Ishpata News

14/01/2025

وزیر زادہ صاحب کو وزیر اعلیٰ صاحب کا فوکل پرسن آن مینارٹی منتخب ہونے پر مبارکباد پیش کرتے ہیں۔

اشپاتا نیوز ٹیم

12/01/2025

انیش ایگیلز سپورٹس ایسوسیشن کی جانب سے روایتی کھیل کریک گال کا آغاز 14 جنوری 2025 سے ہونے جا رہا ہے۔ اس سال کا سپورٹس ٹورنامنٹ "بمبوریت سنو گولف چیمپئن شپ U-25" کے نام سے معروف ہے، جو نوجوان کھلاڑیوں کے لیے ایک اہم موقع فراہم کرے گا۔

یہ چیمپئن شپ خاص طور پر 25 سال سے کم عمر کے کھلاڑیوں کے لیے ہے، جس میں مختلف ٹیموں کے درمیان کریک گال کی دلچسپ مقابلے ہوں گے۔ اس ٹورنامنٹ کا مقصد نہ صرف کھیلوں کے فروغ میں مدد کرنا ہے بلکہ نوجوان کھلاڑیوں کو اپنی مہارتیں آزمانے اور نئے مواقع فراہم کرنے کا بھی ہے۔

ٹورنامنٹ کے تمام میچز بمبوریت سنو گولف کے مشہور میدانوں میں منعقد ہوں گے، جہاں وادی کالاش بھر سے بہترین کھلاڑی حصہ لیں گے۔ انیش ایگیلز سپورٹس ایسوسیشن نے اس چیمپئن شپ کے انعقاد کے لیے تمام تیاریاں مکمل کر لی ہیں اور اس بات کا قوی امکان ہے کہ یہ ایونٹ کھیلوں کی دنیا میں ایک سنگ میل ثابت ہو گا۔

سپورٹس کے شائقین کے لیے یہ ایک خوش آئند موقع ہے کہ وہ اپنی پسندیدہ ٹیموں کو میدان میں دیکھیں اور ان کی حوصلہ افزائی کریں۔ انیش ایگیلز سپورٹس ایسوسیشن نے اس ٹورنامنٹ کے دوران کھلاڑیوں کی کارکردگی کو اجاگر کرنے کے لیے مختلف ایوارڈز کا بھی اعلان کیا ہے، تاکہ نوجوان کھلاڑیوں کو مزید تحریک ملے۔

ٹورنامنٹ کے آغاز پر شائقین اور کھلاڑیوں کی بڑی تعداد متوقع ہے اور انیش ایگیلز سپورٹس ایسوسیشن کی طرف سے اس ایونٹ کے کامیاب انعقاد کی بھرپور کوشش کی جا رہی ہے۔ یہ چیمپئن شپ نہ صرف کھیلوں کے فروغ کے لیے اہم ہے بلکہ یہ نوجوانوں کے لیے ایک بہترین پلیٹ فارم ثابت ہو گا جہاں وہ اپنے ہنر کو مزید نکھار سکتے ہیں۔

12/01/2025

گہریت گول ، گہریت کنزرویٹیو کمیٹی کے تعاون سے ڈی ایف او وائلڈ لائف لوئر چترال فاروق نبی کی سربراہی میں مارخور کا کامیاب شکار ،
محکمہ جنگلی حیات لوئر چترال کے مطابق آج لوئر چترال میں واقع مارخور پوائنٹ گہریت کنزرویٹیو کمیٹی کے حدود میں کشمیری مارخور کا کامیاب ٹرافی شکار ہوا ۔ اسپین کا باشندہ کرسٹین پبلو آبیلو گامیزو نے کشمیری مارخور کا پرمٹ شکار کیا ۔ اسپین کے شکاری نے پرمٹ کے لیے 2 لاکھ 19 ہزار امریکی ڈالر فیس جمع کی ۔ شکار کے عوض میں ادا کی گئی فیس پاکستانی رقم میں 6 کروڑ 12 لاکھ 57 ہزار روپے بنتی ہے۔ مارخور کی عمر 9 سال ، سینگوں کی لمبائی 41.5 انچ تھی ۔ شکار کی رقم کا 80 فیصد مقامی کمیونٹی کے ترقیاتی منصوبوں، جبکہ 20 فیصد سرکاری خزانے میں جمع ہوتا ہے ۔

11/01/2025

https://youtu.be/8Jty79CEjJo?si=Z5Ny_g7vSssydsQ5

🎬 Khanadan Episode 2 | Watch Now on Ishpata FilmsStep into the heart of Kalasha culture with Episode 2 of Khanadan. Experience the traditions, stories, and ...

07/01/2025

پیرا میڈیکس ایسوسی ایشن چترال لوئر کا چارسدہ کے ڈی ایچ او کے غیر قانونی تبادلے اور غیر اخلاقی رویے کی شدید مذمت

چترال (فتح اللہ ) پیرا میڈیکس ایسوسی ایشن چترال لوئر نے چارسدہ کے ڈی ایچ او کی جانب سے پیرا میڈیکس ایسوایشن چارسدہ کے صدر کے ساتھ غیر قانونی اور غیر اخلاقی رویے کی شدید الفاظ میں مذمت کی ہے۔ ایسوسی ایشن کا کہنا ہے کہ چارسدہ کے ڈی ایچ او کا یہ رویہ نہ صرف غیر مناسب بلکہ پیرا میڈیکس کے حقوق کی خلاف ورزی ہے۔

جنرل سیکریٹری پیرا میڈیکس ایسوسی ایشن چترال لوئر، حمیدالرحمن نے اپنے بیان میں کہا کہ یہ اقدام پیرا میڈیکس کے پیشہ ورانہ وقار اور عزت کو نقصان پہنچانے کے مترادف ہے اور ہم اس کی بھرپور مذمت کرتے ہیں۔

انہوں نے مزید کہا کہ اس معاملے پر صوبائی قیادت کے فیصلے کا احترام کیا جائے گا، اور اگر صوبائی قیادت ڈی ایچ او چارسدہ کے خلاف کوئی فیصلہ کرتی ہے تو پیرا میڈیکس ایسوسی ایشن بھرپور احتجاج کرے گی۔ ایسوسی ایشن کا مقصد ہمیشہ اپنے ممبران کے حقوق کی حفاظت کرنا ہے اور وہ ہر صورت میں اپنے حقوق کے لیے آواز اٹھاتی رہے گی۔

حمیدالرحمن نے حکومت اور متعلقہ حکام سے مطالبہ کیا کہ پیرا میڈیکس کے حقوق کی حفاظت کی جائے اور اس قسم کے غیر اخلاقی رویوں اور غیر قانونی تبادلےکی روک تھام کے لیے فوری اقدامات کیے جائیں۔

04/01/2025

چترال : تیسرے روز بھی بارش اور برفباری کا سلسلہ جاری ہے جس کے بعد عوام گھروں میں محصور ہو کر رہ گئے ہیں۔ مزید تفصیل فتح اللہ کی رپورٹ میں دیکھئے

03/01/2025

چترال، وادی کلاش رومبور میں عوامی مسائل پر عدم توجہی پر نوجوان صحافی فتح اللہ کا اپنے علاقے کے مسائل کے حل کیلئے اقدامات اور سیاسی و خود ساختہ لیڈران پر اظہار برہمی

چترال کی وادی کلاش رومبور میں موجودہ صورتحال انتہائی مایوس کن ہے، جہاں عوام کو بنیادی سہولتوں کی شدید کمی کا سامنا ہے۔ وادی کے لوگ گزشتہ کئی ہفتوں سے بجلی کی غیرمستقل سپلائی اور ٹیلی نار کی سروس کی بدترین حالت میں مبتلا ہیں۔ اس کے ساتھ ہی سڑکوں کی خستہ حالی نے علاقے کے لوگوں کی مشکلات میں مزید اضافہ کر دیا ہے۔ یہ وہ مسائل ہیں جو نہ صرف عوام کی زندگی کو متاثر کر رہے ہیں بلکہ ان کی روزمرہ کی سرگرمیوں کو بھی شدید مشکلات کا سامنا ہے۔

چترال کے اس دور دراز علاقے میں واحد ہسپتال ہے جس میں ادویات کی کمی کا سامنا ہے۔ اس کے علاوہ پیرامیڈیکس اسٹاف کی حاضری بھی انتہائی ناقص ہے، جس کی وجہ سے عوام کو صحت کی سہولتیں فراہم کرنے میں شدید مشکلات پیش آ رہی ہیں۔ ان تمام مسائل کی موجودگی میں عوام میں مایوسی کا پیدا ہونا کوئی غیر معمولی بات نہیں ہے۔

ان مسائل کے حل کے لئے رومبور کے ویلچ کونسلر کی خاموشی اور عدم توجہی نے عوام کو مزید مایوس کیا ہے۔ گزشتہ کئی دنوں سے وادی کے نوجوان مجھے مسلسل پیغامات بھیج کر ان مسائل کے حل کی درخواست کر رہے ہیں اور مجھ سے امیدیں وابستہ کر رہے ہیں کہ میں ان کی آواز بن کر ان کے حقوق کے لیے آواز اٹھاؤں۔ میں ان کی اس درخواست کو دل سے تسلیم کرتا ہوں اور یقین دلاتا ہوں کہ ان مسائل کو اجاگر کرنے میں ہمیشہ پیش پیش رہوں گا۔

تاہم، ان مسائل کا حل صرف جلسوں یا جلوسوں سے ممکن نہیں۔ ہمیں حکومت اور متعلقہ اداروں کی طرف سے عملی اقدامات کی ضرورت ہے۔ میں یہ سمجھتا ہوں کہ عوام کے بنیادی حقوق کا تحفظ، ان کی سہولتوں کا خیال رکھنا اور ان کی زندگی کی معیار کو بہتر بنانا ہم سب کی ذمہ داری ہے۔

حال ہی میں ایک احتجاج کے دوران، جب ان مسائل کو اجاگر کیا گیا، تو ویلچ کونسل کے کچھ افراد نے انتہائی غصے کا اظہار کیا اور الزام لگایا کہ میں ان مسائل کو بیان کر کے علاقے کی عزت کو نقصان پہنچا رہا ہوں۔ ان کا کہنا تھا کہ احتجاج اور مسائل کی نشاندہی علاقے کی بدنامی کا سبب بنتی ہے، لیکن میں یہ سوال پوچھنا چاہتا ہوں کہ جب ہمارے نمائندے ان مسائل کا حل نہیں کر سکتے تو وہ عوام کے ووٹ سے منتخب ہونے کے بعد انتخابات میں حصہ کیوں لیتے ہیں؟

اگر میں عوامی نمائندگی کے لیے منتخب ہوتا اور اپنے علاقے کے مسائل حل کرنے میں ناکام رہتا تو میں خود کو اس منصب پر فائز ہونے کے قابل نہیں سمجھتا اور شاید اپنے آپ کو ہی مار دیتا۔ خدمت کا اصل مقصد عوام کی فلاح و بہبود ہے۔ اس کے بغیر کسی عہدے کی کوئی حیثیت نہیں۔

میں اپنے علاقے کے عوام سے یہ وعدہ کرتا ہوں کہ میں ان کی آواز بن کر ان کے حقوق کے لئے لڑوں گا اور ان مسائل کو اجاگر کرنے کے لئے ہر ممکن کوشش کرتا رہوں گا۔ یہ وقت ہے کہ ہم سب مل کر ان مسائل کا حل تلاش کریں اور علاقے کی ترقی کے لیے متحد ہو کر کام کریں۔

03/01/2025

بارش اور برفباری کا سلسلہ چھ جنوری تک جاری رہے گا

02/01/2025

بارش اور برفباری کا سلسلہ اگے چھ تاریخ تک جاری رہے گا اس سلسلے میں ڈسٹرکٹ انتظامیہ کو چاہیے سول ڈیسپنری ہسپتال میں اسٹاف کی مکمل ڈیوٹی و ادویات کی فراہمی کو یقینی بنائے ۔۔ لینڈ سلائنڈنگ کے لیے پیشگی اقدامات اٹھائے۔ سڑکوں کی دیکھ بھال کے لیے ذمہ دار ملازمین کی ڈیوٹی کو یقینی بنا کر ان کو الرٹ رکھے۔ ٹیلی نار کمپنی تیل کی وافر مقدار اپنے پاس سٹور رکھے۔ بجلی کی ترسیل کئ ہفتوں سے معطل ہے فوری طور پر بحال کیا جائے۔۔ بصورت دیگر وادی رومبو ر کے عوام کو لے کر سڑکوں پر احتجاج کیا جائے گا۔

02/01/2025

کرم امن معاہدہ: وزیراعلیٰ خیبرپختونخوا کی کوششیں رنگ لے آئیں
پشاور (اشپاتا نیوز): کرم کے مسئلے کے پر امن حل کے لئے صوبائی حکومت کی کاوشوں نے اہم سنگ میل عبور کر لیا ہے۔ دونوں فریقین نے باہمی رضامندی سے معاہدے پر دستخط کر دیے، جس کا سہرا وزیراعلیٰ خیبرپختونخوا محمود خان کی ذاتی دلچسپی اور کوششوں کو جاتا ہے۔

علاقے میں امن کی جانب اہم پیشرفت
وزیراعلیٰ خیبرپختونخوا نے اس موقع پر کہا، "یہ معاہدہ کرم کے مسئلے کے پائیدار حل کی طرف ایک اہم پیشرفت ہے اور ہم تمام شراکت داروں کو مبارکباد دیتے ہیں۔ امید ہے کہ یہ معاہدہ علاقے میں امن و استحکام کے لئے ایک مضبوط بنیاد فراہم کرے گا۔"

فریقین کا شکریہ اور جرگہ ممبران کا کردار
انہوں نے مزید کہا کہ معاہدے کے لئے کردار ادا کرنے والے فریقین، علاقہ عمائدین، جرگہ ممبران، کابینہ اراکین، اور متعلقہ سول و عسکری حکام کے مشکور ہیں۔ وزیراعلیٰ نے کہا، "یہ خوش آئند بات ہے کہ فریقین نے علاقے میں امن کے لئے مثبت کردار ادا کیا جو قابل ستائش ہے۔"

علاقے میں ترقی کی راہیں ہموار
معاہدے پر دستخط کے بعد کرم کے زمینی راستے کھلنے کی راہ ہموار ہوگئی ہے۔ وزیراعلیٰ نے مزید کہا، "علاقے میں امن ہوگا تو ترقی بھی ہوگی اور عوام کی زندگیوں میں مثبت تبدیلیاں آئیں گی۔"

امن اور رواداری پر زور
وزیراعلیٰ نے عوام سے اپیل کی کہ وہ منافرت پھیلانے والے عناصر کو مسترد کریں اور اپنی صفوں میں اتحاد پیدا کریں۔ انہوں نے کہا کہ پشتون روایات میں بڑے سے بڑے مسئلے جرگے کے ذریعے حل ہوتے ہیں، اور تشدد کسی بھی مسئلے کا حل نہیں بلکہ مذاکرات ہی مسائل کو حل کرنے کا بہترین ذریعہ ہیں۔

فریقین کے لئے پیغام
علی امین گنڈاپور نے اس معاہدے کو نفرت پھیلانے والے عناصر کے لئے واضح پیغام قرار دیا اور کہا، "یہ معاہدہ ثابت کرتا ہے کہ علاقے کے لوگ امن پسند ہیں اور مسائل کو بات چیت کے ذریعے حل کرنے کے خواہاں ہیں۔"

مشکلات کے خاتمے کی یقین دہانی
وزیراعلیٰ نے کرم کے عوام کو درپیش مشکلات کے حل کے لئے ہر ممکن اقدامات اٹھانے کی یقین دہانی کرائی اور کہا، "ہماری کوشش اور خواہش ہے کہ کرم کے عوام کے مسائل جلد حل ہوں اور ان کے معمولات زندگی بحال ہوں۔"

اختتامیہ
کرم امن معاہدہ علاقے میں دیرپا امن اور ترقی کی نئی راہیں کھولنے کا باعث بنے گا۔ حکومت خیبرپختونخوا اس سلسلے میں اپنی تمام تر توانائیاں بروئے کار لائے گی تاکہ کرم کے عوام کو بہتر مستقبل فراہم کیا جا سکے۔

02/01/2025

طویل خشک سالی کے بعد موسم سرما کی پہلی برف باری

چترال میں طویل خشکی کے بعد موسم سرما کی پہلی برف باری شروع ہو چکی ہے۔ بارش اور بلندی پر واقع علاقوں میں رات سے وقفے وقفے سے بارش اور برف باری کا سلسلہ جاری ہے۔ جس کے باعث خشک سردی کی شدت ختم ہو گئی اور موسم کافی حد تک بہتر ہو گئے ہیں۔
محکمہ موسمیات نے چترال میں پانچ جنوری تک بارش اور برف باری کا یہ سلسلہ وقفے وقفے سے جاری رہنے کی پیش گوئی کی گئی ہے۔

01/01/2025

اشپاتا نیوز کی جانب سے آپ سب کو نیا سال مبارک۔

دعا ہے کہ یہ سال آپ کے لیے خوشیوں، کامیابیوں اور امنگوں کا سال ثابت ہو۔

آئیے، نئے سال میں مل کر سچائی، مثبت سوچ، اور ترقی کے سفر کو آگے بڑھائیں۔

30/12/2024

یونیورسٹی آف چترال میں ٹک ٹاک ویڈیوز بنانے پر مکمل پابندی، نوٹیفکیشن جاری

چترال (فتح اللہ) یونیورسٹی آف چترال کی انتظامیہ نے کیمپس میں ٹک ٹاک ویڈیوز بنانے پر مکمل پابندی عائد کر دی ہے۔ اس ضمن میں ایک نوٹیفکیشن جاری کیا گیا ہے جس میں بتایا گیا ہے کہ خیبر پختونخوا یونیورسٹی ایکٹ کے سیکشن 11(2) کے تحت اور حکومت کی سوشل میڈیا کے استعمال کے حوالے سے ہدایات کی روشنی میں یونیورسٹی کے معزز وائس چانسلر نے یہ فیصلہ کیا ہے۔

نوٹیفکیشن میں کہا گیا ہے کہ یونیورسٹی کی حدود میں ٹک ٹاک ویڈیوز بنانا یا ان ویڈیوز میں یونیورسٹی کی جائیداد کو پس منظر کے طور پر دکھانا، بشمول یونیورسٹی کا لوگو، کیمپس کی تصاویر یا بسوں وغیرہ کو شامل کرنا، تعلیمی ماحول میں خلل ڈالتا ہے اور ان سرگرمیوں کے منفی اثرات اور تعلیمی ماحول کے ساتھ عدم ہم آہنگی کی وجہ سے ادارے کی شہرت اور وقار کو نقصان پہنچتا ہے۔

اس کے علاوہ، ہدایات جاری کی گئی ہیں کہ تمام تدریسی شعبوں اور انتظامی دفاتر کے سربراہان اپنے طلبہ اور ماتحتوں کو اس پابندی پر عملدرآمد کو یقینی بنائیں اور خلاف ورزی کرنے والوں پر جرمانہ عائد کریں، جو جرمانہ زیادہ سے زیادہ دوگنا ہوگا۔ اگر خلاف ورزی برقرار رہتی ہے تو مزید انضباطی کارروائی کی تجویز کی گئی ہے، جس میں یونیورسٹی سے اخراج بھی شامل ہو سکتا ہے۔ بصورت دیگر، متعلقہ شعبے یا دفتر کے سربراہان کو ذمہ دار ٹھہرایا جائے گا۔

یہ نوٹیفکیشن یونیورسٹی آف چترال کے معزز وائس چانسلر کی منظوری سے جاری کیا گیا ہے۔

30/12/2024

ایون موڑدہ میں آتشزدگی ،7کمروں پر مشتمل مکانات جل کر خاکستر ،لاکھوں کا نقصان ، ایک مہینےمیں دوسری مرتبہ آتشزدگی کا واقعہ، مقامی لوگوں کی طرف س ایون کو فائر بریگیڈ کی سہولت مہیا کرنے کا مطابہ

چترال سیاحتی مقام ایون کے گاوں موڑدہ میں خیرالدین کے مکانات میں آج علی الصبح بجلی کے شارٹ سرکٹ کی وجہ سے آگ لگی۔ جس نے دیکھتےہی دیکھتے پورے گھر کو اپنی لپیٹ میں لے لیا ۔ آگ اتنی تیزی سے پھیلی۔ کہ گھر کے اندر موجود سامان کو بچانے کا موقع نہ مل سکا ۔ مقامی لوگوں نے اپنی مدد آپ کے تحت آگ بجھانےمیں مدد دی ۔ اور قریبی دیگر مکانات کو بچانےمیں کامیاب ہو گئے۔ متاثرہ گھر کے مالک خیرالدین محنت مزدوری کیلئے گھر سے باہرہیں ۔ اس موقع پر ریسکیو 1122 کو اطلاع دی گئی تھی ۔ تاہم آگ اپنا کام کرنےکے بعد ہی ٹیم پہنچ سکی ۔ جس کی وجہ سے لاکھوں کا نقصان ہوا ہے ۔ امدادی سرگرمیوں میں حصہ لینے والے مقامی سوشل ایکٹی وسٹ آصف رضا نے میڈیا سے بات کرتے ہوئے کہا ۔ کہ ایون کی آبادی بہت بڑھ چکی ہے ۔ اور آئے روز آتشزدگی کے حادثات ہوتےہیں ۔ لیکن چترال شہر میں موجود ریسکیو 1122 کی خدمات حاصل کرنے سے یہ علاقہ ہمیشہ محروم رہتا ہے ۔ کیونکہ خراب سڑکوں کی وجہ سے ریسکیو 1122 کی ٹیم کو چترال سے ایون متاثرہ مقام تک پہنچنے میں جو وقت لگتا ہے ۔ اس دوران آگ اپنا کام کر چکا ہوتا ہے ۔ اور ریسکیو ٹیم کی آمد بے سود ہوتی ہے ۔ انہوں نے کہا ۔ کہ یو سی ایون کی آبادی تقریبا چالیس ہزار سے تجاوز کر چکی ہے ۔ اس لئے آتشزدگی کے حادثات میں زیادہ نقصانات سے لوگوں کو بچانے کیلئے فائربریگیڈ کی یونٹ ایون میں قائم کرنا انتہائی ضروری ہے ۔

28/12/2024

سینیٹر محمد طلحہ محمود کا دورہ چترال......!!!

چترال کی حسین وادی میں خدمت کے جذبے سے سرشار، سینیٹر محمد طلحہ محمود فاؤنڈیشن کا درجنوں ٹرکوں پر مشتمل قافلہ لواری ٹنل کے ذریعے داخل ہو چکا ہے۔ یہ قافلہ مستحق خاندانوں کے لیے امید اور خوشیوں کا پیامبر ہے، جس میں ضرورت مندوں کے لیے فوڈ پیکجز اور دیگر اشیاء شامل ہیں۔ یہ فاؤنڈیشن کا ایک عظیم اقدام ہے جو انسانیت کی خدمت کے لیے وقف ہے اور چترال کے باسیوں کے دلوں میں اُمید کی نئی روشنی جگا رہا ہے۔

27/12/2024

تقریبِ حلف برداری امراء تحصیل دروش جماعت اسلامی چترال

امیر جماعت اسلامی چترال وجہیہ الدین اور نائب امیر جماعت اسلامی چترال جمشید احمد نے جماعت اسلامی تحصیل دروش کے نو منتخب امراء سے حلف لیا۔ یہ تقریب خان ہاؤس کورو دروش میں منعقد ہوئی، جہاں امیر ضلع نے نو منتخب امراء کو نئی ذمہ داریوں کے لئے استقامت اور عزم کی دعا کی اور جماعت اسلامی کے پیغام کو دروش کے ہر کونے میں عام کرنے کی ضرورت پر زور دیا۔ انہوں نے کہا کہ جماعت اسلامی کے پلیٹ فارم سے خدمتِ خلق اور اصلاحِ معاشرہ کا کام ایک اہم ذمہ داری ہے، جسے پوری ایمانداری اور محنت سے سرانجام دینا ہوگا۔

نو منتخب امراء نے بھی عہد کیا کہ وہ تمام ارکان اور کارکنان کے ساتھ مل کر جماعت اسلامی کے دعوت کو بڑھانے کے لئے کوشاں رہیں گے۔ انہوں نے اپنے عزم کا اظہار کرتے ہوئے کہا کہ ہر فرد کا تعاون اور محنت اس مقصد کو پورا کرنے میں اہم کردار ادا کرے گا۔

27/12/2024

The much-awaited Ice Sports Festival has kicked off at the world’s highest ground, Shandur, in Lower Chitral. This unique event brings together thrilling ice sports against the breathtaking backdrop of the mountains. Watch our representative from Lower Chitral,Ishpata News report live from the scene as the festival unfolds with ice hockey, skiing, and other exciting winter sports. Don't miss the stunning visuals and cultural highlights from this extraordinary festival!

25/12/2024

لوئر چترال سے اپر چترال جاتے ہوئے شادیر ریشن کے مقام پر گاڑی کو حادثہ ، تاہم کوئی جانی نقصان نہیں ہوا۔