YOON News - یُون نیوز (2025)

12/07/2025

اسلام آباد (یون نیوز رپورٹ) وفاقی حکومت نے فرنٹیئر کانسٹیبلری (ایف سی) خیبرپختونخوا کی تنظیم نوکی تیاری مکمل کر لی اور اس کا دائرہ کار پورے ملک میں پھیلانے کا فیصلہ کر لیا۔

یون نیوز کے مطابق ذرائع نے بتایا کہ ایف سی کا دائرہ پورے ملک تک پھیلانے کے لیے آرڈیننس جاری کرنے کا فیصلہ کیا ہے، وفاقی کابینہ نے فرنٹیئر کانسٹیبلری ایکٹ 1915 میں ترمیم کی منظوری دے دی۔

ذرائع کا کہنا تھا کہ فرنٹیئرکانسٹیبلری کا نام تبدیل کر کےفیڈرل کانسٹیبلری رکھنےکا فیصلہ ہوا ہے، جس کا دائرکار پورے ملک میں پھیلایا جائے گا۔

ذرائع نے بتایا کہ ایف سی میں پورے ملک سے بھرتی ہوسکےگی اور دفاتر کھولیں جائیں گے، فیڈرل کانسٹیبلری کادائرہ چاروں صوبوں ،اسلام آباد، آزاد کشمیر، گلگت بلتستان تک پھیلایا جائےگا۔

ذرائع کا کہنا تھا کہ آرڈیننس کے بعد فیڈرل کانسٹیبلری میں تمام صوبوں سے بھرتی ہو گی، فیڈرل کانسٹیبلری میں کمانڈ پولیس سروس کے افسران کریں گے۔

12/07/2025

اسلام آباد (یون نیوز ڈیسک) ملک میں سیٹلائٹ پر مبنی انٹرنیٹ سروسز کا آغاز تاخیر کا شکار ہے، حالیہ بھارت-پاکستان اور ایران-اسرائیل تنازعات کے پیش نظرحکام مزید کمپنیوں کو اس شعبے میں مدعو کرنے اور غیر ملکی سیٹلائٹ آپریٹرز کے لیے سخت ضوابط تشکیل دینے پر غور کر رہے ہیں۔

ذرائع کے مطابق مارچ میں اسٹارلنک کے عارضی این او سی (نو آبجیکشن سرٹیفیکیٹ) کی مدت ختم ہونے کے بعد، اب تمام غیر ملکی سیٹلائٹ آپریٹرز کو نئی تیار کردہ سیٹلائٹ کمیونیکیشنز ریگولیشنز کے تحت نئے سرے سے درخواستیں دینا ہوں گی۔

یہ ضوابط پاکستان اسپیس ایکٹیویٹیز ریگولیٹری بورڈ (پی ایس اے آر بی) کی جانب سے تیار کیے جا رہے ہیں، جو حالیہ گول میز اجلاس میں حاصل کردہ انڈسٹری فیڈبیک پر مبنی ہیں۔

اسٹارلنک کے علاوہ، دو اور لو ارتھ آربٹ (ایل ای او) آپریٹرز، ون ویب اور شنگھائی اسپیس کوم سیٹلائٹ ٹیکنالوجی (ایس ایس ایس ٹی) نے پاکستان میں اپنی خدمات شروع کرنے میں دلچسپی ظاہر کی ہے۔

نئے ضوابط کے تحت رجسٹریشن کے بعد، سیٹلائٹ انٹرنیٹ فراہم کرنے والوں کو پاکستان ٹیلی کمیونیکیشن اتھارٹی (پی ٹی اے) سے آپریشنل لائسنس حاصل کرنا ہوگا۔

ایک پی ٹی اے اہلکار کے مطابق، تمام کمپنیاں بشمول اسٹارلنک، رواں سال کے آخر تک اپنی سروسز شروع کر سکتی ہیں، ڈان’ کو ذرائع نے بتایا کہ اسپیس ایکس کے بانی ایلون مسک بھی لانچ تقریب میں شرکت کر سکتے ہیں۔

اسٹارلنک وہ پہلی کمپنی تھی جس نے باقاعدہ رجسٹریشن کی درخواست دی تھی، مگر لائسنسنگ میں تاخیر کی وجہ ضوابط کی عدم موجودگی رہی ہے، کمپنی کو پہلے ہی بھارت میں سیٹلائٹ انٹرنیٹ سروسز فراہم کرنے کی منظوری مل چکی ہے۔

وزارت آئی ٹی و ٹیلی کام کے سینئر اہلکار نے سخت ضوابط کی ضرورت پر زور دیتے ہوئے کہا کہ خاص طور پر حالیہ جنگوں کے پیش نظریہ ضوابط سیکیورٹی کے لیے ناگزیر ہیں۔

انہوں نے کہا کہ نئے ضوابط میں اہم سیکیورٹی شقیں شامل کی جا رہی ہیں، جو ممکن ہے کہ اگر حالیہ جنگیں نہ ہوتیں تو نظرانداز ہو جاتیں، اس کے علاوہ، پاکستان کو ایک سے زیادہ سیٹلائٹ انٹرنیٹ فراہم کنندگان کی ضرورت ہے، اور 2 مزید کمپنیوں نے دلچسپی ظاہر کی ہے۔

لو ارتھ آربٹ (ایل ای او) سیٹلائٹ نیٹ ورک زمین کی سطح سے 2 ہزار کلومیٹر سے کم بلندی پر کام کرتا ہے، جو نسبتاً کم قیمت پر، اور صرف 25 ملی سیکنڈ کی تاخیر کے ساتھ ہر موسم میں تیز رفتار ڈیٹا کنیکٹیویٹی فراہم کرتا ہے۔

پاکستان کی سرکاری کمپنی پاک سیٹ، جو سپارکو کی ذیلی کمپنی ہے، اس وقت سیٹلائٹ ملٹی مشن-1 (ایم ایم ون) کے ذریعے سیٹلائٹ انٹرنیٹ فراہم کر رہی ہے، یہ ملک کا دوسرا ٹیلی کمیونیکیشن سیٹلائٹ ہے، جو اگست 2024 میں لانچ ہوا تھا۔

ایل ای او سیٹلائٹس کے برعکس، ایم ایم ون ایک جیو اسٹیشنری سیٹلائٹ ہے، جو زمین سے تقریباً 37 ہزار 500 کلومیٹر کی بلندی پر واقع ہے، اور اس کی لیٹنسی تقریباً 600 ملی سیکنڈ ہے۔

پاک سیٹ اس وقت تقریباً 300 کلائنٹس کو سروس فراہم کر رہا ہے، جب کہ اس کی صلاحیت 5 ہزار صارفین تک کی ہے، یہ سروس زیادہ تر کارپوریٹ سیکٹر، مسلح افواج، اور دور دراز علاقوں کے لیے ٹیلی کام فراہم کنندگان کو فروخت کی جاتی ہے۔

12/07/2025

غزہ (یون نیوز انٹرنیشنل) اقوام متحدہ نے انکشاف کیا ہے کہ اسرائیلی فوج کی جانب سے غزہ میں مئی سے اب تک خوراک کے متلاشی 798 فلسطینیوں کو شہید کیا جاچکا ہے۔

اقوام متحدہ کے انسانی حقوق کے دفتر (او ایچ سی ایچ آر) نے انکشاف کیا ہے کہ مئی کے اختتام سے اب تک غزہ میں خوراک حاصل کرنے کی کوشش کے دوران کم از کم 798 فلسطینی شہید ہو چکے ہیں۔

خبر رساں ادارے رائٹرز کے مطابق ان میں سے بیشتر کو اسرائیلی افواج نے امدادی مراکز کے قریب یا امدادی قافلوں کے راستوں میں نشانہ بنایا۔

او ایچ سی ایچ آر کی ترجمان روینا شمدا سانی نے جنیوا میں صحافیوں کو بتایا کہ ’7 جولائی تک ہمارے پاس 798 اموات کی تصدیق ہو چکی ہے، جن میں سے 615 افراد غزہ ہیومینٹیرین فاؤنڈیشن کے مقامات کے آس پاس شہید ہوئے جبکہ 183 افراد غالباً امدادی قافلوں کے راستے میں نشانہ بنے‘۔

12/07/2025

ابو ظہبی (یون نیوز انٹرنیشنل) متحدہ عرب امارات (یو اے ای) نے پاکستانی شہریوں کے لیے ویزوں کے اجرا میں مکمل تعاون کی یقین دہانی کرائی ہے۔

ڈان اخبار میں شائع خبر کے مطابق یہ یقین دہانی یو اے ای کے نائب وزیر اعظم اور وزیر داخلہ لیفٹیننٹ جنرل شیخ سیف بن زاید النہیان نے ابو ظہبی میں وفاقی وزیر داخلہ محسن نقوی سے ملاقات کے دوران کرائی۔

وزارت داخلہ کی جانب سے جاری بیان کے مطابق ملاقات میں پاکستانی شہریوں کو یو اے ای کے ویزوں کے حوالے سے درپیش مسائل پر گفتگو ہوئی، دونوں جانب سے اس بات پر اتفاق کیا گیا کہ پاکستانی شہریوں، خصوصاً ورک ویزا کے اجرا میں سہولت کے لیے ضروری اقدامات کو یقینی بنایا جائے گا۔ یو اے ای کے وزیر داخلہ نے اس حوالے سے مکمل تعاون کی یقین دہانی کرائی۔

محسن نقوی نے کہا کہ یو اے ای کے ساتھ برادرانہ تعلقات ہر پاکستانی کے لیے ایک قیمتی اثاثہ ہیں، پاکستان تمام شعبوں میں، خاص طور پر سیکیورٹی کے میدان میں، تعاون کو وسعت دینا چاہتا ہے۔
انہوں نے کہا کہ بڑی تعداد میں پاکستانی شہری یو اے ای کی معیشت کو مضبوط بنانے میں اہم کردار ادا کر رہے ہیں۔

انہوں نے کہا کہ ہم چاہتے ہیں کہ پاکستانی شہری آسانی سے یو اے ای آ سکیں اور ویزہ پالیسیوں میں نرمی سے انہیں بہت فائدہ ہوگا۔

دونوں رہنماؤں نے سیکیورٹی، انسداد منشیات، انسداد اسمگلنگ، غیر قانونی امیگریشن کی روک تھام اور ٹیکنالوجی کے تبادلے کے حوالے سے تعاون کو فروغ دینے پر بھی تبادلہ خیال کیا۔

ملاقات میں دونوں برادر ممالک کے تاریخی تعلقات پر بھی بات چیت ہوئی اور مختلف شعبوں میں دو طرفہ تعاون کو مضبوط بنانے کے عزم کا اعادہ کیا گیا۔

مزید برآں، علاقائی امور اور خطے میں پائیدار امن کے معاملات پر بھی گفتگو ہوئی، دونوں رہنماؤں نے سیکیورٹی چیلنجز سے نمٹنے کے لیے جدید ٹیکنالوجی، خصوصاً مصنوعی ذہانت (اے آئی) کے مؤثر استعمال کی اہمیت پر زور دیا۔

محسن نقوی نے ابوظہبی میں جدید پولیسنگ اور آپریشن روم کا بھی دورہ کیا، جو جرائم کی روک تھام اور عوامی تحفظ کے لیے قائم کیا گیا ہے۔

یو اے ای کے حکام نے انہیں مانیٹرنگ آپریشن روم کے بارے میں بریفنگ دی، محسن نقوی نے جدید پولیسنگ نظام میں گہری دلچسپی کا اظہار کیا اور یو اے ای کے پولیسنگ ماڈل کی تعریف کی۔

11/07/2025

باڑہ (یون نیوز ۔ ثاقب آفریدی سے) ملی شہید گیلامن وزیر کی پہلی برسی کے مناسبت سے قومی مرکز قمبر آباد باڑہ میں آزاد مشاعرے کا انعقاد ہوا۔ جس میں شہید گیلامن وزیر کی جدوجہد اور ان کے خدمات کو منظوم اور منثور انداز میں اجاگر کیا گیا اور ان جہد مسلسل کو خراج تحسین پیش کیا۔

پہلی برسی کے مناسبت سے منعقدہ مشاعرہ میں پی ٹی ایم کے عہدیداران سمیت کارکنان اور سیاسی جماعتوں کے نمائندوں اور شعراء حضرات نے کثیر تعداد میں شرکت کی۔

11/07/2025

باڑہ (یون نیوز ۔ ثاقب آفریدی سے)‎ باڑہ سیاسی اتحاد کے زیر انتظام وادی تیراہ میدان میں حکومت کی جانب سے ممکنہ آپریشن اور متوقع نقل مکانی خلاف اور امن و امان کی صورتحال قائم کرنے کے سلسلے میں خیبر امن جلسہ باڑہ بازار میں منعقدہ ہوا۔

تفصیلات کے مطابق ضلع خیبر کی تحصیل باڑہ میں "باڑہ سیاسی اتحاد" کے زیر اہتمام ایک عظیم الشان امن جلسے کا انعقاد کیا گیا جس میں ہزاروں افراد نے شرکت کی۔

جلسے کا مقصد علاقے میں ممکنہ فوجی آپریشن، جبری نقل مکانی اور بدامنی کے خدشات کے خلاف عوامی موقف واضح کرنا تھا۔

جلسے میں سابق و موجودہ پارلیمنٹیرینز، قبائلی مشران، علمائے کرام، سیاسی جماعتوں کے رہنما، سماجی شخصیات اور وادی تیراہ کے عوام کی بڑی تعداد شریک ہوئی۔

باڑہ سیاسی اتحاد کے صدر ہاشم افریدی نے اعلامیہ جاری کرتے ہوئے کہا کہ ممکنہ اپریشن اور بالجبر نقل مکانی کو مسترد کرتے ہیں کیونکہ امن کا قیام ریاست کی ذمہ داری ہے۔

اعلامیہ میں کہا گیا کہ ماضی میں کی گئی اپریشنوں کی وجہ نظام زندگی سمیت قبائلی عوام کو معاشی و معاشراتی طور پر مفلوج کردیا ہے اور ماضی کی اپریشنوں کی تلخ تجربات تاحال قبائلیوں کے ذہنوں پر نقش ہیں اسلئے نئے اپریشن کی بالکل بھی متحمل نہیں ہوسکتے کیونکہ ماضی کے مسمار گھروں و املاک کی چیکس تاحال ریلیز نہیں کیے گئے ہیں جس کیلئے متاثرین رل رہے ہیں۔ وقت کا تقاضہ ریاست اپنی پالیسی پر نظر ثانی کریں۔ قبائلی عوام مزید اس قسم کی پالیسیوں کیلئے کسی صورت تیار نہیں ہے۔

‎قبائلی عوام کے ساتھ حکومت کا رویہ اپنوں کے بجائے غیر جیسا ہے جہاں پر پرامن احتجاج کی اجازت بھی نہیں ہے اور اپنے حقوق کیلئے احتجاج کرنے والوں کے خلاف انسو گیس اور لاٹھی چارج کی جاتی ہے۔

انہوں نے کہا کہ قبائلی عوام پرامن شہری ہیں، سختی پر مجبور نہ کیا جائے ۔

اعلامیہ میں کہا گیا کہ اگر ہمارے مطالبات پر کان نہ دھرا گیا تو آئندہ وادی تیرا مارچ سمیت احتجاج کو پشاور اور اسلام اباد تک توسیع دی جائے گی۔

باڑہ سیاسی اتحاد نے ایک قرار داد کے زریعے ملک نصیر افریدی، علی وزیر اور صمد خان لالا کے رہائی کا مطالبہ بھی کردیا جبکہ قبیلہ کمرخیل کے متاثرین کو فی الفور اپنے علاقوں اور گھروں کو باعزت طریقے سے واپس کیے جائیں۔

ایک اور قرار داد میں فاٹا پر دس فیصد ٹیکس کو بھی متفقہ پر مسترد کردیا کیونکہ پہلے سے سہولیات کی عدم دستیابی اور ناسازگار حالت کے باعث نوے فیصد انڈسٹری بند ہوچکی ہے جس سے ہزاروں مزدور بے زوگار ہوئے ہیں۔

دیگر مقررین نے بھی جلسے سے خطاب کرتے ہوئے کہا کہ قبائلی عوام محب وطن اور پرامن لوگ ہیں، جنہوں نے ملک کے لیے قربانیاں دی ہیں۔ اب وقت اگیا ہے کہ ان کے ساتھ آئینی، سماجی اور انسانی بنیادوں پر انصاف کیا جائے۔

جلسے کے اختتام پر شرکاء نے اس بات کا اعادہ بھی کیا وہ اپنی زمین، گھروں، عزت اور حقوق کے تحفظ کے لیے پرامن مگر بھرپور سیاسی مزاحمت کریں گے اور کسی بھی ظلم یا جبر کے خلاف آواز بلند کرتے رہیں گے۔
‎

11/07/2025

باڑہ (یون نیوز ۔ ثاقب آفریدی سے) باڑہ سیاسی اتحاد کے زیر اہتمام باڑہ بازار میں خیبر امن جلسہ۔ مختلف سیاسی جماعتوں اور سماجی تنظیموں سے تعلق رکھنے والے شخصیات سمیت ہزاروں کی تعداد میں عوام کی شرکت۔

تفصیلات کچھ دیر بعد یون نیوز پر ملاحظہ فرمائیں۔

11/07/2025

ناوګۍ باجوړ کښې د مولانا خانزیب شهید جنازه. په زرګونو خلقو ګډون وکړو.

10/07/2025

باجوڑ فائرنگ واقعہ، مولانا خان زیب شہید —
سید صدیق اکبر تفصیلات بتا رہے ہیں۔
ویڈیو: فضل رحمان

10/07/2025

باجوڑ (یون نیوز) مولانا خان زیب شہید، کثیر تعداد میں لوگ موجود۔ دھاڑے مار کر رو رہیں ہیں۔

10/07/2025

باجوڑ (یون نیوز رپورٹ) نامعلوم افراد کی فائرنگ سے مولانا خان زیب سمیت دو افراد شہید تین زخمی۔ ذرائع

تفصیلات کے مطابق مولانا خان زیب باجوڑ میں 13 جولائی کے امن پاسون کیلئے کمپین کررہے تھے کہ شنڈئی موڑ کے مقام پر فائرنگ کا شکار ہوئے۔ حملے کے نتیجے میں وہ شدید زخمی ہو گئے اور انہیں فوری طور پر تشویشناک حالت میں اسپتال منتقل کر دیا گیا۔ جہاں زخموں کی تاب نہ لاتے ہوئے شہید ہوگئے۔

10/07/2025

باڑہ (یون نیوز - ثاقب آفریدی سے) سپین ڈھنڈ واقعہ: شلوبر قومی کونسل و مشران , تحصیل کونسل اور قمبر خیل مشران کی کوششیں رنگ لے آئیں، فریقین میں صلح، ایف آئی آر واپس
‎
‎شلوبر قومی کونسل، قمبر خیل قبیلے کے مشران اور منتخب چیئرمین کی انتھک کوششوں سے سپین ڈھنڈ واقعہ میں ملوث دونوں فریقین کے درمیان باہمی رضامندی سے صلح ہوگئی ہے۔ اج دونوں اقوام کے مشترکہ جرگہ کے نتیجے میں نہ صرف فریقین نے اپنے اختلافات ختم کرتے ہوئے امن کا راستہ اپنایا بلکہ پولیس کی جانب سے درج کی گئی دو طرفہ ایف آئی آرز بھی باقاعدہ طور پر واپس لے لی گئی ہیں۔
‎
‎مقامی عمائدین اور علاقائی نمائندوں نے اس پیش رفت کو خوش آئند قرار دیتے ہوئے کہا ہے کہ قبائلی روایات اور مشران کی ثالثی کے ذریعے دیرینہ تنازعات کا پرامن حل ممکن ہے۔ شلوبر قومی کونسل اور قمبر خیل قیادت نے اس موقع پر واضح کیا کہ امن اور بھائی چارے کا قیام ہی علاقے کی ترقی و خوشحالی کی ضمانت ہے۔
‎

YOON News - یُون نیوز

12/07/2025

12/07/2025

12/07/2025

12/07/2025

11/07/2025

11/07/2025

11/07/2025

11/07/2025

10/07/2025

10/07/2025

10/07/2025

10/07/2025

Address

Website

Alerts

Contact The Business

Shortcuts

Share