https://www.facebook.com/122109244370001687/

Ang Gintong Bagwis

Home
Philippines
Misamis Oriental
Ang Gintong Bagwis

Ang Opisyal na Pahayagan ng Misamis Oriental General Comprehensive High School (MOGCHS)

31/08/2024

𝗪𝗜𝗞𝗔𝗡𝗚 𝗠𝗔𝗣𝗔𝗚𝗣𝗔𝗟𝗔𝗬𝗔 | Masayang naisara ng Misamis Oriental General Comprehensive High School (MOGCHS) ang Buwan ng Wika nitong ika-30 ng Agosto sa temang “Wikang Mapagpalaya” na pinaunlakan ng mga g**o at mag-aaral sa Special Program Classes.

Samo’t saring kasiyahan ang inihanda ng mga g**o, kabilang na rito ang patimpalak sa kasuotang barong at saya, pagbibigay aliw ng mag-aaral sa sayaw, pagkanta, at paggamit ng intrumentong pangmusika.

Salita | Luchie Mortola
Kuha | Rhayeven Coderos, Akeelah Alvarez

30/08/2024

𝗦𝗖𝗥𝗘𝗘𝗡𝗜𝗡𝗚 𝗦𝗖𝗛𝗘𝗗𝗨𝗟𝗘 𝗶𝘀 𝗘𝗫𝗧𝗘𝗡𝗗𝗘𝗗
Ang Screening para sa mga nais sumali sa Ang Gintong Bagwis ay nailipat sa Lunes, ika-2 ng Setyembre 2024.

28/08/2024

Andam naba ang tanan sa masigarbong kapistahon sa Cagayan? Syempre andam na! Atong salubungon ang kapistahan nga malipayon ug malinawon, unsa pamay gihulat nimo ali na sa Cagayan De Oro, ang balay sa higalaay.

Taon-taon ipinadiriwang ang kapistahan sa Cagayan De Oro City o mas kilala bilang Higalaay fiestival, ito ay isang linggong kapistahan na puno ng mga makukulay at mayayamang kultura. Ang selebrasyon ay hindi lamang pagpapasalamat kundi mas ipakilala ang syudad ng Cagayan De Oro para maipagmalaki ang ating turismo.

Salita | Precious Angel Calino
Layout | Luchie Belle Mortola

26/08/2024

Opisyal na nagbubukas ang Ang Gintong Bagwis para sa lahat ng mag-aaral ng Misamis Oriental General Comprehensive High School (MOGCHS) upang aming maging kasapi sa pagkakalap ng impormasyon at pagbabahagi sa napapanahong isyu.

Kung nais nyong maging bahagi ng Opisyal na Pahayagan ng MOGCHS, ay i-contact lamang ang mga taong nasa ibaba;
Luchie Belle Mortola, Editor-In-Chief
Mrs. Aubrey Tagapulot, School Paper Adviser

Ano pang hinihintay mo?

26/08/2024

𝗣𝗔𝗚𝗕𝗜𝗚𝗔𝗬 𝗣𝗨𝗚𝗔𝗬 𝗦𝗔 𝗠𝗚𝗔 𝗠𝗔𝗬 𝗠𝗔𝗞𝗔𝗦𝗔𝗬𝗦𝗔𝗬𝗔𝗡𝗚 𝗕𝗨𝗛𝗔𝗬 | Ipinagdiriwang natin ang mga taong nakatatak sa ating kasaysayan dahil sa kanilang ginawang katapangan, pagsusumikap, at determinasyon.
Ngayong ika-26 ng Agosto 2024, ay ating kilalanin at bigyan ng karangalan ang ating mga bayani sapagkat dugo't pawis ang kanilang ibinigay para sa ating bansa, kaya ating bigyang respeto ang mga taong kailan man ay hindi natakot na ipaglaban ang sariling teritoryo. Hindi man natin nasaksihan ang mga nakaraan ngunit ang kanilang pagmamahal sa bayan ang syang tumatak sa bawat pilipino at nagsilbing inspirasyon para sa mga makabagong henerasyon. Pwede rin tayong maging bayani sa ating bansa gamit ang ating sariling karapatan, na makakatulong sa pagpapatuloy ng pag-unlad ng ating minamahal na bansa.

Salita | Precious Angel Calino
Layout | Akeelah France Alvarez

22/08/2024

𝗣𝗔𝗚𝗣𝗔𝗣𝗔𝗥𝗔𝗡𝗚𝗔𝗟 𝗦𝗔 𝗞𝗔𝗕𝗨𝗧𝗜𝗛𝗔𝗡 | Ngayong ika-23 ng Agosto 2024, ating ipinagdiwang ang Araw ni Ninoy Aquino. Ito ay espesyal na ganap na hindi lamang nagpaparangal sa alaala ni Aquino, kundi nagsisilbi rin itong leksyon sa susunod na henerasyon tungkol sa kahalagahan ng pagtataguyod ng mga demokratikong pagpapahalaga at paglaban sa paniniil at pang-aapi. Ito ay nag sisilbing katayuan na napakahalaga ang paglalaban ng ating dangal at prinsipyo kontra sa mga mapang abuso na lipunan sapagkat tayo'y iisa lamang, hindi man natin alam ang mangyayari sa kasalukuyan ay manatili parin tayong may respeto at mapagkumbaba mula sa nakaraaan, kaya ating salubungin ang kaganapang ito nang may respeto at dangal.

SALITA | Precious Angel Calino
LAYOUT | Akeelah France Alvarez

18/08/2024

𝗕𝗮𝘁𝗮𝗻𝗴 𝗠𝗢𝗚𝗖𝗛𝗦: 𝗣𝘂𝗻𝗼 𝗻𝗴 𝗣𝗮𝗴-𝗮𝘀𝗮 𝗮𝗻𝗴 𝗣𝗮𝗴𝗸𝗮𝗸𝗮𝗶𝘀𝗮 | Matiwasay na naidaos ang Grand Alumni Homecoming ng Misamis Oriental General Comprehensive High School (MOGCHS) sa temang “Batang MOGCHS: as ONE, WE CAN!” nitong ika-16 at 17 ng Agosto 2024.

Mula sa iba’t ibang henerasyon, muling napag-isa ang mga alumni upang muling buhayin ang diwa ng pagkakaisa at pagsulong ng palaging kinakatawan ng MOGCHS.

Kabilang na dito ang Batch 1976, kasalukuyang pinakamatandang alumni batch, habang batch 2014 naman ang pinakabatang dumalo sa nasabing kaganapan.

Bukod sa pagbabalik-tanaw, nagsilbi rin ang kaganapan bilang daan upang makalikom ng sapat na pondo para sa mga karagdagang proyekto ng paaralan.

Salita | Phoebe Reyes
Kuha | Rhayeven Coderos

08/08/2024

𝗟𝗜𝗚𝗧𝗔𝗦 𝗡𝗔 𝗞𝗜𝗡𝗔𝗕𝗨𝗞𝗔𝗦𝗔𝗡, 𝗔𝗟𝗔𝗡𝗚-𝗔𝗟𝗔𝗡𝗚 𝗦𝗔 𝗞𝗔𝗕𝗔𝗧𝗔𝗔𝗡 | Muling nagpanukala ang Philippine Drug Enforcement Agency (PDEA) ng Illegal Drugs Education and Orientation ng mga mag-aaral sa baitang-7 ng Misamis Oriental General Comprehensive High School nitong ika-7 at 8 ng Agosto, 2024.

Aktibong paggabay at mas pagpapaigting na seguridad ang inilaan ng MOGCHS laban sa banta ng ipinagbabawal na gamot, kasabay ang kooperasyon mula sa PDEA upang mas mabigyan ng dagdag kaalaman ang bawat mag-aaral para sa mas magandang kinabukasan ng kabataan.

Salita | Luchie Mortola
Kuha | Rhayeven Coderos

27/07/2024

𝗞𝗔𝗔𝗟𝗔𝗠𝗔𝗡, 𝗦𝗨𝗦𝗜 𝗦𝗔 𝗜𝗣𝗜𝗡𝗔𝗚𝗟𝗔𝗟𝗔𝗕𝗔𝗡| Kampanya laban sa druga ang ipinakilala ng Philippine Drug Enforcement Agency (PDEA) para sa mga magulang, mag-aaral, g**o, at di-akademikong kawani ng Misamis Oriental General Comprehensive High School (MOGCHS) alinsunod sa RA 9165 o Comprehensive Dangerous Drugs Act of 2002 bilang daan para sa maayos na pagsasara ng Brigada Eskwela 2024 kasabay sa pagbibigay linaw sa pagpapatupad ng mga alituntunin para sa School Calendar Activities 2024 nitong ika-27 ng Hulyo.

Salita | Luchie Mortola
Kuha | Akeelah Alvarez

23/07/2024

𝗡𝗔𝗜𝗟𝗔𝗧𝗛𝗔𝗟𝗔 𝗡𝗔!

Manatiling updated sa mga sariwang balita sa loob ng paaralan. Dito mababasa ang mga artikulong makakapagmulat at magbibigay-kaalaman.

Muli, isang malaking pasasalamat sa mga mamamahayag na nagsilbing haligi ng mga ulat na ito at patuloy na naghahatid ng mga patas na kwento. Ang mga balitang totoo ay aming alagad, para sa serbisyong dekalidad.

Tapat na Pamamahayag.
Serbisyong Dekalidad bilang Mamamahayag.

Basahin: https://issuu.com/agbpub/docs/agb_reproduce2k24

20/07/2024

𝗣𝗔𝗛𝗨𝗦𝗔𝗬𝗜𝗡 𝗔𝗧 𝗣𝗔𝗟𝗔𝗚𝗨𝗜𝗡 | Isang pagpupulong alang-alang sa pagpapahusay ng pamamaraan ng pagtuturo ang naganap nitong July 19, 2024 na pinaunlakan ng mga g**o mula sa Matatag Curriculum sa paglalayon ng mas makabuluhang pagkatoto ng mga mag-aaral mula sa Misamis Oriental General Comprehensive High School.

Salita | Luchie Mortola
Kuha | Akeelah Alvarez

20/07/2024

𝗣𝗔𝗚-𝗨𝗡𝗟𝗔𝗗 𝗡𝗚 𝗞𝗔𝗔𝗟𝗔𝗠𝗔𝗡 𝗣𝗔𝗥𝗔 𝗦𝗔 𝗞𝗜𝗡𝗔𝗕𝗨𝗞𝗔𝗦𝗔𝗡 | Inilunsad ang pagtatapos ng National learning Camp 2024 Culminating Program sa Misamis Oriental General Comprehensive High School nitong ika- 19 ng hulyo 2024 na nilahukan ng mga estudyanteng nasa baitang 7-12.

Naipamalas ng mga estudyante ang kanilang talento sa pagsasayaw, pagkanta, pag-arte, at iba pa sa paglalayon na mas palawakin ang kaalaman sa mga asignaturang Math, Science, at English.

Salita | Angel Calino
Kuha | Rhylee Bangga

17/07/2024

Sa buong 275 araw ng taong panuruan 2023-2024, nais naming ipahayag ang aming taos pusong pasasalamat sa mga naging bahagi sa tagumpay ng aming pahayagan, lalo na sa lahat na walang sawang nagbigay ng kanilang suporta at pagmamahal. Kayo ang tunay na puso ng tagumpay na ito.

Kami ay higit na nagpapasalamat sa aming School Paper Adviser, Mrs. Aubrey A. Tagapulot. Siya ay tumayong masigasig at matatag bilang isang patnubay na ilaw ng mga estudyanteng mamamahayag at sa mismong pahayagan.

Sa aming Editorial Board na ibinahagi ang kanilang likas na kakayahan sa pahayagan, ang “Maraming Salamat” ay hindi kailanman sapat upang mapunan ang iyong pagsisikap at pag-aalaga. Bukod dito, nais din naming bigyan ng pagpapasalamat ang aming Staff Writers sa walang sawang pagsusulat para sa masa. Isa kayo sa nagbigay buhay sa bawat pahina ng pahayagan.

Kahit na ito ay humantong sa dulo, isang bagong simula ay naghihintay sa bawat isa. Habang ang lahat ay dumarating sa bagong kabanata ng kanilang mga buhay, nawa'y magpapatuloy kayong tinig at magpakailanmang isang armas para sa katotohanan.

Ang “Ang Gintong Bagwis” ay patuloy na magsusulat at magsisiwalat ng mas mahusay na mga balita at kuwento. Mananatiling tagapaglaban ng wasto at totoo. Maraming Salamat!

Tapat na Pamamahayag.
Serbisyong Dekalidad bilang Mamamahayag.

08/05/2024

𝗠𝗢𝗚𝗖𝗛𝗦 𝗦𝗧𝗨𝗗𝗘𝗡𝗧𝗦 𝗗𝗔𝗬!

Isinagawa ng MOGCHS Supreme Secondary Learner Government (SSLG) ang kanilang “Students Day” na mayroong temang “Recharge, Reconnect, and Empower” nitong ika-8 ng Mayo.

Sa nangyaring kaganapan nagkaroon ng mga aktibidad katulad ng live band, singing contest, K-Pop random dance, at iba pa. Nagtayo rin ng mga booths ang iba’t ibang mga organisasyon ng paaralan. Ang kaganapan ay naglalayong magkaisa ang mga mag-aaral at ang buong paaralan.

Salita | Alexa Maandig
Kuha | Lance Perges

30/04/2024

Searching for a booth? Want to request a concert? An event for cosplayers? Bands? Random dance? 👀

We are here to bring the festivities back! It has been a few months since the campus brought all of the learners together for fun-filled activities.

While there might not be any physical celebrations on Valentine’s Day, be geared up for what most of you are anticipating to be a phenomenal event. On Wednesday May 8th, let us all gather to this fantastic, joyous, and engaging event from SSLG: MOGCHS Students Day! 💙

Caption & Layout | Ythan Mercader

15/04/2024

𝗞𝘂𝗹𝗮𝘆𝗮𝗻 𝗮𝗻𝗴 𝗞𝗮𝗹𝘂𝗻𝗴𝗸𝘂𝘁𝗮𝗻

Pintahan na ng kolorete ang iyong mukha, nang maitaguyod na ang kasiyahan ng hinas at sining gawa, dahil ngayong Abril 15, 2024 ay gugunitahin na ang araw ng sining sa buong sanlibutan.

Nakikiisa ang Misamis Oriental General Comprehensive Highschool sa pagdiriwang ng World Art Day kasabay ang kaarawan ng tinaguriang pinakasikat na pintor na si Leonardo da Vinci bilang karangalan sa kaniyang kontribusyon sa industriya ng sining.

Hinihikayat nito ang pagpapakitang-gilas at pagkamalikhain ng iba’t-ibang indibidwal sa mundo. Ang selebrasyon ay paalala na ang sining ay maaaring magkaisa at mag-ugnay sa atin sa kabila ng kalungkutan at pinakamahirap na sitwasyon, dahil ang kapangyarihan ng sining na magbigay ng inspirasyon ay pumapawi sa mga luha na dinadamdam natin ngayong kinakaharap natin ang mga problemang sumusuntok sa makulay na daigdig.

Salita | Josh Bernardino
Layout | Ythan Mercader

08/04/2024

Sa marangal na okasyon ng Araw ng Kagitingan, na nangyayari taon-taon tuwing ika-9 ng Abril, nagaganap ang isang pambansang pagdiriwang sa Pilipinas na ginugunita ang pagbagsak ng Bataan sa mabigat na pwersang Hapones sa gitna ng magulong panahon ng Ikalawang Digmaang Pandaigdig. Ang kaganapang ito ay sumisimbolo sa hindi natitinag na katapangan at diwa na ipinakita ng mamamayang Pilipino sa pagtanggol sa kanilang minamahal na kalayaan at soberanya.

Sa napakahalagang okasyong ito, pinararangalan natin ang kagitingan ng mga beteranong Pilipino at ng kanilang mga kaanib na mga Amerikano na magiting na lumaban sa pananakop ng mga Hapones. Kaya’y huwag nating kalimutan ang mga sakripisyo ng ating mga ninuno at ipagdiwang ang walang hanggang diwa ng sambayanang Pilipino. Mabuhay ang katapangan ng mga Pilipino!

Salita | Alexa Maandig
Layout | Ythan Mercader

07/04/2024

𝗛𝗢𝗧𝗮𝗸 𝗻𝗴 𝗜𝗻𝗶𝘁 𝗮𝘆 𝗦𝗮𝗸𝗶𝘁

Bahagyang napakalaking tulong para sa mga mag-aaral ang plano ng Kagawaran Ng Edukasyon (DepEd) na ibalik sa dating kalendaryo ang school year 2024 - 2025. Isinasaad sa DepEd order 003 s. 2024 na sa Mayo 31 ang pagtatapos ng kasalukuyang school year 2023, itinalaga rin ang Hulyo 29 bilang simula ng nasabing school year.

Damang-dama na ng mga mag-aaral ngayon ang init na dulot ng El Niño, kaya kadalasan sa kanila ay nagpapaabot ng reklamo dahil hindi umano nila nakakayanan ang init na umaabot sa 33° Celsius. Mistulang nasa loob ng oven ang mga estudyante dahil sa init na ito at kahit may electric fan ay hindi nakakatulong. Sakit sa ulo ang dala ng suliraning ito dahil maraming mga estudyante ang magkakasakit kung magpapatuloy ang walang-likat na init.

Itinampok sa Philippine Inquirer noong nakaraang taon ma hindi bababa sa 120 estudyanteng galing sa Bulacan ang nasugod sa hospital dahil sa mainit na panahon. Siguradong madadagdagan pa ito kung hindi babaguhin ang iskedyul ng pasukan.

Samantala, ayon naman sa Tagapangulo ng Alliance of Concerned Teachers (ACT) na si Vladimer Quetua, hindi na kayang manatili sa iskedyul ngayon dahil ito ay nakakaapekto sa kalusugan at kapakanan ng mga g**o at mag-aaral, dahil ito ay negatibong nakakaapekto sa resulta ng pag-aaral ng mga mag-aaral. Dagdag pa rito, hindi nakadisenyo ang mga silid-aralan sa Pilipinas upang labanan ang init ng panahon dahil wala itong maayos na bentilasyon.

Kaya ang plano ng DepEd na ibalik ang dating kalendaryo ng pasukan ay malaking tulong sa kalusugan ng mga mag-aaral at mga g**o dahil pinupuntirya ng init ang kalusugan ng mga estudyante na nagdadala sa kanila ng sakit.

Bahagyang napakainit ngayon at damang-dama ang hagupit ng araw, ngunit, hindi lamang ang pagbalik sa dating kalendaryo ang dapat isaisip ng kagawaran dahil kung tutuusin palagi namang mainit sa Pilipinas at mistulang panakip butas ang pagbalik ng dating kalendaryo sa tunay na problema. Ang imprastaktura at desinyo ng mga silid aralan na tila ay nagmamakaawa na dahil nakukulong ang init dito at “hinahatak” ang init papalapit sa mga estudyante na kadalasan ay parang sardinas na dahil sa sikp ng mga silid. Mapapasigaw ka nalang ng “kalbaryo” dahil sa init na ito.

Salita | Nichole Sultan
Layout | Ythan Mercader

01/04/2024

April Fools na naman! Araw na ng panloloko at pagbibiro, pero higit sa lahat ay inaasahan na hindi pa rin makalimutan ang tamang pagtrato sa tao.

Sana ay pinagisipan mo ng mabuti ang iyong inihanda biro. Pinag-isipan ng mabuti; hindi sa pagiging bongga ng iyong inihandang biro ngunit pinag-isipan ba, kung nakapagbibigay kaya ako ng saya o nakasasama na ba ako rito?

Paalala, maging mapagbiro nang may limitasyon at walang tinatapakang tao.

Salita | Esha Morales
Layout | Ythan Mercader

31/03/2024

Ang araw ng “Easter Sunday” ay kilala sa mga palamuti, mga makukulay na itlog, at pati na rin sa mga kuneho, ngunit, isa rin ito sa itinuturing na pinakamahalagang araw sa Semana Santa at pati na rin sa mga kristiyano. Isa sa mga relihiyosong gawain ng mga kristiyano—manampalataya, mag-alay ng pagkain, at magnilay. Dahil, sumisimbolo ang araw na ito sa muling pagkabuhay ng ating Panginoon sa pagkamatay mula sa pagkakapako sa krus.

Ang araw na ito ay nararapat lamang na pagtuonan ng pansin at tuparin ang mga gawain bilang Kristiyano. Nawa sa pagtatapos ng araw na ito ay hindi natin malimutan ang sakripisyong nagawa ng ating Panginoon para sa atin. Sa pamamagitan ng pagrerespeto, pagpapakumbaba, at pagmamahal sa kapuwa ay maisasakatuparan natin ang mga utos na binilin ng Panginoon.

Salita | Trisha Laid
Layout | Ythan Mercader

29/03/2024

𝗕𝘂𝗵𝗮𝘁 𝗮𝗻𝗴 𝗕𝗶𝗴𝗮𝘁

Hindi isang madaling gawain ang pagbalanse sa sandamakmak na responsibilidad na kaakibat ng pagiging bahagi ng school clubs. Ang pakikilahok sa mga gawain na ito ay nakapagbibigay ng kaluguran. Gayunpaman, lingid sa kaalaman ng karamihan ay nag-iiba ang lahat kapag pumapasok na ang matinding pagod at “academic pressure.” Kilala ako bilang responsable at kayang gampanan ang mga tungkulin nang sabay-sabay, ngunit ang tunay na tanong ay “kaya ko ba?”

Ang pakikilahok sa mga club ay naging sangkap sa aking personal na pag-unlad, lalo na sa larangan ng student-leadership. Datapwat ang desisyon ko na sumali sa maraming club ay hindi lamang para maging bantog sa paaralan. Sa halip, ang aking pangunahing layunin ay upang mapakinabangan ang huling taon ko sa paaralang MOGCHS sa pamamagitan ng pagbibigay halaga sa pagkakaibigan, pagpapalawig ng positibong kapaligiran at paglilingkod para sa kapwa mag-aaral.

Bagamat buong puso kong itinutok ang aking sarili sa mga ekstrakurikular na gawain, napagtanto ko na ang pakikilahok sa maraming club ay maaaring magdulot ng epekto sa aking emosyonal at pisikal na kalusugan; naging mahirap para sa akin upang makayanan ko ang lahat ng akademikong gawain. Hindi ko kayang hatiin ang aking katawan upang gampanan ang mga responsibilidad.

Hindi na ako nasisiyahan kundi nag-aalala na ako sa kadahilanang palagi na akong excused sa klase. Walang laman ang record ko at itlog ang marka ko sa mga pangkatang gawain. Sa pagmumuni-muni sa aking nakaraan, kung saan ang oras para sa pahinga at pakikisalamuha ay sagana, ngayon ay nasusumpungan ko ang aking sarili na nag-aalala sa kakulangan ng oras ng tulog buhat ng tiba-tibang responsibilidad.

Bilang isang taong lubusang nasasangkot sa mga gawain ng school clubs, kinikilala ko na ang pagpapabuti ng kalidad ng mga kasanayan sa pagtutukoy ng oras bago lumubog sa mga pangakong ito ay maaaring maging kapaki-pakinabang. Hindi ko pinagsisihan ang pakikisali sa mga organisasyong ito kundi sa hindi paggamit ng tamang pamamahala ng oras at mga estratehiya sa organisasyon nang maaga.

Bunga ng walang tamang pamamahala ng oras ay lumitaw sa pagiging huli, “distress”, at kawalan ng pokus sa akademiko, na nagresulta sa mas mababang ranggo sa aking seksyon at umani ng duda sa aking kakayahan bilang student-leader.

Ang pagiging balanse sa pagitan ng akademiko at ekstrakurikular na responsibilidad ay lubhang mahirap. Samakatuwid, ang paglalakbay ko sa hayskul at paglipat sa isang bagong yugto ay nagbibigay-diin sa kahalagahan ng emosyonal na intelihensya at mga kasanayan sa pamamahala ng oras.

Tunay na isang “rollercoaster ride” ang pagpasok ng school clubs, dapat tayong magkaroon ng kamalayan at sapat na kaalaman hinggil sa mga pangakong ating tinatanggap. Huwag kalimutan ang pangunahing dahilan sa pagpasok ng school clubs, at iyon ay ang maglingkod para sa mga estudyante. Bagamat maaaring mabigat ang daan, mahalagang suriin nang makatotohanan ang ating kakayahan bilang isang student-leader upang masasabi natin na kahit mahirap, kakayanin at bubuhatin ang bigat.

Salita | Ythan Mercader
Layout | Ythan Mercader

29/03/2024

Sabay nating alalahanin bilang mga Kristiyano ang pagpako sa krus ni Hesukristo at ang kaniyang kamatayan sa Kalbaryo ngayong Biyernes Santo. Ang araw na ito ay kilala rin bilang Good Friday, Holy Friday, Great Friday, o Black Friday. Ipinagdiriwang tuwing Semana Santa bilang bahagi ng Paschal Triduum, ang Biyernes Santo ay isang araw ng kalungkutan, penitensiya, at pag-aayuno.

Noong Biyernes Santo, si Hesukristo ay ipinako sa krus ng mga sundalong Romano sa paratang ng kalapastanganan mula sa mga pinuno ng relihiyon. Ayon sa tala sa Bibliya, ang kaniyang kamatayan ay isang sakripisyo na naglalayong pawiin ang mga kasalanan ng mundo. Nawa’y alalahanin natin ang kabutihan at sakripisyo ni Hesukristo para sa atin hindi lang tuwing Semana Santa ngunit araw-araw.

Salita | Alexa Maandig
Layout | Ythan Mercader

28/03/2024

Marka ang Huwebes Santo bilang araw ng huling hapunan ni Jesucristo kasama ang kaniyang mga 12 na disipulo, kung saan nagbahagi si Jesus ng tinapay at alak sa kanyang mga disipulo bilang simbolo ng kanyang katawan at dugo na ngayon ay mas kilala natin bilang Ostia o banal na tinapay. Ito rin ay ang araw kung saan hinugasan ni Jesus ang mga paa ng kanyang mga disipulo upang ipaalala sa kanila ang halaga ng pagpapakumbaba, pagiging ’di-makasarili, at paglilingkod sa iba.

Ang sagradong araw na ito ay marka bilang simula ng Easter Triduum, na sumusubaybay sa mga huling araw ni Jesus sa kanyang kamatayan, at sa kanyang muling pagkabuhay. Kaya sa araw na ito, dapat nating pagnilayan ang ating mga kasalanan at bigyan ng respeto ang mga utos na ibinigay sa atin ni Jesucristo. Sa pamamagitan ng pagsi-serbisyo at banal na Komunyon, ginugunita natin bilang mga mananampalataya ang pagmamahal at sakripisyo na inilahad sa atin ni Jesus. Nawa’y mangibabaw sa atin ang pagmamahalan na muling nagpapatibay sa ating pangako sa pagsunod sa mga halimbawa ni Jesus.

Salita | Nichole Sultan
Layout | Ythan Mercader

25/03/2024

𝗛𝗔𝗡𝗗𝗔 𝗦𝗔 𝗕𝗔𝗡𝗧𝗔 | Isinagawa ng Misamis Oriental General Comprehensive High School ang Earthquake Drill na pinangunahan ng School DRRM Coordinator, Wenchito G. Teopiz nitong ika-25 ng Marso, 2024.

Kasunod sa Earthquake Drill Report Guide ng School DRRM Coordinator ay nagabayan nang maayos ng mga g**o ang mga mag-aaral patungo sa evacuation area nang ligtas.

Ulat | Mikhaela Caronia
Kuha | Lance Perges

24/03/2024

𝗨𝘁𝗮𝗸 𝗸𝗼’𝘆 𝗻𝗮𝗯𝘂𝗯𝘂𝗹𝗮𝗯𝗼𝗴 𝘀𝗮 𝗺𝗮𝗿𝗸𝗮 𝗸𝗼𝗻𝗴 𝗶𝘁𝗹𝗼𝗴

“Good morning” daw sabi ng g**o at kaklase ko, hindi naman araw-araw “good” ang morning. Umagang-umaga hindi lang bolpen at papel ang dala ko, kundi sakit sa ulo. May maisasagot ba ako dito?

Akala ko sapat na ang natutuhan ko sa klase... ‘di ako nagsisikap na magkaroon ng sapat na kaalaman para sa quarter examinations. Lagi akong umaasa sa stock knowledge, sapagkat akala ko’y magkakaroon pa rin ako ng mataas na marka nang hindi nag-aaral. Nagkakamali ako— palpak ‘yung ginagawa ko. Wala akong naisagot. Magagalit magulang ko rito. Aasa pa ba ako na ako’y nasa mataas na ranggo? Hindi na, tanggap ko na, ngunit bigong-bigo ako sa sarili ko. Namamanglaw ako, napopoot din ako sa sarili ko.

Iyan ang dahilan kung bakit dapat tayong pumasok sa klase nang may tiwala at sapat na kaalaman sa paparating na examination sa ikatlong markahan. Hindi nararapat sa atin ang markang hugis itlog. Kaya’t gagawin natin ang lahat ng ating makakaya bukas. Layunin natin ang mas mataas na marka hindi lang para mapabilib ang ating mga magulang at g**o, kundi sa ating sarili— para sa ating kaluguran.

Hangarin natin bilang mag-aaral ang magandang marka sa lahat ng asignatura. Gawin natin ang ating buong husay at ibuhos ang ating kaalaman, nang sa gayo’y masabi natin na “good” ang ating morning bukas.

Best of luck sa quarter examination!

Salita | Ythan Mercader
Layout | Ythan Mercader

24/03/2024

Nakiisa ang Misamis Oriental General Comprehensive High School (MOGCHS) para sa International Holocaust Remembrance Day na dinaluhan ng mga panauhin mula sa iba’t ibang dibisyon ng DepEd na sakop ng Region X nitong ika-21 ng Marso, 2024.

Ang paggunita ay nasa temang “Recognizing the Extraordinary Courage of Victims and Survivors of the Holocaust” na naglalayong mabigyan ng kaalaman ang mga mag-aaral tungkol sa mga kaganapan sa mga ‘di kaayaayang sitwasyon sa kasaysayan at mga taong lumaban para sa humanismo. Alamin ang iba pang detalye sa ulat ni Mabe Akiatan.

Ulat | Alexa Maandig
Bidyo | Ythan Mercader

Address

Don Apolinar Velez Street , Cagayan De Oro City
Misamis Oriental
9000

Website

facebook.com

Alerts

Be the first to know and let us send you an email when Ang Gintong Bagwis posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Ang Gintong Bagwis:

Videos

Nakiisa ang Misamis Oriental General Comprehensive High School (MOGCHS) para sa International Holocaust Remembrance Day na dinaluhan ng mga panauhin mula sa iba’t ibang dibisyon ng DepEd na sakop ng Region X nitong ika-21 ng Marso, 2024. Ang paggunita ay nasa temang “Recognizing the Extraordinary Courage of Victims and Survivors of the Holocaust” na naglalayong mabigyan ng kaalaman ang mga mag-aaral tungkol sa mga kaganapan sa mga ‘di kaayaayang sitwasyon sa kasaysayan at mga taong lumaban para sa humanismo. Alamin ang iba pang detalye sa ulat ni Mabe Akiatan. Ulat | Alexa Maandig Bidyo | Ythan Mercader

𝗗𝗙𝗢𝗧 𝟮𝟬𝟮𝟰 | Nagsama-sama ang mga mag-aaral na galing sa iba’t ibang distrito ng Misamis Oriental sa Misamis Oriental General Comprehensive High School nitong ika-1 hanggang 2 ng Marso, 2024 upang makilahok sa 2024 Division Festival of Talents (DFOT) na may temang “Ignite and Inspired: Showcasing Talents and Excellence”. Sinimulan ang kompetisyon ng Read-a-Thon (Filipino) sa mga kategoryang Muling Pagkukuwento (G3), Interpretatibong Pagbasa (G6) at Sulat-Bigkas (G10), ito ay naglalayon na magbigay ng pagkakataon sa mga mag-aaral na elementarya at secondarya upang maipamalas ang kanilang kakayahan at talento. Ating tunghayan ang ulat ni Cassandra Bacalla. Salita | Precious Angel Calino Bidyo | Cil Jhon Apao

𝗦𝗮𝗺𝗮-𝘀𝗮𝗺𝗮𝗻𝗴 𝗽𝗮𝗴𝘁𝗮𝘁𝗮𝗻𝗶𝗺 𝗽𝗮𝗿𝗮 𝘀𝗮 𝗸𝗶𝗻𝗮𝗯𝘂𝗸𝗮𝘀𝗮𝗻 𝗮𝘆 𝗺𝗮𝘆 𝗮𝗮𝗻𝗶𝗵𝗶𝗻 Pinangunahan ng YES- O ng Misamis Oriental General Comprehensive High School ang pagsagawa ng Tree Planting Activity na isa sa mga proyekto ng DepEd na 236,000 Trees noong ika-6 ng Disyembre, 2023 Narito si Kate de Lara upang maghatid ng mas mayabong at makakalikasang pag-uulat dito lamang sa Paglaum Northern Mindanao. Bidyo | Cil Jhon Apao

𝗗𝗔𝗬 𝟮 𝗛𝗜𝗚𝗛𝗟𝗜𝗚𝗛𝗧𝗦 | Bibong sayawan sa maagang pazumba, pagtatapos ng maiinit na laro, pagtatanghal ng napakamabangis na kalaro at gantimpala sa nangingibabaw na koponan ang naging agaw-eksena sa pangalawa at huling araw ng MOGCHS Intramurals 2023. Narito si Alexa Maandig at Kent Velarde para sa chika of the day sa 2023 MOGCHS Intramural 🦅🏆 Disclaimer: All credit and entitlements belong towards their respective owners. No copyright infringement intended.

Nitong ika-27 ng Setyembre, 2023, nagsilbing pundasyon ng pagkakaisa ang MOGCHS SPJ General Assembly sa temang ‘Panaghiusa’. Kasaysayan ang naganap nang magtagumpay ang unang asembliya, pinagsama na ang Ang Gintong Bagwis at MisOr Torch matapos ang maraming taon ng pag-aaral. Sumaksi ang SPJ classes mula ikapito hanggang ika-10 baitang, kasama ang mga tagapagsanay mula sa dalawang pahayagan. Inumpisahan nina Jonas Ranalan at Mary Jane Fabre ang kaganapan na dinaluhan din nina Gng. Felicitas R. Garcesa, punongguro ng Filipino department, at Gng. Lizel P. Torillo, punongguro ng English department. Ito’y isang pagtitipon na nagbigay buhay sa diwa ng pangkalahatang pagkakaisa. Narito ang ulat ni Johlyana Torres. Salita | Lance Perges Bidyo | Ythan Mercader

Matagumpay na nailunsad ng Misamis Oriental General Comprehensive High School (MOGCHS) ang kaunaunahang National Learning Camp (NLC) na sinimulan nitong ika-24 ng Hulyo hanggang ika-25 ng Agosto 2023. Ito ay isang natatanging programa na naglalayong mapunan ang kakulangan sa pagkatuto ng mga mag-aaral na dulot ng COVID-19. Sa kasalukuyan, nakatuon ito sa ika-pito at ika-walong baitang kasama ang asignaturang ENSCIMA (English, Science, at Mathematics). Subalit, sa susunod na taon ay isasama na ang ika-siyam at ika-sampung baitang sa NLC na inaasahang babalik sa Hulyo 29, 2024. Upang masaksihan ang makasaysayang pagtatapos ng NLC ngayong taon, narito ang ulat ni Alexa Maandig. Salita | Arianna Awitin Bidyo | Ythan Mercader, Lance Perges, Kent Velarde

Isang kabanata ang bagong magbubukas pagkatapos ng nagdaang mga pahina. Naipamalas na naman ngayong taon na ang bayanihan ang isa sa mga sangkap para malanghap ang inaasam na ginhawa para sa panibagong yugto sa Event Center ng paaralan sa araw ng Miyerkules, Agosto 23, 2023. Ikinagagalak ng Misamis Oriental General Comprehensive High School na winakasan ang #BrigadaEskwela2023 na may temang “Bayanihan para sa Matatag na Paaralan” na may masigarbong palakpakan. Sa lahat ng sakripisyo na ginawa ng buong paaralan at sa mga pawis na maiging pinunasan ay nagbunga na rin dahil naitaguyod ang pagpupunyagi na ito na may sagisag. Bigyang tanaw na’tin ang iba pang mga detalye sa maligayang pagwakas, sa ulat ni Arianna Awitin. Salita | Esha Zuleyka Morales Bidyo | Ythan Mercader, Kent Velarde