PMNews

04/01/2024

دلچسپ صورت حال

04/01/2024

ہردلعزیز تحصیل میئر سرائے نورنگ حاجی عزیزاللہ خان خیبر ٹیچنگ ہسپتال پشاور میں میرے بڑے بھائی سبزعلی نوید کی عیادت کر رہے ہیں

04/01/2024

شمالی وزیرستان میرعلی میں کھجوری چیک پوسٹ کے قریب بم دھماکہ ہوا ہے جس کے نتیجے میں 3 چرواہ جاں بحق ہوگئے۔

مقامی ذرائع کے مطابق دھماکا کھیتوں میں ہوا جس کے نتیجے میں بکریاں چرانے والے 3 بچے جاں بحق ہوگئے۔ بچوں کی عمریں 5 سے 15 سال کی درمیان ہیں۔ جاں بحق بچوں کا تعلق کھجوری ذاکر خیل گاؤں سے ہے۔

یاد رہے تین روز قبل شمالی وزیرستان میں 6 حجاموں کو بھی قتل کیا گیا تھا۔ سرکاری ذرائع کے مطابق تمام افراد کو فائرنگ کرکے قتل کیا گیا۔

قتل کیے گئے افراد پیشے کے لحاظ سے حجام تھے اور مقتولین کی میر علی بازار میں ہیئر کٹنگ کی دکانیں تھیں۔ تمام مزدوروں کو نامعلوم افراد نے رات کی تاریکی میں فائرنگ کرکے قتل کیا گیا۔

چند روز قبل شمالی وزیرستان کے تحصیل سپین وام سے 8 غیر مقامی مزدوروں کو اغوا کیا گیا تھا۔ مقامی ذرائع کے مطابق ان مزدوروں کو گاؤں ششی سے اغوا کیا گیا۔

مغوی افراد سیکیورٹی چیک پوسٹوں کی تعمیر کا کام کررہے تھے۔ پولیس کے مطابق یہ مزدور ماڑی پٹرولیم کمپنی کے تھے۔ ان میں سے 5 کا تعلق ضلع لکی مروت سے ہے جبکہ 3 کا جنوبی وزیرستان سے ہے۔

04/01/2024

لکی مروت: لاری اڈہ میں فائرنگ، قیصر ساکن تاجہ زئی زخمی، سٹی ہسپتال منتقل۔ ہسپتال ذرائع

04/01/2024

ڈیرہ اسماعیل خان: علی امین گنڈا پور کے ڈیرہ اسماعیل خان سے کاغذات نامزدگی منظور، ٹربیونل نے فیصلہ سنا دیا

04/01/2024

_*💥‏ایبٹ آباد، این اے15سےنواز شریف کے کاغذات نامزدگی سے متعلق پٹیشن منظور*_
_*ایبٹ آباد الیکشن ٹربیونل کل اہلیت سے متعلق کیس کی سماعت کل کرے گا*_
_*این اے15سے نوازشریف کے کاغذات منظوری کو اعظم سواتی نے چیلنج کیاتھا*_

04/01/2024

#موسم : صبح بخیر: سیٹلائٹ سے لی گئی تازہ ترین تصویر کے مطابق اس وقت ملک میں دھند اور ہلکے بادل چھائے ہوئے ہیں مشرقی، جنوبی وسطی پنجاب، اور بالائی صوبہ سندھ میں دھند کے ڈیرے بالائی پنجاب، گلگت بلتستان ،کشمیر، بلوچستان کے وسطی ساحلی علاقے وسطی اور مغربی سندھ میں مطلع جزوی ابر آلود موسم سرد۔

03/01/2024

باجوڑ : جمعیت علمائے اسلام کے نامزد امیدوار برائے پی کے 19 ماموند قاری خیر اللہ کے گاڑی پر بم دھماکہ ، دھماکے میں جے یو آئی رہنما محفوظ رہے۔

03/01/2024

‏🏏 بلے کا نشان پھر پی ٹی آئی سے چھین لیا گیا، پشاور ہائیکورٹ نے الیکشن کمیشن کا فیصلہ بحال کر دیا۔ اب 9 جنوری کو ڈویژنل بینچ فیصلہ کرے گا کہ "بلا" پی ٹی آئی کے پاس رہے گا یا نہیں؟

03/01/2024

: تازہ ترین اپڈیٹ کے مطابق اس وقت پنجاب کے بیشتر مشرقی، وسطی، جنوبی علاقے، مغربی بالائی سندھ میں دھند کے ڈیرے صوبہ خیبرپختونخوا کے مغربی قبائلی علاقوں میں ہلکے بادل مطلع جزوی طور پر ابر آلود دھند کی تازہ لہر اس وقت پنجاب، بالائی وسطی سندھ اور ملحقہ علاقوں پر شدت اختیار کر رہی ہے دھند کے باعث سردی کی شدت میں اضافہ موٹروے پر ٹریفک کی روانی متاثر۔

■ آج رات کل دن کے وقت پنجاب کے تمام علاقوں بشمول اسلام آباد، راولپنڈی، جہلم، نارووال، سیالکوٹ، لاہور، بھکر، ڈیرہ غازی خان، شیخوپورہ، ننکانہ صاحب، فیصل آباد، اوکاڑہ، قصور، ساہیوال، جھنگ، ٹوبہ ٹیک سنگھ، شیخوپورہ، جڑانوالہ، چشتیاں، خانیوال، پاکپتن، کمالیہ، دیپالپور، بورے والا، لیہ، بہاولنگر، بہاولپور، ملتان، پیر محل، جہلم، منڈی بہاؤالدین، سرگودھا، چنیوٹ، لودھراں، مظفر گڑھ، چولستان، فورٹ عباس، احمد پور، رحیم یار خان، راجن پور، خان بیلہ،خانپور، لیاقت پور، صادق آباد، خیبرپختونخوا کے میدانی علاقوں ، ڈیرہ اسماعیل خان، بالائی صوبہ سندھ میں سکھر لاڑکانہ ڈیوژن اور مغربی سندھ میں شدید دھند چھائی رہے گی جس کے باعث موسم سرد رہنے کا امکان۔

⚠️ آج رات کل صبح کے دوران صوبہ پنجاب، خیبرپختونخوا کے بعض میدانی علاقوں بالائی وسطی مغربی سندھ شدید دھند کی لپیٹ میں رہیں گے جس کے باعث حد نگاہ انتہائی کم رہنے کا امکان شدید دھند کے باعث شہری موٹروے پر غیر ضروری سفر سے گریز کریں۔

03/01/2024

‏پشاور ہائی کورٹ نے پی ٹی آئی رہنما زرتاج گل وزیر کی راہداری ضمانت منظور کرلی، پولیس کو گرفتاری سے روک دیا گیا۔

03/01/2024

#گمشدگی
شاپر میں بند ایک عدد اوریجنل شناختی کارڈ، شناختی کارڈ ٹوکن، فارم ب، ڈیتھ سرٹیفیکیٹ، برتھ سرٹفیکیٹ اور نکاح نامہ لکی مروت بازار میں گم ہوئے ہیں، معلومات کی صورت میں رابطہ فرمائیں۔
عبدالغفور
فرمان اللہ
03018035689
03118632600

03/01/2024

لکی مروت: شاہ طورہ تختی خیل پولیس چوکی پر رات کو نامعلوم افراد کاحملہ، پولیس کی جوابی کاروائی سے حملہ آور فرار، اہل علاقہ بھی پولیس کی مدد کیلئے گھروں سے نکل آئے۔ مقامی ذرائع

03/01/2024

: سیٹلائٹ سے لی گئی تازہ ترین تصاویر کے مطابق اس وقت نارووال، گجرات، سیالکوٹ، لاہور، اسلام آباد، راولپنڈی، جہلم، ننکانہ صاحب، سرگودھا، فیصل آباد، اوکاڑہ، اٹھارہ ہزاری، میاں چنوں، ملتان، ڈیرہ غازی خان، دنیا پور، بہاولپور، راجن پور، روجھان، رحیم یار خان، ٹانک، لکی مروت، ڈیرہ اسماعیل خان، بالائی مغربی سندھ، میں دھند کے بادل چھائے ہوئے ہیں موسم شدید سرد تیز سرد ہواؤں کا راج۔

■ آج رات کل صبح دوران صوبہ پنجاب میں اسلام آباد، راولپنڈی، جہلم، نارووال، سیالکوٹ، لاہور، بھکر، ڈیرہ غازی خان، شیخوپورہ، ننکانہ صاحب، فیصل آباد، اوکاڑہ، قصور، ساہیوال، جھنگ، ٹوبہ ٹیک سنگھ، شیخوپورہ، جڑانوالہ، چشتیاں، خانیوال، پاکپتن، کمالیہ، دیپالپور، بورے والا، لیہ، بہاولنگر، بہاولپور، ملتان، پیر محل، جہلم، منڈی بہاؤالدین، سرگودھا، چنیوٹ، لودھراں، مظفر گڑھ، چولستان، فورٹ عباس، احمد پور، رحیم یار خان، راجن پور، خان بیلہ،خانپور، لیاقت پور، صادق آباد، خیبرپختونخوا کے میدانی علاقوں تانک، ڈیرہ اسماعیل خان، بالائی صوبہ سندھ میں سکھر اور لاڑکانہ ڈیوژن میں شدید دھند چھائی رہے گی زیادہ بلندی پر دھند کی موجودگی کی وجہ سے دھند کے بادل سیٹلائٹ پر واضح۔

⚠️ آج رات کل صبح کے دوران صوبہ پنجاب، خیبرپختونخوا کے بعض میدانی علاقے بالائی وسطی سندھ آج رات اور کل صبح شدید دھند کی لپیٹ میں رہیں گے جس کے باعث حد نگاہ انتہائی کم رہنے کا امکان شدید دھند کے باعث شہری موٹروے پر غیر ضروری سفر سے گریز کریں فوگ لائیٹس کا استعمال یقینی بنائیں۔

02/01/2024

لکی مروت: ریسکیو 1122 کے اہلکاروں کی دیانت داری، کرم ٹول پلازہ کے قریب حادثے کے زخمیوں اور جاں بحق نوجوان کا سامان ان کے لواحقین کے حوالے کر دیا۔
■ واضح رہے کہ آج صبح کرم ٹول پلازہ کے قریب موٹرکار اور ٹرک کے درمیان تصادم میں لکی مروت سے تعلق رکھنے والا ایک نوجوان جاں بحق جبکہ تین زخمی ہوئے تھے

02/01/2024

لکی مروت: ٹرائبل سب ڈویژن بیٹنی کے علاقے مستی خیل میں فائرنگ، سمیع اللہ نامی نوجوان زخمی۔ ریسکیو 1122

02/01/2024

شمالی وزیرستان/ 6 غیر مقامی افراد قتل
شمالی وزیرستان: میرعلی کے گاؤں موسکی سے 6 لاشیں برآمد، سرکاری ذرائع
شمالی وزیرستان: تمام افراد کو فائرنگ کرکے قتل کیا گیا ہے، سرکاری ذرائع
شمالی وزیرستان: مقتولین کا تعلق پنجاب سے ہے، سرکاری ذرائع
شمالی وزیرستان: قتل کئے گئے افراد پیشے کے لحاظ سے نائی تھے، سرکاری ذرائع
شمالی وزیرستان: مقتولین کی میرعلی بازار میں ہیئر کٹنگ کی دکانیں تھیں، ذرائع
شمالی وزیرستان: لاشوں کو میرعلی ہسپتال منتقل کیا جارہا ہے، سرکاری ذرائع

01/01/2024

پشاور: خیبر پختونخواہ کے سینئر صحافی و معروف اینکر پرسن اور بیور چیف سماء ٹی وی پشاور پریس کلب کے جنرل سیکرٹری کے ہمراہ خیبر ٹیچنگ ہسپتال میں پی ایم نیوز کے چیف ایڈیٹر اور لیاقت صیام کے بڑے بھائی علی نوید کی عیادت کر رہے ہیں

01/01/2024

لکی مروت: 15 پولیس انچارج نوید نواز کی خفیہ اطلاع پر کاروائی، مردہ جانور کا گوشت لکی مروت سے بنوں منتقل کرنے والے قصاب گرفتار

01/01/2024

ڈیرہ اسماعیل خان میں نامعلوم افراد کی فائرنگ سے پانچ افراد جاں بحق ہوگئے۔ واقعہ تھانہ چودھوان کی حدود میں پیش آیا جہاں مٹہ روڈ میں نامعلوم افراد کی فائرنگ سے پانچ افراد جاں بحق ہوگئے۔

پولیس کے مطابق جاں بحق افراد موٹرسائیکل پر جا رہے تھے کہ انہیں نشانہ بنایا گیا۔ جاں بحق افراد مشہور زمانہ کیس شریفہ بی بی واقعہ کی ایف آئی آر میں نامزد تھے۔ واضح کہ شریفہ بی بی کو 2018 میں علاقہ کے بااثر افراد نے برہنہ کرکے علاقے کی گلیوں میں گھمایا گیا تھا جسکی ایف آئی آر مذکورہ بالا افراد کیخلاف کاٹی گئی۔

جاں بحق ہونے والوں میں باپ بیٹے سمیت 5 افراد شامل ہیں۔ جاں بحق افراد کی شناخت سجاول، عنایت اللہ، نعمت اللہ اور کفایت اللہ کے ناموں سے ہوئی۔ ملزمان واقعہ کے بعد فرار ہونے میں کامیاب ہوگئے۔

01/01/2024

اسلام آباد میں نیو ائیر نائٹ کے موقع پر مروت بیٹنی سوسائٹی اسلام آباد کی نئی کابینہ کی حلف برداری کی تقریب۔
■ مہمان خصوصی رضا مروت کا خصوصی خطاب

01/01/2024

ملک مختیار سرفراز مرحوم پہاڑخیل تھل کی اہلیہ وفات پا گئیں ہیں، ان کی نماز جنازہ آج بروز پیر بوقت 3 بجے سہ پہر پہاڑخیل تھل میں ادا کی جائے گی۔
■ مرحومہ ملک امیر خان نائب ناظم (رکن جمعیت علماء اسلام) اور حاجی ملک عبدالرسول کی والدہ تھیں

01/01/2024

ایل وطن کو نیا سال 2024 مبارک۔۔۔ٹیم پی ایم نیوز

01/01/2024

لکی مروت: تری خیل کبڈی میچ واقعہ، تھانہ تجوڑی پولیس نے کبڈی میچ منتظمین سمیت ڈاکٹر ہشام انعام اللہ، انعام اللہ چیرمین اور ان کے سینکڑوں ساتھیوں کے خلاف مقدمہ درج کر دیا ہے

01/01/2024

حکومت کا پٹرول کی قیمتیں آئندہ 15 روز کیلئے برقرار رکھنے کا فیصلہ

31/12/2023

ڈیرہ اسماعیل خان: مولانا فضل الرحمان پر کوئی حملہ نہیں ہوا اور نہ فائرنگ کے وقت مولانا فضل الرحمان وہاں گاڑی میں موجود تھے ۔
واقعہ کی وضاحت کرتے ہوئے آر پی او ناصر محمود ستی نے بتایا کہ مولانا فضل الرحمن گاڑی میں موجود نہیں تھے۔ گاڑی وہاں پیٹرول ڈلوانے ائی تھی ۔ فائرنگ کے واقعہ کا مولانا فضل الرحمن سے کوئی تعلق نہیں۔ فائرنگ ٹول پلازہ کی سمت کی جا رہی تھے۔
مولانا فضل الرحمان کے بھائی مولانا عبیدالرحمان نے اس واقعہ کی وضاحت کرتے ہوئے کہا کہ فائرنگ کے وقت مولانا فضل الرحمان گھر پر تھے۔ مولانا کی گاڑی یارک انٹرچینج کے قریب پیٹرول کیلئے رکی تھی ۔
فائرنگ مولانا فضل الرحمن کی گاڑی پر بھی نہیں ہوئی۔اس فائرنگ کے واقعہ کے بارے میں زرائع نے بتایا کہ جس وقت مولانا فضل الرحمن کی گاڑی یارک انٹرچینج کے قریب تھی اس وقت پہلے سے نامعلوم افراد اور ٹول پلازہ کے گارڈز کے درمیان فائرنگ ہورہی تھے ۔ فائرنگ کا مولانا فضل الرحمان کی گاڑی سے کوئی کوئی تعلق نہیں تھا۔

31/12/2023

ڈیرہ اسماعیل خان: مولانا فضل الرحمان کے قافلے پر یارک انٹرچینج کے قریب فائرنگ، فائرنگ دو اطراف سے کی گئی، فائرنگ سے مولانا فضل الرحمان محفوظ۔ترجمان

31/12/2023

شیر افضل خان مروت لکی مروت کے قومی اسمبلی کے حلقے این اے 41 یا صوبائی اسمبلی کے حلقے پی کے 105 سے الیکشن لڑیں گے؟
یا وہ اپنے کاغذات واپس لے لیں گے؟
اور اگر انہوں نے الیکشن لڑا تو کیا آپ ان کو سپورٹ کریں گے؟
■ شیرافضل مروت کے دونوں حلقوں سے کاغذات منظور ہو چکے ہیں۔

31/12/2023

سلمی جہانگیر۔۔۔۔۔
عورت کے پیچھے چلنا حرام ہے اس کے پیچھے ہم مرد نہیں چل سکتے، پختون روایات میں حجرے، مسجد میں خاتون نہیں بیٹھ سکتی تو پھر سیاست کیسے کر سکتی ہیں۔ ثمر ہارون بلور کو ان باتوں سے کوئی فرق نہیں پڑتا ان کی نظر میں یہ وہ تنگ نظر لوگ ہیں جو ان کی طرح با صلاحیت خواتین کا مقابلہ نہیں کر سکتے تو اس طرح کی باتیں کرتے ہیں۔

عوامی نیشنل پارٹی کی سابقہ ایم پی اے ثمر ہارون بلور کو فنڈز کی کمی کے ساتھ چند ایک لوگوں کی منفی رویوں کا بھی سامنا رہا ہے لیکن انہوں نے ہمت نہیں ہاری جس طرح کے بھی مسائل تھے بہادری اور حوصلے ساتھ انکا مقابلہ کیا۔۔

پچھلے الیکشن میں بیرسٹر ہارون بلور کا انتخابی مہم کے دوران خود کش دھماکے میں شہادت کے بعد ان کی اہلیہ ثمر ہارون بلور نے ضمنی انتخابات 2018 میں حلقہ پی کے 78 سے الیکشن لڑا تھا اور پی ٹی آئی کے محمد عرفان کو شکست دی تھی۔ ثمر ہاررون بلور 16 سالوں میں صوبائی اسبملی میں ایک جنرل نشست پر منتخب ہونے والی پہلی خاتون رکن تھی۔

الیکشن کمیشن کے مطابق عام انتخابات 2018 میں جنرل نشستوں پر کل 183 خواتین نے مقابلہ کیا تھا لیکن ان میں صرف 8 امیدواروں کو کامیابی حاصل ہوئی تھی۔

الیکشن کمیشن آف پاکستان کے اعداد و شمار کے مطابق جنرل نشستوں میں حصہ لینے والی خواتین میں سے سندھ سے 4، پنجاب سے 3 اور بلوچستان سے ایک امیدوار نے کامیابی حاصل کی تھی جبکہ خیبر پختونخوا سے جنرل نشست پر کسی بھی خاتون کو کامیابی حاصل نا ہوسکی تھی۔

2017 کی انتخابی اصلاحات بل نے تمام سیاسی جماعتوں کو پابند کیا ہے کہ قومی اور صوبائی اسمبلی الیکشن کے لئے کم از کم 5 فیصد ٹکٹ خواتین کے لئے مختص کریں۔

پشاور شہر کا 58 سالہ وزیر محمد کہتا ہے کہ پختون روایات کے اندر ایک خاتون کے لیے سیاست میں حصہ لینا آسان ہے لیکن اس کے بعد کام کرنا کافی مشکل ہے اول مرحلے میں تو لوگ ان کو ووٹ نہیں دیں گے اگر ان کو ووٹ دے کر کامیاب بھی کیا جائے تو یہاں کام کرنا مشکل ہوجاتا ہے۔

کس طرح کام کرنا مشکل ہوجاتا ہے کہ سوال کے جواب پر وزیر محمد کہتے ہیں کہ عام لوگوں کو اس بات کی پہچان نہیں ہے کہ ایک خاتون سیاست دان کے ساتھ کس طرح پیش آنا ہے ۔ دن رات ان کو ٹیلفون پر چھوٹے چھوٹے مسائل بتانا۔ جبکہ دوسری جانب عام لوگوں کا بھی خیال ہے کہ ایک خاتون حجرے ،مسجد میں بیٹھ کر ایک علاقے کے مسلے حل نہیں کرسکتی۔ ان کے مقابلے میں ایک مرد رکن کو کسی بھی وقت کسی بھی جگہ دعوت دے کر اپنے علاقے کے مسائل حل کئے جاسکتے ہیں۔

ثمر ہارون بلور نے حلقہ پی کے 78 سے ضمنی انتخاب جیتنے کے بعد کس طرح یہ ثابت کیا کہ اب اس روایت کو توڑ دیا جائے کہ خاتون صرف مخصوص نشست پر منتخب ہو کر آئے گی بلکہ وہ مرد امیدوار کی طرح الیکشن لڑ کر منتخب ہونے پر یقین رکھتی ہیں۔ اور بتاتی ہیں کہ اور خواتین کی طرح اس دفعہ انتخابات میں ان کے پاس بھی مخصوص نشست کا اختیارتھا جو انہوں نے استعمال یا اختیار نہیں کیا کیونکہ انہوں نے یہ دیکھا تھا پچھلی دفعہ بھی اسمبلی میں واحد براہ راست منتخب خاتون ایم پی اے تھی۔ لوگوں نے ان میں اور باقی خواتین میں بڑا فرق کیا تھا۔

ثمر نے بتایا کہ حالانکہ انکا اپوزیشن سے تعلق تھا ہاتھ میں بہت کم فنڈز اور وسائل تھے کیونکہ حکومت ان کی پارٹی کی نہیں بلکہ پی ٹی آئی کی حکومت تھی بہت خراب رویہ تھا اپوزیشن کے ساتھ ، بہرحال پھر بھی کیونکہ ایک حلقےکی نمائندگی کرتی تھی تو انتظامیہ نے ساتھ بہت تعاون کیا تمام اداروں نے کافی تعاون کیا جس کی وجہ سے ایک خاص حد تک لوگوں کے کچھ مدد ہو سکی تھی۔

ثمر ہارون بلور نے کہا کہ اسکے مقابلے میں جو مخصوص نشست پر انے والی ان خاتون ساتھی تھی بڑی محنتی عورتیں ہیں لیکن ان کا کام زیادہ تر اسمبلی کے اندر ہوتا تھا وہ بہت بہادر ممبرز ہوتی تھیں لیکن وہ کام نا کرسکی جو ایک منتخب ممبرز کر سکتی ہیں۔

ثمر بلور ایک حلقے کی نمائندگی کرنا چاہتی ہیں تو اس دفعہ بھی براہ راست اانتخابات کے لیے الیکشن کمیشن میں کاغذات نامزدگی جمع کرائی ہے۔

دوسری جانب تحریک انصاف کی خواتین ونگ کی صدر و سابق ایم پی اے رابعہ بصری جوپشاور سے ہی مخصوص نشست پی کے 77 پر آئی تھی انہوں نے کہا کہ جیسے ایک بندہ منتخب ہو کر یا ووٹ لے کر اتا ہے تو وہ اپنے حلقہ میں ہر چیز کا ذمہ وار ہوتا ہے اس کو لوگوں کا ہر وقت سامنا رہتا ہے مخصوص نشست آپکو پارٹی کی جانب سے ملتی ہے تو اپ کی خدمات پارٹی کی جانب سے دی جاتی ہے اور پارٹی کے مطابق کام کرنا ہوتا ہے۔

وہ اپنے کام کے حوالے سے کہتی ہیں کہ اس نے بھی اپنے حلقے کے لئے بہت کام کیا ہے ایسا نہیں ہے کہ ایک ریزرو سیٹ پر آیا ہوا نمائندہ کام نہیں کرسکتا۔ اپنی پارٹی کی جانب سے مخصوص نشست دی گئی جو وعدہ تھا وہ اپنی طرف سے پورا کرنے کی کوشش کی تقریبا 400 یا 500 کے قریب مخصوص لوگوں کے لیے کسی نا کسی طریقے سے کام کیا۔ ویل چئیرز سے لے کوئی نا کوئی ہنر کی تربیت تک کام کیا ہے ان کے لئے ایک ووکیشنل سکول قائم کیا ہے جس میں تمام ہنر مند جو سپیشل پرسن ہے اور کچھ نہیں کرتے اور بیکار میں بیٹھے ہوئے ہیں تربیت دی جاتی ہے۔

اسی طرح خواجہ سرا کوعلاج کے حوالے سے ہسپتال میں مسائل تھے اپنی حکومت کی مدد سے ہر سرکاری ہسپتال میں اب خواجہ سرا کے لیے کم از کم 2 بیڈ مختص ہوئے ہیں۔ جہاں پر اب صرف ان کا علاج ہوگا۔ ڈاکٹرز کو اس بات کا پابند بنایا ہے کہ بغیر کسی تفریق کے ان کو بروقت علاج ی سہولت دی جائے۔

حلقہ پی کے 78 علاقے رشید گڑھی سے تعلق رکھنے والی نیاز بی بی کہتی ہیں کہ ثمر بلور نے انکے علاقے کے لوگوں کے لئے بہت سے کام کئے ہیں جن میں گلیوں کا تعمیراتی کام ،گلیوں کے چوراہوں پر بلب لگوانا اور لنک روڈ کو پختہ بنانے کے کام شامل ہیں۔

جبکہ گل منیر جنکا تعلق بھی ثمر بلور کے حلقے سے ہے کا کہنا ہے کہ ایسے چھوٹے چھوٹے کام تو علاقے کا کونسلر بھی سر انجام دیتا ہے۔ انہوں نے کہا کہ شدید گرمی میں جب علاقے کے ٹرانسفارمر خراب ہو جاتے تو علاقے کے مکین اپنی مدد آپ کے تحت چندہ اکھٹا کر کے اپنا مسئلہ خود حل کرتے تھے۔ اس سلسلے میں ہماری کوئی مدد نہیں ہوئی اسکے علاوہ گیس کا مسئلہ اور بجلی کے لوڈشیڈنگ کا مسئلہ تا حال حل نا ہو سکا اس لئے وہ چاہتے ہیں کہ اس علاقے کا خواتین کی بجائے کوئی مرد وزیر ہو۔ اب بار بار یا صبح شام تو خاتون کے پیچھے مرد نہیں جا سکتے انکے ساتھ حجرے، گلی میں بات کر کے مسائل حل ہوسکتے ہیں جبکہ خاتون کے ساتھ کافی مشکل کام ہے۔

اس حوالے سے ثمر بلور کا کہنا ہے کہ مخالف پارٹی میں ہوتے ہوئے انکے پاس فنڈز کی کمی تھی کیونکہ پی ٹی آئی حکومت زیادہ تعاون نہیں کرتے تھے تاہم انہوں نے کم بجٹ میں بھی اپنے حلقے کے عوام کے مسائل حل کئے ہیں اور کوئی شکایت کا موقع نہیں دیا۔

سابقہ ایم این اے اور صوبائی سیکرٹری برائے انفارمشین کہتی ہیں کہ ایک سیاسی خاتون کو الیکشن مہم سے لے کر اسبملی تک پہنچنے اور بعد میں اپنے حلقے کے لئے کام کرنے میں کافی دشواریاں پیش آتی ہیں۔ وہ ایک پارٹی کی وکٹ ہولڈرہیں کیمپین میں بھی مشکلات تو ہیں جو اپ کو صحیح طریقے سے اپ کی باتوں کا جواب نہ دے سکیں یا اپ کا مقابلہ نہ کر سکے تو ان کا ایک الزام ہوتا ہے کہ یہ تو عورت ہے عورت کے پیچھے ہم نے نہیں چلنا عورت کے پیچھے چلنا حرام ہے اس قسم کی بے شمار باتیں اور افواہیں آپکے حریف پھیلاتے ہیں۔

ثمر بتاتی ہیں کہ ان کو پتہ ہے کہ وہ عورت ہیں۔ سپورٹرز کو بھی پتہ ہے کہ وہ ایک خاتون ہیں اب دنیا بدل گئی ہے تمام سیاسی جماعتوں کو اب اپنی خواتین ورکرز کو سپورٹ کرنا چاہئے۔ اپنی فیمیل لیڈرشپ کو سپورٹ کریں اور اپنے اچھے وننگ ایریاز میں ان کوٹکٹ دیں۔ تو عوام انکے ساتھ تعاون کے لئے تیار ہیں۔

ثمر ہارون بلور بتاتی ہیں کہ وہ بھی تو اس معاشرے میں رہتی ہیں اس معاشرے میں ہی سیاسی کیمپین چلاتی ہیں۔ 5 سالوں سے لوگوں نے بڑی عزت دی ہے ایک مقام دیا ہے مشکلات ہیں بہت آسان کام نہیں ہے لیکن ناممکن کام بھی نہیں ہے اس لئے تمام سیاسی جماعتیں خواتین و ٹکٹ دیں اور پھر خواتین ہی آگے بڑھ اس گیپ کو ختم کریں گی کہ سیاست صرف مرد کا کام ہے خواتین کا نہیں ۔

دوسری جانب فرزانہ یاسمین جو کافی عرصہ امریکہ میں رہ چکی ہیں بتاتی ہیں کہ لوگوں کے روئے تبدیل کرنے میں وقت لگے گا۔ پاکستان جیسے ترقی پذیر ملک یا اس کے صوبے خیبرپختونخوا جیسی دہشت گردی سے متاثرہ کم پڑھے لکھے لوگ تو کیا امریکہ جیسے ملک میں جب 2016 میں ٹرمپ مقابلہ ہلیری کیلنٹن کا ہو رہاتھا تو لوگ ہلیری کے حق میں نہیں تھے کہ ٹرمپ کو ووٹ دیں گے اس لئے کہ ہیلری ایک خاتون ہیں وہ امریکہ کی پالیسی کو کمزرو کر سکتی ہیں۔

فرزانہ سمجھتی ہیں کہ جب ہیلری پالیسی کو اس لئے کمزور کریں گی کہ وہ خاتون ہیں اور خاتون کو کمزور سمجھا جاتا ہے وہ ہار سکتی ہیں تو پھر خیبر پختونخوا میں ایک سیاست دان خاتون کے لئے مقام پیدا کران کافی مشکل ہے لیکن ناممکن نہیں ہے۔

صوبائی الیکشن کمیشن آف پاکستان کے ترجمان سہیل احمد کے مطابق 2024 کے انتخابات میں حصہ لینے کے لئے 115 جنرل سیٹ پر 3 ہزار 349 مرد جبکہ 115 خواتین امیدواروں نے کاغذات نامزدگی جمع کرائے ہیں۔ یہ اب تک کا رف ڈیٹا ہے تو بتانا مشکل ہے کہ کس کس خاتون نے کاغذات جمع کرائے ہیں فائنل لسٹ میں ابھی تھوڑا وقت لگے گا۔

وہ بتاتے ہیں کہ 2018 کی بہت سی مثالیں ہیں جن میں خیبر پختنخوا کی بہت سی خواتین نے جنرل انتخابات میں حصہ لیا جس میں کرم سے بھی ایک خاتون نے الیکشن میں حصہ لیا تھا اسی طرح انیلا شاہین تھی اور ثمر بلور نے ضمنی انتخابات میں اپنی نشست جیت لی تھی۔

بیگم نسیم ولی خان کا نام سب سے سہرفرست ہیں جنہوں نے 3 مرتبہ انتخابات میں حصہ لیا اور جیت کر دکھایا۔ اس طرح اس دفعہ چونکہ ابھی کاغزات نامزدگی مکمل ہو رہی ہے تو ابھی اندازہ نہیں ۔ میرا ج ہمایوں مسلم لیگ نون صوابی سے الیکشن لڑ رہی ہے وہ الیکشن کنٹسٹ کرنا چاہ رہی ہیں اس طرح اور بھی بہت ساری ہیں کہ جو جنرل نشستوں پر آرہی ہے باقی جو یہ ڈائریکٹ نشست سے اس لیے نہیں کھڑے ہو رہی کہ ایک تو ان کو پارٹی کی طرف سے ہو سکتا ہے کہ ہدایت ہوں کہ وہ ریزرو سیٹس پہ آئے ۔

ترجمان کے مطابق ریزرو سیٹس کی کل تعداد صوبے میں 26 ہیں اب تک کوئی 200 سے زائد نامینیشنز پیپرز فائل ہو گئے ہیں تو دیکھتے ہیں اس طرح 66 کے قریب نامینیشن پیپرز قومی اسمبلی میں جو کہ خیبر پختونخواہ کے کوٹے سے ہیں جو 10 سیٹیں ہیں۔

پشاور شہر کے سینئر صحافی اور تجزیہ نگارلحاظ علی خواتین کا الیکشن نا لڑنے کی بہت سی وجوہات بتاتے ہیں کہ جتنے بھی انتخابات ہوئے ہیں ان میں خواتین نے حصہ لیا ہے لیکن بد قسمتی سے وہ آگے چل کر باقی خواتین کے لئے عملی نہیں ہوا۔ بیگم نسیم ولی خان نے 1988 ،1990۰،اور 1993 کی انتخابات میں حصہ لیا اور کامیاب بھی ہوئی تھیں۔

اے این پی کو چاہئے تھا کہ وہ اور خواتین کو بھی سامنے لاتے لیکن ایسا نا ہوا تو یہ اقدار ، روایات کا مسئلہ ہے اور ان روایات کے خلاف جانے کو کوئی تیار نہیں۔

لحاظ علی کے مطابق اسکے علاوہ تعلیم کی کمی بھی ایک مسئلہ تھا اس لئے خواتین براہ راست جنرل الیکشن میں سامنے نہیں آئی جس طرح وقت کی ضرورت تھی۔ وہ بتاتے ہیں کہ پرویز مشرف کے دور میں انہوں نے جب لیگل فریم ورک لاء معتارف خواتین ریزرو سیٹس پر آنا شروع ہوئی۔ اور پھر زرتاج گل ،فردوس عاشق اعوان اور ایسی بہت سی خواتین میدان میں آئیں۔

لحاظ علی نے کہا کہ ثمر ھارون بلور کو ہمدردی کا ووٹ ملا اور انہوں نے وہ کیش بھی کیا کیونکہ سسر بشیر بلور اور پھر شوہر ہارون بلور کی وفات کے بعد وہ اپنی پارٹی سے الیکشن لڑ رہی تھی لیکن یہ بات بھی ہے ثمر بلور با صلاحیت عورت ہے اور انہوں نے اپنے آپ کو کامیاب کیا۔

تجزیہ نگارلحاظ علی معاشرتی تبدیلی لانے کے حوالے سے کہتے ہیں کہ یہ بلیک اینڈ وائٹ میں نہیں ہوتی۔ اسکے لےبہت عرصہ درکار ہوتا ہے اسی لئے تبدیلی لانا اتنا آسان کام نہیں ہوتا۔ 2018 میں دیر کی ایک خاتون شاہدہ کو پی ٹی آئی نے ٹکٹ دیا تھا اور اس دفعہ تو سب کچھ تبدیل ہو چکا ہے خواجہ سراء بھی الیکشن لڑ رہے ہیں اس سے اندازہ ہوتا ہے کہ تبدیلی آرہی ہے۔ لحاظ علی نے کہا کہ خواتین کو آگے آنا چاہئے اور ایکٹیو پولیٹکس میں حصہ لینا چاہئے اس سلسلے میں پی ٹی آئی نے اہم کردار ادا کیا ہے۔ اور باقی تمام سایسی جماعتوں کو بھی اہم پیش رفت کرنی چاہیئے۔

31/12/2023

پشاور: خیبر پختونخواہ کے تعلیمی اداروں میں سردیوں کی چھٹیوں میں 7 جنوری تک توسیع

31/12/2023

تازہ مالٹے
کینو، شکری
فی پلی/تھیلا صرف 200 اور 300
پتہ: مین سڑک نزد ٹانچی لکی مروت
پیر خلیل

31/12/2023

لکی مروت: مشہ منصور سڑک پر دن دیہاڑے ڈکیتی کی واردات، نامعلوم ڈاکو اسلحہ کی نوک پر نوجوان سے موٹرسائیکل چھین کر فرار، پولیس اور مشہ منصور چغہ پارٹی کا ڈاکووں کا تعاقب، تترخیل سے شریف اللہ چیرمین بھی ساتھیوں کے ہمراہ ڈاکووں کے پیچھے نکل پڑے۔ مقامی ذرائع

31/12/2023

31/12/2023

30/12/2023

#گمشدہ
اجمل نامی یہ شخص جس کا دماغی توازن کمزور ہے، دو دنوں سے بیگوخیل لکی مروت سے لاپتہ ہے، معلومات کی صورت میں رابطہ فرمائیں۔
03151900972

30/12/2023

لکی مروت : ایک قومی اسمبلی حلقہ اور تین صوبائی اسمبلی کے حلقوں کی فارم 32 جاری، پی ٹی آئی کے ضلعی صدر جوہر محمد خان سمیت اکثر امیدواروں کے کاغذات منظور، حلقہ این اے41 پر 41 امیدواروں کے کاغذات نامزدگی منظور، صوبائی حلقہ پی کے 105 پر 23 امیدواروں اور پی کے 106 پر 24 امیدواروں کے کاغذات منظور، صوبائی حلقہ پی کے 107 پر 23امیدواروں کے کاغذات درست قرار پائے گئے،،این اے 41 پر پی ٹی آئی کے ملک نورسلیم اور ملک نوراسلم کے کاغذات مسترد
، پی کے 105 پر پی ٹی آئی کے مرکزی عہدیدار محمد عارف خان کے کاغذات مسترد،،پی کے 106 پر پی ٹی آئی کے ملک نورسلیم کے کاغذات نامزدگی مسترد، پی کے 107 پر پی ٹی آئی کے ڈسٹرکٹ کوارڈینیٹر انور زمان کے کاغذات بھی مسترد