Binibining Ayom

18/12/2023

Malamlam ang ilaw sa gabi
Ngunit pinaliliwanag ng 'yong mga ngiti
Minsa'y kakaunti ang mga bituin
Ngunit pinararami ng iyong hangarin
Batid kong ang tulad mo'y may ambisyon
Basta't tuwangan mo ng determinasyon

02/07/2023

Muli kitang binuo, pero muli mo rin akong dinurog.

01/07/2023

Akala ko tanggap ko na, hindi pa pala

29/06/2023

30/04/2023

Angel Locsin❣️

15/07/2020

Kaibigan, ikaw pala'y kaniyang ipinagpalit
Sabi ko naman sayo wag kang makulit
Ayan tuloy puso mo ay nagagalit
Matatamis mong ngiti biglang nawaglit.

16/04/2020

"Sumunod Ka"
Binibining Ayom

Huwag mo nang subukan pang magreklamo
Hindi ka ikinukulong na parang preso
O minamatyagan kahit wala namang kaso
Tinitiyak lamang nilang mabuti ang lagay mo.

Nasubukan mo na bang magtanong-tanong
O tila ba ang dila mo'y napapaurong
Bat hindi mo kaya piliting maisulong
Upang maihayag ang itinatago mong sumpong.

Ang masamang reklamo'y hindi na kailangan pa
Ngunit ang tanong ay tatanggapin ng kusa
Sila'y hindi na rin nga magkandaugaga
Kaligtasan nati'y sila itong nangangasiwa.

Hindi mo man lamang ba nakikita
Ang mundo'y nababalot ng pangamba
Ngunit ika'y patuloy lamang sa pagdada
Anong rason? Ang manira ng iyong kapwa?

Oo, tayong lahat ay may mga karapatan
Ngunit may limitasyon iyon kamahalan
Ang iyong mga mata'y tila makasalanan
Ang tanging natatanaw ay puro kasamaan.

Lahat tayo'y may kani-kaniyang kaharian
Ngunit ang iba'y sadyang napagkaitan
Umaasa lamang sa tulong ng mga banyaga
Naiisip mo man lang ba itong mga maralita?

Sinasabi ko sa'yo kaibigan, Sumunod Ka!
Pagrereklamo'y iwaglit sa iyong diwa
Isipin mo ang halaga ng kanilang serbisyo
Na di mo makikita kung mata mo'y nakasarado.

16/04/2020

Huwag kang papadala sa takot
Itapon ang nararamdamang lungkot
Lahat tayo ay sadyang kasangkot
Sa senaryong ang mundo'y nababalot.