10/11/2021
Mayor Pinat nagpasalamat sa mga ahensya sa nasyonal sa
gihimong imbestigasyon sa pagbuldos sa kadalanan ug pagtukod og pantalan sakop sa Barangay Jubgan lungsod sa San Francesco SDN
By Ed Mapay
Dako ang pasalamat ni San Francesco Mayor Val Pinat, sa pagtambong sa National Agences sama sa Mines and Geosciences Bureau (MGB) Environmental Management Bureau (EMB), Philippine Ports Authority (PPA), Philippine Coconut Authority (PCA) Department Works and Highways (DPWH) Department of Environment and Natural Resources (DENR) ug ubang local government agences.
Sumala ni Mayor Pinat, una nakadawat sila og impormasyon kalabutan sa wala makuha nga stockpile na meneral sa lugar nga sakop sa nasangpit na brgy sa bukirang bahin nga matud pa mokabat sa100 thousand cubec ang stockpile ang kuhaon ubos sa GoSun Siargao waves Corportion diin usa sa pangulo niini si Ginang Marialine Q. Go.
Tungod sa kabalaka sa mga opisyales sa lungsod San Francisco mimando dayon si Mayor Pinat nga imbestigahan ang maong isyu.
Niadtong Oktobre 22,ning kasamtangang tuig nagpakanaog si Mayor Pinat og Special Order No. 03 series of 2021 pinaagi sa pagmugna og Special Investigating Team sa pagpanguna ni Engr. Vicente Y. Gesta, Municipal Administrative Officer. Engr. Melchor C. Roderick P. Bacol, Private Secretary. Mr. Romeo Loayon, Job Order. Aladin T. Sumampong, LDRRMO-II, Engr. Mcoran V. Jacob, Municipal Argriculturist, Engr. Luisito Valmoria, NGO- Representative, Hon. Fernandito A. Besario, SB Member, Aladdin T. Sumampong. LDRRMO ug Norman Gordonas, Municipal Assessor.
Ang maong grupo nag imbestiga sila sa matud pa illegal construction sa seaport or wharf ug construction sa farm to market road sakop sa Brgy Jubgan sa maong lungsod.
Atol sa imbestigasyon sa maong grupo ilang nakita ang problima diin nag operate ang GoSun Siargao waves Corporation nga walay mga permit ug nakita usab nila ang pagpamutol sa mga kahoy nga matud natumba gumikan sa pagbuldos sa mga ekwipo. Ilabina na ang pagtukod og pantalan nga wala pay permit niini.
Niadtong Nobembre 9, nagtagbo ang mga sakop sa national agency ug mga local government ug gitambongan usab kini sa mga tag-iya sa yuta nga matud naigo sa construction sa lugar ug uban pa.
Unang nagpadayag ang mga sakop sa DENR nga base sa Tubod Taganaan. Nga si Ruel Efren, CENRO Officer. Nga gigamit sa GoSun Siargao waves Corporation ang name sa DENR ug dili mao ang nakasulat didto ug iyang gihangyo ang hingtungdan nga tangtangon ang maong tarpaulin ug labaw na nga wala pa silay pagtugot pag operate sa lugar ilabina ang pagtukod sa pantalan.
Si PPA Surigao Manager Foilan Al Caturla, nagklaro usab nga wala pa silay approval o permit nga gihatag sa Philippine Port Authority sa pagtukod og pantalan sakop sa Barangay Jubgan lungsod sa San Francisco
Gitin-aw usab sa mga sakop sa MGB nga dili 100 thousand cubic ang stockpile ang anaa sa lugar base sa ilang pag-survey anaa lamang kini sa 550 cubic.
Giangkon ni Mr. Ramon Gotinga, Asst. Provl Administrator, nga usa siya sa GoSun Siargao wave corporation ug iyang giangkon nga nag operate sila nga wala pa makompleto ang papel apan ilang buhaton ang tanan ug paningkamutan aron makapadayon sila sa pag operate sa maong lugar.
