Chakwal Mehnda Ghar

04/10/2024

اونچی عمارتوں سے مکاں میرا گھِر گیا
کچھ لوگ میرے حصّے کا سورج بھی کھا گئے

30/09/2024

تمام دوستوں کا شکریہ جنہوں نے میرے لیے دعا کی مولا کے کرم سے میں اب کافی بہتر ہے

30/09/2024

کم نسل اور کمینہ شخص
اس وقت تک آپ کی عزت کرے گا
جب تک آپ اس کے لئے فائدہ مند ہو
جیسے ہی فائدہ ختم،ہو وہ اپنی اصلیت کی طرف لوٹ آئے گا,💞🟡🔵💞

28/09/2024

01/09/2024

میرے بچپن کے دن

27/07/2024

زمانہ کب رہا خالی خدا کی حجت ع سے۔۔۔
کسی کا ہو نہ ہو اپنا امام ع آج بھی ہے

27/07/2024

دکاندار سے ماش کی دال کا ریٹ پوچھا۔ اس نے کہا: 300 روپے کلو۔
شکریہ ادا کر کے واپس مڑا تو اس نے کہا ::: بھائی 15 ہزار روپے دو۔
میں:::: وہ کس چیز کے؟
وہ: 50 کلو دال کے۔
میں ::: مگر میں نے تو دال خریدی ہی نہیں۔
وہ: میں تو تمہارے لئے 50 کلو دال یہاں رکھ کے بیٹھا ہوں نا۔ تم خریدو یا نہ خریدو پیسے تو تمہیں دینے پڑیں گے۔
میں :: او بھائی کیوں دینے پڑیں گے؟؟؟
وہ ::: کپیسٹی چارجز!!!

21/07/2024

چکوال شہر میں عاشورہ جلوس کی تاریخی روایت
✍🏻محسن جعفری
عزاداری سید الشہداء امام حسین علیہ السلام کا سلسلہ چودہ سو سال پرانا ہے۔ ہر سال محرم الحرام میں ہزاروں کے تعداد میں چھوٹے بڑے ماتمی جلوس برپا کیئے جاتے ہیں جس میں عزادار ماتم کرنے کے اپنے وقت کے امام عجل اللہ کو ان کی جد پاک کا پرسہ پیش کرتے ہیں۔ ہر علاقے اور جگہ کا اپنا اپنا عزاداری کا الگ انداز ہے۔ دنیا کے ہر خطے میں بولی (language ) اور روایات تبدیل ہوتی ہے وہیں پاکستان میں بھی ہر 50 کلومیٹر کے بعد زبان اور کلچر تبدیل ہوتا ہے جیسے چکوال شہر میں دھنی زبان بولی جاتی ہے تلہ گنگ کی اپنی زبان ہے۔ گجرخان کی اپنی اور راولپنڈی کی اپنی ہی بولی ہے۔ اسی طرح پوری دنیا میں عزاداری کا بھی الگ الگ رنگ نظر آتا ہے۔ چکوال کی عزاداری کو پورے پاکستان میں ممتاز مقام حاصل ہے۔ ضلع چکوال میں تقریباً 70 کے قریب صرف عاشورہ کے ماتمی جلوس برپا کیئے جاتے ہیں ۔ چکوال شہر میں یوم عاشورہ کا مرکزی ماتمی جلوس 1918ء سے پہلے کا شروع ہے اس ماتمی جلوس کا لائسنس منشی چوہدری غلام محمد نے 1918/1919 ء میں حاصل کیا۔ منشی چوہدری غلام محمد کے چار بیٹے اور دو بیٹیاں تھیں۔ بیٹوں میں سب سے بڑے چوہدری نثار علی پھر چوہدری غلام عباس پھر چوہدری امتیاز علی اور سب سے چھوٹے بیٹے کا نام چوہدری جمشید علی ہے۔ اسں گھرانے کے پاس پورے سال میں عزاداری کے کافی قدیمی اور بھی پروگرام ہیں۔ اس وقت چوہدری نثار علی کے فرزندان چوہدری نبیل عابد اور چوہدری عقیل عابد عاشورہ کے مرکزی ماتمی جلوس کا اہتمام کرتے ہیں۔ 10 محرم الحرام یوم عاشورہ کی صبح نثار حویلی نزد پرانی سبزی منڈی سے شبیہ ذوالجناح کی برآمدگی سے ماتمی جلوس کا آغاز ہوتا ہے۔ ابوذر کالونی سے تعلق رکھنے والے ملنگ نوحہ خوانی سے عزاداری میں اپنی الگ انداز میں حاضری دیتے ہیں ۔ شبیہ ذوالجناح کے ساتھ ہی علم شہنشاہ وفا مولا عباس علمدار برآمد کیا جاتا ہے۔ نماز ظہرین باقر شہانی مسجدِ میں ادا کی جاتی ہے۔ وقفہ نماز کے بعد ماتمی جلوس دربار سخی ثابت ثبوت رح پر پہنچتا ہے جہاں شہادت امام حسین علیہ السلام بیان کی جاتی ہے۔ مجلسِ عزا کے بعد دوبارہ ماتمی جلوس شروع ہوتا ہے۔ جس میں عزادار اپنے مولا امام زمانہ عجل اللہ کو ان کی جد کو خون کا پرسہ دیتے ہیں۔ سینکڑوں کی تعداد میں عزادار زنجیر زنی اور قمہ زنی کرتے ہیں۔ چوہدری نبیل عابد کی حویلی سے شروع ہونے والا پرسہ ان کے کزن چودھری غلام عباس کے بیٹے چوہدری نقی عباس ٫ چوہدری عمار عباس اور چوہدری اویس عباس کے گھر مجلس شام غریباں کے ساتھ اختتام پذیر ہوتا ہے۔

19/07/2024

چکوال یوم عاشورہ کا ماتمی جلوس
✍🏻محسن جعفری
صحابی رسول اللہ ص جناب اویس قرنی کا واقعہ ہر مسلمان کو یاد ہوگا کہ جس میں سرور کائنات رحمت العالمین ص کا ایک دانت مبارک شہید ہو گیا تھا تو اس کا علم صحابی رسول ص کو ہوا تو انہوں نے پتھر سے پہلے اپنا ایک دانت توڑ لیا پھر خیال آیا کہ یہ دانت نہ ہو کوئی دوسرا دانت ہو توانہوں اپنے سارے دانت اپنے ہاتھوں سے توڑ لیے اللہ تبارک وتعالی کو ان کی ادا اتنی پسند آئی کہ ان کے لیے آسمان سے کیلے کے پودے کو نازل کر دیا یوں رسول اللہ ص کی زندگی میں صحابی رسول ص نے پتھر سے ماتم کیا۔محرم الحرام اسلامی سال کا پہلا مہینہ ہے اور ذوالحجۃ آخری مہینہ ہوتا ہے دونوں مہینوں میں قربانی ہے۔ ماہ ذوالحجۃ کی 10 تاریخ میں نبی اللہ ابراہیم ع کی سنت ادا ہوتی ہے اور جانوروں کے خون کی سلامی دی جاتی ہے۔ماہ محرم الحرام کی 10 کو اللہ کے آخری نبی محمد ص کے بیٹے کو انسانی خون کی سلامی دی جاتی ہے۔ مباہلہ کے بعد قرآن کی کی آیات کے مطابق امام حسن علیہ السلام اور امام حسین علیہ السلام رسول اللہ صلی اللہ علیہ وآلہ وسلم کے بیٹے ہیں۔ اسی سلسلے میں خون کی سلامی پوری دنیا میں دی جاتی ہے۔ چکوال شہر میں بھی یوم عاشورہ کی صبح کو چوہدری نبیل کی حویلی میں شبیہہ ذوالجناح کی برآمدگی پر خون کا پرسہ دیا جاتا ہے۔ جن عزاداروں نے خون کا پرسہ دیا ان کی مرہم پٹی وہاں ہی کر دی جاتی۔ شام کو عصر کے وقت پھر سینکڑوں کی تعداد میں مؤمنین اپنے امام حسین علیہ السلام کو خون کا پرسہ دیا جن کو فسٹ ایڈ دینے کے لیے مہتاب میڈیکل کمپلکس کے رضاکاروں ٫ ڈسٹرکٹ ہیڈ کوارٹر کے رضاکاروں ریسکیو 1122 اور ماتمی فیڈریشن کے رضاکاروں نے مل کر یوم عاشورہ پر ڈیوٹی سر انجام دی۔

14/07/2024

چکوال :7 محرم کا ماتمی جلوس مرکزی امام بارگاہ سرپاک سے برآمد

چکوال: قدیمی اور حساس جلوس اپنے مقررہ راستوں سے ہوتا ہوا چھپڑ بازار پونچے گا۔

چکوال: چھپڑ بازار میں مجلس عزا میں علماء و ذاکرین فلسفہ شہادت امام حسین علیہ السلام بیان کریں گے

چکوال: عزاداروں کی طرف سے نوحہ خوانی اور ماتم داری جاری

چکوال: آر پی او راولپنڈی ٫ کمشنر راولپنڈی ایم پی اے چوہدری سلطان حیدر علی اور ایم پی اے سلطان شہریار احمد کا چھپڑ بازار ماتمی جلوس دور ڈپٹی کمشنر چکوال اور ڈسٹرکٹ پولیس افسر ہمداہ موجود ہیں

چکوال: اسسٹنٹ کمشنر آفس میں کنٹرول روم قائم کر دیا گیا جہاں سے حساس جلوس کی سی سی ٹی وی کیمروں کی مدد سے نگرانی کی جارہی ہے

چکوال :ٹریفک پولیس، ایلیٹ فورس، پنجاب کانسٹیبلری، والینٹیئرز کیساتھ ساتھ ریجن کے دیگر اضلاع کی فورس سمیت اوورآل تقریباً 1250 افسران و ملازمین ڈیوٹی سر انجام دے رہے ہیں

چکوال: ڈسٹرکٹ پولیس آفیسر کپٹن (ر) واحد محمود کی جانب سے سیکورٹی کے بہترین انتظامات

چکوال.جلوس نماز مغرب کے وقت امام بارگاہ مہاجرین سادات بھون روڈ میں اختتام پذیر ہوگا۔

11/07/2024

چکوال چوآ سیدن شاہ کوئلے کی کان زمین بوس ہوگئی چار افراد جاں بحق
رپورٹ محسن جعفری

01/07/2024

بات تو سچ ہے مگر بات ہے رسوائی کی

✍🏻 محسن جعفری

کچھ دن پہلے شہید محترمہ بینظیر بھٹو کی سالگرہ ککے حوالے سے ایک تقریب چکوال کے جیالوں نے نجی ہوٹل میں منعقد کی جس میں پاکستان پیپلز پارٹی ضلع چکوال کی نئی اور پرانی تمام قیادت کے ساتھ ساتھ پارٹی کے کافی ورکر بھی موجود تھے تقریب میں شہید بی بی بینظیر بھٹو کی سالگرہ کا کیک کاٹا گیا۔ پارٹی قائدین نے تقاریر کیں جیالوں کا لیو گرمایا گیا پاکستان پیپلز پارٹی کے ضلعی صدر راجہ رضوان ڈنڈوٹ نے خطاب کرتے ہوئے بھی ن لیگ کے منتخب اراکین کو آڑ ے ہاتھوں لیا ۔ان۔کی۔تقریر کا کلپ سوشل میڈیا پر بہت وائرل ہوا جس میں راجہ رضوان ڈنڈوٹ کا کہنا تھا کہ ہارے ہم بھی ہیں مگر جیتے وہ بھی نہیں ہیں ہم نے چکوال میں صرف چوہدری ایاز امیر کا باجہ ہی سنا ہے شیر کی دھاڑ تو سنائی ہی نہیں دی۔ یہ وہ بات ہے جس کو چکوال کے باسیوں نے مزے لے لے کر سنا دوسری طرف فارم 47 والے قومی و صوبائی اسمبلیوں میں جانے والے نمائندگان مکمل طور پر اپنے اپنے علاقوں اور ووٹروں سے دور ہیں ایک طرف مسلم لیگ نواز پنجاب کے اراکین بیوروکریسی کی بے رخی کا نوحہ پڑھتے نظر آتے ہیں دوسری طرف پنچاب کی عوام بجلی کے ناقابل برداشت بلوں کے خلاف سینہ کوبی کرتے نظر آتے ہیں اور ارکانِ اسمبلی صرف سوشل میڈیا پر ہی کبھی کبھار شکل دکھاتے ہیں۔ اپوزیشن تو کہیں موجود ہی نہیں ہے ۔ جیسے جیسے وقت گزر رہا ہے جکومتی اتحادی آمنے سامنے آرہے ہیں دوسری طرف لاہور ہائی کورٹ راولپنڈی بینچ نے پی پی 21 سے چوہدری علی ناصر بھٹی سمیت تمام اُمیدواروں کو نوٹ کرکے راولپنڈی بلایا ہوا ہے پاکستان تحریک انصاف کے امیدوار کو عدالت عالیہ سے زیادہ امیدیں وابستہ تو نہیں ہے کیونکہ کہ بانی پاکستان تحریک انصاف اور ان کی اہلیہ کو انصاف ملتا ہوا نظر نہیں آ رہا ۔

27/06/2024

سرکار عون ومحمد علیہ السلام سوسائٹی چک گھکھڑ

✍🏻زوار محسن جعفری

ویسے تو چک گھکھڑ کی پہچان پاکستان بھر کے ساتھ ساتھ پوری دنیا میں ثقافتی دھنی نسل کے کرائی بیلوں سے ہے نمبر حاجی ظفر ہو یا چوہدری طاہر محمود ان دونوں گھرانوں میں دھنی نسل کے بیل رکھنے کا سلسلہ آباؤاجداد سے انہیں ورثے میں ملا ہے مگر آج میں بات کرنے جا رہا ہوں نمبردار چوہدری ظفر کے چھوٹے بھائی چوہدری عمران عباس کی کہ جنہوں نے سرکار عون ومحمد علیہ السلام سوسائٹی چک گھکھڑ کی بنیاد رکھی آج سے تقریباً چار سال پہلے جب چوہدری عمران عباس نے ہمیں سوسائٹی کے بارے میں بتایا تو دل سے دعا نکلی کہ اس دور میں جہاں پر ایک ایک فٹ جگہ کے لیے بھائی بھائی کی جان لے لیتے ہیں وہاں پر 72 کے قریب چار چار مرلے جگہ شہزادی مسافرہ شام سلام اللہ علیہا کے بچوں کے نام پر صدقہ کرنا ایک عظیم کام ہے ۔ تین سال پہلے جب اس سوسائٹی کے باسیوں کو جگہ الاٹ کی گئی تو میں بھی وہاں موجود تھا اس وقت سفید چونا سے لائنز لگا علاقہ بھر سے سادات کے دست ہائے مبارک سےسوسائٹی کے باسیوں کو پلاٹ الاٹ کیے۔ ایک سال کے بعد یہاں ایک کالونی نظر آنا شروع ہو گئی اسی سال یہاں 18 ذی الحجہ 2023 ء عید غدیر کے پر مسرت موقع پر ایک خوبصورت جشن غدیر منانے کے بعد جو مکانات مکمل ہوگئے ان کی چھتوں پر 14 شبیہ علم پاک شہنشاہ وفا علاقہ بھر سے سادات نے اپنے ہاتھوں نصب کیے، اب جب مزید مکانات سرکار عون ومحمد علیہ السلام سوسائٹی میں تعمیر ہوگئے تو بھائی چوہدری عمران عباس کی کال پر اس سال بھی جشن عید غدیر خم کے موقع پر بھی غازی شہنشاہ ع کے 14 علم پاک کی کشائی کرائی گئی جن سادات نے شرکت کی ان میں سید حسن رضا شاہ ہمدانی شاہ پور ہمدانیہ ۔ سید واجد علی شاہ ہمدانی شاہ پور ہمدانیہ۔ سید فیض الحسن شاہ ہمدانی جسوال ۔ سید مبشر الحسن شاہ کاظمی منوال ۔ سید شفقت عباس مشہدی تھنیل فتوحی ۔ سید باقر رضا شاہ ہمدانی شاہ پور ہمدانیہ ۔ سید مشتاق حسین شاہ منوال ۔ سید محمد شاہ سرکار عون ومحمد سوسائٹی ۔ سید نیئر عباس شاہ جمالوال ۔ سید عمران عباس چک گھکھڑ ۔ سید فخر عباس کاظمی سرکار عون ومحمد سوسائٹی ۔ سید نوید حسین شاہ ہمدانی راہنہ سادات اور سید محسن عباس نقوی رتووال ہے اپنے ہاتھوں شہنشاہ وفا کے علم پاک سوسائٹی کے گھروں کی چھتوں کی زینت بنائے اللہ پاک صدقہ چہادہ معصومین ع چوہدری عمران عباس اور ان کے بھائیوں کی توفیقات میں اضافہ فرما آمین