Al-Watan News

06/06/2022

ایبٹ آباد (الوطن نیوز) ایبٹ آباد شہر کے نواحی علاقے بانڈا پیرخان کے مقام پر جانوروں کے باڑے میں نامعلوم وجوہات کی بنا پر اچانک آگ بھڑک اٹھی جس کے نتیجے میں لاکھوں روپے مالیت کے جانور جل کر خاک کا ڈھیر بن گئے

ایبٹ آباد۔کنٹرول روم کو اطلاع ملنے پر ریسکیو 1122کی ایک فائر ویکل بمعہ فائر فائٹرز جائے حادثہ پر پہنچ گئے۔

ایبٹ آباد۔ریسکیو ٹیم نے موقع پر پہنچ کر آگ کو ایک جگہ محدود رکھا۔

ایبٹ آباد۔ ریسکیو 1122کی ٹیم نے بروقت رسپانس کرتے ہوئے آگ پر قابو پا لیا۔

ایبٹ آباد۔باڑے میں موجود 15سے 20بھیڑے جل کر خاکستر ہو گی۔

ایبٹ آباد۔ اس آپریشن میں 6000 لیٹر پانی استعمال ہوا اور 4 فائر فائٹرز نے حصہ لیا۔

ترجمان
ریسکیو 1122ایبٹ آباد۔

06/06/2022

ایبٹ آباد (الوطن نیوز )ہزارہ چیمبر آف کامرس اینڈ انڈسٹری کے صدر حاجی افتخار احمد کے صاحبزادے انجینئر حیدر علی رشتہ ازدواج سے منسلک ہو گئے ان کی دعوت ولیمہ سیاسی اجتماع میں بدل گئی۔جس میں سابق گورنر و وزیر اعلی خیبر پختون خوا سردار مہتاب احمد خان ،ایم پی اے سردار اورنگزیب نلوٹھہ ،سابق صوبائی وزیر قانون علی افضل خان جدون ،سابق ایم پی اے سردار شمعون یا رخان ،سابق ممبر ضلع کونسل شوکت ہارون خان جدون ،ندیم مغل ،سابق تحصیل ممبر عادل عباسی ،مسلم لیگ ن کے سینئر رہنما سردار عبدالرشید ،ملک محمد شفیق اعوان ،ممبر کینٹ بورڈ دانیال خان جدون ،چیمبر آف کامرس کے عہدیدران ،صحافیوں ،وکلاء، تاجروں کے علاوہ مختلف محکموں کے افسران ،سرکردہ سیاسی وسماجی شخصیات شریک ہوئے ۔انہوں نے انجینئر حیدر علی کو نئی زندگی کے آغاز پر مبارکباد دی ہے۔

06/06/2022

ایبٹ آباد (الوطن نیوز )ثمر سپورٹس فیسٹیول کا آغاز رنگا رنگ تقریب کے ساتھ ہوگیا باقائدہ افتتاح ڈپٹی کمشنر طارق سلام مروت اور سابق ڈی جی سپورٹس طارق محمود نے کیاتقریب کا آغاز تلاوت کلام پاک سے ہوا اور جمناسٹک رسہ کشی جوڈو فٹبال کے مقابلے منعقد ہوئے جمناسٹک میں ایبٹ آباد وائٹ نے گرین کو جبکہ نواں شہر جمناسٹک اکیڈیمی نے ایبٹ آباد بلیو کو شکست دی جبکہ فٹبال میں ینگ ہزارہ زمیندار نے جدون ایف سی کو ایک دلچسپ مقابلے کے بعد ایک صفر سے شکست دی پہلے ہاف کے اختتام سے چند منٹ قبل ینگ ہزارہ زمیندار کے فاروسڈ نے گول بنا کر برتری حاصل کر لی جو کہ میچ کے آخر تک برقرار رہی اس موقع پر ڈپٹی کمشنر ایبٹ آباد طاق سلام مروت کا کھلاڑیوں سے تعارف کرایا اور کھلاڑیوں نے مارچ پاسٹ کے ذریعے سلامی پیش کی ڈپٹی کمشنر ایبٹآباد کا کہنا تھا کہ نوجوانوں کو مثبت سرگرمیاں فراہم کرنا گسی عبادت سے کم نہیں اور اس سلسلے میں ضلعی انتظامیہ اور سپورٹس ڈیپارٹمنٹ ملکر مختلف کھیلوں کے مقابلے منعقد کرا رہا ہے اورنوجوانوں کو ہر ممکن سہولیات فراہم کی جا رہیں ہیں اورآیندہ بھی زیادہ سے زیادہ ایونٹ منعقد کئے جائیں گے اس موقع پر ریجنل سپورٹس آفیسر احمد زمان نے مہمانوں کو خوش آمدید کہا اور ایونٹس رپورٹس پیش کی ایونٹس 17 گیمز پر مشتمل ہے جس میں کراٹے بودو کان جوڈو تائیکوانڈو ریسلنگ کبڈی رسہ کشی باسکٹ بال فٹبال ہاکی ٹیبل ٹینس بیڈمنٹن سکواش والی بال باکسنگ جمناسٹک شامل ہیں ایونٹ ایبٹ آباد کے مختلف وینیوز پر کھیلا جائیگا

06/06/2022

ایبٹ آباد (الوطن نیوز) ڈپٹی کمشنر آفس پشاور کے دفتر پر وکلاء کی جانب سے حملے اور کار سرکار میں مداخلت پرڈسٹرکٹ ایبٹ آبادمیں احتجاج
ڈپٹی کمشنر آفس ایبٹ آباد میں چند وکلاء کی جانب سے ڈپٹی کمشنر پشاور کے دفتر پر حملے، کار سرکار میں مداخلت اور انتظامی اہلکاروں کے عدم تحفظ پر ضلعی انتظامیہ اور تمام محکمہ جات کے افسران اور اہلکار احتجاج ریکارڈ کروا رہے ہیں۔
ڈپٹی کمشنر پشاور کے دفتر پر چند وکلاکی جانب سے حملے اور کار سرکار میں مداخلت کے خلاف صوبہ بھر کی طرح ایبٹ آباد میں بھی احتجاج کیا گیا جس میں ضلعی انتظامی، ڈسٹرکٹ سیکرٹریٹ اور تمام سرکاری محکمہ جات بند رہے۔ تمام افسران اور اہلکاروں نے بازو پر کالی پٹی باندہ کر اپنا احتجاج ریکارڈ کروایا۔ ڈپٹی کمشنر ایبٹ آباد طارق سلام مروت نے پشاور واقعے پر دکھ کا اظہار کیا اور اس بات پر زور دیا کہ ریاست کے عزت اور وقار کے لیے ضروری اقدامات کی ضرورت ہے۔ اس موقع پر ایڈیشنل ڈپٹی کمشنرز، اسسٹنٹ کمشنرز، ایڈیشنل اسسٹنٹ کمشنرز، ضلعی انتظامیہ کے افسران، اور اہکار احتجاج میں شامل رہے اور ریاست کی عزت اور وقار کے حق میں احتجاج ریکارڈ کروایا۔ چند وکلاء کی طرف سے ڈپٹی کمشنر پشاور کے دفتر پر حملہ، ان کی ماورائے قانون کاروائیاں، کار سرکار میں مداخلت اور کار سرکار کے دوران حکومت کی طرف سے انتظامی اہلکاروں کے عدم تحفظ پر ضلعی انتظامیہ کے تمام دفاتر بطور احتجاج بند رہے۔

06/06/2022

ایبٹ آباد (الوطن نیوز) ایبٹ آباد بگنوتر پولیس نے پہاڑوں میں آگ لگانے والے دو ملزم گرفتار کر لیے
*ضلعی پولیس سربراہ سجاد خان کی ہدایات پر ایس ایچ او بگنوتر کیڈٹ نواز کی کاروائی* پہاڑوں میں آگ لگانے والے دو ملزمان گرفتار ، فیضان ولد اورنگزیب اور نوید ولد شفیق ساکنان باغ جو شیر آباد کے مقام پر پہاڑوں میں آگ لگانے میں ملوث تھے دونوں کو گرفتار کر کے زیر دفعہ 188PPC مقدمہ درج کر دیا

06/06/2022

ایبٹ آباد (الوطن نیوز) ایبٹ آباد تھانہ کینٹ پولیس کی منشیات فروشوں کے خلاف کاروائیاں جاری. ایس ایچ او کینٹ نے منشیات فروش عثمان عرف شانی کول ولد طارق سکنہ محلہ محمد زئی نواں شہر کو گرفتار کر کے ملزم کے قبضے سے 05 کلو 284 گرام چرس اور 452 گرام آئس برآمد کر لی امتناع منشیات ایکٹ کے تحت مقدمہ درج کر کے تفتیش شروع کر دی ۔

05/06/2022

حویلیاں(الوطن نیوز) مسلم لیگ ن کی قیادت عوامی تعاون سے ملک کو معاشی بحران سے نکالے گی،حویلیاں شہر کو نظرانداز کرنے والوں کا احتساب کریں گے، عمران خان کے حکومت مخالف بیانات کا سپریم کورٹ نوٹس لے ،ان خیالات کا اظہار وفاقی وزیر پارلیمانی امور مرتضی جاوید عباسی اور ممبر صوبائی اسمبلی سردار اورنگزیب نلوٹھہ نے سابق چیئرمین بلدیہ حویلیاں خالد پرویز اعوان کے عوامی حجرے کی افتتاحی تقریب سے خطاب کرتے ہوئے کیا انہوں نے کہا کہ عمران خان کی حکومت کو اگر مزید وقت دیا جاتا تو ملک دیوالیہ ہوجاتا انہوں نے کہا تحریک انصاف اور عمران خان کی حکومت خود ان کے اتحادیوں نے چھوڑی ہے جن کو عمران خان نے گزشتہ تین سال نظرانداز کیا جس کے جواب میں حکومتی اتحاد ٹوٹا اور عمران خان رخصت ہوئے مرتضی جاوید عباسی نے کہا کہ عمران خان جس طرح عوامی اجتماعات میں ملک توڑنے اور افواج پاکستان کی تقسیم کی باتیں کررہا ہے اس پر سپریم کورٹ کو نوٹس لینا چائیے انہوں نے کہا تحریک انصاف کی نااہل حکومت نے اپنے چار سالہ ور میں ماسوائے بدتمیزی کلچر اور الزام تراشی کے سوا کچھ نہیں دیا مرتضی جاوید عباسی نے کہا کہ جس حکومت سے اس کے اتحادی مطہمن نہ ہو اس کی ناکامی کا الزام امریکہ یا کسی اور پر ڈالنا ناکامی کا ثبوت ہے ممبر صوبائی اسمبلی سردار اورنگزیب نلوٹھہ نے کہا کہ حویلیاں کی عوام نے ہمیشہ مسلم لیگ ن کا ساتھ دیا ہے اور آنے والے دنوں میں بھی مسلم لیگ ن کا ساتھ دیں گے انہوں نے کہا تحریک انصاف کے 7 سالہ صوبائی دور میں تحصیل حویلیاں کو کوئی میگا پروجیکٹ نہیں دیا گیا حویلیاں محلہ بیگہ میں 70 لاکھ کا ٹیوب ویل ابھی تک فنگشنل نہیں ہو سکا جو کہ حلقہ پی کے 38 کے ممبر صوبائی اسمبلی کی نااہلی ہے سردار اورنگزیب نلوٹھہ نے کہا کہ حلقوں کی نئی تقسیم سے حویلیاں شہر کو دوبارہ سیاسی اہمیت حاصل ہو چکی ہے اور آنے والے دنوں میں مسلم لیگ ن تحصیل حویلیاں میں فعال نظر آئے گی تقریب سے چیئرمین نیبر ہوڈ کونسل حویلیاں اربن ملک قمر حسین ،شہریار نعیم اور دیگر نے بھی خطاب کیا

05/06/2022

ایبٹ آباد (الوطن نیوز )پراونشل ڈاکٹر ایسوسی ایشن خیبر پختون خوا کے نائب صدر ایگزیکٹو ممبر گرینڈ ہیلتھ آلائنس کے پی کے ڈاکٹر راحیل شہزاد نے کہا ہے کہ ریجنل ہیلتھ اتھارٹی کا بل ہسپتالوں کو پرائیویٹ کرنے کی کوشش ہے ۔خیبر پختون خوا میں 8سال سےحکومت کرنے کے بعد صوبائی حکومت کی اس طرح کی کوشش ناکام پالیسیوں کا اعتراف ہے جس کے خلاف غیر معینہ مدت ہڑتال کرینگے اور ہسپتالوں میں سروسز اے بائیکاٹ کریں گے ۔ جس کی ذمہ داری صوبائی حکومت پر عائد ہو گی۔میڈیا سے گفتگو کرتے ہوئے پی ڈی اے کے صوبائی نائب صدر ڈاکٹر راحیل شہزاد کا کہنا تھا ریجنل ہیلتھ اتھارٹی کا فیصلہ مسترد کر تے ہیں۔انہوں نے کہا کہ ملک کے دوسروں صوبوں میں اس طرح کی مثال موجود نہیں ہے۔خیبر پختون خوا کو تحریک انصاف نے تجربات کا گڑھ بنا رکھا ہے پہلے بھی ایم ٹی آئی ایکٹ پر ڈاکٹرز ،پیرا میڈیکس اور عوام کے تحفظات اور خدشات موجود ہیں ۔صوبائی حکومت کا صحت جیسے بنیادی سہولت کے شعبہ کا بوجھ عوام پر ڈالنے کی کوشش ملک کے آئین سے انحراف ہے ۔ ملک میں تعلیم اور صحت کی سہولیات ریاست کی زمہ داری ہے ۔پاکستان تحریک انصاف کی حکومت خودمختار ادارے بنانے کے لئے منافع بخش اداروں کا تعین کرے۔انہوں نے مزید کہا کہ پی ڈی اے خیبر پختون خوا کو صوبائی حکومت کی جانب سے ہیلتھ اتھارٹی کے بل کو لانے پر شدید تحفظات ہیں۔جس کے خلاف آج پیر کے روز سے ڈاکٹرز احتجاج اور ہڑتال کرینگے ۔اگر صورتحال برقرار رہتی ہے تو مجبوراً سروسسز سے بھی بائیکاٹ کرنا پڑے گا جس کی زمہ دار صوبائی حکومت ہو گی۔

05/06/2022

ایبٹ آباد (الوطن نیوز) ایبٹ آباد سپلائی سے ایک بچہ ملا ہے جوکہ بول نہیں سکتا اس کے ورثاء کی تلاش ہے مذکورہ بچہ سپلائی پولیس چوکی میں جود ہے جس کسی کا وہ پولیس چوکی سپلائی سے رابطہ کرے

05/06/2022

ایبٹ آباد (الوطن نیوز) ایبٹ آباد شہر کے نواحی علاقہ ہرنو کے قریب کالی کے مقام پر جنگل میں نامعلوم وجوہات کی بناء پر آچانک آگ بھڑک اُٹھی ریسکیو 1122۔کنٹرول روم کو اطلاع موصول ہوتے ہی دو فائر ویکل بمعہ 15 فائر فائٹرز جائے وقوعہ پر پہنچے ریسکیو 1122۔
جنگل میں آگ دور ہونے کے باوجود فائر فائٹرز نے پیدل مسافت کرتے ہوئے آگ کے مقام پر پہنچ کر آگ کو بجھانے کا عمل شروع کر دیا ریسکیو 1122۔آگ جنگل کے وسیع رقبے پر پھیلی ہوئی ہے اور آگ کی شدت انتہائی زیادہ ہے فائر فائٹرز نےبہترین انداز میں فائر فائٹنگ کرتے ہوئےآگ پر کافی حد تک قابو پالیا ہے۔۔ ہوا زیادہ ہونے کی وجہ سے آگ تیزی سے پھیلتی رہی ۔ آگ پہاڑی کی چوٹی پر واقع جنگل میں پھیل گئی جہاں پر پیدل چلنے کا بھی راستہ نہیں ہےریسکیو 1122 کے جوانوں گزشتہ3 گھنٹوں سے آگ پر قابو پانے کی کوششیں میں مصروف ہے ریسکیو 1122 کے بروقت رسپانس کی وجہ سے آگ کو پھیلنے سے بھی روکا جا رہا ہے اور جنگلات اور قریب رہائشی علاقے کو بھی بچایا جا رہا ہے ۔ترجمان ریسکیو 1122 ایبٹ آباد"

05/06/2022

ایبٹ آباد (الوطن نیوز) ایبٹ آباد دھمتوڑ بائی پاس کے اطراف کنسٹرکشن کا نوٹس
شہری کنسٹرکشن سے پہلے متعلقہ ٹی ایم اے سے نقشہ منظور کروائیں۔
ضلعی انتظامیہ ایبٹ آباد کی ہدایات کے مطابق دھمتوڑ بائی پاس کے اطراف بے ہنگم کنسٹرکشن کی روک تھام کے لیے متعلقہ ٹی ایم اے سے نقشے کی منظوری ضروری ہے۔ اسی سلسلے میں نقشے کے بغیر کنسٹرکشن کے حوالے سے اسسٹنٹ کمشنر ایبٹ آباد نے ایڈیشنل اسسٹنٹ کمشنر-3 ایبٹ آباد زدک تورو اور ٹی ایم اے کے ہمراہ دھمتوڑ بائی پاس کا معائنہ کیااور ٹی ایم اے و متعلقہ افراد کو ہدایات جاری کیں۔

05/06/2022

05/06/2022

مانسہرہ ( الوطن نیوز ) چیئرمین ہزارہ قومی محاذ پاکستان قاضی محمد اظہر ایڈوکیٹ سپریم کورٹ آف پاکستان کی ہدایت پر ہزارہ قومی محاذ پاکستان کے رہنماؤں کا قوم پرست رہنمائوں سے ملاقاتوں کا سلسلہ جاری اور ہزارہ قومی محاذ پاکستان کے پرچم تلے متحد ہو کے صوبہ ہزارہ کی جہدوجہد کو تیز کرنے کی دعوت دی جا رہی ہے ۔ ہزارہ قومی محاذ پاکستان کا وفد جس کی سربراہی جنرل سیکٹری ذوالقرنین خان کر رہے تھے اور وفد میں ہزارہ قومی محاذ پاکستان کے مرکزی سیکرٹری فائنانس عابد خان ، مرکزی رہنما بابو بشیر، مدثر ملک اور افتخار احمد شامل تھے۔ وفد نے مانسہرہ میں امجد سالار خان سابقہ ضلع ممبر و سابقہ امیدوار قومی اسمبلی کو ہزارہ قومی محاذ پاکستان میں شمولیت اور مل کر قائد آصف ملک کے نظریہ کے لیے یکجان ہو کے کام کرنے کی دعوت دی گئی ۔ جنرل سیکرٹری ذوالقرنین خان نے کہا کہ ہر ہزارے وال کو دعوت دیں گے کہ صوبہ ہزارہ کے قیام کے لیے عملی جدوجھد ہمارا ساتھ دیں اور کیسی صورت شہدائے ہزارہ کی قربانیاں رائیگاں نہیں جانے دیں گے جس کا سلسلہ سردار شاید شہید نے اپنی جان کا نذرانہ ماں دھرتی ہزارہ کو پیش کرتے ہوئے شروع کیا تھا اور آئندہ بھی جان کی قربانی دینی پڑی جان حاضر

05/06/2022

ایبٹ آباد( الوطن نیوز )ایبٹ آباد شہر کے تھانہ میرپور پولیس نے ایک چھاپے کے دوران منشیات فروش سے ایک کلو دو سو چالیس گرام چرس برآمد کر کے اسے گرفتار کر لیا اور دوران َسرچ آپریشن بلا لائیسنس دو عدد پوسٹل تیس بور بمعہ ستر کارتوس برآمد کر کے دو افراد کو گرفتار کر لیا اور اس کے خلاف غیر قانونی اسلحہ رکھنے کے جرم میں مقدمہ درج کر دیا تھانہ میرپور پولیس نے ایک چھاپے کے دوران ارشد ولد اعظم خان سکنہ میرپور سے 01 کلو 240 گرام چرس برآمد کرلی اور اس کے خلاف منشیات فروشی ایکٹ کے تحت مقدمات درج کرکے اسے گرفتار کر لیا اسی طرح دوران گشت سرچ آپریشن کے دوران
میرپور پولیس نے غیر قانونی اسلحہ کے خلاف رکھنے کے جرم میں دو افراد کو گرفتار کر لیا ایس ایچ او میرپور نے دوران گشت دو ملزمان اعجاز ولد ریاض اور وقار ولد عبدالرزاق ساکنان کسکی کلاں گرفتار ملزمان کے قبضے سے 2 عدد پسٹل 30 بور معہ 70 کارتوس برآمد کر کے ملزمان کے خلاف مقدمات درج کر دئیے

05/06/2022

ایبٹ ( پریس ریلیز) یونیورسٹی آف ہری پور میں دو روزہ "نفسیاتی اور سماجی علوم کے مختلف پہلوؤں" پر پہلی بین الاقوامی کانفرنس مورخہ 7 سے 9 جون تک منعقد ہوگی۔
کانفرنس کے سرپرست وائس چانسلر ہری پور یونیورسٹی پروفیسر ڈاکٹر شفیق الرحمن اور منتظم اعلیٰ فیکلٹی آف سوشل سائنسز کی ڈین اور صدر شعبہ نفسیات پروفیسر عمارہ گل ہوں گی۔تفصیلات کے مطابق ہری پور یونیورسٹی کی فیکلٹی آف سوشل سائنسز مؤرخہ 7 سے 9جون 2022 تک "نفسیاتی سماجی اور انتظامی علوم" سے متعلق پہلی بین الاقوامی کانفرنس کا انعقاد کرنے جا رہی ہے، جس میں سماجی اور انتظامی علوم کی فیکلٹی کے مختلف شعبہ جات کے متوازی سیشن منعقد کیے جائیں گے۔ جس میں ملکی اور بین الاقوامی سطح کے معروف اور جید پروفیسرز اور ماہرین شرکت فرمائیں گے ۔مقررین میں ڈریسڈن یونیورسٹی جرمنی سے ڈاکٹر فاطمی کامل، انٹرنیشنل اسلامک یونیورسٹی ملائیشیا سے ڈاکٹر جمیلہ ھانم، Global Illuminator Malaysia سے ڈاکٹر فاروق جام، ٹریپولی یونیورسٹی لبنان سے ڈاکٹر ترکی، وکٹوریہ یونیورسٹی نیوزی لینڈ سے ڈاکٹر بیری گورڈن اور سنٹرل نورمل یونیورسٹی چائنہ سے ڈاکٹر ژانگ شیان شامل ہونگے۔اسی طرح ملک بھر سے درج ذیل ماہرین کانفرنس میں مختلف موضوعات پر لیکچرز اور سیمینارز دیں گے: پشاور یونیورسٹی کے پروفیسر ڈاکٹر فخر الاسلام، مالاکنڈ یونیورسٹی کے پروفیسر ڈاکٹر قیصر خان، ہزارہ یونیورسٹی کے پروفیسر ڈاکٹر سید منظور حسین شاہ، MY یونیورسٹی کےپروفیسر ڈاکٹر صلاح الدین ، ائر یونیورسٹی کے ڈاکٹر حبیب احمد ، آزاد کشمیر یونیورسٹی کے ڈاکٹر عتیق احمد ، AIOU کے ڈاکٹر حافظ محمد ساجد، FJWU کی ڈاکٹر شہزادی پاکیزہ، شفاء تعمیر ملت یونیورسٹی کے ڈاکٹر طاہر خلیلی اور دیگر۔ اس حوالہ سے پروفیسر ڈاکٹر عمارہ گل نے بتایا کہ ریجن میں یہ اپنی نوعیت کی منفرد کانفرنس ہوگی جو ایک طرف نفسیاتی، سماجی اور انتظامی علوم سے وابستہ ماہرین، محققین اور طلباء کو ملکی اور عالمی سطح پر ہونے والی پراگرس سے آگاہی فراہم کرے گی تو دوسری جانب زیر تعلیم طلباء اور محققین کو ایک عالمی کانفرنس میں شمولیت اور پیپرز پیش کرنے کے مواقع فراہم کرے گی۔

05/06/2022

کراچی (الوطن نیوز ) مشہور دعا زہرہ اغوا مقدمے میں بڑی پیش رفت کراچی پولیس نے پنجاب پولیس کے ہمراہ بڑا آپریشن کرتے ہوئے کراچی سے مبینہ اغوا ہونے والی دعا زہرا کو بازیاب کرا لیا۔
کراچی پولیس نے پنجاب پولیس کے ہمراہ مشترکہ آپریشن میں دعا زہرا کو بہاولنگر سے بازیاب کر کے اس کے شوہر ظہیر اور پناہ دینے والے سہولت کار کو گرفتار کر لیا
پولیس حکام کے مطابق دعا زہرا اور ظہیر اے وی سی سی کی کسٹڈی میں ہیں جن کو بہاولنگر سے کراچی منتقل کیا جا رہا ہے، جب کہ سہولت کار کو پنجاب پولیس اپنے ہمراہ تفتیش کے لیے لاہور منتقل کر رہی ہے، سہولت کار نے دعا زہرہ اور ظہیرکو پناہ دی تھی۔

ایس ایس پی اے وی سی سی زبیر نذیر شیخ کا کہنا ہے کہ دعا زہرا کی بازیابی کے لیے پاکستان بھر میں چھاپے مارے گئے،
کراچی پولیس نے پنجاب سے لے کر کشمیر اور دیگر صوبوں میں بھی چھاپے مارے، سینکڑوں افراد کا ڈیٹا شارٹ لسٹ کر کے پولیس نے چیک کیا اور دعا زہرا کو بازیاب کرایا گیا۔
دعا کے والد نے مقدمہ درج کروانے کے بعد عدالت کو درخواست کی تھی کہ دعا زہرا اور ظہیر احمد کی 17 اپریل کو ہونے والی شادی غیر قانونی قرار دی جائے۔

ان کا کہنا تھا کہ تاریخ پیدائش کے مطابق نکاح کے وقت دعا زہرا کی عمر 14 سال سے کم تھی، کم عمری کی شادی چائلڈ میرج ایکٹ 2013 کے تحت جرم ہے، نادرا ریکارڈ کے مطابق بھی دعا زہرا کی عمر 13 سال بنتی ہے۔
دوسری جانب عدالت نے دعا زہرا کو بازیاب نہ کروانے پر قائم مقام آئی جی سندھ کامران فضل کو بھی عہدے سے ہٹا دیا تھا، پولیس حکام کا کہنا ہے کہ دعا زہرا کو کراچی پہنچنے پر سب سے پہلے سٹی کورٹ اور اس کے بعد جمعے کے روز ہائی کورٹ میں پیش کیا جائے گا۔

یاد رہے کہ جمعے کو سندھ ہائیکورٹ نے دعا زہرا کیس میں وفاق اور ایف آئی اے کو فریق بنانے کا حکم دے کر ڈی جی ایف آئی اے کو سرحدی علاقوں کی نگرانی اور کارروائی کا حکم بھی دے دیا تھا، عدالت نے ایف آئی اے کو نوٹس جاری کرتے ہوئے لڑکی کو بیرون ملک منتقلی سے روکنے کی ہدایت کر دی تھی۔

عدالت نے اسٹیٹ بینک کو بھی ملزمان کے بینک اکاؤنٹس منجمد کرنے کا حکم دیا، اور نادرا کو حکم دیا کہ نامزد ملزمان کا قومی شناختی کارڈ بلاک کر دیا جائے۔

سندھ ہائیکورٹ نے پیر کو آئی جی سندھ کامران افضل کی کارکردگی پر عدم اطمینان کرتے ہوئے اسٹیبلشمنٹ ڈویژن کو آئی جی سندھ کا چارج کسی اہل افسر کو دینے کا حکم دے دیا تھا، جس پر کامران افضل کو عہدے سے ہٹاتے ہوئے ایڈیشنل آئی جی غلام نبی میمن کو آئی جی سندھ کا عہدہ سونپا گیا۔

05/06/2022

مانسہرہ (الوطن نیوز) مانسہرہ کے رہائشی دو دوست خضرو میں روڈ حادثہ میں جاں بحق ہو گئے مانسہرہ شہر کے رہاشی کامران عرف لکی اور محمد کاشف آف نوگزی جاں بحق۔جن کی نماز جنازہ آج شام 6 بجے نوگزی میں ادا کی جائے گئی حضروٹریفک حادثہ میں جاں بحق ہونے والے دوست

04/06/2022

سید کمال شاہ کا اعزاز سی پیک کمیونیکیشن ایوارڈ اپنے نام کرلیا ۔ ایبٹ آباد یونین آف جرنلسٹ کی مبارک

04/06/2022

تھانہ کینٹ پولیس کی کاروائی محکمہ سی این ڈبلیو کا ملازم عثمان عرف شانی بھاری منشیات سمیت گرفتار۔
مبینہ ذرائع

04/06/2022

تھانہ کینٹ پولیس کی کاروائی۔
کنٹونمنٹ بورڈ کا ملازم سعید 3 کلو ہیروئن سمیت گرفتار مقدمہ درج کر لیا گیا

04/06/2022

شانگلہ (الوطن نیوز) شانگلہ کے پہاڑوں میں لگنے والی آگ کی زد میں آ کر چار افراد جاں بحق ہو گئے
آگ مقامی آبادیوں کے طرف بڑھ رہی ہے ہے مزید سخت جانی ومالی نقصان کا خدشہ ہے
چکیسر یونین کونسل سرکول کے علاقہ علی جان کاپرئ میں آگ لگنے سے چار افراد جاں بحق جاں بحق ھونے والوں میں تین خواتین اور ایک مرد شامل ہیں مقامی لوگ اپنی مدد آپ کے تحت اگ بجھانے میں مصروف ہیں تاہم اگ مزید پھیل گئی ہے اور جنگل کو بھی لپیٹ میں لے لیا ھے ریسکیو ٹیم بھی پہنچ گئی ھے اگ پر قابو پانے کی کوشش جاری ہیں پختونخوا کے جنگلات میں 6 مقامات پر آگ بھڑک اٹھی جس کے نتیجے میں خاتون سمیت 4 افراد جھلس کر جاں بحق۔
شانگلہ میں آگ نے پہاڑوں پر قائم گھروں کو اپنی لپیٹ میں لے لیا ہے جب کہ علاقے میں خشک موسم کی وجہ سے آگ کے پھیلاؤ میں تیزی آرہی ہے۔
سوات میں کبل کے علاقے سیگرام، تحصیل بری کوٹ کےعلاقے ابالا، چارباغ کے علاقے کوٹ اور پٹھانے سمیت ملحقہ علاقوں کے پہاڑی علاقے میں لگی آگ بجھانے کی کوششیں جاری ہیں۔
اس کے علاوہ لوئر دیر کے پہاڑوں کےجنگلات میں بھی آگ بھڑک اٹھی ہے جسے بجھانے کے لیے انتظامیہ،مقامی افراد اور پاک فوج کے جوان مصروف عمل ہیں۔

04/06/2022

ایبٹ آباد (الوطن نیوز)ایبٹ آباد ریٹائرڈ تحصیلدار قاضی عطاء الرحمن نے ہزارہ قومی محاذ پاکستان میں شمولیت اختیار کر لی ۔ اس موقع پر چیئرمین HQM قاضی اظہر، جنرل سیکرٹری ذوالقرنین خان، فنانس سیکرٹری عابد خان، HQM کے رہنما بابو بشیر اور آفس سیکٹری بنارس نے مبارکباد پیش کی اور اس عزم کا اعادہ کیا گیا کہ صوبہ ہزارہ کی جدوجھد کو تیز کیا جائے گا۔ اور انشاء اللہ جلد منزل پا لی جائے گی

04/06/2022

** تلاش گمشدہ،، ** تلاش گمشدہ،،

ایبٹ آباد کاغان کالونی منڈیاں سے ایک خاتون پراسرار طورپرلاپتہ ہوگئی۔ اس حوالہ سے مسماۃ (ر)کے لواحقین نے بتایا کہ مسماۃ (ر) دو ہفتے قبل کسی کام کے سلسلہ میں گھر سے باہر گئی اورتاحال واپس نہیں آئی ۔ خاتون کے لواحقین نے اس حوالہ سے تھانہ میرپور میں گمشدگی کی درخواست دے دی ہے۔ خاتون کے لواحقین نے اپنے طورپر بھی اسے تلاش کیا مگر اس کے سراغ نہیں مل سکا۔ اگرکسی کو اس کے بارے میں علم ہو تو مندرجہ ذیل نمبر یا تھانہ میرپور کو اطلاع کریں۔
03155268813

04/06/2022

ایبٹ آباد (الوطن نیوز) گرینڈ ہیلتھ الائینس کا مشاورتی اجلاس صدر پراونشل ڈاکٹرز ایسوسی ایشن بینظیر شہید ٹیچنگ ہاسپٹل معظم خان کی زیر صدارت منعقد ہوا مشاورتی میٹنگ منعقد ہوئی جس میں ہدائیت الرحمن صدر پیرامیڈیکس ہزارہ ڈویژن محمد معروف خان صدر پیرامیڈیکس BBS ٹیچنگ ہسپتال ایبٹ آباد سردار شفاقت حسین جنرل سیکرٹری تنویر بی بی صدر نرسنگ ایسوسی ایشن اعجاز سواتی صدر درجہ چہارم اور گرینڈ ہیلتھ الائینس کے نمائندوں نے شرکت کی ۔جس میں گرینڈ ہیلتھ الائینس خیبر پختونخواہ کے تمام فیصلوں کی مکمل تائید کی گئی۔گرینڈ ہیلتھ الائینس ایبٹ آباد نے متفقہ طور پر DHA اور RHA کے کالے قانون کو یکسر مسترد کیا۔اجلاس میں ڈاکٹرز، پیرامیڈیکس، نرسنگ سٹاف اور درجہ چہارم کے تمام جائز مطالبات فی الفور حل کرنے کا مطالبہ کیا گیا۔گرینڈ ہیلتھ الائینس کے پرچم تلے تمام ہیلتھ ملازمین متحد ہیں اور پوری قوت کے ساتھ اپنے حقوق کےلیے نکلیں گے۔ گرینڈ ہیلتھ الائینس خیبر پختونخواہ کے احتجاجی شیڈول کے مطابق 6 جون 2022 بروز پیر سے مرحلہ وار احتجاجی سلسلہ شروع ہو گا۔
منجانب۔
ترجمان گرینڈ ہیلتھ الائینس ایبٹ آباد۔

04/06/2022

ایبٹ آباد (الوطن نیوز) مانسہرہ کے تھانہ گڑھی حبیب اللہ کی حدود گاوں جاگیر میں گھریلو ناچاقی کی وجہ سے ناحلف بیٹے نے پٹرول چھڑک کر گھریلو مکان کو آگ لگا دی لاکھوں روپے مالیت کا قیمتی سامان اور مکان جل کر راکھ اطلاع ملتے ہی ڈی ایس پی سرکل بالاکوٹ سراج خان اور ایس ایچ او تھانہ گڑھی حبیب اللہ گل نواز خان ایڈیشنل SHO یوسف خان si طارق خان مع نفری موقع پر پہنچے فائر برگیڈ کی گاڑی محلہ کا راستہ نہ ہونے کی وجہ سے جائے وقوعہ پر نہ پہنچ سکی جبکہ اہل محلہ نے اپنی مدد آپکے تحت آگ پر قابو پایا

04/06/2022

ایبٹ آباد( الوطن نیوز ) ضلع کولئی پالس کوہستان کے الیکشن کمیشن نے غیر حتمی انتخابی فہرستیں عوام کی سہولت کیلئے ڈسپلے مراکز میں آویزاں کر دیں۔زرائع کے مطابق گزشتہ روز عوام الناس متعلقہ فارم پر اپنے ووٹ کے اندراج و اخراج اور تصیح کے لئے درخواست جمع کراسکتے ڈسٹرکٹ الیکشنر ضلع کولئی پالس کوہستان محمد شفیق نے کہا ہے کہ پورے ملک کی طرح ضلع کولئی پالس کوہستان میں بھی غیر حتمی انتخابی فہرستیں عوام کے مطالعے کیلئے 21مئی2022 تا 19جون 2022 تک معائنہ مراکز ڈسپلے سنٹرز میں رکھ دی گئی ہیں جہاں لوگ اپنے ناموں کا اندراج درستگی اور اعتراضات جمع کروا سکتے ہیں اسی مقصد کیلئے فارم 15.16.17. متعلقہ ڈسپلے سنٹرز انچارج کو دے دیئے گئے ہیں ضلع کولئی پالس میں ہر یونین کونسل کی سطح پر 13معائنہ مراکز قائم کیے گئے ہیں مذکورہ فارم معائنہ مراکز پر بلا معاوضہ دستیاب ہیں ووٹر اپنا شناختی کارڈ نمبر ڈیش سپیس کے مسیج کر کے چیک کر سکتے ہیں اس مقصد کیلئے ہم تحصیل کے لیے ایک حاکم نظر ثانی بھی مقرر کر دیئے گئے ہیں ووٹ کا اندراج شناختی کارڈ کے حامل افراد عارضی یا مستقل پتے پر ووٹ کا اندراج کروا کر اس مہم کو کامیاب بنایا جائے

04/06/2022

اسلام آباد (الوطن نیوز) صدر مملکت ڈاکٹر عارف علوی نے الیکشن ترمیمی بل ، 2022 ء اور نیب ترمیمی بل 2022 ء نظرِ ثانی کیلئے واپس بجھوا دیے
صدر مملکت نے دونوں بل آئین کے آرٹیکل 75 کی شق ایک بی کے تحت واپس وزیر اعظم کو بھجوائے
پارلیمنٹ اور اس کی کمیٹی / کمیٹیاں دونوں بلوں پر نظر ثانی اور تفصیلی غور کریں ، صدر مملکت
صدر مملکت کو قانون سازی کی تجاویز کے متعلق مطلع نہ کرکے آئین کے آرٹیکل 46 کی خلاف ورزی کی گئی ، صدر مملکت
دونوں بل جلد بازی میں 26 مئی کو قومی اسمبلی اور 27 مئی کو سینیٹ سے منظور ہوئے ، صدر مملکت
معاشرے کیلئے دوررس اثرات والی قانون سازی پر قانونی برادری اور سول سوسائٹی کے ساتھ مشاورت کی جانی چاہیے ، صدر مملکت
سمندر پار پاکستانی اپنی محنت سے کمائی دولت کے ذریعے ملکی ترقی و خوشحالی میں اپنا کردار کرتے ہیں ، صدر مملکت
سپریم کورٹ نے بھی 2014 اور 2018 میں سمندرپار پاکستانیوں کےووٹ کے حق کی توثیق کی، صدر مملکت
ٹیکنالوجی میں بہتری لا کر بیرون ملک سے پاکستانیوں کو ووٹ کا حق دیا جاسکتا ہے ، صدر مملکت
عدالت نے فیصلے میں کہا کہ آئی ووٹنگ تھرڈ پارٹیز کی جانب سے محفوظ ، معتبر اور قابل بھروسہ قرار دیا جا چکا ہے، صدر مملکت
آئین کے آرٹیکل 17 میں بیرون ملک مقیم پاکستانیوں کو ووٹ کا حق دیا گیا ہے ، صدر مملکت
دنیا بھر میں انٹرنیٹ کے ذریعے روزانہ 8.5 ارب ڈالر کے محفوظ لین دین کیے جاتے ہیں ، صدر مملکت
پاکستان کی ووٹنگ مشین میں پیپر ٹریل کا پورا سسٹم موجود ہے ، صدر مملکت
الیکٹرانک ووٹنگ مشین بیلٹ پیپر کی چھپائی اور گنتی میں مدد دیتی ہے ، صدر مملکت
پاکستان میں ہر الیکشن کے نتائج کو چیلنج کیا جاتا ہے ، ہر حکومت پر الزامات لگتے ہیں ، صدر مملکت
نئی ترامیم ایک قدم آگے جانے اور گھبرا کر دو قدم واپس پلٹ جانے کے مترادف ہیں ، صدر مملکت
ترامیم الیکشن میں شفافیت اور بہتری لانے کے تکنیکی عمل میں غیر ضروری تاخیر لانے کے مترادف ہیں ، صدر مملکت
پارلیمنٹ ان قوانین پر پیچھے کی جانب مت جائے ، مزید بہتری لا کر نفاذ یقینی بنایا جائے ، صدر مملکت
نیب قوانین میں ترمیم سے بارِ ثبوت استغاثہ پر ڈال کر اسے 1898 ء کے فوجداری قوانین جیسا بنا دیا گیا ہے ، صدر مملکت
نیب قانون میں ترامیم سے استغاثہ کیلئے کرپشن اور سرکاری اختیارات کے غلط استعمال کے الزامات ثابت کرنا ناممکن بنا دیا گیا ہے ، صدر مملکت
نیب قانون میں ترامیم سے پاکستان میں احتساب کا عمل دفن ہو جائے گا، صدر مملکت
نیب ترامیم اسلامی فقہ کی روح کے بھی خلاف ہیں ، صدر مملکت
نیب ترامیم سے غیر قانونی اثاثوں کی منی ٹریل حاصل کرنا ناممکن ہو جائے گا، صدر مملکت
ترامیم منظور کرنے سے عدالتوں میں میگا کرپشن کے کیسز بے نتیجہ ہوجائیں گے ، صدر مملکت
کرپشن کے خاتمے کیلئے احتساب کے عمل کو مزید مضبوط ہونا چاہیے تھا ، صدر مملکت

04/06/2022

ایبٹ آباد (الوطن نیوز) ایبٹ آباد تھانہ کینٹ اور تھانہ اور تھانہ حویلیاں کی پولیس نے منشیات فروشوں کے خلاف سرچ آپریشن کے دوران لاکھوں روپے مالیت کی 7کلو گرام ہیروئن اور 4 کلو 192 گرام چرس برآمد کر لی اور ان کے خلاف منشیات فروشی ایکٹ کے تحت مقدمات درج کرکے مزید تفتیش شروع کر دی ہے تھانہ حویلیاں پولیس نے منشیات فروشوں کے خلاف سرچ آپریشن کے دوران جمیل عرف کالا ولد فضل الرحمن سے 02 کلو 150 گرام چرس ، منیر ولد مشتاق سکنہ سلطانپور سے 02 کلو 42 گرام چرس کر کے ایف آئی آرز درج کر مزید تفتیش شروع کر دی ہے اسی طرح تھانہ کینٹ پولیس نے منشیات فروشوں کے خلاف کاروائیاں کے دوران مظاہر حسین شاہ ولد معظم شاہ سکنہ بلال ٹاون سے 04 کلو ہیروئن ، سعید خان ولد سلیم خان سکنہ شیخ ڈھیری سپلائی سے 03 کلو ہیروئن برآمد کر کے امتناع منشیات ایکٹ کے تحت مقدمات درج کر کے مذید تفتیش شروع کردی ہے

04/06/2022

مانسہرہ (الوطن نیوز) ڈی پی او مانسہرہ عرفان طارق نے ڈھوڈیال میں منشیات فروشوں کے خلاف گرینڈ آپریشن شروع کردیا ہے اس سلسلے میں بدنام زمانہ منشیات فروشوں کے ٹھکانوں پر چھاپوں کے دوران 3 منشیات فروشوں کو گرفتار کرکے ان کے قبضے سے 9 کلو سے زائد چرس 300 گرام ہیروئین اور 15 گرام آئس برآمد کرلی۔
تفصیلات کےمطابق ڈی پی او مانسہرہ نے ضلع کومنشیات سے پاک کرنے کے لئیے تمام ایس ایچ اوز کو ہدایات جاری کردی۔ہدایات پر عملدرآمد کرتے ہوۓ شنکیاری پولیس نے ڈھوڈیال کے علاقے میں گرینڈ آپریشن شروع کر دیا جسکے نتیجے میں پہلے ہی دن 3 مشہور منشیات فروش، صدیق احمد ولد آدم خان ، محمد زبیر ولد عبدالخنان اور ملزم محمد سہیل ولد عبدالخنان کو گرفتار کرلیا گیا جن سے مجموعی طور پر 9 کلوسے زائد چرس، 300 گرام ہیروئن اور 15 گرام آئس برآمد کرکے مقدمات درج کرکے تفتیش شروع کر دی ہے ڈی پی او مانسہرہ عرفان طارق نے عوام کے نام اپنے پیغام میں کہا ہے کہ نوجوان نسل کو موت کے منہ میں دھکیلنے والے موت کے سوداگروں کے لئیے ضلع میں کوئ جگہ نہیں ہے ۔منشیات سے پاک ضلع کے لئیے عوام مانسہرہ پولیس کے دست وبازو بن جائیں اپنے علاقے میں موجود منشیات فروشوں کی اطلاع پولیس کو دیں۔تاکہ ضلع کو منشیات سے پاک کیا جاسکے۔*

04/06/2022

ایبٹ آباد (الوطن نیوز) ایبٹ آباد کی تاجر برادری نے پیٹرولیم مصنوعات، بجلی کی قیمتوں میں اضافے کو مسترد کر دیا ہے اور اس سلسلے میں
آل ٹریڈ فیڈریشن ایبٹ آباد کا ایک ہنگامی اجلاس صدر سردار شاہنواز کی زیر صدارت منعقد ہوا جس میں جنرل سیکرٹری سجاد خان جدون، کابینہ اراکین، تاجر اتحاد کی کور کمیٹی و کابینہ اراکین اور دیگر راہنماؤں نے شرکت کی۔ اجلاس میں حکومت کی جانب سے پیٹرولیم مصنوعات اور بجلی کی قیمتوں میں اضافے کو مسترد کرتے ہوئے حکومت سے فوری طور پر قیمتوں میں اضافے کا فیصلہ واپس لینے کا مطالبہ کیا۔ اس کے علاوہ اشیاء خوردونوش اور دیگر اشیاء ضروریہ کی قیمتوں میں آئے روز اضافے نے عوام کی کمر توڑ کر رکھ دی ہے۔ عوام فاقہ کشی پر مجبور ہو چکی ہے۔ صورت حال یہ ہے کہ غریب افراد مہنگائی کے نہ روکنے والے طوفان کی وجہ سے خود کشیوں پر مجبور ہیں۔ پر اس ملک کے سیاستدانوں کو کوئی فکر نہیں۔ یہ اشرافیہ ملک کے خزانوں کو لوٹ کر اپنی عیاشیوں میں لگے ہیں۔ انہوں نے کہا کہ آئی ایم ایف کی پالیسیوں کے تحت جو مہنگائی کر کے عوام کا معاشی قتل عام کیا جارہا ہے تاجروں کو بے روزگار کیا جا رہا ہے۔ اور اس ملک کی معیشت کو تباہی کی طرف دھکیلا جارہا ہے۔ حکومت کو تاجر کش پالیسیوں پر نظر ثانی کرنا ہوگا۔ بصورت دیگر ہر سطح پر احتجاجی تحریک شروع کی جائے گی۔

03/06/2022

پشاور (الوطن نیوز) وزیر اعلی خیبر پختونخواہ نے
سرکاری اداروں میں پٹرولیم مصنوعات کے اخراجات پر فی الفور 35 فیصد کٹ لگانے کا حکم دےدیا۔