DYRG 101.5 FM 'Blue Radio'

Home
Philippines
Ormoc City
DYRG 101.5 FM 'Blue Radio'

Radio Station broadcasting in Ormoc City, Leyte

04/02/2025

TAN-AWA | Nius-os ang presyo sa bugas sa merkado publiko ning dakbayan sa Ormoc karong adlawa, aldawng Martes, Pebrero 4, 2025.

Unsa kaha ang rason sa pagus-os niini?

Atangi ang dugang detalye | Jupz Pascubillo

04/02/2025

GOMA SA RADYO with DJ ALLAN FIEL & GRACE LUAÑA • FEBRUARY 4, 2025

04/02/2025

LEYECO V UPDATES • FEBRUARY 4, 2025

03/02/2025

𝐋𝐀𝐋𝐀𝐊𝐈, 𝐍𝐆𝐀 𝐃𝐔𝐍𝐀𝐘 𝐊𝐀𝐒𝐎𝐍𝐆 𝐏𝐀𝐆𝐏𝐀𝐍𝐆𝐋𝐔𝐆𝐎𝐒, 𝐒𝐈𝐊𝐎𝐏 𝐒𝐀 𝐎𝐑𝐌𝐎𝐂

ORMOC CITY - Nasikop sa mga otoridad ang usa ka lalaki nga nabutang sa No.1 most wanted person station level, human nalutsan og warrant of arrest sa kasong pagpanglugos, didto sa Brgy. Cagbuhangin, Ormoc City, kagahapong adlawa, Pebrero 2, 2025

Ang nadakpan giila nga si alyas Itan, 22 ug kasamtangang nagpuyo sa nahisgutang lugar.

Sa pagdakop sa suspek, ang kapulisan sa Police Station 2 (PS2), City Intelligence Unit (CIU) ug Ormoc City Mobile Force Company (OCMFC) ang nagtibangay sa pag-serve sa warrant of arrest ngadto sa suspek nga giisyu sa korte niadtong Enero 28, 2025 ug way girekomendar nga pyansa.

Sa dihang gidakop ang suspek, gibasahan kini sa iyang katungod sa pinulongan nga iyang nasabtan ug daling gidala sa istasyon aron sa imbestigasyon ug disposasyon. | Jupz Pascubillo

Photo Courtesy: OCPS2

03/02/2025

𝟖𝟒 𝐀𝐍𝐘𝐎𝐒 𝐍𝐆𝐀 𝐋𝐎𝐋𝐀 𝐏𝐀𝐓𝐀𝐘, 𝐒𝐀 𝐒𝐔𝐍𝐎𝐆 𝐒𝐀 𝐓𝐎𝐋𝐎𝐒𝐀 𝐋𝐄𝐘𝐓𝐄

ORMOC CITY - Patay ang usa ka 84 anyos nga Lola, human kini wa makagawas sa iyang pinuy-anan, atol sa insidente sa sunog nga niulbo, sulod sa iyang balay, didto sa Brgy. Quilao, Tolosa, Leyte, pasado alas 7:00 kagabie, Pebrero 2, 2025.

Ang biktima giila nga si Josefina Zeta, 84 ug residente sa nahisgutang lugar.

Base sa nakuhang impormasyon ang biktima usa na kini ka bedridden ug dili na makakita.

Sumala pa sa mga nakasaksi, nagsugod ang kayo sa panimalay sa biktima, kung diin ang hinungdan matod pa mao ang natumba nga lampara.

Dugang pa, tungod sa kakusog sa pagulbo sa kayo, naugdaw usab ang balay sa silingan sa biktima nga panag-iya ni Jimmy Regala.

Sumala pa sa kabomberohan mokabat ngadto sa 120,000.00 ang inisyal nga danyos sa nahitabong sunog.

Sa pagkakaron nagpadayon pa ang imbestigasyon sa kabomberohan sa nahitabong insidente. | Jupz Pascubillo

Photo Courtesy: Kagawad Matt

03/02/2025

GOMA SA RADYO with DJ ALLAN FIEL & GRACE LUAÑA • FEBRUARY 3, 2025

03/02/2025

LEYECO V UPDATES • FEBRUARY 3, 2025

03/02/2025

𝐂𝐎𝐍𝐒𝐓𝐑𝐔𝐂𝐓𝐈𝐎𝐍 𝐖𝐎𝐑𝐊𝐄𝐑 𝐍𝐆𝐀 𝐓𝐎𝐏 𝟔 𝐌𝐎𝐒𝐓 𝐖𝐀𝐍𝐓𝐄𝐃 𝐏𝐄𝐑𝐒𝐎𝐍 𝐒𝐀 𝐊𝐀𝐒𝐎𝐍𝐆 𝐏𝐀𝐆𝐏𝐀𝐍𝐆𝐋𝐔𝐆𝐎𝐒 , 𝐒𝐈𝐊𝐎𝐏

ORMOC CITY - Nasikop sa kapulisan ang Top 6 most wanted person sa kasong pagpanglugos, didto sa Brgy. Lanauan, Pastrana, Leyte, niadtong unang adlaw.

Ang dinakpan giila nga si alyas Jay, 34, usa ka construction worker ug residente sa nahisgutang lugar.

Sa maong operasyon, ang kapulisan sa Pastrana nga gipangulohan ni P/CPT Amando Castillo Jr., maoy ni-serve sa warrant of arrest nga giisyu sa korte niadtong Febrero 6, 2023 ug way girekomendar nga pyansa.

Sa maong pagdakop ang suspek gibasahan kini sa iyang katungod, sa pinulongan nga iyang nasabtan.

Sa pagkakaron ang dinakpan gidala na sa Pastrana Municipal Police Station, aron sa tukmang imbestigasyon ug disposasyon. | Jupz Pascubillo

Photo Courtesy : Pastrana MPS

03/02/2025

𝐄𝐗𝐓𝐄𝐍𝐒𝐈𝐎𝐍 𝐒𝐀 𝐇.𝐄 𝐁𝐔𝐈𝐋𝐃𝐈𝐍𝐆 𝐒𝐀 𝐔𝐒𝐀 𝐊𝐀 𝐄𝐒𝐊𝐖𝐄𝐋𝐀𝐇𝐀𝐍 𝐒𝐀 𝐊𝐀𝐍𝐀𝐍𝐆𝐀, 𝐍𝐀𝐒𝐔𝐍𝐎𝐆

ORMOC CITY - Girespondihan sa kabomberohan sa Kananga ang usa ka sunog nga niulbo didto sa Aguiting Elementary School, sa Brgy. Aguiting, Kananga Leyte, kagahapon sa alas 5:41 sa hapon, Pebrero 2, 2025.

Sumala pa sa kabomberohan, ang nasunog sa maong lugar, mao ang usa ka extension sa Home Economics (H.E) building, kung diin, duna kini mga gibutang nga libro ug uban panggamit ang naapil og ka ugdaw.

Sa pagkakaron, wapa nihatag og inisyal nga danyos ang kabomberohan sa Kananga, sa nahitabong sunog, tungod kay nagpahigayon pa sila og dugang imbestigasyon niini.

Gipasabot usab sa kabomberohan, kung duna kamoy makit-an nga usa ka insidente sa sunog, mas maayo nga i report dayon kini sa ilang istasyon pinaagi sa tawag ug dili ipaagi sa facebook live, tungod kay maka mugna kini og problema sa ilang komunikasyon.

Sama sa nahitabo kagahapon, bisan anaa na ang kabomberohan sa maong dapit, duna gihapoy nanawag nga mga concerned citizens sa ilang istasyon nga nagpahibalo kabahin sa nahitabong sunog. | Jupz Pascubillo

03/02/2025

𝐇𝐔𝐁𝐎𝐆 𝐍𝐆𝐀 𝐍𝐀𝐆𝐃𝐀𝐋𝐀-𝐃𝐀𝐋𝐀 𝐎𝐆 𝐊𝐔𝐓𝐒𝐈𝐋𝐘𝐎 𝐔𝐆 𝐍𝐀𝐆-𝐇𝐔𝐑𝐀𝐌𝐄𝐍𝐓𝐀𝐃𝐎, 𝐆𝐈𝐃𝐀𝐊𝐎𝐏

ORMOC CITY - Balhog sa presohan ang usa ka hubog nga lalaki, human kini nag-wild ug nagdala-dala og kutsilyo, didto sa Sitio Lawis, Brgy. Sto. Niño, Isabel Leyte, kagahapon sa alas 7:00 sa gabie, Pebrero 2, 2025.

Ang gidakop giila nga si alyas Joboy, 37, minyo ug residente sa nahisgutang barangay.

Sumala pa sa report, si Joboy nanghagit kini og away sa usa sa naka duty nga Brgy. Tanod ug nagdala-dala kini og 9 ka pulgada nga kutsilyo.

Tungod sa maong panghitabo nangalisang ang pipila ka mga residente sa nahisgutang lugar, hinungdan nga nagpatabang sila sa mga otoridad.

Pag-abot sa kapulisan, didto na nila gidakop si Joboy ug daling gidala sa istasyon.

Sumala pa sa kapulisan, si Juboy, pasakaan kini og kasong kalapasan sa Batas Pambansa Blg. 6 o pagdala-dala og makamatay nga armas. | Jupz Pascubillo

03/02/2025

𝐁𝐀𝐁𝐀𝐘𝐄 𝐆𝐈𝐃𝐔𝐍𝐆𝐆𝐀𝐁 𝐓𝐔𝐍𝐆𝐎𝐃 𝐒𝐀 𝐓𝐒𝐈𝐒𝐌𝐈𝐒

ORMOC CITY - Nalandig sa tambalanan ang usa ka 23 anyos nga babaye, human kini gidunggab sa iyang silingan, didto sa Brgy. Sto. Niño, Isabel Leyte, kagahapon sa ala 1:00 sa hapon, Pebrero 2, 2025.

Ang biktima giila nga si alyas Jecel, 23, usa ka dalaga samtang ang suspek giila nga si alyas Rubi, 33 usa usab ka dalaga ug parehong mga residente sa nahisgutang lugar.

Sumala pa sa nakuhang report, ang biktima nasuko sa suspek, tungod kay nagpataka kini tabi sa iyang baba ngadto sa iyang mga silingan, nga ang igso-on sa biktima usa ka bayaran.

Tungod niini, daling mipaingon si Jecel sa balay ni Rubi, aron sulti-an si Rubi nga dili tinuod nga bayaran ang iyang igso-on.

Sa dihang nanoktok na si Jecel sa balay ni Rubi, didto na nahitabo ang binognuay ug pagpanunggab ni Rubi ngadto ni Jecel gamit ang kutsilyo nga dunay sukod nga 10 ka pulgada.

Tungod sa maong insidente, nakaangkon og samad dinunggaban si Jecel sa iyang tiyan nga bahin, hinungdan nga gidala kini sa duol nga tambalanan.

Samtang si Rubi, gidala sa istasyon aron sa imbestigasyon ug disposasyon.

Sumala pa sa kapulisan, kasong attempted homicide ang ipasaka batok sa suspek. | Jupz Pascubillo

02/02/2025

RAPIDO BALITA with GWEN MAURILLO • FEBRUARY 3, 2025

02/02/2025

PANAWAGAN | Nagpatabang karon sa publiko ang usa ka babaye nga nawad-an og pitaka, didto sa Parking Central, ning dakbayan, kagahapon sa alas 7:00 sa gabie, Pebrero 1, 2025.

Ang tag-iya sa maong pitaka giila nga Ma. Cecilia Fe.

Sumala pa ni Fe ang pitaka duna kini sulod nga dakong kwarta nga ibabayad sa mga bills.

Kung kinsa kadtong nakakita pwede kamong mo tawag sa numero 09465366076 / 09639172272

Gipasabot usab ni Fe nga mohatag sila og reward kung kinsa kadtong nakakita ug maka-uli niini.

01/02/2025

PANAWAGAN l Gihangyo ang nakapunit sa pitaka ni Rogelio Fiel nga nahulog samtang naghatod sila og pasyente sa Maternity Hospital, kaganiha, Pebrero 1, 2025.

Si Fiel usa ka rescuer sa MDRRMO Kananga.

Ang iyang pitaka adunay sulod nga driver's license, UMID card, ug uban pa.

Alang sa nakapunit niini, mahimo kining ihatod sa DYRG, nga anaa nahimutang sa Jose Navarro Street, dakbayan sa Ormoc, ibabaw sa Solibaga Law Office.

01/02/2025

KRUSADA SA RADYO SABADO EDITION with ATTY. ADELITO M. SOLIBAGA JR. • FEBRUARY 1, 2025

31/01/2025

𝐏𝐀𝐓𝐀𝐘 𝐍𝐀, 𝐌𝐀𝐊𝐀𝐁𝐎𝐓𝐀𝐑 𝐏𝐀?

PALOMPON, Leyte – Kanhi kapitan sa Brgy. Belen, Palompon Leyte, nga si Romulo Lamoste, mi-file og “Petition for Exclusion of Voters” sa kapin 100 ka mga tao nga patay na ug kadtong dili mga residente sa Palompon Leyte, nga naa sa voters list sa Comelec Palompon.

Karong adlawa, Enero 31, naka-file og usa ka exclusion of voters sa Municipal Trial Court (MTC) Palompon si Lamoste batok sa 34 ka gituhoang flying voters o dili mga residente sa Palompon ug 4 ka nangamatay na.

Sa Lunes, Pebrero 3, gikatakda nga i-file ni Lamoste ang nahabilin nga ihap sa mga tao nga dili na angay ibutang sa voters list sa Comelec.

Makita sa hulagway ang mga dokumento nga gihuptan ni Atty. Lloyd Surigao ug Atty. Robie Quiño, mga miabogar kang Lamoste.

l via John Kevin Pilapil

31/01/2025

TAN-AWA | Nag-rally ang kapin sa usa ka gatos ka mga agrarian beneficiaries, didto sa freedom park ning dakbayan sa Ormoc, kaganinang alas 9:00 sa buntag, Enero 31, 2025.

Sumala pa sa mga niapil sa rally usa sa ilang gipanawan ngadto sa gobyerno mao ang yuta nga hangtod karon wapa nila maangkon, bisan duna na silay kompletong mga dokumento ug sila mismo ang nagbayad og buwis sulod 26 ka tuig.

Atangi ang dugang detalye | Jupz Pascubillo

31/01/2025

𝐊𝐀𝐏𝐈𝐍 𝐒𝐀 𝟗𝟎𝟎 𝐍𝐆𝐀 𝐌𝐆𝐀 𝐀𝐊𝐒𝐈𝐃𝐄𝐍𝐓𝐄 𝐒𝐀 𝐊𝐀𝐃𝐀𝐋𝐀𝐍𝐀𝐍, 𝐍𝐀𝐇𝐈𝐏𝐀𝐓𝐈𝐊 𝐒𝐀 𝐎𝐑𝐌𝐎𝐂 𝐒𝐔𝐃 𝐒𝐀 𝐓𝐔𝐈𝐆 𝟐𝟎𝟐𝟒

ORMOC CITY - Mokabat ngadto 922 ka mga nagkalain-laing aksidente sa kadalanan ang gipangrispondihan sa Traffic Enforcement Unit (TEU) niadtong tuig 2024. Kini sumala pa sa ilang gihatag nga datos kagahapong adlawa, Enero 30, 2025.

Matod pa sa TEU ang pinakaunang barangay nga dunay taas nga ihap sa mga nagkalain-laing aksidente sa kadalanan ning dakbayan, mao ang Brgy. Cogon, kung diin moabot kini ngadto sa 141 ka mga aksidente, gisundan kini sa Brgy. South nga dunay 84 ka mga aksidente ug ang ikatulo mao ang Brgy. San Pablo nga dunay 78.

Samtang mokabat naman ngadto sa 689 nga mga nalambigit sa aksidente ang nalandig sa tambalanan ug 11 ang gideklarang patay.

Gipasabot usab sa maong buhatan nga kasagaran sa mga hinungdan sa natalang mga nagkalain-laing aksidente mao ang reckless driving; tailing to close, tailing to fast, unsafe overtaking, unsafe turning, disregarding intersection rules, miscalculation ug uban pa.

Panawagan karon sa TEU ngadto sa mga driver sa motorsiklo ug sakyanan nga dili mag pakusog-kusog og pagpadagan hilabi na kung dunay daghang mga sakyanan ug dili usab magmaneho kung naka inom aron malikyan ang mga nagkalain-laing aksidente. | Jupz Pascubillo

Address

J. Navarro Street
Ormoc City
6541

Website

https://zeno.fm/radio/dyrg1015fmblueradio/

Alerts

Be the first to know and let us send you an email when DYRG 101.5 FM 'Blue Radio' posts news and promotions. Your email address will not be used for any other purpose, and you can unsubscribe at any time.