23/01/2024
منڈی بہاوالدین، وزیر پرائمری اینڈ سکینڈری ہیلتھ کیئر پنجاب ڈاکٹر جمال ناصر کا منڈی بہاوالدین کے دیہی علاقے ریڑکا بالا میں رورل ہیلتھ سنٹر کا افتتاح, ڈپٹی کمشنر شاہد عمران مارتھ، ڈی پی او رضاصفدر کاظمی،سی ای او ہیلتھ ڈاکٹر محمد عابد یوسف اور معززین علاقہ کی کثیر تعداد میں شرکت، اہلیاں ریڑکا بالا کی جانب سے اس حکومتی اقدام کو بے حد سراہا جا رہا ہے۔
منڈی بہاوالدین، وزیر پرائمری اینڈ سکینڈری ہیلتھ کیئر پنجاب ڈاکٹر جمال ناصر کا منڈی بہاوالدین کے دیہی علاقے ریڑکا بالا میں رورل ہیلتھ سنٹر کا افتتاح کرتے ہوئے کہنا تھا کہ نگران حکومت ڈسٹرکٹ اور تحصیل ہسپتالوں کی طرح رورل ہیلتھ سنٹرز میں بھی جدید سہولیات کی فراہمی ، ڈاکٹرز اورپیرا میڈیکل سٹاف کی کمی کو دور کرنے سمیت دیگر مسائل کو حل کرنے کے لئے ترجیحی بنیادوں پر کام کر رہی ہے۔ صوبے بھر میں عوام کو صحت کی معیاری سہولیات کی فراہمی کیلئے ہسپتالوں اور مراکز صحت کو اپگریڈ کیا جارہاہے۔ان کا کہنا تھا کہ بی ایچ یو کو آر ایچ سی بنانا اس علاقے کا ایک دیرینہ مطالبہ تھا جوپورا ہو چکا ہے۔ جس سے آس پاس کے دیہاتوں کے لوگ مستفید ہوں گے ۔اس موقع پر صوبائی وزیر نے ڈسٹرکٹ ہیڈکوارٹر ہسپتال میں ٹراما سنٹر بنانے کا بھی اعلان کیا۔ ڈپٹی کمشنر شاہد عمران مارتھ نے صوبائی وزیرکو بریفنگ دیتے ہوئے بتایا کہ رورل ہیلتھ سنٹر پر کل 49.210 ملین کی لاگت آئے گی جس میں سے اب تک 45 ملین روپے خرچ ہو چکے ہیں۔ انہوں نے مزید بتایا کہ ریڑکا بالا اور اس سے ملحقہ پڑانا لوک، ممدانہ، پپلی، رتہ پنڈ، پڑیانہ لوک، ڈیرہ تارڑاں، پنڈی راواں، سید، ڈیرہ صاحبی کی تقریباً 30 ہزار پر مشتمل آبادی کی ضروریات کو مد نظر رکھتے ہوئے اس بنیادی مرکز صحت کو دیہی مرکز صحت کا درجہ دیا گیا ہے۔ اہلیان ریڑکا بالا کی طبی ضروریات کو مد نظر رکھتے ہوئے اس دیہی مرکز کو اپگریڈ کیا گیا ہے۔ اب اس علاقے کے لوگوں کو پہلے کی نسبت زیادہ بہترین طبی سہولیات فراہم کی جائیں گی ۔
