22/12/2024
DRAYBER'g MOTOR, SIKOP SA PAGPAMALIGYA UG ILEGAL NGA DROGA..
CLARIN, MISAMIS OCCIDENTAL - Sikop pinaagi sa Drug Buybust Operation sa hinusa nga pwersa sa Clarin Municipal Police Station (MPS) ug Provincial Drug Enforcement Unit - Misamis Occidental Police Provincial Office (PDEU-MOCPPO) ang usa (1) ka Alex Curay, anaa sa hustong pangedaron ug orihinal nga Lumolupyo sa Lungsod sa Kolambugan, Lanao Del Norte.
Ang nasangpit nga Suspetsado, sikop sa mga Kapulisan tungod sa pagpamaligya niini ug Ilegal nga Droga ug napalitan sa Poseur Buyer ug balor Usa ka Libo ka Pesos (1,000.00Php) sa nasangpit nga ginadili mga Substansya.
Samtang pag rekisa niini sa Police Searcher, nakuha sa posisyon sa nanganlan nga Suspek ang lain na usab nga upat (4) ka mga Square Shape Heat Sealed Sachet nga adunay mga sulod nga gitoohan gilamang gihapon nga mga ilegal nga Methamphetamine Hydrochloride o mas naila nga Shabu.
Ang Suspetsado nga nagpaila nga Drayber ug De Pasahero nga Motorcab nitug-an nga siya nagapamalit ug nasangpit nga Droga sa gikatawhan nga Lalawigan niini sa Lanao Del Norte ug matud pa ginasugo sa wala niya gikatug-an nga Indibidwal.
Matud pa sa pamahayag niini, aduna kini kanhi kapuyo nga Myembro sa LGBTQ+ Community didto sa Barangay Lapasan nga mao ang hinungdan sa pagka puyo niini sa Lungsod sa Clarin. Samtang sa pagkahimulag niini sa kapuyo, matud pa sa iya'ng giabangan nga Motorcab na lamang siya naga tulogan samtang mao usab ang paninguhaan niini, ang naga byahe tuyok sa Lungsod.
Nibuhi usab ug tambag ngadto sa mga Konstityuwente ang Barangay Chairman sa Brgy Poblacion 2, Hon. Vencito Go nga paga undangan na ang nasangpit nga bisyo tungod kay dili kini mo hatag ug maayo nga kaugmaon.
Ang nasangpit nga Barangay Chairman, usa sa mga Barangay Officials nga nisaksi sa mabungahon nga Police Operation tungod kay ang nasangpit nga Buybust Operation gikahimo man sa likuran nga bahin sa Clarin Town Center nga sakop sa Barangay Poblacion 2.
Sa pagka karon balhug na sa bilanggoan ang nahisgutan nga Suspetsado.
Via Migz Nuñez / Eric Ricta Tayong
