24/10/2023
S T A T E M E N T:
Mga akusasyon ni Mayor Noli Ysidoro kontra kan Former Congressman Ching Veloso, usa nga character assassination ngan pamolitika, sidngon hin usa nga tuminongnong ha Leyte
Waray kamatuoran iton mga akusasyon ni Mayor Noli Ysidoro kontra kan Congressman Vicente Ching Veloso nga iton mga nahihitabo nga pamatay mayada kalabutan ha ira away politika.
Ini in sumala kan Jed Granados, usa nga tuminong ha Leyte.
Sumala kan Granados diri pa kongresista he Atty. Ching Veloso ha ika-tulo nga distrito han Leyte, damo na iton mga nahihitabo nga pamatay ha ika-tulo nga distrito han Leyte.
Sumala pa kan Granados usa nga character assassination o pag guba ha ngaran han anay kongresista iton ginhihimu han alkalde tungod ira ginpipinanigurohan nga diri na ini makabalik ha posisyon.
Diri patas iton ginhihimu ni Ysidoro nga ha kada nala mayada mahihitabo nga insidente hin pamatay o panambush igkakanit pirme ha Veloso.
Tapos gusto la namon klarohon, waray yana ha posisyon he anay Congressman Ching Veloso ngan diri gihapon hiya kandidato. Kun mayada man angay magbaton hiton mga nahihitabo nga pamatay ha bungto han Leyte amo he Mayor Ysidoro tungod nga hiya iton aada ha posisyon ngan iya responsibilidad iton pagsiguro hiton pase orden ha iya lugar.
Nahibaruan nga naatubang hin kaso ha Ombudsman he Mayor Ysidoro tungod hin corruption nga mayada kalabutan ha mga road projects ha Leyte.
Kun mahihinumdum pira nga mga supporters ni anay Congressman Veloso iton ginpatay ngan ginambush gihapon ha bungto han Leyte sugad nala han SK Kagawad nga ginpatay ha Barangay Mataloto, Leyte, Leyte ngada han Oktubre 23, tuig 2023 ngan pagambush kan Kapitan Edgar Dela Rosa han Barangay Baco, Leyte, Leyte dida han Setyembre 24, tuig 2023.
