31/05/2025
خانپورمهر ويجهو ڳوٺ ماڪن ڪوري ۾ قرض نه ڏيڻ تان جوابدارن مبينا طور حملو ڪري ٻن ڀائرن الهجوايو ۽ باقر لاشاري مٿان وحشياڻو تشدد ڪيو، جڏهن ته جوابدارن جي تشدد سبب هڪ ڄڻي الهجوايو لاشاري جا ڏند ڀڃي پيا، زخمين خانپورمهر ٿاڻي تي آڻڻ بعد ميڊيڪل ليٽر ڏيئي اسپتال منتقل ڪيو ويو، ان سلسلي ۾ زخمين الهجوايو لاشاري ۽ باقر لاشاري ميڊيا کي ٻڌايو ته قرض نه ڏيڻ تان حضور بخش لاشاري ۽ جعفر لاشاري اسان مٿان حملو ڪري لٺين ۽ مڪن سان وحشياڻو تشدد ڪري زخمي ڪيو ۽ ڏند ڀڃي ڇڏيا آهن، هنن چيو ته جوابدارن خلاف خانپورمهر ٿاڻي تي اين سي رپورٽ داخل ڪرائي آئي، جوابدارن حملو ڪري اسان سان وڏي ناجائزي ڪئي آهي اسان سان انصاف ڪيو وڃي.
