21/01/2025
MENSAHE
Nakahibawo kami sa bag-ohay nga gipost nga Purchase Order sa FB page ni Konsehal Hon. Atty. Devona H. Jumamil. Ang dokumento gikan sa executive department, nga nagpakita kuno og overcharged prices. Ang post sa konsehala nakadala og kalibog ug samot na, alegasyon gikan sa iyahang mga taga-suporta nga namalit ang LGU og mga goods nga sobra sa regular nga presyo.
Gusto namo klarohon nga kini nga pagpost sa dokumento wala’y sukaranan ug misleading.
Aduna may napalit nga mga goods pero wala ni-abot ang presyo og 7,140.00 o 7,745.00.
Dugang ani, wala nahibal-an sa konsehala nga ang Purchase Order nga iyahang na post kay na-CANCELLED o wala gigamit. Sa makausab, walay dakong kwarta napagawas, ug walay overcharge nga nahitabo.
Kami committed sa transparency ug accountability sa tanan namong mga transaksyon ug magpadayon sa pagtuboy niini nga mga prinsipyo ug proseso sa Commission on Audit (COA) ug polisiya sa procurement.
Among giawhag si Konsehal Jumamil nga likayan ang potensyal nga pagpakatag sa sayop nga impormasyon nga makadaot sa dungog sa atong administrasyon ug makahatag og kabalaka sa publiko.
Para sa kalinaw sa iyahang huna-huna, pwede kini niyang idala sa Office of the Ombudsman o sa mga relevant courts. Pwede usab siya mobisita sa City General Services Office (CGSO) ug sa Bids and Awards Committee (BAC) aron masusi ug matun-an niya pag-ayo ang dagan sa mga dokumento subay sa polisiya sa procurement.
Nagpabilin kami nga dedikado sa pagserbisyo sa labing kaayo nga interes sa among komunidad ug pagsiguro nga ang tanan namo nga mga aksyon nahisubay sa mga sumbanan sa pamatasan ug mga kinahanglanon nga ligal.
- City Mayor Jose E. Relampagos -
