05/02/2024
Kadalasan binabalot ng kalungkutan
At dumaramii ang daing na katanungan
sa mga nangyare halos kilabutan
Sa pagdating ng sandaling kinakatakutan
Ito ba ang paraan ano ba ang dahilan
Kung bat ako nandito sa malayo Sa
tagal ng panahong di ka kita di ka yakap
Ay para na din akong isang yumao
Sa gabi gabi Akoy mangiyak ngiyak
dibdib ay para bang binibiyak
paguwi ko di pa nga natitiyak
Sa Napipintong pagsilang ng aking anak
Ano bang magagawa ko bansa nakasarado
Para sa kanyang pagsilang di imbitado
Mga ngiti ay burado hiling ay tablado
Kung kelan magkikita di pa sigurado
Buyo sa aking isip ito ba ay panaginip
Bigong masilayan ka sa una mong pagsilip
Sa Una mong iyak akoy sa unan napakapit
Bumuhos ang ulan at biglaan napaawit
Darating kaya mga sagot saking tanong
Dadaang taon bakit mahirap malingon
bansang mabuhangin kung Saan nakatungtong
madalas ang ulan sa ilalim nang bubong