29/03/2023
Kalabbiyahan sin bulan ramadan
In bulan Ramadan mga kiya ulungan sin Allah in panagnaan niya nagdara rahmat ulung pa mga muslim nag-puasa ha bulan Ramadan , in gihtungan niya nag-dara siya kaampunan daing ha mahasutsi mahatinggi Allah , in hinapusan niya nag-dara kamahardikaan daing ha narkah , daing ha sabab yattu aun lima tutungbasan dihil sin Allah ha ummat ini walah niya kiyarihil ha mga ummat naka una daing katuh taniyu
1. In hamut sin simud sin tau nag-puasa ha hadarat sin tuhan mahamut pa daing sin lana kasturi .
2. In mga malaikat mangayuh sila kaampunan pa Allah ha tau nag-puasa sambil mabut in pag-bukah .
3. Ha tiyap-tiyap adlaw piyangari-ngarihan sin Allah in surgah niya tiyatagama niya ha mga ipun niya nag-puasa ha bulan Ramadan .
4. In kasaytan saytanan hukutan sin Allah duun ha bulan Ramadan sahingga maubus in bulan yan .
5. Ha hinapusan sin dum Ramadan aun ampunun sin Allah taala daing ha mga ummat ini .
عن أبي هريرة رضي الله قال:قال رسول الله صلى الله عليه وسلم :( قد جاءكم شهر رمضان شهرمبارك كتب الله عليكم صيامه فيه تفتح أبواب الجنة وتغلق أبواب الجحيم وتغل فيه مردة الشياطين فيه ليلة خير من ألف شهر من حرم خيرها فقد حرم )… رواه أحمد و النسائي
‘An Abi Hurayrata radiyallaahu ‘anhu qaala: Qaala rasuwlallaahi sallallaahu ‘alayhi wa sallam: {Qad jaa’akum shahrun ramadhaan, shahrun mubaaraka kataballahu ‘alaykum siyaamahu fiyhi tuftahu abwaabul jannatu wa tuglaqu abwaabul jahiymu wa tughallu maradatu ash-shayaatini fiyhi laylatun khayrun min alfi shahrin manhuruma khayraha faqad hurim }.
Hatiniya:
Dayng kan Abi Hurayra kiya rida’an siya sin Allahu ta’ala laung niya sabda in Rasuwlullahi sallallahu ‘alayhi wa sallam: “ bunnal tu’ud dimatung na kaniyu in bulan ramadhaan bulan mabarakat, piyardu’ sin Allahu ta’ala du’un kaniyu in pag puasa ha bulan yan, ukabun in kalawang-lawangan sin surga’, iban tambulun in kalawang-lawangan sin narka’, iban du’un ha bulan yan gakutan in kasaytan-saytanan amuin kimaruk in panasat, iban ha bulan yan awn duwm
