10/11/2023
November 10, 2023
Nakatakdang bumisita si Pangulong Ferdinand “Bongbong” Marcos Jr. sa United States Indo-Pacific Command headquarters sa Hawaii, USA sa Nov. 18-19 bilang bahagi ng biyahe niya sa Estados Unidos para sa APEC Leaders’ Summit.
Ang US Indo-Pacific Command ang pinakamalaki at pinakamalakas na pwersang militar sa labas ng mainland USA na kinabibilangan ng mahigit 380,000 well-equipped elite members ng US Marine at Navy military personnel na nakabase sa Hawaii at handa sa aumang klaseng deployment.
Inaasahan na matatalakay sa nasabing pagbisita ni PBBM doon ang 1951 Mutual Defense Treaty sa pagitan ng Pilipinas at United States. Sa ilalim ng treaty na ito ay pinapalakas ang pagtutulungan ng bansang Amerika at Pilipinas para maproteksyunan ang soberenya ng ating bansa laban sa mga bansang magnanais na lusubin ang Pilipinas at mailalagay sa kapahamakan ang ating seguridad.
Lalo na ngayon na mayroong nagaganap ng nakakaalarmang sitwasyon sa West Philippine Sea (WPS) na kung saan paulit-ulit na lang na binubully at kinakawawa ang ating mga walang kalaban-laban na Philippine Coast Guard na nagsasagawa ng resupply mission para sa mga tropa natin sa BRP Sierra Madre sa Ayungin Shoal. Kasama na rito ang ginagawang pangha-harass at pambubully rin sa ating mga pobreng fisherfolk na naghahanapbuhay lamang sa ating teritoryo sa WPS.
Katunayan, ngayong umaga lamang, binomba na naman ng Chinese Coastguard ( vessel 5203 ) ang barko natin na nagsasagawa ng resupply mission sa Ayungin Shoal. Pero this time ito ay barko naman ng Philippine Navy — ang M/L Kalayaan.
Mr. President, I am with you 101%. You have my full support.
Good luck po, Mr. President! Mabuhay ang Pilipinas! Mabuhay ang sambayanang Pilipino!