15/12/2024
"ππ§π ππππ’π π§π ππ ππ‘ π π£ππ‘π‘πππππ¦πππ ππ, ππππ π§π πππ’π¦ π π‘πππππ ππ‘πππ, ππ¦π¨ π§π πππ£π¨ π§π π‘πππππππππππ."; ππ€π§ ππ’π¨π‘πππ₯, π‘ππππππππ π π£ππ‘π ππ¦π ππ§π πππππ‘π¦π¨π₯π ππ«ππ ππ‘ππ§ππ’π‘π¦ ππ’π₯ π£π₯π’πππ¦π¦ππ’π‘ππ π§ππππππ₯π¦ 2024
Naballigi a pinmasa iti Licensure Examinations for Professional Teachers (LEPT) - Secondary Level 2024 ni Damdamag Quirino-Angaki Tatta Founder π©ππ‘ πππ¦π£ππ₯ ππππ’π‘ππ’ πππππ’, nga inruar iti Professional Regulation Commissions (PRC) idi laeng Biernes, Disiembre 13.
Isuna ket anakda retirado a pulis - Mr. Cesar Ramos Balonzo Biado iti Binmeckeg, Sison, Pangasinan kenni Municipal Budget Officer iti ili ti Quirino, Ilocos Sur a ni Mrs. Rose Lilia Balonzo Biado iti Poblacion, Quirino, Ilocos Sur. Apoda daydi mestro Guillermo "Gerry" Batoon Balonzo iti Lusong, Luba, Abra ken Manabo, Abra, Mrs. Irene "Ining" Reynante Balonzo iti Quirino, Ilocos Sur kenda daydi Alejandro Biado ken Gloria "Iday" Ramos Biado iti Binmeckeg, Sison, Pangasinan. Kabsat ni Dr. Cheryl Joy B. Biado kenni Police Officer Aljay Elyzar B. Biado.
Nagturpos iti elementarya iti Quirino Central School kas Salutatorian idi tawen 2011. Intuloyna iti Sekondaryana (Junior High School ken Senior High School) iti Quirino National High School nu sadinno a nagserbi isuna kas SSG President idi 2016-2017, YES-O ken ROYSC President, journ-writer ti Ang Himig Angkaki ken nagaramid iti pakaistoryaan iti binneg ti dyornalismo nu sadinno a nangabak kas 2018 NSPC Bronze Medalists iti Photojournalism sadiay Dumaguete City, Negros Oriental.
Iti inna iseserrek iti kolehiyo, arapaap na koma iti agbalin nga abogado ket ti alanna koma a kurso ket AB Political Science kas preparatory degree. Ngem bayat iti panag-immersion-da iti Senior High School, napanunotna a napinpintas nga agala isuna iti kurso nga addaan iti board examination na. Ditoyen isuna a nagpanunot a tungpalen ken suruten iti dapak ti idolona a ni QNHS Araling Panlipunan Teacher a ni Mr. George C. Osenio kas maysa a mestro.
Sinumrek iti Saint Louis University sadiay ciudad ti Baguio idi tawen 2018. Gistayan saan a naawat gapu iti marka a "B" iti ayan ti Good Moral na ngem kaasi iti Apo, naikkan isuna iti tiansa a mangipakita iti laing ken talento na ket nangala iti Bachelor of Secondary Education (BSED) Major in Social Studies (Soc. Stud.). Gapu ngarud ta kayatna nga ipakita iti sirib dagiti naggapo ti sulsulinek, nagbalin isuna kas consistent Dean's Lister manipud 1st year inggana 2nd year ken nangabak kas Social Studies Society 1st Year Representative. Kasta pay a nangabak ti 3rd Place ti STELA Alpas Arts Festival idi 2019.
Kagiddan iti panagbasana iti kolehiyo ket isu met iti serbisyo na a boluntaryo iti ilina, nu sadinno a pinutarna iti Damdamag Quirino - Angaki Tatta idi tawen 2019. Ken ti panangitultuloyna iti misyonna kas advocate iti Community Journalism Education For All kangrunaan iti kakailianna. Kasta pay a nagtugaw kas Youth Council Organization President idi tawen 2019 inggana 2023.
Idi demteng iti COVID-19 pandemic idi tawen 2020, gapu ta narigat iti modalidad iti panagbasa iti dayta a kanito, nagsardeng iti unos ti dua a tawen. Sinerrekna iti lubong iti negosyo a Buy and Sell babaen iti panangtulong iti barkadana a ni Mark Dexter Marvil. Nangrugi iti ahente inggana kinayana nga intakder ti bukodna a diskarte kagiddan iti panangbayabay dagiti tropana a nabaybayagen iti dayta nga industriya.
Ngem ditoyna a naamiris nga saan nga agnanayon iti swerte kangrunaan iti ususto a lubong. Tawen 2022 idi nagturpos dagiti batchmates na iti sekondarya ken kolehiyo, dakkel ti nagbalin nga apal kaniana ta natungpalen dagiti arapaap dagiti kabatchna. Inbagana iti bagina, "Inkarik idi ti bagik a saysayaatek ti agbasa ta makaturposak iti usto a kaneto, ngem apay nga diak tinungpal?". Ditoyen iti nangrugian iti karit manen kenkuana nga agtuloy iti panagbasa na iti kolehiyo.
Kalpasan iti pandemia, babaen iti suporta dagiti nagannak na, intuloyna iti arapaapna a kinamestro iti parehas met laeng a pagadalan. Ditoyna nga inator dagiti nagkamalianna ket inlintegna iti dalanna nga agturong iti arapaapna. Nu man pay adu iti suot ti biagna ken obligasyonna kas ama dagiti uppat nga ubbing, ingaedna nga intuloy dagiti arapaapna kas pamminnek iti bagina ken ti napinpintas a masakbayan dagiti putotna.
Bayat iti Internshipda kas Practice Teacher, nagbalin kas class favorite dagiti ubbing isuna kangrunaanen idi na-deploy sadiay Saint Louis School of Pacdal Inc. Kalpasanna, naiyalis isuna sadiay Saint Louis University Basic Education School (SLU-BEdS), nu sadinno a nagbalin a karit kenkuana iti nagisuro iti Ekonomiks a maysa kadagiti pagkapoyanna ngem gapu iti panangbayabay iti Cooperating Teacherna a ni Mrs. Regina May-ao Toyokan, napagbalinna kas paglainganna iti pagkapoyanna. Ket sadiay met Pines City National High School iti nagleppasan iti Internship-na nu sadinno nga iniggemanna iti dua a tukad iti Araling Panlipunan nga isu iti World History ken Ekonomiks kagiddan iti Peace Education ken Special Journalism and Arts classes.
Ket idi laeng Hulyo 4 ita a tawen, nagturpos isuna iti kolehiyo. Nu man pay saan a naimaldit iti ayan ti naganna iti Latin Honor kas Cum Laude, uray nu pasok iti average-na, saan a naupay nu di ket nagbalin a leksyon kenkuana nga adu iti oportunidad a masayang gapu kadagiti madi a desisyon iti biag. Ngem saan a maudi ti amin, ta adda latta met ti tiansa a bumawi iti maikadua a danas.
Bayat iti inna panagreview nu man pay adu dagiti nagbalin a problema kangrunaanen iti relasyon ti pamilyana, pinagbalinna daytoy kas bala tapnu ipakita kadakuada a kayana ket magun-odna dagiti arapaapna iti biag. Ket idi laeng Biernes, Disiembre 13, napagasatanna a naipasa iti Licensure Examinations for Professional Teachers (LEPT) Secondary Level.
Iti ayan ti postna, kunana "Iti likod ti amin a pannakapaay ken pannakaisagmak, dinak pulos binaybay-an O Dios kadagiti kalikagomko iti biag." Sananto pinagyamanan iti sibubukel a pamiliana ken dagiti tattao a tinmulong ken sinmuporta kenkuana.
Istoria ti biag nga uray man mamin-aduka a maitublak, kasapulam latta a bumangon ket ipakitam kadakuada a kayam. Iti likod ti adu a nauyaw a mata ken ngiwat, agtalinaed latta dagiti dapan iti daga kas iti kawayan a sibabayukyok. Tumulong iti kabaelan ket agsubad nga awan ti ururayem a kasukat. Agtalek kenni Apo Dios a kankanayun ken itultuloy latta ti agarapaap.
Manipud iti Damdamag Quirino-Angaki Tatta, iyebkasmi iti nabara a sipsipatmi iti inka pannakaipasa iti maysa kadagiti karirigatan nga eksaminasion iti napilim a kareram!
Congratulations Von, Apo Founder! πππππππ
Matago-tago ka! ππππππππππβ€οΈβ€οΈβ€οΈ
Number one online news page site and publication in the Municipality of Quirino, Ilocos Sur founded on 2019.
