12/06/2024
Tayo ang 1Munti Partylist!
Malugod nating ipinakikilala ang isa sa pinaka bagong partido na may dekalidad na kasanayan sa larangan ng serbisyo-publiko. Kami po ang 1Munti Partylist, isang partido na aktibong kabahagi sa pagpapasigla at pangangalaga sa kapakanan ng bawat Kabataang Pilipino. Pundasyon ng 1Munti Partylist ang prinsipyong nakalaan upang pahalagahan at isinasakatuparan ang paglinang sa Galing ng Kabataang Pilipino.
Prayoridad ng 1Munti Partylist ang paghahandog ng mga initsyatibong tumutugon sa mga pangangailangan ng sektor ng Kabataan, katulad ng paghahandog ng ingklusibo at dekalidad na antas ng edukasyon, makabagong pamamaraan ng serbisyong medikal, malawak na access sa pagkakaroon ng maayos na hanapbuhay, at pagsuporta sa pagpapaunlad ng natatanging kasanayan sa sining, agham, at sports; dahil hangarin ng 1Munti Partylist na maging kaagapay ng bawat mamamayan at Kabataang Pilipino sa paghubog ng kinabukasang may kapanatagan at malinaw na deriksyon.
Maaasahan na ang 1Munti Partylist ay magsisilbi batay sa prinsipyo ng tapat, mahusay, at may pusong pamamahala sa larangan ng serbisyo publiko na pangunahing nakatuon para sa Bansa at sa Sektor ng Kabataang Pilipino. Samahan ninyo kami at ating ipamalas ang nagkakaisang mithiin para sa masaganang buhay, serbisyong sapat, at abot kamay na pangarap para sa Kabataang Pilipino!
