https://www.facebook.com/105642411118474/

Dr Waqar Rabbani, Mardan Cantonment, Khyber Pakhtunkhwa (2025)

15/01/2025

قدرت کی طرف لوٹ آئیں - بہت سارے مسائل ختم ہو جائیں گے ۔۔

کدو کے بیج (Pumpkin Seeds) اپنی غذائیت اور صحت بخش خصوصیات کی وجہ سے ایک بہترین قدرتی غذا ہیں اسے مختلف اہم غذائی اجزاء کا خزانہ سمجھیں جو جسم کیلئے نہایت ہی فائدہ مند ہیں ۔۔۔۔

دل کی صحت کے لیے بہترین: کدو کے بیج میگنیشیم، زنک، اور اینٹی آکسیڈنٹس سے بھرپور ہوتے ہیں، جو دل کے افعال کو بہتر بنانے اور خون کی گردش کو متوازن رکھنے میں مدد کرتے ہیں۔

خون کے دباؤ اور کولیسٹرول کی بہتری: ان بیجوں میں موجود اجزاء خون کے دباؤ کو کم کرنے اور نقصان دہ کولیسٹرول کو قابو میں رکھنے میں مددگار ثابت ہوتے ہیں۔

پرسکون نیند کے لیے مددگار: ٹرپٹوفین، جو ایک خاص امائنو ایسڈ ہے، نیند کے معیار کو بہتر بنانے میں معاون ہے۔

مضبوط ہڈیاں: ان میں میگنیشیم اور فاسفورس کی وافر مقدار ہڈیوں کی مضبوطی کو فروغ دیتی ہے۔

مدافعتی نظام کی مضبوطی: زنک اور دیگر ضروری وٹامنز مدافعتی نظام کو طاقتور بناتے ہیں، جس سے جسم بیماریوں کے خلاف بہتر دفاع کر سکتا ہے۔

بہتر ہاضمہ: فائبر سے بھرپور ہونے کی وجہ سے یہ نظام ہاضمہ کو بہتر بناتے ہیں اور قبض جیسے مسائل سے نجات دلاتے ہیں۔

ذہنی سکون اور یادداشت کی بہتری: ان میں موجود میگنیشیم ذہنی دباؤ کو کم کرتا ہے اور دماغی افعال کو بہتر بناتا ہے۔

جلد اور بالوں کے لیے مفید: وٹامن ای اور اینٹی آکسیڈنٹس جلد کو نرم و ملائم رکھتے ہیں اور بالوں کی افزائش میں مدد دیتے ہیں۔

وزن کم کرنے کے لیے موزوں: کم کیلوریز اور زیادہ پروٹین کا حامل ہونے کی وجہ سے یہ بیج وزن گھٹانے میں بھی مددگار ہیں۔

#کشف
ڈاکٹر وقارربانی

14/01/2025

ذہن میں رکھنے کے لئے اہم چیزیں:
1. بی پی: 120/80
2. نبض: 70 - 100
3. درجہ حرارت: 36.8 - 37
4. سانس: 12-16
5. ہیموگلوبن: مرد -13.50-18
خواتین - 11.50 - 16
6. کولیسٹرول: 130 - 200
7. پوٹاشیم: 3.50 - 5
8. سوڈیم: 135 - 145
9. ٹرائگلیسرائیڈز: 220
10. جسم میں خون کی مقدار: PCV 30-40%
11. شوگر لیول: بچوں (70-130) بالغوں کے لیے: 70-115
12. آئرن: 8-15 ملی گرام
13. سفید خون کے خلیات WBC: 4000 - 11000
14. پلیٹلیٹس: 1,50,000 - 4,00,000
15. سرخ خون کے خلیات RBC: 4.50 - 6 ملین۔
16. کیلشیم: 8.6 -10.3 ملی گرام/ڈی ایل
17. وٹامن ڈی 3: 20 - 50 این جی / ملی لیٹر۔
*بزرگوں کے لیے خصوصی تجاویز 40/50/60 سال ہیں:*
*1- پہلی تجویز:* ہر وقت پانی پیتے رہیں خواہ آپ کو پیاس یا ضرورت مند ہی کیوں نہ ہو، صحت کے سب سے بڑے مسائل اور ان میں سے اکثر جسم میں پانی کی کمی کی وجہ سے ہوتے ہیں۔ کم از کم 2 لیٹر فی دن۔
*2- دوسری ہدایت:* جسم سے زیادہ سے زیادہ کام کریں، جسم کی حرکت ہو، جیسے چہل قدمی، ورزش، یوگا، تیراکی، یا کوئی بھی کھیل۔
*تیسرا مشورہ:* کم کھائیں... بہت زیادہ کھانے کی خواہش کو چھوڑ دیں... کیونکہ یہ کبھی اچھا نہیں لاتا۔ اپنے آپ کو محروم نہ کریں بلکہ مقدار کو کم کریں۔ پروٹین، کاربوہائیڈریٹ سے بھرپور غذائیں زیادہ استعمال کریں۔
*4- چوتھی ہدایت:* گاڑی کا استعمال نہ کریں جب تک کہ یہ بالکل ضروری نہ ہو۔ اگر آپ کہیں بھی گروسری لینے، کسی سے ملنے یا کوئی کام کرنے جا رہے ہیں تو اپنے پیروں پر چلنے کی کوشش کریں۔ لفٹ، ایسکلیٹرز استعمال کرنے کے بجائے سیڑھیاں چڑھیں۔
*5- 5ویں ہدایت* غصہ چھوڑیں، فکر کرنا چھوڑ دیں، چیزوں کو نظر انداز کرنے کی کوشش کریں۔ اپنے آپ کو پریشان کن حالات میں مت ڈالو، وہ تمام صحت کو خراب کر دیتے ہیں اور روح کی شان کو چھین لیتے ہیں۔ مثبت لوگوں سے بات کریں اور ان کی بات سنیں۔
*6- چھٹی ہدایت* سب سے پہلے پیسے سے لگاؤ چھوڑ دو
اپنے آس پاس کے لوگوں سے جڑیں، ہنسیں اور بات کریں! پیسہ بقا کے لیے بنایا جاتا ہے، پیسے کے لیے زندگی نہیں۔
*7-7واں نوٹ* اپنے لیے، یا کسی ایسی چیز کے لیے جو آپ حاصل نہیں کر سکے، یا جس چیز کا آپ سہارا نہیں لے سکتے، اس پر افسوس نہ کریں۔
اسے نظر انداز کریں اور بھول جائیں۔
*8- آٹھواں نوٹس* پیسہ، عہدہ، وقار، طاقت، خوبصورتی، ذات اور اثر و رسوخ؛
یہ سب چیزیں انا کو بڑھاتی ہیں۔ عاجزی لوگوں کو محبت سے قریب کرتی ہے۔
*9- نواں مشورہ* اگر آپ کے بال سفید ہیں تو اس کا مطلب زندگی کا خاتمہ نہیں ہے۔ یہ ایک اچھی زندگی کا آغاز ہے۔ پر امید بنیں، یادداشت کے ساتھ زندگی گزاریں، سفر کریں، لطف اندوز ہوں۔ یادیں بنائیں!
*10- 10ویں ہدایات* اپنے چھوٹوں سے پیار، ہمدردی اور پیار سے ملیں! کچھ طنزیہ مت کہو! اپنے چہرے پر مسکراہٹ رکھو!
اس سے کوئی فرق نہیں پڑتا ہے کہ آپ ماضی میں کتنے ہی بڑے عہدے پر فائز رہے ہیں، اسے حال میں بھول جائیں اور اس سب کے ساتھ گھل مل جائیں!

12/01/2025

حقیقت کھل گئی: وٹامن اور سپلیمنٹس کا اصل چہرہ!

08/01/2025

آج ہم بھی صاحبِ تمغہ امتیاز ہوگئے

زیر نظر تصویر میں استاد الاساتذہ کیپٹن (ر) کرنل شاہین صاحب ہیں جو کہ فرنٹیر ہومیوپیتھک میڈیکل کالج کے ڈائریکٹر بھی ہیں آپ میں سے بہت لوگ جانتے ہوں گے کہ اس کالج کا شمار پاکستان کے بہترین کالجز میں ہوتا ہے ... جو کہ خیبر میڈیکل یونیورسٹی کے ساتھ الحاق ہے

یقین کریں ایک وقت تھا جب اس کالج میں پڑھنے کیلئے میں بھی بے تاب رہتا تھا پھر ایک وقت آیا کہ مجھے بھی یہاں سے پڑھنے کا شرف حاصل ہوا اور بالحصوص کرنل صاحب جیسے شفیق اور محبت کرنے والی شخصیت سے ملاقات ہوئی میرے لیے تب بھی بڑی خوشی کی بات تھی جب میں پہلی مرتبہ ان کے کالج میں داخلہ لینے گیا تو یہ سن کر انتہائی خوشی ہوئی کہ کرنل صاحب نہ میرے آرٹیکل پڑھتے ہیں بلکہ انہوں نے میری بہت ہی حوصلہ افزائی کی اور آج پھر وہ محض میری حوصلہ افزائی کیلئے میرے کلینک تشریف لائیں ...

یقین کریں یہ میرے لیے کسی سعادت کسی بہت بڑے ایوارڈ سے کم نہیں کیونکہ آج کل ایوارڈ خریدے بھی جاسکتے ہیں حتٰی کہ تمغہ امتیاز وغیرہ بھی ، جی بالکل تمغہ امتیاز بھی ۔۔۔

ہر انسان کی طرح میری بھی ہمیشہ سے یہ خواہش رہی کہ مجھے بھی میرے کام پر سراہا جائے میری تعریف کی جائے کوئی ایوارڈ دیا جائے لیکن میری سوچ تب بدلی جب ایک نیوٹراسیوٹیکل کمپنی (امریکہ) سے میری ایک میٹنگ ہوئی اس میٹنگ کے آخر میں جہان انہوں نے ٹارگٹ پورا ہونے پر مجھے گاڑی اور بنگلے کی تصاویر دکھائیں وہیں پر انہوں نے ایک ڈاکٹر صاحب کا نام لیا جنہیں میں جانتا ہوں کہ انہیں بھی ہم نے تمغہ امتیاز دلایا اگر آپ ہمارے ساتھ کام کریں تو کیا کچھ نہیں ہوسکتا ۔۔۔

بس اس دن سے ایوارڈ شیوارڈ کی چاہت دل سے نکل گئی ۔۔۔ اور اصلی ایوارڈ کی سمجھ آگئی کہ ایوارڈ وہ ہے کہ بحثیت ڈاکٹر آپ سے مخلوق خدا خوش ہو، انہیں راحت ملے آپ کے ہاتھوں انہیں شفاء ملے اور سب سے بڑھ کر یہ کہ جس فیلڈ میں آپ کام کررہے ہیں اس فیلڈ کے بزرگ آپ کی حوصلہ افزائی ،اور تعریف کریں تو یہ کسی تمغہ امتیاز سے کم نہیں ۔۔۔۔ اور یقیناً آج ہم بھی صاحب تمغہ امتیاز ہوگئے ۔۔۔

؎ تمغہ یہی کہ خلقِ خدا تم سے خوش رہے
یہ مسکراہٹیں ہیں جو اعزاز کی سند ہیں

#کشف
ڈاکٹر وقارربانی

07/01/2025

موٹاپے اور بیماریوں کی پوشیدہ جڑ - ہایپو تھائرڈزم

06/01/2025

دل کے امراض میں اضافہ کیوں؟
30 سال سے زائد افراد ضرور دیکھیں ۔۔

#

01/01/2025

47 واں فری میڈیکل کیمپ (ان شاء اللہ )

تھیلسیمیا / خون کی بیماریاں
ذہنی وجسمانی معذور بچے

معلومات کے لیے
0336 9671029

#ٖFits

30/12/2024

مرنے کے بعد ہمارے جسم کے ساتھ کیا ہوگا؟
اس تحریر کو محفوظ کرلیں اور روزانہ اس کو پڑھیں ۔۔۔

زندگی کو برقرار رکھنے والی تمام کیمیائی ردعمل بند ہوجاتے ہیں دل جو برسوں سے مسلسل ٹوٹنے کے باوجود کبھی دھڑکن بند نہیں کرتا تھا آج اس نے بھی دھڑکنا چھوڑ دیا جسم کو خون دینے سے انکاری ہوگیا بلکہ ایسا خاموش ہوگیا کہ اب وہ کبھی نہیں دھڑکے گا۔۔۔
بقول شاعر " دل میں دھڑکن ہے نہ آنکھوں میں نظر باقی ہے"

جب دل نے ہی دھڑکنے سے انکار کردیا تو جسم کے مختلف حصوں تک آکسیجن (Oxygen)کیسے پہنچے گا؟ نتیجے میں جس کے ہر خلیے(Cells) نے بے وفائی کا اعلان کردیا اور ایک ایک کرکے مرنے لگے اور یوں بے وفائی کا ایک نہ رکنے والا سلسلہ شروع ہوجاتا ہے اور آج ہمارا جسم جس پر ہمیں کبھی ناز ہوا کرتا تھا اب ہمارا نہیں رہا۔۔۔

ان سب کی دیکھا دیکھی کرتے ہوئے پٹھوں نے بھی اپنے اندر کی طاقت ختم کرنا شروع کردیا اور مکمل نرم پڑح جانے کے بعد ناکارہ ہوگئے،ہماری جلد بھی خون کی بے وفائی نہ سہتے ہوئے ایسے رنگ میں ڈھل گیا کہ لوگ ڈرنے لگے۔۔۔ بے جان جسم،پیلا یا راکھ جیسا رنگ اختیار کرلیتی ہے۔۔۔جیسے اب لوگ ہاتھ لگاتے ہوئے بھی جھجک محسوس کرتے ہیں۔۔۔

اور یوں جسم کے درجہ حرارت وغیرہ بھی اب تبدیل ہوجاتے ہیں اور ماحول کے مطابق ڈھلنا شروع ہوجاتے ہیں رگر مارٹیس (Rigor Martis)کے ساتھ ہی جسم کے گلنے سڑنے کا ایک اور عمل شروع ہوجاتا ہے جسے آٹو لائسز (Auto-Lysis)کہتے ہیں اس میں خلیے (Cells) کے خامرے (Enzymes)جو کبھی زندہ خلیوں کے حدود میں رہتے تھے آج اپنے حدود سے باہر نکل کر آس پاس کے بافتوں (Tissues) کو توڑنا شروع کردیتے ہیں اور یوں زندگی موت میں ڈھلنے کا عمل ختم ہونے کے قریب تر ہوجاتا ہے۔۔۔

ڈی کمپوزنشن (Decomposition) کا عمل شروع ہوجاتا ہے اور اس جسم کے اندر پہلے جو جراثیم ہمارے فائد ے کیلئے رہتے تھے اب وہ بھی خلاف ِ جسم ہوگئے اور وہ بھی بغاوت پر اتر آئے اور ماحول کے مطابق ہونا شروع ہوگئے اور یوں وہ جسم جس پر کبھی ناز ہوا کرتا تھا آج دیکھنے لائق نہیں رہا، ہفتوں اور مہینوں بعد جسم کی صرف ہڈیاں اور دانت باقی رہ جاتے ہیں۔۔۔

ماحولیاتی عوامل اس میں اہم کردار ادا کرتے ہیں گرم اور مرطوب ماحول میں یہ عمل ایک سے دو سالوں میں مکمل ہوسکتا ہے جبکہ سرد یا خشک ماحول میں یہ عمل دہائیوں یا صدیوں تک جاری رہ سکتا ہے۔۔ آپ کا جسم آپ کا نہیں رہتا اور ڈی کمپوزیشن (Decomposition) کے زریعے واپس زمین یا مٹی میں مل جاتا ہے اور ہڈیوں سے ملنے والی معدنیات پودوں کی افزائش کے کام آتی ہے۔۔۔یہ رہی میری اور آپ کی زندگی۔۔۔

اتنی سی اوقات ہے میری اور تیری پھر یہ اتنی اکڑ، تکبر اور نفرت کیوں؟

نئے سال کا موقع ہے کوشش کریں لوگوں کیلئے آسانیاں پیدا کریں، کوئی آپ سے ناراض ہے تو اسے منا لیجئے نفرتیں مٹا دیجئے ۔۔۔ ہر طرف محبت ❤️ کا بول بالا کردیجیۓ ۔۔

#کشف
ڈاکٹر وقارربانی

27/12/2024

آپ کو پتا ہے انسانی جسم میں بھی سونا پایا جاتا ہے۔۔۔

جی ہاں انسانی جسم میں بھی سونے کی کچھ مقدار پائی جاتی ہے اگر ہم دیکھیں تو ایک انسان کے جسم (تقریباً 68 کلو وزن) میں تقریباً 0.2 ملی گرام سونا پایا جاتا ہے اور یہ مقدار زیادہ تر خون میں موجود رہتا ہے ۔۔۔۔

اور مزے کی بات یہ ہے کہ اسے آپ جمع کرکے مہنگے داموں نہیں بیچ سکتے ہیں بلکہ یہ سونا قدرتی طور پر ہمارے جسم سے خارج ہو جاتا ہے جیسے پسینہ آنا، جلد کے خلیوں کا جھڑنا، اور بالوں کی نشوونما کے زریعے ۔۔۔۔

قدرت کا کمال دیکھیں کہ ہمارا جسم زمین کے قیمتی ترین دھاتوں میں سے ایک دھات کو مسلسل خارج کر رہا ہے ۔۔۔ سوچیں رب کائنات نے کس خوبصورتی اور پیچیدگیوں سے حضرت انسان کا جسم تخلیق کیا ہے۔۔۔

اللّٰہ تعالیٰ نے انسان کو اس قدر عظیم تخلیق بنایا ہے جس کے جسم میں زمین کے قیمتی عناصر بھی رکھے ہیں۔ یہ اس کی حکمت اور قدرت کی ایک نشانی ہے جس کو جھٹلایا نہیں جا سکتا ۔۔۔۔

"تو تم اپنے رب کی کون کون سی نعمتوں کو جھٹلاؤ گے؟" (الرحمٰن 13)

#کشف
ڈاکٹر وقارربانی

#کشف

25/12/2024

جادو، آسیب، جنات یا کچھ اور؟؟

#کشف

25/12/2024

ڈاکٹر آفان قیصر جو کہ ایک بہترین انسان ہے حال ہی میں انہوں نے ایک مسافر مریض سے اس موضوع پر بات کی ہے حالانکہ میں خود بھی Sexless Marriage کے بہت مخالف رہا ہوں اور ہوں لیکن اس کا مطلب یہ نہیں کہ ہم ان لوگوں پر (جو ملک سے باہر نوکری یا مزدوری کرتے ہیں) پر بے وجہ تنقید کرنا شروع کردیں ۔۔

کیونکہ موجودہ دور میں مردوں کی اکثریت خاص طور پر پاکستان، ہندوستان، اور بنگلہ دیش جیسے ممالک سے اپنے گھروں کو چھوڑ کر بیرونِ ممالک میں نوکری یا مزدوری کرنے پر مجبور ہوئے ہیں یہ ایک انتہائی اذیت ناک فیصلہ ہوتا ہے جو کہ حالات کی مجبوری کے تحت کیا جاتا ہے وگرنہ مرد کیلئے اس سے زیادہ اذیت ناک کیا ہوگا کہ وہ اپنی بیوی اور بچوں کو چھوڑ کر ایک ایسے ملک میں آبستا ہے جہاں اس کا کوئی پوچھنے والا نہیں ہوتا ۔ اگر وہ ایسا کرتا ہے تو محض اپنے گھر والوں کو رزق حلال فراہم کرنے کیلیے ۔ ان کا مقصد کبھی بھی اپنی زندگی سنوارنا نہیں رہا بلکہ ہمیشہ بچوں کے مستقبل کو بہتر بنانا، انہیں تعلیم، صحت، اور ایک محفوظ زندگی فراہم کرنا ہوتا ہے۔

Sexless Marriage
کے بہت نقصانات اس وقت معاشرے کو اٹھانا پڑھ رہے ہیں لیکن اس میں مرد سے زیادہ ریاست ذمہ دار ہے جس ریاست میں لوگ بھوکے پیاسے مرتے ہوں ویاں پر کسی مرد کا گھر چھوڑ کر باہر مزدوری کرنا کوئی بہت بڑا گناہ نہیں اگر چہ کہ اس کے تباہ کن اثرات ہیں لیکن ایک مجبور مرد جو اس ریاست میں اپنے بچوں کو ایک وقت کی روٹی نہیں کھلا پائے گا وہ کیا کرئے گا؟

لہذا ہمیں ضرور Sexless Marriage پر بات کرنی چاہیے لیکن اس کی آڑ میں کسی کی ذاتی زندگی یا اس کی عزت پر بات نہیں کرنی چاہیے ۔۔ اور ہمیشہ نشانہ سیدھا رکھنا چاہیے اور ان چیزوں کے ذمہ داران پر بات کرنی چاہیے نا کہ محض بات اچھالنا۔۔

آپ بھی اس موضوع پر اپنے خیالات کا کھل کر اظہار کریں۔ شکریہ

#کشف
ڈاکٹر وقارربانی

24/12/2024

روس/ کینسر ویکسین کی حقیقت ۔۔۔۔

روس میں کینسر کے بڑھتے ہوئے کیسز کو مدنظر رکھتے ہوئے وہاں کے سائنسدانوں نے دعویٰ کیا ہے کہ انہوں نے کینسر کے علاج کے لیے ایک mRNA ویکسین تیار کرلیا ہے جو 2025 کے آغاز میں ملک بھر کے کینسر کے مریضوں کیلئے دستیاب ہوگا۔۔۔ یہ ویکسین مدافعتی نظام کو کینسر کے خلیات پہچاننے میں مدد کرئے گا لیکن اس میں مکمل کامیابی نہیں مل سکتی کیونکہ کینسر میں مسلسل تبدیلیاں رونما ہوتی ہیں جس سے ویکسین کی افادیت متاثر ہوگی ۔۔۔۔

اس خبر کا شائع ہونا تھا کہ دنیا بھر میں ایک تہلکہ مچ گیا ہے اور یوں یہ خبر ہمارے ہاں بھی پہنچ گئی اور طرح طرح کی نا مکمل معلومات عام ہونے لگی بلکہ ہمارے ہاں مسئلہ ہی یہی ہے کہ لوگ شارٹ کٹ یا نا مکمل معلومات یا شعبدہ بازی کو زیادہ پسند کرتے ہیں یہاں علمی بحث یا مکمل معلومات پڑھنے یا سننے کیلئے کوئی تیار نہیں ۔۔۔۔ تو چلیں سمجھنے کی کوشش کرتے ہیں کہ واقعی کینسر کی ویکسین بننے کے بعد کینسر کا علاج دریافت ہوگیا ؟؟

یہ ویکسین مریض کے ٹیومر/مرض سے حاصل کردہ جینیاتی مواد کی بنیاد پر انفرادی طور پر تیار کی جائے گی تاکہ مدافعتی نظام کینسر کے خلیات کو پہچان کر ان پر حملہ کر سکے۔۔۔ تجربات میں ضرور اس ویکسین نے ٹیومر کی بڑھوتری کم کرنے میں مدد کی ہے اور یہ کسی حد تک فائدہ مند بھی ثابت ہوسکتا ہے لیکن اس سے کبھی بھی کینسر کا مکمل علاج ممکن نہیں ہے اور نا ہی یہ کینسر کو روک سکتی ہیں کیونکہ کینسر ایک انتہائی پیچیدہ مرض ہے جہاں پر اکثر مریضوں میں قوت مدافعت پہلے سے ہی کافی کمزور ہوچکا ہوتا ہے پھر ایسے میں کمزور قوت مدافعت کیسے کینسر کے خلاف لڑنے کے قابل ہو سکے گا دوسری بات یہ ہے کہ کینسر کی مختلف اقسام ہیں اور مختلف درجات ہیں اور ایسا ممکن نہیں ہے کہ کوئی ویکسین ان ساری چیزوں کو قابو کرسکے ۔۔۔۔

دیکھیں کینسر کے پیچھے بہت ساری وجوہات کار فرما ہوتی ہیں اس پر الگ سے ایک آرٹیکل لکھ چکا ہوں۔۔۔ موروثی وجوہات سے لیکر مختلف بیماریوں کا جسم میں دب جانا (Disease suppression) ماحولیاتی عوامل ، رہن سہن اور قوت مدافعت کی خرابیاں شامل ہیں۔۔۔۔ اور خاص طور پر جنیاتی (Genetic mutation) جیسی عوامل بہت ہی اہم کردار ادا کرتے ہیں۔۔۔ اب ایسا ممکن ہی نہیں ہے کہ کوئی ایک ادھ ویکسین آپ کے اندر آپ کے جنیاتی (Genetic mutation) کو بدل دے بلکہ اس کیلئے مستقبل قریب میں سائنسدان (Gene therapy) کی طرف دیکھ رہے ہیں جس میں خراب جین (Gene) کو ختم یا تبدیل کیا جا سکے ۔۔۔

میری بات مانیں تو اپنی صحت کا خیال رکھا کریں شارٹ کٹ طریقوں سے دور رہا کریں ایسے ڈاکٹر کا انتخاب کیا کریں جو آپ کی بیماری کو سمجھ کر اس کا مستقبل علاج کرنے کو ترجیح دیں نا کہ محض وقت طور پر کبھی ایک دواء تو کبھی دوسری دواء اور آج کل تو سپلیمنٹس کا رواج چل پڑا افسوس ہمارے لوگ انہیں شارٹ کٹس کو ترجیح دیتے ہیں۔۔۔۔

مستقبل میں آپ دیکھیں گے کہ سائنسدان اسی نتیجے پر پہنچیں گے کہ ہر مریض کو انفرادی طور پر دیکھا اور پرکھا جائے اور اس کیلئے (Personalized Medicine) کا ٹرم استعمال کیا جائے گا۔۔۔

اگر ہم ابھی سے ہی اپنی صحت کا خیال رکھنا شروع کر دیتے ہیں تو کیا ہی اچھا ہوگا یوں آپ بھی صحت مند اور آپ کی آنے والی نسلیں بھی صحت مند ہوں گی۔۔۔۔

#کشف
ڈاکٹر وقارربانی

11/12/2024

سردیوں میں ہاتھ پاؤں کی سوجن
ڈاکٹر وقارربانی

اچانک موسم کی تبدیلی سے ہماری جلد پر اثرات مرتب ہوتے ہیں جس میں دیگر جلدی مسائل کے ساتھ ساتھ Chilblains یعنی کہ سردی کی وجہ سے ہاتھ یا پاؤں میں سوجن پیدا ہوجانا جس میں درد اور اذیت ناک کھجلی ہوتی ہے۔ موسم سرما میں کافی لوگ اس کا شکار ہوتے ہیں اور پوری سردیوں میں اس اذیت سے دوچار رہتے ہیں حالانکہ اس کے لیے لوگ کافی ٹوٹکے وغیرہ بھی استعمال کرتے ہیں۔
اس کی عام علامات میں ہاتھ،پاؤں کی انگلیوں میں سرخی، سوجن، درد اور زبردست خارش ہوتی ہے جو کہ نہایت اذیت ناک ہوتی ہے حتیٰ کہ ہاتھ پوؤں کی انگلیوں میں سوجن بڑھ جاتی ہے اور جرابیں یا دستانے پہننے سے کھجلی ہونا شروع ہوجاتی ہے یعنی کہ جیسے ہی ہاتھ پاؤں گرم ہوتے ہیں تو کھجلی شروع ہوجاتی ہے۔اگر احتیاط اور بروقت علاج نہ کیا جائے تو یہی مسئلہ بعض اوقات بڑھ کر زخم یا السر کا سبب بھی بن سکتا ہے۔

احتیاطی تدابیر کے طور پر ہمیں چاہیے کہ اگر آپ کی جلد حساس ہے تو ٹھنڈ سے اپنے آپ کو بچانا چاہیے، خود کو ملبوسات سے گرم رکھنے کی کوشش کریں ہلکی پھلکی ورزش کرنی چاہیے تاکہ دوران خون بہتر ہو۔اس کے علاوہ زیادہ سردی میں دستانے کا استعمال کرنا چاہیے، پاؤں کو ٹھنڈے پانی سے بچانا چاہیے، سردگرم کا خیال رکھنا چاہیے اس کے علاوہ جو لوگ سگریٹ نوشی کرتے ہیں انہیں پہلے اسے اس مسئلے کے بارے میں احتیاط کرنی چاہیے یا ڈاکٹر سے مشورہ کرنا چاہیے کیونکہ انہیں (Chilblain)کا خطرہ ہوسکتا ہے۔
علاج کی بات کی جائے تو ہمارے ہاں اس بیماری کے لیے بہت سارے ٹوٹکے استعمال کئے جاتے ہیں اس کے علاوہ لوگ خود سے مختلف قسم کے لوشن یا کریم کا استعمال بھی کرتے ہیں جبکہ ایلوپیتھک ادویات میں (Corticosteroid Cream)یا اس کے علاوہ اور بہت ساری ادویات کا استعمال کیا جاتا ہے جس سے خارش اور درد کو کم کرنے کی کوشش کی جاتی ہے یعنی کہ لوشن یا کریم متاثرہ جگہ پر لگانے سے جلد نرم اور خارش کم ہوجاتی ہے۔
اس کے علاوہ ہومیوپیتھک ادویات میں اس مسئلے کے لیے بہت ساری ادویات موجود ہیں جیسے کہLachesis, Nitric Acid, Pulsatilla, Rhus tox, Apis melifica, Sulphur, Belladonna, Arnica,Cal carb وغیرہ وغیرہ جو کہ دوران خون کو یا پھر ان پتلی نالیوں کو دوبارہ متحرک کردیتی ہے یعنی کہ دوران خون کو بحال کردیتی ہے جس سے یہ بیماری چند دنوں میں ختم ہوجاتی ہے اور اس بیماری کا بار بار حملہ ہونے کی شدت بھی ختم ہوجاتی ہیں ویسے تو بہت ساری ادویات ہیں لیکن دو ادویات ایسی ہے جو کہ زیادہ تر استعمال کی جاتی ہے اور اس کے نتائج بہترین ہیں جس کا نام (Agaricus muscarius) اور (Petroleum30c)ہے جو کہ کسی بھی کوالیفائیڈ ہومیوپیتھک فزیشن کی زیرنگرانی میں استعمال کرنی چاہیے۔

10/12/2024

اگر آُپ یا آپ کے چاہنے والے اس بیماری میں مبتلا ہیں
تو ویڈیو پوری دیکھیں اور اس کو سمجھنے کی کوشش کریں ۔۔

09/12/2024

گھٹیا (Gout) ایک تکلیف دہ بیماری / علاج

گھٹیا، جسے عام طور پر گاؤٹ کہا جاتا ہے، جوڑوں کی ایک نہایت تکلیف دہ بیماری ہے جو جسم میں یورک ایسڈ کی زیادتی کے باعث پیدا ہوتی ہے۔ یورک ایسڈ کا مسلسل بڑھنا جوڑوں میں کرسٹل کی شکل اختیار کر لیتا ہے، جو نہ صرف درد بلکہ شدید سوزش کا باعث بنتا ہے۔

گھٹیا کی علامات

گھٹیا کی بیماری جوڑوں میں اس وقت ظاہر ہوتی ہے جب وہاں یورک ایسڈ کے کرسٹل جمع ہونا شروع ہو جاتے ہیں۔ یہ بیماری عمومی طور پر پاؤں کے بڑے انگوٹھے کے جوڑ میں شدید درد سے پہچانی جاتی ہے، تاہم یہ جسم کے دیگر جوڑوں کو بھی متاثر کر سکتی ہے۔

👈 اس بیماری کی نمایاں علامات درج ذیل ہیں:
👈 جوڑوں میں اچانک اور شدید درد کا احساس
👈 متاثرہ جگہ پر سوجن اور سرخی
👈 رات کے وقت درد کی شدت میں اضافہ
👈 بار بار درد کا لوٹ آنا

اگر بروقت علاج نہ کیا جائے تو بیماری مزید پیچیدہ صورت اختیار کر سکتی ہے۔

گھٹیا کی وجوہات

گھٹیا کی وجوہات میں موروثی عوامل کا کردار نمایاں ہے۔ بعض خاندانوں میں یہ بیماری زیادہ پائی جاتی ہے۔ اس کے علاوہ، وہ افراد جو زیادہ پروٹین یا یورک ایسڈ پیدا کرنے والی غذاؤں کا استعمال کرتے ہیں، ان میں بھی یہ مسئلہ عام ہے۔

غذا کی زیادتی کے ساتھ ساتھ، طرز زندگی، وزن میں اضافہ، اور جسمانی سرگرمی کی کمی بھی اس بیماری کی شدت کو بڑھا سکتی ہے۔

ایلوپیتھک علاج

ایلوپیتھک طریقہ علاج میں گھٹیا کے علاج کے لیے مختلف ادویات استعمال کی جاتی ہیں جس میں درد اور سوزش کم کرنے کیلئے (NSAIDs) گروپ کی میڈیسن مثلاً Ibuprofen، Naproxen، اور Indomethacin کا استعمال کثرت سے کیا جاتا ہے ۔۔۔ اس کے علاوہ Colchicine اور Corticosteroids کا استعمال عام کیا جاتا ہے۔۔۔۔ تا کہ درد اور سوزش پر قابو پایا جاسکے کیونکہ اس میں درد کے حملے انتہائی تیز ہوتے ہیں ۔۔۔۔

اس کے علاوہ یورک ایسڈ کم کرنے کیلئے Allopurinol اور دیگر ادویات کا سہارا لیا جاتا ہے۔۔۔

سرجری کی ضرورت کب پڑتی ہے؟

اگر بیماری کی وجہ سے جوڑ بری طرح متاثر ہو جائیں اور یورک ایسڈ کے کرسٹل زیادہ مقدار میں جمع ہو جائیں، تو جراحی (Surgery) کے ذریعے ان کو نکال دیا جاتا ہے۔ شدید نقصان کی صورت میں متاثرہ جوڑ کو بدلنے (Joint Replacement) کی ضرورت بھی پیش آ سکتی ہے۔ اور اس کے ساتھ بھی اوپر بیان کردہ ادویات لینی پڑتی ہے۔۔۔

غذائی علاج

گھٹیا کے علاج میں غذا کا کردار بہت اہم ہے۔ یورک ایسڈ بڑھانے والی غذاؤں، جیسے گوشت، سمندری خوراک، اور الکحل سے پرہیز کرنا ضروری ہے۔ اس کے برعکس، سبزیوں، پھلوں، اور زیادہ پانی کے استعمال سے اس بیماری کو کنٹرول کیا جا سکتا ہے۔

ہومیوپیتھک علاج:

متبادل علاج کے طور پر ہومیوپیتھک طریقہ علاج نہایت مؤثر ثابت ہوتا ہے۔ یہ علاج موروثی اور غذائی عوامل کو مدنظر رکھتے ہوئے بیماری کو جڑ سے ختم کرنے کی صلاحیت رکھتا ہے۔ عام طور پر درج ذیل ادویات استعمال کی جاتی ہیں ۔۔۔

موروثی عوامل کے لیے، بیماری بار بار لوٹ کر آنے کی صورت میں: Medorrhinum, Tuberculinum, Sulphur etc.

یورک ایسڈ کی زیادتی کے لیے: Colchicum, Urtica Urens, Lithium Carb, Ledum pal, Uric acid, Benzoicum acidium etc.

جوڑوں کی خرابی کی صورت میں: Drosera, Calc Phos, Aurum Met etc. کا استعمال کیا جا سکتا ہے۔

یاد رہے اس کے علاوہ بھی مریض کی نوعیت کے مطابق مختلف ادویات استعمال کی جاسکتی ہے ۔۔۔ جس سے آپ کی بیماری ہمیشہ کیلئے ختم ہو سکے گی۔۔۔ ان شاءاللہ

#کشف
ڈاکٹر وقارربانی

07/12/2024

انسان بہت ہی نازک مخلوق ہے یقین کریں ہم کچھ بھی نہیں ہیں نہ ہی اس کائنات میں ہماری کوئی حیثیت ہے اگر ذرہ سا کوئی مسئلہ کوئی بیماری آجائے تو ہم برداشت کرنے کے قابل تک نہیں اور جب ہم ٹھیک ہوتے ہیں تو بھلا ہم سے زیادہ اکڑ کسی میں نہیں ۔۔۔
آج میں اپنے ایک دوست کا واقع آپ کے ساتھ شیئر کرنے لگا ہوں امید ہے اس واقع سے آپ کو بہت کچھ سیکھنے کو ملے گا اور بتانے کا مقصد بھی محض اصلاح ہے ۔۔
ایک دن اچانک کئی سالوں بعد میرے دوست اصغر کا فون آیا میں کافی حیران ہوا کہ اتنے سالوں بعد اسے میری یاد کیسے آگئی ۔۔۔
خیر فون اٹھایا دعا سلام کے بعد وہ انتہائی پریشانی کی حالت میں کہنے لگا۔۔۔
یار وقار تمہارا نمبر بہت مشکل سے ملا میں بہت بڑی مصیبت میں مبتلا ہوگیا ہوں ۔۔۔
بہت پریشان ہوں ۔۔۔۔ الفاظ اس کا ساتھ نہیں دے رہے تھے ۔۔ انتہائی مضبوط اعصاب کے مالک کو یوں اس لہجے میں سن کر میں خود حیران ہوگیا تھا ۔۔۔
میرے پوچھنے پر اس نے بتایا۔۔
میں پچھلے کئی سالوں سے یورپ میں ہوں یہاں ایک لڑکی کے ساتھ میرے جسمانی تعلقات تھے کچھ عرصے کے بعد میرے عضو تناسل پر ایک زخم پیدا ہوا میں نے وقتاً فوقتاً کچھ ادویات اس پر لگائی ہیں لیکن زخم پھر سے نکل آتا ہے اور اس کے ساتھ منہ میں چھالے اور ماتھے پر دانے بھی نکل آئے تھے ۔۔۔
خیر دو سالوں تک مختلف ادویات لگانے اور کھانے کے بعد جب مکمل معائنہ اور ٹیسٹ کروائے تو پتا چلا مجھے آتشک (Syphilis) ہوچکا ہے (اس بیماری پر میں پہلے ہی تفصیلاً لکھ چکا ہوں ضرور پڑھیے گا اور سمجھیئے گا) ۔۔
اصغر کہنے لگا میری زندگی میں میرے لیے یہ بہت بڑا صدمہ تھا کہتا ہے اس بیماری کے تشخیص ہونے کے بعد ڈاکٹر نے ادویات لکھ کر دی لیکن میرا ٹیسٹ (RPR-Titer) کم نہیں ہورہا تھا اور اس کے بعد میں مسلسل ایک مہینے تک اس کو گوگل سے پڑھتا رہا کھوجتا رہا اور آخر کار ڈپریشن کا شکار ہوکر رہ گیا تھا یہاں تک کہ میں کمرے میں مکمل طور پر بند ہوگیا تھا باہر آنا جانا بند اور زندگی ختم کرنے کے بارے میں سوچنے لگ گیا۔۔۔
کہتا ہے اس پورے ایک مہینے میں کوئی لمحہ ایسا نہیں گزرا جس میں، میں نے پردیس میں ہی اپنی زندگی کا گلہ گھونٹنے کا فیصلہ نہ کیا ہو۔۔۔
کہتا ہے اس ایک مہینے میں خدا سے ہم کلام ہونے کا موقع ملا دعائیں کرتا رہتا اور گڑگڑانے لگتا ۔۔۔ اصغر کو سن کر مجھے یہ شعر یاد آگیا کہ ۔۔
مولا تیری دنیا میں تجھے ہر جگہ ڈھونڈا
جب خود میں ہم اترے تو تیرے نور تک گئے
اصغر کہنے لگا پھر خدا نے مجھ پر رحم کردیا اور مجھے ایک دوست نے "سورۃ رحمن تھراپی" کے بارے میں بتایا پورے ساتھ دن اس تھراپی کو کرنے کے بعد میں مکمل طور پر ڈپریشن سے نکل آیا اور مجھ میں حوصلہ پیدا ہوا ۔۔۔ اور مہینے بھر کی تنہائی سے نکل کر میں نے لوگوں سے ملنا جلنا شروع کردیا تھا ۔۔
ذہن میں اچانک تمہاری یاد آئی اور تمہارا فون نمبر ڈھونڈنے کی کوشش شروع کردی ۔۔۔
یہ سب سن کے مجھے میرے دوست پر بہت ہی ترس آیا کہ ایک چھوٹی سے غلطی کی وجہ سے کس قدر اذیت کا سامنا کرنا پڑا اس کو حالانکہ وہ ذہنی اور جسمانی طور پر بہت ہی مضبوط تھا لیکن پھر بھی ایک بیماری نے اسے کتنے اذیت سے گزارا تب جاکے اسے صحت جیسی نعمت کا اندازہ ہوا ۔۔۔ کہ یہ کتنی بڑی نعمت ہے ۔۔۔۔
میرے پاس اس کا دو سے تین ماہ علاج چلتا رہا اور اللہ کا کرم ہوا کہ اس کا ٹیسٹ نیچے کی طرف آنا شروع ہوگیا تھا اس کے بعد وہ وطن واپسی پر میرے پاس آیا خوب گپ شپ ہوئی اوردوران گفتگو میں ایسے ہی میں نے شرارتاً پوچھا کہ اب بتاؤ دوبارہ سے کسی فاخشہ کے ساتھ جسمانی تعلقات رکھنے کا ارادہ ہے؟
کہنے لگا اب میری توبہ کوئی لاکھوں روپے بھی دے تو میں اس طرف نہ جاؤں۔۔

#کشف
ڈاکٹر وقارربانی

07/12/2024

کیا بیماریوں نے آپ کی زندگی کی خوشیاں چھین لی ہیں؟

کیا آپ بار بار علاج کروا کر بھی صحت مند نہیں ہو رہے؟

اب وقت آ گیا ہے کہ آپ اپنی صحت کو ایک نیا موقع دیں!

مردان کے معروف ہومیوپیتھک ڈاکٹر اینڈ نیوٹریشنسٹ

ڈاکٹر وقار ربانی

جنہوں نے اپنی 8 سالہ کامیاب پریکٹس سے ہزاروں مریضوں کو صحت یاب کیا!

اور خوشخبری یہ ہے کہ!
مردان کلینک پر مریضوں کا معائنہ بالکل فری

تو آج ہی اپنی بیماری کی جڑ کو سمجھیں اور صحت مند زندگی کی طرف پہلا قدم بڑھائیں۔

ہماری پہچان:

⭐ جرمنی کی اعلیٰ معیار کی ہومیوپیتھک ادویات ۔۔۔

⭐ ہر مریض پر خصوصی توجہ اور انفرادی علاج

⭐ بغیر آپریشن کے علاج کے حیرت انگیز نتائج

علاج برائے:

🔹 معدے کے مسائل
🔹 جگر کی چربی اور کمزوری
🔹 بلڈ پریشر اور کولیسٹرول
🔹 بے اولادی کے مسائل
🔹 گردے کی پتھری اور عرق النساء کا بغیر آپریشن علاج ۔۔

صرف ایک وزٹ میں!

آپ کی صحت یابی ممکن ہے ۔۔

اپنا وقت ضائع نہ کریں، آج ہی رابطہ کریں!

📍 پتہ: کورغ چوک، مردان
📱 وٹس ایپ:
03369671029

ڈاکٹر وقار ربانی کے ساتھ، صحت مند زندگی کے خواب کو حقیقت بنائیں!

04/12/2024

مہنگے شیمپو لگانا چھوڑ دیں اب - سر کی خشکی ہمیشہ کیلئے ختم

Dr Waqar Rabbani

15/01/2025

14/01/2025

12/01/2025

08/01/2025

07/01/2025

06/01/2025

01/01/2025

30/12/2024

27/12/2024

25/12/2024

25/12/2024

24/12/2024

11/12/2024

10/12/2024

09/12/2024

07/12/2024

07/12/2024

04/12/2024

Address

Telephone

Website

Alerts

Contact The Business

Shortcuts

Share

Category