News and Public Affairs

10/07/2024

TAN-AWA : PRIME SUSPECT PAGPATAY KANG OSIE GAOIRAN NGA SI FREDE NOCOS GIDAKOP SA MGA OTORIDAD

Tubigon, Bohol - Nadakpan na kagahapon ang nag-unang suspek sa kamatayon sa LPG cashier nga si Roselyn Osie Gaoiran nga taga Barangay Pinayagan Sur, lungsod sa Tubigon. Ang suspek nga si Frede Nocos, nadakpan mga alas 4:00 sa hapon niadtong Hulyo 9, 2024, sa Barangay Cahayag, Tubigon Bohol, pinaagi sa hiniusang operasyon sa Tubigon Police Station ubos sa liderato ni PMAJ Neon Francis Alvarez, Bohol Provincial Police Office kon BPPO, ug ang National Bureau of Investigation (NBI) Bohol, nga gidumala ni Atty.Jose Ermy Monsanto.

Si Nocos, gitanggong sa kustodiya pinasikad sa warrant of arrest nga giisyu ni Acting Presiding Judge Rufo Urquia Naragas sa RTC Branch 47, Tagbilaran City, tungod sa kasong murder. Kasamtangang gitanggong siya sa PNP lock-up jail sa Tubigon nga walay piyansa samtang nag-ung-ong sa husay sa korte.

Si Nocos maoy gitumbok nga primary suspect sa imbestigasyon sa kamatayon ni Roselyn "Osie" Gaoiran, kinsa unang gikatahong missing niadtong Abril 3, 2024, samtang nag-duty sa LPG store nga gipanag-iya sa suspek sa Pinayagan Sur. Katapusang nakakita ang mga saksi kang Gaoiran kauban si Nocos niadtong Abril 3, 2024.

Kahinumduman nga niadtong Abril 3 pasado alas 9 sa buntag na wala si Roselyn Gaoiran, una nang gikataho nga basin nikuyog kini sa laing lalaki apan pipila ka adlaw sa pagpangita, nitumaw ang mga espekulasyon nga posibleng dunay kalambigitan ng amo niini nga mismo si Frede Nocos,apan sa mga naunang interview, gihimakak una sa suspek nga si Frede Nocos nga may kalambigitan siya sa pagkamissing ni Roselyn Gaoiran, nilanat og pipila ka semana ang pagpangita kang Roselyn Gaoiran og niadtong Abril 15, 13 ka adlaw gikan siya nawala, nakaplagan ang patayng lawas niini nga nagdugta na og gisulod sa usa ka sako didto sa Barangay Cansaguit, Loon, Bohol.

Abril 16, 2024 ang suspek nga si Frede Nocos nihimo og Extra Juducial Confession diin mi butyag nga duna siyay kalambigitan sa kamatayon ni Roselyn Gaoiran, tungod niini gikustodiya kini sa Loon PNP apan gi buhian kini Abril 17 tungod sa procedural nga rason, ug kagahapon nadakpan na ang suspek nga si Frede Nocos human sa pipila ka buwan nga gawasnun kini, Si Nocos magpabilin sa kustodiya sa kapulisan samtang paabuton ang husay sa iyang kaso.

Ang amahan ni Roselyn Gaoiran mipadayag sa tumang kasubo sa pagkahibalo sa mga kalamboan sa kaso sa iyang anak nga nga si Roselyn Gaoiran.

Ang pagdakop kang Frede Nocos nagtimaan sa usa ka kritikal nga lakang sa pagpangita sa hustisya alang kang Roselyn Gaoiran,nagdala kini og paglaum sa pamilya nga makab-ot nila ang dugay na nilang gipangita nga hustisya. | Jomer Pequit, DYTR NEWS

01/07/2024

🕊️"PAHULAY SA DAYON SIR ERNESTO"🕊️

PATAYNG LAWAS NI ERNESTO DOLOTINA, GILUBONG NA KAGAHAPON, MGA TAW NGA NITAMBONG MIABOT OG 500.

Hingpit nang gihatod sa katapusan kapahulayan kagahapon ang lawas sa komprador og kabaw nga taga Brgy. Vallerhermoso Carmen, nga gipatay og gituuhang gitulis ug nakaplagang bukog na ang lawas sa usa ka pangpang didto sa Brgy Bangwalog Lungsod sa Duero.

Kagahapon sa alas-2 ang takna, gihatod ang patayng lawas ni Ernesto Dolotina didto Carmen Public Cemetery.

Ang mga higala, kadugo og mga taw nga nitambong sa lubong ni Ernesto Dolotina og nakigsimpatiya, niabot kini og kapin 500, kini timailhan nga daghan ang nitawag hustisya para kang Ernesto Dolotina.

Subay niini, wala pa gihapoy niabot nga resulta sa gipahigayong Autopsy sa patayng lawas ni Ernesto Dolotina, ang resulta sa autopsy mao kini ang basehan kong unsay tinood nga gikamatyan sa biktima nga si Ernesto.

Matod ni Police Captain Winston Magdadaro ang Hepe sa Duero Police station sa pakighinabi sa DYTR NEWS nga sa higayun nga muabot og madawat na nila ang autopsy og Inubanan sa death certificate, mahimo silang mobuhat sa sunod nga mga lakang aron hingpit ng mapasakaan og kaso ang 2 ka person of interest.

Sa pagkakaron ang mga kapulisan duna nay pangalan sa 2 ka Persons of Interest apan dili pa kini pwedeng ipublikar, sanglit wala paman kini mapasakaan og kaso. Ang 6 ka mga testigo andam usab nga mo butyag sa kamatuuran batok sa duha ka Persons of interest.

Gipasalig sa kapulisan sa Duero nga buhatun nila ang alang sa kasulbaran sa kaso sa kamatayun sa komprador og kabaw nga si Ernesto Dolotina og aron maangkon na sa pamilya ang hustisya.

Jomer Pequit, DYTR NEWS

01/07/2024

"200 KILOS BOLINAW, NAUSIK"

MGA MANANAGAT SA BASAC LOON GIINGUNG GIPASANGILAN SA LOON MARITIME PULIS NGA NANGGAMIT OG DINAMETA, TUNGOD SA PAGKALANGAN 200 KILOS NGA BOLINAO, NAUSIK?

SAMTANG ANG BFAR MIBUTYAG NGA NEGATIBO KINI SA PAGGAMIT OG DINAMITA.

Mga mananagat sa Brgy. Basac, Loon nag-atubang og grabeng kakulian human dul-an sa 200 ka kilo sa ilang kuha nga bolinao, ang gipasanginlan sa Loon Maritime Police nga gi-ani gamit ang dinamita, bisan pa sa seryoso nga mga alegasyon, walay ebidensya o igo nga basehan nga nagsuporta sa mga pasangil.

Ang Bureau of Fisheries and Aquatic Resources (BFAR) nipahigayon og makuting testing sa nakuhang mga isdang bolinao, apan nasayran nga kini negatibo sa bisan unsang timailhan sa
dynamite fishing.

Ikasubo, tungod sa pagkalangan ug pagduda sa Loon Maritime Police sa nakuha nga mga bolinao sa mga mananagat, ang 200 kilos nga bolinao wala na mabaligya ug nadaot nalang kini.

Isip tubag sa insidente, usa ka pormal nga sulat ang gitumong ngadto sa hepe sa Maritime Police sa pag pangayo og katin-awan sa ilang mga binuhatan.

Si Tigpanalipod Atty. Jordan Pizarras niingon nga kining matang sa walay basehanan nga akusasyon, kon pasagdan lang, makahulga sa panginabuhian sa daghang mananagat ug dili kini angay ipadayon.

Kini nga insidente nakapukaw sa dugang nga kasagmuyo sa mga lokal nga komunidad, lakip ang Dauis ug uban pang mga lungsod, nga matod ni Pizarras nga kaniadto nagsang-at sa mga reklamo batok sa Maritime Police.

Ang Dytr News nisuway sa pagtawag sa Maritime Police Station sa Bohol apan sa pagtawag niini miingon ang Desk Officer nga ang Hepe sa Bohol Marpsta nalang maoy mopasabot sa maong hitabo.

Dugang pa sa Bohol Marpsta Desk Officer, nga padayon pa nga giimbestigahan ang kahimtang sa nasangpit nga insidente.

Ang mga mananagat nga apektado karon nagpaabot sa katin-awan gikan sa mga Bohol Maritime Police.

Jomer Pequit DYTR NEWS

27/06/2024

TAN-AWA : KASO SA PAGPANGIDNAP SA LOAY, POSIBLING DUNAY KALAMBIGITAN ANG DRUGA

Loay, Bohol – Naguba ang malinawung kagabhiun sa Brgy. Villa Limpia niadtong Martes sa gabii dihang gironda sa wala mailhing mga mamumuno ang panimalay sa pamilyang Aca-ac nga niresulta sa pagdagit sa duha ka mga sakop niini.

Si Fritzie Aca-ac, 45, ug iyang anak nga si Jhon Michael Aca-ac, 22, pugsanong gidakop human gisulong sa grupo sa labing menos 10 ka armadong mga tawo ang ilang tindahan nianang martes sa tungang gabii.

Sa pamahayag sa kabanay sa mga biktima, ang mga mamumuno nag-bonnet, naka-cargo shorts, ug tsinelas, unang nisulod sa tindahan sa pamilya una gitionan og armas ang tanan.

Ang mga tig-atake paspas nga mibuntog sa pamilya, diin si Fritzie ug Jhon Michael gipugos nga gisulod sa usa ka Toyota Hi Ace van nga adunay kolor metallic gray.

"Gikuha una si Jhon-John ug gipugos pasakay sa van. Misinggit ang akong inahan nga nangayo og tabang apan walay miduol. Nanaug ang usa ka lalaki nga nagsultig Tagalog ug nanghimaraot, nga nag-ingon 'kuhaa usab siya.' Giguyod nila ang buhok sa akong inahan ug gipugos siya sa pagsulod sa van," ingon ni Mae.

Sa asoy nga gihatag sa DYTR NEWS, si Mae niasoy nga ang iyang igsuon nga si Jhon Michael misuway og kuha og kutsilyo sa iyang lawak aron depensahan ang pamilya apan nabuntog kini sa kadaghan sa mga armadong lalaki.

“Nigawas sa iyang kuwarto akong igsuon, nakit-an niya ang mga suspek, ug nibalik og sulod sa kwarto aron magkuha og kutsilyo pero wala nay mahimo kay daghan kaayo sila [Mga suspek],” dugang ni Mae.

Ang mga otoridad, pinangulohan sa Loay Police Chief, nagduda nga ang motibo sa pagdagit posibleng may kalambigitan sa droga, sa pagkutlo sa nangaging pagkalambigit ni Fritzie Aca-ac sa kasong may kalambigitan sa droga niadtong 2019. Gibuhian siya pinaagi sa plea bargain, apan nabalaka ang otoridad bahin sa potensyal nga pagbalos..

"Among gi-analyze ang biktima, ug adunay posibilidad nga kini adunay kalabotan sa droga. Ang biktima [Fritzie] adunay nauna nga record sa droga kaniadtong 2019. Gibuhian siya pinaagi sa usa ka plea bargain." ingon sa Hepe sa Loay PNP .

Sa usa ka emosyonal nga paghangyo, si Mae nangamuyo alang sa luwas nga pagpauli sa iyang inahan og igsoon.

Hangtud karong mga orasa, wala pa gihapoy impormasyon sa nahimutangan sa gipangdagit nga biktima.

Subay niini, padayon pa ang imbestigasyon sa kapulisan sa Loay kalabot sa maka-alarma nga insidente, kasamtangang gisusi ang CCTV footage aron masubay ang nahimutangan sa mga gidagit.

| Jomer Pequit, Dytr News

26/06/2024

"GIPUSIL-PATAY"

Headline : Lalaki gipusil sa sulod sa iyang sakyanan didto sa Ubujan

Subheadline: Ang Police nagduda nga dunay nahitabong Illegal Drug Trade Human Nadiskubrehan ang Shabu sa Biktima

USA ka lalaki gipusil sa ulo ug namatay samtang nagmaneho sa iyang Mitsubishi Adventure sa Barangay Ubujan, dakbayan sa Tagbilaran, sa miaging gabii. Dead on the spot ang biktima nga giilang si Adelo Blanco nga taga Upper Dela Paz, Cortes.

Nakadawat og tawag ang Tagbilaran City Police alas 11:05 sa gabii nga nitaho sa pagpamusil sa Lower Salazar Street, Ubujan. Nadiskubrehan sa mirespondeng mga opisyal ang wa nay kinabuhi nga lawas ni Blanco sa iyang sakyanan. Sa imbestigasyon, tulo ka pakete sa shabu ang nakuha gikan sa biktima hinungdan nga nagduda ang mga otoridad nga adunay kalambigitan sa transaksyon sa ilegal nga drugas ang insidente.

Sa pagkutlo niining balitaa ang kapolisan nagpadayon sa ilang imbestigasyon sa maong kaso. | Jomer Pequit

22/06/2024

BREAKING NEWS : MISSING NGA KOMPRADOR OG KAHAYUPAN NAKAPLAGANG PATAY NA

DUERO, BOHOL - Hunyo 21, 2024 — Ang malinawon nga talan-awon sa Camp Verde sa Bangwalog, Duero, Bohol, naguba kagahapon sa dihang ang lokal nga awtoridad mitubag sa usa ka makapaguol nga tawag. Sa mga alas 3:35 sa hapon, si Florencia P. Dolotina, asawa sa nawala nga si Ernesto N. Dolotina, nakigkontak sa mga awtoridad aron ireport ang usa ka makalilisang nga nadiskobrehan: usa ka patayng lawas ang nakit-an sa lugar.

Sa pag-abot, gipamatud-an sa usa ka inisyal nga imbestigasyon ang pinakagrabe nga kahadlok sa pamilyang Dolotina. Mga alas 3:00 sa hapon sa samang adlaw, nadiskubrehan ang usa ka namatay nga lalaki nga giilang si Ernesto Dolotina, 48 anyos. Si Ernesto, usa ka mag-uuma ug mamalitay og baka gikan sa Purok 7 Vallehemoso, Carmen, Bohol, gikataho nga nawala sukad niadtong Hunyo 9, 2024.

Sumala sa iyang asawa nga si Florencia P. Dolotina, ang pagkaila kang Ernesto klaro nga napamatud-an pinaagi sa advanced nga estado sa pagkadunot. Ang mga butang nga nakit-an sa dapit, lakip na ang usa ka itom nga t-shirt ug usa ka pares nga tsinelas nga iya ni Ernesto, nagpadugang sa pagkumpirma sa iyang pagkatawo.

Ang iyang lawas nahimutang sa tiilan sa pangpang, gibanabana nga anaa sa taliwala sa 30 ngadto sa 40 metros ang gitas-on, sa dapit nga nailhan sa dili maayong signal sa cellphone. Uban sa iyang mga patayng lawas, nakuha sa mga imbestigador ang usa ka basiyo sa bala sa kalibre .45 nga bala ug usa ka dugang nga tsinelas, nga nakadugang sa kakomplikado sa nagpadayon nga imbestigasyon.

Agig tubag sa nadiskobrehan, nanawagan ang mga awtoridad og Scene of the Crime Operatives (SOCO) team, pinangulohan ni PCMS Joemer Miculob, aron mohimo og makuting imbestigasyon. Ang tumong mao ang paghukas sa mga sirkumstansya nga nagdala ngadto sa makalilisang nga pagkamatay ni Ernesto Dolotina ug aron mahatagan og pagsira ang iyang nagbangutan nga pamilya.

Samtang ang komunidad sa Carmen, Bohol, nag-atubang niining makapaguol nga kapildihan, ang mga pangutana nagpabilin mahitungod sa mga panghitabo nga misangpot sa kamatayon ni Ernesto Dolotina. Gipasalig sa mga otoridad sa publiko nga himuon ang tanang paningkamot aron mahibaw-an ang kamatuoran ug mahatagan og hustisya ang mga responsable.

Sa pagkakaron, ang pamilyang Dolotina ug ang tibuok komunidad nagbangotan sa pagkawala sa usa ka minahal nga miyembro, kansang kinabuhi giputol ubos sa misteryoso ug makapaguol nga mga kahimtang.

(JOMER PEQUIT)

DYTR Bohol

03/05/2024

𝗖𝗼𝗻𝘀𝘁𝗿𝘂𝗰𝘁𝗶𝗼𝗻 𝗪𝗼𝗿𝗸𝗲𝗿 𝗡𝗮𝗺𝗮𝘁𝗮𝘆 𝘀𝗮 𝗞𝗼𝗺𝗽𝗹𝗶𝗸𝗮𝘀𝘆𝗼𝗻 𝘀𝗮 𝗣𝗮𝗻𝗴𝗹𝗮𝘄𝗮𝘀 𝗧𝘂𝗻𝗴𝗼𝗱 𝘀𝗮 𝗦𝗼𝗯𝗿𝗮 𝗻𝗴𝗮 𝗣𝗮𝗴𝗸𝗼𝗻𝘀𝘂𝗺𝗼 𝘂𝗴 𝗘𝗻𝗲𝗿𝗴𝘆 𝗱𝗿𝗶𝗻𝗸.

Ang trahedya nahitabo karong buntag sa usa ka 33-anyos nga construction worker namatay sa komplikasyon sa panglawas nga gipasamot sa sobra nga pagkonsumo sa energy drinks.

Si Regie Abad, lumulupyo sa Vallehermoso, gideklarar nga patay sayo karong adlawa human ang iyang kidney ug atay nakaagom og dili na mamaayo nga kadaot gumikan sa iyang naandang pag-inom og red ug yellow nga energy drinks nga ilimnon, ilabina kadtong adunay p**a ug dalag nga mga kolor, isip usa ka paagi sa pagpausbaw sa iyang kusog panahon sa taas nga mga adlaw sa trabaho.

Gitumbok sa iyang mga kauban nga matod pa si Abad kanunay nga makit-an nga nag-inom niini nga mga ilimnon uban sa iyang mga higala.

Apan, ang sangputanan sa iyang sobra nga pagkonsumo nahimong makalilisang karong buntag sa dihang si Abad gidali sa pagdala sa tambalanan tungod sa grabeng sakit sa tiyan.

Bisan pa sa medikal nga interbensyon, ang iyang kahimtang paspas nga migrabe, nga sa katapusan mitultol sa iyang wala'y panahon nga pagkamatay.

Si Abad, usa ka amahan sa upat, nagtrabaho isip usa ka construction worker sa Minglanilla, layo sa iyang lungsod nga natawhan sa Vallehermoso.

Ang mga plano sa iyang pagpauli alang sa usa ka selebrasyon sa kapistahan napakyas tungod sa iyang kalit nga pagkamatay, gibiyaan ang iyang pamilya ug mga minahal sa kinabuhi nga nagun-ob. sobra nga pagkonsumo sa enerhiya nga ilimnon.

Naglaum sila nga ang makalilisang nga katapusan ni Abad magsilbing usa ka makapahinuklog nga pahinumdom sa kamahinungdanon sa kasarangan ug mahunahunaon nga pagkonsumo sa ingon nga mga ilimnon.

30/09/2023

29/09/2023

HEADLINE : Shabu sulod sa bodega nga mobalor og 3.5 Billion, nasakmit sa mga otoridad.

Lokasyon:
Gate 1 Empire 999 Realty Corporation, San Jose Malino, Mexico, Pampanga

Pampanga - Sa usa ka dakong kadaugan batok sa illegal nga druga, ang National Bureau of Investigation (NBI) nakipagsanib-puwersa sa Philippine Drug Enforcement Agency (PDEA), Bureau of Customs, ug National Intelligence Coordinating Agency (NICA), sa ilawom sa suporta ni Honorable Secretary of Justice,, aron malamposong mahitabo ang usa ka kontroladong operasyon sa paghatud, nga adunay usa ka nakakagulat nga 560 ka kilo nga Methamphetamine Hydrochloride, nga kasagarang kilala sa Shabu. Ang tinatayang street value sa mga nasamsam sa narcotics moabot sa 3.8 bilyones ka pesos.

Ang operasyong kini, nga nagtapos niadtong Septiyembre 27, 2023, maoy nagmarka sa kataposang halos tulo ka tuig nga paningkamot, nga nagsugod niadtong 2020, sa Task Force Against Illegal Drugs (TFAID) sa NBI nga nagpasiugda sa usa ka patagong operasyon para makalusot sa sindikato sa droga nga responsable para sa pag-ayo sa smuggling plot.

Nahimo ang labing dako nga bahin sa operasyon niadtong Septiyembre 24, 2023, nga adunay joint task force nga gilangkuban sa mga ahente gikan sa NBI, PDEA, ug NICA ang 59 ka brown boxes sa Gate 1 Empire 999 Realty Corporation sa San Jose Malino, Mexico, Pampanga. Nakuha sa kahon ang 530 nga mixed red ug golden tea bags, nakaplagan nga adunay sulod nga puting crystalline substance, adunay gidudahang Methamphetamine Hydrochloride o Shabu, usa ka makadaot nga droga sumala sa Republic Act 9165.

Ang matag kahon talagsaon nga gitabonan sa usa ka layer sa chicharon o pinauga nga isda, dugang pa sa mga case sa mga soft drink ug mga sako sa feed, ang tanan gimarkahan sa mga inskripsiyon sa Thai nga pinulongan. Ang ilegal nga narcotics, nga gikan sa Thailand, niabot sa Subic Port, SBMA niadtong Septiyembre 18, 2023, sakay sa barko nga Sitc Shekou.

Kini nga monumental nga operasyon wala lamang miresulta sa pagkasakmit sa usa ka mahinungdanon nga gidaghanon sa mga ilegal nga drugas apan naghatag usab og mahinungdanong mga pagsabot sa modus operandi sa sindikato sa droga ug sa mga sakop niini nga naglihok sulod sa nasud.

Sa unahan, ang NBI makig-alayon pag-ayo sa National Prosecution Service aron pag-andam sa gikinahanglang dokumentasyon alang sa pagpasaka og kaso ubos sa Republic Act 9165 batok sa mga indibidwal nga nalambigit niini nga kaso. Dungan niini, ang NBI mohimo og makuti nga pinansyal nga imbestigasyon dungan sa Anti-Money Laundering Council, nga gipunting ang mga korporasyon nga giila nga agianan sa pagpamaligya sa mga nasakmit nga kontrabando.

Ang malampusong pagtapos sa maong operasyon nagpasiugda sa dili matarug nga pasalig sa NBI ug sa mga kaubang ahensya niini sa walay puas nga pagtinguha sa hustisya ug pagwagtang sa mga kalihokan sa ginadili nga droga sulod sa Pilipinas. Kini nagbarog isip usa ka testamento sa pagkaepektibo sa inter-agency nga kooperasyon ug intelligence-sharing sa pagpatunhay sa lagda sa balaod ug pagsiguro sa kaluwasan ug kaayohan sa mga lungsuranon sa nasud.

29/09/2023

HEADLINE : Nakadawat og Panghulga ang kasamtangang Konsehal sa Barangay Human Nideklarar og Suporta sa Palomo Team.

CEBU CITY : Usa ka incumbent barangay councilor bag-o lang nakit-an ang ilang kaugalingon nga gitarget sa hulga human makadawat og wala mailhing sulat. Sa post nga kuha ni Dexter Candar kaniadtong Setyembre 26, 2023, Mabasa ang nakasulat nga "Hoy! Basta Di ka mo atras ug nagcge kag suporta sa Palomo Team. Usa ka bala ka kon!."

Sa pagkasayod niini, si Police Lt. Col. Janette Rafter, Deputy City Director for Operations sa Cebu City Police Office (CCPO), nilusad dayon og imbestigasyon sa maong butang. Ang konsehal, kinsa dayag nga miangkon nga nagsuporta sa usa ka kandidato sa pagka barangay kapitan, niangkon nga nakadawat sa hulga nga mensahe.

Giklaro usab ni Rafter nga ilang susihon pag-ayo ang kabalido ug potensyal nga kapeligrohan sa hulga aron maseguro ang kaluwasan sa reklamante, kon modesisyon sila nga ipasaka ang maong butang ngadto sa Commission on Elections (Comelec).

Giawhag ni Rafter ang mga konstituwente nga mosalmot sa umaabot nga Barangay ug SK Elections nga i-report dayon ang bisan unsang hulga sa pagpatuman sa balaod. Kini, iyang gipasiugda, makahimo sa dali nga pagtagad nga mahatag sa sitwasyon, pagsiguro sa kaluwasan sa mga apektado.

Kini nga insidente nagpasiugda sa panginahanglan alang sa usa ka luwas ug luwas nga proseso sa eleksyon, diin ang mga indibidwal gawasnon nga makapahayag sa ilang politikanhong suporta nga walay kahadlok sa pagbalos. Ang pwersa sa kapulisan nagpabiling pasalig sa pagtuboy sa integridad sa demokratikong proseso ug pagpanalipod sa katungod sa matag lungsoranon sa pag-apil sa ilang lokal nga pagdumala.

28/09/2023

24/09/2023

AI's Influence in Broadcasting: GMA's Maia and Marco Stir Controversy

Manila, September 24, 2023 — GMA News, a prominent player in the Philippine broadcasting landscape, recently announced a groundbreaking move towards integrating artificial intelligence (AI) into their sports coverage with the introduction of Maia and Marco, the Philippines first AI sportscasters set to cover the much-anticipated . This bold leap into the future of journalism has ignited a firestorm of controversy, drawing criticism from various quarters, including netizens, Mass Communication students, and seasoned media professionals.

It is not the first time that a Broadcasting company has used AI, according to research, the world's first AI-powered was run by China's state news agency who anchor at China's World Internet Conference. The news anchor is modeled on a real presenter named Zhang Zhow. Tha AI-powered anchor learns from live broadcast and able to man the news 24-hours a day.

The development represents a significant milestone in the evolution of technology's role in broadcasting. Maia and Marco, designed to replicate the insights and articulation of human sportscasters, have sparked intense debate about the potential implications for the field of journalism. Some laud this innovation as a breakthrough in efficiency and accuracy, while others view it as a potential threat to the livelihoods of human reporters.

In response to the announcement, a surge of criticism has emerged across various social media platforms. Many argue that the introduction of AI in journalism could potentially displace human reporters, rendering their skills and expertise obsolete. Concerns have been voiced by Mass Communication students and industry practitioners, who fear that this shift towards automation could erode the craft and artistry inherent in human storytelling.

However, proponents of AI integration in broadcasting argue that this technology can complement rather than replace human talent. They suggest that AI-driven tools can enhance the quality and speed of reporting, allowing journalists to focus on more nuanced, investigative work. Additionally, AI has demonstrated its potential to analyze vast datasets and generate insights that may elude human journalists, presenting opportunities for more in-depth and accurate reporting.

It is worth noting that beyond GMA News, AI has been gradually permeating the realm of media and broadcasting worldwide. Increasingly, media practitioners are leveraging AI-powered tools for tasks ranging from news reporting to content creation. These technologies have shown promise in automating routine tasks, such as data analysis and fact-checking, allowing journalists to allocate more time to creative and critical thinking.

As the industry navigates this transformative juncture, it remains to be seen how the integration of AI will shape the future of broadcasting. The dialogue surrounding Maia and Marco's debut underscores the critical need for an open, informed conversation about the evolving role of technology in journalism.

While questions persist about the potential impact on employment in the industry, one thing is certain: the introduction of AI sportscasters Maia and Marco heralds a new era in sports journalism, where technology and human expertise must find a harmonious balance in the pursuit of accurate, compelling storytelling.

Via : Jomer Pequit | Mobile Journalist

21/09/2023

21/09/2023

SENATE OF THE PHILIPPINES LIVE