21/08/2023
ہزاروں سال نرگس اپنی بے نوری پہ روتی ہے
بڑی مشکل سے ہوتا ہے چمن میں دیدہ ور پیدا
رات کے 3 بجے جب نیند ابھی بھی آنکھوں سے کوسوں دور اور دل پریشان ہے بس یہی خیال آتا ہے کہ کب تک ہم اپنے قومی لیڈر کھوتے رہیں گے۔ جتنا کسی ملک کا دفاع اہم ہوتا ہے آئین اہم ہوتا ہے قومی اثاثے اہم ہوتے ہیں اسی طرح قومی لیڈر بھی ملک کے اجتماعی معاشرتی انتظامی و سیاسی بدن کیلئے اتنا ہی ضروری ہوتا ہے جتنا انسان کیلئے سانس یا بدن کیلئے روح۔ قومی لیڈر پہ قوم اکھٹی ہوتی ہے ورنہ پھر منتشر ہو کر علاقائیت و لسانیت و عصبیت کا شکار ہوکر کمزور ہو جاتی ہے۔ عمران خان صاحب جو اس وقت ملک کے ہی نہیں امت مسلمہ کے بڑے لیڈر ہیں ان کی اپنے ہی ملک میں جیل کی کال کوٹھڑی میں آج 13 ویں رات ہے۔ کیا قومی لیڈر اس سلوک کا مستحق ہے؟ کیا ریاست مدینہ کا نام لینا اور آزاد خارجہ پالیسی و اسلامی بلاک کی بات کرنا اتنا بڑا جرم ہے ؟
لیاقت علی خان شہید سے لیکر آج تک قومی لیڈران کو کھونے کی یہ فہرست بڑی طویل ہے۔ آئیے دعا کریں کم از کم یہ لیڈر اس قوم میں رہے اور اسے لیڈ کرے۔ درود شریف پڑھ کر Imran Khan صاحب کی رہائ اور عزتوں کیلئے دعا کریں۔ رات کے اس پہر رب زولجلال جائز دعائیں قبول ضرور فرماتے ہیں۔
اللّٰہ پاکستان اور عمران خان کی حفاظت فرمائے۔ آمین
پاکستان زندہ باد 🇵🇰