The mission is to fulfill the aspiration to help and make a change towards Indigenous People's lives
18/10/2021
Tag-ani na naman, ngunit tila ba nag-iba na ang simoy na hatid ng hanging amihan. Mahirap na ring makakita ng mga ihawan at iba't-ibang mga gimikan sa lansangan na karaniwang nagsusulputan sa tuwing panahon ng anihan.
Malaking dagok ngayon ang kinahaharap ng mga magsasaka dahil sa bagsak presyong bilihan ng kanilang mga aning palay. Sumabay pa ang walang tigil na pagbuhos ng ulan na mas lalong nagpahirap na maibenta ang mga ani sa mas mataas-taas na halaga kumpara sa pinakamababang presyo nito. Kung kaya labis-labis ang pasasalamat at tuwa ng mga magsasaka sa dalawang magkasunod na pagliwanag ng kalangitan. Simbolo ng pag-asa at pagkakataon.
Subalit sa kabilang banda, nakakadurog ng puso ang katotohanan na hanggang dito na lamang ang laban ng ating mga bayani. Tila ba wala nang nakaririnig sa kanilang mga hinaing at ang ilan pa sa mga sumubok na lumaban ay itinuring at inakusahan pang kalaban ng sambayanan.
