12/01/2024
Magandang buhay!
Sa lahat ng alumni ng Sinagtala kapag may libreng oras po kayo puwede po kayong dumalaw sa Taguig Science High School may training po kami tuwing Sabado. Mag-message lang muna po kayo sa akin. (Mam Ba). Salamat po.๐
Sinagtala
- Home
- Philippines
- Taguig
- Sinagtala
Ang Opisyal na Pahayagang Pangkampus ng Mataas na Paaralang Pang-Agham ng Taguig
01/01/2024
๐๐ฎ๐ด๐ผ๐ป๐ด ๐๐ฎ๐ผ๐ป, ๐ฏ๐ฎ๐ด๐ผ๐ป๐ด ๐ฝ๐ฎ๐ด-๐ฎ๐๐ฎ๐ป๐ด ๐ฏ๐๐บ๐ฎ๐ป๐ด๐ผ๐ป
Kay sigla ng paligid, samot-saring ingay ang iyong maririnig. Ang iba'y todo sa kantahan habang ang ila'y palakasan sa pag-ihip ng torotot. Makukulay na mga pap**ok naman ang iyong masisilayan na nagpaliliwanag sa madilim na kalangitan. Mistulang ang mundo'y umiikot lamang sa kasiyahan. Sa kabila nito, kay hirap maiwasan na basta na lamang kalimutan ang mga problemang ating pinagdaanan at patuloy na kinakalaban bilang isang lipunan.
Bawat tunog ng pap**ok, parang pagbabalik-tanaw sa ingay ng mga balang pinakawalan na lumagas sa maraming buhay. Kumitil sa buhay ng katiwalian, at walang mga kasalanan. Mula sa pag-abuso ng kapangyarihan at ilegal na paggamit, may mga taong naapi nang walang kalaban-laban. Ganoon pa man, ang pagp**ok din nito ang simbolismo ng liwanag sa gitna ng dilim, tulad ng pagpapakulay nito sa kalangitan sa malalim na gabi.
Ihip dito, ihip doon, tila may paligsahan sa pag-ihip ang mga tao, todo-todong pagpapalakasan ng torotot. Hindi maitatanggi na isa ito sa mga nagbibigay-buhay sa kapaligiran tuwing ganitong mga kaganapan. Sa kabilang dako, tila hindi lamang sigla ang lumalaganap sa tunog nila. Nagsisilbing paalala rin ito sa mga busina, mga tsuper na patuloy na lumalaban para sa kanilang kinabukasan. Mga tinig na nagmamakaawang mapakinggan at mabigyan ng konsiderasyon na hindi sila maiwan sa byahe tungong modernisasyon.
Nasa ating kultura na rin ang paghahanda ng mga pagkain. Nakalatag sa mesa ang samu't saring putahe para pagsaluhan. Kapansin-pansin ang tumpok ng mga prutas na pinaniniwalaang nagdadala swerte. Simbolismo ng kasaganahan sa hapag-kainan. Sa kabilang banda, hindi ito ang kaso para sa lahat. Bilang isang bansang nanatiling lubog sa kahirapan, marami pa rin sa ating mga kababayan ang sumasalubong ng bagong taon ng kumakalam ang sikmura. Habang ang ila'y namomroblema kung paano mauubos ang kanilang mga handa, mayroong mga taong nag-aabang sa mga tira para makakain.
Dito lumilitaw ang katanungang, bakit nga ba tayo nagdiriwang ng Bagong Taon sa likod ng mga suliraning ito? Marahil hindi lamang dahil nais nating magsaya bagkus nais rin nating ipagdiwang ang natapos na taon at ang darating pa. Indikasyon ang araw na ito na kinaya nating malampasan ang mga problema't suliranin na ating kinaharap sa tatlong daan at animnapu't limang araw na nagdaan. Selebrasyon na nairaos ang bawat oras, araw, linggo, at buwan ng ating pakikipagsapalaran sa buhay bilang isang inidibidwal, pamilya, at pamayanan.
Pinabaunan tayo ng nakalipas na taon ng samot-saring bagay na ating dadalhin sa hinaharap. May magagandang memorya, may masasamang ala-ala. Ang iba pa ngang sulirani'y patuloy pang kahaharapin. Sa kabila nito, ang tunay na mahalaga ay nagpapatuloy ka, nagpapatuloy tayo, tulad ng petsa sa kalendaryo. Magsilbi sanang pundasyon ang nakaraan upang buksan natin ang pintuan ng kinabukasan. Patuloy na mabuhay para sa kapayapaan, kaginhawaan, at kasaganahan sapagkat ang bagong taon ay isang bagong pag-asa upang bumangon.
Sulat ni Maricris Tulagan | Sinagtala
Lapat ni Maria Lyan Olay | Sinagtala
31/12/2023
๐๐ข๐๐จ๐ | ๐๐ถ๐ป๐ด๐ด๐ถ๐ป ๐ฎ๐ป๐ด ๐ฏ๐๐๐ถ๐ป๐ฎ ๐ป๐ด ๐ต๐ฎ๐ฟ๐ถ ๐ป๐ด ๐ธ๐ฎ๐น๐๐ฎ๐ฑ๐ฎ
Halos mapuno ng maiingay na hiyawan at pap**ok ang paligid, dagdag pa ang busina ng mga mamahaling sasakyan at motor. Pero sa pinakaunang pagkakataon ay parang may kulang โ may hindi ba sila napapansin? Sig**o nga ay masyado lang abala ang iba sa pagsalubong sa katapusan ng taon.
Kasabay ng simula ng panibagong taon ay ang kakaibang pagbabago. Ang noon ay maingay na kalsada ay naging mistulang alon ng dagat sa sobrang payapa. Ni hindi na nila maaninag muli ang parte na bumubuo sa kanilang kultura. Nasaan na sila? Nasaan na ang mga hari ng kalsada?
Noong taong 2017, inilunsad ng Department of Transportation (DoTr) ang Public Utility Vehicle Modernization Program (PUVMP). Ayon kay dating Pangulong Rodrigo Duterte ang PUVMP ay magsisilbing โkick-startโ sa pagkakaroon ng isang bansang mas ligtas, maasahan, at may maginhawang transport system.
Kaakibat ng pagpapatupad ng PUVMP ay ang hindi makatarungang pamamahala para sa mga tradisyunal na jeepney. Sa ilalim ng programa, ang mga jeepney na may edad 15 taong gulang o mas matanda, ay nakatakdang alisin sa susunod na taon.
Halo-halo ang reaksyon sa nasabing inisyatiba tungo sa pagtatanggal ng karapatan at kabuhayan sa mga tradisyunal drayber at operator na pumasada sa kalsada. Ayon sa mga nagpo-protestang drayber at pinuno ng unyon, ang gagawing modernisasyon ay hindi abot-kaya dahil sapat lamang ang kinikita nila sa pang-araw-araw na pamamasada.
Tinatayang โฑ2.8 milyon kasi ang maaaring bayaran ng mga drayber para sa bagong sasakyan, na anilaโy masyadong mahal kahit na may ipinangakong subsidya ang pamahalaan. Ang natatanging paraan lamang na nakikita nila ay ang pagtindig at pagtutol sa programang maghahatid pahirap sa kanila.
Ngayong darating na taon, nakatakda na ang paglisan ng mga tradisyunal na jeepney sa kalsada. Ang mga kutsura at tinidor na dapat kanilang hawak-hawak ngayong bagong taon ay biglang napalitan ng mga naglalakihang plakards at maiingay na mikropono. Ang kanilang mga anak na dapat ay nakikisaya sa presensya ng bagong simula ay naroon at kasama nilang nakikibaka.
Bigyang-pansin sana ng pamahalaan ang magiging buhay ng mga drayber at operator, lalong-lalo na ang mga komyuter. Mataas ang kakailanganing budget ng mga drayber at operator para mabayaran ang bagong sasakyan, kaya posibleng tumaas din ang presyo ng pamasahe na kailangang bayaran ng mga komyuter. Magsisilbing malaking dagok talaga ang pagkawala ng mga tradisyunal na jeepney sa ruta ng kalsada.
Hangad ng lahat ang manigong Bagong Taon, kaya sana ay mapansin naman nila ang hinanaing ng mga drayber, operator, at komyuter. Iisa lang naman ang nais nila, ibasura ang repormang hahadlang sa kanilang kinabukasan. Tiyak na minsan na kayong inihatid ng mga jeepney drayber, kaya sanaโy huwag na muna kayong pumara, at samahan silang iparinig ang busina ng hari ng kalsada.
Sulat ni Sean Baloro | Sinagtala
Dibuho ni Stephany Cruz | Sinagtala
29/12/2023
Ika-30 ng Disyembre taong 1896 ng siya'y barilin sa Bagumbayan. Naging banta sa mga mananakop ng kaniyang inilabas ang Noli Me Tangere at El Filibusterismo, librong tumatalakay sa kalapastanganang ginawa ng mga espanyol sa mga Pilipino ng sakupin nila ang inang bayan. Isa sa mga dahilan kung bakit tayo ay may kalayaang tinatamasa.
Buhay na sa kaniya'y binawi ay nagmistulang inspirasyon sa pagkakaroon ng nasyonalismo; sarili bilang isang sakripisyo. Isangdaan at dalawampu't pitong taon na ang lumipas simula ng pamamaalam ngunit ang kabayanihan ay hindi mabubura. Ito'y nakatatak na sa mga sulating bayani ang tema.
Jose Rizal, ang pangalang ito ay patuloy na ipapasa sa mga darating pang henerasyon. Simbolo ng pakikibaka at pagmamahal sa lupang sinilangan. Ang kaniyang kagitingan ay kailanman hindi matatawaran.
Lapat ni Lordson Agoot | Sinagtala
25/12/2023
๐๐๐ง๐๐๐๐๐๐ก | ๐ฃ๐ฎ๐ด๐๐ถ๐ฏ๐ผ๐น ๐ป๐ด ๐๐ถ๐๐ฎ ๐ป๐ด ๐ฃ๐ฎ๐๐ธ๐ผ ๐๐ฎ ๐ฃ๐๐๐ผ ๐ป๐ด ๐๐ฎ๐ฏ๐ฎ๐๐ฎ๐ฎ๐ป
Nalalasap na ba ninyo ang haplos ng malamig na simoy ng hangin? Oo, tama, dumating na ang Disyembre! Sa nalalapit na Kapaskuhan, ang bagong pag-asa ay sumisilay kasabay ng pagkinang ng tala ng Pasko sa buhay ng publiko. Sa mga kabataan, tanaw na ang ligayang hindi mapantayan, naglalaro sa kanilang mga labi ang masisiglang ngiti habang marahang bumabalot ang diwa ng Pasko sa kanilang mga puso. Ang diwa ng Pasko ay naghahari sa puso ng mga mamamayan at sa kapaligiran.
Hindi na kakaiba sa lahat na bago magsimula ang bakasyon ng mga mag-aaral tuwing
Disyembre ay nagsasagawa muna sila ng Christmas party, o mas kilala ngayon bilang Year-end party. Isa ito sa pinakahihintay ng mga mag-aaral sapagkat ito ang pagkakataon na magsama-sama sila upang ipagdiwang ang mga tagumpay, masasayang karanasan, at nabuong pagkakaibigan sa buong taon. Ito rin ay paraan ng pamamaalam sa bawat isa dahil halos tatlong linggo ang kanilang bakasyon.
Kailangan ng masusing paghahanda para sa gaganaping pagdiriwang sa paaralan. Ilan sa mga paaralan ay nagkakaroon ng parol-making activity para sa mga mag-aaral, habang ang iba naman ay naglaan ng budget para sa pagbili ng mga dekorasyon. Sa kabilang dako, dahil sa pulidong paghahanda at pagkamalikhain, matagumpay na nairaos ng bawat paaralan ang kanilang pagdiriwang. Mula sa Year-end party ng mga mag-aaral na nagkaroon ng pagpapalitan ng regalo at ibaโt ibang laro gaya na lamang ng โtumpaknersโ na hango sa isang TV show, pass the message, at bring me, naipamalas nila ang kanilang pagiging aktibo. Hanggang sa mga g**o at non-teaching staffs, na nagkaroon naman ng munting salusalo at grand raffle, naipadama ang tunay na diwa ng Pasko.
Taon-taon ay idinaraos ang Simbang Gabi na nagsisimula tuwing ika-16 ng Disyembre. Isang banal na seremonya na ginaganap sa siyam na araw bago ang Pasko. Layunin nito na ipakita ang pananalig, pananampalataya, pasasalamat, at pagmamahalan ng pamilya sa Diyos. Sa paglinis nito sa iyong kalooban, handa ka na para sa pagdiriwang ng kaarawan ni Hesus at pagtanggap sa bagong taon nang may malinis na puso. Sa unang araw, isinasagawa ang seremonya ng liwanag. Naniniwala ang ilan na kapag nakumpleto ng isang tao ang siyam na Simbang Gabi, matutupad anuman ang kaniyang hilingin sa pagsapit ng Pasko.
Tunay man o hindi, tradisyon na ng bawat pamilyang Katoliko ang mag-Simbang Gabi, isang relihiyosong gawain na naglalayong magbuklod ng pamilya at mapalapit ang kanilang kalooban sa Diyos. Sa pamamagitan nito, naipapasa rin sa mga bata ang tradisyon at tapat na pananampalataya sa Diyos, lalo na sa darating na Pasko.
Ngayong bakasyon, masaya ang mga bata sa pagkakaroon ng oras na makasama ang kanilang pamilya. Ang iba ay nagbalik-probinsiya para hindi lamang ang kanilang pamilya ang kanilang makasama, kundi pati na rin ang mga kamag-anak mula sa malalayong lugar.
Ang Kapaskuhan ay naging oportunidad upang makapag-kamustahan ang magkakaanak na nawalay sa isaโt isa sa nakalipas ilang buwan o taon, gaya na lamang ng mga Overseas Filipino Workers (OFW) na naghahanapbuhay sa malalayong lugar at bihira lamang umuwi sa bansa. Naging daan ito upang maging mas malapit sila sa kanilang pamilya at mapawi ang lumbay sa nagdaang panahon na hindi sila magkakasama.
Sa muling pagbubuklod ng bawat pamilya, hindi mawawala ang pagbibigayan ng mga regalo. Bagamaโt hindi lahat ay nakatatanggap nito, higit na nakalalamang ang halaga ng muli nilang pagkikita-kita upang sama-samang ipagdiwang ang Pasko.
Samantala, sa pagdating ng bakasyon, nabibigyan din ng pagkakataon ang kabataan na makipagkita sa kanilang mga kaibigan at makipag-ugnayan sa kapwa kabataan. Ito ay nagpapalalim ng kanilang pagkakaibigan at nagpapalawak ng kanilang kakayahan sa pakikisama at pagpaparami ng mga kaibigan, naglalayong gawing mas masaya ang
kanilang Kapaskuhan.
Para sa mga kabataan, kakaibang sigla at ligaya ang kanilang nadarama na dala ng Disyembre. Sadyang makapangyarihan ang diwa ng Kapaskuhan, gayong hindi pa man sumasapit ang mismong araw ng Pasko ay may matindi nang epekto sa puso ng mga bata sa mundo.
Tunay na ang Pasko ay panahon ng pagpapalaganap ng pagmamahal at pananampalataya, napupuno ng pagbibigayan at kasiyahan. May regalo, masasarap na pagkain, komportableng bakasyunan, at pagdiriwang.
Ngunit, kung minsan ay hindi maiiwasan na hindi sapat ang laman ng bulsa para sa isang selebrasyon. Gayunpaman, tuloy ang Kapaskuhan! Oo, ang Pasko ay puno ng kasiyahan, ngunit ang simpleng salusalo ay sapat na dahil ang tunay na kahulugan ng Pasko ay naipamamalas sa pagmamahalan, panananalig sa Diyos, at pagbabahagi.
Sulat ni Ashanti Malonzo | Sinagtala
Kuha ni Jasmine Rivera | Sinagtala
24/12/2023
Bumabati ang buong Sinagtala ng isang Maligayang Pasko! Hangad namin na magningning ang diwa ng pasko sa bawat-isa.
Para sa marami pang taon ng dekalidad na balita!๐ฅ
Lapat ni Kyle Christian Leyesa | Sinagtala
24/12/2023
๐ฃ๐ฎ๐๐ธ๐ผ ๐๐ฎ ๐ ๐ฎ๐๐ฎ ๐ป๐ด ๐ ๐๐ป๐๐ถ
Ilaw na mayroong iba't ibang kulay ay nagsisimula nang kumutitap. Musikang kumakatok sa puso ng bawat isa ay naririnig na. Palamuti ay nagsisilabasan at makikita na sa tapat ng mga bahay. Tunay na ang Kapaskuhan ay narito na.
Para sa siyam na taong gulang na si Rhiane, ang Pasko ay isang pagdiriwang ng kapanganakan ni Hesus. Ayon sa kaniya, ito ang oras kung saan ating binibigyang pag-alala ang pagsilang ng isang biyaya mula sa langit. Dagdag niya pa, ito rin ay panahon ng pagmamahalan at pagbibigayan. Ang puso ng bawat isa ay napupuno ng kagalakan sapagkat ang kanilang mga mahal sa buhay ay nandiyan sa kanilang tabi.
Isang beses sa isang taon ngunit ang selebrasyon ay tumatagal ng higit pa sa isang buwan. Hindi maikakaila na ang Pasko ang siyang pinakaaabangan ng bawat isa sa atin. Bata man o matanda, sila ay hindi magpapahuli sa pagsabit ng mga dekorasyon sa puno ng Pasko. P**a at berde, ang mga bagay sa loob ng bahay ay sumisigaw na ng "Pasko na!" Malaki ang ngiti sa labi, iniisip kung ano kaya ang masasaksihan ngayong Kapaskuhan.
Bukod sa mga magagandang parola at nakasisilaw na mga pailaw, isa rin sa mga hinihintay ng lahat ang Simbang Gabi. "Kapag may tiyaga, may nilaga," iyan ang madalas na marinig sa mga matatanda. Kung kaya't marami ang nagsusumikap na makumpleto ang siyam na araw ng pananalangin upang ang kanilang hiling ay marinig ng langit. Umaasa na kanilang makuha ang kanilang ninanais.
Hindi rin makukumpleto ang kapaskuhan kung mawawala ang mga pagkaing katakam-takam. Ang kulay lilang p**o bumbong na pinaliguan ng mantikilya, bibingkang mayroong pinaghalong tamis at alat, isama mo na ang leche flan na pagkalinamnam. Siguradong ang bibig ay mapupuno ng asukal at busog na kaagad ang iyong sikmura. Huwag din nating kalimutan ang malutong na piniritong manok, siksik sa laman na shanghai, at manamis-namis na spaghetti, iilan lamang sa mga putaheng pumupuno ng hapag.
Ngunit, para sa batang si Rhiane, ang selebrasyon ay buo kung mayroon siyang regalo na matatanggap. Handog nina Ninang at Ninong, ang dalawa niyang maliliit na kamay ay handang-handa na sa pagpipilas ng mga pambalot at pagbubukas ng karton. Ang mga regalo mula kina Inay, Itay, at mga kapatid, nasasabik na rin siyang tingnan sapagkat ilang araw rin ang kaniyang tiniis.
Sa pagsilip sa bintana, isang grupo ng mga bata ang makikita. Dala-dala ang mga instrumentong gawa sa plastik na bote at tansan, handa na silang mangaroling sa iba't ibang tahanan. Iyong madarama ang diwa ng kapaskuhan sa mga kantang maririnig mula sa kanila. Ang mga baryang nakolekta ay ilalagay sa supot tsaka paghahatian pagkatapos. Saktong-sakto para sa laruang pinag-iipunan.
Pagsasama-sama ng pamilya at pagdiriwang sa mga biyayang natanggap. Ang simbolo ng Pasko para sa batang si Rhiane ay kasiyahan dulot ng pagmamahalan at pagbibigayan. Maliit o malaki man ang selebrasyon, basta't nariyan ang kaniyang mga mahal sa buhay, siya ay kuntento ngayong Pasko.
Sulat ni Trizsha Carias | Sinagtala
Dibuho ni Stephany Cruz | Sinagtala
17/12/2023
๐ง๐๐ก๐๐ก๐๐ก | Nitong ika-15 ng Disyembre, sinimulan na ang nakagawiang taunang Simbang Gabi sa Santo Niรฑo Parish Church. Dito makikita ang mga taong taimtim na nananampalataya. Makikita rin ang mga nagtitinda ng p**o-bumbong, bibingka, at iba pang mga kakanin. Malaking tradisyon ng mga Pilipino ang dumalo sa Simbang Gabi sa paniniwalang makakamit ang kanilang pinakamimithing hiling.
via Jasmine Rivera | Sinagtala
14/12/2023
๐๐๐ก๐๐ ๐ก๐๐๐ฃ๐๐ง๐๐ก๐๐!
Grade 12 Cardinals, dinomina ang iba't ibang larangan ng pampalakasan sa SinAgligsahan 2023
Lapat ni Lyan Olay | Sinagtala
14/12/2023
๐ ๐ฎ๐๐ฎ ๐ฝ๐ฎ๐ฟ๐ฎ ๐๐ฎ ๐บ๐ฎ๐๐ฎ, ๐ธ๐ฎ๐บ๐ฎ๐ ๐ฝ๐ฎ๐ฟ๐ฎ ๐๐ฎ ๐ธ๐ฎ๐บ๐ฎ๐, ๐๐๐ฎ๐ธ ๐๐ฎ ๐๐๐ฎ๐ธ
Ipinamalas ng iba't ibang kalahok ang kani-kanilang galing, talino, at estratehiya sa pagwawakas ng Chess sa SinAgligsahan.
Nanaig ang utak at estratehiya ni Czarina Navarra ng Grade 11 upang maging kampeon ng Women's Division sa Chess, sumunod sa kanya ay si Jamilah De Jesus, at nakuha naman ni Mary Jacinto ang ikatlong pwesto.
Sa Men's Division ay ipinamalas ni Janpher Garcia ng Grade 10 ang kanyang galing upang manalo bilang kampeon, sumunod sa kanya ay ang Grade 12 na si Daniel Tesorero, at ang ikatlong pwesto ay kay Jethro Cruz ng Grade 9.
Sulat ni Timothy Bautista | Sinagtala
Pitik ni Rhian Reate | Sinagtala
13/12/2023
๐ ๐ฎ๐ฏ๐ฎ๐ฏ๐ฎ๐ด๐๐ถ๐ธ ๐ป๐ฎ ๐๐ฒ๐ฟ๐ฏ๐ถ๐๐๐ผ, ๐ถ๐ฝ๐ถ๐ป๐ฎ๐บ๐ฎ๐น๐ฎ๐ ๐ป๐ด ๐บ๐ด๐ฎ ๐ฎ๐๐น๐ฒ๐๐ฎ๐ป๐ด ๐ฆ๐ฐ๐ถ๐ฒ๐ป๐๐ถ๐ฎ๐ป๐ ๐ฝ๐ฎ๐ฟ๐ฎ ๐๐ฎ ๐ธ๐ฎ๐๐ฒ๐ด๐ผ๐ฟ๐๐ฎ๐ป๐ด ๐ฏ๐ฎ๐ฑ๐บ๐ถ๐ป๐๐ผ๐ป ๐ป๐ด ๐ฆ๐ถ๐ป๐๐ด๐น๐ถ๐ด๐๐ฎ๐ต๐ฎ๐ป ๐ฎ๐ฌ๐ฎ๐ฏ
Pasok na ang mga huling resulta mula sa pagtatapos ng SinAgligsahan Sports Festival sa kategorya ng badminton, at ang ilan sa mga atletang Scientians ay kinilala sa kanilang husay at pagsusumikap.
Si Robert Mislang, isang Grade 12 student, ay kinoronahang kampeon para sa boysโ category, habang si Ehlaine Enriquez na isa ring Grade 12 student, ang namayagpag sa girlsโ category.
Sumunod naman sina John Wayne Tigas at Sasha Rihanna Talampas mula sa ika-9 na baitang. Sila'y nagkamit ng unang puwesto para sa boys' at girlsโ category.
Hindi rin nagpahuli ang tambalang Stanley Celebre at Alexa Galiza ng ika-10 baitang nang makamtan nila ang ikalawang puwesto para sa boysโ at girlsโ category.
Sulat ni Janette Cendaรฑa | Sinagtala
Pitik ni Rhian Reate | Sinagtala
13/12/2023
๐๐ฎ๐ด๐ถ๐น๐ฎ-๐ด๐ถ๐น๐ฎ๐น๐ฎ๐ ๐ป๐ฎ ๐ต๐๐น๐ถ๐ป๐ด ๐น๐ฎ๐ฏ๐ฎ๐ป, ๐ถ๐๐ถ๐ป๐ฎ๐ป๐ด๐ต๐ฎ๐น ๐ฝ๐ฎ๐ฟ๐ฎ ๐๐ฎ ๐ง๐ฎ๐ฏ๐น๐ฒ ๐ง๐ฒ๐ป๐ป๐ถ๐ ๐๐ต๐ฎ๐บ๐ฝ๐ถ๐ผ๐ป๐๐ต๐ถ๐ฝ ๐ป๐ด ๐ฆ๐ถ๐ป๐๐ด๐น๐ถ๐ด๐๐ฎ๐ต๐ฎ๐ป ๐ฆ๐ฝ๐ผ๐ฟ๐๐ ๐๐ฒ๐๐๐ถ๐๐ฎ๐น
Isang kapanapanabik na laban ang naganap para sa huling laro ng SinAgligsahan Sports Festival sa kategorya ng table tennis. Nagtapat ang mga manlalaro mula sa lahat ng antas ng baitang para sa kampeonato, ngunit isa lamang ang magwawagi.
Inangkin ni Sherwin Buenaflor mula Grade 12 ang kampeonato para sa boysโ category, habang si Krisha Mae Bolilan mula Grade 12 ang lumabas bilang kampeon para sa girlsโ category.
Nakamit naman ng mga atletang mula sa Grade 9, na sina Jimrick Vergara para sa boys category at Geeann Gonzales para sa girls category, ang unang puwesto.
Sa huli, ang tambalan mula sa Grade 11, na sina Marc John Binuya at Alexandria Julia Arellano, ang nakakuha ng ikalawang puwesto.
Sulat ni Janette Cendaรฑa | Sinagtala
Pitik ni Rhian Reate | Sinagtala
13/12/2023
๐ ๐ฎ๐น๐ฎ๐ธ๐ฎ๐ ๐ฎ๐ ๐บ๐ฎ๐ฟ๐ฎ๐บ๐ถ๐ป๐ด ๐๐ถ๐ฝ๐ฎ, ๐ถ๐ฝ๐ถ๐ป๐ฎ๐บ๐ฎ๐น๐ฎ๐ ๐ป๐ด ๐บ๐ด๐ฎ ๐ฆ๐ฐ๐ถ๐ฒ๐ป๐๐ถ๐ฎ๐ป๐ ๐ป๐ฎ ๐ป๐ฎ๐ด๐๐ฎ๐ด๐ถ ๐๐ฎ ๐ฏ๐๐น๐น๐ฒ๐ ๐ธ๐ถ๐ฐ๐ธ ๐ฒ๐๐ฒ๐ป๐ ๐ป๐ด ๐ฆ๐ถ๐ป๐๐ด๐น๐ถ๐ด๐๐ฎ๐ต๐ฎ๐ป ๐ฎ๐ฌ๐ฎ๐ฏ
Sa natapos na SinAgligsahan 2023, matagumpay na nag-uwi ng medalya mula sa event na bullet kick ang pitong mag-aaral mula sa iba't-ibang baitang.
Nasungkit ni Jairus Mendoza mula ika-8 na baitang ang pinakamataas na karangalan sa boysโ category, na sinundan ni Marcus Andre Raterta ng Grade 9 na nagkamit ng unang puwesto.
Nakuha naman ng pambato ng ika-10 baitang na si Rafael Wayne Quijada ang ikalawang puwesto sa naturang patimpalak.
Pagdating sa girlsโ category, itinanghal na kampeonato si Ritchie Margarette Sy ng ika-9 na baitang na sinundan ni Maria Arabelle Lola mula Grade 8.
Hindi nagpaawat at pareho namang nagwagi sa ikalawang puwesto sina Jaira Mariano ng Grade 7 at Beverly Dangiwan mula Grade 12.
Sulat ni Janelle Alvarez | Sinagtala
Pitik ni Rhian Reate at Lordson Agoot | Sinagtala
13/12/2023
๐๐ป๐ฎ๐ฎ๐ฏ๐ฎ๐ป๐ด๐ฎ๐ป๐ด ๐๐ฒ๐ป๐ฐ๐ต ๐๐ต๐ฒ๐ฒ๐ฟ ๐๐ฎ ๐ฆ๐ถ๐ป๐๐ด๐น๐ถ๐ด๐๐ฎ๐ต๐ฎ๐ป, ๐ป๐ฎ๐ถ๐ฑ๐ฎ๐ผ๐ ๐ป๐ฎ ๐ฝ๐๐ป๐ผ ๐ป๐ด ๐๐ถ๐ด๐น๐ฎ'๐ ๐ฝ๐ฎ๐น๐ฎ๐ธ๐ฝ๐ฎ๐ธ๐ฎ๐ป!
Sa huling araw ng SinAgligsahan nitong ika-12 ng Disyembre, nagpakitang-gilas ang mga piling mag-aaral mula sa bawat baitang para ipakita ang kanilang inihandang bench cheer.
Nakamit ng Mighty Vanguard Pinks mula sa ika-11 baitang ang kampeonato, na binubuo ng mga mag-aaral mula sa pangkat Noether.
Nakuha naman ng Grade 12 Cardinals, na pinangunahan ng pangkat Hodgkin, ang unang puwesto na sinundan ng 2nd placer na Green Storm na iprinisenta ng 7- Pascal.
Sulat ni Janelle Alvarez | Sinagtala
Pitik ni Rhian Reate at Lordson Agoot | Sinagtala
13/12/2023
๐๐๐ฎ๐ป๐ด ๐ต๐ฎ๐บ๐ฝ๐ฎ๐ ๐ฝ๐ฎ๐ฟ๐ฎ ๐๐ฎ ๐ฝ๐ฎ๐ด๐๐ฎ๐ธ๐ฎ๐ ๐ป๐ด ๐ฆ๐ถ๐ป๐๐ด๐น๐ถ๐ด๐๐ฎ๐ต๐ฎ๐ป!
Sa pagtatapos ng SinAgligsahan na ginanap sa Taguig Science High School, ipinamalas ng mga Scientian ang kani-kanilang galing at kooperasyon bilang isang grupo.
Nagwagi ang Grade 12 Cardinals sa Grade 11 MVPinks sa isang madikit na laban upang magtapos bilang kampeon ng Men's Volleyball Team, ang nanaig naman sa ikatlong puwesto ay ang Grade 10 Blue Dragons.
Sa Women's Volleyball Team naman ay nagwagi rin ang Grade 12 Cardinals, sumunod ay ang Grade 11 MVPinks, at ang kumuha ng ikatlong puwesto ay ang Grade 9 Red Lions.
Sulat ni Timothy Bautista | Sinagtala
Pitik ni Rhian Reate at Lordson Agoot | Sinagtala
13/12/2023
๐ ๐ฒ๐ปโ๐ ๐๐ผ๐น๐น๐ฒ๐๐ฏ๐ฎ๐น๐น ๐๐ฒ๐ฎ๐บ ๐ป๐ด ๐๐ฎ๐ฟ๐ฑ๐ถ๐ป๐ฎ๐น๐, ๐บ๐ฎ๐๐ฎ๐ด๐๐บ๐ฝ๐ฎ๐ ๐ป๐ฎ ๐ป๐ฎ๐ธ๐ฎ๐บ๐ถ๐ ๐ฎ๐ป๐ด ๐ธ๐ฎ๐บ๐ฝ๐ฒ๐ผ๐ป๐ฎ๐๐ผ ๐๐ฎ ๐บ๐ฒ๐ป'๐ ๐๐ผ๐น๐น๐ฒ๐๐ฏ๐ฎ๐น๐น ๐ป๐ด ๐ฆ๐ถ๐ป๐๐ด๐น๐ถ๐ด๐๐ฎ๐ต๐ฎ๐ป ๐ฎ๐ฌ๐ฎ๐ฏ
Matapos ang makapigil-hiningang laban kontra Mighty Vanguard Pinks ng ika-11 baitang, hindi binigo ng Cardinals ang kanilang mga tagasuporta nang sungkitin ng koponan ang gintong medalya sa kanilang tie-breaker game, 3-2, sa championship round ng men's volleyball sa SinAgligsahan 2023 na ginanap sa Taguig Science High School, nitong ika-12 ng Disyembre.
Sa panimulang yugto ng inaabangang tapatan sa lahat, unang nakalamang ng puntos ang Grade 11 na nahabol ng Cardinals na nagresulta sa tablang iskor, 5-5.
Patuloy na naghabulan ang dalawang koponan sa gitnang bahagi ng unang set, nagtala ng 5-point lead ang Cardinals matapos ipakita ni Superales ang nag-aapoy nitong ispayk, sa huli napasakamay ng Cardinals ang unang set sa iskor na 25-17.
Sa pagbubukas ng ikalawang set, nabuhayan ng pag-asa ang mga Grade 11 nang tambakan ng kanilang pambato ang Cardinals, na nagresulta sa labing-apat na puntos bentahe, 11-25.
Magandang bungad naman ang sumalubong sa Mighty Vanguard Pinks sa ikatlong set ng tapatan, matapos makabuno si Junrick Baria ng puntos mula sa service line kaagapay ang block na ipinakita ni Capistrano na nagresulta sa kanilang 5-point lead.
Lalong uminit ang laban nang nagsimulang makahabol ang Cardinals at naging tabla ang dalawang koponan, 5-5, dahil sa service error mula sa Grade 11.
Lumakas ang puwersa ng Cardinals nang umukit ng kalamangan ang spike na ipinamalas ni Tario, ngunit nakahabol ang Grade 11 at muling naging tabla ang kanilang iskor, 15-15, matapos mapalakas ang atake ni Tario na nagresulta sa karagdagang puntos sa kalabang grupo. Nakuhang muli ng Mighty Vanguard Pinks ang ikatlong set sa iskor na 25-21.
Muling umarangkada ang magandang depensa ng Cardinals sa panimula ng pang-apat na set sa pangunguna ni Cardinales na nagtala ng service ace para sa kaniyang koponan.
Matapos malamangan, pursigidong nahabol ng Cardinals ang Mighty Vanguard Pinks, hindi nila hinayaang agad na makamit ng katunggali ang kampeonato at kanilang ipinakita ang crosscourt attacks na sinamahan ng magandang pagtutulungan na nagresulta sa, 26-24 na iskor at tabla na set, 2-2.
Sa huling set ng laban, ramdam ang tensyon sa covered court nang maghabulan para sa isang puntos ang dalawang koponan, sa huli tinapos ni Superales mula Cardinals ang laban,15-13.
Maaalalang unang nakalaban ng Cardinals ang Mighty Vanguard Pinks sa kanilang unang laro noong Nobyembre 11, na kung saan nagwagi ang Mighty Vanguard Pinks sa dikit ding laban, 21-12, 21-18, 15-14.
Pagbati sa inyong galing at determinasyon, Cardinals!
Sulat ni Janelle Alvarez | Sinagtala
Pitik ni Lordson Agoot | Sinagtala
13/12/2023
๐ ๐ฎ๐๐ฎ๐ด๐๐บ๐ฝ๐ฎ๐ ๐ป๐ฎ ๐ฎ๐ฌ๐ฎ๐ฏ ๐ฆ๐ถ๐ป๐๐ด๐น๐ถ๐๐ฎ๐ต๐ฎ๐ป, ๐๐ถ๐ป๐๐น๐ฑ๐๐ธ๐ฎ๐ป
Ginanap nitong Martes, ika-12 ng Disyembre ang SinAglisahan 2023, ang tagisan ng mga talento sa larangan ng pampalakasan hatid ng kagawaran ng MAPEH.
Sa pangunguna nina Geiana Nalcot ng STEM 11 - Johnshon, at Carlos John Dela Cruz ng 10 - Copernicus, binuksan ang programa sa isang panalangin at pambansang awit mula sa SinAg El Musika.
Inihandog ng MAPEH Coordinator na si G. Nikko Mediana ang kaniyang pambungad na pananalita na sinundan ng mensaheng nagbibigay inspirasyon mula kay Bb. Wilhelmina Estrada.
Sinundan ito ng mga intermisyon mula sa iba't ibang organisasyon sa ilalim ng kagawaran ng MAPEH: SinAg Pep Squad, SinAg Pop Dance Crew, SinAg El Musika, at Taekwondo Club.
Sinindihan ang sulo bilang tanda ng liwanag ng dalisay karunungan, at buhay ng larangan ng pampalakasan nina Kyle Sibayan at Lara Andrea Burabod na siyang sinundan ng isang panunumpa ng isportmanship sa pangunguna ng National TAPAT Chess Player, Mark Rengine Salinas.
Isinagawa ng tagasanay ng baitang 12 na si Gng. Marve Lakampuenga ang ceremonial toss na sumisimbolo sa kung anong koponan ang maaaring mangyaring manalo at maiuwi ang kampeonato.
Dumako ang programa sa kompetisyon ng bench cheer sa bawat baitang, kampeonatong laro sa volleyball sa panlalaking kategorya, at paggawad ng parangal sa mga nagwaging manlalaro.
Isa sa mga hurado ng kompetisyon ay si G. Darwin Flores Briones, dating mag-aaral ng TagSci sa taong panuruan 2010 at dating miyembro ng Adamson Pep Squad, at si G. Rogent Caligdong, dating kapitan ng TCU Varsity Pep Squad at opsiyal na tagasanay ng cheerdance sa Sto. Niรฑo Catholic School at Monlimar Development Academy.
Isinara ang programa sa pangwakas na pananalita ni G. Florencio Dela Cruz, g**o sa MAPEH, na naglalaman ng kaniyang pasasalamat at pagpupugay sa naging matagumpay na SinAglisahan 2023.
Sulat ni Christian Paulo Caballero | Sinagtala
Pitik ni Lordson Agoot | Sinagtala
11/12/2023
๐๐น๐ถ๐ป๐๐ฎ๐ป๐ฎ, ๐ต๐ถ๐ป๐ถ๐ฟ๐ฎ๐ป๐ด ๐ป๐ฎ ๐ฝ๐ถ๐ป๐ฎ๐ธ๐ฎ๐บ๐ฎ๐ต๐๐๐ฎ๐ ๐๐ฎ ๐๐๐๐๐ฆ๐๐ฌ
Nasungkit ng SinAg Creatives ang kampeonato bilang Pinakamahusay na Pelikula sa isinagawang maikling pelikulang pinamagatang "Alintana" sa DALISAY KTACT Film Festival 2023 nitong ika-10 ng Disyembre.
Ang Alintana ay isa sa walong mga kalahok na maikling pelikula mula sa iba't ibang sekondarya sa lungsod ng Taguig at Pateros na may pangunahing temang "Reach Every Victim of Trafficking, Leave No One Behind."
Ang Alintana ay umani rin ng espesyal na parangal na Pinakamahusay na Sinematograpiya na siyang binigyan ng sertipiko ng pagkilala.
Pahayag ng direktor na si Daphnny Kaith Malinit ng STEM 11 - Franklin, "Nais namin na ang aming pelikula ay maging instrumento ng paglaban natin sa child trafficking at magsilbing boses para sa kabataan ng ating lungsod. Bukod sa nais naming bigyang karangalan ang ating paaralan, ang pangunahing layunin namin ay ang kapatiran ng SinAg Creatives at mas lalong paghasa ng aming talento sa film making. Hindi naman magiging posible ang tagumpay ng โAlintanaโ kung hindi dahil sa tulong ng bawat isa sa aming grupo at ang tiwala sa talento ng isaโt isa kung kayaโt bilang direktor ng โAlintanaโ at sa SinAg Creatives, lubos kong ipinagmamalaki ang aking mga kasama at lubos akong nagpapasalamat sa lahat na naging parte ng tagumpay ng aming pelikula sapagkat wala ito kung wala sila. Sobrang nakatataba ng puso dahil sa kabila ng mga hamon at pagsubok lalo na sa filming, naitawid pa rin namin ito at nakatamo pa ng karangalan."
Bilang gantimpala, ang SinAg Creatives ay binigyan ng tropeo at sertipiko ng pagkilala mula sa organisasyong Kabataang Taguigeรฑo Against Child Trafficking.
Sinundan sila ng mga unang nagwagi na pinamagatang Likod ng Camera mula sa Upper Bicutan National High School, at ikalawang nagwagi na pinamagatang Dakipsilim ng President Diosdado Macapagal High School.
Mula sa SinAgTala Journalism and Broadcasting, aming ipinababatid ang malugod na pagbati sa SinAg Creatives!
Sulat ni Christian Paulo Caballero | Sinagtala
Lapat nina Kyle Christian Leyesa at Lordson Agoot | Sinagtala
Litrato mula kay Florencio Dela Cruz
08/12/2023
๐ง๐ฎ๐ด๐๐บ๐ฝ๐ฎ๐ ๐ฎ๐ ๐ฆ๐ฎ๐๐ฎ: ๐ ๐ฎ๐ธ๐๐น๐ฎ๐ ๐ป๐ฎ ๐ฝ๐ฎ๐ด๐๐ฎ๐๐ฎ๐ฝ๐ผ๐ ๐ป๐ด ๐ฃ๐ฎ๐บ๐ฏ๐ฎ๐ป๐๐ฎ๐ป๐ด ๐๐๐๐ฎ๐ป ๐ป๐ด ๐ฃ๐ฎ๐ด๐ฏ๐ฎ๐๐ฎ, ๐ป๐ฎ๐ด๐๐ถ๐น๐ฏ๐ถ๐ป๐ด ๐ฎ๐น๐ฎ๐ฏ ๐๐ฎ ๐๐ถ๐ป๐ถ๐ป๐ด ๐ฎ๐ ๐น๐ถ๐๐ฒ๐ฟ๐ฎ๐๐๐ฟ๐ฎ
Sa kolaborasyon ng Communicator's Society (ComSoc) at Samahan ng mga Mag-aaral sa Filipino (SaMaFil), matagumpay na isinara ang Pambansang Buwan ng Pagbasa 2023 na may temang "Pagbasa: Pag-asa para sa Matatag na Kinabukasan" nitong Huwebes, ika-7 ng Disyembre.
Naglatag ang parehong organisasyon ng isang pangwakas na seremonya matapos maisagawa ang iba't ibang aktibidades nitong Buwan ng Pagbasa.
Sa pangunguna nina Isaac Navarro at Ma. Isabelle Idmilao, sinimulan ang programa sa isang doksolohiya na pinangunahan ni Trinity Pamittan ng SinAg El Musika na siyang sinundan ng isang intermisyon na nagmula kina Edmark Ferreras at Jewel Aldave.
Ipinahayag ng puno ng kagawaran ng Ingles na si Bb. Wilhelmina Estrada ang kaniyang pambungad na pahayag na siyang sinundan ng espesyal na mensahe mula sa pangulo ng SaMaFil, Jonh Luigi Eboรฑa.
Agad na dumako ang programa sa pagbibigay parangal para sa mga nagwaging mag-aaral mula sa iba't ibang baitang na lumahok sa mga aktibidades na inihanda ng ComSoc at SaMaFil kasama ang mga batikang g**o ng Ingles at Filipino.
Sinundan ito ng intermisyon mula sa ABM 11 - Lovelace at pagtatanghal mula kay Jewel Aldave at kalihim ng SaMaFil na si Edmark Ferreras.
Nagwakas ang programa sa pampinid na pananalita na nagmula sa g**ong tagapayo ng SaMaFil na si G. Dan Cedro na naglalaman ng kaniyang kongklusyon at pasasalamat sa dumaang Buwan ng Pagbasa 2023.
Narito ang mga ginawaran ng parangal para sa Pambansang Buwan ng Pagbasa 2023 sa iba't ibang kategorya:
Deklamasyon sa Filipino ng Baitang 7
Unang Pwesto: Rhye Guillermo
Ikalawang Pwesto: Jonathan Bartonico Jr.
Ikatlong Pwesto: Yhamzcie Sarmiento
Deklamasyon sa Ingles ng Baitang 7
Unang Pwesto: Precious Fel Anne Mariano
Ikalawang Pwesto: Kien Andrei Gupo
Ikatlong Pwesto: Audrey Mae Bucua
Spoken Word Poetry sa Filipino ng Baitang 8
Unang Pwesto: Ahyem Caballero
Ikalawang Pwesto: Darlyn Geslani
Ikatlong Pwesto: Shara Anne Rosete
Spoken Word Poetry sa Ingles ng Baitang 8
Unang Pwesto: Kalos Queen Jardin
Ikalawang Pwesto: Ethan Marc Pascua at Sean Daniel De Rons
Ikatlong Pwesto: Aimiel Wyneth Cahanap
Bibliobattle sa Filipino ng Baitang 9
Unang Pwesto: Raphael Pila
Ikalawang Pwesto: Nicole Kervin Caluza
Ikatlong Pwesto: Elizah Mae Paloyo
Bibliobattle sa Ingles ng Baitang 9
Unang Pwesto: John Laurence Peรฑa
Ikalawang Pwesto: Raphael Pila
Ikatlong Pwesto: Tifanny Jane Urbani
Maikling Pelikula ng Baitang 10 at 11
Pinakamahusay na Sumusuportang Aktres: Lend Me an Ear
Pinakamahusay na Sumusuportang Aktor: Legacia
Pinakamahusay na Poster: Entwined
Pinakamahusay na Musical Score: Legacia
Pinakamahusay na Senaryo: Legacia
Pinakamahusay na Editing: Legacia
Pinakamahusay na Sinematograpiya: Normalies
Pinakamahusay na Aktor: Entwined
Pinakamahusay na Aktres: Normalies
Pinakamahusay na Direktor: Legacia
Pinakamahusay na Pelikula: Legacia
People's Choice Award: TBA
LitVlog ng Baitang 12
Unang Pwesto: The Enchanted Wheels of Quiapo
Ikalawang Pwesto: Medus Itey: Serpentineโs Edition
Ikatlong Pwesto: NAWASA Mystery
Tunay na naipamalas ng mga Scientians ang kanilang angking galing sa literatura alinsunod sa kasalukuyang tema ng Pambansang Buwan ng Pagbasa.
Sulat ni Christian Paulo Caballero | Sinagtala
Pitik nina Sean Andrei Valmadrid at Empress Kiera Domingo
Address
Taguig Science High School, Barangay San Miguel
Taguig
1630
Opening Hours
| Monday | 9am - 5pm |
| Tuesday | 9am - 5pm |
| Wednesday | 9am - 5pm |
| Thursday | 9am - 5pm |
| Friday | 9am - 5pm |
Website
Alerts
Be the first to know and let us send you an email when Sinagtala posts news and promotions. Your email address will not be used for any other purpose, and you can unsubscribe at any time.
Videos
PANOORIN: Tinapos at tinuldukan ang taong panunuran 2022-2023 sa pamamagitan ng Araw ng Pagkilala sa Hagonoy Sports Complex noong ika-7 ng Hulyo 2023. Matapos ang halos tatlong taon ng paghihintay, nagkaroon muli ng pagkakataon ang mga mag-aaral ng Taguig Science High School na makilala at bigyan ng parangal sa kanilang mga pagsisikap at tagumpay sa buong taon. Ang programa ay nahati sa dalawang bahagi. Sa umaga, ang pagpaparangal ay pinangunahan ni Bb. Liza Alejandro, School Paper Adviser ng SinAgTala, kasama si Isaac Navarro, isang mag-aaral mula sa ika-walong baitang. Samantala, sa hapon naman ay pinangunahan ni G. Archie Nazario, Guidance Counselor ng Senior High School, kasama si Josielyn Bastillada, isang mag-aaral mula sa ika-sampung baitang. Sa umaga, kinilala ang mga mag-aaral mula ika-pito hanggang ika-siyam na baitang, habang sa hapon ay kinilala naman ang natitirang mga baitang. Sa buong programa, ipinamalas ng mga mag-aaral ang kanilang galing sa pagsayaw at pagkanta, na nagpapatunay na ang mga Scientians ay hindi lamang mahusay sa academics ngunit may talento rin na kaya nilang ipakita. Pinapupurihan ng pamunuan ng SinAgTala ang lahat ng mga Scientians na nagkamit ng mga parangal ngayong taon. Ipagpatuloy niyo lamang ang inyong nasimulan. Pagbati at paghanga sa inyo! Mga Kumuha ng Larawan: Niana Bo, Carmel-LA Pacayra at Lordson Agoot
Ang Nobyembre ay ipinagdiriwang bilang ๐๐๐ญ๐ข๐จ๐ง๐๐ฅ ๐๐๐ฅ๐ฎ๐๐ฌ ๐๐จ๐ง๐ญ๐ก upang lumikha ng pambansang kamalayan sa mga pagpapahalaga ng tao na natatangi, tunay at positibong Pilipino. Sa pagdiriwang natin ng Filipino Values Month 2021 na may temang: "Pagpapaunlad ng Pagkatao, Pakikipagkapwa at Pananampalataya: Hamon sa Panahon ng Pandemya" Ano pang hinihintay mo? Mag-bayanihan tayo!
Shortcuts
Share
Category
Other Taguig media companies
-
Felix Manalo Street Calzada Tipas -
1630
-
Olongapo/Bugallon Road
-
Street Street
-
M. L. Quezon Avenue
-
High Street South Corporate Plaza Tower
-
Chico
-
Sambong Street Western Bicutan
