Radyo Katribu 103.3

26/08/2024

Please be informed that DXNR-FM 103.3 MHz, Radyo Katribu, will temporarily go OFF AIR due to scheduled system maintenance. Regular radio operations will resume until further notice. Thank you!

26/08/2024

Congratulations Tboli Mayor, HON. KEO DAYLE T. TUAN!

23/08/2024

Labing-anim na magkasintahan, pinag-isa ng kanilang pagmamahalan sa “Kasalan sa Sitio Timan”

Pormal na naging legal ang pagsasama ng labing-anim na magkasintahan mula sa Barangay Laconon at Barangay Salacafe, Tboli, South Cotabato, matapos nitong pinatunayan ang kanilang pagmamahalan sa isang Civil Mass Wedding Ceremony na ginanap sa Sitio Timan, Barangay Laconon, Tboli, South Cotabato, nitong Agosto 22, 2024.

Ito ay tinawag na “Kasalan sa Sitio Timan" na inorganisa ni Sitio Leader Jerrom Khan, sa pakikipagtulungan sa Municipal Civil Registrar ng LGU Tboli. Ang nasabing kasalan ay naging isa sa mga highlight sa pagdiriwang ng kanilang kapistahan.

Ang seremonya, na pinangasiwaan ng Tboli Local Civil Registrar’s Office ay mismong dinaluhan ni Municipal Civil Registrar Officer, Ms. Marivic T. Divinagracia, bilang host.

Habang si Municipal Mayor HON. KEO DAYLE T. TUAN naman ang nagpasimuno ng nasabing kasal bilang Solemnizing Officer at siya ring naghandog ng libreng decorasyon sa nasabing okasyon.

Nakasama naman ni Mayor Tuan sina Hon. Vice Mayor Ronie L Dela Peña, Barangay Captain Efren Lantoy ng Barangay Laconon, kasama ng kanyang Konseho, at Barangay Captain Juneto Baway ng Barangay Salacafe. (Johnary G. Orella, MIO News Team)

22/08/2024

𝑾𝑨𝑻𝑪𝑯 | Highlights of the 𝗘𝗣𝗜𝗦𝗢𝗗𝗘 𝟭𝟬 of 𝑲𝑬𝑶 𝑪𝑨𝑹𝑬𝑺 held last August 16, 2024, in celebration of the 38th Foundation Anniversary of Barangay Kematu.

(c) Video | Mfo Productions through the Municipal Information Office

22/08/2024

Unang Cycle ng SF Program ng DSWD 12 para sa mga CDC ng Tboli, naihatid na

Magagamit na ng mga Child Development Centers (CDCs) sa bayan ng Tboli ang mga sangkap ng pagkain para sa karagdagang nutrisyon ng kanilang mga mag-aaral. Ito ay matapos dumating na sa bayan ng Tboli nitong araw, Agosto 22, 2024, ang unang delivery ng Supplemental Feeding (SF) Program ng Department of Social Welfare and Development - Region 12 (DSWD-12).

Matagumpay itong naipamahagi sa 91 CDCs ng bayan ng Tboli sa tulong ng Municipal Social Welfare and Development Office - Tboli (MSWDO-Tboli).

Ang isang cycle ng supply ng pagkain na ito ay sapat para sa labinlimang (15) araw o katumbas ng dalawang linggo na feeding program sa mga bata, habang may kabuuang 120 days naman ang buong SF Program Cycle.

Ang naging kagandahan naman sa SF Program ngayon ng DSWD 12 ay karamihan sa mga sangkap ng pagkain na ito, lalo na ang mga gulay, ay galing mismo sa produkto ng lokal na magsasaka sa bayan ng Tboli. Ito ay naipatupad sa tulong ng Enhanced Partnership Against Hunger and Poverty o EPAHP na nagsilbing daan upang direktang maibigay sa mga local producers ng bayan ang pag-supply ng mga pagkain.

Layon naman nito na palakasin ang pagpapagaan ng gutom at interbensyon sa pagbabawas ng kahirapan sa pamamagitan ng pagtiyak ng seguridad sa pagkain, nutrisyon, at sustainable agriculture.

Habang, ang SF Program naman ay isang programa ng gobyerno upang maibsan ang malnutrisyon ng mga batang nasa edad apat na taong gulang at pababa. (Johnary G. Orella, MIO News Team)

22/08/2024

KATRIBU NEWS UPDATE

22/08/2024

KKB

21/08/2024

21/08/2024

Status Report ng 43 Infrastructure Projects ng LGU-Tboli, inilabas ng OME-Tboli

Nasa dalawampu't walong (28) Infrastructure Projects ng Lokal na Pamahalaan ng Tboli, sa pamumuno ni Tboli Mayor HON. KEO DAYLE T. TUAN, ang nakumpleto at natapos na (Completed) sa pangangasiwa ng Office of the Municipal Engineer (OME).

Ito ay base sa Consolidated Quarterly Report on Government Projects/Program/Activities for Quarter Ending in June 30, 2024 ng OME.

Maliban sa mga nakumpletong proyekto, may labinlimang (15) iba pa ang kasalukuyang patuloy na ipinatutupad at ipinapagawa (Ongoing) sa iba’t-ibang mga barangay ng bayan. (Milchard A. Bing, MIO News Team)

21/08/2024

Katribu News Update
with Mang Johnny
August 21, 2024

21/08/2024

21/08/2024

KKB

20/08/2024

Sitio Lamcogo ng Barangay Lamsalome, benepisyaryo ng libreng serbisyong handog ng KEO CARES

Naging benepisyaryo ang ilang daang mga residente ng Sitio Lamcogo, Barangay Lamsalome, Tboli, South Cotabato, ng mga libreng serbisyong handog ng KEO CARES Community Outreach Program kaninang umaga, Agosto 20, 2024.

Dala ng Lokal na Pamahalaan ng Tboli ang iba't ibang libreng serbisyo, sa pangunguna ni Tboli Mayor HON. KEO DAYLE T. TUAN, kasama ang ilang mga kawani ng iba't ibang ahensya at departamento.

Nagkaroon ng libreng Medical Check-up at namigay ng libreng gamot ang RHU-Tboli. Nabigyan din ng sa OMAg-Tboli ng mga binhing gulay, bitamina para sa mga alagang hayop at mga pesticide ang nasa 295 na mga residente. Nasa 300 mga tasa ng Chicken Arroz Caldo ang naipamahagi ng MNAO at MSWDO. Nakapagpatala din ng 36 na mga bata ang LCRO para sa free Live Birth Registration. Nagkaroon din ng Tree Planting Activity kung saan nakapagtanim at nagbahagi ang MENRO-Tboli ng ilang daang mga punongkahoy.

Dagdag sa mga serbisyong ito ang handog ni Municipal Councilor Hon. Kirk T. Tuan na mga Beauty and Health Essentials na naipamahagi sa 100 mga kababaihan. 76 na mga residente din ang nahandugan ng libreng gupit ng Randy's Barber Shop, Mai Salon at Kabongga Salon.

Nagpapasalamat naman ang mga residente sa serbisyong dala ng LGU-Tboli, sa pamumuno ni Mayor Tuan, kasama ang mga miyembro ng Sanguniang Bayan at mga Barangay Council. (Oliver G. Calan, MIO News Team)

20/08/2024

20/08/2024

Serbisyong Pang-agrikultura ng OMAg-Tboli, mas mapapabilis at mapapalawak pa sa tulong ng bagong sasakyan ng LGU Tboli

Matagumpay na naiturn-over ng LGU-Tboli, sa pangunguna ni Municipal Vice Mayor Hon. Ronie L. Dela Peña, ang bagong nabiling sasakyan nito, na makakatulong upang mas lalo pang mapalawak at mapadali ang paghahatid ng mga serbisyo ng OMAg o Office of the Municipal Agriculturist ng LGU Tboli.

Ito ay isinagawa kasabay ng LGU-Tboli Flag Raising Ceremony kahapon, Agosto 19, 2024, kung saan ay nagkaroon ng Ceremonial Blessing na sinundan ng Symbolic Turn-over of Key sa pagitan nina Hon. Vice Mayor Ronie L. Dela Peña, Hon. Councilor Gading Kamblan, Hon. Councilor Mansueto Dela Peña Jr., Hon. Councilor Valerio Fado at Municipal Agriculturist, Engr. Bary L. Lugan.

Nagpasalamat naman si Lugan sa LGU-Tboli, sa pamumuno ni HON. KEO DAYLE T. TUAN, at sa Local Finance Committee dahil sa naisakatuparan na ang kahilingan ng kanilang opisina na magkaroon ng sasakyan. Ayon sa kanya, ang sasakyan ay magiging intrumento upang mas malawak pa ang maaabot ng serbisyong pang-agrikultura, at mas mapaangat pa nito ang kalidad ng kanilang mga serbisyo. Ipinahayag din ni Lugan na sisiguraduhin ng kanyang tanggapan na magagamit nang wasto ang government vehicle na ito.

Samantala, naniniwala naman si Vice Mayor Dela Peña na malaki ang maitutulong ng sasakyan upang mas mapaganda pa ng OMAg-Tboli ang kanilang sebisyo lalo na’t napatunayan na ng nasabing opisina ang kanilang kakayahan. (Johnary G. Orella, MIO News Team/Photos Courtesy of OMAg-Tboli)

20/08/2024

Pledge of Commitment sa pagsulong ng Kalinisan sa Barangay Kematu, suportado ng maraming residente

Ipinakita ng maraming residente ng Barangay Kematu ang kanilang suporta sa pamamagitan ng paglagda sa isang “Pledge of Commitment” sa pagsulong ng kalinisan sa kanilang barangay. Ito ay isinagawa kasabay ng 𝐵𝐴𝑅𝑎𝑛𝑔𝑎𝑦 𝐾𝐴𝑙𝑖𝑛𝑖𝑠𝑎𝑛 𝐷𝑎𝑦 (𝐵𝐴𝑅𝐾𝐴𝐷𝐴) na pinangunahan ng Barangay Kematu Council at ng Sangguniang Kabataan nitong araw, Agosto 20, 2024, sa Barangay Kematu Compound, Tboli, South Cotabato. Ito'y alinsunod sa “Bagong Bayanihan ng Mamamayan: Kalinisan sa Bagong Pilipinas Program" ng Department of Interior and Local Government.

Dumalo sa nasabing aktibidad upang magpahayag ng kanilang suporta sina DILG South Cotabato OIC-Provincial Director, Hayd-Ali Suwaib, Municipal Mayor HON. KEO DAYLE T. TUAN, Hon. Vice Mayor Ronie L. Dela Peña, at MLGOO-Tboli Joel S. Molo.

Kaugnay nito, nagsagawa din ng isang Clean-up Drive Activity ang mga partisipante sa paligid at pangunahing lansangan ng Barangay Kematu.

Ang KALINISAN Program ay naglalayon na itaguyod ang magandang pamamahala sa kapaligiran. Ito ay upang itaas ang kamalayan at hikayatin ang pakikilahok ng mga mamamayang Pilipino sa responsibilidad sa kapaligiran, himukin ang mga yunit ng Lokal na Pamahalaan na mamuhunan sa mga programa, mga proyekto at aktibidad sa pamamahala sa kapaligiran at ekolohikal na kasanayan, at magtatag ng isang sistema ng pagkilala para sa huwarang pagganap ng mga LGUs sa kapaligiran at ekolohikal na pamamahala. (Johnary G. Orella, MIO News Team/Photos Courtesy of DILG-Tboli)

20/08/2024

7.086M SLP Projects, iginawad sa mga kwalipikadong benepisyaryo sa bayan

Iginawad nitong nakaraang Biyernes, Agosto 16, 2024, ang nasa P7,086,130 na pondo ng Sustainable Livelihood Program ng DSWD-SLP sa mga kwalipikadong benepisyaryo nito. Ito ay isinagawas sa Evacuation Center, Municipal Grounds, Tboli, South Cotabato.

Iginawad ang mga tseke at Certificate of Accreditation sa 14 na mga asosasyon sa 12 na barangays ng bayan ng Tboli. Kabilang sa mga asosasyong nakatanggap ang Minggel Kesesotu SLPA ng Barangay Desawo, Kesetgel Lemblete SLPA at Tembol Proper SLPA ng Lemsnolon, Kesegmung Talufo SLPA, Mdengen Talufo SLPA, Laconon Dreamers SLPA, Lemnok Tudok SLPA, Progresibong Basag SLPA, Kaunlaran ng Maan SLPA, Lamhaku Kestobong SLPA, Kematu Kaagapay SLPA, Kematu Three Sitios SLPA, Mongokayo SLPA, Datal Dlanag IPs Farmers Peace and Development SLPA, at Tudok Proper Peace and Development SLPA.

Samu't saring mga isinumeteng proyekto ang naaprubahan at pinondohan ng ahensya tulad na lamang ng mga Sari-Sari Stores, General Merchandise Stores, Food Stores, Agricultural Supplies, Fish production Business, mga Agricultural Buy and Sell, at iba pa.

Ang pondong inilaan ng pamahalaan ay magsisilbing kapital ng mga benepisyaryo nito para sa mga negosyong isasagawa sa kani-kanilang mga lugar nang sa gayon ay makatulong sa pangkabuhayan ng mga miyembro ng asosasyon at makapagbigay ng serbisyong pang-ekonomiya sa mga nasasakupang mamamayan.

12 sa mga asosasyong ito ang regular na benepisyaryo at mga miyembro ng 4Ps kung saan nakatanggap ng kabuuang P5,956, 650 at ang dalawang iba pang asosasyon ay nakatanggap naman ng P600,000 sa ilalim ng EO 70. Ang natirang P529,480 naman ay nakalaan para sa Mongokayo SLPA.

Nagpapasalamat naman ang ahensya sa Lokal na Pamahalaan ng bayan ng Tboli, sa pangunguna ni Tboli Mayor HON. KEO DAYLE T. TUAN, sa pagbigay ng walang sawang suporta at pagtulong sa pagsasagawa at maayos na implementasyon ng nasabing programa.

Nasa seremonya ng pamamahagi sina Municipal Vice Mayor Hon. Ronie L. Dela Peña, 1Lt. Maverick A. Ramos, CO Bravo Company 105th IB, 6ID PA, MSWDO Head Jerry Magbanua, RSW, Kateleen A. Apaitan, Provincial Monitoring Evaluation Officer, Jennifer Ambalgan, RSW-MAT Leader, ilang mga kawani ng DSWD XII at Provincial Office, MSWDO Staff at DSWD SLP-Tboli Office. (Oliver G. Calan, MIO News Team)

20/08/2024

KEO CARES, nakisaya sa Ika-38 Foundation Anniversary ng Barangay Kematu

Nakisaya sa ika-38 Foundation Anniversary ng Barangay Kematu, Tboli, South Cotabato, ang KEO CARES Community Outreach Program nitong nakaraang Biyernes, Agosto 16, 2024.

Dala ng Lokal na Pamahalaan ng Tboli ang mga libreng serbisyo, HON. KEO DAYLE T. TUAN, para sa mga residente ng barangay na nagmula sa iba't ibang nasasakupan at karatig na purok at sitio.

Ilang daang mga residente ang nahandugan ng libreng konsultasyon at nabigyan ng mga gamot at bitamina, 40 na mga kabataan ang natuli at 26 ang nabunutan ng ngipin na handog ng RHU-Tboli. 101 na mga magsasaka ang nahandugan ng mga libreng binhing gulay at mga bitamina sa mga alagang hayop mula sa OMAg. Namahagi din ng libreng Chicken Arroz Caldo ang MNAO at MSWDO na umabot ng mahigit 600 na tasa. Nakapagtala din ng mahigit 30 Live Birth Registration ang LCRO.

Dagdag din sa serbisyo ang libreng gupit ng Randy's Barber Shop, Mai Salon at Kabongga Salon na nakagupit ng mahigit 120 katao. Nasa mahigit 90 kababaihan ang nalinisan ng kuko sa libreng manicure/pedicure ng Coco Heals and Spa.

Naging maayos ang kabuuan ng programang hatid ng KEO CARES Community Outreach Program sa mga residente ng Barangay Kematu, katuwang ang mga kawani ng iba't ibang ahensya at departamento ng Lokal na Pamahalaan, sa pakikipagtulungan din ng mga Barangay Council, sa pangunguna ni Punong Barangay Hon. Manuel D. Ofang. (Oliver G. Calan, MIO News Team)

20/08/2024

LGU-Tboli, nakiisa sa 2nd SOCOTECO I Power Summit

Nakiisa ang LGU-Tboli sa isinagawang 2nd Power Summit na pinangasiwaan ng SOCOTECO I nitong Agosto 15, 2024 sa Viajera Dine and Resto, Koronadal City. Ito ay may temang, “Achieving the Goals of Rural Electrification: Recognizing the Role of Enhanced MCO Engagement in Powering Filipino Communities”.

Lumahok sa nasabing pagtitipon si Johnary G. Orella, Program Manager ng Radyo Katribu, bilang kinatawan ng Municipal Information Office ng LGU Tboli.

Ang aktibidad ay naglalayon na makipagtulungan sa mga pangunahing stakeholders sa industriya ng kuryente at maipakita ang mga programa at estratehiya na magtutulak sa pagpapanatili at pagpapatatag sa sektor ng kuryente, sa pamamagitan ng pagtataguyod ng transparency ng partisipasyon, nang hindi lamang nakakamit ang mga layunin ng koperatiba, kundi ay masiguro na rin na ang mga benepisyo ng pag-unlad ay mai-aabot sa bawat sulok ng pamayanan.

Nagtipon dito ang mga pangunahing stakeholder mula sa pambansa at lokal na antas kabilang ang Energy Regulatory Commission (ERC), Department of Energy (DOE), National Electrification Administration (NEA), at Philippine Rural Electric Cooperatives Association (PHILRECA), gayundin ang SOCOTECO-I Stakeholder mula sa iba't ibang sektor. (Johnary G. Orella, MIO News Team/Photos Courtesy of SOCOTECO-I)

20/08/2024

LGU-Tboli, pinarangalan bilang Municipality with Most Improved EOPT Coverage for CY 2023

Kabilang ang bayan ng Tboli sa mga ginawaran ng parangal sa ginanap na Regional Nutrition Awarding Ceremony nitong Agosto 16, 2024 sa Greenleaf Hotel, General Santos City.

Ang parangal na ito ay malugod na tinanggap ni SB Committee Chair on Social Services, HON. KIRK T. TUAN, kasama ang Municipal Nutrition Action Officer (MNAO) ng LGU Tboli na si Ms. Rosedane Sta. Maria, RSW.

Basi sa 2023 Monitoring and Evaluation of Local Level Plan Implementation Protocol (MELLPI Pro) na ginawa ng Regional Nutrition Evaluation Team, ang bayan ng Tboli ay isa sa mga LGUs sa Rehiyon 12 na nakakuha ng Most Improved EOPT (Electronic Operation Timbang) Coverage mula taong 2023-2024.

Ang Regional Nutrition Awarding Ceremony ay nagbibigay pagpupugay at pagkilala sa mga natatanging Local Government Units (LGUs), at Outstanding Local Nutrition Focal Points (LNFPs) sa rehiyon na nagpakita ng magandang performance sa Nutrition Program Management and Implementation para sa CY 2023. Ang mga espesyal na parangal at pagsipi ay ibibigay din sa mga Regional at Lokal na Stakeholders ng Nutrisyon sa rehiyon.

Samantala, dumalo naman sa nasabing aktibidad bilang mga espesyal na panauhin sina ASEC Azucena M. Dayanghirang, MD, MCH, CESO III, South Cotabato District 1 Representative, Hon. Steve Chiongbian-Solon, Gensan City Mayor, Hon. Lorelie Pacquiao, Reginal Director Aristides Concepcion-Tan, Regional Nutrition Program Coordinator, Gladys Mae S. Fernandez, at marami pang iba. (Johnary G. Orella, MIO News Team)

20/08/2024

Linggo ng Kabataan, ipinagdiriwang sa buong bayan ng Tboli

Ipinagdiriwang ngayong buwan ng Agosto ang Linggo ng Kabataan sa 25 barangays sa buong bayan ng Tboli. Kasabay ito sa pagdiriwang ng World Youth Day sa buong mundo.

Samu't saring mga aktibidad sa loob ng magkasunod na tatlong araw ang inorganisa ng mga miyembro ng Sangguniang Kabataan para sa mga kabataan na kanilang nasasakupan. Ilan sa mga aktibidad na ito ay ang Tree Planting, Talent Show, Seminars and Workshops, Feeding Activity, Leadership Trainings, Ball Games, Laro ng Lahi, at iba pa.

Suportado at aprubado ito ng Lokal na Pamahalaan ng Tboli, sa pangunguna ni HON. KEO DAYLE T. TUAN, para magkaroon ng mga programa at partisipasyon ang mga kabataan sa kani-kanilang mga barangay.

Katuwang ng mga Sangguniang Kabataan ang LGU Tboli at BLGU sa pagsasagawa ng aktibidad na ito. (Oliver G. Calan, MIO News Team/Photos Courtesy of SK Federation-Tboli)

20/08/2024

MHO-Tboli, pinangunahan ang ikalawang Stakeholders Meeting sa Sektor ng Kalusugan sa bayan

Nagsagawa ng pakikipagpulong ang iba’t-ibang stakeholders sa sektor ng kalusugan na ginanap sa Crown Jewel Hotel, Tboli, South Cotabato nitong Agosto 14, 2024, sa pangunguna ng Municipal Health Office, bilang suporta sa pambansang mga programa para sa kalusugan.

Layunin ng isinagawang pagpupulong na mabigyang pansin at matutukan ang kasalukuyang mga problema na kinakaharap lalo na ang mga problemang may kaugnayan sa isyung pangkalusugan.

Kabilang sa mga pinag-usapan ay ang mga updates hinggil sa Adolescent Friendly Health Facility, Zero-Open Defecation, MESU Updates, gayundin ang National Dengue Prevention and Control Progarm, National Rabies Prevention and Control Program, BLGU Health Scorecard, Tuberculosis-DOTS Program at MASS Blood Donation Program.

Pinangunahan ni Municipal Health Officer, Dr. Joel A. Arcega, ang pagdalo sa nasabing pagpupulong, kasama ang mga kinatawan ng Rural Health Unit ng Tboli, mga Barangay Officials, at maraming iba pa.(Milchard A. Bing, MIO News Team)

20/08/2024

Katribu News Update
with Mang Johnny
August 20, 2024

20/08/2024

DAISY JOY C.MING
MICHELLE ENOJAS
JOHN ERIC ARCUNA

20/08/2024

244 mga Aplikante ng DST Scholarship Program, isinailalim sa Final Interview

Isinailalim sa Final Interview ang 244 mga aplikante ng DST Scholarship Program ng LGU Tboli. Ito ay isinagawa nitong nakaraang Agosto 13-15, 2024, sa limang magkahiwalay na venues - MMO Conference Room, SB Hall, TRAFEA Office, MPDO Conference Room at MGOC ng Tboli, South Cotabato.

Umabot sa 146 ang mga napanayam na aplikante sa unang araw ng interview na nagmula sa Barangay Edwards, Tbolok, Desawo, New Dumangas, Sinolon, Lambuling, Lamhaku, Talufo, Salacafe at Datal Dlanag. Sa ikalawang araw ay nagkaroon naman ng 98 interviewees mula sa Barangay Lemsnolon, Afus, Kematu, Maan, Laconon at Tudok. 31 mga aplikante naman galing sa Barangay Aflek, Talcon, Datal Bob, Malugong, Basag, Mongokayo, Lambangan at Lamsalome ang napanayam sa ikatlong araw.

Ang mga inatasang Panel of Interviewers ay binubuo nina:

Hon. Councilor Kirk T. Tuan
Hon. Councilor Mansueto Dela Peña Jr.
Hon. Councilor Falin Kuta
Atty. Aleanna Joy Gelido - Municipal Administrator
Engr. Bary L. Lugan - Municipal Agriculturist
Antonio R. Cabinbin IV - Municipal Information Officer

Ang DST Scholarship Program ay isa sa mga Flagship Programs ni Tboli Mayor HON. KEO DAYLE T. TUAN na nakasentro sa edukasyon. Ito ay naglalayong matulungan at masuportahan ang mga mag-aaral sa kolehiyo para makapagtapos sa kanilang pag-aaral.

Aasahan namang iaanunsyo ng komite at tanggapan ng Special Education Fund sa unang bahagi ng buwan ng Setyembre, ang mga opisyal at bagong iskolar ng DST Scholarship Program para sa school year 2024-2025. (Oliver G. Calan, MIO News Team)

19/08/2024

Top Performing Barangay Health Centers ng Tboli, isinalang sa BLGU Scorecard Evaluation

Ipinagbigay-alam ng MHO-Tboli nitong Agosto 12, 2024, na isinalang sa Barangay Local Government Unit (BLGU) Scorecard Evaluation ng grupo mula sa DOH Regional Office 12 at Integrated Provincial Health Office (IPHO) ng South Cotabato, ang tatlong Top Performing Barangay Heath Center sa bayan ng Tboli. Isinagawa ng grupo ang naturang evaluation nitong Agosto 7, 2024 sa Barangay New Dumangas, Barangay Kematu at Barangay Datal Bob.

Ayon kay Remy Abbie Tanco ng MHO, ang mga barangay na ito ay nauna nang kinilala ng Municipal Heath Office bilang Top Performing Barangays, kaya sila rin ang napili bilang mga Official Entries ng bayan.

Mahigit naman sa anim na buwan ang ginawang paghahanda ng bawat Barangay Heath Center na ito sa tulong ng kanilang mga Health Workers. Dahil dito ay binigyan din ng Certificate of Appreciation ng MHO-Tboli ang kasipagan ng mga nasabing Health Workers, na kinabibilangan ng mga sumusunod:

Geza G. Barzal, RM, BSM
Princess Danielle B. Matas II, RM, RN
Apple Grace G. Cordero, RM, BSM
Jacqueline Jan B. Lagasca, RN
Jezabel T. Simfal, RM
Marlon Ederson C. Mesias, RN
Melanie G. Manacof, RM, BSM

Malalaman naman ang magiging resulta ng Court Heart Evaluation sa darating na buwan ng Oktubre kung saan ay gaganapin ang Awarding Ceremony. (Johnary G. Orella, MIO News Team/Photos Courtesy of MHO-Tboli)

19/08/2024

School Building Project sa Sitio Datal Helek ng Barangay Datal Dlanag, mapapakinabangan na

Mapapakinabangan na ng mga mag-aaral ang isang School Building Project na naipatayo ng LGU Tboli sa Sitio Datal Helek, Barangay Datal Dlanag, Tboli, South Cotabato, matapas itong matagumpay na nai-turnover noong Agosto 12, 2024.

Ito ay naisakatuparan sa pamamagitan ng Municipal Disaster Risk Reduction and Management Fund - Build Back Better Project sa halagang P200,000.00. Maliban dito, nag-donate din ng 50 armchairs ang Dole Philippines at Mahintana Foundation Inc.

Ayon sa MDRRMO-Tboli, ang proyekto ay bahagi ng rehabilitasyon at pagsisikap ng LGU-Tboli, sa pamumuno ni Tboli Mayor HON. KEO DAYLE T. TUAN, na matulungan ang komunidad na ito na makabangon, matapos na masalanta ang ilang kabahayan sa lugar ng Bagyong Paeng na tumama noong Nobyembre 2022. Ang gusali ay ipinatayo bilang testamento ng katatagan (resilience) at simbolo ng pag-asa at pagbabago.

Dumalo sa nasabing aktibidad sina OIC-MDRRMO Roan May P. Gille, Project Engineer, John Paul C. Aman, Dole Phil. Representative, Erwin Balogo - Community Relations Superintendent, Margie S. Managuit - Program Manager, Mahintana Foundation, Mafoko Team, MDRRMO Staff, Barangay Kagawad Michael M. Sulan, Sitio Leaders, at iba pa. (Johnary G. Orella, MIO News Team)

19/08/2024

MNAO, nagsagawa ng Nutrition Management Seminar Workshop

Naging matagumpay ang isinagawang Nutrition Management Seminar Workshop noong Agosto 12, 2024, sa Lake Sebu, South Cotabato. Ito ay pinangasiwaan ng Municipal Nutrition Action Office (MNAO) sa ilalim ng Municipal Social Welfare Development Office ng LGU Tboli at nilahukan ng mga Punong Barangay, Barangay Secretaries at Barangay Nutrition Scholars galing sa labing dalawang (12) barangay ng bayan.

Layon nito na maipabatid ang kaalamang pang-nutrition sa bawat barangay, lalo na sa kanilang mga tungkulin at responsibilidad sa pagsugpo ng malnutrisyon sa kani-kanilang Area of Responsibility, gayundin ang makapaglaan ng pondo para sa kani-kanilang Nutrition Program.

Sa kanyang mensahe ay ipinahayag ni MSWDO Jerry Magbanua, RSW, ang kanyang positibong pananaw na magpapatuloy ang malakas na suporta ng Lokal na Pamahalaan ng bayan, sa pangunguna ni Tboli Mayor HON. KEO DAYLE T. TUAN, sa mga programang nakatuon sa pagpapabuti sa kalagayan ng nutrition ng mga kabataan, kahit pa sa kabila ng magandang rekord ng Nutrition Program sa buong bayan.

Dumalo sa nasabing Seminar/Workship sina Hon. Vice Mayor Ronie L. Dela Peña at SB Committee Chair on Social Services, HON. KIRK T. TUAN, upang magpakita at magpahayag ng kanilang mga suporta.

Nakatakda namang isagawa ang parehong aktibidad para sa pangawalang batch, ngayong unang linggo ng Setyembre, para sa naiwan pang labing tatlong (13) barangay ng bayan. (Johnary G. Orella, MIO News Team)

19/08/2024

LGU-Tboli, maaari nang magbigay ng Tax Amnesty sa mga Real Property Taxes at Special Levies on Real Property

Maaari nang magbigay ng Tax Amnesty sa mga Real Property Taxes at Special Levies on Real Property ang LGU-Tboli. Ito ay alinsunod sa Republic Act No. 12001 o "Real Property Valuation and Assessment Reform Act" na naisabatas nitong June 13, 2024 lamang.

Nakasaad sa Section 30 ng batas na ito ang 𝐺𝑟𝑎𝑛𝑡 𝑜𝑓 𝑇𝑎𝑥 𝐴𝑚𝑛𝑒𝑠𝑡𝑦 𝑜𝑛 𝑅𝑒𝑎𝑙 𝑃𝑟𝑜𝑝𝑒𝑟𝑡𝑦 𝑇𝑎𝑥𝑒𝑠 𝑎𝑛𝑑 𝑆𝑝𝑒𝑐𝑖𝑎𝑙 𝐿𝑒𝑣𝑖𝑒𝑠 𝑜𝑛 𝑅𝑒𝑎𝑙 𝑃𝑟𝑜𝑝𝑒𝑟𝑡𝑦 na sumasaklaw sa mga multa, surcharges, at interest mula sa lahat ng mga hindi nabayarang buwis sa Real Property, kabilang ang Special Education Fund, idle na buwis sa lupa, at iba pang espesyal na pataw na buwis.

Sa pamamagitan ng 𝑇𝑎𝑥 𝐴𝑚𝑛𝑒𝑠𝑡𝑦 𝑜𝑛 𝑅𝑒𝑎𝑙 𝑃𝑟𝑜𝑝𝑒𝑟𝑡𝑦 𝑇𝑎𝑥𝑒𝑠 𝑎𝑛𝑑 𝑆𝑝𝑒𝑐𝑖𝑎𝑙 𝐿𝑒𝑣𝑖𝑒𝑠 𝑜𝑛 𝑅𝑒𝑎𝑙 𝑃𝑟𝑜𝑝𝑒𝑟𝑡𝑦, ang isang delingkwenteng may-ari ng ari-arian ay may opsyon na magbayad ng kanilang mga delingkwenteng buwis nang isang beses (one-time payment) o hulugan (installment), sa loob ng dalawang (2) taon mula sa bisa ng nasabing batas. Ang mga multa, surcharges, at interest ay hindi na isasali sa "computation" at hindi na kinakailangan pang bayaran.

Habang, ang nasabing amnestiya ay hindi saklaw ang mga sumusunod:

(a) Mga delingkwenteng ari-arian na itinapon sa Public Auction upang matugunan ang mga delingkuwensya sa buwis sa real property;

(b) Mga ari-arian na may mga delingkuwensya sa buwis, na binabayaran alinsunod sa isang kasunduan sa kompromiso; at

(c) Mga ari-arian na napapailalim sa mga nakabinbing kaso sa korte dahil sa mga delingkuwensya sa buwis.

Para sa mga katanungan, maaring dumulog lamang sa tanggapan ng Municipal Treasurer’s Office ng LGU-Tboli na matatagpuan sa Municipal Hall, Tboli, South Cotabato. (Johnary G. Orella, MIO News Team)