14/06/2024
سوشل ميڊيا جي ڇڙواڳ صحافت ڪامورن کان ڀتي جي مد ۾ خرچي وٺڻ غريب صحافي جو حق ڪھڙي صحافت آھي ؟
صحافت ھڪ عظيم پيشو آھي پر ڪجھ معاشري جي ڌڪاريل فردن ھن کي سولو ۽ آسان ڌنڌو بڻائي ڇڏيو آھي سوشل ميڊيا جو استعمال ڪندڙ اڪثر ماڻھو صحافي بڻجي ويا آھن جن کي عطائي صحافي چئي سگھجي ٿو ڇو جو ھڪ پروفيشنل صحافي اھو ئي آھي جنھن کي پھريان لکڻ ۽ پڙھڻ ته اچي جنھن جي صورتخطي به صحيح نه آھي اھو به صحافي بڻجي ويا آھن سوشل ميڊيا تي ھن وقت اھيو ڌنڌو تيزي سان وڌي رھيو آھي اڻ رجسٽرڊ ھٿ ٺوڪيا ڪوڙا چينل ڪوڙيون پي ڊي ايف اخبارون جيڪي اي بي سي سرٽيفائيڊ به نه آھن انھن جا نمائيندا جنھن کي خبر لکڻ به نٿي اچي اھي عطائي صحافي ھن معاشري جي غلط ترجماني ڪري عوام کي گمراھ ڪن ٿا . سوشل ميڊيا تي ڪم ڪندڙ عطائي صحافين جي لکڻي اڪثر بداخلاقي ۽ ذاتيات تي ھوندي آھي جنھن سان معاشري ۾ ھڪ بگاڙ پيدا ٿئي ٿو جنھن سان ذاتي جھيڙا به ٿين ٿا جڏھن ته ھڪ پروفيشنل صحافي پاڪستان پريس فائونڊيشن سميت مختلف ادارن جون ٽريننگس ڪري صحافتي ذميواريون ڪيئن ادا ڪجن اھڙيون ٽريننگس پڻ ڪن ٿا دادو جي صورتحال عطائي صحافين جي حوالي سان انتھائي ڳڻتي جوڳي آھي جو ڪجھ صحافين جو سوشل ميڊيا تي اھڙي مھم ھلائي پئي وڃي ته ڪامورا ڪرپٽ آھن صحافي غريب آھن منٿلي ،خرچي،ڀتو، تيل سندس حق آھي اھڙن بگڙيل سوچ جي عطائي صحافين جي تربيت ڪير ڪندو اسان وٽ مختلف ادارا صحت،پوليس ،روينيو،ايريگيشن ،ٽريزري،سميت مختلف کاتن ۾ ويٺل ڪامورا سڌي يا اڻ سڌي طريقي سان ڪرپشن ڪن ٿا ته انھي جو مقصد اھيو بلڪل صحيح ناھي ته انھن کان پئسه وٺڻ صحافين جو حق آھي ھڪ پروفيشنل صحافي جو ڪم آھي ڪرپشن ڪندڙ ادارن جي ڪامورن جي ڪرپشن جا انگ اکر گڏ ڪري خبر کي ھر پاسي کان ڪور ڪري اھا ڪرپشن پنھنجي قلم ذريعي عوام ۽ رياست جي اڳيان آڻي ھن وقت دادو ۾ عطائي صحافين جو وڏو گروپ سوشل ميڊيا تي سرگرم آھي جيڪي دادو ضلعي ۾ پاڻ کي ڊپٽي ڪمشنر سمجھن ٿا انھن جون لکڻيون بداخلاقي ۽ ذاتيات جي بنياد تي ٻڌل آھن ھڪ سٺي صحافي ۾ ادب اخلاق جو ھجڻ ضروري آھي سوشل ميڊيا تي ڪنھن کي گار گند ڪرڻ يا ڪنھن جي تذليل ڪرڻ انھن جون تصويرن تي غيراخلاقي نشان ڏيڻ اھيو سڀ سائبر ڪرائيم آھي مان سمجھان ٿو ته جيڪي صحافي ڀتو،خرچي ،منٿلي ،تيل وٺڻ غريب صحافي جو حق سمجھن ٿا اھي به ھن سماج جا دشمن آھن اڳوڻو ڪامريڊ سڪندر ڀٽو جيڪو پ پ شھيد ڀٽو جي سياسي پارٽي سان واسطو رکندڙ ۽ ھاڻوڪو صحافي آھي ھن کي دادو جا سڀ ماڻھو چڱي طرح سان سڃاڻن ٿا جيڪو بيروزگاري سبب ڪامريڊ بڻيو ۽ بعد ۾ اڻ رجسٽرڊ اداري جي پي ڊي ايف اخبار پڇاڻو جو رپورٽر ٿيو ھن کي مان ذاتي طرح سان سڃاڻو ٿو ھن جو گذر سفر اڪثر سرڪاري ادارن مان خرچي تي ھوندو آھي ھن کي خبر لکڻ به نه ايندي آھي ھن کي بس اھيا خبر آھي ته ملڪ ۾ ڪرپشن عروج تي آھي ھر اداري جو ڪامورو ڪرپشن ڪري ٿو ۽ ان ڪرپشن ۾ کيس خرچي وٺڻ حق آھي تازو ئي سول اسپتال دادو ۾ کيس خرچي وٺڻ مھانگي پئجي ۽ ھن غريب صحافي تي ڪيس داخل ٿي ويو ۽ ھي گرفتار ٿي ويو پر سندس دادو جا ڪجھ صحافي کيس ھن وقت ان کي نصرالله گڏاڻي جو درجو ڏيارڻ ۾ اھم ڪردار ادا ڪري رھيا آھن جنھن ۾ مختلف پريس ڪلبن جا صحافي به اڻ سڌي طرح سان شامل آھن اھي بس ھن جي لاء پوسٽون رکن ٿا ته خرچي وٺڻ غريب صحافي جو حق آھي ۽ ڪامورو ڪرپٽ آھن پر ھن وقت تائين ڪنھن به ھن جي آزادي لاء نه ڪو احتجاج ڪيو آھي نه ئي وري ضمانت لاء ڪو وڪيل ڪيو آھي جڏھن ته سڪندر ڀٽو پنھنجي ڪيل غلطي تسليم ڪندي سول اسپتال جي ايم ايس کان معافي ورتي ۽ اھيو چيو ته خرچي ،پئسه يا بليڪ ميل آئيندا نه ڪندس معافي ڏني وڃي اسين ھن پوسٽ ذريعي ايم ايس سول اسپتال دادو کي به گذارش ڪنداسين ته ھن کي ھڪ دفعو معافي ڏني وڃي ۽ سنڌ حڪومت کان مطالبو ڪنداسين ته غريب صحافين کي نوڪريون ڏنيو وڃن ته جئين ھو پنھنجو گذر سفر آساني سان ڪري سگھن .
