Lugar Moto Central News

01/01/2025

09/12/2024

Paskohanong🎄🎄Mensahe ni Senador B**g Go.

07/12/2024

TINGNAN : Ngayong hapon Disyembre 7, 2024, ilang tagasuporta ni Pangulong Ferdinand "B**gbong" Marcos Jr. ang nagtipon sa People Power Monument sa Quezon City.

06/12/2024

BATAS NA ANG LIGTAS PINOY CENTERS O MANDATORY EVACUATION CENTERS FOR CITIES AND MUNICIPALITIES

Personal na sinaksihan ni Senator B**g Go ang ceremonial signing ni President B**gbong Marcos ngayong Biyernes, December 6, ng Republic Act No. 12076 o Ligtas Pinoy Centers Act. Isinulong ito ni Senator B**g Go bilang principal author at co-sponsor nito.

Ang layunin ng bagong batas na ito ay magkaroon ng permanenteng evacuation centers sa buong bansa para masiguradong may ligtas na mapupuntahan ang mga Pilipino sa panahon ng kalamidad.

Binigyang-diin ni Senator B**g Go ang pangangailangang tiyakin ang kaligtasan ng mga Pilipino tuwing may kalamidad, lalo na't madalas na ginagamit ang mga eskwelahan at sira-sirang pasilidad bilang pansamantalang tirahan. Ayon kay Senator Kuya B**g Go, mahalaga ang taunang audit ng mga evacuation centers upang masiguro ang kaligtasan at kahandaan ng mga ito.

05/12/2024

LOOK : Kinumpirma ng U.S. Embassy sa Pilipinas na nakatanggap na sila ng ulat mula sa Police Regional Office 9 ( ) kaugnay ng posibleng pagkamatay ng Amerikanong vlogger na si Elliot Eastman.

Sa inilabas na pahayag ng embahada, sinabi nitong:
"We are aware of the reports and are coordinating with local authorities. Due to privacy considerations, we have no further comment at this time."

Dagdag pa nila, "The Department of State has no greater priority than the welfare and safety of U.S. citizens abroad. We stand ready to provide assistance to U.S. citizens in need and to their families."

Patuloy na binibigyang-prayoridad ng U.S. Embassy at ng Department of State ang kaligtasan at kapakanan ng mga mamamayang Amerikano sa ibang bansa. Sa kabila nito, nanatili silang tikom sa pagbibigay ng karagdagang detalye dahil sa mga patakarang may kinalaman sa privacy.

Samantala, nagpapatuloy ang imbestigasyon ng mga lokal na awtoridad upang beripikahin ang ulat ukol sa kalagayan ni Eastman at alamin ang mga detalye ng insidente.

05/12/2024

Pres. Ferdinand Marcos Jr. Nagtatag ng Office of the Presidential Adviser for Marawi Rehabilitation and Development

Ipinag-utos ni Pangulong Ferdinand Marcos Jr. ang pagtatatag ng Office of the Presidential Adviser for Marawi Rehabilitation and Development (OPAMRD) upang mapabilis ang rehabilitasyon at muling pagbangon ng Marawi City at mga karatig nitong lugar.

Sa bisa ng Executive Order No. 78, ang bagong tanggapan ay pamumunuan ng Presidential Adviser for Marawi Rehabilitation (PAMR), na direktang isasailalim sa kontrol at superbisyon ng Office of the Special Assistant to the President (OSAP).

Layunin ng OPAMRD na tiyakin ang maayos at tuloy-tuloy na implementasyon ng mga programa at proyekto para sa pagbangon ng Marawi, kabilang na ang pagresolba sa mga isyung pangkabuhayan, pang-edukasyon, at imprastruktura sa lugar na labis na naapektuhan ng sigalot noong 2017.

05/12/2024

Makabayan Bloc Nagsimula ng Signature Campaign para sa Impeachment Complaint Laban kay VP Sara Duterte

Inihayag ng Makabayan bloc na kanilang sinimulan ang kampanya sa pangangalap ng mga lagda mula sa mga kapwa mambabatas upang isulong ang impeachment complaint laban kay Pangalawang Pangulo Sara Duterte. Ayon sa grupo, kinakailangan nilang makuha ang suporta ng hindi bababa sa 1/3 ng mga miyembro ng Kamara upang maipasa ang resolusyon ng impeachment patungo sa Senado.

05/12/2024

CITY, AGUSAN DEL NORTE

WALO ARESTADO SA DRUG RAID SA BUTUAN CITY

BUTUAN CITY – Nahaharap sa kasong paglabag sa Section 6, 7, 11, at 12 ng Article II ng Republic Act 9165 o ang Comprehensive Dangerous Drugs Act of 2002 ang walo katao na naaresto sa isinagawang drug raid sa Purok 7, Barangay Limaha, Butuan City, bandang alas-9:38 ng gabi, Disyembre 4.

Ang operasyon ay pinangunahan ng pinagsamang pwersa ng Philippine Drug Enforcement Agency (PDEA), Butuan City Police Office (BCPO) Station 2, at Regional Drug Enforcement Unit (RDEU) Caraga matapos ang matagumpay na surveillance sa lugar.

Nakumpiska sa operasyon ang anim na sachet ng hinihinalang shabu na tinatayang nagkakahalaga ng higit ₱20,000 at may timbang na hindi bababa sa tatlong gramo. Bukod dito, nasamsam din ang anim pang sachet ng shabu na may timbang na 10 gramo at nagkakahalaga ng ₱68,000, at karagdagang 15 gramo na nagkakahalaga ng ₱102,000. Narekober din ang iba’t ibang drug paraphernalia.

Ang mga suspek na nahuli sa loob ng drug den ay kinilala bilang:

1. Joseph Contento y Duran, ang itinuturong tagapamahala ng drug den.
2. Melchizedek Parajes y Martinez
3. Harold Ortega y Castillo
4. Rufino Amistoso y Dungo
5. Chelmar Niez y Salvador
6. Peter John Alcover y Solesco
7. Omar Baora y Sultan
8. Norman Labampa y Sibayan

Ang mga naaresto ay kasalukuyang nasa kustodiya ng mga awtoridad at sasampahan ng kaukulang kaso. Patuloy ang panawagan ng PDEA Caraga sa publiko na makipagtulungan sa kampanya laban sa iligal na droga at ipagbigay-alam ang anumang kahina-hinalang aktibidad sa kanilang lugar.

📸 PDEA Caraga

05/12/2024

PHILSAGA, NAGSASAGAWA NG GIFT-GIVING SA MGA KABATAAN NG BRGY MARFIL

Rosario, Agusan del Sur – Sa diwa ng Kapaskuhan, nagsagawa ang Philsaga Mining Corporation-Mindanao Mineral Processing and Refining Corporation Foundation, Inc. (PMFI) ng isang makabuluhang gift-giving event sa Barangay Marfil , Disyembre 5, 2024.

Pinangunahan ng PMFI Executive Director na si Reygela M. Decalit ang programa at ipinaabot ang kanilang layunin na magbigay kasiyahan sa komunidad.

Ang inisyatibo ay naglalayong makapagbigay ng regalo sa 1,000 bata na may edad 5 hanggang 9 taong gulang upang iparamdam ang diwa ng Pasko. Sa aktwal na pamamahagi, 896 na bata ang nakatanggap ng goodies, laruan, at pagkain na nagbigay ngiti sa kanilang mga mukha at naghatid ng diwa ng Kapaskuhan. Bagamat hindi naabot ang target na bilang, tiniyak ng foundation na maipapamahagi ang natitirang mga regalo.

“Ang kaligayahan ng mga bata at ng komunidad ang pinakamahalagang gantimpala namin,” ayon kay Decalit sa nasabing aktibidad.

Ipinahayag naman ng Presidente ng Philsaga Mining Corporation na si Atty. Raul C. Villanueva ang kanilang dedikasyon sa pagpapasaya at pagpapabuti ng buhay ng mga tao sa kanilang nasasakupan.

Ang nasabing aktibidad ay lubos na ikinatuwa ng mga bata at kanilang mga pamilya, na nagbigay-diin sa diwa ng pagbibigayan at pagkakaisa ngayong Kapaskuhan.

05/12/2024

05/12/2024

TINANGGAL ANG PONDO

Ang P39-B pondo para sa Ayuda sa Kapos ang Kita Program (AKAP) ng DSWD para sa 2025 ay inalis sa Senate version ng budget sa pangunguna ni Sen. Imee Marcos.

📷SMNI

05/12/2024

TERMINO NG MGA BARANGAY AT SK OFFICIALS, APRUBADO NA!

Inaprubahan na ng House Committee on Local Government ang bagong termino para sa mga opisyal ng Barangay at Sangguniang Kabataan (SK).

Ayon dito, ang susunod na halalan ay gaganapin sa Mayo 2029. Ang mga opisyal ng Barangay at SK na nahalal noong Oktubre 2023 ay mananatili sa kanilang posisyon hanggang makapanumpa ang mga bagong halal na opisyal.

04/12/2024

"NO TO IMPEACHMENT"

Iglesia ni Cristo, naghahanda ng rally kontra sa impeachment ni VP Sara Duterte

Ang mga miyembro ng Iglesia ni Cristo (INC) ay naghahanda para sa isang rally upang ipahayag ang kanilang suporta laban sa impeachment ni Vice President Sara Duterte. Ayon kay Gen Subardiaga, host ng isang programa sa NET25, sinusuportahan ng INC ang panawagan ni Pangulong B**gbong Marcos na huwag nang ituloy ang impeachment.

"Ang Iglesia ay pabor sa opinyon ni Pres. Marcos na hindi sumang-ayon sa isinusulong ng ilang sektor na impeachment, dahil maraming problema ang dapat unahin ng pamahalaan," ani Subardiaga.

Dagdag pa niya, "Ang Iglesia ni Cristo ay para sa kapayapaan at tutol sa anumang uri ng kaguluhan."

Dalawang impeachment complaints ang inihain laban kay VP Sara Duterte sa Kamara.

Courtesy : NET25

04/12/2024

Panoorin: Muling binatikos ni Atty. Harry Roque ang mga mambabatas na nagsasagawa ng imbestigasyon kaugnay sa paggamit ni VP Sara Duterte ng confidential fund, kasunod ng mga findings na inilabas ng COA.

04/12/2024

JUST IN: Neri Naig-Miranda Pinalaya na mula sa BJMP Hospital

Nakalabas na ng ospital si Neri Naig-Miranda nitong Miyerkules, Disyembre 4, bandang 6:00 PM, ayon kay BJMP Spokesperson Supt. Jayrex Bustinera.

Ang paglaya ay kasunod ng release order na inilabas ng Pasay RTC Branch 112 at natanggap ng BJMP.

04/12/2024

PBBM, HINDI SUPORTADO ANG MGA IMPEACHMENT COMPLAINT LABAN KAY VP SARA

Iginiit ng Malacañang na hindi nito susuportahan ang mga isinampang impeachment complaint sa Kamara laban kay Bise Presidente Sara Duterte.

Ayon kay Executive Secretary Lucas Bersamin, malinaw ang naging pahayag ni Pangulong Ferdinand Marcos Jr. na ayaw nitong mag-aksaya ng oras sa impeachment, kaya hindi nila ito susuportahan.

Pinabulaanan din ni Bersamin ang mga alegasyon na politikal o inisyatibo ng Palasyo ang impeachment complaint.

Aniya, wala silang kinalaman dito at mas maraming mahahalagang bagay ang dapat pagtuunan ng pansin.