VOT News HD 24/7

Home
Pakistan
Karachi
VOT News HD 24/7

VOT News HD 24/7 Voice of truth provide credible and reliable news

15/07/2024

وفاقی پولیس نے صنم جاوید کو اسلام آباد ہائیکورٹ میں پیش کیا۔جسٹس میاں گل حسن اورنگزیب نے حکم دیا کہ صنم جاوید کو جمعرات تک گرفتار نہ کیا جائے۔

ہائیکورٹ کی صنم جاوید کو گھر جانے کی اجازت دی اور حکم دیا کہ صنم جاوید اس دوران ایک بھی لفظ بولیں تو عدالت اپنا آرڈر واپس لے لے گی۔جسٹس میاں گل حسن اورنگزیب نے وکیل میاں علی اشفاق کو ہدایت کی کہ صنم جاوید گھر جائے اور خاموش رہے۔

اسلام آباد ہائیکورٹ نے حکم دیا کہ جمعرات تک صنم جاوید اسلام آباد کی حدود سے باہر نہ جائے، جسٹس میاں گل حسن اورنگزیب کا کہنا تھاکہ ورکنگ ڈیز میں ہم اس کیس کا فیصلہ کریں گے۔

اسلام آبادہائیکورٹ نے صنم جاوید کےخلاف تمام مقدمات کا ریکارڈ بھی طلب کرلیا۔پیشی کے دوران صنم جاوید کے اہلخانہ بھی موجود رہے۔

15/07/2024

راولپنڈی۔15جولائی (اے پی پی):اینٹی نارکوٹکس فورس نے منشیات سمگلنگ کے خلاف 5 کارروائیوں میں 86 کلوگرام منشیات برآمدکرکے11 ملزمان گرفتار کرلئے۔اے این ایف ہیڈکوارٹرز راولپنڈی سے جاری گزشتہ 24گھنٹوں کے دوران کی گئی انسداد منشیات آپریشنز کی تفصیلات کے مطابق کراچی ایئرپورٹ سے بحرین بھیجے جانے والے پارسل سے 810 گرام آئس برآمدکی گئی ۔ پشاور میں کالج کے قریب ملزم سے 150 عدد نشہ آور گولیاں برآمدکی گئیں۔

قصورمیں دو گاڑیوں سے 15.6 کلوگرام افیون، 8.4 کلوگرام چرس اور 7 کلوگرام آئس برآمدکی گئی اور7 ملزمان گرفتار کئے گئے ۔فیصل آباد میں 34.8 کلوگرام افیون، 17.1 کلو گرام چرس اور ایک کلوگرام مشکوک مواد برآمد کر کے 2 ملزمان گرفتار کئے گئے ۔الآصف سکوائر کراچی میں ملزم سے 2.2 کلوگرام ویڈ برآمدکی گئی۔ ترجمان نے بتایا کہ گرفتار ملزمان کے خلاف انسداد منشیات ایکٹ کے تحت مقدمات درج کر کے تحقیقات کا آغاز دیا گیا ہے۔

15/07/2024

سابق امریکی صدر ڈونلڈ ٹرمپ کو قاتلانہ حملے کا نشانہ بنائے جانے کے بعد اسرائیلی وزیر اعظم بنجمن نیتن یاہو کے بیٹے نے اسرائیل میں حزب اختلاف پر تنقید کرتے ہوئے اسے اپنے والد کے خلاف اشتعال انگیزی کو روکنے کا کہا ہے اور اپنے والد پر بھی ٹرمپ کی طرح کا حملہ ہونے کے خوف کا اظہار کیا ہے۔یائر نیتن یاہو نے پلیٹ فارم "ایکس" فارم پر اپنے آفیشل اکاؤنٹ کے ذریعے اسرائیل میں اپوزیشن پر شدید تنقید کی اور لکھا کہ بائیں بازو اور میڈیا کی طرف سے وزیر اعظم نیتن یاہو کے خلاف بڑھکانے کا عمل اب بند ہوجانا چاہیے۔ لیکوڈ پارٹی کے ترجمان گائے لیوی نے بھی ’’ ایکس‘‘ پر کہا کہ امریکہ میں اشتعال انگیزی کی وجہ سے ٹرمپ کو قتل کرنے کی کوشش کی گئی حالانکہ امریکہ میں اشتعال انگیزی اسرائیلی میں وزیر اعظم نیتن یاہو کے خلاف اشتعال انگیزی کی خطرناک مہم کے مقابلے میں کم تھی۔

انہوں نے نشاندہی کی کہ نتن یاہو کے خلاف اشتعال انگیزی کی مہم تقریبا دو سالوں سے جاری ہے اور اس میں کروڑوں ڈالر کی فنڈنگ کی گئی ہے۔ اس مہم کی قیادت سابق جرنیلوں، گہری جڑوں والے اشرافیہ کے ارکان اور اسرائیلی میڈیا کے بڑے شعبے کر رہے ہیں۔ لیوی نے مزید کہا کہ یہ اشتعال انگیزی حکومت کے قانونی مشیروں اور قانون نافذ کرنے والے ایجنٹوں کی طرف سے مشتعل افراد کو حاصل استثنیٰ کی روشنی میں ممکن ہے۔ اپوزیشن ارکان کی غیر قانونی حوصلہ افزائی کے ساتھ۔ اگر ہمارے ساتھ بھی ایسا ہی ہوا تو اس خون کی ذمہ داری بھی انہیں پر عائد ہوگی۔ میں صدر ٹرمپ کی جلد صحت یابی کی بھی خواہش کرتا ہوں۔متعدد اسرائیلی وزراء نے وزیر اعظم نیتن یاہو کے خلاف غصے کا موازنہ ٹرمپ کے خلاف دھمکیوں سے کیا اور خبردار کیا ہے کہ اسرائیل میں بڑھتی ہوئی بے چینی کے تناظر میں نیتن یاہو کے ساتھ بھی کچھ ایسا ہی ہو سکتا ہے۔اخبار ’’ ٹائمز آف اسرائیل‘‘ کے مطابق اسرائیلی کابینہ کے سکریٹری یوسی فوچس نے اتوار کے روز یروشلم میں کابینہ کے ہفتہ وار اجلاس کے دوران حکومتی ناقدین کو نیتن یاہو کے خلاف اشتعال انگیز نعروں پر مشتمل ویڈیو کلپس دکھائے۔ ویڈیو میں غزہ کی پٹی میں یرغمال بنائے گئے بیٹے کی بیوی سمجھی جانے والی ایک خاتون کی آواز سنائی دے رہی ہے جس میں کہ رہی ہے ہم نیتن یاھو کا پھانسی کے ساتھ انتظار کر رہے ہیں۔یہ پیش رفت نیتن یاہو کے خلاف غصے میں حالیہ اضافے کی روشنی میں سامنے آئی ہے۔ مبصرین اس بات پر زور دے رہے ہیں کہ اسرائیل میں ایسی دھمکیاں وزیراعظم کے قتل کا باعث بن سکتی ہیں۔

15/07/2024

پاکستان سمیت دنیا کے متعدد ممالک میں ابھی تک ففتھ جنریشن (5 جی) ٹیکنالوجی متعارف نہیں ہوسکی مگر ایک ملک اس سے بھی زیادہ جدید سیلولر ٹیکنالوجی لانچ کرنے کی تیاریاں کر رہا ہے۔

چین کے ٹیلی کام انجینئرز نے 6 جی ٹیکنالوجی میں بڑی پیشرفت کرتے ہوئے دنیا کا پہلا فیلڈ ٹیسٹ نیٹ ورک نصب کیا ہے۔

آئندہ نسل کی وائرلیس کمیونیکیشن ٹیکنالوجی کے اس تجرباتی نیٹ ورک نے 4 جی انفرا اسٹرکچر پر 6 جی ٹرانسمیشن کو یقینی بنایا۔

اس کے ساتھ ساتھ فیلڈ نیٹ ورک کوریج، افادیت اور دیگر شعبوں میں 10 گنا بہتری کا مظاہرہ بھی کیا۔

اسے بیجنگ یونیورسٹی آف پوسٹس اینڈ ٹیلی کمیونیکیشنز نے تیار کیا۔

اس فیلڈ نیٹ ورک سے سائنسدانوں کو 6 جی ٹیکنالوجی پر تحقیق اور مختلف پہلوؤں کو جانچنے کا موقع ملے گا۔

6 جی ٹیکنالوجی کے بارے میں ابھی کچھ زیادہ تفصیلات تو موجود نہیں مگر ماہرین کا کہنا ہے کہ اس کی مدد سے ہولوگرافک کمیونیکیشن کو سائنس فکشن سے نکال کر حقیقت بنانے میں مدد ملے گی۔

اس وقت چونکہ 6 جی اسٹینڈرڈ طے نہیں ہوئے تو یہ واضح نہیں کہ یہ ٹیکنالوجی کیسی ہوگی۔

مگر ماہرین کے مطابق 6 جی ٹیکنالوجی سے موبائل نیٹ ورک پر سائبر سکیورٹی مضبوط ہوگی جبکہ اس میں آرٹی فیشل انٹیلی جنس پر مبنی زیادہ فیچرز موجود ہوں گے۔

6 جی اسٹینڈرڈ آئندہ سال طے کیے جانے کا امکان ہے اور چین کی جانب سے 6 جی کو کمرشل بنیادوں پر متعارف کرانے کے لیے کافی کام کیا جار ہا ہے۔

چین کی خواہش ہے کہ وہ اس ٹیکنالوجی کو دنیا میں سب سے پہلے 2030 تک اپنے ملک میں متعارف کرا دے۔

15/07/2024

اسلام آباد(ڈیلی پاکستان آن لائن)اسلام آباد ہائیکورٹ نے صنم جاوید کو اسلام آباد کی حدود سے باہر لے جانے سے روک دیا،عدالت نے آئی جی اسلام آباد ،ڈی جی ایف آئی اے کو طلب کر لیا،آئی جی اسلام آباد اور ڈی جی ایف آئی اے کو ساڑھے 5بجے ذاتی حیثیت میں طلب کیا گیا، عدالت نے کہاکہ ساڑھے 5 بجے صنم جاوید کو پیش کریں۔

تفصیلات کے مطابق اسلام آباد ہائیکورٹ صنم جاوید کی بازیابی کیلئے دائر درخواست پر سماعت ہوئی، جسٹس میاں گل حسن اورنگزیب نے درخواست پر سماعت کی،درخواست میں استدعا کی گئی ہے کہ صنم جاوید کو اسلام آباد ہائی کورٹ میں پیش کرنے کا حکم دیا جائے ،صنم جاوید کو غیر قانونی حراست سے فوری رہا کرنے کا حکم دیا جائے ، درخواست میں استدعا کی گئی ہے کہ صنم جاوید کیخلاف مقدمات کی تفصیلات فراہم کی ہدایت کی جائے ،صنم جاوید کیخلاف درج مقدمات پر کارروائی کو روکا جائے ،درخواست میں صنم جاوید کو حراست میں لئے جانے یا اغوا کے عمل کو غیر قانونی قرار دینے کی استدعا کی گئی ہے۔

15/07/2024

واشنگٹن: امریکی سابق صدر ڈونلڈ ٹرمپ صدارتی الیکشن مہم کے دوران ایک انتخابی ریلی میں حملہ آور کی فائرنگ میں بال بال بچ گئے۔

عالمی خبر رساں ادارے کے مطابق سابق صدر پر حملہ آور نے اُس وقت گولی چلائی جب ڈونلڈ ٹرمپ اسٹیج پر کھڑے تقریر کر رہے تھے۔ گولی ان کے کان کو چھو کر گزر گئی تھی۔

ٹرمپ نے حاضر دماغی کا مظاہرہ کرتے ہوئے ہوئے فوراً جھک گئے اور خود کو ڈیسک کے پیچھے چھپا لیا۔

اسی دوران ان کے سیکورٹی محافوں نے لپک کر سابق صدر کو حصار میں لیا اور جب تک حملہ آور کو جوابی فائرنگ میں مار نہیں دیا گیا۔ جسمانی ڈھال بنے رہے۔

حملہ آور کے مارے جانے کے بعد سیکیورٹی اہلکاروں نے ڈونلڈ ٹرمپ کو ڈیسک سے اُٹھایا اور گاڑی کی جانب لینے جانے لگے۔

سابق صدر نے سیکیورٹی اہلکاروں کو کہا کہ تھوڑی دیر رکو میں اپنا جوتا پہن لوں۔ اس کے بعد ٹرمپ مکا لہراتے ہوئے اُٹھے اور گاڑی تک گئے۔

اس دوران شرکا بھی جذباتی ہوگئے اور فائٹ فائٹ فائٹ کے نعرے لگانے لگے۔

امریکی میڈیا کے مطابق حملہ آور کی شناخت 20 سالہ تھامس میتھیو کروکس کے نام سے ہوئی ہے تاہم حملے کے محرکات کا اندازہ نہیں لگایا جا سکا۔

فائرنگ میں ایک اور شخص بھی ہلاک ہوا جس کی شناخت کا عمل جاری ہے۔

15/07/2024

جامعہ بنوریہ میں قونصل جنرل انڈونیشیا کے اعزاز میں الوداعی تقریب
پاکستان اور انڈونیشیا کے مذہبی ، ثقافتی اور تاریخی روابط ہیں ، ڈاکٹر جون کنکورو
تھائی لینڈ کے قونصل جنرل نورت سنترو ڈوم، ذیشان لویا اور انڈونیشیا کے طلبہ کی شرکت
کراچی (15 جولائی 2024)جامعہ بنوریہ عالمیہ کے رئیس مولانا ڈاکٹر نعمان نعیم کی جانب سے قونصل جنرل انڈونیشیا، ڈاکٹر جون کنکورو کے اعزاز میں الوداعی تقریب کا انعقاد کیا گیا۔ تقریب سے خطاب کرتے ہوئے انڈونیشیا کے قونصل جنرل ڈاکٹر جون کنکورو نے اعزازی تقریب کے انعقاد پر رئیس بنوریہ کا شکریہ ادا کرتے ہوئے کہاکہ پاکستان اور انڈونیشیا اسلامی برادری کے اہم ارکان ہیں اور ان کے درمیان گہرے مذہبی، ثقافتی اور تاریخی روابط ہیں، تعلیمی میدان میں بھی دونوں ممالک کے درمیان گہرا تعاون ہے، ہزاروں پاکستانی طلبہ انڈونیشیا کی مختلف یونیورسٹیوں میں تعلیم حاصل کر رہے ہیں، جبکہ انڈونیشیا سے بھی بہت سے طلبہ پاکستان میں تعلیم حاصل کرنے آتے ہیں،جامعہ بنوریہ میںان طلبہ کو گھر جیسا تعلیمی ماحول فراہم کرنے پر بنوریہ کی انتظامیہ کو مشکور ہوں،پاکستان میں اپنی پیشہ ورانہ ذمہ داریوں کے دوران مجھے بہت محبت ملی جسے میں کبھی نہیںفراموش نہیں کرسکتااپنے وطن واپس جاکر بھی پاکستان اور بنوریہ کے ساتھ یہ تعلق قائم رہے گا،رئیس الجامعہ بنوریہ عالمیہ، ڈاکٹر مولانا نعمان نعیم نے انڈونیشیا کے ساتھ سفارتی تعلقات، تعلیمی تبادلے اور دوطرفہ معیشت میں انڈونیشین قونصل جنرل ڈاکٹر جون کنکورو کے کردار کو سراہا۔ انہوں نے کہا کہ جامعہ بنوریہ عالمیہ میں پڑھنے والے انڈونیشین طلبہ انتہائی محنتی اور باصلاحیت ہیں،ان طلبا کے ساتھ ہمیشہ سے ہی انڈونیشین قونصل جنرل کا تعاون رہا ہے اور ڈاکٹر جون کنکورو کے مشکور ہیں کہ وہ ہمیشہ کی طرح آج یہاں تشریف لائے ہیں،تھائی لینڈ کے قونصل جنرل جناب نورت سنترو ڈوم نے جامعہ بنوریہ کی تعلیمی خدمات کو سراہتے ہوئے تھائی لینڈ اور پاکستان کے درمیان مضبوط تعلقات سے متعلق گفتگو کی۔تقریب میںر معروف بزنس مین ذیشان الطاف لویا ِ، انڈونیشین قونصلیٹ کے اراکین اور جامعہ بنوریہ عالمیہ شعبہ بیرون کے ڈائریکٹر شیخ فرقان ، کلیة الحدیث بنوریہ کے ڈائریکٹر ڈاکٹر محمد سروادہ اور جامعہ بنوریہ بیرون امور کے مفتی زین حسن فیروز اور جامعہ میں زیر تعلیم انڈونیشیا کے طلبہ بھی موجود تھے۔

05/07/2024

ممبئی: ایشیا کے امیر ترین شخص بھارتی بزنس ٹائیکون مکیش امبانی کے سب سے چھوٹے بیٹے اننت امبانی اور رادھیکا مرچنٹ کی شادی کی تقریبات میں پرفارم کرنے کے لیے کینیڈین پاپ اسٹار جسٹن بیبر کے معاوضے کی تفصیلات سامنے آگئیں۔

رپورٹ میں بتایا گیا کہ اننت امبانی اور رادھیکا مرچنٹ کے سنگیت کی تقریب میں پرفارم کرنے کے لیے جسٹن بیبر کو 83 کروڑ بھارتی روپے (تقریباً 2 ارب 76 کروڑ 88 لاکھ سے زائد پاکستانی روپے) معاوضہ دیا جائے گا۔

آج یعنی 5 جولائی کو امبانی خاندان کی رہائش گاہ اینٹیلیا میں اننت اور رادھیکا کے سنگیت کی تقریب منعقد ہوگی جس میں جسٹن بیبر اپنی شاندار پرفارمنس کا مظاہرہ کریں گے۔

گزشتہ روز یہ خبر سامنے آئی تھی کہ جسٹن بیبر، امبانی کے بیٹے کی شادی کی تقریبات میں شرکت کے لیے بھارت کے شہر ممبئی پہنچ چکے ہیں۔

واضح رہے کہ رواں سال مارچ میں مکیش امبانی نے اپنے بیٹے اننت امبانی اور اُن کی منگیتر رادھیکا مرچنٹ کے لیے تین روزہ پری ویڈنگ تقریبات کا انعقاد کیا تھا، یہ تمام تقریبات بھارتی ریاست گجرات کے شہر جام نگر میں منعقد ہوئی تھیں۔

پری ویڈنگ تقریبات میں دنیا بھر کی چند بااثر شخصیات اور نامور بالی ووڈ ستاروں نے شرکت کی تھی جن میں سماجی، سیاست، کاروباری، شوبز اور کھیلوں کی دنیا کی معروف شخصیات شامل تھیں۔

ان تقریبات میں امریکی گلوکارہ ریانا نے بھی پرفارم کیا تھا، اُنہوں نے اپنی پرفارمنس کے لیے 74 کروڑ بھارتی روپے معاوضہ لیا تھا۔

اس کے علاوہ اننت امبانی اور رادھیکا مرچنٹ کی شادی کا دوسرا جشن 29 مئی سے یکم جون تک اٹلی اور جنوبی فرانس میں کروز پر منایا گیا تھا جبکہ امبانی خاندان نے اننت اور رادھیکا کی شادی سے قبل 50 غریب جوڑوں کی شادی بھی کروائی۔

05/07/2024

پاکستانی شوبز انڈسٹری کی سینیئر اداکارہ عتیقہ اوڈھو نے انکشاف کیا ہے کہ اُن کے بیٹے نے ثمر علی خان سے اُن کی تیسری شادی کروائی۔

عتیقہ اوڈھو نے حال ہی میں فریحہ الطاف کے پوڈکاسٹ میں شرکت کی جہاں اُنہوں نے اپنی ازدواجی زندگی کے بارے میں کُھل کر بات کی۔

سینیئر اداکارہ نے کہا کہ میری اپنے دوسرے شوہر جاوید کے ساتھ 16 سال تک شادی رہی، ہماری ایک بیٹی بھی ہے اور ہم نے بڑے ہی مہذب انداز میں علیحدگی کی۔

اُنہوں نے کہا کہ دوسری شادی کے اختتام کے چند سال بعد ایک فیملی ایونٹ کے دوران ثمر علی خان اور میری ملاقات ہوئی تھی، ہماری وہ ملاقات کافی اچھی تھی۔

عتیقہ اوڈھو نے کہا کہ اُس کے بعد، ثمر علی خان سے کافی اچھی دوستی ہوگئی تھی، میرے گھر والوں کو بھی ثمر پسند تھے، تو ایک روز میرے بیٹے بلال نے مجھ سے کہا کہ آپ مشکل زندگی گزار رہی ہیں، ثمر علی خان اچھے انسان ہیں، وہ آپ کو پسند بھی کرتے ہیں، آپ دونوں کو شادی کرلینی چاہیے۔

اداکارہ نے کہا کہ میں نے بیٹے کی بات سُن کر کہا کہ بیٹا! تمہاری دو بہنیں بھی ہیں اور وہ مجھے ثمر کے ساتھ بالکل پسند کرتیں جس پر بیٹے نے یقین دہانی کروائی کہ بہنوں کی طرف سے بےفکر رہیں۔

انہوں نے مزید کہا کہ بیٹے کی یقین دہانی کے بعد، میں نے ثمر علی خان کو چائے پر مدعو کیا اور پھر وہاں اُنہیں شادی کی پیشکش کی جو اُنہوں نے قبول کرلی تھی۔

واضح رہے کہ عتیقہ اوڈھو کی پہلی شادی 15 سال کی عُمر میں ہوئی تھی، یہ شادی 10 سال تک چلی تھی، پہلی طلاق کے بعد اداکارہ نے اپنی مرضی سے دوسری شادی کی تھی لیکن اُن کی یہ شادی بھی 16 سال کے عرصے کے بعد ختم ہوگئی تھی۔

دو شادیوں میں ناکامی کے بعد، عتقیہ اوڈھو نے جون 2012 میں ثمر علی خان سے تیسری شادی کی۔

05/07/2024

ویب ڈیسک: پاکستان مسلم لیگ ن کے سینئر رہنما اور مشیروزیراعظم راناثناءاللہ نے اپنے ایک حالیہ بیان میں پاکستان تحریک انصاف کو ایک مرتبہ پھر مذاکرات کی پیشکش کرتے ہوئے کہا کہ اگر پی ٹی آئی 9 مئی میں ملوث نہیں تو ثبوت لائیں اور بیٹھ کر بات کریں۔

نجی ٹی وی کے پروگرام میں گفتگو کرتے ہوئے رانا ثنا اللہ نے سابق وزیراعظم اور بانی پی ٹی آئی اور ان کی جماعت کے دیگر لوگوں کی رہائی کے حوالے سے پوچھے گئے سوالات کے جواب میں عمران خان پر شدید تنقید کی۔

رانا ثنا اللہ نے کہا کہ ’بانی پی ٹی آئی پاکستان کے چہرے کو داغدار کرنے پر تلے ہوئے ہیں، ان کی یہ سوچ کہ وہ ہیں تو پاکستان ہے اور وہ نہیں تو پاکستان نہیں ہے تو اس سوچ سے انہیں نکلنا ہوگا۔‘

انہوں نے مزید کہا کہ ’ پی ٹی آئی نو مئی کے واقعات کو سیاسی احتجاج کا رنگ دینا چاہتی ہے اور کہتی ہے نو مئی سازش تھی اور وہ ملوث نہیں بلکہ یہ پلانٹ کیا گیا تو پھر ثبوت دیں کیونکہ ہمارے پاس بھی ثبوت ہیں۔‘

رانا ثنا اللہ کے مطابق ’بانی پی ٹی آئی عمران خان کو اپنے عمل کا مواخذہ اور حساب تو دینا چاہیے اور دینا ہو گا۔‘

ایک اور سوال کے جواب میں رانا ثناء اللہ نے کہا کہ ’بانی پی ٹی آئی کو حق حاصل ہے کہ وہ باہر آنے کی پوری کوشش کریں، اسی طرح پراسیکیوشن کو بھی اپنے مقدمات کی پیروی کا حق حاصل ہے تاہم ان کے باہر آنے سے کوئی طوفان نہیں آجائے گا۔‘

ان کا کہنا تھا کہ ’ملکی مسائل کا حل صرف اور صرف مذاکرات ہیں۔ نو مئی میں جو انہوں نے لوٹ مار کی اور دفاعی اداروں پر حملہ آور ہوئے، ملکی تنصیبات کو نقصان پہنچایا تو ہم اس میں ان کی کیا مدد کر سکتے ہیں۔‘

05/07/2024

کراچی: شہر قائد میں پولیس نے مقابلوں کے دوران لیاری گینگ وار کارندے سمیت 3 ملزمان کو گرفتار کرکے اسلحہ برآمد کرلیا۔

پولیس کے مطابق کلری پولیس کے ہاتھوں گرفتار ملزم کا تعلق لیاری گینگ وار عذیر بلوچ گروپ سے ہے، جو بھتہ خوری سمیت دیگر سنگین جرائم کی وارداتوں میں ملوث رہا ہے ۔

کلری پولیس نے جمعرات اور جمعہ کی درمیانی شب ماڑی پور روڈ پرانا ٹرک اڈا کے قریب سے مبینہ مقابلے کے بعد ایک ڈاکو کو زخمی حالت میں گرفتار کر لیا، جسے سول اسپتال منتقل کیا گیا، جہاں اس کی شناخت 31 سالہ محمد افضل شاہ ولد غلام مصطفیٰ کے نام سے کی گئی ۔

گرفتار ملزم سے ایک پستول بمعہ گولیاں ، موبائل فون اور نقدی برآمد کی گئی ۔ گرفتار ملزم لیاری گینگ وار کے سرغنہ عذیر بلوچ گروپ کا کارندہ اور بھتہ خوری میں ملوث رہا ہے ۔ ملزم عذیر بلوچ کے نام پر بلڈرز ، تاجروں اور دیگر سرمایہ داروں سے بھتہ وصولی و دھمکیاں دیا کرتا تھا ۔ ملزم بھتے اور ڈکیتیوں کی متعدد وارداتوں میں بھی ملوث رہا ہے ۔ گرفتار ملزم کے خلاف بغدادی ، کلری ، عید گاہ اور نپئیر تھانوں میں اسلحہ ایکٹ ، بھتہ خوری ، ڈکیتی اور منشیات فروشی سمیت دیگر دفعات کے تحت 8 مقدمات درج ہیں ۔

دریں اثنا پاپوش نگر پولیس نے جمعرات اور جمعہ کی درمیانی شب پاپوش قبرستان امجد صابری قوال مزار کے قریب سے مبینہ مقابلے کے بعد ایک زخمی سمیت 2 ڈاکوؤں کو گرفتار کر لیا ، جنہیں عباسی شہید اسپتال منتقل کیا گیا۔ زخمی حالت میں گرفتار ملزم کی شناخت شبیر احمد ولد گلزار کے نام سے کی گئی ، دوسرے گرفتار ملزم نے اپنا نام راشد اقبال ولد ظفر اقبال بتایا. گرفتار ملزمان کے دیگر ساتھی موقع سے فرار ہونے میں کامیاب ہوگئے . گرفتار ملزمان سے ایک نائن ایم ایم اور ایک 30 بور پستول بمعہ گولیاں ، 3 موبائل فون ، نقدی اور موٹرسائیکل برآمد کی گی ۔

05/07/2024

برطانیہ کے عام انتخابات میں کابینہ کے وزرار کی ریکارڈ تعداد پارلیمان میں اپنی سیٹیں دوبارہ جیتنے میں ناکام رہی۔

خبر رساں ادارے اے ایف پی کے مطابق وزیراعظم رشی سونک کی کابینہ کے نو ارکان کو شکست ہوئی ہے جبکہ اس سے قبل 1997 کے عام انتخابات میں سات ارکان کو ناکامی کا سامنا کرنا پڑا تھا۔

ہارنے والوں میں کابینہ کے ہائی پروفائل رکن اور سیکریٹری دفاع گرانٹ شیپس بھی شامل ہیں جنہوں نے لندن کے شمالی علاقے ویلوین ہٹ فیلڈ کی سیٹ لیبر پارٹی کے نمائندے کے مقابلے میں کھو دی۔

کنزرویٹو پارٹی کے دیگر ارکان اور وفاقی وزرا جنہیں حالیہ انتخابات میں شکست کا سامنا رہا،ان میں سیکریٹری تعلیم گیلین کیگن، سیکریٹری انصاف الیکس چاک، سیکریٹری ثقافت لوسی فریزر، سیکریٹری ٹرانسپورٹ اینڈ سائنس میشعل ڈونیلن بھی شامل ہیں۔

ویٹرن افیئرز کے وزیر جانی مرسر اور بریگزٹ یعنی برطانیہ کی یورپی یونین سے علیحدگی کے ہامی رہنما جیکب ریس موگ بھی انتخابی دوڑ میں ہار گئے۔

دوسری جانب لندن ریفارم یو کے پارٹی کے قائد اور بریگزٹ کی مہم میں اہم کردار ادا کرنے والے نائجل فراج آٹھویں مرتبہ کوشش کے نتیجے میں پارلیمان میں ایک سیٹ جیتنے میں کامیاب رہے۔

کلیکٹن سے 46 فیصد ووٹوں سے نشست جیتنے والے نائجل فراج نے کہا ’آئندہ چند سالوں میں میرا قومی سطح پر تحریک شروع کرنے کا پلان ہے اور امید ہے یہ اتنی بڑی ہو کہ 2029 میں عام انتخابات کو ٹھیک طریقے سے چیلنج کر سکیں۔‘

انہوں نے کہا کہ لیبر پارٹی جلد ہی مشکل میں ہوگی اور ان کے ووٹرز کو ٹارگٹ کریں گے۔

05/07/2024

وزیرِ خارجہ اسحاق ڈار نے کہا ہے کہ پی ٹی سی ایل کی نجکاری کا پرویز مشرف دور میں بے ہودہ معاہدہ کیا گیا۔

سینیٹ اجلاس میں اظہار خیال کرتے ہوئے اسحاق ڈار نے کہا کہ اس کی وجہ سے پراپرٹی منتقلی کا مسلم لیگ ن، پیپلز پارٹی اور پی ٹی آئی بھی مسئلہ حل نہ کر سکیں۔

اسحاق ڈار نے کہا کہ 800 ملین ڈالرز جو آنے تھے وہ نہ آسکے، اسٹیل ملز کی نجکاری نہ ہونے سے سیکڑوں ارب کا نقصان ہوا، ایک اسپشل کمیٹی بننی چاہیے جو دیکھے کہ اب تک اسٹیل ملز کی نجکاری کیوں نہیں ہوئی۔

وفاقی وزیر نے کہا کہ اسٹیل مل مشرف دور سے اب تک کارگردگی نہیں دکھا پارہی۔

نائب وزیراعظم اور وزیرِ خارجہ اسحاق ڈار نے کہا کہ غزہ پر حکومت کا واضح مؤقف ہے، ہر فورم پر پاکستان کا مطالبہ ہے اسرائیل کی بربریت کو بند ہونا چاہیے۔

اسحاق ڈار کا کہنا تھا کہ حکومت نے غزہ کی حمایت کی کوشش شروع کر رکھی ہے، او آئی سی میں بھرپور آواز اٹھائی، ڈی ایٹ میں بھی آواز اٹھائی، غزہ کو امداد ملنی چاہیے، ہم نے غزہ کو امداد بھیجی ہے۔

انہوں نے کہا کہ اسرائیل کے خلاف جنگی جرائم کے حوالے سے عالمی عدالت میں کارروائی ہونی چاہیے، فلسطینی عوام کا قتل عام بند ہونا چاہیے، وزیراعظم نے آستانہ میں اسرائیل کی مذمت کی۔

اسحاق ڈار نے کہا کہ غزہ کے آخری سال کے میڈیکل طالب علموں کو پاکستان سہولت دے گا، پی ایم ڈی سی کو تجویز دی کہ فلسطینی میڈیکل اسٹوڈنٹس کو سہولت دیں، وزارت خارجہ کی درخواست پر فلطسینی طلبہ کو تسلیم شدہ کالجز میں تعلیم دیں گے، فلسطینی میڈیکل طلبہ پاکستان آئیں گے۔

05/07/2024

اسلام آباد۔5جولائی (اے پی پی):وزیر اعظم کے کوآرڈینیٹر برائے صحت ڈاکٹر ملک مختار احمد بھرتھ نے کہا ہے کہ نرسنگ کا شعبہ صحت کے شعبے میں ریڑھ کی ہڈی کی حیثیت رکھتا ہے، نیویارک میں پاکستانی نرسوں کی ملازمت کے عمل کو آسان بنانے کے لیے ریاستی سطح پر ایک ایم او یو کا مسودہ تیار کرنے پر اتفاق ہوا ہے۔ وزارت صحت سے جاری بیان کے مطابق ا ن خیالات کا اظہار انہوں نے نیویارک سٹیٹ کے ڈپٹی سپیکر فل راموس سے ملاقات کے دوران گفتگوکرتےہوئے کیا ۔ اس موقع پر امریکن پاکستانی پبلک افیئرز کمیٹی کےچیئرمین ڈاکٹر اعجاز احمد بھی ان کے ہمراہ تھے ۔ ملاقات میں دو طرفہ تعاون اور باہمی دلچسپی کے امور پر بات چیت کی گئی۔ ڈاکٹر ملک مختار احمد بھرتھ نے نیویارک اور امریکن پبلک افیئر کمیٹی کے ساتھ تعاون بڑھانے کیلیے اپنے پختہ عزم کا اظہار کیا۔ ڈاکٹرملک مختار احمد بھرتھ نے کہاکہ ملاقات کا مقصد پبلک اور پرائیویٹ سیکٹر میں نرسوں کی ضروریات کو پورا کرنے کے لیے مستقبل کے تعاون پر لائحہ عمل تشکیل دینا تھا۔

انہوں نے کہاکہ نرسنگ کا شعبہ صحت کے شعبے میں ریڑھ کی ہڈی کی حیثیت رکھتا ہے۔دوسرے ممالک میں نرسوں کی بڑھتی ہوئی مانگ کو مدنظر رکھتے ہوئے موثر اقدامات کو یقینی بنایاہے ۔پاکستان میں نرسنگ کالجوں اور یونیورسٹیوں کی تعداد میں بھی اضافہ ہوا ہے۔ انہوں نے کہاکہ اسلام آباد میں بحرین حکومت کے تعاون سے سٹیٹ آف آرٹ نرسنگ یونیورسٹی تکمیل کے مراحل میں ہے۔ انہوں نے کہا کہ نیویارک میں پاکستانی نرسوں کی ملازمت کے عمل کو آسان بنانے کے لیے ریاستی سطح پر ایک ایم او یو کا ڈرافٹ تیار کرنے پر اتفاق ہوا ہے۔موجودہ حکومت صحت کے شعبے میں بہتری لانے کیلیے پر عزم ہے۔ اس موقع پر ڈپٹی سپیکر فل راموس نے کہا کہ صحت کے شعبے میں پاکستان کے ساتھ گہرے تعلقات ہیں ۔ پاکستان بھر سے مرد اور خواتین نرسز حاصل کرنے کے بہت زیادہ امکانات ہیں ۔

05/07/2024

گاڑی کی ٹکر سے جاں بحق ہونے والے شکیل تنولی کے والد رفاقت تنولی کی گرفتاری کے خلاف اسلام آباد ہائیکورٹ میں درخواست دائر کردی گئی ہے

اسلام آباد ہائیکورٹ میں دائر درخواست میں ڈی سی، آئی جی اسلام آباد پولیس، ایس ایچ او تھانہ کوہساراورتھانہ کھنہ کو فریق بنایا گیا ہے،درخواست میں استدعا کی گئی کہ عدالت رفاقت تنولی اور فیملی ممبران کو بازیاب کرانے کے احکامات جاری کرے، دوسرے فیملی ممبرزکی بازیابی کے احکامات بھی جاری کیے جائیں،شکیل تنولی قتل کیس میں عدالتی احکامات پرعملدرآمد نہ ہونے پرپریس کلب کے سامنے احتجاجی مظاہرہ کیا گیا، تھانہ کھنہ کے ایس ایچ او نے احتجاجی مظاہرین پرغیرقانونی طور بیہمانہ تشدد کیا، احتجاجی مظاہرین کو غیرقانونی طور پر گرفتار کیا گیا ، گرفتار افراد کو نامعلوم مقام پرحراست میں رکھا گیا ہے رفاقت تنولی اپنے بیٹے شکیل تنولی کے قتل کے مقدمے میں مدعی ہیں، پرامن احتجاج رفاقت تنولی کا قانونی حق ہے، انصاف کے تقاضے پورے کرنے کے لیے متعلقہ افسران کو طلب کیا جائے، بیلف مقرر کرکے رفاقت تنولی اور دیگر افراد کو بازیاب کروایا جائے، فریقین کو اختیارات کے غلط استعمال سے روکا جائے،ایس ایچ او تھانہ کوہسار کو عدالت کے 24 جون کے فیصلے پر عملدرآمد کا حکم دیا جائے، رفاقت تنولی کا بیان قلمبند کیا جائے

واضح رہے گزشتہ روز بیٹے کے قاتلوں کی گرفتاری کا مطالبہ کرنے والے باپ کو ہی پولیس نے گرفتار کر لیا،اسلام آباد پولیس نے نیشنل پریس کلب کے باہر احتجاجی کیمپ پر دھاوا بول دیا، شکیل تنولی مرحوم کے والد رفاقت تنولی سمیت پانچ افراد کو گرفتار کرلیا گیا

05/07/2024

پشاور: پیٹرولیم ڈیلرز کی جانب سے ہڑتال کی وجہ سے شہریوں کو مشکلات کا سامنا کرنا پڑ رہا ہے جب کہ ٹرانسپورٹرز نے موقع سے فائدہ اٹھاتے ہوئے کرایوں میں اضافہ کردیا۔

پاکستان پیٹرولیم ڈیلرز ایسوسی ایشن کی جانب سے نئے مالی سال کے بجٹ میں 0.5 فی صد ٹیکس عائد کیے جانے کے خلاف ملک بھر میں احتجاج کیا جا رہا ہے، جس کے تحت پیٹرول پمپس بند کردیے گئے ہیں۔

خیبر پختونخوا میں بھی صوبائی دارالحکومت سمیت تمام چھوٹے بڑے شہروں میں پیٹرول پمپ بند ہونے سے عوام کو شدید مشکلات کا سامنا کرنا پڑ رہا ہے جب کہ شدید گرمی میں لوگ پیدل چلنے پر بھی مجبور ہوگئے۔

پمپس بند ہونے کی وجہ سے پیٹرولیم مصنوعات کی عدم دستیابی کے باعث مسافروں کو بھی مشکلات کا سامنا کرنا پڑا اور ٹرانسپورٹرز نے موقع سے فائدہ اٹھاتے ہوئے کرایوں میں اضافہ کردیا۔ شہریوں نے پیٹرول پمپ مالکان اور حکومت سے مسئلہ حل کرنے اور احتجاج ختم کرنے کا مطالبہ کیا ہے

دوسری جانب پیٹرولیم ایسوسی ایشن کا کہنا ہے کہ جب تک حکومت ٹیکس پر چھوٹ نہیں دے گی، تب تک احتجاج جاری رہے گا۔

05/07/2024

ہوائی سفر کے دوران ایسے واقعات رونما ہوتے رہے ہیں جس کے باعث ایمرجنسی لینڈنگ تک کرنا پڑ جاتی ہے، ایسا ایک حیران کن واقعہ امریکی پرواز کے ساتھ ہوا ہے۔

حال ہی میں امریکی ائیرلائن کی پرواز میں مسافر کی جانب سے جہاز کی سیٹ پر ہی نامناسب حرکت کی گئی ہے، جسے حراست میں لے لیا گیا ہے، پرواز پورٹ لینڈ سے روانہ ہوئی تھی۔

تفصیلات کے مطابق واقعہ بدھ کے روز یہ واقعہ پیش آیا ہے، جبکہ 25 سالہ مسافر نیل مک کیرتھی نے اعتراف کرتے ہوئے کہا کہ اسے ایک طبی مسئلہ لاحق ہے، جس کے باعث نامناسب حرکت کی اور سیٹ کو ہی بیت الخلاء بنا دیا۔

25 سالہ مسافر کی اس حرکت پر دیگر مسافروں کی جانب سے شدید شور شرابا کیا جا رہا تھا، جس کے بعد پرواز کو امریکی شہر بفیلو کے ائیرپورٹ ہنگامی لینڈنگ کی اجازت مل پائی۔

جبکہ مسافر کی جانب سے پولیس کو بتانا تھا کہ پرواز کے دوران اس نے پانی زیادہ پیا تھا، جبکہ مشروبات کا استعمال بھی زیادہ کیا تھا۔ تاہم بوفیلو کے کورٹ برائے جرائم میں مسافر کے خلاف مجرمانہ عمل کی شکایت درج ہوئی ہے۔

مسافر نے بتایا کہ شکاگو ائیرپورٹ پر بھی انہوں نے کولڈ ڈرنکس کا استعمال کیا تھا، جس کے باعث مسافر دوران پرواز اپنی سیٹ پر ہی واش روم کر رہا تھا۔

پولیس کی جانب سے مسافر کو بوفیلو نیاگرا انٹرنیشنل ائیرپورٹ سے گرفتار کیا گیا، جبکہ نامناسب حرکت کی دفعات کے تحت مسافر کو گرفتار کیا گیا، اس دفعات کے تحت کسی بھی مجرم کو زیادہ سے زیادہ 6 ماہ قید کی سزا ہو سکتی ہے۔

03/07/2024

آئل ٹینکرز اونر ایسوسی ایشن نے پیٹرولیم ڈیلرز ایسوسی ایشن کی جانب سے پانچ جولائی کو ہونے والی ہڑتال سے لاتعلقی کا اعلان کردیا۔

پاکستان پیٹرولیم ڈیلرز ایسوسی ایشن نے اعلان کیا تھا کہ ایڈوانس ٹیکس واپس نہ ہوا تو 5 جولائی کو پورا ملک بند کردیں گے۔

پاکستان پیٹرولیم ڈیلرز ایسوسی ایشن کے چئیرمین عبدالسمیع خان نے کہا تھا کہ پیٹرولیم ڈیلرز کا وفد اسلام آباد جارہا ہے، وہاں ہم وزیرخزانہ، پیٹرولیم منسٹر اور چئیرمین ایف بی آر سے ملنے کی کوشش کریں گے، مسائل حل نہ ہوئے تو 5 جولائی کو پورا ملک بند کردیا جائے گا۔

جس کے بعد آئل ٹینکرز ایسوسی ایشن نے ہڑتال سے لاتعلقی کا اعلان کیا۔

آئل ٹینکرز ایسوسی ایشن کے چیئرمین شمس شاہوانی کا کہنا ہے کہ ملک بھر میں پیٹرول اور ڈیزل کی فراہمی جاری رہے گی، موجودہ صورت حال میں سپلائی بند کرنے کا سوچ نہیں سکتے۔

انہوں نے کہا کہ ہم نے صارفین کو پریشانی سے بچانے کے لئے فیصلہ کیا ہے۔

Address

Office No. 313, 5th Floor, Amber Medical Center , Main M. A. Jinnah Road
Karachi

Telephone

+923448820354

Website

http://www.votnewshd.tv/

Alerts

Be the first to know and let us send you an email when VOT News HD 24/7 posts news and promotions. Your email address will not be used for any other purpose, and you can unsubscribe at any time.

Videos

ویب ڈیسک: صوبہ پنجاب کے بڑے شہر فیصل آباد کی تحصیل جڑانوالہ میں قرآن پاک کی بے حرمتی کا واقعہ پیش آیا، قرآن پاک کی بے حرمتی کے مبینہ واقعے پر پولیس نے توہینِ مذہب کی دفعات کے تحت مقدمہ درج کرلیا ہے۔ ایف آئی آر کے مطابق شہری پرجڑانوالہ کے سنیما چوک میں توہین آمیز کلمات کہنے اور قرآن پاک کی بے حرمتی کرنے کا الزام ہے۔ ذرائع کے مطابق واقعے کی اطلاع ملنے پر پولیس سنیما چوک پہنچی تو وہاں قرآن پاک کے اوراق موجود تھے جن پر سرخ قلم سے توہین آمیز الفاظ تحریر تھے اور ملزم موقع سے فرار ہوچکا تھا۔ واقعے کی خبر پھیلتے ہی لوگ سڑکوں پر نکل آئے، اس دوران مشتعل افراد نے ایک چرچ اور اس کے آس پاس متعدد مکانات نذر آتش کر دیئے، اس واقعے کے بعد شہر کے حالات کشیدہ ہو گئے اور حالات قابو کرنے کیلئے رینجرز طلب کر لی گئی۔ ذرائع کے مطابق ملزم کے خلاف توہینِ مذہب کی دفعات 295 بی اور 295 سی کے تحت مقدمہ درج کیا گیا ہے جس کے تحت جرم ثابت ہونے پر اسے سزائے موت سنائی جاسکتی ہے۔ واقعے کے بعد مشتعل افراد مقامی چرچ کے باہر پہنچے جہاں چند مشتعل افراد نے توڑ پھوڑ کی اور پھر وہاں آگ لگا دی۔ چرچ آف پاکستان کے صدر بشپ آزاد مارشل نے سماجی رابطوں کی ویب سائٹ ایکس (ٹوئٹر) پرلکھا کہ قرآن پاک کی بے حرمتی کا الزام جھوٹا ہے۔ انہوں نے کہا کہ قانون نافذ کر

کراچی چڑیا گھر کے مناظر آخری دفعہ نورجہاں اور اس کو دیکھنے والا شخص یوسف مسیح ان سے ہم نے بات کی لیکن اس وقت نورجہاں بہت ایکٹر تھی لیکن آج ہاتھ نورجہان میں نہیں.

عمران خان اور بشریی بی بی کے نکاح کا معاملہ، نکاح خواں مفتی سعید کا ویڈیو پیغام جاری

کیا یہ قانون صرف کراچی کے عام شہری پر ہی لاگو ہوتا ہے جو کہ تمام یوٹیلیٹی بل باقاعدگی کے ساتھ ادا کرتا ہے اور اس کے بعد بھی انہیں سب چیزوں سے محروم رہتا ہے جس کو وہ ٹیکس کے ساتھ ادا کر دیتا ہے لہذا میری گزارش کی جاتی ہے قانون نافذ کرنے والے اداروں سے گورنر سندھ سیمسنگ آئی جی سندھ اور ڈی جی رینجرز سے کہ اس چیز کو دیکھیں لہذا یہ بچہ اتنا کس کی سرپرستی میں آگ بگولہ ہو رہا ہے.

بول نیوز کی ٹیم پر صدر میں حملہ بول نیوز کی ٹیم مہنگائی پر کوریج کے لیے فروٹ مارکٹ میں موجود تھے گراں فروش فروٹ مارکیٹ سے کیمرامین دانیال اور کاشف حمید پر حملہ کیا، چھریوں سے وار کیے گئے کیمرا اور ودیگر سامان چھیں لیا گیا جھانگیر پارک کے قریب خاتون کو بھی تششد کا نشانہ بنایا گیا کیمرامین دانیال جان بچا کر بھاگے ڈی آئی جی ساؤتھ عرفان بلوچ کی جانب سے ایمپریس مارکیٹ بول نیوز کی ٹیم پر حملے کا نوٹس کراچی۔ حملے میں ملوث 4 افراد کو حراست میں لے لیا ہے۔ ڈی آئی جی ساؤتھ عرفان بلوچ

اسلام آباد میں عورت مارچ کا پہلا نتیجہ مارچ میں شریئک خوجہ سراؤں اور صحافیوں میں تو تو میں میں دست درازی تک جا پہنچی گھمسان کے رن میں مکوں، ٹھڈوں کے ساتھ ساتھ برتنوں کا بھی آزاداںہ استعمال ۔۔۔۔۔۔۔۔۔۔

جامشورو سندھ میں فجر کے وقت کراچی سے بائیک پر سفر کرنے والے ٹورسٹ کو ڈاکوؤں نے لوٹ لیا

2022 میں ہونے والی تباہی اور 2022 کی چیلنج سے جو چیزیں ہم لوگوں نے فیس کی باحیثیت پاکستانی قوم اس پر ہم نے اپنے پینل پر بات کی

Promo of Wilson Gill Show | Voice Of Truth News |

VOT News HD 24/7

15/07/2024

15/07/2024

15/07/2024

15/07/2024

15/07/2024

15/07/2024

15/07/2024

05/07/2024

05/07/2024

05/07/2024

05/07/2024

05/07/2024

05/07/2024

05/07/2024

05/07/2024

05/07/2024

05/07/2024

03/07/2024

Address

Telephone

Website

Alerts

Videos

Shortcuts

Share

Category