90snews

09/08/2023

17/06/2023

وزیر خزانہ نے پٹرولیم مصنوعات کی قیمتوں میں کمی کرنے کا یقین دلایا

ہر کوئی چاہتا ہے کہ عام آدمی کو ریلیف ملنا چاہیئے،آئندہ دنوں میں پٹرولیم مصنوعات کی قیمتوں میں واضح کمی آئے گی۔وزیر داخلہ راناثںاء اللہ کی پریس کانفرنس

اسلام آباد(17 جون 2023ء) وفاقی وزیرداخلہ راناثناء اللہ نے پریس کانفرنس کرتے ہوئے کہا کہ ناموس رسالت ہر مسلمان کے ایمان کا حصہ ہے، ٹی ایل پی کے تحفظات ناموس رسالت کے حوالے سے ہی تھے،اتفاق رائے سے ایک طریقہ کار پر پہنچ گئے ہیں۔تحریک لبیک نے اپنے مطالبات کیلئے پُر امن مارچ کیا، ٹی ایل پی اور حکومت کے درمیان معاملات خوش اسلوبی سے طے پا گئے۔

ایک کمیٹی تشکیل دی ہے اس میں قانون نافذ کرنے والے اداروں سے لوگ شامل ہوں گے۔وزیر داخلہ نے مزید کہا کہ عافیہ صدیقی کا معاملہ قومی سطح کا ایشو بنا ہے۔ڈاکٹر عافیہ صدیقی کے حوالے سے حکومت کی سنجیدہ کوششوں میں اور بہتری لائی جائے گی،حکومت ڈاکٹر عافیہ صدیقی کے حوالے سے خط بھی لکھے گی۔ڈاکٹر عافیہ صدیقی کے معاملے پر ہر پاکستان جذباتی ہے۔
ڈاکٹر عافیہ صدیقی کو 86 سال قید کی سزا دینا نا انصافی ہے۔ڈاکٹر عافیہ صدیقی کو بنیادی انسانی حقوق سے بھی محروم رکھا گیا ہے۔ وزیر داخلہ نے مزید کہا کہ ہر کوئی چاہتا ہے کہ عام آدمی کو ریلیف ملنا چاہیئے، وزیر خزانہ اسحاق ڈار نے یقین دہانی کرائی ہے کہ پٹرولیم مصنوعات کی قیمتوں میں کمی ہو گی۔آئندہ دنوں میں پٹرولیم مصنوعات کی قیمتوں میں واضح کمی آئے گی۔

دوسری جانب وزیر مملکت برائے پیٹرولیم مصدق ملک نے پروگرام ’’ آج شاہزیب خانزادہ کے ساتھ ‘‘ بات چیت کرتے ہوئے کہا کہ ابتدائی طور پر سرکاری ریفائنریز کو روسی تیل فراہم کر رہے ہیں،اس کے بعد نجی ریفائنریز بھی لینا چاہیں تو روسی تیل لے سکیں گی۔ انہوں نے بتایا کہ ہم نے جو کمرشل ڈیل کی ہے اس میں ملک کو فائدہ ہے،پاکستان کو روسی تیل خریدنے سے کوئی نقصان نہیں۔ روسی تیل لانے سے ہمارے انشورنس کاسٹ بڑھی ہے،ہمارا فائدہ بہت ہے لیکن کتنا فائدہ ہو گا یہ نہیں بتا سکتے۔ وزیر مملکت نے عندیہ دیا کہ ایک سے ڈیڑھ ماہ میں آذربائیجان سے سستی گیس بھی ملے گی۔

16/06/2023

محکمہ اینٹی کرپشن سرگودھا نے پٹواری کو منشی سمیت رشوت لیتے ہوئے رنگے ہاتھوں گرفتار کر لیا

سرگودھا(16 جون2023ء) محکمہ اینٹی کرپشن سرگودھا نے پٹواری کو منشی سمیت رشوت لیتے ہوئے رنگے ہاتھوں گرفتار کر لیا اور رشوت کی رقم ایک لاکھ روپے برآمد کر کے ملزمان کے خلاف مقدمہ درج کر کے مصروف تفتیش ہے
محکمہ مال کے پٹواری محمد عبداللہ عامر اور اس کے منشی محموالحسن نے وراثتی انتقال پاس کروانے کے لیے شہر کے علاقہ کوٹ فرید کے شہری عبدالجبار سے ایک لاکھ روپے رشوت وصول کی جس کی اطلاع پر محکمہ اینٹی کرپشن کی ٹیم نے مجسٹریٹ کی موجودگی میں چھاپہ مار کر پٹواری اور منشی کو ایک لاکھ روپے رشوت لیتے ہوئے رنگے ہاتھوں گرفتار کر لیا اور رشوت لی گئی رقم کے نشان زدہ نوٹ برآمد کرکے مقدمہ درج کر لیا اور مصروف تفتیش ہے۔

16/06/2023

ایشیا کپ کے پاکستان میں صرف چار میچ: ’یہ کیسا ہائبرڈ ماڈل ہے جس کا میزبان ملک کو ہی فائدہ نہیں‘
ایشیا کپ پاکستان میں ہو گا یا ہائبرڈ ماڈل کے تحت کچھ میچ پاکستان اور کچھ اس سے باہر، پاکستان ٹورنامنٹ کا بائیکاٹ کرے گا یا انڈیا اور ایسی بہت سی افواہیں پاکستانی اور انڈین میڈیا پر گردش کرتی رہیں اور پاکستان اور انڈیا کے سیاسی تناؤ کے درمیان ’کرکٹ کی ہار‘ کا امکان نظر آیا۔

تاہم گذشتہ روز بالآخر اس حوالے سے ایشین کرکٹ کونسل کے حتمی اعلان سے یہ معلوم ہوا کہ ایشیا کپ اب ہائبرڈ ماڈل کے تحت پاکستان اور سری لنکا میں 31 اگست سے 17 ستمبر کے درمیان کھیلا جائے گا۔

تفصیلات کے مطابق انڈیا اپنے تمام ہی میچ سری لنکا میں کھیلے گا جبکہ پاکستان میں کم سے کم چار میچ کھیلے جائیں گے۔ پاکستان کے گروپ میں انڈیا اور نیپال جبکہ دوسرے گروپ میں سری لنکا، افغانستان اور بنگلہ دیش دوسرے گروپ میں ہوں گے۔

تاحال ایشیا کپ کے تفصیلی شیڈول کا اعلان نہیں کیا گیا۔

15/06/2023

سمندری طوفان کے پاکستان کے ساحل سے ٹکرانے کا عمل شروع ہوگیا

سمندری طوفان بپر جوائے کا مکمل حصہ آئندہ 5 گھنٹوں میں پاکستانی ساحلی پٹی سے ٹکرائے گا، کیٹی بندر، کھارو چان، شاہ بندر، جاتی، بدین سمیت ملحقہ علاقے متاثر ہونے کا خدشہ