Kohat Social Media (2025)

05/06/2025

سماجی کارکن ایثار علی بنگش نے خیبر پختونخوا کے چیف سیکرٹری، شہاب علی شاہ سے ملاقات کی۔ اس موقع پر ایثار علی بنگش نے صوبے میں جاری عوامی فلاح و بہبود کے منصوبوں اور بیوروکریسی میں متعارف کی گئی انقلابی اصلاحات کو سراہا۔انہوں نے چیف سیکرٹری کے عوامی ایجنڈے اور نچلی سطح تک اصلاحاتی اقدامات کو خراجِ تحسین پیش کرتے ہوئے کہا کہ شہاب علی شاہ کی قیادت میں صوبہ مثبت تبدیلی کی جانب گامزن ہے۔ ان کا کہنا تھا کہ چیف سیکرٹری کی تعیناتی صوبے کے عوام کے لیے نیک شگون ثابت ہوگی۔واضح رہے کہ شہاب علی شاہ اس سے قبل 2006 اور 2007 میں ڈپٹی کمشنر کوہاٹ کی حیثیت سے خدمات سرانجام دے چکے ہیں۔ اس کے علاوہ وہ ایڈیشنل چیف سیکرٹری خیبر پختونخوا، ایڈیشنل چیف سیکرٹری بلوچستان سمیت دیگر اہم انتظامی عہدوں پر بھی فائز رہ چکے ہیں۔ وہ ایک تجربہ کار، وژنری اور عوام دوست بیوروکریٹ کے طور پر جانے جاتے ہیں۔ایثار علی بنگش نے مزید کہا کہ چیف سیکرٹری کی جانب سے عوامی مسائل کے حل اور بہتر طرز حکمرانی کے لیے اٹھائے گئے اقدامات سے جلد ہی عوام کو ریلیف ملے گا، اور خیبر پختونخوا میں ایک نئی تاریخ رقم ہوگی۔

05/06/2025

نوٹس تحریری ٹیسٹ برائے بھرتی

03/06/2025

ڈپٹی ڈائریکٹر انڈسٹریز، کامرس اینڈ ٹریڈ کوہاٹ ڈویژن، آصف رضا خان نے شفیع اللہ خان اور ظاہر اللہ کے ہمراہ کوہاٹ چیمبر آف کامرس اینڈ انڈسٹری کے دفتر کا خصوصی دورہ کیا۔ اس موقع پر ان کی ملاقات صدر کوہاٹ چیمبر، رشید پراچہ سے ہوئی۔ ملاقات میں ایثار علی بنگش سمیت دیگر معزز اراکین بھی موجود تھے۔ملاقات کے دوران صدر کوہاٹ چیمبر رشید پراچہ نے علاقے میں صنعت و تجارت سے وابستہ افراد کو درپیش مسائل پر تفصیل سے روشنی ڈالی۔ صدر چیمبر نے کہا کہ اگر حکومت اور متعلقہ ادارے سنجیدگی سے اقدامات کریں تو کوہاٹ جیسے پسماندہ علاقوں میں بھی صنعتی ترقی کی نئی راہیں کھل سکتی ہیں، جس سے نہ صرف مقامی روزگار میں اضافہ ہوگا بلکہ معیشت بھی مستحکم ہو گی۔ڈپٹی ڈائریکٹر آصف رضا خان نے چیمبر کے مسائل اور تجاویز کو بغور سنا اور ان کے حل کے لیے ہر ممکن تعاون کی یقین دہانی کروائی۔ انہوں نے کہا کہ وہ ان امور کو اعلیٰ حکام کے نوٹس میں لائیں گے تاکہ عملی اقدامات کیے جا سکیں اور خطے میں صنعت و تجارت کے فروغ کو یقینی بنایا جا سکے۔ملاقات خوشگوار ماحول میں اختتام پذیر ہوئی اور دونوں فریقین نے مستقبل میں بہتر رابطہ کاری

30/05/2025

چیف سیکریٹری خیبرپختونخوا کے احکامات پر ڈپٹی کمشنر کوہاٹ عبدلاکرم چترالی کی زیر صدارت صنعت و تجارت سے متعلق ایک اہم اجلاس ڈپٹی کمشنر آفس میں منعقد ہوا۔ اجلاس میں مختلف سرکاری محکموں کے افسران، کوہاٹ چیمبر آف کامرس اینڈ انڈسٹری۔ سمال انڈسٹریل اسٹیٹ کے نمائندگان نے شرکت کی۔اجلاس کے دوران صدر چیمبر رشید پراچہ نے کوہاٹ میں صنعتوں کو درپیش مسائل کی نشاندہی کی اور ان کے حل کے لیے قابل عمل تجاویز پیش کیں۔ انہوں نے زور دیا کہ حکومت اگر ان تجاویز پر سنجیدگی سے عمل کرے تو علاقے میں روزگار کے وسیع مواقع پیدا کیے جا سکتے ہیں۔ڈپٹی کمشنر کوہاٹ عبدلاکرم چترالی نے اپنے خطاب میں کہا کہ موجودہ دور میں بے روزگاری کا مؤثر حل صنعتی ترقی اور مقامی سطح پر آمدنی کے ذرائع پیدا کرنے میں پوشیدہ ہے۔ انہوں نے یقین دہانی کرائی کہ ضلعی انتظامیہ صنعت و تجارت کے فروغ کے لیے ہر ممکن اقدامات اٹھا رہی ہے اور یہ اجلاس بھی انہی کوششوں کا حصہ ہے۔ جو مستقل بنیادوں پر جاری رہے گا۔ سرکاری اداروں کے نمائندوں نے ڈپٹی کمشنر کوہاٹ اور چیمبر آف کامرس کی کوششوں کو سراہتے ہوئے مسائل کے حل کے لیے مکمل تعاون کی یقین دہانی کرائی۔ اجلاس میں صنعت و تجارت فروغ کے سلسلہ میں مختلف امور پر تفصیل سے غور کیا گیا۔اجلاس میں پولیس محکمہ زراعت، محکمہ لائیو سٹاک، محکمہ خوراک، حلال فوڈ اتھارٹی، پیسکو، SNGPL ۔ ٹی ایم اے کوہاٹ سابق صدور و عہدیداران کوہاٹ چیمبر سید فائق شاہ۔ اسد جاوید۔ ارشد حیات۔ کرنل ر جواد پراچہ۔ عظمت جمیل بنگش۔ فہیم اللہ خان۔ راشد بنگش۔ سماجی شخصیت ایثار علی بنگش۔ جہانگیر خان ودیگر شامل تھےآخر میں شرکاء نے ضلعی انتظامیہ ودیگر شریک اداروں کے نمائندگان خصوصاً ڈپٹی کمشنر کا شکریہ ادا کیا اور امید ظاہر کی کہ اس اجلاس کے نتیجے میں عملی اقدامات سامنے آئیں گے جو کوہاٹ کی صنعتی ترقی اور معاشی بہتری کا سبب بنیں گے۔

30/05/2025

محکمہ لائیوسٹاک کوہاٹ کے زیر اہتمام گاؤں چکر کوٹ بالا میں ویٹرنری فیلڈ ڈے/کیمپ کا انعقاد کیا گیا، جس کا مقصد دیہی علاقوں میں مال مویشیوں کی بہتر دیکھ بھال، بیماریوں سے بچاؤ اور جدید طبی سہولیات کی فراہمی تھا۔یہ فیلڈ ڈے سماجی کارکن ایثار علی بنگش کی درخواست پر ترتیب دیا گیا، جس کی منظوری ڈپٹی کمشنر کوہاٹ عبدلاکرم چترالی نے خصوصی دلچسپی لیتے ہوئے دی۔ کیمپ کا انعقاد ڈسٹرکٹ ڈائریکٹر لائیوسٹاک ڈاکٹر آصف جنید کی زیر نگرانی عمل میں لایا گیا۔کیمپ کے دوران علاقے کے درجنوں مویشیوں کا مفت معائنہ کیا گیا، ویکسینیشن کی گئی اور مقامی کاشتکاروں اور مالداروں کو مال مویشیوں کی نگہداشت، خوراک اور بیماریوں سے بچاؤ سے متعلق آگاہی فراہم کی گئی۔ اس موقع پر محکمہ لائیوسٹاک کی جانب سے تجربہ کار ویٹرنری ڈاکٹروں اور عملے نے مقامی افراد کے سوالات کے جوابات بھی دیے۔عوامی حلقوں کی جانب سے اس اقدام کو سراہا گیا اور مطالبہ کیا گیا کہ اس قسم کی فلاحی سرگرمیاں دیگر علاقوں میں بھی منعقد کی جائیں تاکہ مال مویشیوں کی صحت بہتر ہونے کے ساتھ ساتھ دیہی معیشت کو بھی فروغ حاصل ہو۔

30/05/2025

سماجی کارکن ایثار علی بنگش نے آج ایک مثالی قدم اٹھاتے ہوئے گورنمنٹ پرائمری سکول کوہاٹ سٹی میں چار افغان مہاجر مزدور بچوں اور ایک سوات سے تعلق رکھنے والے محنت کش بچے کو داخل کروا دیا۔ یہ تمام بچے اپنے والدین کے ساتھ مختلف مزدوریوں، خصوصاً سبزی فروشی میں مصروف تھے اور تعلیم سے محروم تھے۔ایثار علی بنگش نے بچوں کے والدین سے باقاعدہ ملاقات کی، انہیں تعلیم کی اہمیت سے آگاہ کیا اور رضامندی حاصل کرنے کے بعد بچوں کو جماعت اول میں داخل کروایا۔ ان میں ایک بچہ وہ بھی شامل ہے جس نے ماضی میں تعلیم چھوڑ دی تھی، جسے دوبارہ تعلیم کے دائرے میں لایا گیا۔اس اقدام کو ممکن بنانے میں گورنمنٹ پرائمری سکول کوہاٹ سٹی کے ہیڈ ماسٹر، حافظ صابر خان بنگش نے کلیدی کردار ادا کیا۔ ایثار علی بنگش نے ان کے بھرپور تعاون پر دلی شکریہ ادا کیا اور کہا کہ معاشرے کے ہر فرد کو چاہیے کہ وہ تعلیم سے محروم بچوں کو اسکول میں داخل کروانے کے لئے اپنا کردار ادا کرے۔یہ قدم نہ صرف ایک مثبت سماجی تبدیلی کی طرف اشارہ ہے بلکہ یہ بھی ظاہر کرتا ہے کہ اگر خلوصِ نیت سے کام کیا جائے تو تعلیم ہر بچے کا حق بن سکتا ہے — چاہے اس کا تعلق کسی بھی قومیت یا پس منظر سے ہو۔

27/05/2025

پاکستان پیپلز پارٹی اقلیتی ونگ کے صوبائی صدر پیر نصیب چند نے پشاور میں کرپشن کے خلاف "صوبہ بچاؤ تحریک" کے تحت ہونے والے پرامن احتجاج پر پولیس شیلنگ اور لاٹھی چارج کی شدید مذمت کی ہے۔صوبائی صدر پیر نصیب چند نے کہا کہ صوبائی حکومت کے حکم پر پولیس نے نہتے مظاہرین، جن میں خواتین بھی شامل تھیں، پر بہیمانہ تشدد کیا، جس کے نتیجے میں متعدد کارکنان اور سابق صوبائی صدر و وفاقی وزیر نجم الدین خان زخمی ہو گئے۔انہوں نے کہا کہ روزانہ اسلام آباد پر چڑھائیاں کرنے والی حکومت پیپلز پارٹی کے جمہوری احتجاج کو برداشت نہ کر سکی، جو اس کی عدم برداشت اور ناکامی کا ثبوت ہے۔پیر نصیب چند نے زخمی کارکنان، خصوصاً نجم الدین خان کی جلد صحتیابی کے لیے دعا کرتے ہوئے پاکستان پیپلز پارٹی کے صوبائی صدر سید محمد علی شاہ باچا، مرکزی جنرل سیکرٹری ہمایون خان، صوبائی قیادت اور کارکنان کو مؤثر احتجاج پر خراجِ تحسین پیش کیا۔

27/05/2025

کوہاٹ چیمبر آف کامرس اینڈ انڈسٹری کے ایک اعلیٰ سطحی وفد نے چیف سیکریٹری خیبرپختونخوا شہاب علی شاہ سے ملاقات کی۔وفد میں سابق صدور سید فائق شاہ، ارشد حیات، فہیم اللہ، عظمت جمیل بنگش کرنل ریٹائرڈ جواد پراچہ، اور سماجی کارکن ایثار علی بنگش۔ اجمین علی شامل تھے۔جس میں جنوبی اضلاع بالخصوص ٹنل سے باہر کے علاقوں میں صنعتی و تجارتی ترقی کے حوالے سے درپیش مسائل پر تفصیلی گفتگو کی گئی۔وفد نے اس بات پر زور دیا کہ قدرتی وسائل سے مالا مال جنوبی اضلاع میں سہولیات اور مراعات کی کمی، وہاں کی معاشی ترقی میں ایک بڑی رکاوٹ ہے۔ ان اضلاع کو دیگر علاقوں کے مقابلے میں کم توجہ دی جاتی ہے، جس کی وجہ سے وہ ترقی کی دوڑ میں پیچھے رہ جاتے ہیں۔چیف سیکریٹری خیبرپختونخوا شہاب علی شاہ نے وفد کو یقین دہانی کرائی کہ حکومت کی بھرپور کوشش ہے کہ پورے صوبے میں یکساں صنعتی ترقی کو یقینی بنایا جائے۔ انہوں نے کہا کہ معیشت کی بہتری ہی حقیقی کامیابی ہے اور حکومت اسی سمت میں عملی اقدامات کر رہی ہے۔اس موقع پر صدر کوہاٹ چیمبر رشید پراچہ نے مطالبہ کیا کہ مختلف ادارے جنوبی اضلاع میں ان علاقوں کی مخصوص مصنوعات پر ترجیحی بنیادوں پر کام کریں تاکہ مقامی صنعت کو فروغ ملے۔ انہوں نے تیل و گیس سے حاصل ہونے والے رائلٹی فنڈز کو صنعتی ترقی کے لیے استعمال کرنے، ٹیکس میں چھوٹ دینے، اور چیمبر کے لیے پلاٹ الاٹ کرنے کا مطالبہ بھی کیا۔ ان کا کہنا تھا کہ مقامی زمینی حقائق کو مدنظر رکھتے ہوئے پالیسیاں تشکیل دی جائیں تاکہ دیرپا ترقی ممکن ہو۔

23/05/2025

کوہاٹ کا عوامی سروے؟؟
آپ مطمئن ہیں تو کمنٹ کریں دیکھتے ہیں عوام کیا رائے دیتی ہے۔

19/05/2025

کوہاٹ لاچی کی تاریخ میں پہلی بار سپر وزیرستان سی این جی پمپ کا باقاعدہ افتتاح کر دیا گیا۔ اس اہم موقع پر ایک پروقار تقریب کا انعقاد کیا گیا جس میں ممتاز سیاسی، سماجی اور مذہبی شخصیات کے ساتھ ساتھ علاقے کے عوام نے بھی بھرپور شرکت کی۔افتتاحی تقریب کے مہمانِ خصوصی سینئر صحافی اور سابق صوبائی اسمبلی امیدوار پی کے 103 قدیر داوڈ، اور سابق رکن قومی اسمبلی مفتی ابرار سلطان تھے، جنہوں نے فیتہ کاٹ کر سپر وزیرستان سی این جی پمپ کا باضابطہ افتتاح کیا۔تقریب میں پمپ کے مالکان صمید اللہ وزیر، اصل دین وزیر اور حاجی راویل وزیر نے معزز مہمانوں کا گرمجوشی سے استقبال کیا اور ان کا شکریہ ادا کیا۔ اس موقع پر علماء کرام، تاجر برادری، سیاسی و سماجی شخصیات اور اہل علاقہ کی کثیر تعداد موجود تھی، جنہوں نے اس اقدام کو علاقے کی ترقی کی جانب ایک اہم قدم قرار دیا۔ شرکاء نے خوشی کا اظہار کرتے ہوئے کہا کہ سپر وزیرستان سی این جی پمپ کے قیام سے نہ صرف مقامی افراد کو روزگار کے مواقع میسر آئیں گے بلکہ لاچی اور گرد و نواح کے عوام کو سفری سہولیات میں بھی خاطر خواہ بہتری دیکھنے کو ملے گی۔ تقریب سے خطاب کرتے ہوئے قدیر داوڈ اور مفتی ابرار سلطان نے کہا کہ لاچی جیسے پسماندہ علاقوں میں ایسے منصوبے وقت کی اہم ضرورت ہیں۔ انہوں نے پمپ کے قیام کو ایک خوش آئند آغاز قرار دیتے ہوئے امید ظاہر کی کہ آئندہ بھی علاقے کی ترقی کے لیے ایسے اقدامات جاری رہیں گے۔

18/05/2025

وفاقی وزیر امیر مقام کی جانب سے مقامی معززین کے ساتھ غیر شائستہ رویے پر کوہاٹ چیمبر آف کامرس اینڈ انڈسٹری کے وفد نے سرکٹ ہاؤس کوہاٹ میں منعقدہ اجلاس سے احتجاجاً واک آؤٹ کیا۔
تفصیلات کے مطابق وفاقی وزیر امیر مقام نے کوہاٹ کے مختلف طبقات سے تعلق رکھنے والے مشران کو ایک اہم اجلاس میں مدعو کیا تھا تاکہ وہ بطور وفاقی نمائندہ علاقے کے عوامی و اجتماعی مسائل سے آگاہی حاصل کر کے ان کے حل کے لیے اقدامات کر سکیں۔ تاہم بدقسمتی سے اجلاس کے دوران وفاقی وزیر کا رویہ معزز شرکاء کے ساتھ سخت اور نامناسب رہا، اجلاس میں کوہاٹ چیمبر کے صدر رشید پراچہ، سابق صدر سید فائق شاہ، اور عظمت جمیل شریک تھے۔ وفد نے اس موقع پر کہا کہ اگرچہ تمام مسائل کا فوری حل ممکن نہیں، لیکن ایک عوامی و سیاسی نمائندے کے لیے ضروری ہے کہ وہ روایات اور اخلاقیات کا دامن ہاتھ سے نہ چھوڑے۔ ایسے رویے نہ صرف عوامی اعتماد کو مجروح کرتے ہیں بلکہ حکومتی ساکھ کو بھی نقصان پہنچاتے ہیں۔چیمبر کے وفد نے وزیر اعظم پاکستان سے مطالبہ کیا کہ وفاقی عوامی نمائندوں کو ہدایت کی جائے کہ وہ عوامی مسائل کو سنجیدگی اور تحمل سے سنیں،عوام کے ساتھ خوش اخلاقی اور احترام پر مبنی رویہ سے نہ صرف مسائل کے حل کی راہ ہموار ہو گی بلکہ نمائندوں کی عزت و توقیر میں بھی اضافہ ہو۔ اور یہ بھی درخواست کی کہ عوامی نمائندگان وزراء صنعت و تجارت سے متعلق امور کو ترجیحی بنیادوں پر دیکھیں اور ان کے حل کے لیے عملی اقدامات کریں۔ موجودہ دور اور مستقبل میں درپیش معاشی چیلنجز کا بھی یہی تقاضا ہے۔آخر میں چیمبر آف کامرس نے واضح کیا کہ ادارہ صرف صنعت و تجارت سے متعلق مسائل کے حل کے لیے سرگرم عمل ہے اور اس کا کوئی سیاسی ایجنڈا نہیں۔

13/05/2025

فوری ضرورت برائے اسٹاف:-
۱۔ انسٹرکٹر (آئی ٹی) (مرد) تعداد: 01
اہلیت: BS-CS/IT، BS-سافٹ ویئر انجینئرنگ، MSc-CS، یا DAE کمپیوٹر سائنس
تجربہ: 1 سالہ تدریسی تجربہ لازمی
📍 مقام: گورنمنٹ ٹیکنیکل اینڈ ووکیشنل سینٹر (بوائز)، کوہاٹ, نزد گیٹ نمبر 3 , KDA گلشن اباد کوہاٹ.
📞 رابطہ کریں: . 03339537979

Kohat Social Media

05/06/2025

05/06/2025

03/06/2025

30/05/2025

30/05/2025

30/05/2025

27/05/2025

27/05/2025

23/05/2025

19/05/2025

18/05/2025

13/05/2025

Address

Website

Alerts

Shortcuts

Share