Wasiyat GO Thoma

02/02/2025

Alhamdulillah

Miaka pass pman sa Exsam so isako mga Moret tano

02/02/2025

Assalamu-alaikum

Mga pagariami mga Bangsami

Kapiaan iyo Follow kanosa Page aya go pang Invite kanoron

Advance Salamat kataya so Link 👇

https://www.facebook.com/profile.php?id=61554083385598

02/02/2025

Dingka phoroon a ginawangka ko salakaw rka, ka mlagid kano a phoon sa lupa na palaya kano ron ikhasoy!

02/02/2025

TAFSEER AL AN'AAM: 131-132

{ ذَ ٰ⁠لِكَ أَن لَّمۡ یَكُن رَّبُّكَ مُهۡلِكَ ٱلۡقُرَىٰ بِظُلۡمࣲ وَأَهۡلُهَا غَـٰفِلُونَ (131) وَلِكُلࣲّ دَرَجَـٰتࣱ مِّمَّا عَمِلُوا۟ۚ وَمَا رَبُّكَ بِغَـٰفِلٍ عَمَّا یَعۡمَلُونَ (132) }.

131. "Giyanan i mataan a so Kadnan ka na da ko btad Yan oba Niyan antiyora so mga ingd sa kasalimbot a so pagtao ron na di maka-iin'ngka."

Upama ka skitano na di tano kasasabutan so Agama o Allah, na sugatn tano Niyan a siksa na khapakay a matharo o sabaad a siyalimbotan siran o Allah ka siniksa Iyan siran a da a molapholad iran.

Giyanan i kiyatharoa Niyanon sa di niyan shiksaan so pagtao a di maka-iin'ngka sa kasalimbot.

Aya mataan na apiya antonaa dn i inikidia rkitano o Allah na knaba tano Niyan khalalim, knaba tano Niyan khasalimboti ka milik tano Niyan, rk tano Niyan, mga uripn tano Niyan na sadn sa kabaya Iyan na ikhidia Niyan rkitano.

Ugaid na sabap ko kawntol Yan na di phnggalbk sa galbk a mipkhno o uripn Yan, oway adn dn a dii makakhno a tao a malobay i paratiyaya ugaid na da a ba niyan kabnar ko Allah.

Na so Allah na siyuguan tano Niyan sa mga sugo a go tiyurunan tano Niyan sa mga kitab ka antano Niyan mapaka-in'ngka, na uriyan anan na sadn sa di pharatiyaya na o siksaa o Allah na dadn a ba tharimaa o Allah a rason yan.

132. "Go umani isa na adn a mga daradat yan sii ko miyanggalbk iran, go so Kadnan ka na knaba Niyan kalilimbani so nganin giiran nggalbkn."

So mga pipiya i galbk na mbidabida sa daradat, kala a galbk ka a mapiya na kala a daradat ka.

Lagid dn mambo oto so mga rarata i saatan, mbidabida sa pangkatan ko mga galbk iran, na kala a dusa o tao na kala a siksa Iyan.

Na langon anan; na da dn a bawn khalimbani o Allah, na sadn sa galbk o tao na maphragon yan dn.

✍️ Dr. Muhd-ata Abdulkarim

02/02/2025

Sakataw a Raga a pitharo iyan ki ina iyan:

"Enakulay, aya kabaya akn a makapangaroma rakn na mapiya a mama".

Tigi ena iyan ah: "Piyapiyai ngka a ginawa nka, ka aya makaphangaroma rka na mapiya a Datu."

Masha'Allah! Bnar dn mambo. Pitharo o Allah:

{وَٱلطَّيِّبَٰتُ لِلطَّيِّبِينَ وَٱلطَّيِّبُونَ لِلطَّيِّبَٰتِۚ}

"Na so manga pipiya a manga Bae na bagian o manga pipiya a manga Datu, na so manga pipiya a manga Datu na bagian o manga pipiya a manga Bae."

- (Abu Haneen) Nasruddin Ibn Abdullah

02/02/2025

𝔸𝕊𝕋𝔸𝔾𝔽𝕀ℝ𝕌𝕃𝕃𝔸ℍ
Isang simpleng salita na kayang burahin ang libu-libong kasalanan sa isang segundo.

02/02/2025

Basta makiplomamka so tao ko Ahlul Bida' na pd iran dn.

Apiya tigka a Salafie ka o aya pagariya aka tinabanga aka na makasisilay na tagpda ka niyan dn.

Pitharo o Allah:
(فَلَا تَقۡعُدُوا۟ مَعَهُمۡ حَتَّىٰ یَخُوضُوا۟ فِی حَدِیثٍ غَیۡرِهِۦۤ إِنَّكُمۡ إِذࣰا مِّثۡلُهُمۡۗ)

Maana: "Na di ko kiran pakiphaguntoda ka ansiran makandaging sa salakaw a bityara, samawto na lagid kano iran dn." [Surah An-Nisa: 140].

Go pitharo o Nabi (saw):
المرء على دين خليله. صححه الألباني في صحيح الجامع.

Maana: "So tao na sii dn ko Agama o ginawai niyan." [Saheeh Al Jami'].

✍️ Dr Muhd-ata Abdulkarim

02/02/2025

Aya pitharo o Nabi (saw) na:
"كلمة عدل عند سلطان جائر."

Knaba aya pitharo iyan na:
"عند الطرقات والشوارع."

Di niyo pphamlpoa so maana o mga Dalil asar bo a mapaka ayon yo ko bkhog a paratiyaya niyo ka giyaya i kapphakamolkiya o ingd.

✍️ Dr Muhd-ata Abdulkarim

02/02/2025

Pitharo o Nabi (saw):
"ويل للذي يحدث ليضحك به القوم، ويل له ويل له."

"Bagian o tao a dii tharo sa iphangayad yan ko mga tao so Wayl, bagian yan so Wayl, bagian yan so Wayl."

- Aya maana a Wayl na landng sa Naraka Jahannam.

✍️ Dr Muhd-ata Abdulkarim

02/02/2025

KALANGKAPAN PANTAG KO KITAB tano a iningaranan sa MGA TATANOS A UNAYAN.

Kataya so bago a Link o Pdf yan na idownload yo sharoman, adn a piphurongan aknon a mayto a Typing Error.

02/02/2025

✍️ Dr Muhd-ata Abdulkarim

SO KAPAMOKHAG

So tao a kapapadalman sa paratiyaya na di phamokhag, aya dii mamokhag na so adn a awida akal ko paratiyaya niyan.

Wajib ko langon a mapaparatiyaya so katharo sa bnar, go Haram so kapamokhag.

Pitharo o Nabi (saw):
"عليكم بالصدق فإن الصدق يهدي إلى البر وإن البر يهدي إلى الجنة ولا يزال الرجل يصدق ويتحرى الصدق حتى يُكتب عند الله صديقاً وإياكم والكذب فإن الكذب يهدي إلى الفجور والفجور يهدي إلى النار". رواه البخاري

Aya pontosan a Hadith aya a piyanothol i Bukhari na so kapamokhag na khasabapan sa kawlog o manosiya sa Naraka Jahannam.

Go so mga sipat o mga Munafiq a miya aloy o Nabi (saw) sii ko Hadith a makapopoon ki 'Amr ibn Al 'As (ra) na:
"وإذا حدث كذب." الحديث
Maana: "Go igira a mitharo na dii mamokhag." Hadith

Na katawan tano so balas o mga Munafiq, pitharo o Allah:
"إِنَّ الْمُنَافِقِينَ فِي الدَّرْكِ الْأَسْفَلِ مِنَ النَّارِ." [النساء: 145].

Maana: "Matamataan a so mga Munafiq na sii siran - khapadalm - ko didadidalm o Naraka." Qur-an 4: 145

Giyaya i rayagan o kadidilikado o tao a bokhag, pangninta a pakalidasn tano o Allah ko ndalagid aya a sipat.

02/02/2025

DAA LAWAN YAN A MAPIYA A GALBK

Pitharo o Nabi (saw):
"أحب الناس إلى الله أنفعهم، وأحب الأعمال إلى الله عز وجل سرور تدخله على مسلم، أو تكشف عنه كربة، أوتقضي عنه ديناً، أوتطرد عنه جوعاً، ولأن أمشي مع أخي المسلم في حاجة أحب إلي من أن أعتكف في المسجد شهراً". رواه الطبراني وحسنه الألباني.

Maana: "Aya daa lawan yan a pkhababayaan o Allah ko mga tao na sa pinaka mala a pkhinggay niyan a gona, go aya daa lawan yan a pkhababayaan o Allah a galbk na so kapphakapiyaangka ko ginawa o pagari ngka a Muslim, odi na kapakaloagan ka ko kamargnan, odi na kabayadan kawn so utang yan, odi na maawat kawn so kaor, go mataan a so kawgopi akn ko pagari akn a Muslim sii ko awida akal yan na thomoon akn a di sa baakodn pag i'tikaf sa angkai a Masjid siiko sold o sawlan". Piyanothol i Tabarani, go biyagr i Albani.

Pitharo o Nabi (saw) sa Hadith anan a so katabangi ngka ko pagari ngka a Muslim sii ko awida akal yan na tomo a di so bakadn pag i'tikaf sa Masjid (Masjid Nabawi) ko sold o sawlan.

Giya Masjid Nabawi na aya balas o sambayang roo na 1000 takp, maka shambayang kawn sa makaisa na lagid kabo a miyaka 1000 makashambayang.

Na pera i mipshambayang ka sii ko sawlan a i'tikaf?

Aya kapantk yan na lagid kabo a miyag i'tikaf sa miyaka 1000 ulan.

Na so 1000 ulan na 83 ragon a go 3 ulan.

Antai phakagaga rkano mag i'tikaf ko sold o 83 ragon? Ti apya so edad ka na di praot sa 83 na.

Na so kaugopingka ko pagari ngka siiko awida akal yan, apiya miyakaitoito a awida akal, na so katabangingkawn na tomo a di so bakadn panambayang sa i'tikaf ko sold o 83 ragon.

Na aypandapat yo ko mga tao a ayabo a kapkhatoonangkawn na sii ko kapipiya ginawa, na sii ko masa a kamamargnangka na di ngka siran kha-along.

Miyagontong so mga tao a mala sa ginawa iran so kathatabanga na go kapamagogopa, so masakit o pagari iran na masakit iran mambo.

📝 Muhd-ata Abdulkarim

02/02/2025

Pd sa kabnar o Nabi (saw) na kababayaan ka skaniyan, na odingka makilala na di magomarg so babaya kawn.

So tlo a pakaisha o Munkar a go so Nakeer na pdon so kipagishaan iran rka ko Nabi (saw), na aya dn a kinanglan na makilalangka, an ka masmbag sa mapiya so Munkat.

Na kataya so Kitab a pindirubasa tano sa basa Iranun, aya mapapadalmon na so mga rupaan o Nabi tano a Muhammad (saw).

Inquire kano ron sa: Jr's Collections

02/02/2025

PIYAKAMMSA SO KAWYAGOYAG

So Doniya na diiron shambisambi so btad o mga manosiya...

- Adn a mga tao a mapapadalm ko didalm o lupa na phmbisitan tano iran ko mga taginpn tano.

Adn pman a mga tao a mapapadalm ko liyawaw o lupa na apiya so salam na di iran rkitano kha-apas mapakambalingan.

- Adn a tao a mababaling sa mala a turogan, ogaid na mala i awida akal ko kawyagoyag.

Adn pman a matag lawig a kasosolkan yan ogaid na thatakna a ginawa niyan.

- Adn a tao a maputi, ogaid na kalalakuloban sa maytm a puso iyan.

Adn a tao a maitm, ogaid na sumisindaw a maliwanag sii ko salakaw di salakaw.

- Adn a tao a madakl i pagari, ogaid na matatarambisa ko kawyagoyag.

Adn pman a matatarambisa, ogaid na madakl i pagariya.

- Knaba aya titho a pagari na so lunson sa ina ama.

Aya titho a pagari na so Muslim a ginawai a mala i kalk ko Allah a di ka niyan ipthalipnda.

- Khapakay a madakl ka i ginawai ogaid na dadaslan iran a likod ka.

Go khapakay a so mga ridoay ngka na aya rka makasiyap.

- Adn a mga ala i tamok, ogaid na mapasang pn i kashuborno.

Na adn a mga pubri a mga papasang i kashasadka.

⊙ Giyanan so Doniya... na dingkawn paglda a ginawangka.

Dingka khtda so kasosoat o mga tao, aya pagapasangka na so kasosoat o kadnan ka.

Mailay ngka so panayaw o arimaw na obangkak tangkapn sa sisingaan ka niyan.

Aya mataan na khabayaan ka niyan gomarkhb.

Kadaklan ko mga tao na khatoon ka iran o kinanglan ka iran, odi ka iran kinanglan na dika iran khailay.

Masoat rka so Allah na miyasoat rka so mga pipiya ko mga kaadn yan.

Doan yan so mga tao a miyald ko Doniya...

📝 Muhd-ata Abdulkarim

02/02/2025

MIYAGUNTONG SO MAMA A MAPYA I KAROMA

Pitharo o Nabi (saw):
"الدنيا متاع، وخير متاعها المرأة الصالحة". رواه مسلم.

"So duniya na parahiyasan, na aya pinaka mapya a mapapadalmon a parahiyasan a iphakapya a ginawa na so mapiya a bae". - Piyanothol i Muslim.

So masa i Shaikh Al 'Ezz bin Abd Al Salam sa Dimashq "Damascus" capital a Syria, aya iphmbtho ron o mga inandang a pandita na Damsik, na skaniyan i kaggraran sa Datu o mga Ulama.

Na sa masa niyan oto na miyasogat a mala a tiyoba a Dimashq, miyakala a tanto i arga so langontaman, takp tomakp a kiyapakala o arga, taman sa so mga Garden na piphapasa sa miyamakaitoito a arga.

Na inibgay ron i karoma niyan so bolawan yan, tigyan a phasa-angla aya na pamasan ka sa Garden ka ron ta mamakarnggay amay ko laon (Summer), na tigyan a oway.

Na piphasa niyan so bolawan i karoman niyan, na so arga iyan na baniyan dn inishasadka.

Na kagya makawma ba tigi karoma niyan: Hay karoma akn, miyakapamasa ka bo sa Garden tano?

Tig yan: Oway, Garden sa sorga a piyamasa akn, miya ilay akn a mga tao a tanto a makakhakailangan na inibgay akn kiran so arga o bolawan.

Na tig o karoma niyan: Balasan ka o Allah.
📕 طبقــات الشافعيــة (٢١٤).

O sii anan mipantag ko kadaklan ko mga bae imanto na khapakay pn a kasabapan sa kapakamblag yo.

📝 Muhd-ata Abdulkarim

01/02/2025

01/02/2025

SO BABAY A GO SO PERFUME

Pitharo o Nabi (saw):
"أيما امرأة استعطرت فمرت على قوم ليجدوا ريحها، فهي زانية." رواه الإمام أحمد

Maana: "Sadn sa bae a khakamotan oriyan yan na somagad ko mga tao ka aniran mabaw so baw niyan (kamot yan) na lagid bo a Mishina." Piyanothol i Imam Ahmad.

Pitharo iyan pn:
"إذا شهدت إحداكن المسجد، فلا تمس طيباً." رواه الإمام مسلم

Maana: "Igira a shong so isa rkano a mga bae sa Masjid na oba skho sa mamot." Piyanothol i Imam Muslim.

Gyanan i Dalil sa Haram ko bae so kakhakamotan inonta bo na sii sa sold a kowarto niyan (para ki karoma niyan).

Muhd-ata Abdulkarim