نشاندہی پر آلہ قتل (پستول) بھی برآمد کر لیا گیا۔

Swatawam Global

08/05/2025

08/05/2025

08/05/2025

08/05/2025

08/05/2025

07/05/2025

07/05/2025

07/05/2025

07/05/2025

07/05/2025

07/05/2025

06/05/2025

Address

Telephone

Website

Alerts

Shortcuts

Share

Category