20/11/2021
CEBUANO ROSARY GUIDE
Tungod sa timaan sa Krus sa among mga kaaway bawion Mo kami Ginoong Dios namo.
(Sa Ngalan sa Amahan, ug sa Anak, ug sa Espiritu Santo. Amen.)
ANG CREDO
Nagatoo ako sa Dios Amahan,
Makagagahum sa tanan.
Magbubuhat sa Langit ug sa Yuta.
Nagatoo ako kang Jesu Cristo
Iyang Bugtong Anak nga Ginoo nato,
gipanamkon Siya sa lalang sa Espiritu Santo,
Natawo ni Maria nga Birhen,
Gisakit sa sugo ni Poncio Pilato,
Gilansang sa krus, namatay, ug gilubong.
Mikunsad sa mga minatay,
ug sa ikatulo ka adlaw nabanhaw Siya.
Misaka sa Langit,
ug nagalingkod sa too sa Dios Amahan,
Makagagahum sa tanan.
Gikan didto mobalik Siya aron paghukom
sa mga buhi ug sa mga minatay.
Nagatoo ako sa Espiritu Santo,
sa Santos ug Katoliko nga Simbahan,
sa panag-ambit sa mga santos,
sa kapasayloan sa mga sala,
sa pagkabanhaw sa lawas,
ug sa kinabuhing walay katapusan. Amen.
Amahan Namo...
Maghimaya Ka... (3x)
Himaya sa Amahan...
MGA MISTERYO SA KALIPAY (Lunes, Sabado)
1. Ang Pagpanamkon sa Mahal nga Birhen Maria sa Anak sa Dios (Lukas 1:26-38)
2. Ang Pagduaw ni Santa Maria kang Santa Isabel (Lukas 1:39-47)
3. Ang Pagkatawo sa Anak sa Dios sa Pasongan sa Belen (Lukas 2:1-7)
4. Ang Paghalad sa Diosnong Bata didto sa Templo sa Jerusalem (Lukas 2:22-32)
5. Ang Pagkawala sa Diosnong Bata ug Paghikaplag Kaniya sa Templo taliwala sa mga makinaadmanon (Lukas 2:41-52)
MGA MISTERYO SA KAHAYAG (Huwebes)
1. Ang pagbunyag kang Jesus sa Suba sa Jordan (Mateo 3:13-17)
2. Ang pagpaila Ni Jesus sa Kasal sa Cana (Jn 2:1-12)
3. Ang Pagsangyaw sa Gingharian sa Dios (Mk 1:15)
4. Ang pagkausab sa panagway ni Jesus (Mateo 17:1-9)
5. Ang pagtukod Ni Jesus sa Santos nga Eukaristiya (Jn 13:1)
MGA MISTERYO SA KASAKIT (Martes, Byernes)
1. Ang Pag-ampo sa atong Ginoo sa Tanaman sa Getsemani (Markos 14:32-36)
2. Ang Pagga-id ug Paghampak sa atong Manunubos (Juan 18:28-38 ug 19;1)
3. Ang Pagpurongpurong sa atong Ginoo sa Purongpurong nga Tunokon (Markos 15:16-20)
4. Ang Pagpas-an sa Krus sa atong Ginoo (Juan 19:12-16).
5. Ang Paglansang ug Pagkamatay sa Krus sa atong Ginoo (Lukas 23:33-34 ug 39-46)
MGA MISTERYO SA HIMAYA (Domingo, Myerkules)
1. Ang Mahimayaong Pagkabanhaw sa atong Ginoo (Lukas 24:1-6a)
2. Ang Pagsaka sa Langit sa Anak sa Dios (Lukas 24:50-53)
3. Ang Pagkunsad sa Espiritu Santo sa mga Apostoles ug kang Santa Maria (Buhat 2:1-4)
4. Ang Pagpasaka sa Langit sa Mahal nga Birhen Maria (Awit sa mga Awit 2:8-14)
5. Ang Pagpurongpurong sa Mahal nga Birhen Maria nga Rayna sa mga Angheles ug mga Santos (Gipadayag 12:1-6)
*Note: Kada human og basa sa misteryo, paga-ampoon kini nga mga pag-ampo:
Amahan Namo...
Maghimaya Ka, Maria... (10x, 1 bead = 1 Maghimaya Ka Maria)
Himaya sa Amahan...
O Jesus ko, pasayloa kami sa among mga sala. Luwasa kami sa kalayo sa impyerno. Kuhaa ang mga kalag nga tanan sa purgatoryo ug dad-a ngadto sa langit, hilabina kadtong kalag nga nanginahanglan pag-ayo sa Imong kalooy ug panabang.
Ginoong Jesu Cristo, Anak sa Amahan, ipadala karon ang Imong Espiritu nganhi sa kalibutan. Papoy-a ang Imong Espiritu dinhi sa kasing-kasing sa tanang nasod aron maampingan kami sa tanang kadautan, katalagman, ug sa gubat. Ang Señora sa tanang nasod nga mao si Maria mamahimo unta nga among manlalaban. Amen.
*Inig ka human sa lima ka misteryo, paga-ampoon kini:
MAGHIMAYA KA RAYNA
Maghimaya ka Rayna, Inahan sa kalooy,
Among kinabuhi ug katam-is,
Ikaw ang gilauman namo.
Maghimaya ka, nagapanawag kami kanimo,
nga mga hininginlan nga mga anak ni Eba.
Nagapanghupaw kami,
nagaagulo nga nagahilak kami
niining walog sa mga luhaan.
Nan among mag-alampo, ilingi mo kanamo
kanang imong mga mata nga maloloy-on.
Ug kon ubos man among paghingilin,
ipakita mo kanamo ang Anak mo nga si Jesus,
ang Mahal nga Bunga sa tiyan mo.
Ay, maaghop!,
Ay, maloloy-on!,
Ay, matam-is nga Birhen Maria!
P: I-ampo mo kami Santa nga Inahan sa Dios
R: Aron mahimo kaming takos sa mga saad sa atong Ginoong Jesu Cristo. Amen.
LITANYA SA MAHAL NGA BIRHEN MARIA
Ginoo, Kaloy-i Kami
Cristo Kaloy-i Kami
Ginoo, Kaloy-i Kami
Cristo, Dungga Kami
Cristo, Pamatia Kami
Dios, Amahan sa Langit, Kaloy-i Kami
Dios Anak Manunubos sa Kalibutan, Kaloy-i Kami
Dios Espiritu Santo, Kaloy-i Kami
Santa Trinidad, Dios nga usa, Kaloy-i Kami
[I-AMPO MO KAMI]
Santa Maria,
Santa nga Inahan sa Dios,
Santa nga Birhen sa mga Birhen,
Inahan ni Cristo,
Inahan sa Grasya sa Dios,
Inahan sa Paglaom,
Inahan nga putli,
Inahan nga w
Wala Hilabti,
Inahan nga sa Sala Wala Mabuling,
Inahan nga Buotan,
Inahan nga Takus Dayegon,
Inahan sa Kanunayng Panabang,
Inahan sa Magbubuhat,
Inahan sa Manluluwas,
Inahan sa Simbahan,
Inahan sa Kalooy,
Birhen nga sa Kaalam Walay Ingon,
Birhen nga Gitahud Namo,
Birhen kansang Kadayganan Giawit Namo,
Birhen nga Gamhanan,
Birhen nga Maloloy-on,
Birhen nga Matoohon,
Salamin sa Katarungan,
Lingkoranan sa Kinaadman,
Hinungdan sa among Kalipay,
Kalis sa Espiritohanon,
Kalis sa Kadungganan,
Mabulokong kalis sa Paghalad,
Rosa nga dili Matukib,
Lantawan ni David,
Lantawan nga Garing,
Balay nga Bulawan,
Arka sa Kasabotan,
Ganghaan sa Langit,
Bitoon sa Kabuntagon,
Kaayohan sa mga Masakiton,
Dalangpanan sa mga Makasasala,
Konsuylo sa mga Migrante,
Maglilipay sa mga Nanagsubo,
Hinabang sa mga Kristyanos,
Rayna sa mga Angheles,
Rayna sa mga Patriyarka,
Rayna sa mga Propeta,
Rayna sa mga Apostoles,
Rayna sa mga Martires,
Rayna sa mga Kompesores,
Rayna sa mga Birhen,
Rayna sa mga Santos,
Rayna nga Gipanamkon sa Walay Sala nga Panulondon,
Rayna nga Gidala sa Langit,
Rayna sa Santos uyamot nga Rosaryo,
Rayna sa Pamilya,
Rayna sa Kalinaw,
Kordero sa Dios
P: Kordero sa Dios nga nagawagtang sa sala sa kalibutan
R: Pasayloa kami, Ginoo.
P: Kordero sa Dios nga nagawagtang sa sala sa kalibutan
R: Pamatia kami, Ginoo.
P: Kordero sa Dios Nga nagawagtang sa sala sa kalibutan
R: kaloy-i Kami, Ginoo.
P: I-ampo mo kami Santa nga Inahan sa Dios
R: Aron mahimo kaming takos sa mga saad ni Jesu Cristo. Amen.
MAG-AMPO KITA
O Dios Kansang Anak nga bugtong, nagadangat alang kanamo sa mga ganti sa tunhayng kinabuhi, pinaagi sa Iyang kasakit, kamatayon, ug pagkabanhaw. Nangamuyo kami nga itugot Mo unta, nga pinaagi sa pagpamalandong sa mga misteryo sa Santos uyamot nga Rosaryo sa Mahal nga Birhen Maria, maawat namo ang anaa nila ug madangat namo ang ginasaad pinaagi ni Cristo nga among Ginoo. Amen.
ANG MEMORARE
Hinumdoman mo, O mahimayaon uyamot nga Birhen Maria, nga wala pa gayud dungga nga may usa nga midangop sa imong panalipod, nangayo sa imong panabang ug pangaliya sa pagpangama nga imong gibiyaan. Dinasig niining pagsalig, nagadangop kami kanimo, O ulay sa tanang mga ulay, among Inahan, kanimo kami miduol sa imong atubangan, ania kami puno sa kasal-anan ug kasubo. O Inahan sa Dios, ayaw tamaya ang among pangaliya, hinonoa luwasa kami ug ihatag ang among pangamuyo. Amen.
P: Unta ang Diosnong Hinabang kanunay nga magpabilin kanato,
R: Amen.
P: Unta ang mga kalag sa mga matarong nga nihalina, pinaagi sa kalooy sa Dios, mopahulay na sa dayon,
R: Amen.
Tungod sa timaan sa Krus sa among mga kaaway bawion Mo kami Ginoong Dios namo.
(Sa Ngalan sa Amahan, ug sa Anak, ug sa Espiritu Santo. Amen.)