BENte singko imedia

BENte singko imedia An online platform that delivers information to the public.

STATE-OF-THE-ART HOSPITAL SA SILANG ITATAYOGINANAP ang groundbreaking ceremony para sa itatayong Public Hospital sa bay...
08/12/2024

STATE-OF-THE-ART HOSPITAL SA SILANG ITATAYO

GINANAP ang groundbreaking ceremony para sa itatayong Public Hospital sa bayan ng Silang sa Cavite kamakailan.

Ang proyektong ito ay isang malaking hakbang patungo sa mas maayos na serbisyong pangkalusugan para sa mga mamamayan ng Silang.

Pinangunahan ni Mayor Ted Carranza ang seremonya kasama sina Vice Mayor Mat Toledo, ang buong Silang Municipal Council, Board Member Aidel Belamide, Department of Health Assistant Secretary Ariel Valencia at Cong. Roy Loyola.

Ang bagong ospital ay dinisenyo upang maging moderno at tugma sa lumalaking pangangailangang medikal ng bayan.

Ito ay magkakaroon ng 50-bed capacity na kinabibilangan ng Isolation Rooms, Private Rooms at General Wards upang masigurong komportable at maayos ang paggamot sa mga pasyente.

Narito ang ilan sa mga pasilidad ng Silang Public Hospital:

Social Service Center – Magbibigay ng tulong at suporta sa mga pasyente at kanilang pamilya sa panahon ng gamutan.

Delivery Room Complex – May tatlong birthing theaters para sa ligtas at maayos na panganganak ng mga ina.

Concern Center – Isang espesyal na pasilidad para magbigay ng pinansyal na tulong sa mga nangangailangang pasyente.

Emergency Complex – May kasamang dalawang isolation rooms, apat na treatment areas, dalawang consultation areas, dalawang pediatric cubicles, dalawang obstetric cubicles, at isang fully equipped delivery room para sa mga agarang pangangailangan medikal.

Hospital Dining Area na may Dietary Services – Para sa masustansyang pagkain ng mga pasyente.

Ang proyekto ay isang malaking tagumpay para sa komunidad at inaasahang magdudulot ng mas maayos at abot-kayang serbisyong pangkalusugan sa mga residente ng Silang.

RUBEN FUENTES

16/11/2024

U.S. CONVICTION SA KENYAN TERRORIST IKINAGALAK NG BI

PINURI ng Bureau of Immigration (BI) ang hatol na ipinatupad sa Kenyan national na si Cholo Abdi Abdullah sa New York, U.S.A.

Si Abdullah na sinasabing miyembro ng teroristang grupong al-Shabaab ay na-deport mula sa Pilipinas noong 2020 matapos itong arestuhin ng BI Intelligence Officers at Anti-Terrorist Group.

Ito ay naaresto noong Hulyo 2020 sa bisa ng mission order matapos mapatunayang ito’y lumabag sa immigration laws.

Ang suspek ay nakulong din sa Philippine National Police (PNP) dahil sa paglabag sa fi****ms and explosives.

Ayon sa U.S. authorities, ang dayuhan ay sinanay sa Somalia bago nagtungo sa Pilipinas kung saan siya nag-enroll sa isang flight school noong 2018.

Dagdag pa sa ulat na plinano nitong isagawa ang isang pag-atake na katulad ng 9/11 sa Amerika subalit ito ay nahuli ng BI kaya naunsyami ang balak nito.

Ayon kay Commissioner Joel Anthony Viado may mahalagang papel na ginampanan ang ahensya sa nangyari sa kenyan national.

“This conviction shows the importance of our work in keeping high-risk individuals out of the country, as well as dismantling terrorist operations,” he said. “Our commitment to national and global security is unwavering.”

P1.02-M ‘SHABU’ NAKUMPISKA SA BUY-BUST OPS SA TABACO CITYHIMAS-REHAS ang kinasadlakan ng isang high value indivudual mat...
16/11/2024

P1.02-M ‘SHABU’ NAKUMPISKA SA BUY-BUST OPS SA TABACO CITY

HIMAS-REHAS ang kinasadlakan ng isang high value indivudual matapos makumpiska mula sa kaniya ang ‘shabu’ na nagkakahalaga ng P1,020,000 sa buy bust operation ng Philippine National Police (PNP) Bicol nitong Nobyembre 14.

Ang operasyon ay isinagawa dakong alas 2:26 ng hapon sa Purok 5, Barangay Bangkilingan, Tabaco City.

Naaresto ang isang high-value individual (HVI) na kilala sa alyas na "Boss” residente ng Purok 1, Panarayon, Bacacay, Albay.

Ang suspek ay nahuli matapos magbenta ng 150 gramo ng shabu sa isang undercover agent.
Sa pamumuno ni PBGen. Andre P. Dizon, Regional Director ng PRO5, nananatiling masigasig ang PNP Bicol sa kanilang anti-drug operations.

5 GOLD, 2 SILVER SA SSS INI-AWARD NG ARTAPASAY CITY - PINARANGALAN ng Anti-Red Tape Authority (ARTA) ang Social Security...
11/11/2024

5 GOLD, 2 SILVER SA SSS INI-AWARD NG ARTA

PASAY CITY - PINARANGALAN ng Anti-Red Tape Authority (ARTA) ang Social Security System (SSS) at 11 nitong sangay para sa kanilang natatanging pagsisikap na magbigay ng mahusay, tapat at madaling maabot na serbisyo kasabay ng responsableng pamamahala.

Sa 860 ahensya ng pamahalaan na sinuri para sa 2023 Report Card Survey (RCS) 2.0 Batch 1 Cycle, ang mga sangay ng SSS sa Congressional, Pasay-CCP Complex, Sta. Cruz, Naga, Cebu-NRA at Kalibo ay nakatanggap ng prestihiyosong ARTA RCS Gold Awards para sa kanilang kahusayan na iginawad sa isang seremonya noong Oktubre 30 sa Hotel Conrad Manila.

Samantala, pinarangalan naman ng ARTA RCS Silver Plaques of Recognition ang mga sangay ng SSS sa Diliman, Navotas, Manila, Bacoor at Tabaco dahil sa kanilang napakagandang rating.

Inihayag ni Atty. Voltaire P. Agas, Officer-in-Charge at Executive Vice President ng Branch Operations Sector ng SSS ang taos-pusong pasasalamat sa pagtanggap ng parangal mula sa ARTA.

“We thank ARTA, led by Director General and Secretary Ernesto V. Perez, for acknowledging our efforts to promote ease of doing business and efficient service delivery. This recognition is a testament to our dedication to optimizing our processes and ensuring that we provide better services to all SSS stakeholders” ani Agas.

“These awards will certainly push us to always go above and beyond, and to work toward excellence. In addition, we plan to work on long-term solutions such as continuously digitizing our services to make it easier for our members to transact with us” dagdag pa nito.

Ang RCS 2.0 ay isang mahalagang instrumento sa pagsusuri ng bisa ng Citizen’s Charter sa pagpapasimple ng mga regulasyong proseso at pagpapabuti ng serbisyo ng gobyerno alinsunod sa Republic Act No. 11032, o ang Ease of Doing Business and Efficient Government Service Delivery Act of 2018.

Noong 2023, nakakuha ang SSS ng 92.2% satisfaction rating sa Harmonized Client Satisfaction Measurement (HCSM) Survey ng ARTA, mas mataas sa passing rate na 80%.
Isinagawa ang survey sa mga miyembro at employer na nakipagtransaksyon sa SSS, online man o personal sa kanilang mga sangay noong 2023.

11/11/2024

(Aprubado ng China Bank)
P10-B EXPANSION LOAN NG NLex

NAKAKUHA ang operator ng North Luzon Expressway (NLEx) ng P10 bilyong credit line mula sa China Banking Corp. para sa pagpapalawak ng kanilang tollway operations at pagbabayad sa mga obligasyon nito.

Sa isang stayement, sinabi ng NLEx Corp., isang subsidiary ng Metro Pacific Tollways Corp. (MPTC) na pumasok ito sa isang 10-taong term loan facility agreement sa Sy-led bank.

“The loan proceeds will fund NLEX Corporation’s capital expenditure program and refinance its maturing debt. This will help us accomplish our targets – to provide better infrastructure and improve the travel experience of our motorists” ayon kay MPTC president and CEO Rogelio Singson.

Ayon sa MPTC, bahagi ng loan ang gagamitin sa pagtatayo ng Candaba 3rd Viaduct project.
Idinagdag ng NLEx Corp. na 95 percent na ang completion ng expansion project na inaasahang bubuksan ang tollway bago magpasko.

Ang 5-kilometer (km) toll road na nag-uugnay sa Apalit, Pampanga at Pulilan, Bulacan ay itinayo sa pagitan ng dalawang viaducts na nagpalaki ng road capacity.

“The Candaba 3rd Viaduct also aims to boost socio-economic growth as it facilitates more efficient transport of goods and services” dagdag pa ni Singson.

Noong Enero, binuksan ng kumpanya ang bagong F. Raymundo Exit sa Brgy. Pandayan para sa mga class 1 vehicles at natapos ang pagpapalawak sa northbound exit ramp ng Meycauayan.

Ang bagong exit ay alternate route sa riders na patungo sa Iba/Camalig, Metrogate, Lias, Lambakin, Pantoc, F. Raymundo at Antonio Streets.

Samantala, ang additional lane sa northbound exit ramp ng Meycauayan ay magsisilbi para sa mga motorista patungong Malhacan.

Ngayong taon, P12 bilyon para sa capital expenditures ang inilaan ng Nlex Corp. at kabilang sa mga proyekto nito ay ang NLEx C5 Link Segment 8.2 – Section 1A at ang pagpapalawak ng NLEx Phase 3.

Ang C5 Link project ay isang 2-kilometer toll road na nag-uugnay sa Mindanao Avenue papuntang Quirino Highway sa Novaliches.

Ang road widening project ay mula NLEx San Fernando hanggang Subic–Clark–Tarlac Expressway Spur sa Pampanga kabilang ang paglalagay ng roadway lighting infrastructure at pagtatayo ng Mexico interchange.

(3 buwan matapos ang bagyong ‘Carina’ nanalasa naman si ‘Kristine’)RIVER REVETMENT WALL SA SILANG SA CAVITE, MULING GUMU...
01/11/2024

(3 buwan matapos ang bagyong ‘Carina’ nanalasa naman si ‘Kristine’)
RIVER REVETMENT WALL SA SILANG SA CAVITE, MULING GUMUHO

WALANG LIGTAS sa delubyong dala ng kalamidad matapos na bumigay at gumuhong muli ang river slope protection project o revetment wall sa may Sitio Pasipit sa Brgy. Tubuan 3 sa bayan ng Silang sa Cavite.

Inukab ng bagyong ‘Kristine’ ang loob ng naturang river flood control project noong Oktubre 23 kung saan itinaas ang signal no. 2 sa lalawigan.

Sa post ng dating alkalde na si Atty. Kevin Anarna na nagtungo sa lugar, isang araw matapos ang bagyo, nabatid na tuluyan ng nasira ang revetment wall na pinondohan ng pamahalaan.

“Ito po iyong dating nasira pero ngayon po ay mas lalong lumala ang sira ng river revetment na ginawa lalo pong naukab pagdaan po ng bagyong Kristine kaya very dangerous po talaga ito sa ating mga kababayan na nasa gilid ng ilog” ayon kay Anarna.

Nagkomento naman sa social media ang netizen na si Julie Tolentino hinggil sa ginamit na materyales sa konstruksyon ng nasabing proyekto.

“Kung mapapansin po natin ang ginamit na mga bakal dito sa revetment wall sa Barangay Pasipit ay 9mm lamang at wala ring laman ang loob nito, kung atin pong titingnan grabe po ang pinsala nito sa ating bayan, nakakasakit ng kalooban na wala na sa katwiran ang ginagastos na pera para dito” saad ni Tolentino.

Magugunita na ang lokal na pamahalaan ng Silang sa pamumuno ni noo’y Acting Mayor Ted Carranza kasama si Atty. Erwin Velazco, kinatawan ni Cavite 3rd District Rep. Roy Loyola ay nakipag-ugnayan sa Department of Public Works and Highways 3rd District Engineering Office noong Hulyo upang magsagawa ng imbestigasyon tungkol sa pag-collapse ng ‘Flood Mitigation Structures – Construction of Revetment’ sa Imus River dahil sa malakas na pagragasa ng tubig-ulan dulot ng bagyong ‘Carina’.

Sinabi rin ni District Engr. Ramil Juliano na muli nilang tatasahin (re-assess) ang revetment wall at sinabi sa pagpupulong ng Municipal Disaster Risk Reduction and Management Council na ito ay kukumpunihin ng Prime Pacific Marine and Industrial Services Corporation dahil ito ay nakapaloob pa sa isang taong liability period.

Magtatayo din ng karagdagang drainage outlet upang mapadali ang daloy ng tubig mula sa residential side subalit hanggang sa kasalukuyan ay nakatengga ang nasabing repair sa Imus river ng kontraktor nito.

Samantala, ayon sa Annual Infrastructure Program na nakabase sa General Appropriations Act of 2023, ang naturang revetment wall along Imus river (East and West side) ay pinondohan ng DPWH ng halagang P100 milyon na inimplementa ng Central office at Cavite 3rd District Engineering Office.

Sa status of contracts-report for stakeholder ng ahensya, ang naturang proyekto na may Contract ID no. 22DQ0021 ay nagkakahalaga ng P78,164,460,21 at ‘completed’ na ito noong Pebrero 23, 2022 hanggang Nobyembre 6, 2023.

(Nangakong lalaban sa kaso si Anarna)ALKALDE NG SILANG SA CAVITE DINISMIS NG OMBUDSMANTULUYAN ng dinismis sa pwesto si s...
23/10/2024

(Nangakong lalaban sa kaso si Anarna)
ALKALDE NG SILANG SA CAVITE DINISMIS NG OMBUDSMAN

TULUYAN ng dinismis sa pwesto si suspended Silang, Cavite Mayor Alston Kevin Anarna ng tanggapan ng Ombudsman matapos ihain sa kanya ang dismissal order nitong Oktubre 22.

Sa opisyal na pahayag na inilabas ng Silang, Municipal Updates nabatid na pinatawan ng Ombudsman si Anarna ng parusang pagpapaalis sa serbisyo publiko, kanselasyon ng kanyang eligibility at perpetwal na diskwalipikasyon sa anumang posisyon sa pamahalaan.

Ang desisyon ay nag-ugat sa ilegal na pagbili ng mga bulaklak at ilaw na nagkakahalaga ng P160,000.00 noong Silangueno Ball 2023.

Ang proseso ng pagbili ay itinuturing na ilegal at hindi wasto batay sa COA Circular No. 2012-003 dahil ang mga dokumento ng bidding ay inisyu lamang pagkatapos ng naturang kaganapan.

Ipinakita nito ang simulated bidding at hindi pagsunod sa mga prinsipyo ng kompetisyon at transparency na nakasaad sa 2016 Revised Implementing Rules and Regulations (IRR) ng Republic Act No. 9184.

Sinabi ng Ombudsman na si Anarna at ilang empleyado ng lokal na pamahalaan ay administratibong may pananagutan para sa "grave misconduct" at "serious dishonesty."

Sinampahan rin ng iba pang mga kaso na nauukol sa mga iligal at hindi wastong pagbili kabilang ang mga iregularidad sa pagbili ng pagkain, hindi awtorisadong pagpapaupa ng mga ari-arian ng pamahalaan at nepotismo si Anarna at kapatid nitong si dating Municipal Administrator at BAC Chairperson Nathaniel A. Anarna Jr.

Samantala, sa isang pahayag sa Facebook, sinabi ni Anarna na dapat sana ay bumalik siya bilang Alkalde ng Silang nitong Oktubre 23 ngunit natanggap niya ang desisyon ng Ombudsman na nag-aalis sa kanya at iba pang opisyal ng munisipyo sa serbisyo noong Oktubre 22.

Ayon sa kaniya, kahina-hinala ang tiyempo ng pagpapalabas ng desisyon ng Ombudsman dahil ito ay inilabas sa bisperas ng kanyang inaasahang pagbabalik sa tungkulin matapos ang anim na buwang preventive suspension.

Inihayag din nito na gagamitin niya ang lahat ng legal na hakbang upang labanan ang desisyong ito at makamit ang katarungan.

Nabatid kay Anarna na sumulat siya sa Ombudsman noong Oktubre 17 upang ipahayag ang kanyang mga alalahanin kaugnay ng kanyang kaso dahil bago pa niya matanggap ang desisyon, sinabi na ni Acting Mayor Ted Carranza na may desisyon na ang Ombudsman na ilalabas bago matapos ang Oktubre at hindi na ito makakabalik bilang Alkalde.

“Ang mga ganitong maagang pahayag ni Bise Alkalde Carranza ay hindi lamang nakakasira sa integridad ng Tanggapan ng Ombudsman kundi nagbibigay kulay din sa pagiging patas ng proseso” ayon sa kaniya.

Hindi pa pinal ang desisyon sa kanyang kaso at handa siyang lumaban hanggang sa Korte Suprema, aniya.

“Gusto ko rin pong bigyang-diin na tuloy po ang ating kandidatura bilang Alkalde ng Bayan ng Silang sa darating na halalan sa Mayo 2025 at patuloy po tayong lalaban hanggang sa magbigay ng pinal na desisyon ang Korte Suprema.”

MALAWAKANG BAHA SA BICOL DULOT NG BAGYONG ‘KRISTINE’NARARANASAN ngayon at kahapon ng mga residente sa ilang lalawigan sa...
23/10/2024

MALAWAKANG BAHA SA BICOL DULOT NG BAGYONG ‘KRISTINE’

NARARANASAN ngayon at kahapon ng mga residente sa ilang lalawigan sa Bicol ang matinding pagbaha dahil sa pananalasa ng bagyong “Kristine."

Batay sa ulat ng mga Disaster Risk Reduction and Management Office (DRRMO) mula sa lalawigan ng Sorsogon, Albay, Masbate, Catanduanes, Camarines Norte at Camarines Sur ay lubog na ang ilang mga barangay sa nasabing mga lugar.

Makakaranas ng malakas na bugso ng hangin ang buong Bicol region a buong Luzon ayon sa PAGASA hanggang sa Huwebes, Oktubre 24.

Samantala, sa mga updated post ng ilang netizen sa facebook nabatid na ang Barangay Pangpang at Macabug sa Sorsogon City ay umapaw na ang rumagaragasang tubig sa ilog na gumiba sa revetment wall o river slope protection project samantalang umabot na sa mga bubungan ng bahay ang baha sa San Isidro Elementary School sa bayan ng Bulan.

Inilikas na rin ang mga estudyanteng nangungupahan sa Brgy. Piot dahil sa patuloy na pagtaas ng baha sa lugar.

Sa Barangay Bonbon sa Libon sa Albay ay patuloy na tumataas ang tubig kung saan ilang mga tindahan sa talipapa ang inanod ng baha sa lugar.

Kabilang ang munisipalidad ng Polangui sa naapektuhan ng matinding pag-ulan na lampas-tao ang baha sa ilang mga barangay gaya ng Centro Occidental kung saan matatagpuan ang Bicol University Polangui.

Marami rin ang humingi ng saklolo sa kasagsagan ng pananalasa ng bagyo sa iba’t-ibang barangay kabilang ang mga mag-aaral na nasa kani-kanilang boarding house.

Kaugnay nito, baha na rin sa Naga City maging ang Tertiary National Road sa boundary ng Balaogan at Palsong sa bayan ng Bula sa Camarines Sur ay hindi na rin madaanan ng lahat ng uri ng sasakyan gayundin ang Brgy Sto. Niño bypass Road.

Ang Waras Bridge na nagdudugtong sa Iriga at Baao Camarines Sur ay gumuho at hindi madaanan.

Nag-collapsed rin ang isang kalsada mula sa Barangay Budiao patungo sa Barangay Bañadero sa bayan ng Daraga dahil malakas na ulang dulot ng bagyo ngayong araw, Oktubre 23.

“Sa sobrang lakas ng ulan ‘yung tubig galing sa taas na may kasamang buhangin at dahil malambot na rin ‘yung lupa sa daan madali na lang nasira” ayon sa uploader na si Alvin.

Dahil dito, nagtatanong ang mga residente sa nasabing mga lugar kung epektibo nga ba ang mga flood control structures ng Department of Public Works and Highways (DPWH) Regional Office sa Bicol ngayong sila ay nakakaranas ng matinding baha. (25imedia news)

14/10/2024

ASSISTIVE DEVICES INIHANDOG NI SEN. TOLENTINO SA PWDs, SENIORS

LABIS ang katuwaang nararamdaman ng mga Person with Disabilities (PWDs), Senior Citizens at mga walang ngipin sa bayan ng Silang sa Cavite matapos handugan ang mga ito ng kanilang pangangailangang medical at assistive devices mula sa pondo ni Senator Francis Tolentino nitong Lunes, Oktubre 14.

Ang distribution of free wheelchairs, eyeglasses, free dentures o libreng pustiso at mga gamot ay isinagawa sa lobby ng Municipal Hall sa naturang bayan dakong ala-una ng hapon kung saan ito ay dinaluhan ni Tagaytay City Councilor Michael Miko Tolentino, anak ng Senador kasama ang kanyang kapatid.

Katuwang ng tanggapan ni Tolentino ang Department of Health (DOH) sa naturang distribusyon ay pinakinabangan ng mga residente sa iba’t-ibang barangay ng Silang.
Ayon sa batang Tolentino, ang aktibidad ay kauna-unahan at pangmatagalang programa ng kanyang ama sa buong bansa.

“First time lang ‘to naming ginawa di tulad ng AICS o TUPAD na hindi siya pangmatagalan, iyong mga salamin, pustiso pangmatagalan na, iyan po ang mga proyektong inihain ni Senator Tolentino sa inyo dito sa Cavite” ani Konsehal Tolentino.

Dagdag pa nito, ang nasabing tulong medikal ng senador ay nakarating na sa iba’t-ibang panig ng bansa.

Samantala, sinabi ni Acting Mayor Edward Carranza na ramdam ng mga mamamayan ang serbisyong ibinibigay ng senador sa kanilang bayan.

“Gusto po natin na lalong gumanda ang probinsya ng Cavite, kailangan po natin ang mga representante sa Senado at siyempre po ang pinakamalapit po sa ating bayan, ang Tagaytay City, ramdam na ramdam ng mga taga-Silang ang serbisyong ibinibigay ni Senator Tolentino, sama-sama tayong isulong bayan ng Silang at Cavite” ani Carranza. (25iMEDIA News)

Shout out to my newest followers! Excited to have you onboard! Charm Piadopo Pillo, Romelda M. Caballero, Junil Rabacca,...
07/01/2024

Shout out to my newest followers! Excited to have you onboard! Charm Piadopo Pillo, Romelda M. Caballero, Junil Rabacca, Bernard Conejos Manlangit, Jerwin Ramos Aban, Dondon E. Basas, Rosendo Malana Cantuba, Arnel Bartolay Cañares, Atim Zyra, Rosie Almonte, Marissa Quitoriano, Cherry Rose Surigao Alba, Nikkos Laurio, Xian Basas, Manilyn Povadora, Sean Bacolod, Conie Gallo Alcantara Rodrigo, ブラボー グリンゴ, Nicole Espinas Labastida, FrenzCarl Solasco, Joelville Gonzaga, Marjorie Błäńčä Ałbä, Ydem Euqil, Johnbet Guevarra, Mariel Cababan, Mae Lhan, Grace Bosque, Mark Gil Villamor, Elgemar Manlapaz, Ed Labostro, Marlon Loon Martinez, Cyline Ford KetmarsaysonRoa, Jker Alitap, FireBird Loft, Bing Go, Jane Hara, Lorvie Bandol Ponteras

01/11/2023

Shout out to my newest followers! Excited to have you onboard! Christopher Dela Cruz, Frances Rubiso Anonuevo, Jeric Florenosos, Elben De Vera Jamero, Ler Delacruz Bona Lupague, Nilda Santiago, Estrada Yob Oda, Don Mac Cir, Al Var Ez, Regino DonDon Avila, Ricardo Almerol, Ramel Tojot, Marisel Torres, Honney Bee Cartajena

18/04/2023

TINGNAN! Pinasalamatan ni Vice President at DepEd Secretary Sara Duterte ang kanyang mga tagasuporta sa lalawigan ng Masbate na tumulong sa kaniya noong 2022 national and local elections sa isang pagtitipon dito sa syudad ng Masbate kahapon, Abril 17, 2022.

Address

Poblacion
Makati
02

Website

Alerts

Be the first to know and let us send you an email when BENte singko imedia posts news and promotions. Your email address will not be used for any other purpose, and you can unsubscribe at any time.

Contact The Business

Send a message to BENte singko imedia:

Videos

ASSISTIVE DEVICES INIHANDOG NI SEN. TOLENTINO SA PWDs, SENIORS LABIS ang katuwaang nararamdaman ng mga Person with Disabilities (PWDs), Senior Citizens at mga walang ngipin sa bayan ng Silang sa Cavite matapos handugan ang mga ito ng kanilang pangangailangang medical at assistive devices mula sa pondo ni Senator Francis Tolentino nitong Lunes, Oktubre 14. Ang distribution of free wheelchairs, eyeglasses, free dentures o libreng pustiso at mga gamot ay isinagawa sa lobby ng Municipal Hall sa naturang bayan dakong ala-una ng hapon kung saan ito ay dinaluhan ni Tagaytay City Councilor Michael Miko Tolentino, anak ng Senador kasama ang kanyang kapatid. Katuwang ng tanggapan ni Tolentino ang Department of Health (DOH) sa naturang distribusyon ay pinakinabangan ng mga residente sa iba’t-ibang barangay ng Silang. Ayon sa batang Tolentino, ang aktibidad ay kauna-unahan at pangmatagalang programa ng kanyang ama sa buong bansa. “First time lang ‘to naming ginawa di tulad ng AICS o TUPAD na hindi siya pangmatagalan, iyong mga salamin, pustiso pangmatagalan na, iyan po ang mga proyektong inihain ni Senator Tolentino sa inyo dito sa Cavite” ani Konsehal Tolentino. Dagdag pa nito, ang nasabing tulong medikal ng senador ay nakarating na sa iba’t-ibang panig ng bansa. Samantala, sinabi ni Acting Mayor Edward Carranza na ramdam ng mga mamamayan ang serbisyong ibinibigay ng senador sa kanilang bayan. “Gusto po natin na lalong gumanda ang probinsya ng Cavite, kailangan po natin ang mga representante sa Senado at siyempre po ang pinakamalapit po sa ating bayan, ang Tagaytay City, ramdam na ramdam ng mga taga-Silang ang serbisyong ibinibigay ni Senator Tolentino, sama-sama tayong isulong bayan ng Silang at Cavite” ani Carranza. (25iMEDIA News)

Shout out to my newest followers! Excited to have you onboard! Christopher Dela Cruz, Frances Rubiso Anonuevo, Jeric Florenosos, Elben De Vera Jamero, Ler Delacruz Bona Lupague, Nilda Santiago, Estrada Yob Oda, Don Mac Cir, Al Var Ez, Regino DonDon Avila, Ricardo Almerol, Ramel Tojot, Marisel Torres, Honney Bee Cartajena

TINGNAN! Pinasalamatan ni Vice President at DepEd Secretary Sara Duterte ang kanyang mga tagasuporta sa lalawigan ng Masbate na tumulong sa kaniya noong 2022 national and local elections sa isang pagtitipon dito sa syudad ng Masbate kahapon, Abril 17, 2022.

Shortcuts

Share

Category

Objective of MNF

A weekly newspaper that is a powerful tool that circulates information to people and one of the greatest means of communication between people and the world.