CN . Digital

13/12/2025

انصاف یوتھ ونگ میں اہم تنظیمی تبدیلی، عبدالواسع محسود ساؤتھ ریجن خیبر پختونخوا کے صدر مقرر

پشاور (ڈسٹرکٹ پریس کلب ساؤتھ وزیرستان اپر):
انصاف یوتھ ونگ میں ایک اہم تنظیمی پیش رفت سامنے آئی ہے، جس کے تحت عبدالواسع محسود کو ساؤتھ ریجن خیبر پختونخوا کا صدر مقرر کر دیا گیا ہے۔ اس تقرری کی باضابطہ منظوری انصاف یوتھ ونگ کے مرکزی صدر احسان طور، جنرل سیکرٹری مبشر عباسی اور مرکزی کابینہ نے دی۔

نومنتخب صدر عبدالواسع محسود نے اس اعتماد پر مرکزی قیادت کا شکریہ ادا کرتے ہوئے کہا کہ وہ قائد عمران خان کے وژن اور حقیقی آزادی کی جدوجہد کو پوری لگن، عزم اور دیانت داری کے ساتھ آگے بڑھائیں گے۔ انہوں نے کہا کہ نوجوانوں کو منظم، متحرک اور پارٹی کے نظریے سے ہم آہنگ کرنا ان کی اولین ترجیح ہوگی۔

انہوں نے مزید کہا کہ اجتماعی مشاورت، ٹیم ورک اور نظم و ضبط کے ذریعے انصاف یوتھ ونگ کو مزید فعال اور مؤثر بنایا جائے گا تاکہ تنظیمی سطح پر مضبوط اور منظم کردار ادا کیا جا سکے۔

سیاسی و تنظیمی حلقوں کا کہنا ہے کہ عبدالواسع محسود کی تقرری سے ساؤتھ ریجن خیبر پختونخوا میں انصاف یوتھ ونگ کی سرگرمیوں کو نئی سمت ملے گی اور تنظیمی ڈھانچے کو مزید استحکام حاصل ہوگا۔

02/12/2025

گرہ بلوچ ہائی سکول ٹانک اس وقت متعدد سنگین مسائل سے دوچار ہے جن کے باعث تعلیمی ماحول اور طلبہ کی کارکردگی بری طرح متاثر ہو رہی ہے۔ صدر ڈسٹرکٹ پریس کلب ساؤتھ وزیرستان (اپر) ملک حیات اللہ محسود نے حال ہی میں سکول کا خصوصی دورہ کیا اور سکول کے پرنسپل سے اہم امور پر تفصیلی گفتگو کی۔

21/11/2025

سب انسپکٹر وسیم مسعود کو ایس ایچ او تعینات کر دیا گیا
ذرائع کے مطابق سب انسپکٹر وسیم مسعود کو ان کی شاندار کارکردگی اور پیشہ ورانہ صلاحیتوں کے اعتراف میں لدھا پولیس اسٹیشن پر ایس ایچ او تعینات کر دیا گیا ہے۔

یاد رہے کہ وسیم مسعود کا شمار نہ صرف تعلیم یافتہ بلکہ دبنگ اور قابل افسران میں ہوتا ہے۔ عوامی خدمت، قانون نافذ کرنے اور جرائم کے خاتمے کے حوالے سے ان کی خدمات ہمیشہ قابلِ تعریف رہی ہیں۔

تقرری کے بعد عوامی و سماجی حلقوں نے ان کے لیے نیک خواہشات کا اظہار کرتے ہوئے امید ظاہر کی ہے کہ وہ اپنے تجربے اور سنجیدگی سے لدھا میں بہترین امن و امان کو یقینی بنائیں گے۔

21/11/2025

سب انسپکٹر قادر خان مسعود کی بطور ایس ایچ او تیارزہ تعیناتی پر مبارکباد

تیارزہ (نامہ نگار) —— سب انسپکٹر قادر خان مسعود کو ایس ایچ او تھانہ تیارزہ تعینات کیے جانے پر مقامی عوام، معززینِ علاقہ اور پولیس افسران نے دلی مبارکباد پیش کی ہے۔ ان کی تعیناتی کا خیرمقدم کرتے ہوئے علاقہ مکینوں نے کہا کہ سب انسپکٹر قادر خان مسعود کا شمار ضلع کے دبنگ، فعال اور فرض شناس افسران میں ہوتا ہے۔

مقامی لوگوں نے امید ظاہر کی ہے کہ ان کی تعیناتی سے علاقے میں امن و امان کی صورتحال میں مزید بہتری آئے گی جبکہ جرائم کے خاتمے اور عوامی مسائل کے بروقت حل میں پیش رفت متوقع ہے۔ عوام نے ان کے لیے نیک تمناؤں کا اظہار کرتے ہوئے دعا کی کہ وہ اپنی ذمہ داریاں ایمانداری، جذبے اور پیشہ ورانہ مہارت کے ساتھ سرانجام دیں۔

21/11/2025

سب انسپکٹر نوید نادر کی بطور ڈسٹرکٹ ٹریفک پولیس آفیسر تعیناتی پر مبارکباد

وزیرستان (نامہ نگار) —— سب انسپکٹر نوید نادر کو ڈسٹرکٹ ٹریفک پولیس آفیسر تعینات کیے جانے پر مختلف شعبۂ زندگی سے تعلق رکھنے والے افراد نے دلی مبارکباد پیش کی ہے۔ ان کی تعیناتی کو خوش آئند قرار دیتے ہوئے مقامی عوام اور معزز شخصیات نے کہا کہ نوید نادر کا شمار وزیرستان کے قابل، باصلاحیت اور فرض شناس پولیس افسران میں ہوتا ہے۔

علاقہ مکینوں نے امید ظاہر کی ہے کہ وہ اپنے تجربے اور پیشہ ورانہ مہارت کی بدولت ضلع میں ٹریفک نظام کو مزید بہتر بنانے اور عوامی سہولت کو یقینی بنانے میں اہم کردار ادا کریں گے۔ لوگوں نے ان کے لیے نیک خواہشات کا اظہار کرتے ہوئے کہا کہ اُن کی تعیناتی سے ٹریفک مینجمنٹ کے نئے اور مثبت نتائج سامنے آئیں گے۔

21/11/2025

سب انسپکٹر امان الدین کی بطور ایس ایچ او مکین تعیناتی پر مبارکباد

سب انسپکٹر امان الدین کو ایس ایچ او تھانہ مکین تعینات کیے جانے پر دلی مبارکباد پیش کی جاتی ہے۔ علاقے کے عوام اور ساتھی افسران نے ان کی تعیناتی کا خیرمقدم کرتے ہوئے امید ظاہر کی ہے کہ وہ اپنی پیشہ ورانہ صلاحیت، تجربے اور دیانت داری کے ساتھ امن و امان برقرار رکھنے میں اہم کردار ادا کریں گے۔

اہلِ علاقہ نے نیک تمناؤں کا اظہار کرتے ہوئے کہا کہ امان الدین کی تعیناتی سے پولیس سروس میں مثبت بہتری اور بہتر عوامی رابطہ کاری کو فروغ ملے گا۔ ہم ان کے لیے کامیابیوں اور بہترین کارکردگی کی دعا کرتے ہیں۔

21/10/2025

11/10/2025

جنوبی وزیرستان کے فیز فائیو پولیس اہلکاروں کے لیے صحافی ملک اکرام علی کا اہم ویڈیو پیغام

11/10/2025

آتش محسود پر حملہ آزادیِ صحافت پر حملہ ہے، ڈسٹرکٹ پریس کلب جنوبی وزیرستان اپر

جنوبی وزیرستان اپر کے علاقے خیسورہ میں نامعلوم مسلح افراد کی فائرنگ سے معروف صحافی اور سماجی کارکن قبلہ خان عرف آتش محسود کے زخمی ہونے کے واقعے پر ڈسٹرکٹ پریس کلب جنوبی وزیرستان اپر گہری تشویش اور افسوس کا اظہار کرتا ہے۔

05/10/2025

ساؤتھ وزیرستان اپر تحصیل لدھا میں اس وقت شدید فائرنگ کا واقعہ پیش آیا ہے۔ مقامی ذرائع کے مطابق اسمان منزہ بریگیڈ کی جانب سے مردارلگڈ پر اندھا دھند فائرنگ کی گئی، جس کے باعث علاقے میں خوف و ہراس پھیل گیا۔ اچانک ہونے والی اس فائرنگ سے شہریوں میں شدید بے چینی اور اضطراب پیدا ہوگیا ہے جبکہ حالات کشیدہ ہو گئے ہیں۔ علاقہ مکینوں نے اس واقعے پر سخت تشویش کا اظہار کرتے ہوئے کمانڈر ساؤتھ وزیرستان اور وزیراعلیٰ خیبر پختونخوا سے فوری نوٹس لینے کا مطالبہ کیا ہے تاکہ علاقے میں امن و امان کی صورتحال بحال کی جا سکے۔ عوام کا کہنا ہے کہ اگر اس معاملے پر فوری ایکشن نہ لیا گیا تو حالات مزید بگڑ سکتے ہیں۔ مقامی لوگوں نے اعلیٰ حکام سے مطالبہ کیا ہے کہ اس طرح کے واقعات کی روک تھام کے لیے ٹھوس اقدامات کیے جائیں تاکہ شہری خود کو محفوظ محسوس کر سکیں۔

04/10/2025

یوچر یوتھ لیڈرز کانفرنس، قلعہ بالا حصار میں انعقاد

پشاور(ڈسٹرکٹ پریس کلب ساؤتھ وزیرستان اپر ) آئی جی ایف سی (نارتھ) میجر جنرل راؤ عمران سرتاج نے قلعہ بالا حصار میں منعقدہ "فیوچر یوتھ لیڈرز کانفرنس" میں بطور مہمانِ خصوصی شرکت کی۔

تقریب میں باجوڑ، خیبر، مہمند، چترال، شانگلہ اور صوابی سمیت خیبر پختونخوا کی مختلف جامعات کے 500 طلبہ و طالبات نے شرکت کی۔

آئی جی ایف سی (نارتھ) نے نوجوانوں کی آواز کی اہمیت پر زور دیتے ہوئے کہا کہ نوجوان ملک کے مستقبل کی تعمیر میں بنیادی کردار ادا کر سکتے ہیں۔ انہوں نے کہا کہ نوجوان نہ صرف تعلیم میں بلکہ سماجی ترقی، امن اور ہم آہنگی کے فروغ میں بھی فعال کردار ادا کریں۔

میجر جنرل راؤ عمران سرتاج نے شرکاء کو ہدایت کی کہ سوشل میڈیا پر گردش کرنے والی غلط معلومات اور متنازع مواد سے ہوشیار رہیں اور اس کے بجائے امن و امید کے پیغامات پھیلائیں۔

کانفرنس کے دوران سکیورٹی فورسز کی قربانیوں کو خراجِ تحسین پیش کیا گیا۔ نوجوانوں کو خبردار کیا گیا کہ وہ قبائلی علاقوں میں کسی بھی قسم کے منفی اثر و رسوخ یا دباؤ کا شکار نہ ہوں۔

شرکاء کو مثبت قیادت، معاشرتی ذمہ داری اور پرامن سرگرمیوں میں حصہ لینے کی اہمیت سے بھی آگاہ کیا گیا۔

تقریب کے اختتام پر مہمانِ خصوصی نے آرگنائزنگ کمیٹی کے ممبران کو شیلڈز پیش کیں، گروپ فوٹو لیا گیا اور شرکاء کو لنچ کے ساتھ فرنٹیئر کور کی ہسٹری بک بطور تحفہ دی گئی۔