FHB Forca Humanista balibo

10/11/2021

EZISTÉNSIA FORSA HUMANISTA TIMOR-LESTE

Forsa Humanista Timor-Leste (FHTL) nu'udar organizasaun voluntariu puru, ne'ebé nia sentru lokaliza iha Dili-Aloklaran ho membru ekipa iha 12 munipiu inklui RAEOA. FHTL mós iha nia vizaun katak Timor oan hotu tenki matenek, isin no klamar hanesan Timor oan lolo'os, liu husi vizaun hirak ne'e FHTL mai ho nia misaun mak Edukasaun Popular signifika edukasaun tenki hanesan ba ema hotu, sem diskriminsaun husi ema ba ema. FHTL mós sai baze ba dezenvolvimentu karakter voluntarizmu foinsa'e nian, inísiu kedas husi hari'i iha dia 09/12/2017. Tanba ne'e, natureza mak lori hamotuk foinsa'e nia esperitu voluntariu, ka bazeia ba referénsia luta no mate voluntariu ba libertasaun patria, ida ne'e prinsipio da luta. Hare'e ba esperitu solidaridade, sabedoria no karidade ba foinsae makas tebes, sai hanesan mós kultura ne'ebé mak nanis kedas moris hamotuk ho povu maubere. Foinsa'e sira ne'ebé hamahan a'an iha Forsa Humanista Timor-Leste (FHTL) konviksaun iha ideias humanizmu, hodi humaniza ema nakfila ba asaun voluntariu, nune'e atu liberta total povo tenki servisu ho asaun voluntariu. Indentidade FHTL mak tais hanesan mós parte ida husi kultura Timor nian ne'ebé hahú kedas husi beiala sira.

Prinsípiu no filosofia FHTL nian mak "sira mate voluntariu ba libertasaun pátria, ami moris kontinua servisu voluntariu ba libertasaun povu". Hanoin katak atu liberta povu ho dalan oioin, maibé FHTL hili mak dalan eduksaun, Saùde no Agrikultura tanba Pontus importante hirak ne'e sai hanesan patrimóniu povo nian. Hare'e ba asun sira ne'e iha potensia tau hamotuk sai baze movimentu sosiál, hodi kontrobui no fo alternativu ba prosesu dezenvolvimenu karakter Timorana. FHTL mós define asaun humanitarian ho terminologia ida; ema mak sai sentru ba buat hotu-hotu, katak iha sosiedade ida humanu mak mais valor liu no iha dignidade kompara ho material, sentidu katak humanu kompletu ho isin no klmar tenki kuda esperitu voluntariu no solidaridade ba maluk hamanu seluk. Husi parte seluk FHTL redefine, nu'udar timor oan bele iha ne'ebé de'it isin no klamar hanesan Timor oan lolos, humanista voluntariu no salidariu ne'e refleta ba solidariedade social naturalmente tula lisuk liman ba malu, koidadudu malu hanesan humanu lolo'os iha tempu saide de'it, mate karik mate tesik ba, kiak karik kiak tesik ba, maibé susar ba ami atu husik liman los ba malu no ida ne'e refleta ba kultura husi vizavo sira.

FHTL nia aktividade edukasaun popular nu'udar meios ida atu kontrobui ba povo RDTL liu husi kapasitasaun hanesan kursus (lian ingles no prtugues), formasaun lideransa, saude publika no agrikultura ho gratuita iha área rurais no urbana, esperitu sira ne'e nu'udar eransa no obra asuwain luta nian la sura kolen, la sukat distansia maske la ho kutansia soldadu pronto ba RDTL. Vontade sira ne'e se ita konsidera ba edukasaun ohin loron, bele tau hamotuk matenek, bada'en rekursu hodi sai movimentu eduksaun popular komunitariu ne'ebé ké forte bele hamosu mudansa radikal iha komunidade sustentavel no saudavel.

Forsa Humanista Timor-Leste nafatin banati no promove tuir ideias ukun rasik-an, sai paralelu auto sufisiensia ba kominidade saudavel entermus koneisementu indepedensia, nune'e fira katak libertasaun povo FHTL mos kontribui ba dezenvolvimentu social no uza rekursus auto sufisiente hodi tulun malu nu'udar humanu "pronto sai rai metan ba dezenvolvimente".

Hare'e ba prinsípiu pontu de ordem, FHTL "halo buat ida, la ho buat ida no la iha buat ida", deside an marsa edukasaun popular no festa edukasaun popular kada tinan hale'u minicipiu sira iha Timor. Maske ema barak tenta atu muda konsentrasaun FHTL, maibé FHTL nafatin konsentra iha nia vizaun no misaun ba libertasaun povu maubere "brani ba ita hotu, moris di'ak ba jerasaun tuir mai".

Fini FHTL buras dadauk ona iha baze mesmu ke laduk iha influénsia bo'ot, maibé hanesan ai-tarak sempre sona elefante nia ain, signifika katak humanista iha ona baze sosiál ne'ebé iha nivel baixo asaun iha kampu no hirak ne'e nu'udar orbrigasaun morál ba kontribuisaun iha kontrusaun estadu no konstrusaun karakter voluntariu nasionalizme. FHTL dezafia no konsensiliza nafatin ema barak hada'et esperitu karakter voluntariu popular livre husi sistema estrutural, konserteza fin ba estadu no nasaun.

Ikus liu atu remata, hametin, haburas no hasae esperitu voluntariu iha epoka foun ho otas nurak hodi haburas ideas humanizmu. Se de'it nu'udar Timor oan presiza tau atensaun ba esperitu voluntariu kultura solidaridade hanesan dalan ba kontrusaun karakter nasionalizmu isin no klamar nu'udar Timor oan.

"Voluntariu mak rai metan ba dezenvolvimentu"
"ke'e we matan ba jerasaun foun no la husik mata wen ba jerasaun foun"
"Ema ida seidauk matenek wainhira seidauk fahe nia matenek ba ema seluk"
"Se ó hadomi Timor, la'o ba Timor no Hamotuk ita koidadu Timor"

Forsa humanista Timor-Leste la halo proposta, la iha duador husi internasional, nasionl no lokal maibe FHTL so iha de'it esperitu voluntarizmu.

Hakerek Ideas Kolektivu Husi membru FHTL.

10/11/2021

COMUNICADO DA IMPRENSA

Forsa Humanista Timor-Leste hanesan Organizasaun voluntario ne’ebé kompostu husi kamada juventude intelektuál iha nivel Nasionál, Municipio, Postu, Suku to’o Aldeia no diaspora, ne’ebé maka kontribui ba prosesu dezemvolvimentu nasionál liu husi pilar edukasaun populár ho asaun voluntariu, nune'e ami preukupa no lamenta tebes ba desizaun VIII Governu ne’ebé aplika lockdown, Estado Emerjénsia, Serka Sanitaria no konfinamentu obrigatóriu hodi fo sofrimentu ba povu iha aspetu sira mak hanesan tuir mai ne’e:

1. Aspetu Edukasaun
Forsa Humanista Timor-Leste preokupa tebes ho implementasaun Eskola ba uma, ninia efektividade ne’ebé mak prejudika ba kualidade no kuantidade alunus sira husi pre-eskolár to’o institutu superiór, tanba iha fatores lubuk ida ne’ebé maka la fó kondisoens ba Inan Aman atu apoiu nesesidade estudantes sira nian hanesan, pulsa, telefone, televizaun no rede internet la sufisiente ba prosesu aprendijajen iha nivel nasionál, Municipio to’o área remotas. Sorin seluk FHTL mós lamenta ho Eskola online tanba la aplikavel iha nasaun terseiru sikulu hanesan Timor-Leste.

2. Aspetu Polítika
Infelismente Forsa Humanista Timor-Leste hare’e katak inserteza polítika ne’ebé akontese iha 2017 até agora fo implikasaun ba prosesu demokratizasaun iha estado Timor-Leste, tanba autoridade husi partidu polítiku sira laiha komitmentu no responsabilidade morál atu halo komunikasaun ida ne’ebé fektivu no rekonsiliasaun atu hamosu konsensus nasionál ka (musyawarah mufakat).

3. Aspetu Seguransa
Forsa Humanista Timor-Leste la mentavel ho atitude atuasaun oknum PNTL nian ne’ebé akontese bei-beik ona iha Kuluhun, Manufahi, Covalima, Mascarenhas no atuasaun ne’ebé mak kontinua repete iha Tasi-tolu.
Husi parte seluk hanesan estudante no juventude ne’ebé hamahan an iha Forsa Humanista Timor-Leste konsidera katak, atuasaun husi Oknum PNTL la respeitu ba farda ne’ebé sosa ho ruin no ran povu Timor tomak nian.

4. Aspetu Ekonomia.
Forsa Humanista Timor-Leste diskorda ho medida Estado Emerjénsia, Serka Sanitaria no Confinamento obrigatóriu hodi rezulta numeru dezempregu sa’e makas, no mós rendimentu familiar tun kada loron, aumesmo tempu agrikultor nia produtu la folin no empregadór barak lakon servisu, tamba kompaña sira hakotu kontratu kauza husi limitasaun movimentu ema nian.

5. Aspetu Saúde
Forsa Humanista Timor-Leste konsidera katak servisu nivel ministeriál la integradu atu garantia imunidade povu nian iha situasaun pandemia COVID19, hodi rejulta hamlaha no laiha nutrisaun ba povu nia imunidade atu luta kontra funu indizivel.
Governu laiha seriedade no inkapasidade atu halo jestaun ba prevensaun COVID-19 iha Timor-Leste, liu husi medida prevensaun Estado Emerjénsia, Serka Sanitaria no Cofinamento, tanba kada loron kazu pozitivu kontinua aumenta ba bei-beik.

6. Sosio Kultura.
FHTL lamenta tebes ho polítika OMS ba new normál hodi hamate aktividade sosio kultural iha rai doben Timor-Leste.
FHTL reafirma, kondena no akuza makas polítika OMS ne’ebé desrespeitu ba soberanu rai ida ne’e nian.

ALTERNATIVA

Bazeia ba ezijénsia ne’ebé mak mensiona iha leten Forsa Humanista Timor-Leste propoin ba Governu atu solusiona liu husi alternativa hirak mak hanesan tuir mai ne’e:

1. Aspetu Edukasaun
Husu ba Ministru Edukasaun atu reativa permanente prosesu aprendizajem tuir medidas no kapasidade ministeriu nian.

2. Aspetu Polítika
Forsa Humanista Timor-Leste propoin ba lider partidu politiku sira hotu atu iha consensus morál no responsabilidade ida ne’ebé mak kolektiva iha prosesu situasaun polítika atuál atu nune’e bele garante unidade nasionál hodi bele sai ezemplár ba jerasaun agora no jerasaun tuir mai.
Maturidade polítika tenke edukativu no refleta ba funsionamentu instituisaun demokrátiku nian tuir lei ne’ebé vigór ona.

3. Aspetu Seguransa
Forsa Humanista Timor-Leste propoin mós ba Oknum PNTL atu halo atuasaun iha públiku tenke mai ho attitude humanizmu hodi refleta ba lema PNTL nian hateten katak Servir e Protejer, no K-RDTL iha artigo 147, numero 2, katak “Prevensaun kriminal tenki hala’o ho respeitu ba direitus humanus”.
Forsa Humanista Timor-Leste propoin ba Ministru Interiór hanesan mos atual Primeiru Ministru tenke hari’i lalais komisaun independente atu loke prosesu investigasaun ba aktu kriminal ne’ebé komete husi oknum PNTL.

4. Aspetu Ekonomia.
Forsa Humanista Timor-Leste Husu ba Governu presiza halo avaliasaun ba medida Estado Emerjénsia, Serka Sanitaria no Cofinamento obrigatóriu, atu fó liberdade ba povu hodi hasa’e sira nia rendimentu ekonomia hodi nune’e bele garantia nesesidade familiar.

5. Aspetu Saúde.
Forsa Humanista Timor-Leste propoin ba governu atu hadia servisu entre liña ministeriais hodi bele garantia imunidade iha situasaun pandemia COVID-19.
Forsa Humanista Timor-Leste husu ba Governo tenke seriu hodi avalia medida prevensaun anteriór sira mak hanesan, Estado Emerjénsia, Serka Sanitaria no Confinamento Obrigatório hodi bele foti desizaun ne’ebé kondiz ho situasaun reál.

6. Aspetu Sosio Kultura.
Forsa Humanista Timor-Leste husu ba governu labele influénsiadu ho regulamentu OMS hodi hamate atividade fiar nian hanesan relijiaun, rituais no tane a’as soberania estadu RDTL.
Forsa Humanista Timor-Leste propoin ba parte relijiozu no Lia-nain sira atu mantein nafatin atividade fiar nian hodi bele diminui moras COVID-19 iha Timor-Leste.

Dili, Ailoklaran; KBD 31/05/2021
Saudaçoĕs Humanizmu🌹🌹
A Luta Continua

10/11/2021

Klibur Foinsa'e Tane Lautém(KFTL)

Hanesan Organizasaun Voluntariu Ne'ebé Hari'i No Inisia Husi Foinsa'e Lautém Oan Iha Loron 15 Fulan Novembru Tinan 2017, Hodi Halibur Lautém Oan Atu Tane Munisipiu Lautém Liu Husi Edukasaun Popular Tuir Kultura No Tradisaun Lolos Lautém Oan Ninian.

Ho Nia Vizaun Mak
"Hakarak Ka Lakoi Lautém Oan Tenke Matenek Ho Fuan No Laran Nu'udar Lautém Oan Lolos."

Ho Nia Missaun Mak
"Liu husi Edukasaun Popular Loke Kursu No Formasaun Gratuita Ba Lautém Oan Hotu Ho Totalmente Gratuita."

No Ho Nia Prinsipiu Mak
"Sira Mate Voluntariu Ba Libertasaun Pàtria, Ita Ne'ebé sei Moris Kontinua Servisu Voluntariu Ba Libertasaun Povu."

Durante Ezistensia Ekipa Iha Tinan Tolu Nia Laran, Progressu Ne'ebé ekipa Halo Ka Hetan Mak Perkore Ona Postu 5 Iha Munisipiu Lautém Hodi Fahe Formasaun Ba Kada Eskola Husi Nível Primaria To'o Sekundaria Iha Loron Nasional Sira No Estabelese Ona Sanak Ekipa Ninia Iha Postu No Suku Sira Liliu Postu Luro no Suku Souro No Ba Oin Sei Nafatin Kontinua Hodi Aselera No Atinje Vizaun Ne'ebé Maka Iha.
Kursu Sira Ne'ebé Mak Iha Halo Estabelese Keedas Iha Bairu-Bairu ho Total Graduasaun Dala VI Ba Estudante Kuaze Rihun Ida(1000) No Husi Ekipa Nia Ezistensia Kuda Ona Espiritu Nasionalismu No Patriotismu Joven Lautém Oan Ninian Hodi Kontinua Luta Ba Rai Ne'e Nia Diak Hanesan Ho Luta Ikus Ne'ebé Heroi No Martir Sira Rai Ne'e Nian Husik Hela Mai Ita.

Ekipa KFTL mos Hamahan An Iha Organizasaun Voluntariu Forsa Humanista Timor-Leste ne'ebé mak sai hanesan mahun ba organizasaun kuaze 50 resin iha Timor Laran Tomak Ho Vizaun No Missaun Hanesan.

No Ba Oin Ekipa Sei Nafatin Kontinua Ninia Ezistensia Ba Luta Edukasaun Popular Iha Munisipiu Lautém Hodi Atinze Ninia Vizaun No Missaun Ba Rai Ne'e Nia Diak Liliu Lautém Oan Hodi Prepara Lideransa Diak Ba Timor Iha Futuro Oin Mai.

06/11/2021

04/07/2021

Husi EQUIPA (Fhb) Forca Humanista balibo hato ami nia votus parabens ba EQUIPA movimentu humanista Tilomar(MHT) I parabens mos ba mana maun sira nia esforço tomak nafatin firme iha posisaun hodi halao ita nia misaun ba atinji visaun. buat hotu ita halo tamba ita hadomi ita nia gerasaun.
aluta
aluta
aluta
saudasoes Humanista.
🌞🌞