my simple life

12/08/2024

Good morning

12/08/2024

09/04/2024

Lumaki ako sa lugar kung saan limitado ang pahinga.

Na dapat palagi kang gumagalaw. Na dapat lagi't lagi kang may ginagawa dahil maraming umaasa sa pamilya.

Nakapapagod ng pagkatao ang makulong sa ganitong klase ng pamantayan ng mga tao.

'Yung araw-araw na lang may kailangang patunayan. 'Yung gabi-gabi na lang napagsasalitaan. 'Yung bawat paligid may mga matang naghihintay na muli kang panghinaan.

Madalas nilang sabihin sa'kin na hindi raw isang karera ang buhay—na makapaghihintay naman ang mundo, pero sa mga oras na magpapahinga lang ako, minamadali naman ako ng mga tao.

Hindi ito ang pinangarap kong mundo.
At hindi ito ang pinangarap kong "ako."

— JB
twitter.com/jeybiii_ph
instagram.com/jeybiii_ph