19/09/2021
PACMAN FOR MAY 2022 PRESIDENT MATAPOS GIN NOMINATE KAG GIN ENDORSE SANG PDP-LABAN ORIGINAL WING PARTY MATES
Kun basihan subong santo sa mga deklarasyon may ara na tatlo ka mga kandidato para sa May 2022 presidential and local nga election.
Kaina, September 19 nag deklara ang World Living Boxing Legend nga si Sen. Emmanuel “Manny” Pacquaio sa atubang sang iya mga party mates nga maga padalagan ini sa pagka presidente sa idalum sang PDP-Laban original party wing nga gina pangunahan ni Sen. Aquilino “Koko” Pimentel Jr. nga sa diin ang amay ni Koko nga si anay Senate President kag author sang Local Government Code, Aquilino “Nene” Pimentel ang nagpundar.
THREE CORNERED FIGHT?
Tatlo na ang gina float nga maga padalagan presidente nga amo sanday Sen. B**g Go, Sen. Panfilo “Ping” Lacson kag Sen. Emmanuel Pacquaio.
Sang damlag lang nagpabutyag si Pacquaio nga bisan wala pa gindeclare sang Commission on Election kun sin-o nga faction, ang Cusi-Duterte faction nga naggamit sang PDP-Laban nga partido sang May 2016 election ukon ang Pimentel-Pacquiao original faction ang mangin standard bearer sang PDP-Laban apang padayon sa gihapon ini sa iya handum nga magpadalagan sa pagka presidente sa May 2022.
HISTORY REPEAT ITSELF?
Ang internal nga away sa PDP-Laban daw pareho sa natabo sang 1992 presidential election nga sa diin gin-agawan ang ruling party nga Laban ng Demokratikong Pilipino (LDP) ni House Speaker Ramon Mitra kag anay Defense Secretary Fidel Valdez Ramos.
Nakuha ni Mitra ang ruling administration party nga LDP sa convention bangod halos tanan nga congressmen, governors kag mayors ang ara kay Mitra kag naghimo nalang si Ramos sang iya Partido Lakas-Tao kag nag daug si Ramos sa amo nga presidential election bisan wala ang support sang mga congressmen sa bilog nga pungsod.
Samtang masako si Sen. Lacson sa pag libot sa mga ciudad kag ka probinsyahanan sang nagligad nga semana kag si Sen. Go masako man sa inagurasyon sang Malasakit Center, si Sen. Pacquaio naman ang masako sa pagkonsulta sa mga “MAN of destiNY” supporters nga amo ang Isa sa mga ginbasihan sini sa iya deklarasyon kaina.
FROM CERTIFIED POOR FAMILY.
Gina kabig ni Pacquaio nga sya lang ang leader nga na elect sa congress, senado kag handom ang Malacañang nga maghalin sa imol kag may balatyagon sa mga imol bangod antes paman nakuha ang walo ka mga world title sa boxing naka experience ini sang tuman nga kainulon sa General Santos City paagi sa obra sa panaderya, paglibod sang pan de sal kag laborer sa construction.
Kun madunduman nangin malapit si Sen. Pacquaio sa simbahan kag mga tawo bangod bisan tuman ang iya naagum nga mga kasamaran kag injuries sa ibabaw sang ring galante naman ini kun magpangahatag sang iya personal nga kwarta sa mga tawo bisan wala pa ini nagsulod sa politika sa Sarangani Province.
Yari ang pahayag ni Sen. Pacquaio sa ginhiwat nga 11th General Assembly sang PDP-Laban kaina “I am a fighter and I will always be a fighter inside and outside of the ring… Ako po ay umaasa sainyong suporta. Suporta na may dalangin na gabay sa Panginoon. Tinatanggap ko po ang inyong nominasyon bilang kandidato sa pagkapangulo,” pahayag ni Pacquaio sa pagtiliipon kaina nga ginhingadlan“MAN of destiNY”.
“Pagod na pagod na po tayo sa sitwasyon ng ating bansa… Sa mga nanunungkulan sa ating pamahalaan na nagsasamantala at nagnanakaw sa kaban ng bayan, malapit na kayo magsama-sama sa kulungan. Your time is up,”
📷MP Ilonggo Group
