What are the opening hours?

Monday 9am - 6pm Tuesday 9am - 6pm Wednesday 9am - 6pm Thursday 9am - 6pm Friday 9am - 6pm Saturday 9am - 6pm

Repetek, Ang Diyaryo ng Pilipino

Home
Philippines
Puerto Princesa City
Repetek, Ang Diyaryo ng Pilipino

Contact information, map and directions, contact form, opening hours, services, ratings, photos, videos and announcements from Repetek, Ang Diyaryo ng Pilipino, Media/News Company, Centro de Benito y Aliva Complex, Rizal Avenue, Puerto Princesa City.

15/01/2025

MENOR DE EDAD NA BABAE, BINUGBOG NG TATLONG KAPUWA-BABAE

Binugbog ang isang menor de edad na babae sa gilid ng isang bar sa lungsod ng Puerto Princesa nitong madaling araw, Miyerkules, Enero 15, taong kasalukuyan.

Batay sa impormasyon ng We R1 At Your Service, ang biktima ay bibili lamang umano ng chicken pastel ngunit pagdaan nito sa isang bar bigla na lamang umano iting kinuyog ng tatlong kababaehan at sinabihan ng hindi magagandang salita.

Kinilala ang biktima na si Alyas “Lacy” kasama ang kaniyang pinsan na kinilala namang si Alyas “Kyle”, parehong 16-taong gulang, at residente ng Brgy. Bancao-Bancao. Habang ang mga suspek ay kinilala namang sina Kimberly Adigue, 18-taong gulang, residente ng Brgy. Mandaragat; Rima Gabriel, 18-taong gulang, at Bhlaze Erica Sol, 15-taong gulang, parehong residente ng Sitio Bucana, Bgy. Iwahig.

Ayon pa sa ulat, ang biktima ay sinampal, sinuntok, at hinila ang buhok, na kung saan ay hindi naman itinanggi ng tatlong babae ang kanilang ginawa nang tanungin sila ng mga tauhan ng Anti-Crime Task Force. | via Lars Rodriguez, Repetek News

Photo courtesy: We R1 At Your Service Official

15/01/2025

DRY RUN SA AUTOMATED COUNTING MACHINES, NAKAABOT NA SA BILANGGUAN NG BROOKE’S POINT

TINURUAN na ang Persons Deprived of Liberty (PDLs) ng Bureau Of Jail Management and Penology (BJMP)- Brooke’s Point District Jail ng kaalaman sa paggamit ng mga Automated Counting Machines (ACM).

Batay sa inilabas na impormasyon, nagsagawa ang Commission on Elections (COMELEC) Brooke’s Point ng isang demo sa mga PDL ng nasabing piitan bilang bahagi ng isang komprehensibong information and education drive na naglalayong tiyakin ang maayos at transparent na proseso ng halalan.

Matapos ang maikling briefing, tinulungan ng mga tauhan ng komisyon ang mga Jail Officers at mga PDL sa pagsasagawa ng dry run ng ACM. Sa pamamagitan nito, magiging pamilyar ang lahat sa functionality ng makina at sa proseso ng pagboto.

Sa isinagawang live voting simulation, pumili ang COMELEC ng ilang PDL at Jail personnel para mag-shade, mag-cast, at mag-check ng balota.

Ang naturang aktibidad ay nagsisilbing mahalagang hakbang sa paghahanda para sa darating na 2025 National and Local Elections (NLE) upang matiyak na ang lahat ng sektor ng komunidad, kanilang ang mga nasa bilangguan, ay may kaalaman at kahandaan sa pagboto sa darating na halalan.

Samantala, patuloy isinasagawa ang ACM Demo roadshow sa iba’t ibang bahagi ng lalawigan ng Palawan. | via Samuel Macmac, Repetek News

15/01/2025

PROYEKTONG BOARDWALK NG DPWH, NAIS IPATIGIL

Inirekomenda ng Committee on Environmental Protection and Natural Resources ng Sangguniang Panlungsod ng Puerto Princesa na pansamantalang ipatigil ang proyektong boardwalk ng Department of Public Works and Highways (DPWH) sa Barangay Bancao-Bancao, lungsod ng Puerto Princesa.

Sa ulat ng komite na pinamumunuan ni City Councilor Jimmy L. Carbonell, inirekomenda nilang ipahinto ang proyekto dahil sa kawalan ng mga kaukulang dokumento.

“In other words, Environmental Initial Assessment (EIA) is being required for this very voluminous project which was not complied by the DPWH as well as the contractor,” ani Carbonell.

Aniya pa, iginiit ng representante ng DPWH MIMAROPA na ang kanilang tanggapan ay nakatoka lamang sa aspeto ng pagpaplano at sa bahagi na ng kontraktor ang pagkuha ng mga kinakailangang permits para sa proyekto.

Sa kuhang video ng komite, ipinakita rin sa mga miyembro ng konseho ang pagkasira ng mga bakawan dahil sa konstruksyon ng Rizal Avenue Extension Boardwalk.

“The proposed boardwalk…showing a mangrove which has died due to the construction of such project. There’s a video that likewise show the other side particulary of mangrove area dahil ‘yung tubig ay hindi na rin makadaan. May sea wall na doon hindi na makalabas ang tubig,” pag-uulat pa ng Konsehal.

Kaugnay nito, nagsagawa ng committee meeting kung saan ipinatawag ang mga ahensya ng DPWH MIMAROPA, Palawan Council for Sustainable Development (PCSD), City ENRO, City Zoning, City Legal, mga opisyales ng barangay Bancao-Bancao, at iba pang stakeholders para talakayin ang nabanggit na isyu.

Komento pa ni City Kagawad Elgin Damasco, ang proyektong ito ay hindi dumaan sa City Council kaya nagtataka rin ang opisyal kung paano ito nakakuha ng building permit sa kabila nang hindi nila pagbibigay ng endorsement.

“Ako, I am not against, maganda ang project—ang sa akin lang kung nagpapatupad tayo ng batas sa mga maliliit dapat sa mga malalaki ipatupad din natin,” ani Damasco. | via Clea G. Cahayag

Photo courtesy: Facebook/Mary Grace Ogoc

15/01/2025

2 WANTED PERSONS, TIMBOG SA MAGKAHIWALAY NA POLICE OPS NG CITY POLICE

NAARESTO ng mga tauhan ng Puerto Princesa City Police Office (PPCPO) ang dalawang wanted persons sa lungsod na may mga kinakaharap na kaso na parehong natimbog ng pulisya bandang alas dos ng hapon ng ika-14 ng Enero, taong kasaluyan.

Ayon sa impormasyon ng awtoridad, nahuli ang wanted na may kasong attempted homicide sa Barangay Model sa lungsod sa bisa ng warrant of arrest na inilabas at nilagdaan ni Presiding Judge Maria Rowena P. Socrates, Municipal Trial Court, Fouth Judicial Region, Branch 1, Puerto Princesa City, noong Enero 9, 2025.

Nahaharap ang wanted person sa kasong criminal na may case number 25011 na may inirekomendang piyansa na P36,000.00.

Samantala, isang wanted person din ang nadakip naman sa Purok Daisy ng Barangay Maunlad dahil sa kasong Estafa. Ang pagkakaaresto ay bunga ng arrest warrant na inilabas at nilagdaan naman ni Presiding Judge Rohima R. Sarra, Municipal Trial Court, Fourth Judicial Region, Branch 12, Puerto Princesa City, noong Marso 21, 2023, at may inirekomendang piyansa na P18,000.00.

Kasalukuyan nang nasa kustodiya ng pulisya ang mga nahuling wanted persons para sa tamang disposiyon.

Nananatiling matibay ang pangako ng PPCPO sa ilalim ng pamumuno ni Police Colonel Cornelio C. Tadena Jr., City Director, na patuloy palalakasin ang kampanya kontra kriminalidad upang masiguro ang kaligtasan at kaayusan ng komunidad. | via Samuel Macmac

15/01/2025

PEACE AND ORDER SA SAN VICENTE, PALALAKASIN PARA IWAS KRIMEN

Tinalakay ang panukalang ordinansa na magtatalaga ng Night Watch Personnel sa bayan ng San Vicente upang magpanatili ng kapayapaan at kaayusan ayon sa Committee Meeting on Laws, Peace and Order nitong araw ng Martes, Enero 14.

Pinangunahan ni Committee on Laws Chairperson Sangguniang Bayan Melvin Ballesteros kasama sina Committee on Peace and Order Chairperson Sangguniang Bayan Cesar Caballero, SB Maria Carmen Silagan, SB Evangeline Maagad, SB Teodulo Varquez, at SK Federation President Tea Joy Borbon.

Ayon sa Sangguniang Bayan, ang nasabing ordinansa ay inisyatibo ni Bise Mayor Ramir R. Pablico bilang tugon sa mga ulat ng insidente ng krimen sa tuwing sasapit ang gabi na naglalayong na gawing mas ligtas ang bawat komunidad sa naturang bayan.

Ang mga itatalagang Night Watch Personnel ang magbabantay sa mga pampublikong lugar, reresponde sa mga insidente, at pagtulong sa pagpigil sa mga potensyal na krimen.

Nagpakita naman ng buong suporta ang Sangguniang Bayan sa hakbang na ito upang matiyak ang seguridad ng mga residente at maitaguyod ang isang ligtas at payapang komunidad sa San Vicente.

Inaasahan naman ng committee na makikipagtulungan ang grupo sa lokal na kapulisan para sa mas mabilis at epektibong aksyon.

Samantala, aprubado na ang nasabing ordinansa sa committee level at inaasahang maisasapinal ito sa mga susunod na sesyon ng konseho. | via Lars Rodriguez

Photo courtesy: SB San Vicente

15/01/2025

DEADLINE SA PAGBAYAD NG LOCAL BUSINESS TAXES AT IBA PANG BAYARIN, MAS PINALAWIG

LUSOT na sa ikalawang pagbasa ang ordinansa na nagpapalawig sa deadline ng pagbayad ng local business taxes, fees, at charges sa lungsod ng Puerto Princesa.

Ito ay matapos sumulat sa Sangguniang Panlungsod ni Ms. Teresa A. Gabayan, Presidente ng mga Manininda ng Puerto Princesa, Inc., (MMPI), na humihiling na bigyan pa sila ng mas mahabang panahon sa pagsusumite ng kanilang aplikasyon para sa Mayor’s permit.

Matatandaan, ang Business One Stop Shop o BOSS ng Pamahalaang Panlungsod ay nagsimula noong Enero 2 at magtatapos sa darating na Enero 20.

Dahil sa BOSS, mas napadali at napabilis na ang pagkuha at pag-renew ng business permits sa pamamagitan lamang ng tatlong proseso: Apply, Pay/Claim at Release ay makukuha na agad ang business permit.

Sa SDO No. 152-2025 nakasaad ang pagbibigay ng karagdagang 30-araw o isang buwan para sa pagbabayad ng local business taxes at iba pang bayarin nang walang ipapataw na multa at interes.

Ibigsabihin, ang noo’y deadline na Enero 20, ay mas palalawigin hanggang Pebrero 20, taong kasalukuyan.

Samantala, ang nabanggit na ordinansa ay naka-kalendaryo na sa susunod na regular na sesyon ng City Council para ikatlo at huling pagbasa. | via Clea G. Cahayag

15/01/2025

OLIVE RIDLEY SEA TURTLE, NAIS MAGING FLAGSHIP SPECIES NG SAN VICENTE, PALAWAN

ISINUSULONG ng Sangguniang Bayan ng San Vicente, Palawan, ang deklarasyon sa olive ridley sea turtle bilang flagship species ng nabanggit na bayan sa pamamagitan ng isang panukalang ordinansa.

Sa ginanap na pulong ng Committee on Tourism, nais pagtibayin ang panukalang ordinansa na naglalayong ideklara ang olive ridley sea turtle bilang opisyal na flagship species ng nasabing munisipyo na kung saan dumalo dito ang kinatawan ng Municipal Environment and Natural Resources Office (MENRO) upang magbigay ng mga ekspertong pananaw at karagdagang impormasyon na ginanap nitong ika-15 ng Enero, taong kasalukuyan.

Tinalakay sa pagpupulong ang mga programang magpapalakas sa pangangalaga ng mga yamang-dagat ng San Vicente, partikular na ang mga olive ridley sea turtle, na may siyentipikong pangalan na Lepidochelys Olivacea.

Batay sa impormasyon, ito ay isang maliit na uri ng pawikan na karaniwang makikita sa mga tropical at subtropical na karagatan. Maaaring umabot ang buhay ng olive ridley ng 50 taon o higit pa, subalit ang survival chances ng mga hatchlings ay napakababa dahil sa mga panganib na dulot ng predation, polusyon, at pagkasira ng natural na tirahan.

Sa mga nakaraang taon, naging aktibo ang San Vicente sa pag-release ng olive ridley hatchlings sa kanilang natural na tirahan bilang bahagi ng conservation efforts. At sa mga nakaraang programa, daan-daang olive ridley hatchlings ang matagumpay na napakalawan sa dagat, sa pakikipagtulungan ng lokal na pamahalaan, mga NGO, at komunidad.

Samantala, ang layunin ng panukalang ordinansa na higit pang palakasin ang adbokasiya ng lokal na pamahalaan para sa pangangalaga ng marine biodiversity ng San Vicente. Ang pagdeklara sa olive ridley sea turtle bilang flagship species ay isang hakbang patungo sa mas matibay na pangangalaga at pagpapahalaga sa ating yamang dagat. | via Samuel Macmac

📷 Facebook/Olive Ridley Project

15/01/2025

BREAKER REEF SHIPWRECK SA PALAWAN, TAMPOK SA CATALOG NG PAMBANSANG MUSEO

Gumawa ng isang catalog tungkol sa Breaker Reef Shipwreck sa Palawan ang National Museum of the Philippines kung saan tampok sa catalog ang koleksyon ng mga artifacts tulad ng mga Chinese ceramics na nakuha mula sa lumubog na barko sa Breaker Reef na matatagpuan sa Kalayaan Group of Islands.

Sa ibinahaging catalog ng Pambansang Museo sa Repetek News, taong 1988 nang matagpuan ng isang mangingisda ang mga pira-pirasong porselana sa Breaker Reef na tinatayang walong milya mula sa baybayin ng Rizal, Palawan.

Ang mga seramikong ito ay ibinenta sa mga antique dealers sa Cebu at kalaunan ay umabot sa mga otoridad ng NMP.

Kaugnay rito, noong 1991, ang Underwater Archaeology Section (UAS) team ng NMP katuwang ang Franck Goddio’s World Wide First (WWF) ay nagsagawa ng paghuhukay sa ibabaw ng Breaker Reef sa lalim na lima hanggang anim na metro kung saan tinatayang aabot sa 2,000 mga kagamitan ang nakuha gaya ng ceramic bowls, saucers, octagonal covered boxes, small jars, iron cooking pans, ingots glass bracelets, at granite anchor stock.

“The ceramics were from the kilns in Zhejiang and Fujian provinces in China during the Southern Sung Period (1127-1279 CE). No shipwreck remains were found but the vessel may have been built in China based on the predominantly Chinese cargo and the granite anchor stock usually carried by Chinese vessels,” batay sa impormasyon mula sa catalog.

Binigyang diin ng Museo na ito ay higit pa sa isang catalog dahil sumasalamin ito sa kanilang dedikasyon na idokumento at protektahan ang pamana ng bansang Pilipinas.

Ang pagkakatuklas ng shipwreck na ito ay nagbibigay ng konkretong ebidensya ng masiglang kalakalan at palitan sa pagitan ng bansang Tsina at Pilipinas noong ika-13 siglo. | via Clea G. Cahayag

📸 National Museum of the Philippines

15/01/2025

IMPEACHMENT VS. VP SARAH DUTERTE, HINDI NAPAPANAHON

PUERTO PRINCESA CITY—Nanindigan ang nasa halos 30,000 miyembro ng Iglesia ni Cristo sa Palawan na lumahok sa Nationwide Rally for Peace na ginanap sa lungsod ng Puerto Princesa na hindi umano napapanahon ang impeachment laban kay Vice President Sarah Z. Duterte-Carpio.

Ito ang tinuran sa Repetek News ni Media Relations Officer Attorney Joemar Caluna na unahin muna ang mga pangunahing problema ng bansa tulad ng kahirapang dala ng nakalipas na kalamidad at pagbaha dulot ng mga naranasang bagyo.

Ani Atty. Caluna, ang isinagawang pagkilos ng INC ay bilang pagsuporta sa naging pahayag ni Pangulong Ferdinand R. Marcos Jr. na hindi nito sinasang-ayunan ang impeachment process laban kay VP Sarah na nakaamba sa kongreso na kung saan ipinunto ng Pangulo na wala kahit isang Pilipino ang makikinabang dito.

“Naniniwala kami [r]oon sa sinabi ng ating Pangulo. Kaya kami ay nagkaroon ng ganoong pagkilos para ipanawagan sa ating gobyerno na unahin muna ang mga pangunahing problema ng ating bansa, sa halip na tayo ay magkaroon ng bangayan at pagkakahati-hati, sapagkat ang impeachment process ay very divisive,” aniya.

Bagaman layunin sa naturang pagkilos ang pagsusulong ng kapayapaan at pagkakaisa, sinagot din ni Atty. Caluna ang mga sentimyento ng ibang Pilipino na walang kapayapaan kung walang hustisya at pananagutan o accountability kaugnay sa kinasasangkutan ni VP Sarah sa paggamit ng confidential funds gayundin sa pangalang Mary Grace Piattos na nagdulot ng alingawngaw.

Batay sa dokumento ng Commission on Audit (COA), nakapirma ang pangalang Mary Grace Piattos sa ilang acknowledegment receipts ng mga pondo, ngunit naglabas ang Philippine Statistics Authority (PSA) na walang anumang record ng kanyang pagkakabuhay.

Naiulat naman na naglabas din ang PSA na walang silang nakitang record para kay Kokoy Villamin na lumitaw ang pangalan nito sa iba’t ibang acknowledgement receipts ng Office of the Vice President (OVP) at Department of Education (DepEd) ngunit may iba’t ibang handwriting at pirma.

“Hindi kami tumututol sa impeachment. Ang sa amin lang ay kung may ibang proseso sa panahong ito na mayroong malubhang problema ang ating bansa na dapat tugunan ng ating gobyerno, para sa amin hindi napapanahon na magkaroon ng impeachment,” paliwanag niya.

Dagdag din Atty. Caluna, “Kung ating titingnan, wala pang sapat na pruweba na nagkasala ang ating Vice President [Sarah Duterte], dapat may rule of law tayo. Mayroon tayong batas na dapat umuusig doon, iyon ang sundin natin—ang rule of law. Sabi nga trial by publicity ay parang pamumulitika lang ang nangyayari sa ganiyan.”

Binigyang-diin din ni Atty. Caluna ang mga resources ng gobyerno na sa halip magamit sa impeachment process ay gamitin para matugunan ang mga pangangailangan ng mga mamamayan sa bansa ayon na rin sa pahayag noon ng Pangulo. | via Samuel Macmac

Photo Courtesy: Unity Defenders-INC

15/01/2025

CBST NG BRGY. BANCAO-BANCAO, NAIS BIGYAN NG ALTERNATIBONG PAGKAKAKITAAN

NANGANGAMBA ang ilang konsehal ng Sangguniang Panlungsod na baka mawalan ng hanapbuhay ang asosasyon ng Canigaran Bancao-Bancao Floating Cottage and Sandbar kapag natapos na ang konstruksyon ng proyektong boardwalk ng Department of Public Works and Highways (DPWH) MIMAROPA sa barangay Bancao-Bancao, lungsod ng Puerto Princesa.

Matatandaan, noong kasagsagan ng pandemya dulot ng Covid-19 kabilang ang nabanggit na Community-Based Sustainable Tourism (CBST) sa nawalan ng hanapbuhay, at upang matustusan ang pang araw-araw na gastusin ng kani-kanilang pamilya, itinaguyod nila ang floating cottages.

Isa si City Councilor Elgin Damasco na nagpahayag ng pangamba na baka muling mawalan ng pagkakakitaan ang grupo dahil sa presensiya ng proyektong boardwalk.

“Ano po ang mangyayari sa kanila kapag natapos ‘yan (boardwalk) dahil hindi mo na kailangan sumakay ng bangka para mapuntahan ang sand bar. So anong mangyayari sa kanilang kabuhayan?,” pahayag ng konsehal.

Paglilinaw ni Damasco, napakaganda ng proyekto ng DPWH dahil dagdag atraksyon ito sa mga turista at mga lokal na residente.

Ngunit kapag natapos na ang proyekto at kung sakaling maapektuhan ang operasyon ng floating cottages sana ay mabigyan ng alternatibong pagkakakitaan ang CBST.

“Nais ko rin maituloy ‘yan, ang tanong ko lang: what will happen doon sa mga malilit nating kababayan na umaasa sa floating cottages? Kasi kapag natapos ‘yan (boardwalk) hindi na kailangan ng mga tao na mag-floating cottage o sumakay ng bangka dahil puwede na silang lumundag doon.

Gusto kong magkaroon tayo ng ideya, ano ang alternative na hanapbuhay na ibibigay natin kung sakali man pagdating ng panahon na bubuksan ‘yan. Ano ang mangyayari sa kanila?,” ang tanong ni Damasco sa mga kasamahan niyang konsehal.

Susog naman ni City Councilor Victor Oliveros, tila hindi na rin makakadaan pa sa ilalim ng boardwalk ang mga maliliit na bangka dahil sa liit ng espasyo nito.

“Medyo hindi ko maintindihan kung papaano ito dahil hindi na makatawid ‘yung magbabangka riyan,” ani Oliveros.

Ayon sa Kagawad, kung sakaling maapektuhan ang hanapbuhay ng CBST, inirekomenda nito ang proyektong agar-agar.

“Yung mga naghahanapbuhay riyan na may mga floating cottages hindi na sila makakatawid d’yan. Hindi ko alam kung papaano sila makakaabot sa dulo kasi nahaharangan talaga bagama’t ito ay nakakaanyaya ng turismo,” dagdag pa ni Oliveros. | via Clea G. Cahayag

14/01/2025

Maaari nang magpalista ang mga magsing-irog na nais magpakasal sa gaganaping Mass Wedding sa darating na araw ng mga pusocm, Pebrero 14.

Ang aktibidad na ito ay isa sa highlight ng taunang pagdiriwang ng Love Affair with Nature ng Pamahalaang Panlungsod.

14/01/2025

NEWS UPDATE: MV NORWEGIAN SKY, PARATING SA PUERTO PRINCESA NGAYONG UMAGA

MULA Kota Kinabalu, Malaysia, ay naglalayag na patungo sa isa sa mga hiyas ng Pilipinas—ang Puerto Princesa, na nakatakdang dumating ngayong araw ng Miyerkules simula alas diyes ng umaga ng ika-15 ng Enero, taong kasalukuyan.

Ito ang kauna-unahang paglalayag o maiden voyage sa pantalan ng lungsod ng MV Norwegian Sky ng Norwegian Cruise Line (NCL) Ben Line Agencies, na may kapasidad na magdala ng nasa 2,450 pasahero.

Sa pamamagitan ng pamamasyal, tutuklasin ng mga banyagang turista ang isa sa mga ipinagmamalaking top tier tourist destination ng bansa ang Puerto Princesa para sa mga bagong karanasan at sayang hatid ng iba’t ibang atraksyon ng lungsod tulad ng Honda Bay, Baker’s Hill, Palawan Wildlife Rescue and Conservation Center, Balayong People’s Park, Puerto Princesa Baywalk, Plaza Cuartel, at marami pang iba.

Sa kasalukuyan, balik-tours na ang Puerto Princesa Underground River (PPUR), ayon sa pinakahuling abiso ng PPUR Management Office ngayong araw.

Ang MV Norwegian Sky ay ikatlong cruise ship na dadaong sa lungsod ngayong taon, at nakatakdang bumalik sa Pebrero 1 at Pebrero 16, 2025. Ito ay mayroong Gross Register Tonnage (GRT) na 77, 104 at may Length Overall (LOA) na 260.00m.

Ayon sa NCL, ang nasabing luxury cruise ship ay mayroong labing-isang nagagandahang dining facilities na nakakadagdag sa pagkakaroon ng magandang karananasan ng mga pasahero sa barko. Para naman sa mga nais magsaya habang naglalayag sa karagatan, ang cruise ship ay may labing-isang bagong bars and lounges.

Bukod dito, ang barko ay mayroong starbucks na swak na swak para sa mga coffee lovers na nais pagmasdan ang magagandang tanawin habang humihigop ng kanilang masarap na kape.

Samantala, magtatagal naman ang naturang barko ng hanggang alas sais ng gabi ng Enero 15, at nakatakdang bumiyahe patungong Boracay Island. | bia Samuel Macmac, Repetek News

📷 NCL

14/01/2025

| New year, new start, but our service never stops!

365 days, 7 days a week, kami ay laging bukas. Walang break, walang pause kaya schedule your visit now. 👇🏻

FOR APPOINTMENT, REQUEST HERE:
HIV SELF CARE | PrEP | HIV Screening

https://awrasafely.com

📍 #41 Abad Santos St. Bgy. Masipag, Puerto Princesa City.

14/01/2025

| Totoo, tapat, at tamang paglalahad ng balita at impormasyon ang hatid ng REPETEK, Ang Diyaryo ng Pilipino! Ito ay pag-aari ng limbagang redsolseyer Media Services.

Para sa mga katanungan, tumawag lamang sa (048) 433 8598 o kaya’y magpadala ng mensahe sa aming page. Maaari rin kaming makontak sa aming email address na [email protected].

Ang aming opisina ay matatagpuan sa Centro de Benito Y Aliva Complex, Rizal Avenue, Barangay Maningning, Lungsod ng Puerto Princesa, Palawan, Philippines.

14/01/2025

TINGNAN: Iminungkahi ni Board Member Winston Arzaga na pagtuunan ng pansin ang ang hindi magandang serbisyo ng ilang ospital sa lalawigan ng Palawan.

Aniya, ito ang madalas na hinaing ng maraming Palawenyo dahil sa nararanasang hindi patas na pagbibigay ng serbisyo sa mga pasyente, lalo na sa mga walang kakahayan o pambayad.

Ito ang tinuran ng bokal sa kanyang privilege speech sa ika-125th regular na sesyon ng Sangguniang Panlalawigan ngayong araw ng Martes, ika-14 ng Enero, taong kasalukuyan. | via Vivian Bautista, Repetek News

Sangguniang Panlalawigan ng Palawan File Photo

14/01/2025

Hitik ang list of activities ng local sports ng lungsod ng Puerto Princesa ngayong unang kuwarter ng taong 2025 dahil dito isasagawa ang apat (4) na national Ironman activities.

Sa darating na Pebrero 28, ay ikakasa sa siyudad ang Princesa Run habang sa Marso 1 naman gaganapin ang Ironkids Puerto Princesa.

Samantala, ang Sunrise Sprint at Ironman 70.3 ay parehong isasagawa sa ika-2 ng buwan ng Marso, taong kasalukuyan. | via Marie Fulgarinas

14/01/2025

MGA GIANT TIGER PRAWNS NA WALANG DOKUMENTO, NAHARANG SA EL NIDO PORT

PUERTO PRINCESA CITY — Naharang ang dalawang kahon ng mga frozen chilled giant tiger prawns na iligal na ibinyahe sa El Nido Port, Palawan, nitong ika-13 ng Enero, taong kasalukuyan.

Ang mga ito ay nasabat sa pamamagitan ng isang matagumpay na operasyon na isinagawa ng Bureau of Fisheries and Aquatic Resources (BFAR) at Coast Guard Station Northern Palawan.

Batay sa impormasyon ng awtoridad, nagsimula ang insidente nang matuklasan ng Quarantine Inspector ng BFAR ang mga kahon ng giant tiger prawns na sakay ng MV May Lilies mula Maynila. Dahil dito, humingi siya ng tulong sa Coast Guard Station Northern Palawan upang mabigyan ng kaukulang aksyon ang nasabing iligal na pagbiyahe nito.

Agad ding nagresponde sa insidente ang pinagsamang-puwersa ng Coast Guard K9 Field Operating Unit, Special operations Unit-Northern Palawan, at Marine Environmental Protection Enforcement and Response Unit (MEPERU) .

Sa kanilang pagdating sa pantalan ng El Nido, nakumpirma ng BFAR inspector ang ilegalidad ng mga giant tiger prawns at agad kinumpiska para sa tamang disposisyon.

Samantala, ang giant tiger prawn, kilala sa siyentipikong pangalan na “penaesus monodon”, ay isang uri ng hipon na may malaking sukat at mga guhit na kahawig ng tigre. | via Samuel Macmac

Address

Centro De Benito Y Aliva Complex, Rizal Avenue
Puerto Princesa City
5300

Opening Hours

Monday	9am - 6pm
Tuesday	9am - 6pm
Wednesday	9am - 6pm
Thursday	9am - 6pm
Friday	9am - 6pm
Saturday	9am - 6pm

Telephone

630484348598

Website

http://www.repeteknews.com/

Alerts

Be the first to know and let us send you an email when Repetek, Ang Diyaryo ng Pilipino posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Repetek, Ang Diyaryo ng Pilipino:

Videos

#WeatherUpdate | Pahirapan sa pagtawid ang mga nai-stranded na motorista at mananakay dahil sa rumaragasang tubig-baha nang mag-overflow sa mga mababang kalsada sa bayan ng Sofronio Española kahapon, Lunes, Enero 13. Batay sa nakalap na impormasyon ng Repetek News mula sa ilang mga drayber at mananakay, hindi nakalusot ang mga karamihan sa mga sasakyan sa lugar na kung saan doon na lamang umano sila nagpalipas ng ilang oras upang maghintay sa paghupa ng baha. Anila, bandang alas-nuwebe na umano sila ng gabi nakaalis sa lugar nang humupa ng bahagya ang nasabing baha. Kaugnay rito, sinuong naman ng ilang drayber ang baha habang ang ibang pampasaherong van ay nagpahila sa mga mamalaking sasakyan gaya ng truck at pick up vehicle para ligtas na makalusot at makarating sa kani-kanilang paroroonan. | via Marie Fulgarinas #DapatTotoo #DapatTamangPagbabalita

Tinatayang nasa 25,000 katao ang dumalo sa peace rally ng Iglesia ni Cristo sa Lungsod ng Puerto Princesa kaninang umaga, Lunes, Enero 13, ayom sa datos. Batay sa nakalap na impormasyon ng Repetek News, nanggaling pa sa iba’t ibang munisipyo sa lalawigan ng Palawan kabilang na ang Lokal ng Calamianes Islands. | via Marie Fulgarinas, Repetek News

#WeatherUpdate | Stranded ang karamihan sa mga sasakyan at motorista dahil sa patuloy na pagtaas ng level ng tubig-baha sa Barangay Panitian sa bayan ng Sofronio Española bunsod ng patuloy na pagbuhos ng ulan na dala ng shear line at Eastern Monsoon ngayong hapon, Lunes, Enero 13. | via Ven Botin, Repetek News #IngatMgaKababayan

PANOORIN: Inanunsyo ni Antonio Almeda, Administrator, National Electrification Administration (NEA) ang hatol na "Deactivation" o pagtanggal ng mandato sa lahat ng Board of Directors ng Palawan Electric Cooperative sa tanggapan ng PALECO Main sa Lungsod ng Puerto Princesa nitong umaga ng Lunes, Enero 6. Kinansela ang pagiging miyembro ng mga opisyal bilang Board of Directors ng kooperatiba matapos ang imbestigasyon ng NEA kung saan napansin ng investigation team ang pagtanggal ng election schedule ng mga Districts VI, VII at VIII sa kanilang special board meeting nitong nakalipas na Nobyembre 28, taong 2024. Ayon sa investigation team, taliwas umano ito sa alituntunin ng National Electrification Administration at kapakanan ng mga member-consumers (MCOs). Dahil dito, agad namang bumuo ng Task Force ang administrasyon na binubuo ng limang (5) general managers mula sa iba't ibang electric cooperative sa bansa na pansamantala munang hahalili sa mga natanggal na BOD ng PALECO. Maghahain naman ng motion for reconsideration o apela ang mga tinanggal na Board of Directors ng PALECO para mapakinggan ang kanilang mga panig at mabago ang naging hatol. Nais ding iapela ng mga miyembro ang patungkol sa pag-alis ng election schedule dahil naghihintay umano sila ng desisyon ng injunction na isinampa sa korte ng mga Board of Directors ng District VI, VII, AND VIII na sina BOD Leonore Asuero, Nila Momo, at Liza Jaranilla. #RepetekNews | via Ferds Cuario

#MetroNews | Umani ng papuri ang performances ni Tawag ng Tanghalan Season 7 Grand Champion Rea Gen Villareal sa closing ceremenoy ng BIMP-EAGA Friendship Games 2024 sa Basketball Court ng Balayong People’s Park. | via Repetek News

Nasa Lungsod ng Puerto Princesa si dating Ifugao Lone District Congressman Teddy Baguilat Jr. upang talakayin ang mga karapatan at kapakanan ng mga katutubo ng Puerto Princesa at Palawan. Si Baguilat ay tumatakbong kongresista sa Mayo 2025 National at Local Elections sa ilalim ng Mamamayang Liberal (ML) Partylist. | via Vivian Bautista Repetek News Para sa buong ulat, abangan dito!

Delegasyon ng bansang Indonesia ang may pinakamaliit na bilang ng delegation members sa bilang na 27 manlalaro, pitong (7) coaches, at labing-isang (11) mga opisyal mula sa kanilang sports commission. Mula sa siyam (9) na teams na lumahok sa #BIMPEAGA+NT2024, ang bansang Brunei Darussalam at Indonesia rin ang may tag-iisang team. Batay sa datos, kabuuang 45 Indonesian nationals ang tumungo sa Puerto Princesa para lumahok sa friendship game ng mga bansang Brunei Darussalam, Indonesia, Malaysia, at Philippines (BIMP). Pilipinas naman ang may pinakamaraming delegasyon sa kabuuang bilang na 501; lima (5) ang Ph teams — ito ang Mindanao A (Davao), Mindanao B, BARMM in Muslim Region, Palawan, at Puerto Princesa City. Samantala, matapos ang anim na taong pagkakahinto ng friendship games ng apat na bansa bunsod ng pandemyang Covid-19, natuloy ito ngayon sa pangunguna ng Philippine Sports Commission, Mindanao Development Authority, at City Government of Puerto Princesa. | via Repetek News #PuertoPrincesa #RepetekNews

PANOORIN: Nagliwanag ang kalangitan ng lungsod ng Puerto Princesa sa naggagandahang fireworks display alinsabay sa pagpapailaw ng higanteng community christmas tree ngayong gabi, Disyembre 1. Ang fireworks display ay tumagal ng halos sampung minuto na talagang hinintay at inabangan ng mga residente. Kanya-kanyang kuha ng larawan at video ang publiko bilang remembrance sa pakikiisa sa Paskong Masaya sa Puerto Princesa. |via Clea Cahayag 🎥 Repetek News Team

PANOORIN: Pormal nang pinailawan ang Giant Community Christmas Tree sa lungsod ng Puerto Princesa ngayong ika-1 ng Disyembre sa ganap na 7:30 ng gabi. Ang 153 feet na christmas tree ay napapalibutan ng iba't ibang palamuti, parol at makukulay na ilaw. Inabangan din ng lahat ang pyro-musical display na halos tumagal ng sampung minuto. Ang Light a tree ceremony ay sinaksihan ng libu-libong residente ng lungsod ng Puerto Princesa. | via Lars Rodriguez 🎥 Repetek News Team

Binubuo ng 105 indibidwal ang delegasyon ng Puerto Princesa para sa BIMP-EAGA+NT Friendship Game 2024. Kabuuang 75 atleta, 16 coaches, at 14 officials ang delegasyon ng lungsod. Ang Puerto Princesa ay isa sa teams ng ‘Pinas sa friendship game ng mga bansang Brunei, Indonesia, at Malaysia.

Bago sinimulan ang awarding ceremony ng #BatangPinoy2024 Championship Game nitong gabi ng Huwebes, Nobyembre 28, ipinasilip sa mga dumalo ang ilang kuhang video na binuo ng City Information Office of Puerto Princesa tampok ang araw-araw na kaganapan ng nasabing sports events. | Lars Rodriguez, Repetek News

Batang Pinoy Closing Ceremony 2024

Dalawang atleta mula sa bayan ng Biñan at Lungsod ng Naga ang kinilala bilang Most Outstanding Athletes sa katatapos lamang na Batang Pinoy 2024. Pinarangalan din bilang Biggest Delegation ang City of Pasig na mayroong 761 participants. Samantala, ang Puerto Princesa City ay kinilala rin dahil sa galing at husay bilang ‘Host City’ nang limang araw na larong palakasan. | via Lars Rodriguez 🎥 Repetek News Team

Repetek, Ang Diyaryo ng Pilipino

15/01/2025

15/01/2025

15/01/2025

15/01/2025

15/01/2025

15/01/2025

15/01/2025

15/01/2025

15/01/2025

15/01/2025

14/01/2025

14/01/2025

14/01/2025

14/01/2025

14/01/2025

14/01/2025

14/01/2025

Address

Opening Hours

Telephone

Website

Alerts

Contact The Business

Videos

Batang Pinoy Closing Ceremony 2024

Shortcuts

Share

Category