Ormoc Flash Report

Ormoc Flash Report News Online
(1)

Sikat nga mag aawit nga si Edgardo Balidio Sr. Mipanaw na sa laing kalibotan. Nailhan si Edgar sa iyang mga maayong comp...
01/11/2024

Sikat nga mag aawit nga si Edgardo Balidio Sr. Mipanaw na sa laing kalibotan. Nailhan si Edgar sa iyang mga maayong compose sa waray-waray cha-cha.

CHING VELOSO MIDUSO NA SA IYANG COCPormal nang miduso sa iyang Certificate of Candidacy (COC) si Former Court of Appeals...
04/10/2024

CHING VELOSO MIDUSO NA SA IYANG COC

Pormal nang miduso sa iyang Certificate of Candidacy (COC) si Former Court of Appeals Justice & Former 3rd District of Leyte Representative Vicente "Ching" Veloso karong adlawa October 04, 2024, isip kongresista sa 4th District of Leyte.

Dungan nga miduso usab sa iyang COC ang iyahang mga anak nga sila Congresswoman Ana Veloso Tuazon, nga diin magpasubli kini pagka kongresista sa 3rd District of Leyte, ingon man si Chinggay Veloso Kabigting isip Board Member sa 3rd District of Leyte.

Si Ching Veloso, makigparang kini ni Congressman Richard I Gomez nga diin magpasubli usab kini pagka kongresista sa 4th District of Leyte sa sunod tuig nga piniliay.

04/09/2024

LALAKI NGA MIUNAY UG DUNGGAB PATAY SA IYANG ASAWA, NADAKPAN NA

Palompon Leyte - Nadakpan na sa atong kapulisan ang suspek nga midunggab patay sa iyang asawa niadtong Lunes sa gabii September 2, 2024.

Sa gihimong hot pursuit operation sa atong kapulisan, nadakpan ang suspek kagabii September 3, 2024.

Ang suspek giila sa pangalan nga si John Peter Abowin, hingkod ang panuigon ug residente sa may Barangay Sabang, Palompon Leyte.

Nahibaw-an ang suspek nga didto ra kini nagtago sa ilaha sa coordination sa mga tawo sa maong Barangay nga nakit-an kini nila ang suspek.

Matud ni Police Realthur Tabernero, OIC Chief sa Palompon Police Station nga ilang naabtan ang suspek sa ilang gipuy-an ug ila dayon kining giposasan ug wala ra hinuon mipakita ug pagsukol ang suspek.

Ang suspek karon naka detain na sa pagkakaron ug gipasakaan na ug tukmang kaso.

Sa atong nakuha nga impormasyon nga personal nga away nga mag asawa ang hinungdan nganong napatay sa suspek, ug giingon nga kining suspek nagumon kini sa ginadiling drugas.

29/08/2024

Flash Report

Dunay alarma sa shooting incident dapit sa Boundary sa Barangay Nasunogan ug Juaton, kaganinang sayo sa buntag, sa inisyal nga nakuhang report giingong usa ka lalaki kini ang biktima sa pagpamusil patay nga wala pa mailhi hangtod karon.

Anaa na karon ang atong sakop ug operatiba sa SOCO sa Crime Scene alang sa dugang imbestigasyon.

Atangi ang dugang detalye karong taodtaod.

25/08/2024

Flash Report!

Dunay vehicular accident ang gitubag sa atong kapulisan dili pa lang dugay diha kini nahitabo sa Brgy. Montealegre sa lungsod sa Kananga Leyte! giingong naka motorsiklo kining mga biktima nga gikabangga niini Ang usa ka close van panel ug sa initial nga nakuhang report nga patay kining 2 ka biktima nga giingong taga Tagaytay Kananga Leyte. Nakuha nato ang identity sa 1 sa mga biktima nga mao si Arnel Menoza hingkod ang panuigon, ulitawo residente sa Tagaytay Kananga Leyte, ug ang laing biktima nga wala pa nato nakuha ang pangalan giingong uyoan kini sa unang biktima.

Atangi ang dugang detalye karong taodtaod.

07/08/2024

Flash Report

Dunay alarma sa giingong usa ka lalaki naghikog patay, nakita nalang kini nga nagbitay diha sa tulay sa barangay Biliboy.

Atangi ang dugang detalye karong taodtaod.

12/06/2024

FLASH REPORT!
Dunay alarma sa shooting incident kaganinang buntag diha sa may Purok 1, Barangay Alta Vista Ormoc City, diin giingong Barangay Kapitan kini sa maong barangay. Atangi ang dugang detalye karong taodtaod.

23/05/2024

Weather Update

Ang nasigpatan nga Low Pressure Area sa silangang bahin sa Surigao na develop na kini ngadto sa pagka bagyo.

Sa mga alas 4:00 karong buntag ang Tropical Depression "AGHON" gibana-bana kini nga naa nahimutang 340 kilometers silangang bahin sa Surigao del Sur.

Nagdala kini sa hangin nga may gikusgon nga 45kph ug mga pag unos nga moabot sa 55kph. Ug nagairog kini sa direksyon kasadpan amihanang kasadpan sa gikusgon nga 30kph.

Dunay mga lugar nga giisa na kini sa signal #1

Sa Visayas
Eastern Samar

Sa Mindanao
Dinagat Island, Siargao Island ug Bucas Grande Island.

02/04/2024

Flash Report

Dunay alarma sa vehicular incident anaa kini nahitabo sa may Barangay Sta. Cruz Villaba Leyte dili pa lang dugay, usa ka motorista ang giingong gibanggaan ug dump truck, human sa hitabo gi hit and run kining biktima, sa atong nakuhang report giingong patay kining biktima, wala pa nato nakuha ang identity sa biktima sa atong inisyal nga report nga nakuha giingong taga barangay Cabungaan Villaba Leyte kining maong biktima.

Atangi ang dugang detalye karong taodtaod.

27/03/2024

10 WHEELER TRUCK NIDASMAG SA USA KA BALAY, 2 ANG PATAY.

Kananga Leyte - Usa ka 10 wheeler truck ang mibangga sa usa ka panimalay didto sa dapit sa utlanan sa Barangay Lonoy Kananga ug Barangay Sto Niño Capoocan Leyte pasado alas 8 kagabii.

Patay diha-diha dayon ang mga biktima nga diha sulod sa ilang panimalay nga nangatulog.

Ang biktima giila sa pangalan nga si Divina Almendras usa ka dalagita ug grade 10 students sa Kananga National Highschool, ang laing biktima naila lang sa angga nga Dodong Almendras, hingkod ang panuigon ug amahan kini ni Divina Almendras.

Sa atong nakuha nga inisyal nga impormasyon nga giingong nakatulog kining driver sa truck nga wala pa nato nakuha ang pangalan sa driver, ug mibangga kini ngadto sa panimalay nga didto nangatulog ang 2 ka biktima nga amahan ug anak.

17/03/2024

Flash Report

Dunay alarma sa sunog nga gitubag sa atong kabomberohan diha usa sa mga barangay sa lungsod sa kananga leyte, nga diin giingong usa ka balay ang nasunog.

Atangi ang dugang detalye karong taodtaod.

04/03/2024

BABAYE NAGHIKOG, PATAY

VILLABA LEYTE - Patay na nga naabtan mga pasado alas 8:00 sa gabii ang usa ka babaye nga naghikog, didto sa Tumamak Villaba Leyte.

Itago lang sa pangalan nga Inday hingkod ang panuigon ug minyo ug residente sa maong dapit.

Nagbitay nalang nakit-an sa pamilya didto sulod sa ilang pansayan ang maong biktima.

Niresponde atong kapulisan gipangulohan ni Police Major Edwin Tolibas, hepe sa Villaba Police Station.

Mao na lang naabtan sa kapulisan nga gikuha na sa pamilya ang biktima ug gipahimutang ug tarong.

Personal nga away magtiayon ang usa sa motibo nganong naghikog ang biktima.

Base sa atong nakuha nga report nga nisuway na kini ug hikog ang biktima kaniadto sa niaging tuig gamit ang kutsilyo.

23/02/2024

SITUATIONAL REPORT UPDATE

Napawong na ang pag ulbo sa kayo karong buntag, diin mao ra kini gihapon ang fire scene kagabii nga gialarma.

Base sa report nga nakuha nga walay casualty sa nahimong sunog apan duna lang mga nakasinati ug mga minor injury sama sa usa ka lalaki nga giingong nasamad sa sin, apan dali ra pud kini gi tabang sa atong mga medical team.

23/02/2024

Flash Report!

Sunog sa Cogon kagabii, niulbo ug usab karong buntag, ubay-ubay na nga mga kabalayan ang gisugdan ug kaon sa kayo.

22/02/2024

Flash Report!

Alarma sa sunog ang gitubag sa atong kabomberohan pasado alas 9 karong gabii.

Anaa kini nahitabo sa Barangay Cogon dapit sa may Morce, tapad sa Mamitas Quality Bread, diin giingong usa ka balay ang nasunog nikanap kini sa kasilinganan ug ubay-ubay ang mga balay nga nasunog.

08/02/2024

Flash Report!

Dunay alarma sa vehicular incident diin 3 ka motorsiklo ang giingong nagkabinanggaay pasado 9:30 kaganinang buntag, didto kini nahitabo sa may Brgy. Libertad Ormoc City.

Atangi ang dugang pa mga detalye karong taodtaod.

28/01/2024

ESKWELAHAN SA BARANGAY SALVACION, GILUNGKAB

Gilungkab sa wala mailhing kawatan ang room sa Grade 1 sa Barangay Salvacion Ormoc City, didto miagi ang kawatan sa bintana nga diin gipangtangtang ang mga jalousie glass window.

Nakuha sa kawatan ang usa ka 43 inch Samsung Smart TV ug emergency light sa maong eskwelahan.

27/01/2024

1 KA LALAKI GIPUSIL, PATAY

Ormoc City - Patay diha-diha dayon ang usa ka lalaki human kini pusila kagahapon pasado alas 5:00 sa hapon.

Ang biktima giila sa pangalan nga si Jose Ybañez Ejares, 40 anyos minyo, residente sa Kandampigon 2, Barangay Salvacion Ormoc City.

Ang biktima giadto kini sa wala mailhing mamumuno sa iyang pinuy-anan, ug nakabantay pa kini ang biktima ug nisuway pa kini ug dagan, apan gigukod kini sa mamumuno ug gipusil, pipila lang ka metros sa iyang gipuy-an.

Wala pa mahibaw-i unsay anggulo nganong gipatay ang biktima.

Address


Website

Alerts

Be the first to know and let us send you an email when Ormoc Flash Report posts news and promotions. Your email address will not be used for any other purpose, and you can unsubscribe at any time.

Videos

INVESTOR'S CONFERENCE BETWEEN PPP CENTER & LGU ORMOC. WHEN: SEPTEMBER 1, 2021. TIME: 1:30PM - 5:00PM ONLINE MEETING via ZOOM. TOPIC: DISCUSSED A BIDDING PROCESS OF ORWASA WATER SUPPLY PROJECT OF ORMOC. SCHEDULE OF BIDDING PROCESS ON OCTOBER 2021 to FEBRUARY 2022. Para sa inyong komentaryo ug reaksyon, Comment down below.

Shortcuts

Share

Category